Post: #1 Title: لما رقصت# ما رقص قلبي معها!!!! Author: زهير عثمان حمد Date: 01-28-2012, 11:26 PM
لمارقصت ما رقص قلبي معها ومرات يقيف مع هزات الكفل الرهيب هي ياناس ما صورة وصوت بس تلفزيون ملون تبارك الخلاق الحواجب أمتداد زي سواد ليلي الطويل داك والعيون أن قلت عيون المها هي أحلي من المهاعيون تسوقك في عوالمي سنين وسنين وتهوه في مجاهلا أنت يا المعيون والنخره زي رأس جبنة الطين والخشيم خاتم سليمان اللي في الحلم علينا حرمان والرقبه ياأنسان ما مرسومه بريشة مبدع وكمان أبدع من فنان وكان شتفوا القوام في الدار يرمح زي مهرة من أصيل الخيل الصدير طامح ياناسي يصد عينيك ومن عواتي الدهر وسيول النيل والشعر يتطاير يعطر الساحه ويجنن الصابر الكان بصبرو متحصن جبيل ما فقد الصبر وقام يبشر ....! وأخ من الحشا المبروم شال صديرا عالي وكفل تقيل ما بقوم وفوقو تعوم بجيدا تهيج مشاعرنا وترجع بكفل تمطرنا بيهو نيران زي مدافع راجما وصورايخ سوركروم تقعد توراي وتضاري منو وتقول يا كريم أجعلا لي من المقسوم كان بالحلال ولا في المنام بالكوم؟! لما رقصت مارقصت الدنيا وكل عالمنا بقي مباهج وتفانين جسوم ورقيص ورواياح ترد الروح لكين ما رقصت *يالله ماسألتك أنا المحروم تقسم لي في الحريم الزيها وحيدة ما أكتر ما الطمع في المتعة يا أنسان بيلحقك الحبان لكين أنتو ما شفتوها كيف رقصت ما هبلتني وجرستني وسرقت منام عنيي وخلتني مجنون بيها ما ألعنك ياالفقرالتعيس بس خليتني ديمة حلمان أه أنا حالي كيف ولمتين يكون الحالُ نفس الحال عذابي وفقران وجربان وكمان في أجمل جنس الحريم طمعان (وقَد نطقَ لِسانُ حالهِ عندما صحي من النوم صمتاً....تحت تأثير الدهشةِ والتعجب،، وفعايل الجنون .....! ما بك يا هذا أنت محروم وهالك لا محال !
Post: #2 Title: Re: لما رقصت# ما رقص قلبي معها!!!! Author: محمد عبد الماجد الصايم Date: 01-29-2012, 07:00 AM Parent: #1
يا الله يا أبو الزهراء .. زاغت منكـ تاني!!
Post: #3 Title: Re: لما رقصت# ما رقص قلبي معها!!!! Author: قيقراوي Date: 01-29-2012, 09:04 AM Parent: #2
Quote: عيون المها هي أحلي من المهاعيون تسوقك في عوالمي سنين وسنين وتهوه في مجاهلا أنت يا المعيون
دي مقروءة مع الجرب الظاهر في نهاية النص .. تقرأ |(تهوهو) يا ابا الزهراء ياخي!
-----
بالجد كدا يا ابو الزهور نص جميل لو ركزت شوية .. ينضح شعرية و موسيقى .. و فكرة و الله جد
براااحة ممكن تحولوا لأغنية .. يا كيف تاتيك العبارة .. و تلجم نفس خيل القصائد
ركز يا ابو الزهور .. ركز في انو تنجز مشروعك الثقافي/الفني/الادبي .. خليك من المشاريع الفاشلة دي عرس بتاع فنيلتك!؟ ببقى ليك بمبي و الله!! و تقعد تتدروش :
كذبت اغنيتي و صدقت الخريف .. ياااااااليتني صدقت اغنيتي و كذبت الخريف
غني و صدق اغنيتك (فغط) لا غير .. المافي شنو!؟
Post: #4 Title: Re: لما رقصت# ما رقص قلبي معها!!!! Author: Salah Abdulla Date: 01-29-2012, 10:12 AM Parent: #3
Quote: كان بالحلال ولا في المنام بالكوم؟!
غايتو أبليس ما قصر ، فاكي ليك حييرتك كل يوم يرسل ليك واحدة من بناتو لغاية ما الله يفك ساجورك ده.
Post: #5 Title: Re: لما رقصت# ما رقص قلبي معها!!!! Author: وضاحة Date: 01-29-2012, 10:16 AM Parent: #4
والله يا الزوز حيرتنا معاك كل يوم فلم ياخى كامل تعاطفى معاك
ملطوشة
Post: #9 Title: Re: لما رقصت# ما رقص قلبي معها!!!! Author: زهير عثمان حمد Date: 01-29-2012, 02:52 PM Parent: #5
وضاحه تحياتي كدي فكري برؤية أنسانية كيف ممكن نحل الوضع دا بدون الجارة أثيوبيا ....!
1
Post: #8 Title: Re: لما رقصت# ما رقص قلبي معها!!!! Author: زهير عثمان حمد Date: 01-29-2012, 02:47 PM Parent: #4
صلاح كيقك تحياتي لكين ما عايزحلال أخوك بدل الموجات العابرة دي
Post: #7 Title: Re: لما رقصت# ما رقص قلبي معها!!!! Author: زهير عثمان حمد Date: 01-29-2012, 02:43 PM Parent: #3
الصديق قيقا
أنت عامل صامد لكين ح تتعب قريب من السك وتقول أخوي أوبالزهراء قال...! المهم اللغة العربية دي الكائن الوحيد اللي محتمل جنون أبوالزهراء وتجلياتو الفريدة
احتمل حسي أنا كويس وصحي كمان
Post: #6 Title: Re: لما رقصت# ما رقص قلبي معها!!!! Author: زهير عثمان حمد Date: 01-29-2012, 02:38 PM Parent: #2
ودالصايم مازاغت مني
Post: #10 Title: Re: لما رقصت# ما رقص قلبي معها!!!! Author: Salah Abdulla Date: 01-29-2012, 06:54 PM Parent: #6
Quote: مازاغت مني
أها الحصل شنو؟؟
Post: #11 Title: Re: لما رقصت# ما رقص قلبي معها!!!! Author: محمد البشرى الخضر Date: 01-29-2012, 07:39 PM Parent: #10
يا سلام عليك يا ابو الزهور و على احلامك و عوالمك المثيرة حتى بت ابليس الهينة دي عندك تطلع سندريلاعديل
Quote: أها الحصل شنو؟؟
اوعك تتدردق ليه يا ابو الزهور اب شنب دا (ليزكها) ليك و قعد
Post: #12 Title: Re: لما رقصت# ما رقص قلبي معها!!!! Author: خضر الطيب Date: 01-29-2012, 08:39 PM Parent: #11
حبيبنا ابو الزهور
انا بحب تجلياتك دى وخاصه لما تكون نابعه من عوالم الدهشه
وجخانين وكرا كير الروح ذي مابقول كيكى العجيب
لكن يابو الزوز فى حاجه جد انا بحسدك عليها واللهم لاحسد
بس انا ظروفى مابتسمح انى اقولا ..لووول
المهم بتكون وصلتك ...
ركز ياحنين
Post: #13 Title: Re: لما رقصت# ما رقص قلبي معها!!!! Author: Salah Abdulla Date: 01-29-2012, 09:06 PM Parent: #12
Quote: اوعك تتدردق ليه يا ابو الزهور
دردقة شنو يا محمد ياخ أنا عايزو يكمل القصة لأنها ناقصة!!
وبعدين يا خضر الناس بتاعين ظروفي ما بتسمح لي وأبوي بيدقني، ومرتي بتقرأ، وعندي لوز ، ديل ما معانا هنا عندك حاجة قولهاطوالي. واللا كمان كان خايف (الجماعة) يقبضوك بالثابتة، كلمنا عشان نخليك.
ده كلو من السياسة (البتتعاطاها) دي.
Post: #14 Title: Re: لما رقصت# ما رقص قلبي معها!!!! Author: خضر الطيب Date: 01-29-2012, 09:36 PM Parent: #13
صلاح عبد الله ياجميل
انت بى هنا وعماد منجضنا بي هناك
انا بقيت بين قوسين الظاهر
احلاهما احلى من التانى
خلى الطابق مستور ياحنين
انا لو باريت ابو الزوز دا بضيع
صدقنى بضيع
والشفره الانا كتبتا بيها ليهو دى برضها نوع من السياسه
بس دى السياسه الدوائيه و دى الظاهر انها مامريحه بالنسبه للاعضاء
البفكو اللعب .. لوووول
Post: #15 Title: Re: لما رقصت# ما رقص قلبي معها!!!! Author: Salah Abdulla Date: 01-29-2012, 10:37 PM Parent: #14
يا خضر ،
الحالة دي أنا قلت ليك (بتتعاطى) السياسة أمال لو قلت عليك (بتتعاطى) حاجة تانية كان الحصل شنو؟؟
--------- بالله سلم لي على أخوي أب شنب الزول ده تقول ودالجيران، الناس دي كلها تقابلو إلا نحن!!
Post: #19 Title: Re: لما رقصت# ما رقص قلبي معها!!!! Author: زهير عثمان حمد Date: 01-29-2012, 11:08 PM Parent: #13
صلاح أخوي كلامك عجبني وعشان كدا الجماعة الليله بس بقروا ههههههه مشفريين عديييل كدا أنت يا خضر الكلام ما معك يا حنين
Post: #17 Title: Re: لما رقصت# ما رقص قلبي معها!!!! Author: زهير عثمان حمد Date: 01-29-2012, 10:46 PM Parent: #12
الحبيب خضر الطيب
تحياتي والله العظيم أمس كنت بقول لشلة الانس الزول دا أسمو جميل خلاص المهم فهمتك يا فنان حمدو في بطنو وأنشالله تكون صداقة عمر وعنواني واضح في السودان الحبيب وأنشالله ترجع لينا بالسلامة لك كل الود
Post: #16 Title: Re: لما رقصت# ما رقص قلبي معها!!!! Author: زهير عثمان حمد Date: 01-29-2012, 10:40 PM Parent: #11
ودالبشري تحياتي منو القوليك أحلامي هينه كدا والله كلفت نص كيلو باسطه وبسبسو ياخي صلاح أبوشنب دا يا زول كويس وأخونا وعندنو أفكار معقوله معي خلي معاي أمكن الفرج يكون علي يدو
Post: #18 Title: Re: لما رقصت# ما رقص قلبي معها!!!! Author: محمد البشرى الخضر Date: 01-29-2012, 10:52 PM Parent: #16
Quote: والله كلفت نص كيلو باسطه وبسبسو
ههههههههههههه والله انت عسل يا ابو الزهور يديك العافية ياخ
