Post: #1 Title: شوفوا حيلة البوشمان في صحراء كلهاري للحصول على الماء Author: فيصل محمد خليل Date: 01-28-2012, 05:37 PM Parent: #0
Post: #2 Title: Re: شوفوا حيلة البوشمان في صحراء كلهاري للحصول على الماء Author: عبدالرحمن إبراهيم محمد Date: 01-28-2012, 06:13 PM Parent: #1
شـــكـرا يـافـيـصـل يـاوضـئ يأخـلاق
ياخـى إنـت الـحـاجـات دى بـتـلـقـاهـا
كـــــيـــف؟؟؟
Post: #3 Title: Re: شوفوا حيلة البوشمان في صحراء كلهاري للحصول على الماء Author: فيصل محمد خليل Date: 01-28-2012, 06:42 PM Parent: #2
تعرف يا صديقي و قريبي البروفسر عبد الرحمن الزول دا عارف االقرد بتاع شمارات و عاوز يعرف اي حاجة فقام ذي ما شفتا حفر حفرة صغيرة وختا فيها حاجة غير معلومة للقرد ووالقرد عاوزيموت عشان يعرف الحفرة فيها شنو. اول ما الزول مشى من جنب الحفرة. القرد طيران لهناك . دخّل يدو و مسك الحاجة الجوا ولكن يدو ما بتطلع وهو ماسك الحاجة الجوا الا يفكها عشان يدو تنبسط و تطلع بس هو ما عاوز يفكها و مكنكش فيها ذي الانقاذين في السلطة. اخون البشماني دا عارف انو لكل قرد مورد ماء سري ما بيعرفو الا القرد. قام رمى ليهو ملح عشان بعد ما القرد ياكل الملح بيعطش شديد بعد داك ما بيهمو الناس تعرف مكان الماء بتاعو و الا ما تعرف لانو بكون عطشان شديد فطوالي بيجري للمورد الماء عشان يشرب
Post: #4 Title: Re: شوفوا حيلة البوشمان في صحراء كلهاري للحصول على الماء Author: أبوبكر أبوالقاسم Date: 01-28-2012, 07:13 PM Parent: #3
فيصل خليل سلامات
محنك دى أصلو ما بتخلِّيها ... لا تكنلوجيا أقمار صناعية لا جهاز استشعار عن بُعد
Post: #5 Title: Re: شوفوا حيلة البوشمان في صحراء كلهاري للحصول على الماء Author: فيصل محمد خليل Date: 01-28-2012, 08:17 PM Parent: #4
اووووو ابوبكر ابوالقاسم ايها الحبيب شوف البطة دي هبلت ليك الضبع كيف البطة عشان تحمي صغاره من الضبع عملت نفسها مجروحة و ما بتقدر تطير و طبعاً الضبع احسن ليهو يستحوذ على البطة السمينة من الفراريج . اها العوير جرى وراها و هي تقع و تقوم لمان دخلت الموية و داك وراها. في اللحظة دي صغارها كانوا وصلوا النباتات الكثيفة الموجودة في الموية واختفوا فيها. والبطة الام لما شعرت بامان ابنائها استعدلت في مشيها و مدت للضبع الصباع الفي النص
تحياتي
Post: #6 Title: Re: شوفوا حيلة البوشمان في صحراء كلهاري للحصول على الماء Author: فيصل محمد خليل Date: 01-29-2012, 09:36 AM Parent: #5
شوفوا الحيوانات سكرت كيف بعد ما اكلوا الثمار المخمرة . الفيل الكببر دا قلبو يقوم والقرد في االيوم التاني كانت بايت معاهو, سمحنين شديد االلهجة . الكلام برضو دا في ارض البوشمان
Post: #7 Title: Re: شوفوا حيلة البوشمان في صحراء كلهاري للحصول على الماء Author: فيصل محمد خليل Date: 01-29-2012, 05:13 PM Parent: #6
في قرية حالمة من قرى البوشمان كانت الحياة تسير في هدوء وامان. وفجاة انقلب الحال وكل ذلك بسبب قرورة هبطت من السماء . قرورة كوكا كولا قذف بها احدى الطيارين من نافذة الطيارة وهي فارغة . احتار اهالي القرية لماذا ارسل لهم اللة من فوق السماء تلك القرورة . وبعدين ح نشوف كيف نشبت المشاكل من وراء هذه القرورة
Post: #8 Title: Re: شوفوا حيلة البوشمان في صحراء كلهاري للحصول على الماء Author: فيصل محمد خليل Date: 01-29-2012, 06:46 PM Parent: #7
فى البدايات الشئ الوقع من السماء كان مصدر ضحك و ترفية لان جدهم كان بيعمل بيها حركات تضحك ابنائهم. ولكن سرعان ما تبدل الموقف حينما استعملت القزازة كمطرقة لطرق وصنع الماكولات . تنافس اهل القرية في امتلاك القزازة مما ادى الى نشوب معارك بينهم الشئ الذي معهود بينهم . استعملت القزازة في معاركهم مما ادى لايزاء الكثير منهم . غضب الجد من هذا الكائن الذي عكر جوّهم . حاول ارجاع القزازة الى السماء من حيث اتت ولكن بات محاولاته بالفشل بل سقطت القارورة على راس حفيده. استغرب الجد من من مدبر امورهم في السماء لانه كان دائماً شفوقاً حليماً بهم . حاول دفن مصدر المصيبة ولكن الاقدار اتت بالضبع الذي اشتم رائحة القارورة و اخرجها من تحت التراب . اها في ولد من اهلنا ديل جي ماشي بهناك ولقى القزازة وحصلت مشكلة بينو و بين اخوه. المهم جدهم قرر ان ياخد القارورة الى نهاية الدنيا و يقيف في الحافة ويرميها . وح نشوف
Post: #9 Title: Re: شوفوا حيلة البوشمان في صحراء كلهاري للحصول على الماء Author: فيصل محمد خليل Date: 01-30-2012, 06:18 PM Parent: #8
ذي ما قلنا زولنا قرر يرمي القزازة خارج الكرة الارضية ومشى يفتش حافة الدنيا عشان من هناك يرميها . اها وهو ماشي كايس اخر الدنيا عطش و قعد يفتش جزر نبات معروف لديهم بيكون مخزون فيهو سائل بيشربوا منو و يرتوا . قعد يقلع في الجزر و رمى القزازة جنبو . في الوقت دا جاء قرد خطف القزازة و طلع بيها الشجرة . اخونا جرى وراء القرد و قال ليهو رجع القزازة دي لانو بتعمل ليك مشاكل مع اخوانك . القرد قام رمى القزازة فقام اخونا قال ليهو خير ما فعلت و هذا تصرف حكيم منك .