عاجل: قرارات هامة من رئاسة الجمهورية..!!!

البوست على مسئولية القارئ ...!!

واسير فيه على خُطى أُستاذي هشام هباني (آل عتباني)

ومن اراد منكم ان تثكله أُمه
ويُرمل زوجته ويُؤتم ابناءه(إسفيرياً)
فليسالني عن المصادر

المصدر

Quote: المصدر

اخرج حتى لا أُخرجنك بالقوة ..!!

اخبرني (حالم) طلب ذكر إسمه ... ورفضت انا
فإسمه ربما (يقينياً) سيُضعف البوست ..
اخبرني هذا الحالم ان الرئيس
أقصد السيّد الرئيس (س) يصدر عدد من القرارات الهامة
أهمها : حل البرلمان والحكومة (بدون إعلان حالة طوارئ)
وبدون وعد بإنتخابات مبكرة
وإعادة هيكلة الدولة إلى خمس اقاليم
الشمالي ..الشرقي ...دارفور ..كردفان ..الاوسط
وخمس حُكام للاقاليم (لم يتم تحديد كونهم مدنيين ولا عسكريين)

Quote: وإعادة هيكلة الدولة إلى خمس اقاليم الشمالي ..الشرقي ...دارفور ..كردفان ..الاوسط وخمس حُكام للاقاليم (لم يتم تحديد كونهم مدنيين ولا عسكريين)

طيب يا مولانا ..
والخرطوم؟؟؟
الزول الحالم دا ما جاب خبرا ؟؟؟
وعبدالرحمن الخضر يطير وين يعني ؟؟

Quote: طيب يا مولانا .. والخرطوم؟؟؟ الزول الحالم دا ما جاب خبرا ؟؟؟ وعبدالرحمن الخضر يطير وين يعني ؟؟

الخرطوم يا فتحي حتبقى (العاصمة) DC
وعبدالرحمن الخضر جاييك ليه

و قوش سفير في تشاد
لبناء كوخ هناك لسيده البشير
خوفا من قوات الردع

Quote: و قوش سفير في تشاد لبناء كوخ هناك لسيده البشير خوفا من قوات الردع

Kostawi
مُداخلتك دي (رفد) للبوست
ولا (رفد) لي من الـ ..!؟؟!

الأخ أحمد موسى

تحياتي - بوستك دا ذكرني واحد بلدياتنا في لقاء عام ذكر مسئول محلي قائلاً أنه قد صرف نثريات قدرها كدا !!!
زولنا قام وسط الجماعة وقال ليه كلام دا ما صاح ياهو السفر ما بين البلد والمدينة الفلانية دي بكلف قدر دا نحن ما عندنا قنابير يا زول إنت حرامي !!! والزول زعل ونزل من المنصة وقال تاني ما برجع إلا الزول دا يسحب كلامه دا !!! والجماعة لموا ليك في عمك يا زول يا أخي أسحب كلامك دا ولا الزول تاني ما برجع بتكلم ونحن عندنا مواضيع كتيرة عايزين نعرف تفاصيلها !! أهـ عمك الجماعة ضايقوهو بالحيل إلا يسحب كلامة وهو أصر علي عدم سحب كلامة !! وف يالحقيقة هو ذاتو ما عرف سحب الكلام بتم كيف وأصر الزول حرامي !! المهم الجماعة حاصروهو شديد فإنفجر هو سحب الكلام دا كيف يعني !! قالوا ليه يعني تقول كلامك دا إت ما قاصد بيه كدا والخطأ مرجوع وعمك مسك المكرفون وقال ليهم مش كلامي دا !! أنا ياهو ( بصوت وحركة باللسان للوراء ) فإنفجر الجميع بالضحك!!

غايتو كان عصفورتك دي يا محمد حريفة في حتة الست ولايات دي نحن معاك فيها !! لكن ما في ناس بتجهجهو يا أخي !!

بحيراوي

Quote: وف يالحقيقة هو ذاتو ما عرف سحب الكلام بتم كيف وأصر الزول حرامي !!

Quote: وعمك مسك المكرفون وقال ليهم مش كلامي دا !! أنا ياهو ( بصوت وحركة باللسان للوراء ) فإنفجر الجميع بالضحك!!

غايتو يا بحيراوي شرقتني بالضحك
انا والعصفورة وقرررربت تطير من شدة الضحك
ولو طارت كان الضحك شرطنا
غايتو ..!!!

Quote: الشمالي ..الشرقي ...دارفور ..كردفان ..الاوسط

أول مرة أشوف لي بلد ما فيها جنوب


غايتو مع البشير وخاله , مش حتقدر تغمض عينيك .

شوف ... Sudaneseonline دي ما تتجاهلها
اها لو بوست عاجل: قرارات هامة من رئاسة الجمهورية..!!! ده طلع صحيح
تقوم تلاقيني نواحي (الفشقة) عشان (تكسحون) وكدة
لحدي ما الأُمور تترتب ونشوف البحصل شنو .؟؟

Quote: أول مرة أشوف لي بلد ما فيها جنوب

تااااااااني معاوية الأرباب جاب (سيرة الجنوب) ..!!!

تحياتي اخي احمد
والله القرارات الهامة التي ذكرتها اقرب الي الواقع
وهناك حقائق لوجستية تدعمها منها المذكرات التصحيحية
ومنها الربيع الاخواني العربي حيث جاء هذا الربيع بقيادة اخوانية ولكن في الوقت نفسه بمشاركة الاطياف كلها ففي تونس
رئيس الدولة علماني وفي مصر التي ينعكس تاثير ما يجري فيها مباشرة علينا هناك قبول بالآخر علمانيا ليبراليا سمه ما شئت
اذا ما اصرت الانقاذ علي السير بنموذجها القديم ففي ذلك اساءة للتجارب الاسلامية الوليدة وابحار ضد التيار
اذن لا بد من فرقعة اعلامية تجدد الدم في الانقاذ وسط محيط محبط من الفساد وتمرد المؤتمر الوطني نفسه

Quote: تحياتي اخي احمد والله القرارات الهامة التي ذكرتها اقرب الي الواقع وهناك حقائق لوجستية تدعمها منها المذكرات التصحيحية ومنها الربيع الاخواني العربي حيث جاء هذا الربيع بقيادة اخوانية ولكن في الوقت نفسه بمشاركة الاطياف كلها ففي تونس رئيس الدولة علماني وفي مصر التي ينعكس تاثير ما يجري فيها مباشرة علينا هناك قبول بالآخر علمانيا ليبراليا سمه ما شئت

اهااااا يا الشامي أخوي وكت جابك الدرب
انا لي كم يوم بفكر ...
إنو (الغرب) صار هو المُسيطر على إعادة تشكيل الخارطة بالشرق الاوسط
مع قبول (مُنكسر) من الدول العربية والاسلامية
ليبقى السؤال : هل الغرب داير انظمة علمانية وازاحة الانظمة الاسلامية
ام يريد تحويل الانظمة الاسلامية الى علمانية مع الحفاظ عليها ؟

،،،،،،،،،،،،،،،
طلعا السؤال ده شعر عصفورتي ماعندها ليه رقبة ...!!!

ا

Quote: ام يريد تحويل الانظمة الاسلامية الى علمانية مع الحفاظ عليها ؟

كما تعلم اخي احمد ان العلاقة بين الاسلاميين والغرب ليست علاقات وليدة هذه الظروف
وانما علاقات راسخة امدت لاكثر من ستين عاما طيلة بقاء الامبراطورية السوفيتية حيث
الحرب البارد وصراع النفوذ اذ كان الاسلاميون هم راس الرمح في مواجهة التمدد الشيوعي
ولكن بعد انتهاء الحرب في افغانستان بانهيار النظام الموالي لموسكووخروج الروس بدات العلاقات تنتكس
واختطفها بن لادن ليجعل الجفوة عامة بين الامريكان والاسلاميين

الربيع العربي صناعة امريكية للفصل بين المعتدلين وبين المتشددين من مدرسة بن لادن وما شاكلها او ما هو قابل لان
يحييها من جديد مثل السلفيين وهذا واضح من الاتصالات الامريكية مع اخوان مصر دون سلفييها
فالاخوان بيد سحرية تحولت شعاراتهمم الي الليبرالية التي اشرت اليها وهم يميلون الي التحالف والتقارب
مع الليبراليين اسياد الاسم حتي لا يخسروا الامريكان مرة اخري كما ان امريكا حريصة علي ان يتمسك الاسلاميون بمزيد
من التوجهات الليبرالية...... والامور تسير في هذا الاتجاه

وماقال حاجة عن التوتوكورة؟

Quote: وماقال حاجة عن التوتوكورة؟

دي اهم حاجة عشان نلحق نغلب بوركينا فاسو ونتأهل للدور التاني

Quote: دي اهم حاجة عشان نلحق نغلب بوركينا فاسو ونتأهل للدور التاني

فاضلابي ما تخليك قصير نظر ياخ :)
نحن دايرين نلحق الربيع العربي
ونتاهل للنهائيات ...
مع ودي

Quote: وماقال حاجة عن التوتوكورة؟

قلقو
شكلها دي حتكون نهاية القصة ...
تبدأ باعادة هيكلة وتنتهي بالتوتوكورة

اهاااااا ...بحسب التسريبات حتكون الخكومة رشيقة جداً
وزير دفاع ...وزير خارجية ... وزير داخلية ... وزير مالية واقتصاد وطني وزير تنسيق شئون اقاليم ونائب رئيس
بقية الوزارات حتنزل للأقاليم