ال المحرب وبورداب الرياض ..... شكراً

اصالة عن نفسي ونيابة عن اسرتى الصغيرة نتقدم اليكم جميعاً بجزيل شكرنا على كرم الضيافة وحفاوة الاستقبال وسعدنا حقاً بمعرفة زملاء اعزاء كرام .
خالص الشكر والتقدير لكم مرة اخرى
ال المحرب والله انا فترت من شكركم
اسف جدا سوف اعود بعد اخذ راحة من عناء السفر

حمد لله سلامة يا مواطن

عملت لى شنو فى الوصية

يا ابو عمر حمد الله على سلامة الوصول

الله يسلمك ويسلمكم كلم يا ام احمد
لم يفوتني طبعاً ان اتصل على ابو أحمد اول ما وصلت جدة قرب صلاة المغرب (بتوقيت مكة) علشان اكلمهبس الظاهر انه التلفون كان بعيد منه
ود الصائم بجيك راجع بس مبدئياً كدا الزول مافي ، مالقيتو مع انه سالت منو سؤال الضهبان، كدي خليهو يظهر وبعدين بوريك الحاصل

اخي محمد عمر

كنت في شوق لان التقيكم


ولكن لم اكن بالرياض ساعة وجودكم

عموما نسال الله ان يجمعنا قريبا


تحياتي للاسرة

اخونا أبو عمر سلام

تشرفنا بي معرفتك و سعيد جداً بالساعات التي جمعتنا بك

حمداً لله على سلامتك و الأسرة الكريمة و التحايا ليهم


تحياتي و إحترامي

ابننا العزيز محمد عمر سعدنا بكم انت والمدام بوجودكم معنا
واتمنى ان تكونوا انتم كذلك والحمد لله على سلامة الوصول
انا كنت خايف عبد الله ود البوش يسحرك لكن الحمد لله ماحصل شى

الاخ محمد عمر تحياتى و حمدلله على السلامة

تشرفنا بمعرفتك و سعدنا بلقائك
و نشكر لك حضورك و مشاركتك


والتحية لاسرتك الكريمة

أحمد العمار

بزيارتك فرحنا وإزداد السعد .إنت ما زولاً أصيل ودبلد.

ليلة كانت جميلة طاعمة .فى إستراحة شهد.

أل المحرب هم ومن يأتوا من جهتهم كرام أفاضل ذو معشر.

ألف حمداً لله على سلامتكم..

سعدنا جدا بمقابلتك ونأسف لأن وقتك كان قصيرا ولم نقم بواجب الضيافة

لنا لقاء آخر بكم بحول الله

معليش يا جماعة نبدأ بالريس
نشكرك استاذ جلال وماقصرتو وان شاء الله الرياض دائماً عامرة بكم
الاخ ود الباوقة
والله سالت عنك وقالوا لي مشيت الطائف؟ خير ان شاء الله؟ الجايات اكتر من الرايحات
ابو الحسين
يااخي انا الاسعد بمعرفتك ومعرفة اسرتك الكريمة

Quote: انا كنت خايف عبد الله ود البوش يسحرك لكن الحمد لله ماحصل شى

اب احمد
ياخي ود البوش دا زول طيب جداً ، ياخي انا وياهو ضحكنا ضحك لمن انحرجت ، غايتو تاني لو في اي ملم ما بقعد جنب ود البوش.

الاستاذ احمد العمار
نحن الاسعد بهذه الزيارة وهذه الاحتفائية وبمعرفتكم
سمعة
والله الواحد لو ما عمل اي حاجة في الرياض غير انه قابلك يكون كسبان، سمعت كتير عنك بس ليس من رأى كمن سمع
تحياتي لكم جميعا

محمد عمر الفكي روعة تمشي علي الارض تواضعا
ياخي باختصار شديد جدا خوتك تتمنى والى الابد
.
.
.
.
وبصراحة انا كنت اناني جدا آثرت بك على البورداب لخصاصة في نفسي
شكرا أخي محمد عمر
شكرا اسرتي الثانية أل المحرب
وعلي دروب المحبة نلتقي

والله اسعدتنا بلقائك وتشرفنا بمعرفتكم ع ارض الواقع،،

زيارات من هذا العيار كفيلة أن تزيد من أواصر الصداقة
والمحبة بين الأعضاء ،،

سأعمل بنصيحتك واغير الصورة ، وياريت تكلم ناس الرياض
ديل،،

يا ود البوش
غايتو يا ود البوش طربيزتنا دي لو جاها ود الصائم وود الباوقة بتكون ناقصة وتمت.
يا ابو خالد
غير الصورة وتاني لما تجي لتجمع زي دا قول للاولاد في البيت (اعمامنا في سودانيز اون لاين عازمني)
تحياتي

الاخ محمد الف حمدا لله على سلامة الوصول

وبالجد سعدنا وتشرفنا بي معرفتك انت واسرتك الكريمة

تحياتي للاخت ام عمر وتحية من منوية لي وفوية

وإن شاء الله دايما ملمومين في الخير

الاخت سامية
يصل سلامك يباذن الله وتحياتي لك وللاسرة الكريمة ولـــ (بتاع المشاكل) ولميسي