Post: #1
Title: .. محمد عطا قمر .. رجل من طينة أخرى ...
Author: منتصرمحمد زكى
Date: 01-26-2012, 01:16 PM
Parent: #0
لشهور ظل الغفير الستيني بورشة السكة حديد يتعامل معه
كواحد من العمال .. لتواضعه الجم .. ملبسه البسيط ودراجته
الكحيانة عديمة الرفارف .. :( محمد عليك الله جيب معاك موية )
.. ( محمد إتنين شاي بالله ) .. وكثيرا ما يشاهد وهو يحمل (الأستبة) في يده ذات يوم كان (س) ويعمل في وظيفة ملاحظ يجلس بجانب الغفير فمر بهم محمد في طريقه إلى البوفيه وحياهما من بعيد فصاح الغفير بكل عفوية :محمد عليك الله إتنين شاي معاك .. إندهش الملاحظ لجرأته وسأله: كيف تقول ليهو جيب معاك شاي ؟
فرد عليه الغفير: مالو ياخ ما ولدنا ..
الملاحظ: إنت عارف الزول ده وظيفتو شنو؟
الغفير: أيوا عامل (طلبة) .
الملاحظ: الزول ده مهندس ورئيس قسم كمان
عندها فاضت دموع الرجل الستيني من بين دهشته .. ليس خوفا بل إعجابا وحبا في تواضع رجل من طينة أخرى ...
|
Post: #2
Title: Re: .. محمد عطا قمر .. رجل من طينة أخرى ...
Author: منتصرمحمد زكى
Date: 01-26-2012, 08:57 PM
Parent: #1
علمت أن محمد عطا من الأخوان الجمهوريين
ولا ينقص ذلك من تواضعه وزهده مثقال ذرة ...
|
Post: #3
Title: Re: .. محمد عطا قمر .. رجل من طينة أخرى ...
Author: عبدالله عثمان
Date: 01-26-2012, 11:12 PM
Parent: #1
كتب الأستاذ شوقي بدري:
نحن لسنا من الجمهوريين . و لكن نعرف أنهم كانوا اذا وظفوا في عمل أعطوا اكثر من أجرهم . و اذا وعدوا اوفوا . و اذا استأجر الجمهوري منزلاً أو متجراً و طالب المالك بخروجه ، يخرج مباشرةً و يقول : لا اسكن في دار مالكها ليس براض عني . لم نر اخت جمهورية أو اخ جمهوري مبتذلاً أو خليعاً او مطارداً للنساء أو محباً للمال. و لم نر منهم سوى العفة و الامانة والصدق . و كانت كلمة النقاء هي طابعهم .
http://www.sudaneseonline.com/articles-action-show-id-16702.htm
|
Post: #4
Title: Re: .. محمد عطا قمر .. رجل من طينة أخرى ...
Author: عبدالله عثمان
Date: 01-26-2012, 11:20 PM
Parent: #3
وفي ترحيبه بالأخ عماد بشرى كتب الأستاذ شوقي أيضا:
حبابو عماد ... يا محمد عبد الرحمن العافيه اول ما قريت البوست ده فى الصباح قلته اطالبك بسحب كلمه جميل . لانه الحقيقه ما شفنا ولا سمعنا بجمهورى ما جميل تقول بنجروهم من الصندل . وقبلهم وحدهم ما بشبهوا الناس الثانيين لا بعرفوا مهاترات ولا لؤم ولا جشع ولا خباثه او مكر او حقد وقد يكون هذا سبب حسدنا لهم . والله يعلمنا منهم...زالتحيه ...
شوقى ...
(جمهوري ) جميل ..افتحوا له الابواب كيفما يشاء ..ورحبوا به
|
Post: #5
Title: Re: .. محمد عطا قمر .. رجل من طينة أخرى ...
Author: منتصرمحمد زكى
Date: 01-26-2012, 11:52 PM
Parent: #4
الأخ عبد الله عثمان
التحية والتقدير
شكرا كتير على الصورة ...
|
Post: #6
Title: Re: .. محمد عطا قمر .. رجل من طينة أخرى ...
Author: Mohamed Gadkarim
Date: 01-27-2012, 00:30 AM
Parent: #5
الأخ منتصر محمد زكى
تحية وتقدير للمهندس محمد عطا قمــــــر، وهو حقيقة قمة فى التواضع حتى قبل أن يكون جمهورى.
الأخوان الجمهوريين ـــ ناس أفاضل ، دربهم الأستاذ الشهيد محمود محمد طة، ورباهم خير تربية، فلهم جميعا التحية أينما كانوا.
|
Post: #7
Title: Re: .. محمد عطا قمر .. رجل من طينة أخرى ...
Author: عبدالله عثمان
Date: 01-27-2012, 01:46 AM
Parent: #6
الله يبارك فيك يا أخ منتصر محمد زكي
تعرف محمد عطا قمر من زمان عندو شغلانية يخدم الناس ويجيب الشاي دي
الصورة المرفقة دي عمرها أكثر من 30 عاما عندما كان محمد طالبا في كلية الهندسة جامعة الخرطوم وهو يخدم الشاي في بيت الأخوان الجمهوريين "ب"
رجاء ابلاغه تحياتي زعبره لكل أخوان أتبرا التي قال عنها الأستاذ محمود أن مقابرها مقابر شهداء الرزق الكفاف واللهم أجعل قوت آل محمد الكفاف
الصور التانية دي هدية لكل آل أتبرا: الأستاذة فاطمة حسن مربية الأجيال لها التحايا
والمنشدان الجمهوريان الأستاذ هاشم فتح الرحمن الحسن وصديق عبدالله علي من أعضاء فرقة إنشاد عطبرة ينشدان في حضرة الأستاذ محمود
|
Post: #8
Title: Re: .. محمد عطا قمر .. رجل من طينة أخرى ...
Author: طلعت الطيب
Date: 01-27-2012, 02:07 AM
Parent: #7
سلام يا منتصر
لو قلت فى عطبرة محمد عطا قمر يمكن ما يعرفوه
كان مشهور ب (زروق)
فعلا انسان من طينة نادرة
اعتقد انه التزم كجمهورى فى سنته الثالثة بكلية الهندسة، وهو انسان من صغره طيب السيرة والسريرة
كان محبوب جدا ليس فى حى الامتداد الشرقى فقط بل فى كل المدينة
|
Post: #9
Title: Re: .. محمد عطا قمر .. رجل من طينة أخرى ...
Author: عبدالله عثمان
Date: 01-27-2012, 02:50 AM
Parent: #8
سلام يا أستاذ طلعت الطيب
عندنا في أتبرا برضو محمد زروق الشيخ ومشهور باسم زروق .. (كان لاعب كورة مشهور في فريق السكة حديد كوستي لكن هو اصلا من عطبرة) .. فهل يا ربي حصل خلط بين الإسمين ولا فعلا محمد عطا برضو اسمو زروق ... من اصدقاء محمد عطا قمر اللصيقين جدا بيهو في اتبرا الأخوين عاصم سيد شاهين (يعرفه البعض ياسم عابدين) وكذلك الأخ عصام محمد طاهر - شقيق بابكر محمد طاهر -
الصورة المرفقة لعمنا الراحل سيد شاهين - كان ترزي بعطبرة -
واللي بعدها لإبنه عاصم سيد شاهين مودعا الأستاذ محمود في اليوم الذي اعتقل فيهو الأستاذ محمود الإعتقال الأخير
|
Post: #10
Title: Re: .. محمد عطا قمر .. رجل من طينة أخرى ...
Author: منتصرمحمد زكى
Date: 01-27-2012, 08:06 PM
Parent: #9
محمد جاد كريم
التحية والتقدير
| Quote: تحية وتقدير للمهندس محمد عطا قمــــــر، وهو حقيقة قمة فى التواضع حتى قبل أن يكون جمهورى. |
شاكر مرورك ...
|
Post: #11
Title: Re: .. محمد عطا قمر .. رجل من طينة أخرى ...
Author: منتصرمحمد زكى
Date: 01-27-2012, 10:06 PM
Quote: لو قلت فى عطبرة محمد عطا قمر يمكن ما يعرفوه
كان مشهور ب (زروق) |
ده كلام صحيح
وأكد المعلومة صديقه عامر مصطفى أبو عمار من أبناء حي الإمتداد الشرقي ...
لك التحية أخي طلعت
|
Post: #12
Title: Re: .. محمد عطا قمر .. رجل من طينة أخرى ...
Author: منتصرمحمد زكى
Date: 01-27-2012, 10:26 PM
Parent: #11
الأخ عبدالله عثمان
تحية وتقدير
إسم زروق منتشر في أتبرا وكثيرا ما يطغى على الإسم الحقيقي
شكرا على دعمك للبوست بالصور النادرة ...
|
Post: #13
Title: Re: .. محمد عطا قمر .. رجل من طينة أخرى ...
Author: عبدالله عثمان
Date: 01-28-2012, 01:21 AM
Parent: #12
تشكر يا أستاذ منتصر محمد زكي
اتذكر - على ما أعتقد - لاعب اظنه من اتبرا لعب فترة قليلة للهلال العاصمي اسمه زروق - هل هذا صحيح؟؟
دة ايام المريخ عندو "حموري"
تحياتي لمحمد عطا قمر "زروق" ولجميع ناس اتبرا
سلام كبير
|
Post: #14
Title: Re: .. محمد عطا قمر .. رجل من طينة أخرى ...
Author: منتصرمحمد زكى
Date: 01-28-2012, 10:38 PM
Parent: #13
| Quote: اتذكر - على ما أعتقد - لاعب اظنه من اتبرا لعب فترة قليلة للهلال العاصمي اسمه زروق - هل هذا صحيح؟؟ |
بحثت عن المعلومة في منتديات الهلال وحصلت على الآتي:
| Quote: وهناك زروق القادم من عطبرة ايام قله الكبير وهو الذي احرز هدف الهلال في الزمالك في البطولة الافريقية وكانت المباراة بالقاهرة وانتهت 1/1 ولكن انهزم الهلال في الرد 2/1 وكان يلعب ظهير ايمن |
خالص تحياتي
|
|