لصوص الانقاذ يهزمون حتى فرص الوحدة المستقبلية (بلد بلا وجيع)

آخر ما حملته الاخبار ان دولة جنوب السودان قررت توقع عقد لبناء خط انابيب ناقل للبترول عبر الموانئ الكينية. تم هذا تحت ضغط شرس من لصوص الانقاذ و نهب مستمر لبترول دولة جنوب السودان.

و الله السودان دا بلد مسكين و بلا وجيع على اليمين العملوها الكيزان دى لو سوها فى بلد تانى ما كان قعدوا ياكلوا الكسرة للصباح.

بعد ما خرّبوا البلد و اجبروا الجنوبيين على اٍختيار الانفصال، قلنا مافى مشكة لازالت هناك من الروابط الثقافية و الاجتماعية و الاقتصادية كمان و هى الاهم ممكن تخلق فرص لاعادة توحيد البلاد فى المستقبل، فاذا بهم يلاحقهم هذه الروابط الواحدة تلوى الاخري و يقطعونها باصرار عنيد على التخريب.

بكري صالح :
و الله السودان دا بلد مسكين و بلا وجيع على اليمين العملوها الكيزان دى لو سوها فى بلد تانى ما كان قعدوا ياكلوا الكسرة للصباح.
-------------------------------------------------------------------------------------------------------------------------
لماذا قعدوا ، يا ترى ؟
سلطة مجدوعة في الواطة ليها زمن ومافي واحد قادر يرفعها
سلطة ماتت من زمن ومافي واحد قادر يهيل على جثتها التراب

الوحدة الوطنية فى كل دول العالم قضية مقدّسة و قدسيتها من قدسيتها من قدسية الوطن ذات نفسه. فما بالنا نحن فى السودان تتحكم عصابة صغيرة فى بلدنا تمزّقها شر تمزيق و لازلنا نتفرّج، بل بيينا من يؤيدها، دا شنو دا؟ لماذا هنات هذه البلاد على اهلها لهذه الدرجة؟. وين الغناء الكتيرة بتاع بلدنا و طنا شنو؟ مشي وين كلو؟.

وصلتنى مساهمة ممتازة عن طريق الايميل من الصديق زميل المنبر حيدر الزين اناده نصها:

Quote: قريت بوستك بعنوان لصوص الانقاذ يهزمون حتى فرص الوحدة المستقبلية (بلد بلا وجيع) قبل قليل وكلام حقيقي في مجمله واتفق معك فيه عن هؤلاء اللصوص وفي نقطة ارجو انك ما تغفلها واديها جانب في كلامك انه يا صديقي مش انه اللصوص ديل نسفوا وبينسفوا في اي امال لوحدة مستقبلية بعد يتنكسو من البلد دي بل شوف معاك ايضا المسألة الاقتصادية المترتبة على تعنتهم وتهورهم وجعجعتهم الفارغة مما دفع الجنوب لتوقيع اتفاقية بناء النفط فغير انه ايجار نقل النفط الجنوبي عبر السودان ليهو فائدة اقتصادية للشمال ولو كان بالسعر العادل العالمي المتوازن ما تنسي الموارد الاهدرت في بناء خط الانابيب وانه بسببها وبسبب شفقتهم على البترول اهملوا مشاؤيع اقتصادية كبيرة ليها جزء مقدر في الدخل القومي السوداني مثل الجزيرة والنيل الابيض وغيرها فكلفت هذه الخطوط خزينة الدولة وارهقتها وكما زادت من اعباء الديون الخارجية وحملت اجيال قادمة لديون ستدفعها لسنوات دا طبعا بالاضافة انه ماتنسي قطاع كبير جدا من السودانيين والشباب السوداني بني مستقبله على العمل في قطاع البترول سواء شركات او مصافي او غيرها وبعضهم فتحوا ليهو كليات النفط وهندسة ايه ما تعرف وفي النهاية حا يتخرج بشهادة ومافي ليها مجال الا يشتغل سباك كثير من الاسر السودانية حا تضرر بالتعنت بتاعهم دا لفقد قطاع اصبح حيوي في الفترة الاخيرة ورغم انهم ما بيهموهم الاسر ولا عطالة الناس ولا معاناتهم لكنها مناسبة انه الزول يذكر الناس انه: لماذا حتي الآن يجلس هؤلاء؟؟؟! على وزن من اين اتي هؤلاء

سوف ارجع لمداخلة حيدر الزين تمنياتى بعودتك الى المنبر قريباً.

Quote: لماذا قعدوا ، يا ترى ؟ سلطة مجدوعة في الواطة ليها زمن ومافي واحد قادر يرفعها سلطة ماتت من زمن ومافي واحد قادر يهيل على جثتها التراب

و الله يا ابو ساندرا ما عارف اقول ليك شنو؟ انا كنتا فاكر الاوطان دى عزيزة على اهلها، و دا ظنى عن كل بلدان العالم. لكن الشايفوا فى السودان يقدم نموذج مختلف خالص خالص. خليك من موضوع اٍزالتهم، حالياً تجد من يناصرهم بعين قوية فى المنبر دا فى الشارع و فى الصحافة و اى مكان ممكن تقول لى السبب شنو؟ هل روابط المصالح الطبقية و الاجتماعية ولا الحكاية شنو، اكلتنا الحيرة يا صديق، اٍحترنا و اٍحتار دليلنا.