الجنسيه السودانيه في سوق امدفثو جمال الوالي سمسارا

في زمن المهازل اصبحت الهويه السودانيه والجنسيه تباع في الاسواق ودور الرياضه بالامس تنازل الحضري عن الجنسيه السودانيه بعد مفاوضات مع نادي المريخ وجمال الوالي كانما جمال الوالي هو من يصدر الجنسيه وهو المسؤل عن سحبها
هاهي الاقدار تعبث بهويتنا في زمن تتهافت فيه شخصيات نكره لانعلم من اين اتوا اصبحوا يقررون في هويتنا ويبيعوا فيها لمن هبه ودبه . فليذهب جمال الوالي وامثاله الي اسواق الحمير حيث مبداهم ومنهاهم. وليتركوا جنسيتنا عزيزه مكرمه .

تعليق منقول من الراكوبه

ياسلام ياجمال الوالى والله انجاز اتصور المريخ دة انتة بينك وبينو دنيا مابتفدر تطولا بخيالك ياخ شيل قروشك ومقصورتك وصفرك الكبير وكمان معاهم مزمل ورجعلينا مريخنا الزمان المافيهو رخرخه ياخ هو بالعافية روح ياخ وريحنا

ومن مهازل الجنسيه السودانيه حدث هذا وانا قادم الي الخرطوم بينما انا في صف الجوازات في مطار الخرطوم كان امامي شاب يحمل جواز سوداني (اخضر) وشكل الشاب مربوع القامه مفلفل الشعر ويلبس سلسل دهب اثار انتباهي واخذت اتامله وفجاءه التفت الشاب الي وقال لي بالانجليزي ممكن تكتب لي البينات في الفورم . وشرعت في تعبئة الفورم بالبيانات فكان اسم الشاب لاسنا فاني هكذا اسمه انه لاعب المريخ
والمهنه لاعب كره العنوان نادي المريخ هكذا سجلت البيانات وعندماذهب الي ضابط الجوازات وانا معه حينما قرا الضابط البيانات انتفض وصرخ في وجهي وقال لي اكتب الاسم رباعي (لاسانا فاني) فقلت له لاتصرخ في وجهي اذهب واصرخ في وجه من استخرج الجواز فقال لي كيف ؟ قلت له الجواز مكتوب فيه الاسم الاول والثاني فقط انظر له . فخجل ضابط الجوازات وختم الجواز واصبح يمازح لاسانا فاني لاعب المريخ

الجنسيه السودانيه جنسية من لاجنسية له
الحضري ووارقو لاسانا كلتشي وووووووو
واخرته قالو نسقط الجنسيه من الجنوبيين
تامل

حبيبنا هجو لك التحية والمودة ...
البوجع فى الجنسية السودانية مش اللعيبة ولكن اكرمك الله عندنا فى كسلا بيدوها للساقطات الجايايات من
دول ما عايز اسميها ولعلمك المسالة دى كانت عملت مشكلة كبيرة فى واحدة من دول الخليج بكشفهم لشبكة
كل افرادها يحملوا الجواز الاخضر وامن تلك البلد اخطر سفارة السودان بالشبكة وعند مراجعة امن السفارة للمجموعة ووجدوا انهن اصلا مش سودانيات انتفخت اوداجهم وردوا على امن تلك البلد بان كل هؤلاء ليسوا بسودانين
فقالوا لهم سودانين مش سودانين يجب ان ترحلوهم على السودان وهناك انشاء الله تخلللهم .
فيا اخى خليها مستورة بس

نورالدين حبيبناتحياتي
والله ملطشة الجنسيه السودانيه بتوجع
هسع تجي انت سوداني عشان تطلع جنسيه ولاجواز
ناس الجوازات يزلوك ويملطشوك تكره اليوم الجابك سوداني
وبالعلاقات الجنسيه مشروره في اسواق الانتهازيين