احتقال منظمة شكاك الطوعية بمناسبة انطلاقها - مشاوير قناة النيل الازرق

تمت اقامة هذا الاحتقال بمناسبة انطلاق منظمة شكاك الطوعية والتي اسسها نفر من اهلنا الرباطاب لخدمة المنطقة وكافة مناطق السودان سوف اوافيكم بكل تفاصيل المنظمة واهدافها.

واهدي اليكم فيديو اغنية فناننا عليه الرحمة احمد عمر الرباطابي حبيبا شغل العقول بصوت المبدع عصام محمد نور

التعريف بااهداف المنظمة القاها الاستاذ عبد القادر احمد عثمان الامين العام للمنظمة

أل شكاك سلام أهل المكارم وناسه
وزينه دار رباط تاجه البهز فوق راسه
حقيتو الشكر قولا سديد ومواسه
وارثين الكرم عزه وثبات وفراسه

هيلكم من قديم الشكره تب وراثه
صفحاتكم مسجله مافي زولآ قاسه
ياالضحكتو كم في الدنيا ملو تعاسه
ياكم ضو قبيلتي وعزته ونبراسه

لي كشوي السلام دمبك لي الحجر بيغادي
أصل الفي الكرم سيلآ مخانق الوادي
نسلا شره شارف كل ربوعه بلادي
بارياهو الفعايل السمحه واطرب شادي

ومابنسي الاصيله الفي بلدنا قنيفه
كم جابت علم مابتتلقيلو خليفه
جابت للاسود الماببارو الجيفه
تمساحهم بشاقق ومابباري القيفه

يكفيكم شرف ياالعزاز ود بدري
واسمآ في الوطن ياهو التني والبكري
تعليم البنات من غيرو كيف مابتدري
في شان العلم هجر البلد من بدري

بدر السبعتين الهلا ضوي رفاعه
راس مالو العلم عزه ومعاها قناعه
الشجره الاصيله وشاره ديل فراعه
خدرو في اليباس مافتشو الشماعه

كل ماأقول شكر بلقي النفس طماعه
دايره تزيد شكركم والسيره زايده وساعه
بمسك قلمي عاد لاعن قيام الساعه
مركب شعري شاقه وما بلمو شراعه


ها العايله المتل شجر الصنادل ناسه
عطرت الوطن ودايمآ معطره فاسه
الفعل السمح دايمآ تكوسو كواسه
حاقاهو الشكر وبالعزه دق نحاسه


السويتوهو مابنحسب مهما تكون عداد
ومابسويهو غيركم وحاشا مابنعاد
شيتآ هيل عزاز وفوق المكارم زاد
وتشهدبو المدارس وتشهد الاحفاد


بإسم الفي البلد ليكم بقدم شكري
بإسم الفوضتهم بعد الكريم في أمري
مانسيتو الاصل وياهو البدعم شكري
غافلات العلاج وصلن هناك من بدري

في مسك الختام مليون سلام وتحيه
وشكري القلتو جت ياالبكاي بشوفو شويه
اديني السيره كامله وعقبان بعزم النيه
بكتب في العزاز بكتب بنط الميه



الشاعر
محمد العبيد الباقر