سلامات بتراودني فكرة من زمن انه اكتب عن معايشاتي في الدول العشت فيها خاصة و في نفس الوكت اطلب من الاخوات و الاخوة في الشتات السوداني العريض ان يفعلون نفس الشئ عشان تعم الفائدة... الليلة جيتكم باطول كلمة في اللغة الالمانية و يمكن تكون الاطول في جميع اللغات حيث تتكون من 67 حرف!! و اذا علمنا انه الحروف الفوقا نقطتين هي في الحقيقة عبارة عن a, o, u مدمج فيها حرف e يبقى عندنا 70 حرف بالصلاة علي النبي,,, السبب في طول الكلمات الالمانية يتمثل في انه الاسماء لازم يسبقها احد حروف التعريف (der, die,das ) حسب النوع (التأنيث و التذكير القواعدي) الجمع و الافراد وهنا في شوية شبه مع اعراب اللغة العربية حيث تكمن الاهمية الاعرابية في آخر الكلمة. على كدا لو ارتبطت كم كلمة مع بعض تاخد الكلمة الجديدة اداة التعريف حسب نهاية اخر كلمة في قطر البضاعة دا مثلا كلمتنا دي نهايتها ung تبقى مؤنثة الدلالة (القواعدية) و اداتها die (تنطق دي) بقول القواعدية لانه مثلا كلمت بنت في للالماني ما مؤنثة بل محايدة لانه تركيب الكلمة يفرض ذلك!! في كمية من الغرائب و المفارقات و الطرائف في اسماء الاعلام و المناطق في اللغة دي ح احاول اتعرض لبعضها مع امل ان تتسع المشاركة
الكلمة عبارة عن مسطلح قانوني مركب من الكلمات المفصلة عاليه و حروف ال s بين الاقواس هي عبارة عن حرف مساعد يستخدم عند ربط الكلمات لتسهيل النطق فقط الترجمة المباشرة للمسطلح تقريبا: تنظيم (او توجيه) نقل اختصاص (سلطة) الترخيص لحركة المرور (عبر، في، على) الاراضي السكنية.. تقوم النفس موش؟
Post: #2 Title: Re: 67 حرف بالتمام... قد تكون اطول كلمة في العالم Author: elhilayla Date: 01-24-2012, 11:01 PM Parent: #1
الاخ نصار دائماً ما استمتع ببوستاتك فهي دوما ذات معني ومضمون
ان شاء الله سوف افعل بالمثل في لغتي السائدة في اقليمنا وأرجو ان يحذو الجميع كما تفضلت
مرة قابلني صديق هنا في الجامعة وأعطاني بعض اللمحات عن الالمانية فكان انطباعي انها لغة تدعو دوما للتفكير والتأمل
تحياتي
الحليلة
Post: #3 Title: Re: 67 حرف بالتمام... قد تكون اطول كلمة في العالم Author: ثروت سوار الدهب Date: 01-24-2012, 11:03 PM Parent: #2
سلامات يا نصار و مشتاقين
Post: #4 Title: Re: 67 حرف بالتمام... قد تكون اطول كلمة في العالم Author: Mohamed Yassin Khalifa Date: 01-24-2012, 11:51 PM
!Danke bemannen
Post: #5 Title: Re: 67 حرف بالتمام... قد تكون اطول كلمة في العالم Author: بريمة محمد Date: 01-25-2012, 02:15 AM Parent: #4
Quote: تنظيم (او توجيه) نقل اختصاص (سلطة) الترخيص لحركة المرور (عبر، في، على) الاراضي السكنية..
إذن هى ليس كلمة واحدة .. بل كلمات عدة.
بريمة
Post: #6 Title: Re: 67 حرف بالتمام... قد تكون اطول كلمة في العالم Author: محمد الأمين موسى Date: 01-25-2012, 05:55 AM Parent: #5
كده كان راجل أكتب لينا نطقها بالحروف العربية!!! ياخ دي الواحد بمجرد ما ينطقها يحق له أن يطلب إجازة عن العمل لا تقل عن أسبوع!!!!! دا سبرخه دا؟!؟
Post: #7 Title: Re: 67 حرف بالتمام... قد تكون اطول كلمة في العالم Author: ابوحراز Date: 01-25-2012, 06:30 AM Parent: #6
ازيك يانصار 00 مشتاقين كتير جدا عارف دي الواحد بعد ما ينطقها لازم يكون قدامو جردل موية لأنها اكيد حا تخنقك دا لو ما اتسببت ليك في شد عضلي !!! الحليلة أزيك 00 أخبارك شنو ياخي عندنا واحد كل يوم نضميهو زايد عاوزنكم تودوه المانيا عشان يشبع بمثل هذه العبارات حد التخمة تقبل تحياته وتحياتهم جميعا عبد الفتاح الحليلة ونور الدايم الحليلة وكل من معنا من اب روس والكسمبر والحليلة نأسف لخروجنا عن { النص }
Post: #8 Title: Re: 67 حرف بالتمام... قد تكون اطول كلمة في العالم Author: قلقو Date: 01-25-2012, 07:15 AM Parent: #7
الأخ نصار, انا شايف الأخوان محمد الأمين موسى وابوحراز عايزين يدخلوا فى تحدى لقراية الكلمة وانا بالنيابة عنك اقول ليهم هاكم: جروندستوكسفيركيهرسجينيهميجونجسزوستاينديجكيتسويبيرتراجونجسفيروردنونج أها تانى شنو ليكم؟ لقيتنى كيف يانصار ؟
Post: #9 Title: Re: 67 حرف بالتمام... قد تكون اطول كلمة في العالم Author: حسام عبد الرحيم Date: 01-25-2012, 07:37 AM Parent: #8
لك الود نصار ..
مهندس سودانى رسلو ناس الشركة لى ألمانيا يجيب منهم معدات بملايين الدولارات, قال ليهم بس قللو ال (Quality) شوية بناءاً على طلب الشركة عشان نشترى كمية أكبر .. قالوا ليهو مســــــــــتحيل ..
علق ساخراً:
والله الألمان ديل عمرهم ما يتقدمو !!!
Post: #10 Title: Re: 67 حرف بالتمام... قد تكون اطول كلمة في العالم Author: أبوالزفت Date: 01-25-2012, 07:54 AM Parent: #9
طيب يا نصار خد دي اصغر كلمة في العالم هي ( رً) الراء المفتوحة
وهي فعل الامر لكلمة يري
Post: #11 Title: Re: 67 حرف بالتمام... قد تكون اطول كلمة في العالم Author: عبدالله احيمر Date: 01-25-2012, 11:39 AM Parent: #10
أها يا قلقو كتبتها , يلا انطقها يا خوي دي تحتاج تقيف فيها 8 مرات عشـان تجر نفسـك
يا خوي دي واحـد ألماني ما يقدر ينطقا
Post: #23 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 09:24 PM Parent: #10
مرحب قريبي مشتاقين واحد صاحبنا كنا على سفر قدمناه يصلي بينا المغرب صلى ركعين وسلم على طول قلت ليهو بطريقتك دي لو لميت في الصبح بتكبر و تسلم طوالي
اسع الراء دي بما انها كلمة كاملة لو دخلت في حالة قواعدية تلزم الحذف نشيل منها شنو و يفضل شنو لووووول
Post: #22 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 09:13 PM Parent: #9
مرحب اخونا حسام عبدالرحيم شرفتنا الباشمهندس بتكلم كلام سريالي فهمه ما ساهل لووول الالمان مهوسين بما يعرف بـ deutsche tugnden البتعني خواص الشخصية الالمانية يلاحظ ان للتعبير بعد ديني اخلاقي حيث ان كلمة توقند معناها حسنة اللهي عكس سيئة بتشمل الصفات الانسانية الاكثر سموا و للحقيقة مازالوا متمسكين باغلبها حتى الان خاصة في علاقة الفرد مع عمله،اخلاص، دقة، تجويد، مسؤولية ذاتية
القيصر فردرش الاكبر وضع ما يعرف بـ die preussische Tugenden حاكمة للدولة و المجتمع، روح ما يمكنا تسميتها بالثورة القيصرية مازالت مرشدة للحياة العامة في المانيا
سمعت المرحوم الطيب صالح في ندوة في فرانكفورت يقول ان صديقه سفير المانيا في الدوحة ايام عمل الطيب هناك قال له ان السودانيين هم بورسيين العرب و الافارقة يعني شوية كدا و نصنع مارسيدس لوووووووووول
Post: #21 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 08:09 PM Parent: #8
مرحبتين قلقو لقيتك مقطع الالماني عديييل بكدا الشباب عندهم خيارين لقراية الكلمة بالحروف العربية بس بحتاجوا لاخصائي اذن و انف و حنجرة قريب ليهم قبل ما يجربوا و الما فاطر ما يخاطر
Post: #18 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 03:28 PM Parent: #7
مراحب ابو حراز الا يكون (في فمك ماء) حتى تنطقها لوول او بالاحرى تعتذر عن الكلام مما جينا البلد دي اقوى عضلة فينا بقت اللسان لكن ناس هولندا بجيهم جيوب انفية من كترة النخنخة
يازول اخد راحتك نحنا لاقنك وين
Post: #17 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 03:05 PM Parent: #6
Post: #16 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 02:45 PM Parent: #5
مرحب بريمة هي كلمة واحدة في رسمها زي ما شايف ان حروفها مترابطة مع بعض و قواعديا لها اداة تعريف واحدة
Post: #15 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 02:39 PM Parent: #4
مرحب محمد يس bitte sehr بس bemannen دي لميت فيها وين؟ هي فعل يعني اشغال مكان او شئ مثل مركبة فضائية بانسان واحد او اكثر منها bemannt البتقابل manned bemannte Drone `= maned drone و اعتقد انه نفس الكلمة بتستخدم في الهولندية نفس الاستخدام الالماني اضافة لشغل المنصب الوظيفي عموما في علاقة طريفة بين الالمانية و الهولندية و اللغات الاسكندنافية بمثل العلاقة دي زي قصص الافلام الهندية بتاعة الاخوان البتفارقوا و يبقوا اعداء و اخر الفلم يعرفوا بعض بمعجزة ما لووووول
Post: #13 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 01:00 PM
مرحب ثروت كيف ايامك؟ بالاكتر و الله بس الشدهات حاصلات لووول
Post: #12 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 12:43 PM Parent: #2
العزيز الحليلة الف شكر يا حبيب و في انتظار اتاحفك لنا بخواص لغة اقليمكم و استجابة الاخرين لمناشدتك اول ما بدينا تعليم اللغة انا شخصيا كنت خالي الذهن عنها تماما، قالوا لينا انها عكس كثير من اللغات يمكن تمثل تعلمها بالهرم المقلوب صعبة في البداية و سهلة بعد ذلك لكن لقنا الكلام دا ما صاح لانها لغة الاسثناءات في قواعدها اكثر من الثوابت و المشكلة انه الالمان ما بتسامحوا في الاخطاء اللغوية كذلك تجد ان لغة التخاطب تختلف من لغة الكتابة اما اللغة المكتبية و القانونية فدي اجة تانية خالص كلمتنا دي مثال لها
تحياتي
Post: #14 Title: Re: 67 حرف بالتمام... قد تكون اطول كلمة في العالم Author: قلقو Date: 01-25-2012, 01:23 PM Parent: #12
الأخ عبدالله احيمر, انا كتبتها ونطقتها بمنتهى السهولة , مع انو انا مابعرف المانى . انا ماعارف ليه انت وناس ابوحراز ومحمد الأمين موسى مصعبين المسألة كدة؟
Post: #19 Title: Re: 67 حرف بالتمام... قد تكون اطول كلمة في العالم Author: elhilayla Date: 01-25-2012, 03:59 PM Parent: #14
الاخ نصار مشكور ونتمنى نقدر ننطقها النطق الصحيح وفعلا صديقي الالماني اخبرني ان القواعد لهذه اللغة معقدة جداً خذ مثالا حروف الجر او التأنيث والتذكير وخلافه من الأدوات المساعدة يتم تحديد استعمالها بحسب متغيرات كثيرة جداً
صديقي ألماني مائة في المائة واكد لي ان لغتهم صعبة جداً خاصة كما تفضلت فيما يتعلق بالقواعد وأظنه كذلك اخبرني ان الألمان لا يتساهلون في الأخطاء اللغوية
ابو حراز مافي مشكلة للنزول بتاعكن دا خليلو أحينا وانا عندي النية زيارة ليكم بلغ تحياتي لي جدي عبد الفتاح والعم نور الدائم
الحليلة
Post: #20 Title: Re: 67 حرف بالتمام... قد تكون اطول كلمة في العالم Author: Mahmoud Mustafa Mahmoud Date: 01-25-2012, 04:15 PM Parent: #19
المصطلح الكيميائي أعلاه ظهر في بحوث الجمعية الأمريكية للكيمياء .. أو أياً كان اسمها..ويعتقد أنه - بشكله الحالي - أطول كلمة في التاريخ.
والله أكان كلمة ما عارف...
تحياتي يا نصار...
..
Post: #24 Title: Re: 67 حرف بالتمام... قد تكون اطول كلمة في العالم Author: mohmed khalail Date: 01-25-2012, 10:02 PM Parent: #20
مرحبا نصار وضيوفه الكرام
واليكم مساهمة صغيرة في بوستكم الجميل..
اطول كلمة انجليزية هي الاتية:
Antidisestablishmentarianism
ونترك الترجمة والقراءة للمجتهدين (لووول)
تقديري
Post: #26 Title: Re: 67 حرف بالتمام... قد تكون اطول كلمة في العالم Author: نصار Date: 01-26-2012, 00:11 AM Parent: #24
مرحبتين محمد خليل ما عارف ليه كلمتك دي ذكرتني فلتات جورج بوش اللغوية مشيت لقوقل افتش عن تعابير ليهو داخل مارق وقعت في كنز ضحكت كما لم اضحك من زمن طويل و بدل استشهاد واحد جبت ليكم الجمل بما حمل http://politicalhumor.about.com/library/blbushisms.htm
حضروا مناديلك و اتوكلوا علي الرابط
Post: #25 Title: Re: 67 حرف بالتمام... قد تكون اطول كلمة في العالم Author: نصار Date: 01-25-2012, 11:47 PM Parent: #20
مرحب محمود مصطفي محمود الامريكان عندهم المحن، راشين كمية بتاعة حرف الـ Y لدرجة انه لو واحد سمعك تتهجا فيها بيعتبرك بتصرخ و ما عارف الموجعك شنو لووول
Post: #27 Title: Re: 67 حرف بالتمام... قد تكون اطول كلمة في العالم Author: mohmed khalail Date: 01-26-2012, 00:55 AM Parent: #25
سلام يا نصار ما دام دخلت على بوش ..
أسمع التوب تين ديل ..
وركز لي عليك الله مع 2 و 6
Post: #28 Title: Re: 67 حرف بالتمام... قد تكون اطول كلمة في العالم Author: نصار Date: 01-26-2012, 12:16 PM Parent: #27
