Post: #1
Title: التـــفاحـــــة..ديوان شعر حـــر..الان بالمكتبات
Author: عمر الفاروق
Date: 01-23-2012, 08:39 AM
Parent: #0
بحمد الله إكتمل مشروع التفاحة وهو عبارة عن مجموعة شعرية من النمط الحـــــــــــر . وتم نسخ عدد عشرين نسخة غير منقحة وغير مزيدة .سيتم طرح هذه النسخ في مزاد علني عبر هذا البوست وسيذهب ريعها لأطفال بلادي ..وكان فضّل باقي بنديهو لي حزب الخضر ..
الأعمال نزلت كما هي عبر بوست الشعر الحــــــــر مع تعديل صغمبرووووتي في قصيدة ست إبتسام ..
والشكر كل الشكر لأعضاء نادي الشعر الحر الذين جعلوا كل هذا ممكناً ووددت لو أن يكون المشروع أكبر من ذلك بعمل ديوان متكامل تنشر فيه جميع القصائد والتي تفوقت على نفسها ..وهذا ما أعدكم به بعد نفاد العشرين نسخة الطبعتهم ديل وبعد ما أخد موافقة زملائي الشعراء عشان ما بعدين ندخل في حقوق الملكية الفكرية ويجيني صلاح وود المدير وحمد ووليد وسارة والقلب وهارون ودلال ورغيم وووو وكلللل من مر عبر تلك النافذة ويشبكوني عايزين تعويض...
الكتاب عبارة عن 40 صفحة مع الغلاف دون وجود مقدمة وكلمة للشاعر ..يعني توووشك كده تفتح الكتاب تلاقي الفهرس وبعد داك تحرر جججد ..
كمية من الأخطاء المطبعية والإملائية والنحوية لأنو زي ما قلت ليكم ما حاولت أعمل أييي تنقيح من بنبر بكري وطوااالي لي دار النشر عشان ما يبفقد مصداقيتو ..
لكن أوعدكم في المجموعة الشعرية القادمة أظبط ليكم كتاب لممن تتمحنو زاااتو ..
ومن أسسسسة أعفوني من اللقاءات التلفزيونية مع قنواتنا السودانية فانا كما عاصم البنا أتووق لتغيير وجه الشاعر السوداني البواب والطباخ في نظر الخليجيين لشاعر يظهر عبر قنوات الجزيرة الرياضية وام بي سي دراما وفوكس موفيز وشبكة إسكاي وبراعم وطيور الجنة وإحححتمال قناة فتافيت ..
شكر خاص للحبيب صلاح عبد الله اللي كان مفتاح فهم اللعبة وشكرا حمد وود المدير ووليد وسارة وقلبنا للمتابعة المستمرة ..
وشكر خاص جداً للأستاذة الناقدة سناء الصباغ التي حثتني وشجعتني حتى أصل لهكذا مستوى من الكتابة الشعرية ..كما أشكر أستاذنا الكبير حسين ملاسي وأختنا الكبيرة رايـــوة العباسي على لفتنا للإهتمام بهكذا كتابات ..
والشكر كل الشكر لباقي اللإخوة الزملاء في النادي والذين فاتني ذكر إسمهم عبر هذه المساحة ..
ويــــلا نبد المزاد على ال 20 نسخة ..
أو لو مفلسين شديد يعني ممكن أهديهو ليكم عادي والله .. ما بيناتنا ..
|
Post: #2
Title: Re: التـــفاحـــــة..ديوان شعر حـــر..الان بالمكتبات
Author: عمر الفاروق
Date: 01-23-2012, 08:48 AM
Parent: #1
وشكر خاص جدا للفنان والمصمم محمد إبراهيم ود التكينة الذي قام بتصميم الكتاب والغلاف..
|
Post: #3
Title: Re: التـــفاحـــــة..ديوان شعر حـــر..الان بالمكتبات
Author: الرفاعي عبدالعاطي حجر
Date: 01-23-2012, 08:52 AM
Parent: #2
ياابني والله ما فاهمين حاجة ؟
تحايا واشواق ليك ما للتفاحة
..............................حجر.
|
Post: #4
Title: Re: التـــفاحـــــة..ديوان شعر حـــر..الان بالمكتبات
Author: محمد يوسف الزين
Date: 01-23-2012, 11:02 AM
Parent: #3
مبروك يازول
وعيش الوهمة بكل تفاصيلها 
|
Post: #5
Title: Re: التـــفاحـــــة..ديوان شعر حـــر..الان بالمكتبات
Author: عمر الفاروق
Date: 01-23-2012, 11:46 AM
Parent: #4
الرفاعي يا خال..
والله إبن أختك كتب ليهو زي طفشطاشر قصيدة حرة بلا رغيب ولا عتيد..وإكتشفت ليك إنو مسألة تعمل كتاب دي شغلانة بسييييطة خلاس..تصميم وورق ومطبعة وحبة قريشات..
فبس عشان أخدم الإنسانية وأدعم مسيرة المنبر الثقافية عملت لي كتاب..
وأسة بقوا 19 نسخة بعد ما أعجب أحد أصدقائي بالطبعة وشال واحد...
غايتو لو في زول جاي جدة قول..وإلا بخلي ليك نسخة في السودان:-)
|
Post: #6
Title: Re: التـــفاحـــــة..ديوان شعر حـــر..الان بالمكتبات
Author: عمر الفاروق
Date: 01-24-2012, 09:29 AM
Parent: #5
يا محمد الوهمة أصبحت واقع معاش..إتوقعني قريب في التلفلفزيون
|
Post: #7
Title: Re: التـــفاحـــــة..ديوان شعر حـــر..الان بالمكتبات
Author: دينا خالد
Date: 01-25-2012, 07:21 PM
Parent: #6
كامـل تضامنى مع عمر الفاروق !
وكلو منك يا صلاح عبد الله وساره عيسى (بالجديد) ..
هو الماحر شنو ؟؟ جات على الشعر ؟
ــــــــــــــــ
عندما يسيطر العبث .. او بلد بلا وجيع
او كمال قال البروف الف رحمة تنزل عليه وهو على قيد الحياة !
|
Post: #8
Title: Re: التـــفاحـــــة..ديوان شعر حـــر..الان بالمكتبات
Author: دينا خالد
Date: 01-25-2012, 07:31 PM
Parent: #6
والله المكتبات هسه تكون متحييره حييره !!!
نماذج من الشعور الحرة
ملك جمال حر الكويت
ملك جمال حر السعودية
ملك جمال حر لبنان
ـــــــــــــــ
هو التكينه ما بشوف فى ديل ؟
كان عندو فرصة ينقذ الكتاب ..
المكتبات جاها بلا ,,,
|
Post: #9
Title: Re: التـــفاحـــــة..ديوان شعر حـــر..الان بالمكتبات
Author: Salah Abdulla
Date: 01-25-2012, 07:55 PM
Parent: #8
في رمضان بعد الفطور بجي راجع سريع جداً من صلاة المغرب
عشان أخت سفة بعد الفطور!!! خرمة مبالغة ، وإحساس عجيب بعد الدرويخة..
أها دي شبيهة بخرمتي للشاعر الفطحل الفاروق..
ثم أما بعد،
نسجي اليكم أرق التهاني بمناسبة صدور ديوانكم الأول
وباكورة انتاجكم متمنين أن نشهد مزيداً من الدواوين..
سأتولي أمر التوزيع بالسودان والخليج
الأخ عمر عصمان ح يوزع لكافة أنحاء السودان
التوزيع في الخليخ وشمال افريقيا فسوف يتم توقيع
اتفاقية مع مكتبة جرير ليست مجرد مكتبة..
مبروك والله..
|
Post: #10
Title: Re: التـــفاحـــــة..ديوان شعر حـــر..الان بالمكتبات
Author: سارة عيسى أحمد
Date: 01-25-2012, 08:32 PM
Parent: #9
يا سلاااام ياااخ ...تفاح وبعض رحيق ...
كل التهانئ والتبريكات للشاعر الوريف الرهيف الحفيف الرفيق عمر ...
عجبنا وسر بالنا
نسختي بالله ..
|
Post: #11
Title: Re: التـــفاحـــــة..ديوان شعر حـــر..الان بالمكتبات
Author: محمد عثمان ابراهيم
Date: 01-30-2012, 09:27 AM
Parent: #10
ألف مبروك للشاعر عمر الفاروق
وأرجو إبلاغنا بطريقة الحصول على الديوان في المكسيك وأوزبكستان وبنما :(
|
Post: #12
Title: Re: التـــفاحـــــة..ديوان شعر حـــر..الان بالمكتبات
Author: محمد البشرى الخضر
Date: 01-30-2012, 09:35 AM
Parent: #11
يا معلم طلعت جاد والله
بالله خت الإمارات في أول الجولة الترويجية
|
Post: #13
Title: Re: التـــفاحـــــة..ديوان شعر حـــر..الان بالمكتبات
Author: حمد فتح الرحمن
Date: 01-30-2012, 10:22 AM
Parent: #12
مبروك و الله
عليك الله بعدين في التلفزيون ما تنسى تجيب سيرتنا
|
Post: #14
Title: Re: التـــفاحـــــة..ديوان شعر حـــر..الان بالمكتبات
Author: عثمان دغيس
Date: 01-31-2012, 07:25 AM
Parent: #13
يا فاروغ
شكلك ح تزوغ
مننا كأحرار
ولينا حغوغ ....
أها كمان أمشي أسرق الفكرة دي وأعمل منها ديوان ...!
|
Post: #15
Title: Re: التـــفاحـــــة..ديوان شعر حـــر..الان بالمكتبات
Author: محمد عبد الماجد الصايم
Date: 02-08-2012, 11:41 AM
Parent: #14
ياخ دا كلام زي الباسطة .. واحد نسخة موقعة من الشاعر عمر الفاروق شخصيا!!
_
مبروكـ يا زول .. عجبنا وسرّ بالنا!!
|
Post: #16
Title: Re: التـــفاحـــــة..ديوان شعر حـــر..الان بالمكتبات
Author: عاطف عمر
Date: 02-08-2012, 12:28 PM
Parent: #1
Quote: كل التهانئ والتبريكات للشاعر الوريف الرهيف الحفيف الرفيق عمر ...
|
كووووول الكلام القلتيهو دا يا سارة ح نصدقوا
ضيفي ليهو الشاعر الألمعي الفطحل.......
لكن النصيحة لى الله
قصة رفيق دي
أكان ما جا عمنا أبوساندرا ( كبير رفاق البورد ) والبوردات المجاورة
كان ما جا واعتمدها لينا ما ح تركب في طايوقي كولو كولو
__________________
المهم يا عمك الفاروق
رسل النسخة على العنوان العندك
طبعاً مع مصاريف الشحن
مضافاً إليها ( بدل القهوة )
ثم
مبروك
|
Post: #17
Title: Re: التـــفاحـــــة..ديوان شعر حـــر..الان بالمكتبات
Author: تولوس
Date: 02-08-2012, 12:58 PM
Parent: #16
الف الف مبرووك اخي عمر الفاروق وما تنسي نسختي
|
Post: #18
Title: Re: التـــفاحـــــة..ديوان شعر حـــر..الان بالمكتبات
Author: Rawia
Date: 02-08-2012, 03:39 PM
ما إتوزعن العشرين نسخة لي هسة دي؟
معليش
دي إتش لورنس كتب الرسايل لي فريدا في الاربعينات
الناس فهموها وإتعاطوا معاها في السيتنات
فـ هسة العشرين نسخة ديل أديهن كم سنة كدا
على بال ما الناس تفهمك
|
Post: #19
Title: Re: التـــفاحـــــة..ديوان شعر حـــر..الان بالمكتبات
Author: haroon diyab
Date: 02-08-2012, 04:51 PM
Parent: #18
ياخوي والله منتظرين النتائج عشان ندخل في الموضوع
تووووووووووووووووووووووووووووووووووش
|
|