Post: #1
Title: الصادق المهدي يمنع أنصاره من اقتحام مقر الرابطة الشرعية بالخرطوم
Author: معتصم مصطفي الجبلابي
Date: 01-22-2012, 03:11 PM
Quote: الخرطوم: بكري خضر شن نائب الأمين العام لهيئة شؤون الأنصار بحزب الأمة القومي آدم أحمد يوسف هجوماً عنيفاً على الرابطة الشرعية للعلماء والدعاة بالسودان ووصفهم بالرعاع والهمج، مشيراً إلى أن تكفيرهم للإمام الصادق المهدي رئيس الحزب بشأن اجتهاداته حول المرأة توضح بجلاء مدى جهلهم وقصر نظرهم ومعرفتهم بالإسلام. وكشف يوسف في تصريح لـ(آخر لحظة) أمس عن تدخل المهدي لتهدئة أنصاره الذين هددوا باقتحام دار الرابطة الشرعية للعلماء بسبب تكفيرهم للإمام المهدي، مبيناً أن الرابطة كان عليها الاستوثاق من حديث الإمام بشأن المرأة قبل إطلاق دعاويهم التي وصفها بالهمجية وغير المقبولة، ونوه يوسف إلى أن المهدي لم يذكر بأن تصلي المرأة مع الرجل في صف واحد، وإنما موازٍ، متهماً الرابطة بأنها العدو الأول للإسلام والمسلمين، وقال من هؤلاء ليعرفونا بأمور الدين وينصبون أنفسهم فوق المسلمين، وأضاف «لقد عرفنا الإسلام قبلهم».
|
|
Post: #4
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: معتصم مصطفي الجبلابي
Date: 01-22-2012, 03:22 PM
Parent: #2
Quote: وكشف يوسف في تصريح لـ(آخر لحظة) أمس عن تدخل المهدي لتهدئة أنصاره الذين هددوا باقتحام دار الرابطة الشرعية للعلماء بسبب تكفيرهم للإمام المهدي، |
غايتو فى تصرفات كده بتجى منسيد الصادق الواحد لمن يعضى (شلوفتو)
ياخى ماتتر للناس دى كده خلهم يسعوا فى الجماعة ديل
|
Post: #5
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: نيازي مصطفى
Date: 01-22-2012, 04:06 PM
Parent: #2
اين رابطتهم هذه من فساد الحكام ؟ واين هم من الظلم والاستبداد الذي تعاني منه البلاد والعباد ؟
لك التحية يا حبيب
|
Post: #9
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: معتصم مصطفي الجبلابي
Date: 01-23-2012, 02:54 AM
Parent: #5
Quote: اين رابطتهم هذه من فساد الحكام ؟ واين هم من الظلم والاستبداد الذي تعاني منه البلاد والعباد ؟
|
الاخ نيازى سلامات
أخرج ابن عدي عن أبي هريرة رضي الله عنه، قال: قال رسول الله صلى الله عليه وسلم:
إن في جهنم وادياً تستعيذ منه كل يوم سبعين مرة، أعده الله للقراء المرائين في أعمالهم وإن أبغض الخلق إلى الله عالم السلطان
وقال سعيد بن المسيب: إذا رأيتم العالم يغشى الأمراء فاحذروا منه فإنَّه لصٌّ.
وقال عنهم الامام المهدى..(علماء السوء)
للاسف كثير من العلماء عندنا اصبحت تحركهم مصالحهم وشهواتهم..
لم نرى أحد منهم يشجب الفساد أو يدين ما يحدث فى دارفور وكردفان وغيرها من بقاع السودان
يقتلون الناس بالالاف وهم صامتون ..هل الفتوى أضر بالمجتمع أم قتل الناس
فى الفتوى إجتهاد وإن اخطأ صاحبها فله أجر وإن أصاب فله أجران
اما القتل ف(من قتل نفسا بغير نفس أو فساد في الأرض فكأنما قتل الناس جميعا )
|
Post: #3
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: محمد عبدالرحمن
Date: 01-22-2012, 03:21 PM
Parent: #1
هلا ياحبيب ...
طبعا نحن اصلا نعتبرها ساحة حوار فكرى واسلامى فى المقام الاول ...وهى فرصة لتقديم طرحنا ورؤانا بصورة حضارية .. اى نواة حوار بين اهل القبلة كما ظللنا ندعو ...لذلك اى مبادرة بالعنف مرفوضة ..ولكن فى حالة محاولة الاعتداء او الاستفزاز ..فنحن فى الاصل فرسان دواس ..ساعتها (بندق التور ضحى وبنجرب الزندية) ...ونرجو ان لانضطر لذلك .. فقد تحولنا الى مؤسسة مجتمع مدنى تستخدم كل آليات المجتمع المدنى .. تم ذلك بفضل الله ومن ثم بأجتهاد امامنا العلامة الصادق المهدى ...وان ارادو ان يرجعونا (للكرابة ) و(الحزامة) .. فحبابا والف مرحب ...
|
Post: #6
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: بهاء الدين سليمان
Date: 01-22-2012, 04:51 PM
Parent: #3
Quote: في تصريح لـ(آخر لحظة) أمس عن تدخل المهدي لتهدئة أنصاره الذين هددوا باقتحام دار الرابطة الشرعية للعلماء بسبب تكفيرهم للإمام المهدي، |
هههههههههههههههههههههههههههاي والله ضحكتوني في زمن الهم الاغبر دا عليك الله يا الصادق سيبهم عليك الله والله العظيم حكم.. هو الانصار لو فيهم روح للاقتحام ما يقتحمو دار الموتمر الوطني ويسلبو الحكم من سالبهم .. ياخ انتو ما قادرين تثوروا شعب جاهز للثورة جاااااااااااااااهز تجي تقتحمو انتو قائلين عنترة بن شداد اكتسب مكانتو بالساهل الراجل تعب تعب لمن غلط وانتو جايين بالبارد تتقمسو شخصيتو ..
|
Post: #11
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: معتصم مصطفي الجبلابي
Date: 01-23-2012, 04:06 AM
Parent: #6
Quote: هو الانصار لو فيهم روح للاقتحام ما يقتحمو دار الموتمر الوطني ويسلبو الحكم من سالبهم .. ياخ انتو ما قادرين تثوروا شعب جاهز للثورة جاااااااااااااااهز تجي تقتحمو انتو قائلين عنترة بن شداد اكتسب مكانتو بالساهل الراجل تعب تعب لمن غلط وانتو جايين بالبارد تتقمسو شخصيتو .. |
ياحبيب بهاء سلام
هسه إنت فطيت المهدى الهزم أكبر إمبراطورية فى العالم حينها وقتل قائدهم
ومشيت لحدووت عنترة..
إنت قائل المهدى ده فعل ما فعل فى كم سنة ؟ (اربعة سنين ) تجربة وذاد
إبن شداد حماسه لكى يحرر نفسه ..والمهدى جهاده ليحرر كل السودان
عنترة فشل فى حياته وفى موته .واصبح مضربا للمثل فى موته (عنتر كتلو اعمى)
وفى حياته ماوصل لمبتغاه بعد حبه لبنت عمه..
المهدى والانصار حرروا السودان وختوا السمحة لا طول الايام
أما سمعت القائل
التاريخ بيشهد بنبا بواقعة قدير ماسا وأبا أنذر هكس وأداه مكاتبة هكس جرد لي جيشو وعبا بالبحر والبر جات ذاهبة أعداد في الوف متضاربة لاقاها الإمام بأصحبا أنصار بأصابعيك تحسبا في سبيل الله متكربة كم بابور غرق في الموت غبا منو الحوت شبع لمن أبا أقام الدين وحرر للوطن أقام الدولة أعلامها يرفرفن خلفو أصحابو خيلهم يصهلن شيكان والأبيض يشهدن في الخرطوم ضحى خيالو جن الدخيل جيوشو اتحاصرن غردون من سمع طار عقلو جن خشو ليهو في قصرو انطعن المدافع للسيوف سلمن خطو لينا تاريخ أبيضاً نفخر بيهو لطول الزمن..
هو الانصار لو فيهم روح للاقتحام ما يقتحمو دار الموتمر الوطني ويسلبو الحكم من سالبهم
وأين دور البقية السودان ده حقنا برانا ..
إنتو العملو الانصار طول تاريخهم كلو ما إعترفتو لينا بيهم
دايرين (تدورونا) هسه وبعدين تجو تنقزو فيها..
شيلة المؤتمر الوطنى مسئولية جماعية لاتقع على الانصار وحدهم
إتحزموا وحددوا الموعد بتلقونا قدامكم
مكتسباتنا وقيادتنا نحن من سنذود عنها
|
Post: #7
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: معتصم مصطفي الجبلابي
Date: 01-22-2012, 04:58 PM
Parent: #3
Quote: طبعا نحن اصلا نعتبرها ساحة حوار فكرى واسلامى فى المقام الاول ...وهى فرصة لتقديم طرحنا ورؤانا بصورة حضارية .. اى نواة حوار بين اهل القبلة كما ظللنا ندعو ...لذلك اى مبادرة بالعنف مرفوضة ..ولكن فى حالة محاولة الاعتداء او الاستفزاز ..فنحن فى الاصل فرسان دواس ..ساعتها (بندق التور ضحى وبنجرب الزندية) ...ونرجو ان لانضطر لذلك .. فقد تحولنا الى مؤسسة مجتمع مدنى تستخدم كل آليات المجتمع المدنى .. تم ذلك بفضل الله ومن ثم بأجتهاد امامنا العلامة الصادق المهدى ...وان ارادو ان يرجعونا (للكرابة ) و(الحزامة) .. فحبابا والف مرحب ... |
like
الجماعة ديل لو الناس لو ماوروهم حاجة بيطلعوا فى الرأس
|
Post: #8
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: ABDALLAH ABDALLAH
Date: 01-22-2012, 09:31 PM
Parent: #7
Quote: الصادق المهدي يمنع أنصاره من اقتحام مقر الرابطة الشرعية بالخرطوم |
ليه كدا يا السيد الإمام؟ ما تخلى الأنصار ديل يَفِشُوا غبينتهم دى حتى ولو لمره واحده. وبالتأكيد بتتذكر عندما حكيت لينا قصة الأنصارى القال يا المهدى الخلقتنى !!!!!! أهو الناس ديل ما بنفع معاهم إلا زى الأنصارى الحكيت لينا عنه دأ.
|
Post: #10
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: هيثم طه
Date: 01-23-2012, 03:47 AM
Parent: #8
سلامات العزيز عبد الله -اخبارك و صحتك
طبعا عارف انو المنطقة دي (تابو) و ما بترضو في الامام اي كلام ! رأيك شنو الزول يجازف و يجادعم برأي !!
Quote: ليه كدا يا السيد الإمام؟ |
--- مع تقديري لحبكم العميق للامام الصادق -ياخي ما حسع الترابي بطلع في فتاوي و نفس ناس الرابطة كفروهو لكن بحنكنتو قادر يدير الصراع الفكري -مرة بالحجة و مرة بالسخرية ! و ما سمعت بمريدونو قالوا ماشين يدقوا ناس الرابطة ديل ! ليه انتو الامام ما تخلوهو براحتو يدير صراعو الفكري ! و بعدين ياخي بقي معروف كارثة الهجمة السلفية في السودان و ما اظن انو الموضوع بقي ببساطة اظهار القوة لاخافة السلفيين ! و لو اصلا مريدي الصادق ماشين يشاكلوا ناس الرابطة دي ما دعوة لحرب دينية- طائفية ! و شفت الاميرة لنا مهدي كاتبة مقال فيهو اعلان جهاد عديل كدة ! و دعوة مضمنة لحرب طائفية و دينية حسب الشئ الفهمتو ! --- و بيني بينك موضوع انو (الامام يمنع انصاره من اقتحام مقر الرابطة ) - دا ما معناهو -حسب فهمي - انو الامام ما راضي بمشروع الحرب الطائفية و انما بالاحتفاظ بنفس العقلية لاستخدامها في زمان آخر ! لانو المنع بالنسبة لي هو مناقشة و تفكيك افكار الانصار في استخدام العنف الطائفي-الديني زي كتابة الاميرة لنا ! --- افتكر المجادعة دي كفاية ! اكتر من كدة و ربما دي زاتها ممكن تجيب لي هوا ! ---- لكن انت عارف بالجد السودان مشكلة ! مش لانو الفكر السلفي بقي مسيطر و ما بحتمل النقد و انما حتي الزول داير يتناقش معاكم في الفكر الطائفي بقي خايف ! و لّ انا خواف ساي ما عارف !! ---- تقديري لكم و للامام و تحياتي للاخ الجبلابي
|
Post: #12
Title: Re: الصادق المهدي يمنع أنصاره من اقتحام مقر الرابطة الشرعية بالخرطوم
Author: عماد موسى محمد
Date: 01-23-2012, 12:16 PM
Parent: #10
أخ الجبلابي ..السلام عليكم
ABDALLA ABDALLA كتب: QUOTE]ليه كدا يا السيد الإمام؟ ما تخلى الأنصار ديل يَفِشُوا غبينتهم دى حتى ولو لمره واحده. وبالتأكيد بتتذكر عندما حكيت لينا قصة الأنصارى القال يا المهدى الخلقتنى !!!!!! أهو الناس ديل ما بنفع معاهم إلا زى الأنصارى الحكيت لينا عنه دأ. |
كلام سيئ ، وقبيح، وغير مقبول ، وتحريش واااضح بالاعتداء/ القتل وأخذ العقوبة/ القانون باليد ولذلك فهو تحريش مُدان ومرفوض شرعا ومنطقا. كان ينبغي عليك أن تدخل لتهدئة الأجواء لمناقشةالصادق بصورة علمية شرعية حتى يتبين الأمر للناس.
*****
|