Post: #1 Title: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: صبري طه Date: 01-20-2012, 08:35 PM Parent: #0
أغنية المستحيل للفنان محمد وردي - أداء صلاح الطيب
Post: #2 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: عمر التوم Date: 01-20-2012, 08:58 PM Parent: #1
يا صبري ...انت زول فنان
صلاح الطيب ..ابدع أيما ابداع في أداء هذه التحفة
تحياتي ...
Post: #3 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: صبري طه Date: 01-21-2012, 08:15 AM Parent: #2
Quote: صلاح الطيب ..ابدع أيما ابداع في أداء هذه التحفة
غايتو يا عمر أخوي .. الأغنية دي سمعتها لي هسّي أظن 50 مرّة ولسة ما مليتها عندو ... يا سلام ياخ ...
وتشكر على مُشاركتك الغالية ... مع أجمل تحية ،،،
Post: #4 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: khaleel Date: 01-21-2012, 08:22 AM Parent: #3
هلا وغلا
صبري
صلاح الطيب فعلا فنان له مستقبل
لكن سيف حسان
يجيد الغناء كما يجيد سيف مساوي اللعب في خانة الارتكاز
Post: #5 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: صبري طه Date: 01-21-2012, 09:08 AM Parent: #4
تحياتي أخي خليل ... وتُشكر على ردّك الغالي ...
Quote: صلاح الطيب فعلا فنان له مستقبل
لكن سيف حسان
يجيد الغناء كما يجيد سيف مساوي اللعب في خانة الارتكاز
صلاح الطيب يُجيد الغناء كما يجيد تشافي هيرنانديز صناعة اللعب
Post: #6 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: khaleel Date: 01-21-2012, 09:11 AM Parent: #5
شوف الهدوء والمهنية والثبات في اداء هذا السيف
Post: #7 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: صبري طه Date: 01-21-2012, 09:36 AM Parent: #6
تشكر أخي خليل على جلب أغنية الملهمة بصوت سيف حسّان ...
Quote: شوف الهدوء والمهنية والثبات في اداء هذا السيف
وأتفق معك في أن سيف حسّان قام بأداء هذه الأغنية بشكل جميل ... ولكن ...
سأحاول فض الاشتباك بيننا في التحليل التالي:-
1- صوت سيف حسّان في هذه الأغنية تماهى مع صوت وأداء صاحبها رحمة الله عليه التاج مصطفى. 2- صوت صلاح الطيب في أغنية المستحيل تماهى مع صوت وأداء صاحبها الموسيقار محمد وردي.
إذا حاولنا أنا وأنت أن نُعطي درجات كتقييم للأغنيتين أظنك ستتفق معي بأنّ درجات أغنية المستحيل ستتفوق على أغنية المُلهمة. ثمّ نحاول منح أياً من المتنافسين نقاط على الأغنية التي أدّاها ...
مثال: صلاح الطيب = 15 نقطة من 20 سيف حسان = 7 نقاط من 10
ــــــــ
ثمّ يا عزيزي تخيّل فقط لو قام صلاح الطيب بأداء أغنية الملهمة وفي الطرف الآخر لو قام سيف حسّان بأداء أغنية المستحيل وعندها عليك أن تمنح الدرجات وأنا أتوقعها كالآتي:-
صلاح الطيب = 6 نقاط من 10 بالنسبة لأدائه لأغنية الملهمة سيف حسّان = 10 نقاط من 20 بالنسبة لأدائه لأغنية المستحيل
وبجمع نقاط الأغنيتين لكلا المتنافسين تكون النتيجة الإجمالية كالتالي:-
صلاح الطيب = 15 + 6 = 21 نقطة سيف حسّان = 7 + 10 = 17 نقطة
وبهذا يتفوق صلاح الطيب في إجمالي النقاط على سيف حسّان
وهو المطلوب إثباته
Post: #8 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: khaleel Date: 01-21-2012, 09:51 AM Parent: #7
ميزة سيف يا صبري التنوع
التاج رمضان زايد
رمضان حسن
شرحبيل وردي مصطفي سيد احمد
صلاح الطيب مسجون بين وردي وعركي
Post: #9 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: صبري طه Date: 01-21-2012, 10:04 AM Parent: #8
Quote: ميزة سيف يا صبري التنوع
التاج رمضان زايد
رمضان حسن
شرحبيل وردي مصطفي سيد احمد
صلاح الطيب مسجون بين وردي وعركي
صلاح الطيب - صبابة - للفنان الراحل عبدالعزيز محمد داؤد
صلاح الطيب عبدالله - أهون عليك - للفنان الراحل أحمد الجابري
صلاح الطيب - يا غائب عن عيني - للفنان الراحل إبراهيم عوض
Post: #10 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: khaleel Date: 01-21-2012, 10:12 AM Parent: #9
معليش يا صبري
انا حضرت اول حلقات صلاح
وقال هو بغني لعركي ووردي
حتي محمد سليمان قال ليهو
لو اخترت اغنيات المنطقة حا تتجلا
لكن بيني وبينك الود فنان
Post: #11 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: صبري طه Date: 01-21-2012, 10:52 AM Parent: #10
تسلم أخي خليل ...
وأتمنى لهما كل التوفيق والنجاح في مُنافسة شريفة .. وكلٌ منهما نجمٌ في سمائه حتى إن فرّقت بينهما الدرجات ... وأضف إليهما محمد خير وأحمد الحبيب وعماد الدين حسن وهاجر محمد عبدالله ...
ولك كل الود والتقدير ،،،
Post: #12 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: راشد مصطفي بخيت Date: 01-21-2012, 04:01 PM Parent: #11
سلام للجميع. صلاح الطيب فنان منذ نعومة الأظافر؛ وهو فنان شامل. يرسم ويلون ويجيد النحت! يعزف علي أكثر من آلة موسيقية: صفارة، بيانو، إيقاع، وعود بكفاءة أقل. لنا تجربة مشتركة في نحت قطع شطرنج من حجارة الجير التي تتوفر في (شرق الجزيرة) بغزارة، أيام الطفولة. وهو فوق كل هذا وذاك؛ لاعب كرة ماهر أيضاً. تراودني فكرة الكتابة عنه والتعريف به منذ فترة ولم أوفق إلي الآن لفعل ذلك تحت ضغوط عديدة هذه الأيام. ولا زالت الرغبة متوفرة وتزيد مع كل اختيار جديد يقوم به. إنه يستحق هذه الفرصة التي انتظرها لسنوات طويلة جداً، رغم كل تلك الظروف التي تعرَّض فيها لامتحانات عسيرة. أتمني أن يؤبه لما يفعله. وقد أصر في آخر حلقة علي عزف مقدمة أغنية الفنان محمد وردي (المستحيل) علي الصفارة بنفسه. تري ماذا أراد صلاح أن يقول صلاح بذلك؟ تحياتي
Post: #13 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: إبراهيم عبد الحليم Date: 01-21-2012, 09:09 PM
الاخ صبرى
دخلت ابدى اعجابى الشديد. ماشاء الله الدورة دى مليانة والمنافسة مرتفعة.
معليش قناعتى الشخصية ان كل من يغنى او ينتمى لمدرسة محمد وردى الغنائية ما بتجيهو عوجة تب بداء من وردى الصغير مرورا ب بصديقى ابوبكر سيد احمد الى نميرى واسرار بابكر كذلك واحد اسمه ما متذكر الجيلى اتجه حاليا للمديح. الغناء لوردى بيمرن الصوت صاح ووردى نفسه بيدعم من يغنوا له شوف وقفته مع نميرى واسرار وابوبكر سيد احمد. عكس محمد الامين ومن تغنوا او تاسرو بيهو مثل عادل مسلم وحيدر بورتسودان وعادل الصديق او حتى عوض احمودى لازم تشق الصخر باضافرينك لكى تصل مافى دعم ملموس.
معذرة للاطالة
إبراهيم عبد الحليم
Post: #14 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: صبري طه Date: 01-22-2012, 04:40 PM
وعليكم السلام أخي راشد ...
Quote: صلاح الطيب فنان منذ نعومة الأظافر؛ وهو فنان شامل. يرسم ويلون ويجيد النحت! يعزف علي أكثر من آلة موسيقية: صفارة، بيانو، إيقاع، وعود بكفاءة أقل. لنا تجربة مشتركة في نحت قطع شطرنج من حجارة الجير التي تتوفر في (شرق الجزيرة) بغزارة، أيام الطفولة. وهو فوق كل هذا وذاك؛ لاعب كرة ماهر أيضاً. تراودني فكرة الكتابة عنه والتعريف به منذ فترة ولم أوفق إلي الآن لفعل ذلك تحت ضغوط عديدة هذه الأيام. ولا زالت الرغبة متوفرة وتزيد مع كل اختيار جديد يقوم به. إنه يستحق هذه الفرصة التي انتظرها لسنوات طويلة جداً، رغم كل تلك الظروف التي تعرَّض فيها لامتحانات عسيرة. أتمني أن يؤبه لما يفعله.
وتُشكر على مُداخلتك القيّمة .. والتعريف الجميل بالموهوب صلاح الطيب ...
Quote: وقد أصر في آخر حلقة علي عزف مقدمة أغنية الفنان محمد وردي (المستحيل) علي الصفارة بنفسه. تري ماذا أراد صلاح أن يقول صلاح بذلك؟
ربما أراد أن يظهر لأسرة البرنامج والجمهور موهبته في العزف أيضاً ...
ولك كل الود والتقدير ،،،
ـــــــــ بمناسبة شرق الجزيرة دي يا راشد أخوي ما عارف قصة موهبة الغناء دي مع أبناء شرق الجزيرة والبطانة بشكل عام شنو ؟ أذكر ونحن بمدرسة رفاعة الثانوية بنين حينها كنّا نستمع في دهشة لأبناء ريفي رفاعة حين يصدحون بأصواتهم ويتغنون لعمالقة الفنانين بشكل عادي !!!
Post: #15 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: سفيان بشير نابرى Date: 01-22-2012, 05:55 PM Parent: #14
سلامات يا صبري و مشتاقين يا اخوي تضريباتك الضربتها لخليل دي اسمه كوار سااااي الشئ شنو هو بمزاجك كدا ساااي تكاور و تحسب و تطلع نتيجه كمان!!؟
المهم يا صاحبي بالجد صلاح الطيب فنان فنان مافي إي كلام و وصل الذروة بغنائيه للعملاق الاوحد وردي و المميز في صلاح أنه يعرف تمام امكانيته جيداً و حتي لعبه الصوتي في السلم الغنائي بتلقاهو دقيق جداً فيهو و المجموعتين ديل المنافسه فيهم خطيرة جداً و غالباً تنحصر بين هاجر و الشابة التانية ديك و بين صلاح وسيف حسان و ومحمد خير و ديل كلهم خطرين جداً جداً .
بخصوص سيف حسان أنا معجب به جداً و من غير تحيز الولد فنان و له موهبة كبيرة و حضور و ذهن صافي و تلقائيه في الآداء ، الغريبة أنا ما شايف سيف دا بيغني بذات اصوات اصحاب الاغاني شايف انو هو مميز بصوته لوحده .
في حالة المفاضلة بين صلاح و سيف اظن الكفة سترجح لمصلحة سيف حسان لسبب بسيط (دي ملاحظتي أنا) هي :- صلاح رغم تمكنه و استعداده الكبير لكني اشعر أنه في المناطق الحاده لديه ضعف قليل يجب أن ينتبه له و لو لاحظته في أغنية وردي ح تنتبه للقصة دي .
يا جماعة اعذروني أنا ما متابع المنبر الأيام دي لا املك انتر نت ابداً و مدي نفيس أجازة مفتوحه .
يا خليل كيفك ؟ بوست سيف حسان داك عندي فيهو نضم مع عمر الفاروق و الصادق اسماعيل اصلي ما ح اخليهم .
Post: #16 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: نعمات حمود Date: 01-23-2012, 06:23 AM Parent: #15
الاخ صبري والمرور الكرام بجد انا حسب تقيمي الشخصي البسيط وانا زوله عادية لاناقدة ولا فنانة الاستاذ بابكر صديق اقدر اهنئه على ان حصاده هذا العام فات في النجاح عيش القضارف هذه المجموعة اتت اكلها من البت الشايقية وميادة قمر وبت الابيض وربك والتومات وكمان بصراحة كدا انا الاولاد ديل صحي هم شينين وغبش شويه لكن حبيتهم ابو السيوف دا كوووم براهووو والود ابو اسمين (الخير ومنو كدا ؟) والود بتاع الجيتار والود بتاع ود الامين وابو الصلح دا كمان زايد بالوجاهه والروقة صراحة كوولهم مبدعين ومتفردين ومميزين لكن بصراحة كدا سيف داالقامة الفنية القادمة وشكرا لهم فقد سجنوني كل خميس في بيتي شكرا لبابكر صديق ورفاقه الميامين شكرا لهذا الابداع وعين الحسود فيها عود
Post: #17 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: khaleel Date: 01-23-2012, 06:36 AM Parent: #16
البت دي فنانة برضو
Post: #18 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: سفيان بشير نابرى Date: 01-23-2012, 06:16 PM Parent: #17
Quote: البت دي فنانة برضو
تعرف يا خليل البت صوته جميل وسمح و مميز بس مشكلتي معاها أنها بتلب دائماً في الدليب
فيا ريت تطلع من الدليب دا و تسمعنا عمل كامل في غير هذا الإيقاع عشان الواحد كمان لما يقول الزولة دي غناية يقوله وهو مالي يمينو تمام ولا شنو ؟
غايتو لو الزولة دي اتأهلت و فازت بغناء الدليب فقط أنا تاني مافي حاجة حتسكتني من الاستاذ بابكر صديق و من أعضاء اللجنة نهائي .. عارف ليه ؟ لانو بصراحة ماممكن ناس صلاح و ناس سيف و ناس الحبيب ديل ما خلو فنان ما غنو ليهو و غنو من كل الونيات في الغناء السوداني و ببساطة الشابة دي تجي تفوز بنغم واحد !!!؟ المهم كلامي الفوق دا سابق لاوانه لكن كتبتو للذكرى .
Post: #19 Title: Re: يا خليل أخوي سيف حسّان غنّاي لكن ما أظن يأكل عيش مع صلاح الطيب Author: صبري طه Date: 01-24-2012, 04:51 PM Parent: #18
