Post: #1
Title: يا جماعه أتصلوا (بهاله حق) عشان تحلنا من أمونه الخدرا .....دي#
Author: زهير عثمان حمد
Date: 01-20-2012, 03:41 PM
Parent: #0
الجندرية أمونه قالت ما عايز ماسنجر من أي عضو من المعارف الذكور ووصفت الشباب بالذكور (تصنيف بنوع الجنس مرفوض)اللهم لا نسألك رد القضاء أنما نسألك اللطف أنك سميع مجيب والناس غضبان منها وديل قياداتناالتي نتعزبهم زي ملاسي وقاسم النازي الشهير جدا عزام وشخصي الضعيف بالله لازم تتصلوا بهاله حق ونعقد جلسة مصالحة في بيت الفنون وتحضر وتعترف رئيسة حزب الخضر أنها( مارست العنف اللفظي ضد بني جنسي) الكرام والسلام ختام.
وليه يا أمونه الاذاء بالرغم من قولتك (ح نتقابل ونقزقز) لن يحدث ذلك قبل الاعتذار لكل الشباب
*لن نقبل بالتعالي الاخضر بيننا!!! هتاف الشباب (أنا ما قلت حاجه)
*ياقاسم لكين أنت ما رهيب يا صديقي!!!!!هههههههه
9
9
|
Post: #2
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد حيدر المشرف
Date: 01-20-2012, 04:26 PM
Parent: #1
*
|
Post: #3
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Emad Abdulla
Date: 01-20-2012, 05:54 PM
Parent: #2
التسعتين الفوق بعض في آخر كلامك ديل شنو يا زهير ؟؟
ياخواننا بقينا ما فاهمين شي في هذا البكان يعلم الله ..
الرحمة كويسه .
...............
إلهي يجهجهكم زي ما الحكومة و المعارضة مجهجهين البني آدمين ..
بركة النبي
|
Post: #4
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Elawad
Date: 01-20-2012, 07:19 PM
Parent: #3
حلوة يا عماد... يعني باقي الكلام واقع ليك و بقت على التسعتين؟ طيب هاك دا هدية:
ويسألوني عن الرايات الاربعة ؟..قل أن ..!!
هسع بالله الزول دا قاصد بالقاصي و الداني شنو؟
|
Post: #5
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قاسم المهداوى
Date: 01-20-2012, 08:16 PM
Parent: #4
زهير يا رايق
سلااامات ياخ
عام سعيد وجديد
| Quote: *ياقاسم لكين أنت ما رهيب يا صديقي!!!!!هههههههه |
مالك على ياخ كدا بتجيب لينا (الهواء الساخن جدا فى هذا الشتاء ) وليس الهوى
او كما قال الشاعر
جانا الهوى جانا
و رمانا الهواء رمانا
( تغيير الياء الاعرج الى ألف وهمزة على السطر لانشغال المحل بحركة المناسبة )
والله اسمى اتكتب من امس لليوم زى 1000 مرة كدا
حتى كدت اصدق انى المطوية تبع الجماعة ( المذكرة الحايمة فى الترابيز اليومين ديل )
حابب ارد السلااام
مودتى وتقديرى
قاسم المهداوى
|
Post: #6
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: AMNA MUKHTAR
Date: 01-21-2012, 00:07 AM
Parent: #5
هسه هالة ذنبها شنو جايب سيرتها فى الدشمان دا ..
أبو الزهور ..أحسن ليك أمشى كوضم كوارع جدادك وأشرب الدوا ونوم .
|
Post: #7
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: عادل الباهي عبدالرازق
Date: 01-21-2012, 04:08 AM
Parent: #6
Quote:
أبو الزهور ..أحسن ليك أمشى كوضم كوارع جدادك وأشرب الدوا ونوم |
|
Post: #8
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Tragie Mustafa
Date: 01-21-2012, 04:54 AM
Parent: #7
غايتو يا عادل الباهي ضحكتني جنس ضحك....
عارف جوز اللوز ديل الذ اثنين هنا
آمنه مختار وزهير عثمان
وحياتك يا آمونه ما تعملي حسابك
لآخر السنه شكلك انت وزهير ديل حتبقوا اصحاب(ههههههههه)!
|
Post: #32
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: عادل الباهي عبدالرازق
Date: 01-21-2012, 04:10 PM
Parent: #8
Quote: غايتو يا عادل الباهي ضحكتني جنس ضحك....
عارف جوز اللوز ديل الذ اثنين هنا
آمنه مختار وزهير عثمان |
تراجي سلام
أنا غايتوا لمن أكون مدبرس بفتش لبوستات ابو الزهور عشان أضحك
لكن المحيرني زهير عارف امنه مختار بتجي ترد بعنف وبرضو تطرق لها 
|
Post: #9
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: سارة عيسى أحمد
Date: 01-21-2012, 05:15 AM
Parent: #7
يا عادل الباهي
لو كان معرفتي بيك تسمح ...كنت حا أقول ليك : تضحك بلاهن .....الخ الخ
:) :)
|
Post: #10
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Salah Abdulla
Date: 01-21-2012, 05:29 AM
Parent: #9
| Quote: التسعتين الفوق بعض في آخر كلامك ديل شنو يا زهير ؟؟ |
يا عمدة، كيفك.
ناس الحقيبة مش كانوا بيبدلوا الحروف بأرقام... وتيب.
ثم أن زهير بعد ما يشرب دواء القُحّة ، لا يُسأل عن ما يقول.
|
Post: #11
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: تيسير عووضة
Date: 01-21-2012, 05:52 AM
Parent: #10
| Quote: التسعتين الفوق بعض في آخر كلامك ديل شنو يا زهير ؟؟ |
ديل مسكول للشرطة يا عمدة ..
|
Post: #12
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: سارة عيسى أحمد
Date: 01-21-2012, 06:02 AM
Parent: #11
يا اخوانا ما تفهمو غلط ..أبو الزهور ال- shiftعندو ما شغال هو قصدو كدة :
)
)
|
Post: #13
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: osman righeem
Date: 01-21-2012, 06:23 AM
Parent: #12
| Quote: أبو الزهور ..أحسن ليك أمشى كوضم كوارع جدادك وأشرب الدوا ونوم . |
يا صاحب اعمل بالنصيحة دي و اعتبرها انزار أول مشدد
وابعد طريق امنة الاخضر
وده انزار مني
بالجنبة كده:تعال دبي العروس وافقت
|
Post: #14
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد البشرى الخضر
Date: 01-21-2012, 06:52 AM
Parent: #13
| Quote: ثم أن زهير بعد ما يشرب دواء القُحّة ، لا يُسأل عن ما يقول. |
وعند المالكية .. ولا قبل حتى
|
Post: #15
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد عبد الماجد الصايم
Date: 01-21-2012, 08:22 AM
Parent: #14
أرجو مراعاة الرعاية الحصرية لبوستات أبو الزوز!!
|
Post: #16
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: عبدالعزيز حسين عبدالرحيم
Date: 01-21-2012, 08:48 AM
Parent: #15
يا سارة عيسى ما تجهجهينا كمان
| Quote: التسعتين الفوق بعض في آخر كلامك ديل شنو يا زهير ؟؟ |
Quote: يا اخوانا ما تفهمو غلط ..أبو الزهور ال- shiftعندو ما شغال هو قصدو كدة :
)
) |
أبوالزهور كان عاوز يعمل نقطه نسى وين زر النقطة شاف الزر بتاع الصفر قال يدوسه وعلى حسب العوالم السعيدة الهو فيها قام غلط ودا زر التسعة الجنبه .... وكلو بمشي عندنا
بس المحيرني
هاله حق عرفتها
امونه الخدرا دي منو ؟
|
Post: #17
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قيقراوي
Date: 01-21-2012, 09:06 AM
Parent: #15
Quote:
ثم أن زهير بعد ما يشرب دواء القُحّة ، لا يُسأل عن ما يقول.
|
و في حالات كلام زهير في الباقير، لا يشترط ميقات (الدواء) .. لا زماناً لا مكاناً
------
ود البشرى يا حرامي
سرقت تعليقي من ن ن ن خشمي
بشتكيك و الله 
|
Post: #18
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قاسم المهداوى
Date: 01-21-2012, 09:26 AM
يا قيقراوى
عام سعيد وجديد
واشواق كميات
| Quote: و في حالات كلام زهير في الباقير، لا يشترط ميقات (الدواء) .. لا زماناً لا مكاناً |
زهير بيطرح قضية التمييز كحالة تستوجب البحث
والتمييز فى احدى الحالات بيديك (قبول ) ما قبول ( عشرة وست ) واعادة توطين كمان
ولا كـــــيف
؟؟؟
قاسم المهداوى
خارج النص
كدا قول لى عملت شنو انت
بخصوص (الحق فى التملك ) بالميلاد . مكتوب فى شهادة
الميلادة ميديرة اعالى النيل _ مركز الرنك
القيقر
|
Post: #19
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد عبد الماجد الصايم
Date: 01-21-2012, 09:47 AM
Parent: #18
في مجال الواحد يشاغل في البوست دا؟
|
Post: #20
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قيقراوي
Date: 01-21-2012, 10:00 AM
Parent: #18
مهداوي يا قيقراوي
Quote:
زهير بيطرح قضية التمييز كحالة تستوجب البحث
والتمييز فى احدى الحالات بيديك (قبول ) ما قبول ( عشرة وست ) واعادة توطين كمان
ولا كـــــيف
؟؟؟
|
ابحار في الحيز الدلالي للغة ..
للامانة (ذكور) تفرق من (ذكوري)
الاولى تمييز نوعي (لغوي) ما فوكا حاجة.. و التانية تمييز نوعي (فكري) عدييييل كدا!
فانظروا للنصف الملان من جردل الموية الدفقتو آمنة دا
من نكد الدنيا على اي زول انو يشوف اتنين من اعز اصحابو ما قادرين يتواصلوا جيداً
في مسكومنيكيشن بينكم يا احبة ..
الموضوع ابسط من كدا كتيييييير
------
اما بعد .. [بخصوص (الحق فى التملك ) بالميلاد]
فدي عاااادي ممكن ترسل لي بيها ماسنجر .. نتباحث في الامور ذات الاهتمام المشترك ..
دي مستثناة من قاعدة "رسالة الضكير للضكير .. كان النوم اخير" .. المافي شنو
هنا في مصالح و أمور ذات اهتمام مشترك!
عشان ما يبقى ليك زي كلام زهير في الباقير .. راجع رأي في (المسنجر) في مظنه بالمصدر الرئيسي.
|
Post: #21
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: زهير عثمان حمد
Date: 01-21-2012, 10:01 AM
Parent: #18
الانثي أمونه بتاعت حزب الخضر
في البداية تحياتي
وبعدين أكل الجداد لا يقلل من عظمة دوري في الحياة وكمان شراب الدوا أخيررررا من العصبايات والنرفزة والشكل وبعدين كلنا فاشلين عاطفيا ومحبطين والهم طايلناالاتنان بورة زي البيركيس ومافي داعي للتهديد لانو كفيلك قاسم المهدواي صديق عزيز لابو الزهراء ولازم من الاعتذار لقياداتنا الذكورية ما داعي لممارست العنصرية بالنوع معناوكيف عايز مناصرين لحزبك وبتعملي كدا
منتظرين الاعتذار
لكل الاخوان كانت 9
9
9
برضو التسعه فال خير ياشباب كدا راحت من الدرب
|
Post: #22
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد البشرى الخضر
Date: 01-21-2012, 10:11 AM
Parent: #21
يا النبي .. يا الرسول
|
Post: #23
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد عبد الماجد الصايم
Date: 01-21-2012, 10:16 AM
Parent: #22
تاااااخ!!
_
تحت بند: لا تكاوي البايركس .. ولا .. إلخ!!
|
Post: #24
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Salah Abdulla
Date: 01-21-2012, 10:41 AM
Parent: #23
| Quote: في مجال الواحد يشاغل في البوست دا؟ |
سارة وتيسير ، نصحية مجانية،، اتخارجوا من هنا سريع..
أنا ما عارف ودالصايم موجه سؤالو ده لمنو
لكن، عادي واحد من (الخيانة) ممكن يقول ليهو (قو أهيد)!!
يقوم (يقو يهد).
----
قو أهيد.
|
Post: #25
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد عبد الماجد الصايم
Date: 01-21-2012, 10:47 AM
Parent: #24
| Quote: سارة وتيسير ، نصحية مجانية،، اتخارجوا من هنا سريع.. |
يا زول .. وآمنة وتراجي
ديل ما عاجبنكـ ولّ شنو؟
_
( )!
|
Post: #27
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Salah Abdulla
Date: 01-21-2012, 11:03 AM
Parent: #25
Quote: يا زول .. وآمنة وتراجي
ديل ما عاجبنكـ ولّ شنو؟ |
نصحنااااكم، وابيتو تسمعوا!!!
أها القو أهيد بدت..
----
(العفش) داخل البص على مسئولية صاحبتو..
|
Post: #26
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قاسم المهداوى
Date: 01-21-2012, 10:50 AM
Parent: #23
زهير يا صديق يا عزيز
عييييييييييييييك
انت بدس اسمى بين مفردات وجمل صعبه خلاااص ياخ
وكدا بتجيب لى الهواااااااااءءءءءءءء ولا اقول ليك اعطار كاترينا ذاتو ياخ
كدا رد على ( تااااخ ) بتاعت (ود الصايم ) دى
وبقترح نرجع للموضوع الاساسى
التمييز بسبب
الجنس ( ذكر . انثى )
او النوع و.... وايضا كذلك
و
نحن اصحاااب واصحاااب شديد كمان
سؤال للجميع
اليوم هو السبت ؟؟؟ ولا انا طاشى زمن ؟؟؟؟
قاسم المهداوى
|
Post: #28
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: زهير عثمان حمد
Date: 01-21-2012, 11:25 AM
Parent: #26
تعالوا شوفوا أخوي قاسم المهدواي بعد هجمة أمونه الخدا عليهو
( سؤال للجميع
اليوم هو السبت ؟؟؟ ولا انا طاشى زمن ؟؟؟؟)
طاشي قلب يا صديقي أخ أنا من شغل العواطف والعناد برضو أنت أخضر زينا ياقاسم هههههههه
|
Post: #29
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: AMNA MUKHTAR
Date: 01-21-2012, 11:26 AM
Parent: #26
قيقراوى يا عزيز ..كتر خيرك والله :
Quote: للامانة (ذكور) تفرق من (ذكوري)
الاولى تمييز نوعي (لغوي) ما فوكا حاجة.. و التانية تمييز نوعي (فكري) عدييييل كدا! |
لكن تصدق (ذكور) دى أنا قاصداها عدييييييييييييييل كدا..
لأنو لاحظت إنو البتبرعو بالنصائح حول مواضيع البوستات والمداخلات ديل كلهم رجال ..
فهل دا صدفة ؟ !...على قول بشاشا .
دى وصاية ذكورية بشنباتها عديل كدا .
عشان كدا كان لابد من نفض الكلوش للذكوريين ديل ..
خاصة إنو نصائحهم معظمها مخستكة ..ولا تخلو من غرض .
...................
يا تراجى أبو الزهور دا من زمان بقى صاحبى فى الفيس بوك ...وسجيمان ذاتو ..تصدقى ؟
|
Post: #30
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: AMNA MUKHTAR
Date: 01-21-2012, 11:29 AM
Parent: #26
قيقراوى يا عزيز ..كتر خيرك والله :
Quote: للامانة (ذكور) تفرق من (ذكوري)
الاولى تمييز نوعي (لغوي) ما فوكا حاجة.. و التانية تمييز نوعي (فكري) عدييييل كدا! |
لكن تصدق (ذكور) دى أنا قاصداها عدييييييييييييييل كدا..
لأنو لاحظت إنو البتبرعو بالنصائح حول مواضيع البوستات والمداخلات ديل كلهم رجال ..
فهل دا صدفة ؟ !...على قول بشاشا .
دى وصاية ذكورية بشنباتها عديل كدا .
عشان كدا كان لابد من نفض الكلوش للذكوريين ديل ..
خاصة إنو نصائحهم معظمها مخستكة ..ولا تخلو من غرض .
...................
يا تراجى أبو الزهور دا من زمان بقى صاحبى فى الفيس بوك ...وسجيمان ذاتو ..تصدقى ؟
|
Post: #31
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Salah Abdulla
Date: 01-21-2012, 11:41 AM
Parent: #30
| Quote: دى وصاية ذكورية بشنباتها عديل كدا . |
ده منو الجاب سيرتي ده!!!
|
Post: #34
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ثروت سوار الدهب
Date: 01-21-2012, 04:32 PM
Parent: #31
| Quote: ده منو الجاب سيرتي ده!!! |
لا ما جابو سيرتك انت
جابو سيرة اخوك
و كان في مشكلة. نجيب المثر و نجي نقيس. ما تشالكلو ياخ انتو اخوان.
تحياتي يا صلاح
|
Post: #36
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Salah Abdulla
Date: 01-21-2012, 04:58 PM
Parent: #34
| Quote: ما تشالكلو ياخ انتو اخوان. |
يا ثروت ،إزيّك..
كان ما كلامك الفوق ده كنت قلت ليك هاك قيس..
تحياتنا ياثروت ياخ..
-------
بالمناسبة، إسمك قابل للتلحين.
|
Post: #35
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: زهير عثمان حمد
Date: 01-21-2012, 04:50 PM
Parent: #30
العزيزة أمونه في البداية تحياتي يازعيمة الخدر
(يا تراجى أبو الزهور دا من زمان بقى صاحبى فى الفيس بوك ...وسجيمان ذاتو ..تصدقى ؟ ) أعرف أن الساسة في بلاد السودان لا يحسنون خطابهم مع أحد فأنت ليس الافصاح من الحبيب الامام الصادق والاحط لغة من نافع والبون شاسع بينكم وعسي ربي يلهمك رقيق الخطاب ككل أناث السودان الرائعات, وكنت أتوقع أن تمنعك الصداقة والزمالة الاسفيرية بوصفي بالسجيمان ولكن بالرغم من سجمي وعدمي أسوي في دنيا الذكورة وزني ذهبا أشكرلك كلمتك التي لا وجود لها في قاموسي الحياتي وأحمدالله أني قائم بدوري الانساني دون أعلام أو من وأذي
وعليه يبقي الود بيننا ودمت لنا زعيمة مبجلة
|
Post: #38
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: saadeldin abdelrahman
Date: 01-21-2012, 05:14 PM
Parent: #35
يا ابوالزوز ياخ ما تشيل من الزولة ساي، سجيملن ده لقب واحد بوردابي
زميل و كدا ، فما فيهو اي اساءة .
------
كاروشة، قو اهيد :)
|
Post: #33
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: عادل الباهي عبدالرازق
Date: 01-21-2012, 04:18 PM
Parent: #9
Quote:
يا عادل الباهي
لو كان معرفتي بيك تسمح ...كنت حا أقول ليك : تضحك بلاهن .....الخ الخ |
سارة عيسي سلام
ياعزيزة ولا يهمك قولي ساي الجمله دي شبكا فيني هنا صديق مهدي
أصلوا أخرها كوم تراب .
|
Post: #37
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد عبدالرحمن محمد
Date: 01-21-2012, 05:11 PM
Parent: #33
Quote: في مجال الواحد يشاغل في البوست دا؟
|
नहीं
|
Post: #39
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قيقراوي
Date: 01-21-2012, 07:29 PM
Parent: #37
Quote:
لكن تصدق (ذكور) دى أنا قاصداها عدييييييييييييييل كدا..
|
------
ذكرتيني اللمين اخوي السغير ..
قال يوم القيامة ما بعترف ..
لمن قلنا ليو انت قايل نفسك في محكمة الكاوبويات* - المحكمة الشعبية بكوستي- يدك ح تعترف .. رجلك ح تفتو .. اللخ اللخ
قال طيب انا بدافع لمنو!؟
كان اعترفوا، ياكلوا نارم بس!!
* ما عندها اي علاقة بالقانون .. احكاما قرقوش بس!
و نوع القضايا المنظورة ذاتو تحير! .. دا حلق لغنمايتي .. و داك حلب بقرتي .. اللخ اللخ
اكتر قضية مدنية شفتها فيها يوم حكموا على شهاب التريان ود جيران بعشرة جلدات لانو ادا الحكم بنية لمن ظلم فريقو (الاهلي)
النطق بالحكم كان هكذا : حكمنا عليك بعشرة جلدات .. يا ولدي!!
|
Post: #40
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قاسم المهداوى
Date: 01-21-2012, 07:43 PM
Parent: #39
| Quote: لكن تصدق (ذكور) دى أنا قاصداها عدييييييييييييييل كدا |
مقدمة لانتاج سوء ادب
ولكن :
احتراما وتقديرا لاخرين اغض الطرف عن ذلك
قاسم المهداوى
|
Post: #41
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ثروت سوار الدهب
Date: 01-21-2012, 09:08 PM
Parent: #40
| Quote: النطق بالحكم كان هكذا : حكمنا عليك بعشرة جلدات .. يا ولدي!! |
وحات ود حسونة انت يا قيقراوي مو نصيح
ياخي الضحك كتلني
الاولاد جو جارين عاينو لي بشفقة
ارحمنا ياخ
الله يسامحك
|
Post: #42
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قيقراوي
Date: 01-21-2012, 10:01 PM
Parent: #41
يا ثروت انت قايل العشرة جلدات عشان دق الحكم!؟
لا ياخ .. لعدم احترام المحكمة!
كان خاتي ليهم يدينو في الطربيزة ..
نهروهو قام ربعم بي شفتنا كدا..
و بقى يعاين ليهم بقعر عينو!
-------
بعد الحكم .. وهو طالع ، قال ليهم :
تاني بطقطقو ليكم
|
Post: #43
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ود الخليفه
Date: 01-21-2012, 10:24 PM
Parent: #42
Quote: ذكر الجاحظ انه دخل واسط يوم الجمعه فوجد في المسجد رجل عظيم اللحيه لم ير مثلها
وكان العرب يعدون كبر اللحيه من علامات الحمق
فقال الرجل صاحب اللحيه العظيمه لاخر : الزم السنه حتى تدخل الجنه
فقال له مستفهما وما السنه؟
فقال السنه حب ابي بكر بن عفان وعثمان الفاروق وعمر الصديق وعلي بن ابي سفيان ومعاوية بن ابي شيبان
فقال ومن معاوية بن ابي شيبان؟
قال رجل صالح من حملة العرش وكاتب النبي وزوج ابنته عائشة |
|
Post: #44
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: زهير عثمان حمد
Date: 01-21-2012, 10:39 PM
Parent: #42
يا قيقا
مرة كنت في محكمة النظام العام ومع واحد صاحبي (تهمتو) سكران بعدين بدات المحكمة القاضي سال العسكري
دا مالو ؟
العسكري قال + يامولانا نحن في الطواف الليلي لقينا الزول دا سكران حايم الساعة واحدة بالليل وبعد الفحص ثبت أنو شارب خمرة!
صاحبي قعد يصرخ يا مولانا العسكري كداب لانو أنا كنت مع أبو الزهراء القاعد في النص جنب الكاتب داك ومنوكنت في طريقي للبيت في سكران بمشي البيت ما كان ممكن أنوم عندو بدل الكلام دا كلوا
القاضي قام قاليهو يعني منو غير السكران ح يرجع البيت الساعة واحدة بالليل
حكمنا عليكم أنت صاحبك تلانين جلدة عشان تاني ما تكرروا عملتكم دي ....!
بالله شفت المتخلف دا عمل شنو! جلدني معهو لا لي ناقة ولا جمل في الموضوع جيت المحكمة اساندو!
الموضوع ما فات كاسين بقي جلد ومضاربه وقصه كدا
|
Post: #45
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: AMNA MUKHTAR
Date: 01-21-2012, 11:00 PM
Parent: #44
Quote: يا قيقا
مرة كنت في محكمة النظام العام ومع واحد صاحبي (تهمتو) سكران بعدين بدات المحكمة القاضي سال العسكري
دا مالو ؟
العسكري قال + يامولانا نحن في الطواف الليلي لقينا الزول دا سكران حايم الساعة واحدة بالليل وبعد الفحص ثبت أنو شارب خمرة!
صاحبي قعد يصرخ يا مولانا العسكري كداب لانو أنا كنت مع أبو الزهراء القاعد في النص جنب الكاتب داك ومنوكنت في طريقي للبيت في سكران بمشي البيت ما كان ممكن أنوم عندو بدل الكلام دا كلوا
القاضي قام قاليهو يعني منو غير السكران ح يرجع البيت الساعة واحدة بالليل
حكمنا عليكم أنت صاحبك تلانين جلدة عشان تاني ما تكرروا عملتكم دي ....!
بالله شفت المتخلف دا عمل شنو! جلدني معهو لا لي ناقة ولا جمل في الموضوع جيت المحكمة اساندو!
الموضوع ما فات كاسين بقي جلد ومضاربه وقصه كدا |
يا أبو الزهور إنت راجل طيب ..
لكن يساء إسغلالك من قبل البعض ..
هسه فى ذمتك ..إنت الكاتب الكلام المرتب دا ؟!
............
آآآآى القصة عجيبة ...لكن مرتبة ولا تشبه أسلوبك .
والبوست دا كلللو ...شكلو فى زول أداك فكرة ومسكت فيها ..
( جندرة وتمييز قال )
|
Post: #47
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: زهير عثمان حمد
Date: 01-21-2012, 11:15 PM
Parent: #45
أمونه
كدي أمرقي من البوست قبل ما يحصل دم ولا قصه لايحمد عقباها بس أمرقي خلاص نحن ماأي حاجة في الدنيا دي أمرقي بس ؟
|
Post: #46
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قاسم المهداوى
Date: 01-21-2012, 11:04 PM
Parent: #44
ابو الزهور
7
7
7
فاصل ونواصل ( انتهى الفاصل )
انت يبدو انو دخل عليك الكاس وبقيت ماسك الليل فى يدك ( اعكس الموضوع )
الروايه الفوق دى تتبع لصاحب البوست و الاستعانة بصديق لا تجوز فى مثل هذه الحالات
خاصة و الموضوع فى غايه الاهمية الا وهو التمييز ( ذكر / انثى )
اقتراح
نرجع لموضوعنا الاساسى
التمييز بسبب النوع :
المايك عندك يا ابو الزهور
قاسم
|
Post: #48
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: تبارك شيخ الدين جبريل
Date: 01-22-2012, 00:25 AM
Parent: #46
| Quote: وليه يا أمونه الاذاء بالرغم من قولتك (ح نتقابل ونقزقز) لن يحدث ذلك قبل الاعتذار لكل الشباب |
ربنا على المتفري يا قدعان ...
بعد تكوضم كوارع الجداد وتشرب الدوا؛ كمان داير تقزقز؟
ديب والله يا ابو الزهراء ... وديب وتساوي وزنك ذهباً في عالم الذكوري (دي ما غلطة دي جلطة)
... المهم ....
|
Post: #49
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد عبد الماجد الصايم
Date: 01-22-2012, 09:57 AM
Parent: #48
سمكـ .. لبن .. تمر ذكوري!!
|
Post: #50
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: احمد ضحية
Date: 01-22-2012, 02:59 PM
Parent: #49
Quote: إلهي يجهجهكم زي ما الحكومة و المعارضة مجهجهين البني آدمين ..
بركة النبي |
هههههههههههههههههههه
يحلنا منهم الحلا بله!
|
Post: #51
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: زهير عثمان حمد
Date: 01-22-2012, 04:33 PM
Parent: #50
أحمد ياصديقي كيفك
تحياتي لك والاسرة الكريمة مع صادق ودي
|
Post: #52
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ثروت سوار الدهب
Date: 01-22-2012, 06:11 PM
Parent: #51
افجعني يا قيقابايت
و قول لي المحكمة دي لسه شغالة
و عندها صلاحيات
::::::
فجيعة في شكل ضحك بس
|
Post: #53
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قيقراوي
Date: 01-22-2012, 09:09 PM
Parent: #52
Quote:
و قول لي المحكمة دي لسه شغالة
و عندها صلاحيات
|
على ما اعتقد انها (كانت) جزء من الادارة الاهلية ..
كوستي مدينة - رغم حداثة نشوءها 1920 - لكنها مسترييفة تماماً ..
محاطة بريف احاطة السوار بالمعصم ..
بتعتمد عليو .. و هو بعتمد عليها اقتصادياً و اجتماعياً ..
حتى سياسياً - من مناطق نفوذ حزب الامة سابقاً رغم الوعي الناشئ و المنافسةالشيوعية و البعثية - و دا في علاقة جدلية مثمرة نوعاً ما
فوز حزب الامة انتخابياً بجي اعتماداً على تجذرو في الريف دا
ما علينا و ما علينا
اعمامك الكاوبويات ديل .. شيوخ قبائل كلهم .. و بعتمدوا على العرف ما القانون في حل القضايا
و ديجانقو لا يفرز طبعاً ..
كِكس (وقيل كِلس) ذيم جوز .. جوز !!
-----------
قبل يومين بقرأ لي في خبر انضمام قيادات معروفة في كوستي من حزب الامة لحكومة النيل الابيض!!
ما اعتقد انو لسة المحاكم دي موجودة
الانقاذ عبثت بكل شئ .. اكيد بتكون ضربتا
.
|
Post: #54
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: Salah Abdulla
Date: 01-22-2012, 09:40 PM
Parent: #53
| Quote: اعمامك الكاوبويات ديل .. شيوخ قبائل كلهم .. و بعتمدوا على العرف ما القانون في حل القضايا |
نوع المحاكم دي كانت موجود عندنا في الديم،وتحديداً
في القسم الجنوبي (سابقاً) هسي ما عارف سموه شنو..
أيام الكبسيبة، جُلدت فيها جلد غرائب الإبل.
(كنت زبون دايم بعيد عنكم)..
|
Post: #55
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ثروت سوار الدهب
Date: 01-22-2012, 09:47 PM
Parent: #54
| Quote: بالمناسبة، إسمك قابل للتلحين. |
قو اهيد ميك ماي داي
سلامات صلاح
|
Post: #56
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ثروت سوار الدهب
Date: 01-22-2012, 10:03 PM
Parent: #55
Quote: ما اعتقد انو لسة المحاكم دي موجودة
الانقاذ عبثت بكل شئ .. اكيد بتكون ضربتا |
دي تحديدا تكون الانقاذ عملت شيئ مفيد!
و لكن بتحويل صلاحيات الكابويات ديل للقضاة الرسمي
بلا ادارة اهلية بلا كلام فارغ
|
Post: #57
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قيقراوي
Date: 01-22-2012, 11:14 PM
Parent: #56
Quote:
أيام الكبسيبة، جُلدت فيها جلد غرائب الإبل.
(كنت زبون دايم بعيد عنكم)..
|
كان عندك حمار؟
و ادوهو شريط ناس القسم؟
ولّ الفي النكتة داك (زبون دايم) تاني!؟
--------
يا ثروت
Quote:
دي تحديدا تكون الانقاذ عملت شيئ مفيد!
و لكن بتحويل صلاحيات الكابويات ديل للقضاة الرسمي
بلا ادارة اهلية بلا كلام فارغ
|
ابداً
الانكاص ابداً ما ممكن (تعمل) شئ مفيد ..
لانها بتقطع .. بعدين تحسب
ثم ياخي دا فرقنا منكم انتو الحداثويون ديل، في ما بعد الحداثة ..
مشكلتكم بتقطعوا ناشف مع التراث ..
و بتحرقوا المراحل
قانون شنو بنفع مع ناس "تاني بطقطقو ليكم" ديل!؟
"كشيب"* ايام محاكم العدالة الناجزة سيئة الذكر و الطاري .. جلدوهو 40 جلدة ..
ابى يزح .. قال ليهم ادوني 40 تانية .. انا من دربي دا على الانداية طوالي!
* اجمل شخصية في كوستي و نوارة قهوة اللعيبة (قهوة حامد).. لعب في بري و منتخب السودان في السبعينات .. قبل الرياضة الجماهيرية (على ما اظن غير آثم)
|
Post: #58
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ثروت سوار الدهب
Date: 01-23-2012, 00:39 AM
Parent: #57
الشهاد يا قيقابايت
ان لافرق بين القضاة و محكمة العمد
في ظل تردي المجتمع نتيجة لحكم الانقاذ.
تبقى كلمة فائدة هنا للترجيح المظهري فقط
كفعل قامت به الانقاذ و ليس ابعد
الانقاذ حريصة على تكريس التخلف الاجتماعي و استمرار العادات و التقاليد البدائية و انكسار العدالة
و اجراءاتها اكثر من كابويات انفسهم.
فقط المظهرية هي دوافع استحساني
كخطوة اولية يعقبها التجذير الجوهري
و نهاية الادارة الاهلية لمصلحة المجتمع المدني.
بعد كنس الانقاذ بالطبع.
و هذا اولا
|
Post: #59
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ثروت سوار الدهب
Date: 01-23-2012, 01:43 AM
Parent: #58
ثانيا
Quote: ثم ياخي دا فرقنا منكم انتو الحداثويون ديل، في ما بعد الحداثة ..
مشكلتكم بتقطعوا ناشف مع التراث ..
و بتحرقوا المراحل |
لو صنفنا تصنيف بسيط كدا
ما قبل الحداثة بجيب حزب الامة و الاتحادي و قصة سيدي و ما سيدي العجيبة دي,
و الحادثة بجيب الشوايعة و البعثيين و الكيزان(الكيزان اصلا نتيجة للسلم التعليمي و ليس المؤسسات التقليدية بشكل عام)
و ما بعد الحداثة بجيب الحزب الليبرالي و (حق) و الخضر و القوى الحديثة عموما.
نقولب الكام دا
الادارة الاهلية و محكمة الكابويات في كوستي بنتج حزب امة
و تريف كوستي بينتج حزب الامة
العدالة المظهرية و التمدن الصوري سينتج كيزان و شوايعة و بعثين لانه اصلا في التجارب الثلاثة لم تنتج مجتمع مدني حقيقي.
و انتجت تجارب منحطة و محافظة على البرطراكية و معادية للحرية بحكم انها انظمة تهومية و عقيمة.
تجذر مفهوم سيادة القانون و اتساق فلسفة التشريع مع مفهوم العدالة و القانون
سينتج حزب ليبرالي و مفاهيم حضارية و مدنية راقية.
يعني اتساق العقوبة مع مفهوم الانسانية و حقوق الانسان و ذلك بالغاء عقوبة الجلد الحاطة لكرامة الانسان و اخراجها من الحياة نهائي. هذا مثال.
و اباحة شرب المسكرات لانها جزء من التراث و الموروث الاجتماعي و اخارجها صعب من العقل الجمعي و التعاطي.
الا بمحاولة خداع النفس بالتفسيرالديني و انسحابه على التشريع بالفوقية و الجبرية و التسطيح و لا يجدي .
اتساق النظام العدلي نفسه في شخوصه و اجراءاته. فلا يمكن ان يسود مفهوم سيادة القانون
و افراد الشرطة يعتمدون على الرشوة كدخل اكثر من مواهيهم. و هم اول من ينتهك القانون
بجهل او تعمد او بعدم مسؤولية.
هذا ضرب مثال.
كدي يا قيقابايت
و لاه مو كدي
تحاياي
|
Post: #60
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد على طه الملك
Date: 01-23-2012, 02:44 AM
Parent: #59
Quote: ذكر الجاحظ انه دخل واسط يوم الجمعه فوجد في المسجد رجل عظيم اللحيه لم ير مثلها
وكان العرب يعدون كبر اللحيه من علامات الحمق
فقال الرجل صاحب اللحيه العظيمه لاخر : الزم السنه حتى تدخل الجنه
فقال له مستفهما وما السنه؟
فقال السنه حب ابي بكر بن عفان وعثمان الفاروق وعمر الصديق وعلي بن ابي سفيان ومعاوية بن ابي شيبان
فقال ومن معاوية بن ابي شيبان؟
قال رجل صالح من حملة العرش وكاتب النبي وزوج ابنته عائشة |
يا ود الخليفه الكلام ده زمان واللا في زمنا ده؟
|
Post: #61
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: قيقراوي
Date: 01-23-2012, 09:18 AM
Parent: #60
Quote:
تجذر مفهوم سيادة القانون و اتساق فلسفة التشريع مع مفهوم العدالة و القانون
سينتج حزب ليبرالي و مفاهيم حضارية و مدنية راقية.
يعني اتساق العقوبة مع مفهوم الانسانية و حقوق الانسان و ذلك بالغاء عقوبة الجلد الحاطة لكرامة الانسان و اخراجها من الحياة نهائي. هذا مثال.
و اباحة شرب المسكرات لانها جزء من التراث و الموروث الاجتماعي و اخارجها صعب من العقل الجمعي و التعاطي.
الا بمحاولة خداع النفس بالتفسيرالديني و انسحابه على التشريع بالفوقية و الجبرية و التسطيح و لا يجدي .
اتساق النظام العدلي نفسه في شخوصه و اجراءاته. فلا يمكن ان يسود مفهوم سيادة القانون
و افراد الشرطة يعتمدون على الرشوة كدخل اكثر من مواهيهم. و هم اول من ينتهك القانون
بجهل او تعمد او بعدم مسؤولية.
هذا ضرب مثال.
كدي يا قيقابايت
و لاه مو كدي
تحاياي
|
هيك ساي هو!؟
هيك و نص و خمسة
بالضبط، و انا بكتب في خرمجاتي اعلاه .. مسيطر على كل مقدمة الذاكرة (واحد) قيقا دي (عَتُودُ الدَّوْلَة)
-------
مذكرة تفسيرية لغير الناطقين بها :
العَتُودُ .. و قيل (العتوت) في بعض الروايات الضعيفة، هو الزوج المستقبلي للسخلة و قيل السخلاية .. برضو
(دا معكوس نص (مذكرة تفسيرية) معنى (سخلة) للخواجة في مسرحية صقر قريش - فرقة الاصدقاء المسرحية)
قال ليو- بعد نبزو بيها، و بانقليزية بائسة - سخلة إذ أتوود'ز وايف!!
ورد في حاشية المقال الاصل في معنى العتود : هو الجدي الذي استكرش، و قيل هو الذي بلغ السفاد .. و قيل هو الذي اجذع ..
و العتود من اولاد المعيز، ما رعى و قوي، و اتى عليه حول (انظر لسان العرب - ابن منظور، مادة "عتد" و هو هكذا عند عامة مستعربي السودان
انتهى
|
Post: #62
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: ود الخليفه
Date: 01-23-2012, 09:52 AM
Parent: #60
عزيزي محمد علي
الكلام دا ما طول شديد وقد قيل انه في نفس المحكمة اعلاه قد شهد رجل من عامة بغداد يدعى سلمى *الموسوس عند الوالي جعفر ين سليمان على جاره انه يتزندق فساله الوالي عن ذلك فقال
هو مرجئي جبري قدري ناصبي رافضي من الخوارج
يشتم الحجاج بن الزبير الذي هدم الكعبه على علي بن ابي سفيان ويبغض معاوية بن الخطاب
الذي قتل عليا بن العاص
فقال الوالي
ما ارى على اي شئ احسدك؟ اعلى علمك بالمقالات ام معرفتك بالانساب؟
ـــــــــــــ
* لا علاقة له بزهير بن ابي سلمى لذا وجب التنويه
|
Post: #63
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: محمد على طه الملك
Date: 01-23-2012, 01:35 PM
Parent: #62
Quote: فقال الوالي
ما ارى على اي شئ احسدك؟ اعلى علمك بالمقالات ام معرفتك بالانساب؟
ـــــــــــــ
* لا علاقة له بزهير بن ابي سلمى لذا وجب التنويه |
ههههههههه..
ومهما تكن عند امرئ من خليقةٍ
وإن خالها تخفى على الناس تُعلم.
|
Post: #64
Title: Re: يا جماعه أتصلوا (بهاله حق) عشان تحلنا من أمونه الخدرا .....دي#
Author: haroon diyab
Date: 01-25-2012, 06:08 AM
Parent: #63
اجمل حاجة في البوست المخستك ده....
Quote: هو مرجئي جبري قدري ناصبي رافضي من الخوارج
يشتم الحجاج بن الزبير الذي هدم الكعبه على علي بن ابي سفيان ويبغض معاوية بن الخطاب
الذي قتل عليا بن العاص
فقال الوالي
ما ارى على اي شئ احسدك؟ اعلى علمك بالمقالات ام معرفتك بالانساب؟ |
سلامات ياود الخليفة
|
|