تاني ظووووووووط في قبولك يا نافع ؟؟

Post: #1
Title: تاني ظووووووووط في قبولك يا نافع ؟؟
Author: خدر
Date: 01-20-2012, 10:21 AM

___
تلقاها من صراع اجنحة المؤتمر الوطني ولا من بوشي ولا من قناة الجزيرة القبلت عليكم !!

Post: #2
Title: Re: تاني ظووووووووط في قبولك يا نافع ؟؟
Author: خدر
Date: 01-20-2012, 10:26 AM
Parent: #1

اهلنا الجعليين بقولوا في مثلهم السري
كان غلبك سدها , وسع قدها

____
بعد تصريح الترابي عنك و المذكرة دي انا لو منك اوسع بيها طوالي

Post: #3
Title: Re: تاني ظووووووووط في قبولك يا نافع ؟؟
Author: خدر
Date: 01-20-2012, 10:32 AM
Parent: #2

اتمني انك ما تشغل بالك بي انو المذكرات "المزز " دي كتبها منو
"الترابي - علي عثمان" ما فرقت .. وسع بيها طوالي النبي فيك

_____
حكمة اليوم و غدا .. البلعب التح ما بقول اح

Post: #4
Title: Re: تاني ظووووووووط في قبولك يا نافع ؟؟
Author: Ahmed musa
Date: 01-20-2012, 11:17 AM
Parent: #3

غايتو يامولانا محمد عبدالله شيخ ادريس ده قلبه مع المذكرة وعقله مع منصبه

Post: #5
Title: Re: تاني ظووووووووط في قبولك يا نافع ؟؟
Author: mutwakil toum
Date: 01-20-2012, 11:30 AM
Parent: #3

يا خدر و الله موضوعك ده ما بدفئ،
الزول ده يقول المذكرة تشتكئ التلكؤ في تنفيذ بعض التوصيات الأصلاً مطروحة في المؤتمر العام للحزب،
يعني الخلل الموجود ليست الحزب و أنما ادارة التوصيات و تنفيذ المطالب داخل الحزب..
ودي اشكالية ميتة بتديهم عشرين سنة تانية لعمل اصلاح داخل الحزب (حزب الخراب الاسلامي)..
مشكلة السودان أكبر من مشكلة الموتمر الوطني، السودان بلد متآكل من جوة فساد ومحسوبية و انهيار اقتصادي و انهيار اداري و انهيار اخلاقي و انهيار من مجاميعو.
ا\مشكلة المؤتمر الوطني بسيطة لكنهم يحاولون تضخيمها، فهم لم يفيقو بعد من صدمة سحب بساط البترول منهم و بالتالي توقف الأرصدة في أرقام لا تتوافق و طموحاتهم و هي مشكلة حلّها بسيط بما انهم لا ضمائر لهم تمنعهم من سرقة و فرض ضرائب على المغترب و ستات الشاي و بائعات المريسة و بائعي الليمون و اسياد الدرداقة..

,,
لكن الكوز ده بالغ في (عدم لا مبالاة)دي:)

Post: #6
Title: Re: تاني ظووووووووط في قبولك يا نافع ؟؟
Author: نادر
Date: 01-20-2012, 12:51 PM
Parent: #5

أنا ما عارف تاني الشعب السوداني ده منتظر شنو، ياخي الكيزان إتململوا وقال الروووووب من فساد الحكومة وعمايلة الشينة!
سلامات يا مان

Post: #7
Title: Re: تاني ظووووووووط في قبولك يا نافع ؟؟
Author: طارق جبريل
Date: 01-20-2012, 01:04 PM
Parent: #6

يا خدر ظوووووط دي مهذبة ياخي
كان تزيدها حاجة إن شاء الله «قنتة»

Post: #8
Title: Re: تاني ظووووووووط في قبولك يا نافع ؟؟
Author: محمد على طه الملك
Date: 01-20-2012, 01:28 PM
Parent: #7

سلامات يا فنان ..
الناس دي تفنجط ساكت ..
دا رأيي الكتبته في الانقاذ..
Quote: * الإنقاذ حكومة عسكرية بحتة:
يجب أن لانُخدع بقشريات واجهاتها المدنية وتهليلات المؤتمرين على مصالحهم ، هي حكومة أضلاعها الأربعة عسكرية كما أسلفت ، يحكمون ويتحكمون وحدهم في مصير البلاد ، جسدهم العسكري هو الحاضن لمصالح الرأسمالية الاسلامية الحديثة المتسقة ومتناسقة مع الرأسمالية العالمية ، الساعية نحو التزاوج بها تحت سيطرة العسكر ، مزاوجة قد تبدو غريبة لمن لم تتجاوز تحليلاته أزمنة الحرب الباردة ، على الرغم من سيطرتها الظاهرة على الواقع الاقتصادي الملموس في البلاد.

عشان كده أخير ليهم يتلموا على الناس البتقول الشارع قالع..

شايفك عملت وداني الزمان...

Post: #9
Title: Re: تاني ظووووووووط في قبولك يا نافع ؟؟
Author: صديق الموج
Date: 01-20-2012, 03:59 PM
Parent: #8

خدرل ....سلام
لكن محمد شيخ ادريس ده قال هنالك تململ من الذين رفعوا المذكرة والذين يؤيدونها ماورانا هو وين و رأيه شنو
فى المذكرة؟

يعنى زولك عينه فى الورد وروحه فى التفاح !!!