Post: #1 Title: سيف على مساعد عوج الدرب الخ .. Author: محمد حيدر المشرف Date: 01-19-2012, 09:50 PM Parent: #0
سلامات آ زول وكيف الحال وبعد ..
بلغنى إتهامك لى بالعنصرية فضحكت حتى بانت .. ده كلام شنو آ زول ؟! أول بالتبادى يا عمك .. أحرجتنى جدا والله .. لا قدرت أسكت .. لا عرفت اتعامل معاك بي ياتو مدخل .. المشكلة يا سيف أنى .. وهذا حقيقي جدا .. أتخذ كتاباتك هزواً .. والله صحى يا سيف ؟! وبلوم نفسي كتير جدا على المسألة دى .. وأجد كثيرا من الاعذار المعقولة .. حسناً .. بعضهم لا يجيد التعبير الجيد عن نفسه !! بعضهم يكتب تحت وطأة الانفعال !! بعضهم لم يحظى بتعليم مناسب !! بعضهم أصحاب ثقافة أجنبية فى المقام الأول وعلى خلفية الشتات السودانى العظيم !!!!!! وهكذا .. بيد أنى لا ألبث إلا أن ألوم نفسى مرة أخرى أن إتخذتك هزواً ومن جديد !! وتجبرنى على ذلك وألوم نفسي الأمارة بالاستهزاء أن تكف عن إتخاذ كتابتك هزواً..
كما ويطيب لى عقد مقارنات بينك ومنصور خالد ولا أعرف لماذا بالتحديد .. تذكرنى - على نحو غامض جدا - بمنصور خالد ؟!! وعندى من الخبث الانسانى ما يكفى يا عزيزي لهذه المقارنات الطريفة أن تكون ! ولكن لا عليك من ذلك كله .. يا سيف ياخى انت اتهمتنى بالعنصرية .. فياخى الكلام ده كيف ؟!
Post: #2 Title: Re: سيف على مساعد عوج الدرب الخ .. Author: محمد حيدر المشرف Date: 01-19-2012, 10:13 PM Parent: #1
انا يا سيف, وأحمد نفسي كثيرا.. زول سودانى بسيط جدا ومؤمن بى وطن حر وعلمانى وديمقراطى .. ويكاد ذلك يكون المنفستو الوحيد الذى أتحرك من خلاله فى هذا المجال المعلوم ..
Post: #5 Title: Re: سيف على مساعد عوج الدرب الخ .. Author: Abuzar Omer Date: 01-19-2012, 10:18 PM Parent: #2
أعيذك بالله أن تكون من المستهزئين. يا مشرف نحن خاتنك للكبيرة، فعرج عن "عوج" الدروب..
Post: #3 Title: Re: سيف على مساعد عوج الدرب الخ .. Author: الامين موسى البشاري Date: 01-19-2012, 10:15 PM Parent: #1
اكسب زمنك يا مان .......... والله صحي ()
Post: #4 Title: Re: سيف على مساعد عوج الدرب الخ .. Author: محمد حيدر المشرف Date: 01-19-2012, 10:18 PM Parent: #3
لا تقنطوا من رحمة الله يا بشارى .. والله صحى !!!!
Post: #6 Title: Re: سيف على مساعد عوج الدرب الخ .. Author: محمد حيدر المشرف Date: 01-19-2012, 10:37 PM Parent: #4
أباذر سلامات .. ولا تنزعج يا صديق .. رد الشبهات حق أصيل أملكه وأقدر عليه .. وسيف لم ينحدر لمستوى الانتماء للمؤتمر الوطنى حتى نتجاهله .. وقد يأبي تقديرنا هذا .. ولكل حادثة حديث
Post: #7 Title: Re: سيف على مساعد عوج الدرب الخ .. Author: محمد حيدر المشرف Date: 01-19-2012, 11:04 PM Parent: #6
طبعا وفى تفاصيل ردى على العزيز أبو ذر .. ثمة رسالة أخرى وفى اتجاه آخر بعيدا جدا عن هذا الزول الانيق جدا .. وموجهة لمنسوبى المؤتمر الوطنى تحديدا .. وساي كده ومزاج وبلا مناسبة ! اللايظن أحدهم أن خلافى والاخ سيف قد يوحد رؤانا حول شيء مشترك .. وذلك بتاتا وبحكم الاطلاق .. فانسوا موضوع البوست ده .. هو ما بيننا .. وذاك ما بيننا وبينكم ..
* راجع حملة مقاطعة منسوبي المؤتمر الوطنى ..
Post: #8 Title: Re: سيف على مساعد عوج الدرب الخ .. Author: Yassir Tayfour Date: 01-19-2012, 11:23 PM Parent: #7
يا مشرف المحيرني في أمر سيف حقيقة هو كيفية وصوله لألمانيا إبتداءً.. __ والله جد، يا عملات قيقراوي ؛)
Post: #123 Title: Re: سيف على مساعد عوج الدرب الخ .. Author: Gaafar Ismail Date: 01-23-2012, 04:53 AM Parent: #8
Quote: يا مشرف المحيرني في أمر سيف حقيقة هو كيفية وصوله لألمانيا إبتداءً.. __
إبننا ياسر انت من سوامق ظرفاء المنبر
تحياتي
Post: #9 Title: Re: سيف على مساعد عوج الدرب الخ .. Author: الشفيع وراق عبد الرحمن Date: 01-20-2012, 07:19 AM Parent: #7
Quote: وموجهة لمنسوبى المؤتمر الوطنى تحديدا .. وساي كده ومزاج وبلا مناسبة ! اللايظن أحدهم أن خلافى والاخ سيف قد يوحد رؤانا حول شيء مشترك .. وذلك بتاتا وبحكم الاطلاق
ود المشرف كيفنك رسالتك وصلت وبالبونط العريض ما قلته هنا، تحيدياً نسميه (كفر)، واقصد التعريف اللغوي شئت ام ابيت، وطالما ظللت الانسان النظيف المخلص الواعي ، حتماً ستلتقي بنا رؤى من حاولت نفي توحد رؤاك معهم، ليست كلها (شر) وكما يقول الجمهوريون (لا يوجد شر محض) تظنهم الأقرب لك، وستحاول وتحاول التأقلم والتعايش وستفشل كنا أيضاً هناك، قبلك وبعدك، ثم نقطة نقطة، تجمعت ثم سالت
قلنا ونعيد، كل منبع صافي و نقي، حتما سيصب عندنا، طال الزمن او قصر
تحياتي
Post: #10 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 09:26 AM Parent: #9
يا طيفور ..
Quote: يا مشرف المحيرني في أمر سيف حقيقة هو كيفية وصوله لألمانيا إبتداءً..
هى - ربما - أحدى صدف التأريخ يا عزيزي .. والتأريخ مليان بمثل هذه الممحنات يا ياسر .. فلا تعجبن مثلا أن تدق باب بيت من بيوت الاسكيمومثلا .. يفتح ليك الباب شافع حايم بى لباسوو ومغبر وأغبااااش ولميض جدا يهتف بك : عاوز شنو ؟!
.. التأريخ مليان بالصدف الممحنة يا عزيزي .. " وش حكيم جدا "
Post: #11 Title: Re: سيف على مساعد عوج الدرب الخ .. Author: saif massad ali Date: 01-20-2012, 09:43 AM Parent: #10
الاخ محمد حيدر المشرف
بعد اذنك ارد علي ياسر طيفور
سيف مساعد وصل لالمانيا بعلمو وقلمو .يعني مامهاجر ولا لاجئ
دخل ليهو تحت لستك عربية
دخلت المانيا عزيز مكرم احترمني الذين علموني في الجامعات واحترمتهم
لكن ياياسر انت وصلت كندا كيف ؟ علي حساب السودان وشعب السودان وده اكبر من عقلك والله اتحداك قدام الامة دي كلها فسر كلامي ده
رغم ذلك عجبني اعترافك وخروجك من الاتحادي
قال سيف مساعد وصل المانيا كيف قال
Post: #16 Title: Re: سيف على مساعد عوج الدرب الخ .. Author: saif massad ali Date: 01-20-2012, 10:15 AM Parent: #11
محمد المشرف
اسع نفسك قائم مالك
كتر خيرك انا مامستوي المؤتمر الوطني
لكن كدي قول لي
بلغك كيف يعني
Post: #12 Title: Re: سيف على مساعد عوج الدرب الخ .. Author: Afraa Sanad Date: 01-20-2012, 09:48 AM Parent: #10
Quote: كل منبع صافي و نقي، حتما سيصب عندنا، طال الزمن او قصر
ومازال الشفيع يدهشني ويتحري الدهشة حتي يكتب عند الشعب،،،،،،،،،،،،،،،،
صافي؟؟؟؟؟ و نقي؟؟؟؟؟ وعند من؟؟؟؟؟
Post: #13 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 09:56 AM Parent: #10
إستطراد جانبي أو.. بالجنبه كده ..
أضاع رفضى القاطع والحاسم "سنه يا أنا" لمنسوبى المؤتمر الوطنى .. أن أشاركهم هذا البوست .. أضاع ذلك فرصة تأريخية أن يحفل هذا البوست بما لذ وطاب مما تشتهيه الخرمجة المنبرية .. أضعت على نفسي فرصة أن أبدو حكيما ومحبوبا ذا طبع سودانوى أصيل فى الخلاف والاختلاف .. مع العلم أن مسألة الطبع السودانوى السمح والاصيل فى الخلاف والاختلاف دى زائفة جدا .. مجرد إكذوبة .. والله جد " يا عملات قيقراوى " فأهل السودان يقتلون بعضهم بعضا ويتناحرون نحرا شديدا فى خلافاتهم .. وبالتالى فإن ما فاتنى من فرص من خلال هذا البوست لابدو حكيما ومتسامحا وسمحا .. ما هى الا فرص مزيفة وغير حقيقية أبدا .. فى الواقع .. كان قرارا حكيما جدا منى أن أقاطع منسوبى المؤتمر الوطنى .. فقاطع وبدورك ويا عزيزى, منسوبي ذلك الحزب الشيطانى .. ويا ايد أبوى على ايد أخوى على ايدٍنا .. على ايد ايد وايد .. نجدع بعيد .. فى اللجة من راس ميضنة .. حيكومة الفقر الدمار .. الكضبن والصهينة ..
.. نرجع لى موضوعنا الأصلى سيف على مساعد عوج الدرب الخ ..
Post: #15 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 10:05 AM Parent: #13
سيف ودعلى ود مساعد ود عوج الدرب .. حبابك عشرة آ زول ..
هذا البوست .. وكما هو معلوم موجه نحوك وبالاسم .. وموضوعه الاساس .. أنك اثبت على تهمة العنصرية .. ولا أطالبك الا بالحيثيات يا سيف .. فقط حيثيات الاتهام الذى أثبته فى حقى ..
وأما ياسر .. فلك اللحم ولنا العضم
Post: #14 Title: Re: سيف على مساعد عوج الدرب الخ .. Author: معاوية عبيد الصائم Date: 01-20-2012, 09:59 AM Parent: #9
Quote: قلنا ونعيد، كل منبع صافي و نقي، حتما سيصب عندنا، طال الزمن او قصر
يعنى مؤتمركم ده المصب النقى ؟ سبحان الله وقااادر الله تحياتى لود المشرف وود مساعد.
والجميع
Post: #17 Title: Re: سيف على مساعد عوج الدرب الخ .. Author: محمد البشرى الخضر Date: 01-20-2012, 10:24 AM Parent: #14
ود المشرف ذكرك - بمناسبة وبدون - لمقاطعة ناس المؤتمر ذكرتني نكتة الشايقي القرر التوقف عن شراب الشاي
Post: #18 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 10:40 AM Parent: #17
شاى شنو يا ود البشري المسألة أكبر من كده ياخى ..
منسوبى المؤتمر الشيطانى دول انواع كتيرة .. فى الناس الساي وانت عارفهم كويس .. وفى الناس الفاهمين المسألة كويس جدا وشغالين سياسة صاح .. وفى الناس المهزومين تماما إزاء فهمهم للمسألة .. وما لهم الا محاولات التجمل ..
التلاتة انواع دى يجب مقاطعتها .. عزلها تماما .. ايداعها الحجر المنبري جوار الخور .. وذلك كآلية وتعبير سياسي وأخلاقى ووطنى ..
تقول لى شاى ؟! هؤلاء هم أفيون المنبر يا ود البشري ! ..
Post: #19 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 10:52 AM Parent: #18
Quote: اسع نفسك قائم مالك
كتر خيرك انا مامستوي المؤتمر الوطني
لكن كدي قول لي
بلغك كيف يعني
معقولة بس يا سيف ياخى .. أرد عليك وبعد اسبوعين وبمنتهى الظرافة والرشاقة المنبرية تقول لى نفسك قايم ؟! بالغت والله ؟!!!
Post: #22 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 11:01 AM Parent: #19
Quote: محمد المشرف
سيب الفهلوة والبهلوة
انتي عنصري ماتدسها
انت مؤيد لاعتقال واغتيال ابناء دارفور
في هذا البوست اتو اليك مؤيدي الانقاذ فرادي ومثني
وعظمة فرحتك بهم
بخيت ومبروك عليك
Post: #20 Title: Re: سيف على مساعد عوج الدرب الخ .. Author: محمد البشرى الخضر Date: 01-20-2012, 10:53 AM Parent: #18
يا دكتور شكلك ما سمعت النكتة احكيها ليك لا قدام ان شاء الله
Post: #21 Title: Re: سيف على مساعد عوج الدرب الخ .. Author: saif massad ali Date: 01-20-2012, 10:54 AM Parent: #18
المشرف
اتفقنا المؤتمر الوطني يطلع بره
Post: #23 Title: Re: سيف على مساعد عوج الدرب الخ .. Author: saif massad ali Date: 01-20-2012, 11:14 AM Parent: #21
محمد المشرف
انا سالتك سؤال
انت عنصري ؟
ماتدسها
لانو في البوست المعني الفرحين بسجن ابناء دارفور دخلوا بالكوم
Post: #24 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 11:47 AM Parent: #23
سيف تحياتى ..
لم يكن واضحا أبدا أن تلك الاتهامات المثبته قد جاءت فى صيغة السؤال .. جاءت فى صيغة اقرار الحقائق التالية
1- أنى عنصري 2- أنى مؤيد لاعتقال أبناء دارفور 3- أنى قابلت كل من أتانى من منسوبي المؤتمر الوطنى بالترحاب والفرح العظيم ..
راجع يا سيف المداخلة ..
Quote: محمد المشرف
سيب الفهلوة والبهلوة
انتي عنصري ماتدسها
انت مؤيد لاعتقال واغتيال ابناء دارفور
في هذا البوست اتو اليك مؤيدي الانقاذ فرادي ومثني
وعظمة فرحتك بهم
بخيت ومبروك عليك
أولا .. ولأكن صريحا جدا معك .. سائنى جدا أن يصدر ذلك منك تحديدا .. ولدرجة تصورت معها أنك لم تكتب تلك المداخلة .. وما جعل ذلك التصور قريبا منى فى هذه اللحظة حيرتك التى بدت لى طبيعية جدا وانت تتسائل فى هذا البوست عن موضوع ما بلغنى من اتهامك اياى وكيفية وصوله لى .. فعندما أكتب لسيف مساعد تهما ثقيلة قبل فترة وجيزة ويأتى ليسائلنى عنها حتما وعلى أقل تقدير لا يمكن أن تصيبنى الحيرة من التساؤل ؟!!
ثانيا يا سيف .. نتحرك فى مجال ملغوم جدا .. بحيث يتوجب علينا تحسس خطانا جيدا قبل نخطوها فى هذا المجال /المنبر والبوست المعنى لم ينطلق من اجندة عنصرية .. وفى الواقع ان منطلقاته فى الضد من العنصرية .. فلا يمكن لنا تبادل مثل هذه التهم الثقيلة وبمثل تلك الرعونة الفائقه ..
ثالثا يا سيف .. أنا أعلنت وقبل ذلك البوست مقاطعتى التامه لمنسوبى المؤتمر الوطنى .. ويعتقد صديقى ود البشري أنى لم أسمع بنكتة الشايقى والشاي ولكن .. عندما أكتب شيئا فأنا أعنيه تماما .. وعندما أوضحت هنا أن ما بيننا هو بعيد جدا عن الذى بيننا وأؤلئك .. كنت أعلم حوجتى لايضاح وقوفى التام عن التعامل مع منسوبي المؤتمر الوطنى ومن قبل مسألة منعم سليمان وبالتالى فان الاتهام الثالث .. وهو فرحى العظيم بمنسوبى المؤتمر الوطنى غير صحيح .. لم يأتوا الى فرادى او فى مجموعات لعلمهم التام مقاطعتى لهم .. ولم افرح بهم ولن يكون ..
رابعا يا سيف .. لا عداوة شخصية .. وفى الواقع التقيتك مرة وكنت سعيدا بمعرفتك وكنت أتمنى أن التقيك مرة أخرى وحسنا .. حسنا جدا .. أقبل الآن تفسيرك أن الامر كان مجرد تساؤلات .. وأؤكد لك أنى ضد العنصرية .. ضد الاعتقالات .. وضد منسوبى المؤتمر الوطنى
تحياتى
Post: #25 Title: Re: سيف على مساعد عوج الدرب الخ .. Author: saif massad ali Date: 01-20-2012, 01:55 PM Parent: #24
سلام
تشكر سيدي
اتفقنا
Post: #26 Title: Re: سيف على مساعد عوج الدرب الخ .. Author: Salah Abdulla Date: 01-20-2012, 02:58 PM Parent: #25
Quote: اتفقنا
لا لا لا لا لا لا لا لا لا لا لا لا لا لا . الكلام ده ما بينفع معانا!!! خلاص كده ، نقوم نتنفض ونتخارج؟؟
ده كلام شنو ده، إنتو عايزين تبوظوا علينا المنبر ده واللا شنو؟؟؟ النهايات الزي دي هنا ما مقبولة، إزالة الالتباسات وسوء الفهمات بالسرعة والصورة دي ما شغالة معانا.. وين المساجلات، وين المجادعات، وين الملاسنات، وين الإتهامات، وين التحديات، وين الشلليات، وين الأنصار والمشجعين وين التحالفات ، وين المشاكل التي تتفرع من (هكذا) بوستات، وين الحكماء ، وين الناصحين، وين الاجاويد، وين مؤلفي القصص التاريخية الفضائحية، وين ووين ووين .... وين حنانك ووين مكانك وين!! إنتو قايلين القصة على كيفكم؟؟؟ ثقافة هذا المكان والاعراف الراسخة بالممارسة وما جرى عليه العمل، يمنع عليكم مثل هذه النهايات التعيسة البائسة التي لاتشبه هذا المكان ولا تمثله.. كما أنها تعتبر خروجاً عن إجماع الأمة، وزندقة ، وخروجاً عن المألوف ، سيلقى (حتماً) معارضة الجميع هنا.. لذا يحظر عليكما نشر مثل هذه الثقافة الوافدة التي لا تمثلنا كشعب جُبِل على أعراف وتقاليد راسخة رسوخ هذا المكان.. فرجاء يا محمد وسيف ، ما تخربوا لينا رصتنا وما تعارفنا وتعودنا عليه هنا.. دوروا لينا الكيتة دي خلونا نعرف نشتغل بالله.
Post: #27 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 03:18 PM Parent: #26
اتفقنا يا سيف .. وكتر خيرك على الاستجابة الايجابية والمسؤولة .. مودتى ..
Post: #28 Title: Re: سيف على مساعد عوج الدرب الخ .. Author: قيقراوي Date: 01-20-2012, 03:21 PM Parent: #26
اؤيد كل ما جاء في مداخلة حكيم المنبر ابشنب صلاح عبد الله ادين وا اشجب الشكل السودانوي المتسامح دا يا مشرف و ود عوج الدرب دا كلام شنو دا لو اصريتو على فعلتكم دي .. لصارت ناموس منبري و افسدت علينا المنبر و سكانه لا لا لا بي كدا نطالب سيد العجلة بانزال اقصى العقوبة عليكم .. و طركم الجوز من المنبر ... وفوراً قبل ان تفسدوا بقية الاعضاء
-------
Quote: ولا أطالبك الا بالحيثيات يا سيف .. فقط حيثيات الاتهام الذى أثبته فى حقى ..
وأما ياسر .. فلك اللحم ولنا العضم
العضم داير بيو شنو!؟ مربي ليك جريو انت يا مشرف!؟
سيبو ليو كلو .. لحم و عضم المافي شنو!؟
Post: #29 Title: Re: سيف على مساعد عوج الدرب الخ .. Author: أمين محمد سليمان Date: 01-20-2012, 03:28 PM Parent: #28
Quote: دوروا لينا الكيتة دي خلونا نعرف نشتغل بالله.
صاح يا ابوصلاح ... ود عوج الدرب كلامو سليم : هذا المشرف معلوف و مدوعل بامباز غزاتنا و بسسبو ماتو الملايين في محارق التطهير العرقي في بلادنا !!
Post: #30 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 03:41 PM Parent: #26
صلاح عبدالله .. وأعلم إستياءك البالغ مما آل إليه حال البوست يا عزيزي ولكن .. مكره أخاك لا بطل .. لم تكن تلك رغبتى ولا مشيئتى يا صلاح .. وإحترام أدبيات المكان ديدنى ودينى فى هذا المجال وكما تعلم .. ويشهد الارشيف بذلك وهو المرجعية الوحيده لعدم امتلاكى لمكتبة .. أنا وقيقراوى وتبارك وأجمل أؤلئك رفيقا .. ثم والحمدلله الواحد عندو شلتو السياسية والكروية والجغرافية .. ولا تنقصنى قدرة المماحكة وأجيد التهاتر والحمدلله .. وأما بنعمة ربك فحدث ..
لكل ذلك ولغيره يا عزيزي يصعب تفسير ما حدث .. يصعب تبرير خزلانى لتطلعات الناس .. بيد أن الاشياء لا تبدو كما هى عليه ..
أجدع لى تلفونك فى ماسنجر داخلى .. والحمدلله أن كنا ذكورا ما يسمح بتبادل الماسنجرات بصورة آمنة ..
تحياتى وإعتذارى يا صديق ..
Post: #32 Title: Re: سيف على مساعد عوج الدرب الخ .. Author: Salah Abdulla Date: 01-20-2012, 03:54 PM Parent: #30
أخانا المشرف ..
Quote: بيد أن الاشياء لا تبدو كما هى عليه ..
أجدع لى تلفونك فى ماسنجر داخلى .. والحمدلله أن كنا ذكورا ما يسمح بتبادل الماسنجرات بصورة آمنة ..
تحياتى وإعتذارى يا صديق ..
لا تثريب عليك يا صديقي، فقد فوّتنا لك هذه استناداً على أن الأشياء لا تبدو كما هي عليه لكن بأمانة، أخشى تحريش قيقا لي!! إن حدث ذلك ، فسأضطر مرغماً على لحس تفويتتي الفوق دي.. أما وأننا ضكوراً لسنا عواّفين ، فإننا نربأ عن أنفسنا استعمال الماسنجرات الداخلية، فجني وجن الدسدسة لذا فهاك رقم هاتفي أبذله هنا للكافة 55832005 .. علماً بأنه مكتوب بالخط العريض في بروفايلي فليس هناك ما أخشاه سوى نفسي الأمارة بالسوء..
ودمتم لأخوك صلاح بن عبدالله ..
Post: #31 Title: Re: سيف على مساعد عوج الدرب الخ .. Author: عاطف عمر Date: 01-20-2012, 03:47 PM Parent: #1
تحياتي وسلامات عزيزي د. المشرف
Quote: كما ويطيب لى عقد مقارنات بينك ومنصور خالد ولا أعرف لماذا بالتحديد .. تذكرنى - على نحو غامض جدا - بمنصور خالد ؟!! وعندى من الخبث الانسانى ما يكفى يا عزيزي لهذه المقارنات الطريفة أن تكون ! ولكن لا عليك من ذلك كله ..
تصدق قدر ما حاولت أعمل شاطر وأجلب كل موروثي ( الخبيث ) لمعرفة مقصدك من هذا المقتبس فشلت فشلت فشلاً ذريعاً تملكني حب إستطلاع أقوى من ذلك الذي ( قتل القطة )
فيا صديقي هل ممكن ؟؟؟؟ أعقد المقارنات أو أدينا Hint ينالك ثواب
منصور خالد!!!!! هو من أثار عندي كل كوامن حب الإستطلاع
Post: #33 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 04:01 PM Parent: #31
مما كتبت الكلام ده يا عاطف وانا منتظر زول يسألنى منو ولكن .. خلاص .. الاتفاق الجميل يجب ما قبله ..
Post: #34 Title: Re: سيف على مساعد عوج الدرب الخ .. Author: عاطف عمر Date: 01-20-2012, 04:07 PM Parent: #33
Quote: مما كتبت الكلام ده يا عاطف وانا منتظر زول يسألنى منو ولكن .. خلاص .. الاتفاق الجميل يجب ما قبله ..
والحال هكذا لا نملك سوى أن نقف وقفة رجل واحد خلف صلاح ( أبشنب ) هيييييييييييييع لفركشة ذلك الإتفاق ( البائس ) ...... أو كما يقول عمر
هذه تحريشة يا صلاح ولا أخالك تخذل ( محرش )
Post: #35 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 04:08 PM Parent: #33
الحرية لقيقراوى .. الحرية للوطن .. لا للاساءة الى رموزنا الثقافية ..
Post: #36 Title: Re: سيف على مساعد عوج الدرب الخ .. Author: Salah Abdulla Date: 01-20-2012, 04:27 PM Parent: #35
Quote: هذه تحريشة يا صلاح ولا أخالك تخذل ( محرش )
كلا يا عمر ، لن أخذلك وأيم الحق.. بس خلي موضوعهم ده يمشي كده المرة دي ، عشان خاطري ياخ..
لكنني أعدك أنني سأقنص ليهم في أقرب لفة وأقوّم ليك بيناتهم كيتة لمن إنت زاتك تستغرب.. عندها ستجد أجوبة لأسئلتك التعسفية الفوق دي..
--------- والله يا عمر لقيتك أصعب مني في ( التِحِرِّش )!!
Post: #37 Title: Re: سيف على مساعد عوج الدرب الخ .. Author: Mahjob Abdalla Date: 01-20-2012, 06:28 PM Parent: #36
يا هبيب كيف حالك و احوالك مرور للتحية و نقول جمدالله عـــ السلامة بأن اتفقتم مع ود عوج الدرب. كنا دائما بندعو الله ان ينصر المعارضة بألميمين معا (مساعد و مشرف) و ها قد تحقق.
Post: #38 Title: Re: سيف على مساعد عوج الدرب الخ .. Author: فايزودالقاضي Date: 01-20-2012, 06:48 PM Parent: #37
اتفاقكم عامل زي اتفاقيات الحكومة مع الحركات ...
لذلك ساحتفظ بنسخة من البوست خاصة الحتة بتاعة منصور خالد ..
ياود عوج الدرب اتوقع اعتذار منك في الخاص للمشرف - ده اذا مارسلته اصلا - المحترم محمد فعلا جواك انسان محترم ده غير الشامبيون ..
تحياتي يامحترمين ..
Post: #39 Title: Re: سيف على مساعد عوج الدرب الخ .. Author: Yassir Tayfour Date: 01-20-2012, 06:57 PM Parent: #38
يا ود عوج الدرب أنا عندي إعتقاد بأن ولي من أوليا الله، مافي شك تّب، لكن صراحة مشيتك لي ألمانيا دي باقية لي زي الإسراء ؛)
Post: #40 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 07:28 PM Parent: #39
يا صلاح عبدالله ياخى تلفونك عندى .. الا كت بدورك ترسلو لى الماسنجر بصورة آمنة !!!
Post: #41 Title: Re: سيف على مساعد عوج الدرب الخ .. Author: الشفيع وراق عبد الرحمن Date: 01-20-2012, 07:48 PM Parent: #39
يا عيب الشوم نغيب شوية ونجي نلقاها نفست دهـ ما كان العشم
بدينا نعكر في الموية استعداداً لـ(صيد سمين)
عزاؤنا، اننا، وبدون قصد كنا سبب في عودة المياه
ربنا يديم الود
-------------- و يا ود المشرف المقاطعة لا تشملني انا تحديداً، حتى لو قلنا فيما (يليك) انا لاني مؤتمر ولا كوز دخلت هنا بهذا المفهوم، ولن اقيف قيقا، عاطف، ود الصايم،امين،صلاح، ابتفة،ود البشرى، عوج الدرب،.... همتكم معانا لو غلبتكم بنجيب قرشينا
Post: #42 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 08:28 PM Parent: #41
ود القاضى !!
انت قصدك سكرى كعب ولا شنو ؟! ولا قاصد تقول امبارح كان الخميس وكده .. بالغت والله .. عموما توقع بوست بعد اسبوعين من تأريخو ! سأرفق فيه المستندات الدالة على انى كنت مداوم مساء الخميس ..
Quote: المحترم محمد فعلا جواك انسان محترم ده غير الشامبيون ..
Post: #43 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 08:32 PM
المدعو أمين نوته .. للمرة الاخيرة بحذرك من سوء استخدام صورة الضبع الوسيم قيقراوى .. والصورة كما الباسوورد كما الكتابة.. نرجو من الجميع الاكتفاء الذاتى من هذه الاشياء ..
Post: #44 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 08:35 PM Parent: #43
محجوب عبدالله يا صديق .. وكيتا فى صلاح عبدالله وقيقراوى ونوته وعاطف عمر أقول ليت الذى بينى وبين ود مساعد عامر .. والذى بين وبين العالمين خراب او حاجه قريبه من كده .. تشكر يا حبيب
Post: #45 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 08:38 PM Parent: #44
ود طيفور .. بالله انت برضو لاحظت لى مسألة انك فيك شي لله ؟! الذى لم ننتبه اليه يا عزيزي ان ودعوج الدرب تيراب صالحين .. وليس فيه شيء واحد لله .. ولا اثنين .. بل اشياء عددا تقول لى المانيا القريبة دى !!
Post: #46 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 08:42 PM Parent: #45
بت سند عفراء وود الصايم معاوية حبابكم عشرة ..
Quote: ومازال الشفيع يدهشني ويتحري الدهشة حتي يكتب عند الشعب،،،،،،،،،،،،،،،،
صافي؟؟؟؟؟ و نقي؟؟؟؟؟ وعند من؟؟؟؟؟
صافية ونقية وطبيعية جدا .. وأعنى دهشتكم !
Post: #48 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 09:00 PM Parent: #46
هناك أشياء شخصية بالفعل يا الشفيع .. الاستقطابات الحادة والحاصلة فى المجتمع السودانى .. القتل والاحتراب الحاصل فى السودان .. الاعتقالات ومصادرة الحريات .. الفساد والظلم الاجتماعى .. الخراب الاخلاقى .. ال .. وغيرها .. ستذهب بالجميع نحو طريقين لا ثالث لهما .. صراع سياسي حاد .. أو صراع جهوى وقبلى حاد .. ونريد الطريق الاول .. ومقاطعة منسوبي المؤتمر الوطنى آلية شخصية اتخذتها من أجل الدفع نحو التكييف السياسي للازمة السودانية ..
عموما انتهى فى تقديري زمن سودانى كان فيه شيء من الجمال .. وأرى ضرورة وحتمية التمايز .. بيننا وبينكم .. اتمنى على الجميع ممارسة المقاطعة لمنسوبى المؤتمر الوطنى .. وأتمنى أن تحترم رؤيتى للامر ..
Post: #47 Title: Re: سيف على مساعد عوج الدرب الخ .. Author: هيثم طه Date: 01-20-2012, 08:47 PM Parent: #44
تعرف يا طيفور يا شقي الايام لامن شفت البوست في بدايتو قلت اللهم اجعلو خير ! لكن قلت المشرف بتكتيكاتو المنبرية و بمساحاتو البخليها للاخر لرجعة الدرب ح يسوق البوست لبر الامان و قلت ان شاء الله طيفور ما يشوف البوست ! لانو تكتيكاتك بتبدأ بردم الزول ردما يصعب بعثه يوم الحشر و لا رجعة فيه ! ! المهم لقيتك حضرت و المشكلة انو المشرف في ردو عليك كاد ان يتورط في تكتيكاتك - لولا لطف الله بالمنبر !
لكن الحمد لله اثبت مساعد للجميع انه لم يتأثر بالنازية نهائي و خيب توقعات المرجفين في المدينة من امثال صلاح !!
هنيئا للجميع
Post: #49 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 09:03 PM Parent: #47
Quote: المشكلة انو المشرف في ردو عليك كاد ان يتورط في تكتيكاتك
والله يا عمك اثبت انو ما عندك ثقة فى أخوك بى تعريفة .. أخوك معلم يا فردة .. تقول لى ياسر طيفور وأمين نوته !!
Post: #50 Title: Re: سيف على مساعد عوج الدرب الخ .. Author: محمد البشرى الخضر Date: 01-20-2012, 09:15 PM Parent: #49
افتكر بعد دا ممكن احكي النكتة
Post: #51 Title: Re: سيف على مساعد عوج الدرب الخ .. Author: محمد حيدر المشرف Date: 01-20-2012, 09:28 PM Parent: #50
انت برضو ما عندك ثقه فى أخوك يا ود البشرى .. أها أحكيها ..
Post: #52 Title: Re: سيف على مساعد عوج الدرب الخ .. Author: قيقراوي Date: 01-20-2012, 09:48 PM Parent: #51
Quote: انت برضو ما عندك ثقه فى أخوك يا ود البشرى .. أها أحكيها ..
يلا يا ابو حتوت احكي خلصنا ياخي!
-------
صراحة انا راجي حتة منصور خالد
Post: #53 Title: Re: سيف على مساعد عوج الدرب الخ .. Author: Salah Abdulla Date: 01-20-2012, 10:02 PM Parent: #52
ودالبشرى ما تحكي ياخ!!
---------------
Quote: صراحة انا راجي حتة منصور خالد
غايتو جِنِس chــمــchــرة..
Post: #60 Title: Re: سيف على مساعد عوج الدرب الخ .. Author: Yassir Tayfour Date: 01-21-2012, 00:42 AM Parent: #52
Quote: يلا يا ابو حتوت احكي خلصنا ياخي!
يا قيقا نكتة أبو حتوت دي زي وجع الولادة الكاذب، المرة يودوها الدكتور ويجيبوها راجعة ؛)، يظهر بأن النكتة تحتاج لطلق صناعي ؛)
Post: #54 Title: Re: سيف على مساعد عوج الدرب الخ .. Author: Abuzar Omer Date: 01-20-2012, 10:07 PM Parent: #51
و لى أبتفه الوسيم ( طبعاً ما ليقيت ليهو حاجة وسيمة مناسبة)..
Post: #55 Title: Re: سيف على مساعد عوج الدرب الخ .. Author: Yassir Tayfour Date: 01-20-2012, 10:18 PM Parent: #47
يا ود طه يا هيثم ود المشرف كافّ البلا بالبليلة وقليل من الحجبات والموز ؛) أزروايِّس، ما عندو قدرة يناتل بيها أولياء الله الصالحين ديل ؛) __
Quote: هنيئا للجميع
لا هنيئاً ولا شِتين، ضيعو على الناس متعة مجانية ساكت ؛)
Post: #56 Title: Re: سيف على مساعد عوج الدرب الخ .. Author: Salah Abdulla Date: 01-20-2012, 11:03 PM Parent: #55
Quote: ضيعو على الناس متعة مجانية ساكت
ما ياهو ده الخلانا كوركنا الكواريك دي كلها يا ياسر...
--------- هسي ننوم ليكم كيف نحن ، مع السهرة الطرشقت دي؟؟؟
Post: #57 Title: Re: سيف على مساعد عوج الدرب الخ .. Author: أمين محمد سليمان Date: 01-20-2012, 11:06 PM Parent: #55
أبا ذر الوسيم .... شكرا علي الأهداء و علي تاكيد خلو طيفور من الدسامه و الوسامة .... لو ملاحظ إنو صاحب البوست فتحو بنمرة خمسه ... بعداك قعد في علبو براو ... و ده بأكد ما ظللنا نقولو : إنو في مجموعة من الأشخاص ( كلهم شيوعيين ) بيكتبو باسم محمد حيدر المشرف.... تلفوني في البروفايل ... كان ضربت لي تلفون بفتهم ليك نفر نفر ...
Post: #75 Title: Re: سيف على مساعد عوج الدرب الخ .. Author: Abuzar Omer Date: 01-21-2012, 11:04 AM Parent: #57
Quote: تلفوني في البروفايل ... كان ضربت لي تلفون بفتهم ليك نفر نفر ...
I will , soon
And you know what!! I like the new look of Giga, Handsome and optimistic Yakh
Post: #58 Title: Re: سيف على مساعد عوج الدرب الخ .. Author: عبدالكريم الامين احمد Date: 01-20-2012, 11:11 PM Parent: #55
يا حليلك يا الكركبة الاسفيرية البقو ينفسوك نفيسة اطاري نافع مع عقار
Post: #59 Title: Re: سيف على مساعد عوج الدرب الخ .. Author: Yassir Tayfour Date: 01-21-2012, 00:12 AM Parent: #58
طالما تعذّر وجود عوج الدرب، وما زال ليلنا طفل يحبو؛) أيه رأيكم يا أبو ذر وصلاح وكيكي نجيب ليكم صلاح جادات يبل البروف، بس ما تقولو لي "زامر الحي لا يطرب" ؛) ___ والله جادات بطرب جنس طرب ؛)
Post: #61 Title: Re: سيف على مساعد عوج الدرب الخ .. Author: سيف النصر محي الدين Date: 01-21-2012, 00:52 AM Parent: #59
لعناية الأخ جادات.
Post: #62 Title: Re: سيف على مساعد عوج الدرب الخ .. Author: طارق جبريل Date: 01-21-2012, 00:56 AM Parent: #59
Quote: ود المشرف ذكرك - بمناسبة وبدون - لمقاطعة ناس المؤتمر ذكرتني نكتة الشايقي القرر التوقف عن شراب الشاي
غايتو بوستات ضقلها يكركب تقوم تجيبلنا الكلام
Post: #63 Title: Re: سيف على مساعد عوج الدرب الخ .. Author: Salah Abdulla Date: 01-21-2012, 05:09 AM Parent: #62
Quote: أيه رأيكم يا أبو ذر وصلاح وكيكي نجيب ليكم صلاح جادات يبل البروف،
يا ياسر ياخي جيب أي زول خلي ليلنا (اللي ما ح يبنالوش صباح) ده يعدي.
Post: #64 Title: Re: سيف على مساعد عوج الدرب الخ .. Author: MOHAMMED ELSHEIKH Date: 01-21-2012, 06:05 AM Parent: #63
Quote: هناك أشياء شخصية بالفعل يا الشفيع .. الاستقطابات الحادة والحاصلة فى المجتمع السودانى .. القتل والاحتراب الحاصل فى السودان .. الاعتقالات ومصادرة الحريات .. الفساد والظلم الاجتماعى .. الخراب الاخلاقى .. ال .. وغيرها .. ستذهب بالجميع نحو طريقين لا ثالث لهما .. صراع سياسي حاد .. أو صراع جهوى وقبلى حاد .. ونريد الطريق الاول .. ومقاطعة منسوبي المؤتمر الوطنى آلية شخصية اتخذتها من أجل الدفع نحو التكييف السياسي للازمة السودانية ..
عموما انتهى فى تقديري زمن سودانى كان فيه شيء من الجمال .. وأرى ضرورة وحتمية التمايز .. بيننا وبينكم .. اتمنى على الجميع ممارسة المقاطعة لمنسوبى المؤتمر الوطنى .. وأتمنى أن تحترم رؤيتى للامر ..
شنو يا مشرف تبلع الطعم بتاع صاحبك الشفيع وتقوم تفك الحصار من الجماعة؟ يا اما يكون حصارك شامل وكامل ليس به(ماعدا الأصحاب وكدا) او تفك اللعب معانا رسالة لود عوج الدرب: بالله ماتقوم تنسى لينا علامات التعجب والأستفهام وتدخلنا في اضافرينا مع ناس ود المشرف دا واذا كان كي بوردك الماني مافيه الحاجات دي شوف بوستات ود الصائم بتاع الحجاز(مش بتاع نجد) واعمل منو كوبي بيستات مع اكيد تحياتي لكل من: المشرف عوج الشفيع الصايم(فرع الحجاز) وكل المرور بدون فرز
Post: #65 Title: Re: سيف على مساعد عوج الدرب الخ .. Author: فايزودالقاضي Date: 01-21-2012, 08:45 AM Parent: #64
Quote: أبا ذر الوسيم .... شكرا علي الأهداء و علي تاكيد خلو طيفور من الدسامه و الوسامة .... لو ملاحظ إنو صاحب البوست فتحو بنمرة خمسه ... بعداك قعد في علبو براو ... و ده بأكد ما ظللنا نقولو : إنو في مجموعة من الأشخاص ( كلهم شيوعيين ) بيكتبو باسم محمد حيدر المشرف.... تلفوني في البروفايل ... كان ضربت لي تلفون بفتهم ليك نفر نفر ...
الاستاذ امين ...اتصلت عليك اكثر من مرة على تلفون البروفايل في موضوع الفت ده يرد على المشرف مرة ومرة تانية خالد عبيد .. ماعارف الشيوعيين ديل اعتقلوك ولا هكروا رقمك ..
Post: #66 Title: Re: سيف على مساعد عوج الدرب الخ .. Author: قيقراوي Date: 01-21-2012, 08:54 AM Parent: #64
Quote: يا قيقا نكتة أبو حتوت دي زي وجع الولادة الكاذب، المرة يودوها الدكتور ويجيبوها راجعة ؛)، يظهر بأن النكتة تحتاج لطلق صناعي ؛)
هي باااااايخة ذاتو!!
بعد الطلق الصناعي .. دايرا ليها درب (برضو صناعي) عشان يتمخض جبل ود البشرى عن فأر ..
صناعي برضو (تتذكر زمان كيف كنا بنرسم الفار؟) غزوا ليو الدرب .. قام تيترب .. او نحو ذلك صراحة كنا بيض .. بياض شديد!!
-------
بس كنت راجيو يقولا، عشان اقول كدي .. كان البوست البارد دا يسخن شوية!
لكن برضو بعد ما رديتنا بقت .. فارت، حست .. تسسسسسسسسس نفّست
البورد دا بقى بااايخ ذاتو نخليهو ليكم ول كيف؟ نمش نشوف لينا محل تاني فيهو كوماج بالطريقة الصاح ياخ!
Post: #67 Title: Re: سيف على مساعد عوج الدرب الخ .. Author: محمد عبد الماجد الصايم Date: 01-21-2012, 09:07 AM Parent: #64
Quote: والحمدلله أن كنا ذكورا ما يسمح بتبادل الماسنجرات بصورة آمنة ..
ولا يفوتنا أن نتقدم بالتبريكات لعمكـ الشفيع بمناسبة حصوله على صكّ الغفران من لدن المشرف وخروجه من دائرة الكيزان والمقاطعة!!
وأهيب في ذات الوقت بالعربي ود البشرى عشان يدينا حكاية الشاي والزول الخلاهو دا!!
Post: #68 Title: Re: سيف على مساعد عوج الدرب الخ .. Author: قيقراوي Date: 01-21-2012, 09:14 AM Parent: #67
Quote:
عشان يدينا حكاية الشاي والزول الخلاهو دا!!
هو ما شاي ذاتو!
----
غايتو الا يستعين بزهير .. و ينجروها سوا في (عمل) مشترك!!
Post: #69 Title: Re: سيف على مساعد عوج الدرب الخ .. Author: محمد عبد الماجد الصايم Date: 01-21-2012, 09:29 AM Parent: #68
قيقا يا عمكـ .. مبروكـ ياخ النيولوكـ
وبعدين ما دايرين نضرب تأمين ود البشرى ياخ! الزول بقى يرفعوا ليهو بوستات في أعلى البنبر!!
Post: #70 Title: Re: سيف على مساعد عوج الدرب الخ .. Author: محمد البشرى الخضر Date: 01-21-2012, 10:06 AM Parent: #69
والله يا خوانا حيّرتوني جد معقول تكونوا ما سمعتوبها دي نكتة قديمة لامن معتّتة , سمح النحكيها : قاليك الشايقي قرر التوقف عن شراب الشاي, العارفين قالوا ليه ما بتقدر الراجل ركب راسو و مصر يتحداهن المهم من اصبحت بقى يهاتي الشاي مابسويلي شي مابسويلس شي , اليقول ليه سلام يرد ليه وعليكن السلام الشاي مابسويلي شي واحد من العارفين قاليه هو نان قالولك الشاي ماش يكتلك ما ياهو بخليك تسو جنس سواتك دي
انتهى
Post: #71 Title: Re: سيف على مساعد عوج الدرب الخ .. Author: محمد عبد الماجد الصايم Date: 01-21-2012, 10:14 AM Parent: #70
شكرا يا عربي .. أهـو النجيضة وصلت للمشرّف!!!
مرفقة بـ كااااااااااااااااااااااااااكـ!
Post: #72 Title: Re: سيف على مساعد عوج الدرب الخ .. Author: قيقراوي Date: 01-21-2012, 10:22 AM Parent: #70
Quote: واحد من العارفين قاليه هو نان قالولك الشاي ماش يكتلك ما ياهو بخليك تسو جنس سواتك دي
انتهى كيف يا معلم؟
اها الزول ردو كان شنو!؟
------
انتو يا اخوانا في المنبر دا الحاجات بقت تنتهي بدري بدري كدا مالا .. البوست يقوموا بيو بنمرة خمسة و كتاحتو تلخم .. فسسسسس ينفس في مرحلة القراءة الاولى .. حتى النكتة تقولوا لينا
Quote:
انتهى
انهى كيف يعني!؟ اها باقي يومنا دا نتمو ليكم دواء ولّ كيف!؟
Post: #73 Title: Re: سيف على مساعد عوج الدرب الخ .. Author: محمد البشرى الخضر Date: 01-21-2012, 10:25 AM Parent: #72
Quote: اها الزول ردو كان شنو!؟
الزول ردو ما حدسونا بيه لكن اظنو زي رد ود المشرف دخل بي حمد ومرق بابوحمامة و عملها افيون و في المسالة و فذلكة السنين وفي النهاية طلع ما سمع بي النكتة هههههههههههههههههههه
Post: #74 Title: Re: سيف على مساعد عوج الدرب الخ .. Author: Salah Abdulla Date: 01-21-2012, 10:46 AM Parent: #73
Quote: هو نان قالولك الشاي ماش يكتلك ما ياهو بخليك تسو جنس سواتك دي
هاهاهاهاهاهاهاهاهاهاهاهاهاي.. والله مبالغة ... عليك الله أديني ليها أقشر بيها يومين كده عندي سناجك فردي فارات كده ح ينشروها أول أوفر ذا عالم.
Post: #76 Title: Re: سيف على مساعد عوج الدرب الخ .. Author: قيقراوي Date: 01-21-2012, 11:49 AM Parent: #74
Quote: عليك الله أديني ليها أقشر بيها يومين كده عندي سناجك فردي فارات كده ح ينشروها أول أوفر ذا عالم.
ليها رواية تانية ..
تواتر في اثرنا البطاني الباتع .. و الماتع ..
انو شافعن قليص كدا، جا يكابس في مجلس الشيوخ .. و قال الا يدوهو "جَبَنة" (كل الحروف مفتوحة، زي قميص الشمس، يعني "قهوة" او بن .. ايهما اقرب لراندوقك المحكي)
المهم، ابوهو نهرو : الجبنة بترميك يا ولد!! صاحبنا، اصرّ و الح اصراراً انو ما بترميهو!! فادوهو فنجان ..
اها حماهم القعدة، في محاولته البائسة لاقناعهم بصحة رأيو.. يابا ما قلت الجبنة بترميني!! يابا ما قلت الجبنة بترميني!! يابا ما قلت الجبنة بترميني!! يابا ما قلت الجبنة بترميني!! يابا ما قلت الجبنة بترميني!!
حتى قالوا : ليته سكت
قام ابوهو قرر - الكـلب اتخذ قرار ياخي! - قرر انو يحسم المظاهرة دي:
يا ولدي انت اول قايل الرمية دي كيفنها!؟
-----
اها نتمنى انو رواية قيقا راوي قصاد رواية ود البشرى تساهم في ارجاع البوست لمساره الطبيعي .. حرب القبائل و الثقافات ؤ كدا
المافي شنو!؟
Post: #77 Title: Re: سيف على مساعد عوج الدرب الخ .. Author: عاطف عمر Date: 01-21-2012, 12:28 PM Parent: #1
يا بروف يا حبيب
Quote: و ده بأكد ما ظللنا نقولو : إنو في مجموعة من الأشخاص ( كلهم شيوعيين ) بيكتبو باسم محمد حيدر المشرف.... تلفوني في البروفايل ... كان ضربت لي تلفون بفتهم ليك نفر نفر ...
دعوة ( جافة ) لن يأبه بها أحد المطلوب ترطيبها بـ شوية ( تحنيس )
Post: #78 Title: Re: سيف على مساعد عوج الدرب الخ .. Author: MOHAMMED ELSHEIKH Date: 01-21-2012, 01:06 PM Parent: #77
Quote: ليها رواية تانية ..
تواتر في اثرنا البطاني الباتع .. و الماتع ..
انو شافعن قليص كدا، جا يكابس في مجلس الشيوخ .. و قال الا يدوهو "جَبَنة" (كل الحروف مفتوحة، زي قميص الشمس، يعني "قهوة" او بن .. ايهما اقرب لراندوقك المحكي)
المهم، ابوهو نهرو : الجبنة بترميك يا ولد!! صاحبنا، اصرّ و الح اصراراً انو ما بترميهو!! فادوهو فنجان ..
اها حماهم القعدة، في محاولته البائسة لاقناعهم بصحة رأيو.. يابا ما قلت الجبنة بترميني!! يابا ما قلت الجبنة بترميني!! يابا ما قلت الجبنة بترميني!! يابا ما قلت الجبنة بترميني!! يابا ما قلت الجبنة بترميني!!
حتى قالوا : ليته سكت
قام ابوهو قرر - الكـلب اتخذ قرار ياخي! - قرر انو يحسم المظاهرة دي:
يا ولدي انت اول قايل الرمية دي كيفنها!؟
-----
اها نتمنى انو رواية قيقا راوي قصاد رواية ود البشرى تساهم في ارجاع البوست لمساره الطبيعي .. حرب القبائل و الثقافات ؤ كدا
يا ود الصايم زولكم قيقا دي لقا البوست ماشي معا هو زي الزلط واقع فيكم شمال يمين بالله لو في طريقة تقعوهو فديوهات عشان يآمن زاتو!
بعدين لو ملاحظين البوستات على شكل(كدي كدي كدي كدي كدي (فديو) ما بيجي على جيهتها
Post: #79 Title: Re: سيف على مساعد عوج الدرب الخ .. Author: فايزودالقاضي Date: 01-21-2012, 02:30 PM Parent: #78
يعني مافي امل لنقض الاتفاقية ؟!!
Post: #80 Title: Re: سيف على مساعد عوج الدرب الخ .. Author: محمد حيدر المشرف Date: 01-21-2012, 03:18 PM Parent: #79
ياااا أمة سودانيز ..
ودالبشري حكى نكتة الشايقى والشاى ؟!
Post: #81 Title: Re: سيف على مساعد عوج الدرب الخ .. Author: قيقراوي Date: 01-21-2012, 03:25 PM Parent: #79
Quote: بعدين لو ملاحظين البوستات على شكل(كدي كدي كدي كدي كدي (فديو) ما بيجي على جيهتها
كرهتي في بورض من لا بورض لهو دا (فيديو)!!
زي دعايات التلفزيون زماان- ونحن في الاقاليم المنسية- عن كنتاكي و البيرقر همبيرقر ام هم المبيت!؟
Post: #82 Title: Re: سيف على مساعد عوج الدرب الخ .. Author: محمد حيدر المشرف Date: 01-21-2012, 03:37 PM Parent: #81
Quote: زي دعايات التلفزيون زماان- ونحن في الاقاليم المنسية- عن كنتاكي و البيرقر
الزول ده ودوهو الضل يا اخوانا ؟! تلفزيون شنو الكان عندكم زماان فى الاقاليم المنسية وفيهو دعايات كنتاكى ؟!! تعرف !! ده دليل واضح انو ما كان عندكم تلفزيون ابتدءا .. لانو أقصى دعاية كانت عن منتجات مامون البرير .. والحاجه البتضحك بتاعة كلين !!
Post: #83 Title: Re: سيف على مساعد عوج الدرب الخ .. Author: محمد حيدر المشرف Date: 01-21-2012, 03:51 PM Parent: #82
طوالى خاذلنى يا قيقراوى .. طوالى خاذلنى .. سياسيا واجتماعيا وتأريخيا الخ .. على بالحلال آخر حاجة كتبتها امبارح كانت دفاع عن وساومتك ودسامتك المافيشة وضد المدعو نوته.. الا بكرى قال لى وصلت الحد الاعلى .. جرب بكره .. انتو بالناسبة بكره دى عند بكرى بتبدأ الساعة كم .؟! لغاية 4 صباح قرينتش الزول ده بقول حاول بكره ؟!
.. محمد الشيخ انتو لسه الاتحادى الديمقراطى الأصل ولا فى جديد فى الموضوع ده ؟!
.. فايز ودالقاضى .. والذى لا يعلمه صلاح جادات هو أشهر غواصة للشيوعيين فى المنبر .. وأفهموها براكم ؟!
.. ود البشري حكيت النكته ! بالغت يا رجل
راجعين فى السكة نمد ..
Post: #84 Title: Re: سيف على مساعد عوج الدرب الخ .. Author: قيقراوي Date: 01-21-2012, 04:02 PM Parent: #82
Quote: ده دليل واضح انو ما كان عندكم تلفزيون ابتدءا .. لانو أقصى دعاية كانت عن منتجات مامون البرير .. والحاجه البتضحك بتاعة كلين !!
و الله كان عندنا ..
بي ضِلَف و اربعة كرعين ..
-----
24 بوصة و ملووووووووون كمان .. انت قايل المافي شنو!؟
بس صراحة البيرقر و كنتاكي لتعقيد الحبكة الدرامية .. و للضرورة الشعرية في الغافية
Post: #85 Title: Re: سيف على مساعد عوج الدرب الخ .. Author: محمد حيدر المشرف Date: 01-21-2012, 04:15 PM Parent: #84
Quote: بس صراحة البيرقر و كنتاكي لتعقيد الحبكة الدرامية .. و للضرورة الشعرية في الغافية
اتفقنا يا قيقا .. اتفقنا يا صديقى .. المافى شنو ؟! هو البوست اصلو وفى عضمو منفس يا عملات كيكي !!
Post: #86 Title: Re: سيف على مساعد عوج الدرب الخ .. Author: Salah Abdulla Date: 01-21-2012, 04:44 PM Parent: #85
Quote: اتفقنا يا قيقا .. اتفقنا يا صديقى ..
إنت يا دكتور مُصِر تردد كلمة (إتفاق) دي؟؟ ياخ دي ما الكلمة التي أشعلت شرارة ثورة ربيع الغضب البوردي البوستي..
إنت نسيت واللا شنو؟؟
Post: #87 Title: Re: سيف على مساعد عوج الدرب الخ .. Author: محمد حيدر المشرف Date: 01-21-2012, 05:37 PM Parent: #86
شبكونى علامات استفهام منسية وغافية وحبكة درامية يا صلاح .. أعمليهم شنو يعنى ؟! دواس بلا غبينة ما ببقى يا صديقى ..
Post: #88 Title: Re: سيف على مساعد عوج الدرب الخ .. Author: محمد البشرى الخضر Date: 01-21-2012, 07:42 PM Parent: #87
يا ود المشرف النكتة خلّها راعي لي كااااااك حموودي المرفقة بها نجيضة ما
قيقرا .. قيقرا .. قيقرا نكتة الشافع و القهوة بتدي نفس الفكرة و نسختها الاصلية تبدو الطف بس ياخي حشّيتها حش بالشروح و الحواشي و الجمل الإعتراضية صارت اقرب لأحد بيانات الحزب الشيوعي - أو قل فرع الحزب الشيوعي ههههههههههههههههههههههههههههه
اب تفة يا منقة اهديك واحد قوم لف في نسختها الجديدة بلس هاف أ نايس داي
Post: #89 Title: Re: سيف على مساعد عوج الدرب الخ .. Author: محمد حيدر المشرف Date: 01-21-2012, 09:26 PM Parent: #88
Quote: الزول بقى يرفعوا ليهو بوستات في أعلى البنبر!!
الكلام ده وين يا أهلنا .. ودالبشرى حتحوت بتيييين وصل هناك ؟! أها .. انشاء الله لاقيت تاج السر الملك ؟!
Post: #90 Title: Re: سيف على مساعد عوج الدرب الخ .. Author: Abuzar Omer Date: 01-21-2012, 09:52 PM Parent: #89
أب تفه الوسيم، جيب جادات ما عندك مشكلة..
الصلح كان هزيمة للجميع و النكات كانت أحزان بلا نهاية..
( اللهم إنى أعوذ بك من علم لا ينفع و من نكات تفقع...)
Post: #91 Title: Re: سيف على مساعد عوج الدرب الخ .. Author: محمد حيدر المشرف Date: 01-21-2012, 11:48 PM Parent: #90
يا شباب كدى روقوا شوية مع الغنية دى ..
Post: #92 Title: Re: سيف على مساعد عوج الدرب الخ .. Author: قيقراوي Date: 01-22-2012, 00:27 AM Parent: #91
قلت كدي احسن يا مشرف؟ البوست دا - حتى كتابة هذه السطور البائسة - ابى يحلب معنا صافي كلو كلو!! اقصد ابت مويتو تتعكر .. الذ حاجة الشفيع ما صبر .. ما شهلو كلو كلو .. صاد في صفاهو .. بعدين استدرك، و رجع يكعر معانا في الموية .. الابت دي
و الحال كذلك
ذكرني بي نكتة..
بعد انهزام صدام، و التاريخ يكتبه المنتصر .. الاعراب بقوا يقرقوا بعدم رجولة الجندي العراقي ( ويا للهول!!) .. المهم يحكى انو الجيش العراقي بعد احتلالو للكويت و اعمالو فيها سلباً و نهباً .. الجماعة كانوا بسألوهو : شنو ما فيها اغتصاب ؟ سرقة بس!؟
-------
اجمل نكتة قريت في بورض من لا بورض لهو دا :
قالوا كديسة بتحكي لصاحباتا الكدايس .. و الله الخرابة البي غاديك ديك فيها كديس تااافه خلاس! قبل يومين مشيت بهناك اغتصبني .. امس مشيت.. برضو اغتصبني!! الليلة ماشة .. و اكيد ح يغتصبني برضو!!!
Post: #93 Title: Re: سيف على مساعد عوج الدرب الخ .. Author: أمير عثمان Date: 01-22-2012, 00:38 AM Parent: #91
يا جماعة خلونا فى موضوع البوست الأساسى ...
يا ود المشرف ... سلامات دائما أحترم آرائك ... وأدعى بأنى أفهم ما تعلن وما تخفى خلف الكلمات.... يعنى بصراحة معجب بما تكتب وأعيد قراءته ... لأزيد استمتاعى ....
Quote: رابعا يا سيف .. لا عداوة شخصية .. وفى الواقع التقيتك مرة وكنت سعيدا بمعرفتك وكنت أتمنى أن التقيك مرة أخرى وحسنا .. حسنا جدا .. أقبل الآن تفسيرك أن الامر كان مجرد تساؤلات .. وأؤكد لك أنى ضد العنصرية .. ضد الاعتقالات .. وضد منسوبى المؤتمر الوطنى تحياتى
ولكن ... مالم لم أستطيع أن أبلعه ... هل إقتنعت ... "أن الامر كان مجرد تساؤلات .."؟؟ أم فقط قبلت الآن "أن الامر كان مجرد تساؤلات .. "؟؟؟ وما أكبر الفرق بين الإثنين!!!
وتحياتى ...
Post: #94 Title: Re: سيف على مساعد عوج الدرب الخ .. Author: محمد حيدر المشرف Date: 01-22-2012, 01:19 AM Parent: #93
Quote: و اكيد ح يغتصبني برضو!!!
هههههههههههههههههههههههههههههه.. ايوه ياخى دى النكت .. تقول لى شايقى ما عارف شنو ؟!!
ات يا قيقراوى .. ابوحتحوت ده ما قالو علقولو بوست بكان ناس تاج السر الملك ؟!.. جابو ليهو امر إخلا ولا شنو ؟!!
أمير عثمان يا عزيزى .. على بالحلال ما تقول حاجة .. الموضوع كان مجرد تساؤلات !!
Post: #96 Title: Re: سيف على مساعد عوج الدرب الخ .. Author: Salah Abdulla Date: 01-22-2012, 05:32 AM Parent: #95
Quote: و الله كان عندنا .. بي ضِلَف و اربعة كرعين ..
لا حولالالالا يا قيقا ، إنت من زمن الناشيونال!!! هسي المشرف ده يعرفو ليك كيف؟؟
----- المافي شنو!!
Post: #97 Title: Re: سيف على مساعد عوج الدرب الخ .. Author: محمد حيدر المشرف Date: 01-22-2012, 06:03 AM Parent: #96
قبل الناشيونال .. وقد كان لنا واحد يا صلاح وبضلفتيه وارجله الاربع وتلك الوساومة .. قبله .. كان لنا .. فى السبعينيات .. أواسطها أو يزيد .. تلفزيون روسي وأذكره جيدا ... وكنت آنذاك طفلا لم يتجاوز الخامسة .. وكنت أساوم أبناء الحى على "الفرجة" ب "البلى"
كان ذاك التلفزيون يعمل ب "شمعة ما" يجب ان تسخن قبل اشتعال الشاشة .. ويستغرق التسخين نحو دقيقتين ولكن .. الزمن آنذاك كان ماهلا ففى نحو هاتيك الدقيقتان .. كان يمكنك أن تستحم .. والله صحى !! لتخرج من الحمام لمشاهدة فلم الكرتون القصير جدا فى الحوش مع "الشباب" ويخلو همك تماما الا من "الشلن" الذى يمكنك من المشاركة فى صحن "بوش" كارب لتعود بعده لمشاهدة مسلسل أوراق الورد لوردة الجزائرية مع كل ناس الحى فى ذات الحوش .. ومن بينهم "مى" واين مى !!!
Post: #98 Title: Re: سيف على مساعد عوج الدرب الخ .. Author: محمد البشرى الخضر Date: 01-22-2012, 06:04 AM Parent: #96
علّقوه يا ود المشرف لكن زي ما قال ابصلعة بتاع البوسطة : ما نقلونا وكدا آكشوالي هي ما نجهونا وكدا ههههههههههههههه
Quote: أها .. انشاء الله لاقيت تاج السر الملك ؟!
اها شفت إن شاء الله بطريقتك دي بتورّم أكتر من البشرى بالياء
Post: #99 Title: Re: سيف على مساعد عوج الدرب الخ .. Author: محمد حيدر المشرف Date: 01-22-2012, 06:12 AM Parent: #98
كدى عليك الله يا ود البشري وبالله عليك وكل الأولياء .. بتفرق معاك فى شنو الصرامة الاملائية .. يعنى !! احساسك بكون شنو ؟!
.. لاقيت تاج السر الملك ولا اتعاقبتو كصدفة تاريخية !!
Post: #100 Title: Re: سيف على مساعد عوج الدرب الخ .. Author: محمد البشرى الخضر Date: 01-22-2012, 07:02 AM Parent: #99
يا دكتور تغيير المعنى قاسي انا بقرأ و بنطق و بسمع القريتو - حسي ياتي من يتظارف يقول ليك قراية الأذنين هههههههه فشعوري بكون نيلة جدا لما القى " في" مكتوبة كدا "فى" - كدي عليك النبي انطقها و احكي لي شعورك شنو؟
اتعاقبنا مع التاج هو ابصلعة المحقة العليه شنو التقول من قلة السطور النفوس ان اتطايبن اعلى المنبر بشيل مية - قول خمسين
Post: #101 Title: Re: سيف على مساعد عوج الدرب الخ .. Author: Salah Abdulla Date: 01-22-2012, 07:31 AM Parent: #100
Quote: قبل الناشيونال .. وقد كان لنا واحد يا صلاح وبضلفتيه وارجله الاربع وتلك الوساومة .. قبله .. كان لنا .. فى السبعينيات .. أواسطها أو يزيد .. تلفزيون روسي وأذكره جيدا ... وكنت آنذاك طفلا لم يتجاوز الخامسة ..
السبعينات كان عندنا واحد إسمو (ماسي فيرجيسون) وناس دوكة كان عندهم ناشيونال. لكن يا محمد روسي وفي السبعينات!!! كدي اتذكر تاني؟؟؟
أعمل حسابك ناس الروسي ديل، كانوا مع بداية البث التلفزيوني ما يقوموا الجماعة يشبكوك يا خال ويا حاج!!
Post: #102 Title: Re: سيف على مساعد عوج الدرب الخ .. Author: أبو ساندرا Date: 01-22-2012, 08:09 AM Parent: #101
إنو في مجموعة من الأشخاص ( كلهم شيوعيين ) بيكتبو باسم محمد حيدر المشرف ----------------------------------------------------------------------- انا معاهم ؟ ياريت لو كان لبعض الشيوعيين وسامة كتابة ود المشرف
Post: #103 Title: Re: سيف على مساعد عوج الدرب الخ .. Author: محمد عبد الماجد الصايم Date: 01-22-2012, 08:35 AM Parent: #102
إنتو د. المشرف دا است######ني ولّ عيوني مطششة؟ أكون (اتكوزنت) ولّ شنو؟
Post: #104 Title: Re: سيف على مساعد عوج الدرب الخ .. Author: Salah Abdulla Date: 01-22-2012, 09:04 AM Parent: #103
Quote: قراية الأذنين
إنت كمان ما تبالغ يا ودالبشرى .. إسمها الإضنيييييين ، الإضنين ياخ.
عشان ودالصايم أب عيوناً ستة على ستة ده يقرا كويس.
Post: #106 Title: Re: سيف على مساعد عوج الدرب الخ .. Author: فايزودالقاضي Date: 01-22-2012, 09:23 AM Parent: #104
Quote: كما ويطيب لى عقد مقارنات بينك ومنصور خالد ولا أعرف لماذا بالتحديد .. تذكرنى - على نحو غامض جدا - بمنصور خالد ؟!! وعندى من الخبث الانسانى ما يكفى يا عزيزي لهذه المقارنات الطريفة أن تكون !
في انتظار خبثك الانساني لترحم انسانيتنا المنتهكة بعدم اتيانك بالمقارنات .. ولا المقارنات كانت تساؤل برضو ؟!!!!
ناس ماعندها موقف ...
Post: #105 Title: Re: سيف على مساعد عوج الدرب الخ .. Author: محمد أبوالعزائم أبوالريش Date: 01-22-2012, 09:15 AM Parent: #103
Quote: أكون (اتكوزنت) ولّ شنو؟
إتكوزنت شنو؟ إنت ما عارف روحك (من المؤلفة قلوبهم)؟
بس ما عارف ديل المقاطعة شاملاهم والا لا
Post: #107 Title: Re: سيف على مساعد عوج الدرب الخ .. Author: طلحة عبدالله Date: 01-22-2012, 09:55 AM Parent: #105
السلام عليكم يا جماعة وأقصد جرجير وود الصايم البتعملوا فيهو دا عيب ولا يليق أبدا بمستنيرين (كما يزعمون) .. شنو الإحتليتو البوست دا وقعدتو تنكتوا وتتضاحكوا فيهو .. البوست دا واضح جدا أنو جاد وعندو غرض وهدف محدد لا علاقة له بربتكم العاملنها هنا دي .. اعقلوا ياخ وأدوا سيد البوست فرصة في بوستيه دا .. خليكم جادين شوية ياخ .
Post: #108 Title: Re: سيف على مساعد عوج الدرب الخ .. Author: محمد البشرى الخضر Date: 01-22-2012, 10:45 AM Parent: #105
Quote: إتكوزنت شنو؟ إنت ما عارف روحك (من المؤلفة قلوبهم)؟
ههههههههه ابو الريش في حالة كونه من اهل بدر
Post: #109 Title: Re: سيف على مساعد عوج الدرب الخ .. Author: قيقراوي Date: 01-22-2012, 04:58 PM Parent: #108
Quote: لا حولالالالا يا قيقا ، إنت من زمن الناشيونال!!! هسي المشرف ده يعرفو ليك كيف؟؟
لوووووووب
الحاج - الله يرحمو - كان بدينا فيو مهلة انت قايل!؟ واحدة مفعوصة تلحق تقول : بحبك، طق! .. تسمعا في قلبك و يرسلوك للكتاب .. "رجال حول الرسول" كرهنا خالد محمد خالد ذاتو!! كملنا المغرر .. بدا لينا "حياتي" .. و دي نجر اخدااااااار من رويسو ساي!!
------
يا سلااااام يا مشرف ياخي على " غداً تتفتح الزهور" زين العشماوي الشرير .. ؤ وردة الجزائرية
عزيزي د. المشرف لا حق لى في التدخل في رؤاك وخياراتك ، إلا ما يمليه حق الصداقة والتناصح
أستغرب وضعك لـ ( كل ) منسوبي المؤتمر الوطني في سلة واحدة ومن ثم إعلان مقاطعتك المثال الذي أمامنا الباشمهندس الشفيع من أصدق الناس مع أنفسهم وتوجهاتهم ومن أعفهم كلمة ومن أكثر أعضاء المنبر إحتراماً لنفسه إن لم تكن هذه هى ( المواصفات ) التي تريدها في ( خصمك ) السياسي فبالله عليك ماذا تريد ؟؟ وبذات القدر أثق أنك تعلم أن هناك من يحسبون على قوى المعارضة وهم يقدمون بمشاركاتهم خدمات ( مجانية ) للنظام الذي يعارضون بأكثر مما قد يفعل الشفيع
مثال الباشمهندس الشفيع ينطبق بالطبع على آخرين غيره
وعفواً إن أتتك رياحي بما لا تشتهي سفنك
ويبقى الود
Post: #112 Title: Re: سيف على مساعد عوج الدرب الخ .. Author: Yassir Tayfour Date: 01-22-2012, 07:32 PM Parent: #111
عاطف عمر إزيّك يا صاحب الشفيع وراق زول كويِّس في شخصو مافي كلام، لكن ونسة معاهو مافي ؛) يمشي يتونس مع ناس السيدح وغريبة وود الباوقة ودقداق وما شاكل ذلك ؛) ___ والله جد يا عملات قيقراوي ؛)
Post: #113 Title: Re: سيف على مساعد عوج الدرب الخ .. Author: أمير عثمان Date: 01-22-2012, 07:57 PM Parent: #112
Quote: Quote: كما ويطيب لى عقد مقارنات بينك ومنصور خالد ولا أعرف لماذا بالتحديد .. تذكرنى - على نحو غامض جدا - بمنصور خالد ؟!! وعندى من الخبث الانسانى ما يكفى يا عزيزي لهذه المقارنات الطريفة أن تكون !
في انتظار خبثك الانساني لترحم انسانيتنا المنتهكة بعدم اتيانك بالمقارنات .. ولا المقارنات كانت تساؤل برضو ؟!!!!
ناس ماعندها موقف ...
المقارنة مشروعة ... يا ود القاضى سلامات .. غايتو البعرفو انا إنو منصور خالد كان فوق فهم ... ويستطيع أن يجد مخرجا إن لزم الامر!!! وتحياتى...
Post: #114 Title: Re: سيف على مساعد عوج الدرب الخ .. Author: محمد حيدر المشرف Date: 01-22-2012, 08:30 PM Parent: #113
يا عاطف بالغت ياخ .. يا عزيزي من نعم هذا المنبر علينا أن اتاح لنا فرصة أن نستأنس بآراء من هم مثلك .. وكنت أفكر اليوم فى افتراع بوست بعنوان " مقاطعة منسوبي المؤتمر الوطنى لماذا وكيف " عموما الأمر كما أوجزه ياسر طيفور وأضيف ..
Quote: إن لم تكن هذه هى ( المواصفات ) التي تريدها في ( خصمك ) السياسي فبالله عليك ماذا تريد ؟؟
فى إعتقادى أن الاستغراق فى تفاصيل المنبر يجعلنا ننسي ونتجاوز عن أن الذى بيننا وبينهم أكبر بكثير من مجرد خصومة سياسية .. زمااان عندما كانوا يمارسون التعذيب والقتل فى بيوت الاشباح قال لهم الناس أنهم بذلك ينتهكون جملة من المباديء والأخلاق والسماحة السودانية .. ومن منا سوف ينسى لهم إعدام مجدى من أجل حفنة من الدولارات الحلال .. ما كان أحد ليصدق أن الحكم سينفذ .. وعقدت الدهشة السنة الجميع .. فقد تم تنفيذ حكم الاعدام !!!! لتستمر الدهشة من بعد ذلك طويلا و طوال عقدين من الزمان .. صعقنا عندما أعدموا 28 ضابطا فى رمضان .. عندما صفع نافع أستاذه فى مكاتب الامن .. عندما قتلوا الطلاب فى حرمهم الجامعى .. سليم وطارق والتاية ومحمد عبدالسلام .. عندما قتلوا الناس فى بيوت الاشباح .. عندما عذبوا شرفاء السودانيين .. عندما إغتصبوا الرجال فى زنازينهم .. عندما شردوا الناس من أعمالهم وطاردوهم فى أرزاقهم .. عندما طاردوا الشباب فى الشوارع ليرسلوهم لمحرقة الجنوب .. عندما بلغ بهم الاستخفاف أن جعلوا من الدين مهزلة وجهادا زائفا وروائح مسك خيالية وحورا عين لم يكن فى واقع الأمر الا فى خيالاتهم المريضة .. عندما عقدوا الزيجات للموتى .. وتزوجوا هم زوجات الموتى ..
وبينما الناس فى دهشة من أمر هؤلاء يتسائلون من أين أتوا ؟! تدهم مسامعهم كلمات جديدة لم يعرفوها من قبل .. الجنجويد .. الابادة الجماعية .. القتل .. التشريد .. 300 الف قتيل .. لا .. لا هم فقط 10 ألف .. ليس اكثر من 40 ألف .. هكذا تعد أرواح السودانيين المزهقه .. كما تعد الاغنام والماشية لتتوج المأساة بتمزيق الوطن .. وليتهم اكتفوا بما مزقوا
الشاهد يا عزيزي من أعلاه .. أن الامر ليس خصومة سياسية .. هى خصومة وطنية واجبة على الجميع انتهكوا هم كل تفاصيل السماحة السودانية فى وطن كان ليسع الجميع .. فكيف لهم أن يطلبوها هنا ؟!
الأمر ليس الاخ الشفيع فى شخصة .. فى العفة الكامنة فى كلماته المكتوبة هنا .. الامر ليس كذلك .. ليس كذلك أبدا .. المسألة تكمن فى من يمثل الشفيع .. الشفيع يا عاطف يمثل وبمحض ارادته الحرة وطوعا .. كل الاوزار والخطايا الوطنية الفادحة فى أعلاه .. هو إختار أن يحمل على عاتقه كل أرواح القتلى من 89 وحتى الآن .. عشرات الالاف من القتلى .. إختار وبملَ إرادته أن يكون ترسا فى الماكينة التى حصدت كل تلك الارواح واكتفينا هنا بالارواح التى حصدت بطريقة مباشرة .. ولم نأت على الموتى بفعل الفساد والاهمال والجهل والمرض .. واكتفينا بالموت عموما .. فقط الموت
تحياتى يا عاطف
Post: #115 Title: Re: سيف على مساعد عوج الدرب الخ .. Author: محمد حيدر المشرف Date: 01-22-2012, 08:38 PM Parent: #114
وسأطلب منك طلبا مباشرا يا عاطف .. وطالما تطرقت للامر .. وأنت ممن يستأنس برأيهم .. ولا أريد أن توافقنى فى طرحى وطرح طيفور هذا ..
فقط أود أن تتدلى برأيك وبصراحة حول وجود مشروعية ما, أساسا ما. لهذه الدعوة بغض النظر عن اتفاقك أو اختلافك معها!!
Post: #116 Title: Re: سيف على مساعد عوج الدرب الخ .. Author: Salah Abdulla Date: 01-22-2012, 08:41 PM Parent: #113
عاطف إزيّك ياخي.
تعرف قصة قاطعوا فلان وواصلوا علاّن دي أصلها ما حقتي.. وبالتأكيد لا يمكن الحجر على رأي أحد، ولكن وبنفس القدر لا أسمح لأحد أن يملي علي طريقة تعاملي مع الناس.. يعني قصة أقاطع زول عشان توجهه السياسي دي ما بعملها في يوم من الأيام. ودالباوقة عندي زيو وزي دينق، وطه جعفر،وعلاء الدين، وهالة، وودالصايم، وعماد، وزهير، ومحمد عادل،وتراجي،
لو الناس البيدعوا للمقاطعة ديل فكروا شوية بس في القصة دي ح يكتشفوا إنو وجود من يعارضونهم أفضل من غيابهم..
--------- ياربي نحن في سلة المنسوبين واللا لأ؟؟
Post: #117 Title: Re: سيف على مساعد عوج الدرب الخ .. Author: محمد البشرى الخضر Date: 01-22-2012, 08:54 PM Parent: #116
رغم انو الكلام لعاطف يا ود المشرف لكن الندلي دلوي وكدا نعم من حقك ان تقاطع من تشاء بناء على مواقفهم السياسية او اي تصنيف آخر - حقيقي ليس لأحد ان يخطأك او يمنعك فقط حق المراجعة و خلاف وجهات النظر الطبيعي لكن الما من حقك وصف وتصنيف فلان وعلان بأنهم ارزقية وما على شاكلتها و فرتكان و طرزان بانهم شرفاء وما شابهها وبناء على حيثيات مبنية على معرفة العالم الفيرشوال دا المسرح الكبير الذي ممكن ان يبدو فيه الشيطان نبيا لو اراد - و اجاد
Post: #118 Title: Re: سيف على مساعد عوج الدرب الخ .. Author: محمد حيدر المشرف Date: 01-22-2012, 08:56 PM Parent: #116
صلاح بالغت والله .. ليس فى المسألة إملاءات على الاطلاق .. دعوة مقدمة للناس .. وللناس مطلق الحرية حتى فى الوقوف ضدها .. ولا يسوؤنى ذلك مقدار ذرة ..
.. بالغت والله !!
Post: #119 Title: Re: سيف على مساعد عوج الدرب الخ .. Author: Emad Abdulla Date: 01-22-2012, 09:05 PM Parent: #118
ود المشرف يا كجنكا .. يميناً بالله أنا ما سائل في الهيلمانة دي بأيما درب معوج أو حوار مستقيم .. و لا شغالة معاي عاك عيك المتحمده هذا البلد .. بتعريفة ما شغالة .. كلو فشوش و راقد حُنبُك .
مريحاني في قنقوني ياخ هذه اللغة البتكتب بيها .. ممتعة بي الله واحد تراكيبك و تمريراتك و الدخلات القطع الإخدر .. طرب يا ابن خالتي .. عشان كده محل ما ألم فيك رايق لغوياً بديها تكية و استكانة و .. متعة .. و أسب ليك .
.......... موضوعكم كان شنو إنت و أخوك سيف ؟
Post: #120 Title: Re: سيف على مساعد عوج الدرب الخ .. Author: محمد حيدر المشرف Date: 01-22-2012, 09:17 PM Parent: #119
أمير عثمان انت بتتكلم جد !! يا زول استهدى بالله وخش بيتكم و .. أوعك تطلع
Post: #121 Title: Re: سيف على مساعد عوج الدرب الخ .. Author: Salah Abdulla Date: 01-22-2012, 10:09 PM Parent: #120
Quote: صلاح بالغت والله ..
محمد ودالمشرّف ..
تصدق وتؤمن بالله يا مواطن، إني أول مرة أعرف إنك من دعاة المقاطعة!! ولو أنني علمتُ ذلك قبلاً، لزدت على ما كتبت، فنحن البيننا عامرة. ويشهد الله أنك لم تكن المعني بما كتبت أعلاه، وإن شملك ذلك بعد ما أكتشفت إنك واحد من ( الخيانة).. يا محمد أنا لا تحكمني قوانين حزب معين، ولا أتبني وجهة نظر الحزب كان صاح واللا غلط، ومع علمي التام بتاريخ هؤلاء الناس من قبل 89 إلا أن ذلك لن يمنعني من محاورتهم والتعاطي معهم فيما يستحق ذلك. كما أنني سأقول كلمتي المُعارضة لإبعادهم عن هنا، أو مقاطعتهم وقد قلت ذلك هنا على الملأ في موقفين مختلفين لأخوين تم أيقافهما وهما (حزبياً) حوا وآدم ما بيلموهم.. للأسف يا محمد معظم مُدعي الديموقراطية هنا يمارسونها قولاً لا فعلاً.. الديموقراطية - في نظري - أن يتمتع غيرك بنفس ما تتمتع به من حرية..
---- أها إن شاء الله (البوليغ) يكون راح وكده..
Post: #122 Title: Re: سيف على مساعد عوج الدرب الخ .. Author: الشفيع وراق عبد الرحمن Date: 01-23-2012, 04:44 AM Parent: #121
شكرا عاطف عمر، ليس لدفاعك و حسن ظنك بالشفيع الذي يتمنى ان يكون كما وصفته وانما لاعادة الموضوع للسطح البوست الغريب الان في طور الجدية يعني ابتفه و قيقا وود الصايم يرتاحو شوية، الى حين
Quote: المسألة تكمن فى من يمثل الشفيع .. الشفيع يا عاطف يمثل وبمحض ارادته الحرة وطوعا .. كل الاوزار والخطايا الوطنية الفادحة فى أعلاه .. هو إختار أن يحمل على عاتقه كل أرواح القتلى من 89 وحتى الآن .. عشرات الالاف من القتلى .. إختار وبملَ إرادته أن يكون ترسا فى الماكينة التى حصدت كل تلك الارواح
اذن من المفترض ان تحاوروا انفسكم وتسألوها: لم اختار الشفيع ذلك طوعاً واختياراً؟ و ما هي مصلحته في دعم نظام بهذا السوء؟ اذا احسنا الظن ونفينا تهمة (الارتزاق)، ما هي بقية الخيارات؟
اذا وجدتم اجابة شافية كافية مقنعة لهذه الاسئلة، تصلوا لحقيقة : لماذا لم تسقط الانقاذ؟ ولماذا لم يستجيب الشارع لدعوات الانتفاض؟
صباحاتكم خير --------------- استغرب لمن يحاور من ينتسب لحزب الدباب الاكبر (ربنا يرحمه ويتقبله)، وسبب البلاوي و الحروب والدمار في دارفور والسودان
Quote: يحمل على عاتقه كل أرواح القتلى من 89 وحتى الآن
على الاقل كان تقسمها مناصفة: ود عوج الدرب من 89- 99 الشفيع من 99- الان
Post: #124 Title: Re: سيف على مساعد عوج الدرب الخ .. Author: عاطف عمر Date: 01-23-2012, 09:11 AM Parent: #1
تجديد التحيات عزيزي د. المشرف
Quote: وسأطلب منك طلبا مباشرا يا عاطف .. وطالما تطرقت للامر .. وأنت ممن يستأنس برأيهم .. ولا أريد أن توافقنى فى طرحى وطرح طيفور هذا ..
فقط أود أن تتدلى برأيك وبصراحة حول وجود مشروعية ما, أساسا ما. لهذه الدعوة بغض النظر عن اتفاقك أو اختلافك معها!!
جزيل الشكر وأرجو أن أكون كما تظنني
وفي إجابة أرجوها واضحة ومباشرة لطلبك المباشر أقول
قطعاً أنت عندما تتبنى مقاطعة منسوبي المؤتمر الوطني وتدعو الآخرين لتبنيها معك باعتبار أن خصومة منسوبي المؤتمر الوطني ( هى خصومة وطنية واجبة على الجميع ) فأنت لا تدعو لذلك الفعل من أجل المقاطعة ذاتها بل تتوقع نتيجة إيجابية لذلك الفعل . ماهى إذاً النتيجة التي تتوقعها لهذه المقاطعة؟؟ ليكن النظام بكل السوء الذي فصلته في مداخلتك رد الفعل المباشر المتوقع ( أو المفروض ) من جانب القوى المعارضة لهذا السوء هو أحد خيارين لا ثالث لهما إما إسقاطه عسكرياً / شعبياً أو التحاور معه لتقديم تنازلات متبادلة أى من هذه الخيارات تتطلب عملاً حزبياً فاعلاً ورشيداً لننظر لساحتنا السياسية أحزابنا الكبيرة ( الأمة / الإتحادي / الشيوعي / الشعبي ..... ) ورغم ( مكايدات الشعبي ) إلا أننا لا نكاد نشعر أنها تسير بصورة جادة في أى من هذه الخيارات بل نرى منها مشاركات تقوي النظام وتصبغ عليه شرعية ومنعة رأينا كيف تدافع رؤساء الأحزاب بما فيهم الأستاذ نقد والسيد الصادق المهدي والسيد محمد عثمان الميرغني في الإستماتة دفاعاً عن الرئيس عمر البشير ضد تسليمه لمحكمة الجنايات الدولية لا إدانة بالمطلق لمواقف هؤلاء الزعماء فحتماً لديهم من الأسباب والتقديرات السياسية ما حتمت عليهم إتخاذ هذه المواقف فالسياسة في أبسط تعريفاتها هى ( فن الممكن ) والمؤتمر الوطني وحكومة والإنقاذ ومؤسساتهم أصبحت حقيقة من حقائق الحياة حقيقة يستميت ( كم ) من البشر دفاعاً عنها وحقيقة يحاول ( كم ) آخر إختراقها وحقيقة يحاول ( كم ) آخر إقتلاعها من الجذور لكنها تظل في نهاية الأمر حقيقة معاشة.
أنا العبد الفقير لربه عاطف عمر ضد الإقصاء بصورة مبدئية ، وقد شهد هذا المنبر كم الكتابات التي أوردت فيها أن أحد أكبر جنايات الأحزاب اليمينية على السياسة السودانية هو حلها للحزب الشيوعي وطرد نوابيه المنتخبين من الجمعية التأسيسية فكانت نتيجة ذلك أن سلك الحزب الشيوعي وقد وجد نفسه منفياً في سيبيريا السياسة السودانية ووجد نفسه محروماً من شرعيته المستحقة أن سلك طريق اللاشرعية وجاءهم فارساً على ظهر مايو ( سيف الفدا المسلول ) والذي من خلاله ( نشق أعدانا عرض وطول )
سودانيزأونلاين و ( مهما كان الكلام عن سلبياتها ) فإنها تظل تظاهرة فكرية ساذج من يتجاهل دورها جمعت خيرة العقول من مختلف المشارب والمدارس نريد لها أن تتبنى وتخرج للمواطن السوداني المطحون والمستهلك في ( أساسيات الحياة ) تخرج له حلولاً واقعية قابلة للتطبيق في ( الواقع السوداني ) علنا نكون بذلك قد أدينا بعضاً من الدين المستحق في أعناقنا تجاه ذلك الشعب الصابر لذا فالذي يتوقعه المرؤ أن تقترح النخب المستنيرة التي يعج بها هذا المكان من المبادرات ما يعين ساستنا الذين نضب معينهم وتوقفوا عند محطاتهم التي نراها ، ربما كان ذلك قصاراهم . مبادرات تجنبنا ( التجارب الفاشلة ) التي دفع شعبنا ثمناً عزيزاً جراها ومبادرات تكون قابلة للتطبيق في أرض الواقع هناك في السودان حيث يمسك الناس على جمر ( إنتظار الفرج ) وذلك حتى تكون سودانيزأونلاين رأس رمح حقيقي للتغيير .
ذلك هو قدر النخب المستنيرة وذاك هو التحدي المطروح أمامها
لكل هذه الأسباب تجدني لا أوافق على مقاطعة أى فرد لإنتمائه السياسي
وتكرار الشكر
Post: #125 Title: Re: سيف على مساعد عوج الدرب الخ .. Author: محمد حيدر المشرف Date: 01-23-2012, 01:21 PM Parent: #124
هلا بيكم يا "شباب" ونحن نخطو نحو الصفحة الثانية من " سيف على مساعد عوج الدرب الخ " وحيث أنه قد تمخض البوست فولد فارا .. وطلعت أنا زول جعجاع ساى بتاع زوابع فنجانية .. مما شكل صدمة وخذلانا للكثير من الرفاق الا ان عبقرية المكان أبت الا ان تنجدنى وتلحقى بجاه بكرى ابوبكر رضى الله عنه .. وانفتحت رؤي جديدة من بعد ما عز الخصام مع الاخ سيف مساعد .. وها نحن نخطو بها قدما نحو صفحة ماجدة من صفحات مسيرتنا المنبريه .. فأهلا بالرفاق .. وأود أولا الترحيب بالامام الغائب عماد بن عبدالله .. وشيخنا ابوساندرا عبدالرحمن بن بركات ... والاسطورة كيكى عبدالكريم الامين أحمد " كيكى " وجميع رفاق الصفحة البائدة ..
" ويستمر النضال "
Post: #126 Title: Re: سيف على مساعد عوج الدرب الخ .. Author: محمد حيدر المشرف Date: 01-23-2012, 01:39 PM Parent: #125
وبمناسبة " يستمر النضال " هذه .. دعونى وقبل الولوج لغياهب ومجاهيل الصفحة الثانية دعونى .. أن أتوجه بنداء صادق وحار جدا ... الى الأخ العزيز والزميل معاوية عبيد الصايم أن يبادر بنقد تجربته الذاتية وعلى صفحات هذا المنبر .. وأن يبرز للناس إيجابيات النقد الأخلاقى وأخلاقيات النقد فى العمل العام .. ليستمر العطاء الايجابى .. ولنتجاوز جميعا كل السلبيات الناتجة عن التحرك الخاطيء والفردى فى المجال .. وارتباط ذلك بقضية الصفحة الحالية يكون .. أننا وجميعا ومن خلال حركتنا الفردية .. فاننا قد نختار وبكامل ارادتنا .. تمثيل مجموعا او منظومة .. وقد لا يختار بعضنا ذلك ولكن .. وطالما اخترنا وطوعا تمثيل منظومة ما .. وتصدينا للكتابة انطلاقا من هذا الاختيار فذلك وبالضرورة لا يمكن إغفاله عند المحصلات السالبة بالادعاء أن فلان لا يمثل الجهة الفلانية وأنها لم تنصبه ناطقا باسمها !! هذا خطأ كبير وفادح والتفاف .. ومعاوية قادر على انجاز هذا النقد الذاتى .. وقادر على تحمل تبعاته تماما .. وسيفتح الباب واسعا لزملاءه كتابة رأيهم وبوضوح أجمل ونبيل فى حركته فى المجال .. ايجابياتها وسلبياتها
تحياتى يا رفيق ..
Post: #128 Title: Re: سيف على مساعد عوج الدرب الخ .. Author: محمد حيدر المشرف Date: 01-23-2012, 01:50 PM Parent: #126
وبسم الله نبدأ بود البشرى ..
حسناً يا عزيزي .. أنت محق فى ذلك القضية التى أتحدث عنها مجالها مجال عام لا شخصى .. بمعنى أن مقاربتى للموضوع مقاربة عامة نحوهم ومن خلال انتمائهم لمنظومة فاسدة سياسيا و أخلاقيا .. فاسدة فى ذاتها ومفسدة لغيرها ولكن .. ذلك لا يعنى وبأى حال من الاحوال أن يكون حجة جازمة بانتهازية كل منسوبيها .. أخطأت تماما فى تقديري ذلك .. وعلى استعداد تام للاعتذار لهم جميعا من خلال بوست منفصل .. وعلى خلفية انتمائهم لتلك المنظومة الفاسدة وبالمقاربة أعلاه ..
.. الواحد لمن يقدر جيدا انو غلطان .. فليقل ذلك وليتحمل التبعات وشكرا يا ابو حتحوت محمد ود البشرى
Post: #129 Title: Re: سيف على مساعد عوج الدرب الخ .. Author: محمد البشرى الخضر Date: 01-23-2012, 02:10 PM Parent: #128
شكرا ليك انت يا ود المشرف و شكرا مرة تانية على دعوتك لمعاوية بنقد تجربته وكمان كان لقيت طريقة غيرت لينا عنوان البوست تكون ما قصرت
Post: #127 Title: Re: سيف على مساعد عوج الدرب الخ .. Author: فايزودالقاضي Date: 01-23-2012, 01:45 PM Parent: #125
Quote: " ويستمر النضال "
هو فضل فيها نضال بعد (اتفقنا) ؟!!
Post: #130 Title: Re: سيف على مساعد عوج الدرب الخ .. Author: محمد حيدر المشرف Date: 01-23-2012, 02:25 PM Parent: #127
والله يا ود البشرى .. أنا لست من أصحاب الحظوة عند بكرى أبوبكر .. ومعلم الله .. لا مكتبة ولا عنوان واااااحد تعلق مافى.. زىي زى اى قيقراوى حايم ! فياخى توسط لى عنده أن يتم تغيير العنوان الى .. " مقاطعة منتسبي الوطنى ومعاوية الصائم .. "سيف مساعد سابقا" وأكون من الشاكرين .. وهذا منى وهو طلب رسمى لمدير الموقع ..
.. وان كنت أفضل فى الواقع مبادرة معاوية بذلك .. فان لم يتم ذلك .. فالبيناتنا عامرة جدا .. وانا وعاوية واحد ..
Post: #131 Title: Re: سيف على مساعد عوج الدرب الخ .. Author: قيقراوي Date: 01-23-2012, 03:51 PM Parent: #130
Quote: ومعلم الله .. لا مكتبة ولا عنوان واااااحد تعلق مافى.. زىي زى اى قيقراوى حايم ! فياخى توسط لى عنده أن يتم تغيير العنوان الى .. " مقاطعة منتسبي الوطنى ومعاوية الصائم .. "سيف مساعد سابقا" وأكون من الشاكرين .. وهذا منى وهو طلب رسمى لمدير الموقع ..
قيقراوي ما عندو مكتبة .. آآآآآي .. لكن كمان استار المنبر جربا ياخ! و الله صحي .. مرتييييييين
-----
واحدة صور افطار بورداب جدة .. لمن كنت مواطن اسفيري صااااالح .. ؤ كنت ماشي جمب الحيطة و بهتف بحياة الريس .. و الرغيفة الكبييرة (ما زي تخرصات المهندس البعثي عالم، قال قدر الاضان قال!) .. و المواصلات الفااااضية
و التانية ما تمت نص ساعة ذاتو .. عطس ذاتو ما عطسنا زي الناس! عشان يتيم حاقر بي ابصلعة دا
Post: #132 Title: Re: سيف على مساعد عوج الدرب الخ .. Author: محمد حيدر المشرف Date: 01-24-2012, 00:58 AM Parent: #131
المهم أنك و ود البشري قد زرتما تلكم الواجهات السوامق يا قيقراوى .. باقى ليك المكتبه وحسن الختام !! شفت صادق عبدالله عبدالماجد قال شنو ؟!!
Post: #133 Title: Re: سيف على مساعد عوج الدرب الخ .. Author: محمد حيدر المشرف Date: 01-24-2012, 01:57 AM Parent: #132
هناك من تفاصيل الصفحة البائده ما يوجب الرجوع ولكن بأوان معلوم .. كما فاتنى الترحيب باحد عتاة البورداب بالدوحة .. وأحد الأبناء البرره لمدينتى الام .. " برى" المخضرم ابوالريش .. القومة ليك يا فنان ..
.. ود القاضى .. كن مصدر خير .. وغادر بالله ذهنية ودالصايم و صلاح و نوته ومن لف لفهم .. انت زول صاحب رسالة خالدة فاسلك سلوك الفطحل السياسي كما يليق بك .. والا سيتم تجريدك من لقب كاتبى المفضل والذى أنعمنا به عليك نهاية العام المضى ..
Post: #134 Title: Re: سيف على مساعد عوج الدرب الخ .. Author: أمير عثمان Date: 01-24-2012, 03:12 AM Parent: #133
Quote: أمير عثمان انت بتتكلم جد !! يا زول استهدى بالله وخش بيتكم و .. أوعك تطلع
محمد ... سلامات فى ذات اليوم قابلت جارى أمام البيت ودعانى لأحسن كوكتيل فى الدنيا - على حد تعبيره - وأخذ يصف مكوناته وعينيه تبرق متعةَ وتشويقا لى لأقبل دعوته... وعندما أخبرته بأنى لا أشرب ... نظر الى نظرة ملؤها الرثاء و الشفقة وقال لى :
Quote:
Quote: أمير عثمان انت بتتكلم جد !! يا زول استهدى بالله وخش بيتكم و .. أوعك تطلع
وبالجنبة كده ...
Quote: وحيث أنه قد تمخض البوست فولد فارا .. وطلعت أنا زول جعجاع ساى بتاع زوابع فنجانية .. مما شكل صدمة وخذلانا للكثير من الرفاق
وتانى ....
Quote: دعونى .. أن أتوجه بنداء صادق وحار جدا ... الى الأخ العزيز والزميل معاوية عبيد الصايم أن يبادر بنقد تجربته الذاتية وعلى صفحات هذا المنبر .. وأن يبرز للناس إيجابيات النقد الأخلاقى وأخلاقيات النقد فى العمل العام ..
Post: #135 Title: Re: سيف على مساعد عوج الدرب الخ .. Author: أمين محمد سليمان Date: 01-24-2012, 03:28 AM Parent: #134
Quote: الاستاذ امين ...اتصلت عليك اكثر من مرة على تلفون البروفايل في موضوع الفت ده يرد على المشرف مرة ومرة تانية خالد عبيد .. ماعارف الشيوعيين ديل اعتقلوك ولا هكروا رقمك ..
يعني يا فايز ما عارفني غواصة للشيوعيين في المنبر ؟ -----------
Quote: دعوة ( جافة ) لن يأبه بها أحد المطلوب ترطيبها بـ شوية ( تحنيس )
التحنيس ده يا أبو أمين يحنسونا ليه نحن الناس المهمين لمن يدعونا ... لكن لمن نحن ندعو زول ما بنحتاج نحنسو ... هسي ما شفت ود القاضي شد السلك بالجفاف ده ذاتو !! ---------- ما متذكر ياتو بوست و لا سيدو منو ... لكن قبل فترة خشيت لي بوست لقيت حبيبنا أبوالريش بالانجليزي جاء قال للناس : ده وكتو ؟ البلاد بتمر بمنعطف و انتو في خستكتكم دي ؟! فليسمح لي شيخي أبوالريش بالانجليزي أن أوجه كلماته لصاحب و زوار هذا البوست ... ما معقول ياخي البلاد بتمر بمنعطف و صاحب البوست و طيفور بلا وسامة و قيقا الاخدر و البشري بصرامتو الاملائية فاكينها فينا .... لا عارفنهم متشاكلين ... لا عارفنهم متصالحين ... و لا الأخ صاحب البوست فتح نيران في عوج الدرب خلانا نستمتع بالبل .... غايتو البركة في مداخلة أمير عثمان : إحتمال تجيب ليها بل !!
Post: #136 Title: Re: سيف على مساعد عوج الدرب الخ .. Author: فايزودالقاضي Date: 01-24-2012, 08:44 AM Parent: #135
Quote: ود القاضى .. كن مصدر خير .. وغادر بالله ذهنية ودالصايم و صلاح و نوته ومن لف لفهم .. انت زول صاحب رسالة خالدة فاسلك سلوك الفطحل السياسي كما يليق بك .. والا سيتم تجريدك من لقب كاتبى المفضل والذى أنعمنا به عليك نهاية العام المضى ..
لو حااستمر كاتبك المفضل لهذا العام ايضاً ماعندي مانع اكون مصدر خير ومنبعه غير كده ماتحرمنا من حوارات صراعاتك الجميلة وكيفية إدارتها انا واخوى قيقراوى بنستفيد لغوياً واسلوبياً ومقارنتياً* من هكذا صراعات اتفاقكم اخي المشرف هو اكبر خسارة للبورد ..
ــــــــــــــــــ * سأظل ماحييت انتظرالمقارنة بتاعة منصور خالد
Post: #137 Title: Re: سيف على مساعد عوج الدرب الخ .. Author: قيقراوي Date: 01-24-2012, 09:21 AM Parent: #135
Quote: ما معقول ياخي البلاد بتمر بمنعطف
ياتو يوم بلد الشوم دي ما كانت بتمر بمنعطفٍ خطير!!؟
من قمنا هي لافة صينية O تيرن عديل كدا!! لانو صراحة لو صدقت تخرصات اليسار الانتهازي، اننا ماشين لي وراء .. كان وصلنا لي اسع دي!! وراء دا وين هو!؟
-------
مرحب بيك في النادي ..
نادي سبق الحمير .. ما سباق حماد
شوف بريمة كتب شنو :
Quote:
Quote: ويسمى سباق حماد، مع أنه ليس ضمن المتسابقين ..
انت دايرو يجري معاهن .. و يسبقن، حتن يسموا السبق باسمو!؟ اها الحصين بتعرف (تنصم) سبق براها!؟
عموماً شكرن على المعلومة .. بالجد اول مرة اعرف معنى المثل .. مع اني بعرف مضربو!
Post: #138 Title: Re: سيف على مساعد عوج الدرب الخ .. Author: عاطف عمر Date: 01-28-2012, 10:02 AM Parent: #1
عزيزي د. المشرف تحياتي وسلامات
طلبت رأيي ( مباشراً وصريحاً ) فأجبتك ( مباشراً وصريحاً ) وشهد الله أنني حتى لو أردت ( تجملاً أو تحايلاً ) لما طاوعتني كلماتي فنظرية( الخط المستقيم هو أقرب مسافة بين نقطتين ) لا تزال تحكم سلوكنا قولاً وفعلاً و الصراحة هى ( ميراثنا ) الذي تسلمناه كاملاً غير منقوص من الوالدين
فلماذا رأيتك تتجاهل المداخلة التي أتت بناء على طلبك ؟؟؟ وتترك معها كل البوست ؟؟ أو ربما تكون قد أصابتنا المقاطعة ؟؟ الله أعلم على كل ، ما ذكرته في مداخلتي ليس بجديد قد أثرته مفصلاً في ( 12/02/2009 )*** في بوست أستأذنك في إرفاق رابطه
فشكراً أن أتحت لي سانحة أستوثق عبرها أن رؤاي ( كانت ) ولا تزال صائبة
أكتب هذه المداخلة لا إستجداء لرد إنما تثبيت لهذه الرؤى وفرصة أرفع بها البوست ليتعرف من لم يتابع مجرياته أو بوستنا السابق على وجهة نظرنا
__________________
( 12/02/ )*** يوافق عيد زواجي
تصدق ؟؟
Post: #139 Title: Re: سيف على مساعد عوج الدرب الخ .. Author: محمد عبد الماجد الصايم Date: 01-28-2012, 10:13 AM Parent: #138
يبدو أن الاستوسـاخ قد أصبح جماعياً!
Post: #140 Title: Re: سيف على مساعد عوج الدرب الخ .. Author: محمد حيدر المشرف Date: 01-28-2012, 04:20 PM Parent: #139
*
Post: #141 Title: Re: سيف على مساعد عوج الدرب الخ .. Author: محمد حيدر المشرف Date: 01-28-2012, 04:37 PM Parent: #140
ود الصايم سلامات .. ما المقصود بالاستوساخ ؟!
مودتى التى تعلم ..
Post: #143 Title: Re: سيف على مساعد عوج الدرب الخ .. Author: محمد حيدر المشرف Date: 01-28-2012, 04:53 PM Parent: #141
قبل "وقفة" الفالنتاين بليلة ؟! .. ده يوم مناسب جدا للاحتفال يا عاطف .. ومناسب جدا لتجديد المواثيق الجميلة والعهود فلا تكتبن بوستا فيه يا عزيزي .. ففى هذ ا المكان رهق شديد ومجابدة لا تليق برومانسية أعياد الزواج .. وتحديدا تلك المجيدة التى تكون قبل "وقفة" الفالنتين بليلة !
Post: #144 Title: Re: سيف على مساعد عوج الدرب الخ .. Author: محمد حيدر المشرف Date: 01-28-2012, 05:04 PM Parent: #143
هذا البوست " سيف على مساعد عوج الدرب الخ " بوست عجيب وغريب .. تتلاصف من تحته ومضات عديدة ونحو سراديب منبرية عددا ومختلفات
ربك يهون آ زول .. ربك يهون ..
Post: #142 Title: Re: سيف على مساعد عوج الدرب الخ .. Author: Salah Abdulla Date: 01-28-2012, 04:37 PM Parent: #140
Quote: يبدو أن الاستوسـاخ قد أصبح جماعياً!
ههههههههههههه. عفيت منك يا ود المشرف.
Post: #145 Title: Re: سيف على مساعد عوج الدرب الخ .. Author: محمد حيدر المشرف Date: 01-28-2012, 05:19 PM Parent: #142
صلاح سلامات ..
لأخينا ود البشرى جملة يقولها وبإنفعال معقول جدا فحواها : أن سيبونا عليكم الله من التهم المجانية التى توزع هكذا ودونما سند أو وازع أخلاقى فى هذا المكان .. ويقولها هكذا وهو يشير نحو هذا المنبر .. أو نحو نفر فيه تحديدا وهم معلومون .. ودونما وازع أخلاقى زياده من عندى .. وللحديث صلة .. وعسي ربك يهون القواسي يا صلاح ..
Post: #146 Title: Re: سيف على مساعد عوج الدرب الخ .. Author: Hololy Date: 01-28-2012, 06:42 PM Parent: #140
... ... ...
Quote: ... ...أنا العبد الفقير لربه عاطف عمر ضد الإقصاء بصورة مبدئية ، وقد شهد هذا المنبر كم الكتابات التي أوردت فيها أن أحد أكبر جنايات الأحزاب اليمينية على السياسة السودانية هو حلها للحزب الشيوعي وطرد نوابيه المنتخبين من الجمعية التأسيسية فكانت نتيجة ذلك أن سلك الحزب الشيوعي وقد وجد نفسه منفياً في سيبيريا السياسة السودانية ووجد نفسه محروماً من شرعيته المستحقة أن سلك طريق اللاشرعية وجاءهم فارساً على ظهر مايو ( سيف الفدا المسلول ) والذي من خلاله ( نشق أعدانا عرض وطول )
... .... ... ...عاطف يا عزيز .... ...يا خي ....الكلام ده .... ... ...
Quote: ... وقد شهد هذا المنبر كم الكتابات التي أوردت فيها أن أحد أكبر جنايات الأحزاب اليمينية على السياسة السودانية هو حلها للحزب الشيوعي وطرد نوابيه المنتخبين من الجمعية التأسيسية
... ... ...صحيح ... ...وان كل الكتابات الوردت و تناولته سواء كان في المنبر او خارج المنبر او في تاريخ صحافتنا و كتابنا و مؤرخينا .... ....بشكل عام ...تناولته بمفهوم انه اكبر جنايات الاحزاب اليمينيه علي السياسه السودانيه!!!!! ... ...لكن ياخي في سؤال في ذهني ...ليك و لاي اخر من المنبر و اللاَ من خارج المنبر...(ما بشكل استاذي ).. ...فقط ...بغرض وضع الاشياء في نصابها الصحيح!!!! ... ...السؤال هو.... ...هل الكلام ده هو الحقيقه؟؟؟؟؟؟ ...اي ...هل هو حقيقة ....انو كان اكبر جنايه في تاريخ السياسه السودانيه .... ...ام هناك قفز متعمد من فوق الحقيقه ....ثم خلط الاوراق ومداراتها تحت جبة القفاطين وعفصها تحت ارجل الفرعنه و الديكتاتوريه ... ... ...فتترتب عليها النتيجه التاليه هذه !!
... ...
Quote: ... فكانت نتيجة ذلك أن سلك الحزب الشيوعي وقد وجد نفسه منفياً في سيبيريا السياسة السودانية ووجد نفسه محروماً من شرعيته المستحقة أن سلك طريق اللاشرعية وجاءهم فارساً على ظهر مايو ( سيف الفدا المسلول ) والذي من خلاله ( نشق أعدانا عرض وطول )
... ... ... ... ... ...ود المشرف ... و الزوار ...و المعني بالبوست ....سلام يغشاكم ....شقيش تقبلوا ... ...و معليش ...شايف البوست انحرف من مسارو و موضوعو ....و كما هو واضح ...برضاكم ...و رضي صاحبه !!! ... ...فليرضي رضاكم بهذا السؤال الجانبي!!! .. .. ..ود مقيم . .
Post: #147 Title: Re: سيف على مساعد عوج الدرب الخ .. Author: محمد عبد الماجد الصايم Date: 01-28-2012, 07:43 PM Parent: #146
يا مشرف .. الاستـوساخ بقى اتهام مجاني ولّ شنو؟ بعدين حكاية (التي تعلم) دي ما ريّحتي يعلم الله!
يا زول في حاجة؟
Post: #148 Title: Re: سيف على مساعد عوج الدرب الخ .. Author: محمد حيدر المشرف Date: 01-28-2012, 09:26 PM Parent: #147
أها خمو و صرو .. والله صحى ! انشاء الله تاخدو 36 دولار فى البرميل !!
الثابت فى الأمر أننا وكسودانيين لم نأخذ أمر الوطن بالجدية الكافية .. غبنا تماما فى تفاصيل "الغلاط " و إدعاءات الحكمة والحوار الديمقراطى .. بينما كان اللصوص مستغرقون تماما فى فعل السرقة .. فسرقونا حتى اللباسات .. حتى اللباسات فتحسسوها ؟!..
Post: #149 Title: Re: سيف على مساعد عوج الدرب الخ .. Author: عاطف عمر Date: 01-29-2012, 05:43 AM Parent: #146
تحياتي وسلامات عزيزي Hololy
لن أخفيك سروري بأن كانت مساهمتي المتواضعة هى مدخلك للإسهام في هذا البوست ( الغريب وعجيب ) ولن أخفيك أيضاً أسفي بأن أتت مداخلتك في ( الوقت الخطأ ) خطأ الوقت في أنني لا أزال أتحسس ( موقع إعرابي ) في هذا البوست ومن ثم تواجدي فيه لكن مثلك لا يرد له طلب أجيب على سؤالك في إقتضاب وأرجو أن ألتقيك مرة أخرى لـ ( الإندياح )
Quote: لكن ياخي في سؤال في ذهني ...ليك و لاي اخر من المنبر و اللاَ من خارج المنبر...(ما بشكل استاذي ).. ...فقط ...بغرض وضع الاشياء في نصابها الصحيح!!!! ... ...السؤال هو.... ...هل الكلام ده هو الحقيقه؟؟؟؟؟؟ ...اي ...هل هو حقيقة ....انو كان اكبر جنايه في تاريخ السياسه السودانيه ....
نعم
Post: #150 Title: Re: سيف على مساعد عوج الدرب الخ .. Author: Hololy Date: 01-29-2012, 12:06 PM Parent: #149
....
Quote: .... .... نعم ....
... .... ...وهنا تبدو قضيه يا صديق !!!!!! ؟؟؟؟؟ ... ... ... .كديه اخلص مشاهدة نهائي .. game .... ... التنس ده و اجيك ...
Post: #151 Title: Re: سيف على مساعد عوج الدرب الخ .. Author: Hololy Date: 01-29-2012, 12:06 PM Parent: #149
....
Quote: .... .... نعم ....
... .... ...وهنا تبدو قضيه يا صديق !!!!!! ؟؟؟؟؟ ... ... ... .كديه اخلص مشاهدة نهائي .. game .... ... التنس ده و اجيك ...
Post: #152 Title: Re: سيف على مساعد عوج الدرب الخ .. Author: محمد البشرى الخضر Date: 01-29-2012, 12:34 PM Parent: #151
Quote: حتى اللباسات فتحسسوها ؟!..
checked ... every thing OK
Post: #153 Title: Re: سيف على مساعد عوج الدرب الخ .. Author: عاطف عمر Date: 01-29-2012, 12:34 PM Parent: #151
Quote: كديه اخلص مشاهدة نهائي .. game .... ... التنس ده و اجيك
ليس هنا رجاءً ليس هنا
راجع مداخلات البوست الأخيرة يا عزيزي وأنت تعرف
_________________
ح نروح من بعض فين سوف نلتقي بحول الله
Post: #154 Title: Re: سيف على مساعد عوج الدرب الخ .. Author: محمد البشرى الخضر Date: 01-29-2012, 12:57 PM Parent: #153
Quote: ليس هنا رجاءً ليس هنا
انتو دي الرووب ولاّ انا غلطان ؟
Post: #155 Title: Re: سيف على مساعد عوج الدرب الخ .. Author: محمد حيدر المشرف Date: 01-29-2012, 09:34 PM Parent: #154
لا فائدة هنا .. ولا فائدة هناك .. فمن دون "اللباسات" لا فائدة ابدا ؟! .. الحقيقة الوحيدة اننا لم نأخذ هذا الوطن بالجدية اللازمة ..
أرسل صديقى العزيز أيميلا قال فيه " لا تناضم ولو منحوك الذهب " ولا فائدة من ذلك أيضا.. لا فائدة أبدا !!
تجاوزنا الهم الوطنى كثيرا .. تجاوز مرحلة عدم النضم والمقاطعات الاسفيرية الساذجة .. وبالتأكيد تجاوز نقاشنا حول جدلية "المناضمة"
والسؤال الذى يلح ببالى ومنذ أيام .. وكنت مشغولا ك "هلولى" بمؤتمر صيدلانى حول الاورام .. فى الواقع كنت مشغولا جدا .. بذاك المؤتمر ولكن السؤال لم يفارقنى ..
نحن أسود الغاب أبناء الحروب لا نهاب الموت أو نخشى الخطوب نحفظ السودان في هذي القلوب نفتديه من شمال أو جنوب بالكفاح المُرُّ والعزم المتين وقلوب من حديد لا تلين نهزم الشرَّ ونجلي الغاصبين كنسورٍ الجوِّ أو أُسْد العرين ندفعُ الرّدَى نصدُّ من عدا نردُّ من ظلم
الجدير بالذكر ان الويكيبيديا تقول الآتى حول نشيدنا/نشيدكم/نشيدهم الوطنى ..
Quote: وفي عام 1970 ،جرت محاولة لتغيير كلمات النشيد الوطني بكلمات قصيدة أمة الأمجاد التي قام بتلحينها فرقة الثنائي الوطني بقيادة الفنانين محمد حميدة ويوسف السماني وأداها مع المجموعة، وذاعت شهرتها وسط الجمهور السوداني. وحينما استمع إليها الرئيس جعفر نميري اعجب بها وطلب بثها في الإذاعة ولتلفزيون. ولكن اتضح فيما بعد بأن القصيدة ألفها شاعر مصري هو مصطفى عبد الرحمن ونشرها في مجلة أكتوبر المصرية عام 1967 م، أي بعد النكسة، مواسياً الأمة العربية ومذكراً بإنجازاتها وداعياً إلى نهوضها من كبوتها. وقد غنتها في مصر الفنانة فايزة أحمد ولحنها محمد سلطان. وفيما يلي بعض المقاطع التي غناه الثنائي الوطني :
أمتى يا أمة الأمجاد والماضى العريق يانشيدا في دمى يحيا ويجرى في عروقى
قال بابكر سلك فى لقاء صحفى عندما سئل عن أصدق النبوؤات فى الالفية الثالثة .. قال لهم : أصدق نبوؤة هى لتلك الشاعر الذى قال " أمتى يا أمة الأمجاد " وأشار لعربات الامجاد الحايمى فى شوارع الخرطوم ..
أعتقد أن بابكر سلك لم يراجع الويكيبيديا آنذاك !!!!!!!!!
Post: #156 Title: Re: سيف على مساعد عوج الدرب الخ .. Author: محمد حيدر المشرف Date: 01-29-2012, 09:40 PM Parent: #155
هذا ويجيك صلاح عبدالله وبذاكرة الشفتنة بتاعت أولاد الديم يقول ما يقول فى هذا البوست !! وصلاح ادمن المبالغات فى هذا البوست كثيرا .. وبذات الذاكرة .. ذات الذاكرة !! ذاكرة أولاد الديم وولعهم الشديد بإنو الواحد يكون " أصلى "
Post: #157 Title: Re: سيف على مساعد عوج الدرب الخ .. Author: محمد حيدر المشرف Date: 01-29-2012, 09:51 PM Parent: #156
وبكرى ابوبكر يعلق لينا بوستات شاذه جدا فى المنبر ده !
هسع تلقى الدوا ده اسبيرين ساكت وذلك حسب الوعى الوطنى بالاسبيرين !!
Post: #158 Title: Re: سيف على مساعد عوج الدرب الخ .. Author: محمد حيدر المشرف Date: 01-29-2012, 09:59 PM Parent: #157
البوبار !! مشكلتنا الاساسية البوبار .. والله صحى !!
زول حرامى وبسرق فينا ليل نهار .. وهو زول واااحد والله وحدو .. يقولو ليك ده خلاف سياسي وخلاف الرأى لا يفسد للوطن قضية !!
وهسع السودان ده كلو مربوط بى حبل زول وااحد .. القيامة الرابطة دى كلها .. زول واااحد والله وحدو !!
تقول لى مذكرات !! مؤتمر وطنى وما أدراك ! الضوء الابيض لميرغنى يوسف والضوء لسعد عدنان تلك كانت آخر مذكرات الواحد بذكرها !!!
الله كريم ..
Post: #159 Title: Re: سيف على مساعد عوج الدرب الخ .. Author: محمد حيدر المشرف Date: 01-29-2012, 10:25 PM Parent: #158
هذا أو الاستوساخ !
لا أذكر بالتحديد وفى اللحظة دى من كتب " هذا أو الطوفان " وعموما نحمد له- وأعنى للكاتب - أن ذاكرته الثقافية لم تحتمل كارثة أكبر من الطوفان .. وأعنى ذاكرته الدينية أو الجغرافية .. واااحد !
يا محمد ود الصايم .. مودتى ليست مرهونة للمساومات .. هى مودتى وفقط .. وهى دونك .. لا أكثر من ذلك ولا أقل !!
Post: #160 Title: Re: سيف على مساعد عوج الدرب الخ .. Author: Salah Abdulla Date: 01-30-2012, 00:08 AM Parent: #159
Quote: هذا ويجيك صلاح عبدالله وبذاكرة الشفتنة بتاعت أولاد الديم يقول ما يقول فى هذا البوست !! وصلاح ادمن المبالغات فى هذا البوست كثيرا .. وبذات الذاكرة .. ذات الذاكرة !! ذاكرة أولاد الديم وولعهم الشديد بإنو الواحد يكون " أصلى "
يا مشرف ، حمد الله على السلامة، وأرجو أنكم استفدتم من مؤتمركم الطبي.. غايتو كلامك الفوق ده أظنك قاصد به صلاح غيري أنا!! عموماً الظاهر عليك زعلان من حاجة، زول، مداخلة.. عشان كده ح أضطر أبين مشاركتي في بوستك ده، ليه، وشكلها كان كيف. وقبل ذلك أرجو أن أؤكد كلامك الفوق ده وأثبّت أنني ديامي، وشفت، وأصلي، وهذه لا جدال وخلاف عليها. لكن في البوست ده بالذات قدر ما قريت ما عرفت وين انا اتشفتنت وقلت ما قلت!! وفتشت على المبالغات العملتها، برضو ما لقيتها، والذاكرة البتقمصها دي ما عرفتها وين !!غايتو يمكن العيب فيني .. يمكن هي المداخلة الأعلنت فيها رفضي لمقاطعة منسوبي المؤتمر الوطني (ولا زلت) وانت فهمت أنني أرفض وصايتك علي !! ورديت علي، ثم رديت عليك أنا وكنت صادق في عدم معرفتي بأنك من دعاة مقاطعة الكيزان، لو المداخلة دي زعلتك فأنا اعتذر لك عنها هنا والآن. طبعاً قد يؤخذ علي أنني إنحرفت بالبوست عن مساره باعتباري أول من تداخل بعد اتفاقك أنت وسيف، وكان دخولاً على سبيل المزاح وتبيان أن هذا النوع من التفاهم وإزالة اللبس وسوء الفهم والاتفاق على تجاوز المشاكل بنفوس صافية هي ثقافة نرغب بشدة في أن تجد مكانها هنا، وكان هذا بعد أن استنفذ هذا البوست اغراضه، واتفقت أنت وسيف مساعد علي عوج الدرب الخ ، واتصافيتو.. وبعدين ، إذا كانت كلمة استوساخ هي سبب زعلك ، فدعني اشرح لك معناها (البرئ) والمقصود بها هنا، وحسب معرفتي البسيطة، مع ملاحظة اني فاشل جداًفي متابعة المنبر ده، باستثناء التلاتين يوم الفاتوا (ولاسماء محددة) فالاستوساخ يُقصد به التجاهل، عدم الرد على مداخلات الناس الطقيع (بالخليجي).
اما عن ذاكرة شفتنة أولاد الديم، فده توبي يا أخو ، وهي ما ذاكرة إجترارية فأخوك مريض ومدمن حاجة اسمها الديم، ولو ما شفتو في السنة تلاتة مرات على الأقل ما برتاح.. تصدق يا محمد - وليس في الأمر فشخرة - أكون قاعد في اجتماع في دولة تبعد عن قطر حوالي سبعة ساعات وعن السودان كذا سنة ضوئية، وينتابني حنين جارف لسوق الديم ومحل عماري الموردة وشادية بتاعت الشاي، وحسن شيخ السوق، وغبار شارع الغالي ومناكفة أمي لعم الطاهر سيد الخدار وفول عم ابراهيم الحبشي، والله قدر ما حاولت أعمل فيها ما أنا ، فشلت.. فكما ترى يا صديقي هي ليست من الذاكرة، ولا أدعي ما لست عليه أنا فعلاً. أها كده طلعت ما عايش على الذكريات، وكمان زول (اصلي) فعلاً وليس في الأمر ولع بالأصالة. غايتو المبالغات المقصودة لو كانت هي هظاري البسويهو مع فِردي الهنا ديل فهي إذن مبالغات ولا ريب.
يا محمد والله بنهظر، على الأقل أنا وفِردي (الشفوت) الفوق ديل، لاعبين ون تو وونسة لي الله سيدك ده، وما دايرين زعل، فهي مجرد ونسة وخستكة أخوان وتأكد أن الفرق بين البوستات الجادة وبستات الخستكة والونسة معلومة لدينا تماماً..
هي هضربة آخر الليل، ويبقى الود ما بقينا ..
Post: #161 Title: Re: سيف على مساعد عوج الدرب الخ .. Author: saif massad ali Date: 01-30-2012, 01:23 AM Parent: #160
دكتور المشرف
يازووووووول
مدني محاصرة وطيبة محاصرة
وانت لسع في بوست اتهام سيف مساعد ليك
المرة الوحيدة الحزنت فيها في حياتي في بص الخرطوم الحيصاحيصا ركبت جنبي بت لابسة كفرات وانا ماعارفها الا لمن
حكو لي تمنيت لو نفستهن ليها
وهذه المرة هنا ايضا حزين لاني نفست للجمهور هذا البوست ولانامت اعين المتربصين
Post: #162 Title: Re: سيف على مساعد عوج الدرب الخ .. Author: سارة علي Date: 01-30-2012, 02:28 AM Parent: #161
بغض النظر عن موضوع البوست.. يكفي انو عامل صفحتين.. بغم ما قريتا فيه..لكن حاستخدمو لترويج فكرة اني شاعرة.. ويا ود العم لو انت بجاي فبلاي غض النظر..اعمل فيها غمران واهدي القصيدة للاخ عمر فضل المولى او اي كان اسمه بمناسبة انو حيبقى ضحكنجي وتبع التانيين عما قريب.. احم احم احم بدون ايتها مدخل اول ولا طيش..
تعال نفرح نضم ريدتنا في قلوبنا .. وفي دروب الحب مع العاشقين نسرح دروب خالية من الزييف نمشي عليها ما بنقيف لا حنكل ولا حنمل.. تبقالنا نعيم ..نعيشا مرح وبنشوة هوانا نحس بسرور..نلف وندور زي درويش لنبيو مدح ما نشيل هم..ما نتغم غرامنا لرصيدو نزيد..ما نطرح نخلى البينا احلى حكاية.. احلى رواية للداير الامان مطرح تعال نفرح ولدروس الغرام نشرح نعلم كيف الحنين بيعين لمن يفوت الحد يزيد ينضح وكيف نارالبعاد والم السهاد بيزيد البينا بدل يجرح نوري الكون احلى جنون نقول ونعيد..لاحلى قصيد بنغمة الوداد نصدح وتعال نفرح..
__________________ وحاة ابوي مااااااا بلف
Post: #163 Title: Re: سيف على مساعد عوج الدرب الخ .. Author: سارة علي Date: 01-30-2012, 02:45 AM Parent: #162
البيجي يشكر ..اوعدو اني ما حاست######و لمن ابقى مشهورة.. اوعدكم اني حاكون متواضعة زي اسماء الجنيد.. لكن البيجي يكسر مغاديفي ..الله قال بقولو.. والكلام ليك يا عمر الفاروق..
_____________________ يا ريت باختصار واحد يتبرع يوريني موضوع البوست باختصار يمكن اشارك.. واتمنى انو يكون بوست دواس وليس مثقفاتية:).. الى ذلك الوقت خلوني اشوف بوست مهجج تاني اروج فيهو لروحي
Post: #164 Title: Re: سيف على مساعد عوج الدرب الخ .. Author: محمد حيدر المشرف Date: 01-30-2012, 03:42 AM Parent: #163
فى مشكلة تواصل بين صلاح عبدالله وشخصى الضعيف .. عموما نرحب بالشاعرة الانيقة سارة على .. وبى سيف على بين أهله ..
Post: #166 Title: Re: سيف على مساعد عوج الدرب الخ .. Author: سارة علي Date: 01-30-2012, 05:41 AM Parent: #164
شاعرة حتة واحدة؟؟! وكمان انيقة! حولتن..
شاعر انت وانيق انت يا ود المشرف :) اها الدواس الهنا ومسبباته والتوصيات المرقتو بيها..
Post: #165 Title: Re: سيف على مساعد عوج الدرب الخ .. Author: عاطف عمر Date: 01-30-2012, 05:06 AM Parent: #160
Quote: عموماً الظاهر عليك زعلان من حاجة، زول، مداخلة..
معقولة بس ؟؟؟ يا صلاح ؟؟ يا ديامي ؟؟ يا شفت ؟؟ يا أبشنب ؟؟ لي هسع ما عرفت سبب الزعل ؟؟
_______________
في زمان مضى وحين كنا نأخد ( حقنا ) زندية ضراع أحسست أن أحد صبيان الحلة ( يطاعنني ) بالكلام أخذته ( علقة ) حبيبك أخذه والد وأتى ليشتكيني عند والدي رحمه الله غلطني والدي وطلب مني أن أعتذر لهم وإن يقبلوا عذري فسوف يضربني ( تسدية ) رفضت الإعتذار وفضلت أن يضربني والدي أقسم والد خصمي على والدي ألا يفعل واكتفوا بـ ( حقانيته ) لم أكن متقبلاً بالمرة موقف والدي من الموضوع إستدعاني بعد أيام ثلاثة ليناقش معي المشكلة كررت له حجتي أنه كان ( يطاعنني ) فأعطاني ( رحمه الله ) درسه ( الخالد )
" لمن هو يبقى راجل ويقول ليك الكلام في وشك ، إنت أعمل فيهو الدايرو . لكن ما دام إختار مطاعنة النسوان** فأنا لم أربيك لتضرب النسوان "
________________
مطاعنة النسوان**
كامل الإحترام لزميلاتي وصديقاتي في المنبر وليطلبن الرحمة لوالدي العبارة هو لم يؤلفها إنما هى نتاج مجتمعه ( وربما حتى اليوم )
Post: #167 Title: Re: سيف على مساعد عوج الدرب الخ .. Author: Salah Abdulla Date: 01-30-2012, 10:57 AM Parent: #165
أخونا عاطف ، سلام
أما ما بينك والمشرف فهو معلوم، وهذا شأنكما. أما ما بينيـ/ـنا والمشرف فهو عامر وما كانت مداخلتي الأخيرة إلا محاولة للخروج من جو أو سوء فهم بينكما لا ناقة لنا فيه ولا جمل.
وأرجو أن لا نحمل الأمور أكثر مما تحتمل.
يا محمد إطمئن يا صديقي وتأكد أنه ليست هنالك مشكلة تواصل بينك وشخصي الضعيف، وأرجو عدم الرد على مداخلتي أعلاه فهي مجرد ونسة عادية بين فِرَد.
Post: #168 Title: Re: سيف على مساعد عوج الدرب الخ .. Author: محمد عبد الماجد الصايم Date: 01-30-2012, 11:40 AM Parent: #165
Quote: يا محمد والله بنهظر، على الأقل أنا وفِردي (الشفوت) الفوق ديل، لاعبين ون تو وونسة لي الله سيدك ده، وما دايرين زعل، فهي مجرد ونسة وخستكة أخوان وتأكد أن الفرق بين البوستات الجادة وبستات الخستكة والونسة معلومة لدينا تماماً..
_ أخو وفردة والله .. أخو في الله وفي الليزكـ كمان!!!
Post: #169 Title: Re: سيف على مساعد عوج الدرب الخ .. Author: Hololy Date: 01-30-2012, 02:22 PM Parent: #168
... .... ...عاطف ...يا صديق ... ...اولا عذرا .... فباي حال من الاحوال ....لا ولن تكون مشاهدة الماتش ذات شاغل اهم من التداخل ... كما اوحت لي بعض مكالمات ساخره مع كتير من التريقه من كتير من الاصدقاء معي هنا .... لقوها فرصه وما صدقوا سلو سكاكينم و سنوها بالمكالمات !!!!... . وفي الحقيقه ....قبل ما اكتب المداخله خاصتي السابقه - ياريتني ما كتبتها- كنت بفتش في كيبل توصيل بين الـ (تي في) و المسجَل عشان اسجل المباراه .... و اتفرج عليها لاحقا بمزاج ......القي ليك واحد من زوار البيت وقبل رجوعي ...شال الكيبل عشان يربط بيهو ضهرية العربيه الابي يقفل معاهو و كسح...شفت المحن النحنا فيها... حينها فاضلت بين ...الملحوق ياتو فيهن ؟؟؟ الماتش ؟؟؟ام البورد و عاطف عمر و المتابعين البوست؟؟؟؟..فكانت الاخيره الملحوقه ...بل و الاصلا ما حتنتهي ...زي ساقيه فينا مدوره ... من زمناً قديييييم...... ... و من ناحية تانيه صدف ان بعض الشمات من سيدني كانو قد قرأؤا المداخله ... و لك ان تتخيل يا صديق كم التليفونات والتهكمات للعطبراوي واولاد الطبقه العامله البيقو يتفرجوا في التنس ....ما عارفين انو عطبره دي ...كان فيها ملاعب جولف ...و بولنغ ...و تنس من قبل طلعت فيريد و اولادو ...و اولاد مجيد طوبيا يعرفوا التنس...زاتو .... .يا خي و الله الواحد ما عارف يلقاها من سودانيزاونلاين و الاَ سودانيزفياستراليا ... .... ....الاطرف في الامر انو الاشياء دي فرضت استدعاءً الذاكره لاحداث ماثله امامي الان واترك السخريه للاصدقاء صلاح ابو جبر و عبد المكرم في تلك المشاهد من زمن مضي حينما كانا ياتيان عابرا و الفلس و البؤس يضرب باطنابه علينا كاصدقاء بالفنون الجميله و المعهد... نتهاتا عليهم كمن وجد ضالته فيهم ....بتوفير صحن فول او كسره بمفروكه في كافتريا المعهد ... ثم بعض الدردشات مع صديقنا ....... الحبشي ... (قبرو).. الذي يعمل كنادل بالكافتريا حينها ... لكننا ... ... و رغم ذلك البؤس ... كنا نقدم لهم بطاقات دعوه لحضور بعض الكونسرتات ... و المعارض التشكيليه المجانيه للافراد والفرق الموسيقيه الزائره بقاعة الصداقه ....بحكم علاقاتنا و قربنا من القاعه ... ...فكانت تاتينا منهم التهكمات بالمفارقات الشاهقه والفارقه و لا تقل في مقارباتها المتنافره من يشاهد ايقاعات امشاط طفلة باليه تتراقص ... دوزنت اطراف قدماها ....بموسيقي جسدها وارسلتها الي قائد اوركستراها لهرمنة الالحان علي ايقاعات روحها ....وثم و من علي اعلي المسرح و علي شاشه بلوريه كبييييره يشاهد في عرض نشرة اخبارها المسائيه صورو مناظر لطفلة من اطفال المويلح في ذلك الزمن نشبت اظفارها في صدر امها وعصعصت عظام فكها وكامل جسدها علي ثديها ...في محاولات خائبه لبقاء روحها ...ليوم اخر... ... ...عشان كده يا صلاح عبد الله و يا ود الصايم .....و يا ود المشرف .... الحكايه ما مستاهله ... و ما فارقا كتير ....ترابط ...اللاَجاد مع الجاد مع الجداد .... في السودان المختطف... و نحاول ان نجد لحظه من التوازن و الاتزان و شيل النفس ...بين حين واخر لاستعادته من قراصنة وعصابات و لصوص الزمن ...وعلي اسواء الفروض يمكن للديامه استعادة بعض من ديمم ورجوع العطبراويه لقطاراتم ...وادروب لجبنتو ..و ود الصايم لحجر شيشه تفاحه بدون؟؟؟؟ (كتبتها و غيرتها يا ود الصايم ....عشان ما توثق) .... و السودان لما قد كان و ما سيكون؟؟؟؟؟!!!!!..اقلاهو لاجيال تلي .... فالنفس اذا ملَت كفرت ....وباي شئ .... ولا بأس ببعض الهترشات مع الرشاشات؟؟؟؟؟ ... ... ....ما علينا ....و نرجع لموضوعنا ...
....
Post: #170 Title: Re: سيف على مساعد عوج الدرب الخ .. Author: Hololy Date: 01-30-2012, 04:05 PM Parent: #169
..... ...... ... .....عاطف ........ ... .... ...حاتجاوز كل الخلافات و المؤامرات الاحيكت ابان ثورة 21 اكتوبر 1964 و علي مدي 9 ايام ...من مابعد اعلان الاضراب العام علي لسان عابدين اسماعيل نقيب المحامين السابق ..وحتي اعلان ميثاق اكتوبر في الثلاثين منه 1964.....ثم..... حكومة اكتوبر الانتقاليه الاولي بتاعت جبهة الهيئات برئاسة السيد سر الختم الخليفه ثم استقالته بعد اقل من 5 شهور (نوفمبر 1964 –فبراير 1965)..و تكوين حكومة جديده ..لم يكن لها عمر اكثر من سابقتها ...ثم رفض احزاب ...الوطني الاتحادي - الامه - جبهة الميثاق الاسلامي ... ان تضم الوزارة الانتقاليه الجديده (ممثلا للعمال و اخر للمزارعين )***.... ثم الانتخابات للجمعيه التأسيسيه في نهاية ابريل و بداية مايو 1965.... وبيان مجلس نقابة المحامين الكان برئاسة امين الشبلي الصادر في ابريل 1965 والمتعلق بـ خلل قيام انتخابات جزئيه في السودان الشمالي ( 6 مديريات ) دون الجنوبي الذي كان ...(اكبر 3 مديريات جنوبيه) ...واِنصاف القضاء بصدورحكمه لصالح تأكيد فوز المرشحين الجنوبيين بالتزكيه في مناطق ترشيحهم في المناطق التي لم يكن بها عمليات عسكريه ووفق القوانين و احكام الدستور المؤقت لسنة 1956 ...المعدل 1964 ...و ....و ....و ....لسه كتيييير و الله !!!!!!؟؟؟؟؟ ... ...شفت الفوق ده كووووولو حاتركو جانبا .... .... ....فقط حاشير ...مجرد اشاره ...لروح ثورة اكتوبر و اشواق جماهير وشعوب السودان في ذلك الزمن (قبل 48 سنه – وتمعَن و لو قليلا في حكاية 48 سنه دي)....روح ثورة اكتوبرالمعلنه في الميثاق بتاعا و توَجته الجماهير بمداد من نار و نور في الخطاب الاعلنو السيد سر الختم الخليفه يوم 30 اكتوبر 1964........ و حتي فيييي الميثاق ده .... حاركز في نقطة واحده فقط فيه .... ... ... ..(وايضا حاتجاوز الفقرات المهمه في الخطاب رغم انها عضم الميثاق لانو الخطاب ماعندي هسع و حاجتهد ما في وسعي ....لكي اجده كما هو و انزلو ....عشان ما اشطح من عندياتي ...مساسا بالتاريخ ... فللتاريخ ضروره و وجوب ان يكون كما هو حدث في الواقع ... اذا كان لنا ان نريده هادي في حاضر و مستقبل الناس و الاجيال و البلد .... و بالمناسبه دي اوجه مناشده عزيزه للعجايز الفي البورد والخارج البورد الكانو معايشيين و مواكبين تلك الفتره و خاضو غمار تلك المعارك ...اناشدهم بالتصحيح ....تصحيح اي معلومه او تاريخ مما هو وارد اعلاه في المداخله دي ....لانو انا جايبا من الذاكره مما قراءته في وثائق قديمه ... و هسع هي ما معاي عشان اتحقق من المعلومات و تواريخا الصحيحه .... كان عندي كتاب صغيروني ...لـ هنري رياض ...اسمو موجز تاريخ السلطه التشريعيه في السودان ..كان يمكنني منه التحقق من التواريخ ..و هسع ما لاقيهو ....خوفي يكون لحق كابل التلفزيون الفوق ده .....و ايضاً.. عشان ما نتحمل كجيل حالي خيباتكم ... و خيبات قياداتكم الجاثمه علي البلد و ناسا من الزمن داك... و تشلع فيهو يمين و شمال ....و يكون بقن علينا اتنين .....خيبات..... وعلي العليها .....بتواريخ و احداث مغلوطه)........ .. .. ....المهم .... ميثاق اكتوبر و بنوده التسعه كانت كالاتي علي حسب ما اذكر: ... 1- تصفية الحكم العسكري ....(حكم عبود) 2- اطلاق الحريات العامه ... (من صحافه و تعبير و تنظيم و تجمع واطلاق العنان للجماهير في تكوين منظماتا التي تدافع عن مصالحا من نقابات و منظمات مجتمع مدني) 3- اطلاق سراح المعتقلين السياسيين و المسجونين من المدنيين في القضايا السياسيه 4- رفع حالة الطوارئ ... و الغاء كافة القوانين المقيده للحريات
5- صيانة و تأمين استقلال القضاء
.... 6- تكوين محكمة استئناف من عدد من القضاة لا يقل عن 5 قضاة –علي ما اذكر و قرأته - تؤول اليها سلطات رئيس القضاه من سلطات قضائيه و اداريه 7- تكوين لجنه مؤقته و مقيده لوضع قوانين تتماشي مع متطلبات مرحلة الثوره الي حين قيام الانتخابات العامه و قيام الجمعيه التأسيسيه و وضع الدستور الدائم للبلاد بدلا عن دستور 1956 المؤقت و المعدل في 1964 8- تأمين و صيانة استقلال الجامعه و فصلها تماما عنوزارة التربيه و التعليم التي كانت تسمي بــ ادارة المعارف 9- ان ترتبط الحكومه الانتقاليه بانتهاج سياسه خارجيه وفق الدستور المؤقت و المعدل 64 تعتد بسيادة السودان و السودانيين علي بلدم وسيادته و ضد الاستعمار و الاحلاف ..... ... و بالله ركز لي شدددديد علي النقطه او البند رقم( 5 ) بتاع تأمين و صيانة استقلال القضاء ....لانو هو الحيكون نقطة الخلاف بين رؤيتك للاشياء ... واشتباكا مع رؤية الاَخرين الاتناولو الموضوع ده في كتاباتم ....وبين حقيقة الاشياء كما هي في الواقع ؟؟؟؟؟!!!!! و ارتباط ذلك بهذه اللحظه الراهنه ... الانا بكتب فيها الكلام ده!!!!!!!!!!!؟؟؟؟؟؟؟؟؟مع مجريات الاحداث في السودان . . . . . . . . . . . . . . . . . . . .________________ .***(ممثلا للعمال و اخر للمزارعين )*** *** وكانما هؤلاء القوم ...هم لم يخلقهم الله في هذه الدنيا ....إلاَ ليمثلهم الاخرين ...و يمثلَوا بهم كيفما اتفق؟؟؟؟؟ و ليس لهم وظيفه في هذه الحياه .... غير انتاج خيراتا الماديه ...لينعم بها من يمثلهم ... و رغم ذلك .. ..لا يحصدون غير التمثيل بهم من ملاحقه ...و تشريد من العمل ... و نزع الارض ...ثم .. و السجن والتعذيب في كثير من الاحيان ...و رغم انهم و بالمفهوم الديمقراطي ...(اغلبيه ...و اقليه) ...هم اضعاف اضعاف .... المــــعرصـــــيـــن من يدعون تمثيلهم .... بل و كل لحم اكتافم من خيرم وعرقم؟؟؟؟ .. . ...
Post: #171 Title: Re: سيف على مساعد عوج الدرب الخ .. Author: Hololy Date: 01-30-2012, 04:15 PM Parent: #170
Post: #172 Title: Re: سيف على مساعد عوج الدرب الخ .. Author: هيثم طه Date: 01-30-2012, 04:28 PM Parent: #170
شباب الحلة و الشفوت و الفرد و ما شابه
بما انو هذا البوست اثبت انو متعدد الاغراض زي جمعتنا التعاونية في حلتنا ولا تنقضي عجائبه و انطلاقا من هذا المبدأ و ايمانا منا بدور المنبر في اداء ادوار حتي غير مرسومة له اقترح و الحزن يعتصرني من المتعة التي صاحبت البوست في منعرجاته المتعددة , اقول اقترح ان ترفع الجلسة في هذا البوست تضامنا مع العنوان --!! و يمكن ان ينتقل كل الطاقم كلٌّ بعنكوليبه بزعامة سارة الي بوست صباحي ذا اندياح حيدري و بما ان المشرف ليس من المحظيين عند بارئ هذا المنبر و فشلت مساعيه في تغيير العنوان فاني اكرر رجائي مرة اخري و عشمي انا لا يستجيب احد بالاشتغال باقتراحي هذا المتعسف و المستبطن برغبة قوية في متابعة ما سيأتي به رحم البوست البطران في قادم الايام !
لا اقول قولي هذا لاستغفر ربي ! و انما و هل بعد هذا القول الذي قيل في البوست قول اخر -و ماذا اقول بعد كل الذي قيل !
يا المشرف لا تناضم ولكن توخّ الهرب !
---
و سنظل ماشين في السكة نمد قابضين علي جمر (القاضي ) لنري ان كانت قريحة هذا الفتي ستسفر عن شمار منصور خالد !
Post: #173 Title: Re: سيف على مساعد عوج الدرب الخ .. Author: محمد حيدر المشرف Date: 01-30-2012, 10:12 PM Parent: #172
عاطف عمر .. لم يرد فى خاطرى مطلقا أن عاطف عمر الذى أعرفه من خلال هذا المنبر وأكن له الكثير من الاحترام.. قد يكون معنيا صراحة أو إشارة أو مطاعنة نسائية بأى كلمة كتبتها أنا.. وعلى العكس تماما كنت أحس بالحرج المتضخم جدا منك بعد مداخلتك المعاتبة .. فليكن هذا معلوما للجميع .. لم يرد فى خاطري ومطلقا أن أمس الاخ عاطف عمر بكلمة واحدة .. صراحة أو مطاعنة .. فان ورد الكلام قريبا من هذا المقام .. فذلك يدخل عندى فى باب الأخطاء الكبيرة التى تحدث على غفلة وهكذا .. وتماما كتلك التى تقع من السماء ولا فكاك من أن نتحملها... أكرر .. للاخ عاطف مقاما محمودا جدا عندى ويستحقه تماما .. وأتوقف عن الكتابة .. احترامى الزائد للزول الانيق جدا صلاح/ودالصايم/حلولى/هيث ويا حلولى والشباب .. المسألة وكأن كبابى البيت سالت فرحا بالضيوف فأحرجت صاحب الدار بالفوضى التى أحدثتها .. أو ما عارف كيف !!
سلام للجميع
Post: #174 Title: Re: سيف على مساعد عوج الدرب الخ .. Author: Afraa Sanad Date: 01-31-2012, 05:41 AM Parent: #173
سيني لا تسمح لي بالايقاع أو التوقيع على الصدق المدفوع ولا تأبه بالممنوع ما بال الحكمة راسخة لا تقبل رأيا ان عارض وجهتها المشدودة للثابت أن تتحول يعني أنك خالفت الأعراف وأوشكت على الهدر ... سيني لا تعمل في السر ...
وما يجي زول يقول لي أسع مناسبة الكلام ده شنو فقد عمدت لزجة "بضم العين" على يد أساسي
Post: #175 Title: Re: سيف على مساعد عوج الدرب الخ .. Author: محمد عبد الماجد الصايم Date: 01-31-2012, 08:39 AM Parent: #174
بمناسبة لزوجة عفراء الفوق دي .. ويعلم الله اندهشت فيها حتى بانت لوزتي كما في الصورة!!
البوست دا غايتو ذكرني دافوري ميدان خليفة .. وميدان خليفة يا أحبابنا هو حوش مسوّر في حلتنا في الحاج يوسف .. مسوّر بالكامل عدا مدخل الباب الصغير .. والباقي جوّه سهلا ودلجة زي الدلجة .. وبعض من الأركان المفعمة بالـ (الضريسا)!! الدافوري يبدأ من صلاة العصر ولا يتوقف حتى تُظلم الدنيا .. لا فاول لا آوت ولا أي حاجة! الكورة ما بتقيف إلا تخش القون .. واحتفاظكـ بالكورة تلاتة ثواني يعني جوز في الرجلين! عاوز تتحرفن وتجبد الأول التاني بجيكـ بالجوز برضو .. لكن في الحنكـ طوالي!! نهاية الدافوري الناس دي كووولها بتترقد في الواطة دي وتقعد تتـ ( ) وتكمل باقي اللياقة العندها ضحكـ!!
ياخ دي مناسبة الواحد يبذل أشواقو للفرد في الحلة! الوليد وبدوي محمد سيد .. عاطف دلب .. عماد جزام .. خالد ماسا .. عثمان ركس عمار ومعاذ أولاد المدير .. أشرف طلب .. هشام .. أحمد الليرة .. عاطف عطا .. والجامد عبد الله وعيييييييكـــ
)
