Post: #1 Title: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 09:56 AM Parent: #0
الزول الشويطين الإسمو ميسي دا مرر تمريرتو دي ساي كدا يا صابت يا جابت ولأنو محظوظ فقد صادفت الكرة وقوف أبيدال في نفس المكان، ثم تعامي الحكم وحكم الراية عن حالة التسلل الواضحة لأبيدال الذي لم يصدق نفسه وكان قنعان منها لكنه وضع رجلة اليسري في الكورة التى زحفت وزحفت وزحفت حتى ولجت الشباك، وهكذا يستمر فوز فريق الرجل الواحد يا إما............. بالحظ أو بمساعدة الحكم أوع واحد يجىء هنا ينظر يقول لي ابيدال ما أوف صايد لأنو لا أبيدال ولا الحكم الإتنين ما بعرفوا أكتر من دفاع الفريق الملكي .. يتبع .....
Post: #2 Title: Re: هدف برشلونة الثاني استروبيا كما أنه أوف صايد Author: ABUHUSSEIN Date: 01-19-2012, 10:01 AM Parent: #1
Quote: يتبع .....
و الله مقدر حالتك النفسية ......
عايز أسلم عليك بس ...
Post: #3 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 10:07 AM Parent: #2
أبو حسين يا حبيب يسلمك الله دي المعادلة الوصلتها ليها أنا وغيري من الناس البفهمو كورة: برشلونة - ميسي - تحكيم = ولا حاجة .
Post: #4 Title: Re: هدف برشلونة الثاني استروبيا كما أنه أوف صايد Author: صبري طه Date: 01-19-2012, 10:17 AM Parent: #3
ولمشاهدة الهدف الثاني على اليوتيوب أدناه عند الدقيقة 3:05 تقريباً
Post: #5 Title: Re: هدف برشلونة الثاني استروبيا كما أنه أوف صايد Author: ABUHUSSEIN Date: 01-19-2012, 10:18 AM Parent: #3
Quote: برشلونة - ميسي - تحكيم = ولا حاجة .
طيب المباراة قبل باص ميسي الإستروبيا دا و أبيدال اللي كان أوف سايد
المباراة كانت تعادل 1/1
بالإضافة لي إنو نسبة الإستحواذ على الكرة كانت 73% لبرشلونة و 27% لريال مدريد
برضو يتبع .......
Post: #6 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 10:26 AM Parent: #5
والله يا صبري اخوي إتا براك مريض انا والحمدلله ما بمرض لأني ما جرثومة بالنسبة لتعبك بتاع جيبان الخط الاحمر فحتي لو جبت خط جرينتيش ذاتو فالكورة تسلل لأنو بالمنطق كدا لا إتا ولا أبيدال ولا الحكم البرشلوني دا ما بتعرفوا أكتر من دفاع ريا ل مدريد .. ما تنفعل ساي يا صبري بيه يقوم يطق ليك عرق واللا عضم شيطان .
Post: #8 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 10:29 AM Parent: #6
أبو حسين نو اوي برشلونة دا ولا أية حاجة لو ما ميسي والحظ والحكم .
Post: #7 Title: Re: هدف برشلونة الثاني استروبيا كما أنه أوف صايد Author: عمر الفاروق Date: 01-19-2012, 10:27 AM Parent: #2
يا طلحة عارف ريال مدريد بيتغلب ليي؟؟ لأنو مورينهو خاتي في بالو ةمتنشن بي قصة إنو يلقى ويضع خطة مضادة لي طريقة برشلونة أكتر من إنو يفكر يلعب كريال مدريد..والحركة دي ظاهرة في طريقة لعب مورينهو..انا ما بفهم كورة أمتر من مورينهو -دي ما تواضع- لكن مورينهو وقع في خطأ بدائي من وجهة نظري..واللي هي إنو بيخت خطة أسلوبها لا يتناسب والأسماء وبيلقى روحو بين نارين..نار إختيار النجوم ونار طريقة اللعب.. مورينهو عايز يلعب بي كريقة دفاعية والضغط على الخصم ورغم ذلك يوكل المهمة لي رونالدو وبن زيمة وهيقوين!!! قررت تلعب مدافع ما تغش نفسك ةجيب ناس قدرها بعيد عن الأسماء ..العب بي مهاجم واحد وأملا النص..عايز تجيب قوون وتفوز ألعب مهاجم عدييييل وسيبك من نظرية خط الدفاع والجدار الأول البتبنيهو في نص ميدانك ده..حرر لاعبينك وخليهم بدون قيود وهيديك المهام الدفاعية الأخرى عشان ما تتنشن بيهم.. برشلونة في آخر 6 مباريات مع ريال بيلعب بي نفففس الطريقة بينما مورينهو في كللل مباراة جاي بي طريقة والسبب التنشنة بتاعت كيييف أوقف برشلونة ةليس كيف ألعب كورة.. صدق غوارديولا لما قال بنلعب بي خطة 3-7-صفر واللي قصد بيها إنو ما عندو لاعب مهاجم صريح فالكل يسجل من ال 7 ديل وبيتحركو من النص ولي قدام..والكلام ده إتأكد أمبارح بل وأعدل في كلامو وأقول بيلعبو بي خطة 1-10-صفر بعد ما غاب المهاجمين وسجل بيول وأبيدال.. يا طلحة برشلونة إمتحان مكشوف يرسب فيه الجمييييع..وده الشي المحيير.. والله وانا جادي خليهم يدوني أدرب ريال مدريد الكورة الجاية وشوف الخطة البسيطة التقليدية الممكن ألعب بيها ويفوز الريال..
Post: #9 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 10:34 AM Parent: #7
والله يا عمر الفاروق إتا معلم شديد لكن الدنيا ضيقة بس أضيف لكلامك الفوق دا الحظ والتحكيم البرشلوني .. ............. كلامك الفوق دا أنا عارفو لكن ما عايز أقولو كيتن في جماعة كدا عرفم أنا.
Post: #12 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 10:48 AM Parent: #9
هسع في ذمتك يا عمر الفاروق قون أبيدال دا بجىء لو ما الحظ ساي ود اللزينا دا ؟ غايتو البرشلوناب ديل مغشوشين غش شديد في فريق الحظ والراجل الواحد دا.. منتظرين يوم يقوم ميسي دا ياكل ليهو حاجة تعمل ليهو حاجة أو تشيلو نومة ما يقدر يجىء المباراة أو الحظ يمش البلد إجازة عشان نشوف الفصاحة دي .
Post: #14 Title: Re: هدف برشلونة الثاني استروبيا كما أنه أوف صايد Author: عمر الفاروق Date: 01-19-2012, 10:52 AM Parent: #9
عارف يا طلحة فيما يتعلق بي ميسي..انا عندي حل شايفو بسييييط جدا وفعال جدا بقولوا حسب لعبي للكورة أكتر من فهمي ليها ..وعليييك الله لو بتعرف زول بيعرف مورينهو خليهو يكلمو ويجربا وبعد داك يشوف كلامي.. عشان توقف فاعلية ميسي وتلغي خطورتو أوكل المهمة دي لي لاعب قصير القامة وفي نفس الوقت يكون حريف..يعني بإختصار أن توكل مهمة مراقبة ميسي لي أوزييل أفضل وأضمن مليون مرة من أن يقوم بيها بيبي وألونسو مجتمعين.. الكلام ده انا بقولوا كلاعب كورة بسيييط ..أيضا أعيد ما قلته في برشلونة ..ميسي إمتحان مكشوووووف يرسب فيهو الجميع..
Post: #16 Title: Re: هدف برشلونة الثاني استروبيا كما أنه أوف صايد Author: omer osman Date: 01-19-2012, 11:05 AM Parent: #14
Quote: وعليييك الله لو بتعرف زول بيعرف مورينهو خليهو يكلمو ويجربا وبعد داك يشوف كلامي.. عشان توقف فاعلية ميسي وتلغي خطورتو أوكل المهمة دي لي لاعب قصير القامة وفي نفس الوقت يكون حريف..يعني بإختصار أن توكل مهمة مراقبة ميسي لي أوزييل أفضل وأضمن مليون مرة من أن يقوم بيها بيبي وألونسو مجتمعين..
انا افتكر انو ريال مدريد يسجل (الفريق الدابي) لمراقبة ميسي
Post: #10 Title: Re: هدف برشلونة الثاني استروبيا كما أنه أوف صايد Author: omer osman Date: 01-19-2012, 10:44 AM Parent: #7
Quote: يا طلحة برشلونة إمتحان مكشوف يرسب فيه الجمييييع..وده الشي المحيير..
ياعمر قالوا (النزلة) بدون علاج بتاخد معاك (اسبوع) وبي علاج بتاخد معاك (سبعة يوم) ....
اها (برشلونة) ده تلعب معاهو (بخطة معقدة) بغلبك تلعب معاهو (بخطة بسيطة تلقيدية) برضو بغلبك ...
Post: #13 Title: Re: هدف برشلونة الثاني استروبيا كما أنه أوف صايد Author: صبري طه Date: 01-19-2012, 10:51 AM Parent: #10
Quote: ياعمر قالوا (النزلة) بدون علاج بتاخد معاك (اسبوع) وبي علاج بتاخد معاك (سبعة يوم) ....
اها (برشلونة) ده تلعب معاهو (بخطة معقدة) بغلبك تلعب معاهو (بخطة بسيطة تلقيدية) برضو بغلبك ...
الحل الوحيد الحالي للبارسا .. هو إنّهم يقولوا ما دايرين
Post: #11 Title: Re: هدف برشلونة الثاني استروبيا كما أنه أوف صايد Author: صبري طه Date: 01-19-2012, 10:47 AM Parent: #7
Quote: يا طلحة برشلونة إمتحان مكشوف يرسب فيه الجمييييع..وده الشي المحيير..
للنجاح في هذا الامتحان أخي عمر الفاروق أمام برشلونة .. على أيّ مدرب عمل محاولة للاستحواذ على الكُرة أكثر منهم .. لأن البارسا يعتمد في طريقة لعبه على امتلاك الكرة لأطول فترة من الوقت وإرهاق خصمه .. ومن ثمّ الاعتماد على الحلول الفردية التي يتمتع بها أفراده وخاصة ليونيل ميسي وأنييستا إضافة إلى الوافدين الجُدد فابريقاس وأليكسيس سانشيز ...
دمت بود ،،،
Post: #15 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 10:53 AM Parent: #11
غايتو يا صبري طه حيرت أم أفكار أي حاجة يعني عاوز تعمل فيها بتعرف أسحن من مدرب الريا ل واللاعبين وعمر الفاروق كمان ؟ وسعتها شوية يا صديق .
Post: #17 Title: Re: هدف برشلونة الثاني استروبيا كما أنه أوف صايد Author: عمر الفاروق Date: 01-19-2012, 11:10 AM Parent: #15
عارف يا طلحة وحسب ما أختزن من معلةمات أتمنى إنها تكون صحيحة فأبيدال لحدي الموسم الفات كان اللاعب الوحيد الفي العالم ما جاب قوون طيييلة مسيرته الإحترافية في كرة القدم مع كلللل الفرق إلا أن من اللهعليه بهدف الموسم الفات أظنو..وجا أمبارحجاب التاني وفي منو..في الريال.. عارف قوون أبيدال ده انا شبهتو بي شنو؟ مش مرات في زول كيشة بيكون لاعب معاكم حريق أها يقوم ينزل ويبدا يخت في الأغطية لممن يلقى ورق الكوتشينة كمل في يدو يقوم يقول ليكم وهو مخلوع: هييي انا فتحت!!!
Post: #19 Title: Re: هدف برشلونة الثاني استروبيا كما أنه أوف صايد Author: عمر الفاروق Date: 01-19-2012, 11:15 AM Parent: #17
يا صبري معليش أختلف معاك في قصة الإستحواذ دي..فالأرسنال في عز مجده الإستحواذي حاول يعمل كلامك ده فإنضرب لموسمييين من برشلونة.. قوة برشلونة تكمن في لاعب خفي إسمو بوسكيش ولاعب حرييف لعاب إسمو إنييستا..عايز تفوز على برشلونة أضمن كيف توصل الكورة خلف لاعب الإرتكاز بوسكيش وانا بضمن ليك أي كورة قوون لا إستحواذ لا جن أحمر.. تحياتي..
Post: #20 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 11:18 AM Parent: #17
Quote: مرات في زول كيشة بيكون لاعب معاكم حريق أها يقوم ينزل ويبدا يخت في الأغطية لممن يلقى ورق الكوتشينة كمل في يدو يقوم يقول ليكم وهو مخلوع: هييي انا فتحت!!!
معليش يا عمر الفاروق خلينا أختلف معاك شوية في الحتة دي.. إتا كمان ما تبالغ ياخ .. زول زي دا والله ما نخليهو يتفرج فينا خليك من انو يلعب معانا .. قبل كدا طردنا ود البشرى الملقب بى جرجير وغيرو كتار عشان حاجات أقل من الفوق دي بى كتير.
Post: #18 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 11:12 AM Parent: #15
غايتو يا عمر الفاروق لو برشلونة (فريق الحظ والراجل الواحد والتحكيم) جاء السودان عشان يلعب مبارياتو مع الفريق الملكي دا ما ح يغلب لامن تقوم... الساعة قول لي لشنو ؟ أيواااااااااتك قلت لي لشنو .. أولا الحظ والحجبات الرابطا الراجل الواحد دا في ضراعو يلموا ليك فيها الناس البياكلو الكوباية ويخلو الشاي واقف براهو في الهواء الله ورقبتو ديل ح يجيبوا ليك خبرا والشمس حية .. ثانيا الحكم دا يلموا ليك فيهو الجماعة الطيبين العارفم إتا يعقدوا ليك في حنانو ذاتو .. ويشبكوا صفافير والتحكيم فاشل قبل المباراة ما تبدأ ذاتو .. أها يا إما صرف ليهم ضربة جزاء يا إما كمان عمل نايم من تسلل يا إما طلع كرت أحمر للراجل الواحد دا في الدقيقة خمسة وإستراح منو مرة واحدة وبعد كدا يقعد يجازف للجماعة بلنتي واللا يصرف للتانين قون واللا أية مصيبة زمان .. أها بعد كدا عليك الله البخلي فريق زي برشلونة دا يغلب شنو ؟ إتوا بتتكلموا كيف يا جماعة ؟؟؟؟؟
Post: #21 Title: Re: هدف برشلونة الثاني استروبيا كما أنه أوف صايد Author: هشام المجمر Date: 01-19-2012, 11:25 AM Parent: #15
يا طلحة سلام
كنت ناوى اكتب بوست بعد المباراة بالعنوان التالى
يا مورينو برشلونة فى فايدة مافى
حقيقة كان كل فريق برشلونة امس نجوما ماعدا الحارس بينتو الذى دخل فيه هدف لا يدخل فى حارس مبتدئ و رغم ذلك الهدف لم يهتز البارسا و لم يجزع و لم يتخلى عن طريقته المعهودة التى تصيب جماهير الريال بالملل و تصيب كل مشجعى كرة القدم فى العالم بالفرح والسرور.
لم يجد مورينهو الحل مع هذا الفريق ولن يجد بسهولة ببساطة لأنه افضل فريق لعب كرة القدم فى العالم. عندما يكون خط وسطك مكونا من انيستا و تشافى و ميسى و فايبرجاس فلا شك انك سوف تنتصر على مليون ريال مدريد.
اضاع البارسا من الفرص ما كان يكفل له التاهل من المباراة الاولى.
فريق الريال تخلى عن الخلق الرياضى القويم واستعمل لاعبوه كل انواع العنف المشروع و غير المشروع مع لاعبى البرسا و اتى البرتقالى بيبو بتصرف خارج تماما عن اى سلوك رياضى عندما دهس يد ميسى متعمدا وهو على الارض وكان يستحق عليها البطاقة الحمراء كما كان يستحق كل من كريفاليو و تشابى الونسو الطرد ولكن الحكم المدريدى تقاضى عن ذلك و سمح لللاعبى ريال مدريد باستخدام العنف للمحاولة من الحد من نشاط الفريق الكتلونى الجبار.
لم يعجبنى حديث المتعجرف مورينو بعد المباراة و لو كان محقا لإعترف بانه لم يقدم شيئا للفوز على البرسا وان البرسا افضل فريق كرة قدم فى العالم.
هاردلك يا طلحة و الجاتك من تمريرة ميسى سامحتك
Post: #22 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 11:28 AM Parent: #21
يا ود المجمر سلام ياخ ما شايف إنك عصرت علينا شوية ياخ ؟
Post: #23 Title: Re: هدف برشلونة الثاني استروبيا كما أنه أوف صايد Author: هشام المجمر Date: 01-19-2012, 11:33 AM Parent: #22
معليش يا طلحة دى صورتكم انا جبت حاجة من عندى
Post: #25 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 11:38 AM Parent: #23
Quote: معليش يا طلحة دى صورتكم انا جبت حاجة من عندى
يحول لعمر الفاروق .. يا خبير بالله طق طق لينا البرشلونابي دا لأنو شايفو ماخد راحتو .
Post: #24 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 11:33 AM Parent: #22
كتب عمر عثمان :
Quote: (برشلونة) ده تلعب معاهو (بخطة معقدة) بغلبك تلعب معاهو (بخطة بسيطة تلقيدية) برضو بغلبك
أعتقد والله أعلم أنو جنابو دا قاصد المثل بتاع عود العشر ....
Post: #26 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 11:38 AM Parent: #22
Post: #27 Title: Re: هدف برشلونة الثاني استروبيا كما أنه أوف صايد Author: عمر الفاروق Date: 01-19-2012, 11:55 AM Parent: #26
يا مجمر عشان ما تخمنا بي الكلام ساي هل كان الأتي إسمهم نجوما؟ ميسي... إكسافي.. أبيدال.. بيول.. انا ما عارف بتشككو الزول والله في شوووفو للكورة..أو الواحد فينا ما عارف ما هي معايير تكون نجم في كورة..
Post: #28 Title: Re: هدف برشلونة الثاني استروبيا كما أنه أوف صايد Author: طلحة عبدالله Date: 01-19-2012, 12:04 PM Parent: #27
Quote: انا ما عارف بتشككو الزول والله في شوووفو للكورة..أو الواحد فينا ما عارف ما هي معايير تكون نجم في كورة..
يا خبير تقول شنو بس ياخ فترنا عديل من الجماعة ديل ..
Post: #30 Title: Re: هدف برشلونة الثاني استروبيا كما أنه أوف صايد Author: عمر الفاروق Date: 01-19-2012, 01:04 PM Parent: #28
يا طلحة الناس ديل يقولوا ليك ميسي نجم المباراة ويكفي الباص اللي لعبو لي أبيدال.. تقول ليهم رونالدو نجم المباراة يقولوا ليك هو غير قونو ده عليك الله عنل شنو.. تخييل يا طلحة باص قوون يعملك نجم المباراة وقووون جاري بيهو من أم مقد لأ..
Post: #29 Title: Re: هدف برشلونة الثاني استروبيا كما أنه أوف صايد Author: صبري طه Date: 01-19-2012, 12:59 PM Parent: #27
Quote: يا صبري معليش أختلف معاك في قصة الإستحواذ دي..فالأرسنال في عز مجده الإستحواذي حاول يعمل كلامك ده فإنضرب لموسمييين من برشلونة.. قوة برشلونة تكمن في لاعب خفي إسمو بوسكيش ولاعب حرييف لعاب إسمو إنييستا..عايز تفوز على برشلونة أضمن كيف توصل الكورة خلف لاعب الإرتكاز بوسكيش وانا بضمن ليك أي كورة قوون لا إستحواذ لا جن أحمر.. تحياتي..
أخونا عمر الفاروق ... غايتو فهمت من كلامك المقتبس أعلاه أنّك تبحث عن النتيجة فقط !!! مع أن كلامي هو البحث عن الأداء والنتيجة معاً ...
طيب نفرض أنّك عملت بي خطتك دي وأحرزت ليك هدفين .. فهل ستضمن البارسا ألاّ يُحرز ثلاثة أهداف بمفاتيح تشافي وميسي وفابريقاس ... يا حبيب في بعض مُباريات البارسا يغيب بوسكيش وأنييستا .. ورغم ذلك تظل أغنية السيرة زي ما هي ... إذاً يا عزيزي البارسا عبارة عن أسلوب لعب تتأرجح إجادته حسب الأسماء فقط بنسبة ضئيلة .. وقد تكون هذه الأسماء حاضرة وقد تغيب ... مثال لذلك: لم يكن ميسي أمس في يومه فهل اختفى البارسا ؟
دمت بود ،،،
ــــــــــــــ
Post: #31 Title: Re: هدف برشلونة الثاني استروبيا كما أنه أوف صايد Author: عمران حسن صالح Date: 01-19-2012, 01:35 PM Parent: #29
بوست مفيد فعلاً لناس الكورة أنا غايتو ما بخلي التاريخ الحا يرجع تاني بمدرب أشطر من مورينهو وبسيط الفكرة أو بذهاب لاعبين ، (2) ، من برشلونة وبعداكـ الحشاش يملأ شبكتو
Post: #32 Title: Re: هدف برشلونة الثاني استروبيا كما أنه أوف صايد Author: Maawya Hussein Date: 01-19-2012, 01:55 PM Parent: #31
Quote: انا ما عارف بتشككو الزول والله في شوووفو للكورة..أو الواحد فينا ما عارف ما هي معايير تكون نجم في كورة.
يا عمر انت دادي !!!؟
شوف كم لاعب اتكرت بي سبب ميسي وكم لاعب مفروض ينطرد بي سبب الخشونه المتعمده مع ميسي وكم فاول اتحسب لي ميسي في ملعب الريال ..وكم باص وكم تهديفه لي ميسي مقارنه مع هدف رونالدو ..
شكلك انتو وطلحة دا بتلعبوا فيفا 2012 كتتتتير في البلي استيشن :)
Post: #33 Title: Re: هدف برشلونة الثاني استروبيا كما أنه أوف صايد Author: Maawya Hussein Date: 01-19-2012, 01:59 PM Parent: #32
اللغة ما تبعكم :)
كدي احسب يا عمر
Post: #34 Title: Re: هدف برشلونة الثاني استروبيا كما أنه أوف صايد Author: Maawya Hussein Date: 01-19-2012, 02:09 PM Parent: #33
الريال المباراة كلها غير هدف رونالدو وتهديفة بن زيما والشلاليت المتعمده والغير متعمده ما عمل اي حاجه في الكوره ..تقول بدربوم مازدا :)
___
غايتو الريال لو ما لحق عصر لي نيمار كم مليون دولار باقي الموسم دا الحال دا حا يستمر لي كاس العالم الجاي
