Post: #1
Title: مواليد 66 خارج الخدمة الالزامية
Author: احمد التجانى احمد
Date: 01-19-2012, 05:32 AM
|
Post: #2
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 05:43 AM
Parent: #1
اسخف واثقل لحظات الاجازة هى الوقت المقتطع غصبا فى ما يسمى زورا وبهتانا
جهاز شئون العاملين بالخارج - او ايا كان اسمه - وللدقة اسخف لحظات هذا السخف
هى اجراءات استخراج كرت الخدمة الالزامية - الاعفاء المؤقت - للمقيمين بالخارج
ودة اسم الدلع , لكنه فى الحقيقة عبارة عن اكل لاموال الناس بالباطل
المهم
شوفوا لينا مشروع نستثمر فيه رسوم الاعفاء
|
Post: #3
Title: Re: مواليد 66 خارج الخدمة الالزامية
Author: دينا خالد
Date: 01-19-2012, 05:45 AM
Parent: #1
حولااااااا يا احمد !!
هم مواليد 66 ديل لى هسسه قاعديين ؟
ما ماتوا ؟
ـــــــــــــ
وما قالوا 66 سنة كم ؟؟
يكونوا 2066 ؟؟
قالوا فى واحد من الاقاليم تايه قابل
مسطول سالو: وين بالله حدايق 6 ابريل ؟؟
قال لى : ما قالوا ليك سنة كم ؟؟ قدييييمة
|
Post: #4
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 05:52 AM
Parent: #3
| Quote: هم مواليد 66 ديل لى هسسه قاعديين ؟ |
الحمد لله يا دينا انك اتاكدت من نظرتى الابوية ليك وانا بخاطبك دايما ب يا ابنتى
|
Post: #5
Title: Re: مواليد 66 خارج الخدمة الالزامية
Author: Asim Fageary
Date: 01-19-2012, 06:01 AM
Parent: #4
يا دينا الله يجازي محنك
إنتي هنا في البورد جا معاك ناس متحولين ما بيموتوا
أعملي حسابك اي عضة بتتحولي زيهم وتبقى من الخالدين
_______________________
نحنا تاريخ ميلادنا بنحسبوا بعد التخرج من الجامعة غايتو
وقيل بعض الناس بعدما يكملوا دراسات عليا
وقيل بعض آخر كل عشرة سنين بيغير تاريخ ميلاده وبنقصو 5 سنين
وإنشاء الله ربنا يدينا طولة العمر ونقابل دينا بعد 15 سنة نشوفها كيف
|
Post: #6
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 06:10 AM
Parent: #5
| Quote: يا دينا الله يجازي محنك |
يا عاصم فقيرى ياخ ازيك
جارى على مجازاة بتى قبال ما تبارك لى
|
Post: #7
Title: Re: مواليد 66 خارج الخدمة الالزامية
Author: Asim Fageary
Date: 01-19-2012, 06:33 AM
Parent: #6
يا أحمد التجاني مبروك
وألف مبروك كمان واله قصة الإعفاءات بتاعت التجنيد الإلزامي دي معقدة وبتضيع زمن الناس
هو زول ما لقيتوا ليهو شغل في بلده كمان عاوز تجندوه
؟؟
|
Post: #8
Title: Re: مواليد 66 خارج الخدمة الالزامية
Author: nazar hussien
Date: 01-19-2012, 06:41 AM
Parent: #7
حولااااااا يا احمد !!
هم مواليد 66 ديل لى هسسه قاعديين ؟
ما ماتوا ؟
مبروك يا دينا الخروج من الخدمة الالزامية
|
Post: #9
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 11:03 AM
Parent: #8
الله يبارك فيك يا نزار حسين بالانجليزي
برد ليك نيابة عن ابنتي دينا
مشغولة شوية
|
Post: #10
Title: Re: مواليد 66 خارج الخدمة الالزامية
Author: فايزودالقاضي
Date: 01-19-2012, 11:26 AM
Parent: #9
بي صلعتك دي ومواليد 66 ؟!!
لا بالله ..
يعني عايز تقول انك اكبر من قريبتي تراجي باربعة سنوات بس ؟!!!!
|
Post: #12
Title: Re: مواليد 66 خارج الخدمة الالزامية
Author: Hussein Mallasi
Date: 01-19-2012, 11:42 AM
Parent: #10
عقبالنا.
|
Post: #11
Title: Re: مواليد 66 خارج الخدمة الالزامية
Author: على ميرغني
Date: 01-19-2012, 11:40 AM
Parent: #9
Quote: ا عاصم فقيرى ياخ ازيك
جارى على مجازاة بتى قبال ما تبارك لى |
غايتو دينا خالد دي لو طلعت Man
في ناس كتير تكون شربت المقلب
|
Post: #13
Title: Re: مواليد 66 خارج الخدمة الالزامية
Author: ibrahim alnimma
Date: 01-19-2012, 11:53 AM
Parent: #11
الاخ احمد التجاني سلامي :
الف مبروك لك ثم لي والحمدلله اني من هذه الفئة .......وصدق اني في يوم وانا استخرج في شهادة خلو الطرف من الخدمة الالزامية قابلت واحد كبير حتي لا يستطيع الجلوس لاخذ الصورة اياه.......فقال للشاب الذي يلتقط الصورة قائلاً قائلاً له والله ياابني انا ولدي الاصفر اكبر منكم
تاني جايبني هنا للخدمة الالزامية؟ فضحكت الماً ..........وقلت ياعم انت فاكر الناس دي عندها علاقة بالخدمة الالزامية؟ ديل ناس ضرائب فقط؟
|
Post: #14
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 11:58 AM
Parent: #11
ود القاضي وحياة الخوة 66 دي زاتها عندي فيها 15 يوم بس ولا كان هسة اكون جليت من الإعفاء دة
اما قريبتك دي بتقرا في مصر من زمن جون قرنق ملازم ، والسودان الجديد لسه في الروضة
ياخ دي كان بينادوها ب ام اربعه وأربعين قبل ما يكون عندي باسو يرد هنا
|
Post: #15
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 12:09 PM
Parent: #14
يا علي ميرغني المحطة دي اتجاوزناها لكن تحت تحت كدة علي ضمانتي
ما تخاف من المقلبة انوي واتوكل
|
Post: #16
Title: Re: مواليد 66 خارج الخدمة الالزامية
Author: فايزودالقاضي
Date: 01-19-2012, 12:15 PM
Parent: #15
Quote: اما قريبتك دي بتقرا في مصر من زمن جون قرنق ملازم ، والسودان الجديد لسه في الروضة
ياخ دي كان بينادوها ب ام اربعه وأربعين قبل ما يكون عندي باسو يرد هنا |
صورة من المداخلة لقريبتي تراجي عشان تجي توريك المكشن * بلا بصل ..
ــــــــــــــــــ
* بالمناسبة المكشن معناها ؟ جد
|
Post: #17
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 12:19 PM
Parent: #15
حسين ملاسي ياخ انت برة من زمان
انت دفعة البندر ابو ضفاير
|
Post: #18
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 12:28 PM
Parent: #17
الاخ ابراهيم النعمة تحياتي
حقيقة الإعفاء ده كان جباية واهانة إها بعد دة كان الله هون بنكلف إخوانا يعملوا لينا التأشيرة بعينهم ما بشوفونا
شكرًا لمرورك
|
Post: #19
Title: Re: مواليد 66 خارج الخدمة الالزامية
Author: ود الخليفه
Date: 01-19-2012, 12:38 PM
Parent: #18
السلام عليكم
سيكون هناك ايصال مالي جديد تثبت فيه انك لم تؤدي الخدمة وانك من مواليد 66
العم ملاسي
قطعا القرار شامل من خدم في قوة دفاع السودان
ويتحدث القرار عن مواليد 66 وليس من بلغ به العمر 66
ـــــــــــــــــــــ
عزة السودان الخامسة
|
Post: #20
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 12:58 PM
Parent: #19
ود القاضي قال ما بعرف المكشن طبعا من مواليد تشيلسي ودرس الابتدائي في مدرسة زيورخ الصغري المشتركة
|
Post: #21
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 01:04 PM
Parent: #20
هيع يا ود الخليفة ، أنتو ناس الخدمة في المطار بتجروا ليهم السبحة وتجول من قدامهم ما بشوفوكم
قلت لي عزة السودان
|
Post: #22
Title: Re: مواليد 66 خارج الخدمة الالزامية
Author: كمال ادريس
Date: 01-19-2012, 01:38 PM
Parent: #21
ياهندسة الله يطمنك ياخ طمنتنا تب
|
Post: #23
Title: Re: مواليد 66 خارج الخدمة الالزامية
Author: أمين محمد سليمان
Date: 01-19-2012, 03:31 PM
Parent: #22
تيجا الأصلع ... ناس 66 ديل مفروض يأدو الخدمة في جنات عدن ...
زي ما قالت ليك خالتك دينا : ياخي احمدو الله انكم لسه عايشين !!
|
Post: #24
Title: Re: مواليد 66 خارج الخدمة الالزامية
Author: حمد عبد الغفار عمر
Date: 01-19-2012, 03:44 PM
Parent: #23
سلام يا احمد
انت غايظاك الرسوم ولا
حكاية إنك تكون مشمول في الخدمة بعد العمر دا كلو
الحمد لله الذي عافانا
|
Post: #25
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 03:58 PM
Parent: #23
والله يا نوته يا خي الخدمة القشرانية لو بنجيب جنات عدن ما عندنا عليها اي اعتراض لكن ياخ يبقوا علينا قلع قروش واهانة وبهدلة في كبرنا فدي ياها سوء الخاتمة البتعوذوا منها المومنين
|
Post: #26
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 04:07 PM
Parent: #25
حبيبنا كمال ادريس وين الحي بيك ياخ
القرار ده محفز للسفر ياخ
|
Post: #27
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 04:16 PM
Parent: #26
الاخ حمد
النصيحة الاثنين حارات لكن البهدلة في الكبر شينه
اهو الحمد لله ركبنا معاكم سرج المعافاة من اذي الظلمة ديل
ان شاء الله قروشي ماينفعنهم
|
Post: #28
Title: Re: مواليد 66 خارج الخدمة الالزامية
Author: حمد عبد الغفار عمر
Date: 01-19-2012, 04:40 PM
Parent: #27
| Quote: اهو الحمد لله ركبنا معاكم سرج المعافاة |
يا زول هوي ما تعمل لي سمعة ساي
انا ذاتي انفكيت معاكم هسة دي
آخر إجازة لي دفعت زي الترتيب
|
Post: #29
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 05:55 PM
Parent: #28
والله يا حمد ممكن براحة اركب مكنة قيقراوي ولا صبري واخش معاك في غلاط لبكرة وأقول ليك اخر إجازة ليك كانت متين
لكن يازول البركة في انحلالتنا من الناس ديل
|
Post: #30
Title: Re: مواليد 66 خارج الخدمة الالزامية
Author: عبدالكريم الامين احمد
Date: 01-19-2012, 09:57 PM
Parent: #29
هلا يا صلعة
وبعد ديشيلون سنة من شوفتي ليك الاولي في كراكير الجامعة وجدت وبهذا البوست اجابة محورية ومهمة لسؤال ظل يضجع منامي
هو الناس الكبار ديل البقريهم معانا احنا الدقدق ديل شنو في قاعة وااااااحدة
وبالناس الكبار انا قاصدك انت وعباس (باوقة) وهاشم كونسايدر
فباوقة كان شعره يكسوه الشيب الشديد المفاجي
فاما انت فالصلعة تحدثك بانها من زمانات الانجليز
فاما كونسايدر فكان نازل معاش من الري او كما بداء لي في ذلك الزمان البعيد
----------
فمبروك
وعقبالنا او كما قال احد مرجفي المدينة في الاعالي
|
Post: #31
Title: Re: مواليد 66 خارج الخدمة الالزامية
Author: احمد التجانى احمد
Date: 01-19-2012, 10:56 PM
Parent: #30
يا كيكي دي واحده من نكبات مجانية التعليم انها تجمع بينا تحت سقف واحد لفروقات كبيرة ابرزها اننا بنشوف انه تعليمنا كلفنا (مدارس خاصة ، كورسات صيفية خارجية) بينما أنتو كلفتوا التعليم وانهكتوا موارده الشحيحة المتوفرة طبعا انت ما بتكون فأرز عمرك الحقيقي كم (ناس ولادة الحبل) لاستحالة الحصول علي وثائق ثبوتيه في تلك النواحي النايئة فقط بيكون في واحد من الكبار بيعتبر كذاكرة القرية بيربط ميلادك بحدث مهم يتذكره الكل مثل سنة مات العمدة فلان او سنة حفروا حفير القرية ... الخ والدليل علي كلامي انك كنت شغال فكي قبل نتقابل في الجامعة ري خمسة سنه كده حسب رواية عمار النور في بلدتهم
|
Post: #32
Title: Re: مواليد 66 خارج الخدمة الالزامية
Author: Mujtaba Mahasi
Date: 01-20-2012, 09:05 AM
Parent: #31
يا ود التجانى
الله يبشرك بالخير ياخ .. يا سلالالالالام والله ده خبر 2012 فعلا بدايه موفقه
يا بير .. كيكى ويا أحمد بطلوا المناقره دى يا دفعه
الله يحفظكم
لكن يا أحمد الكلام ده مؤكد !! باقى ناس المملكه ديل مرات بيلفحو الكلام ساااااى
المصدر يا مان
|
Post: #33
Title: Re: مواليد 66 خارج الخدمة الالزامية
Author: عمر محمد ابراهيم
Date: 01-20-2012, 10:31 AM
Parent: #32
احمد تجاني سلامات
وسلامة المروق
سمعنا بيك في البلد وما قدرنا نشوفك
يااخي انت مش الكنت استقبلتنا هناك في لجنة استقبال الطلبة الجدد
هههههه
|
Post: #34
Title: Re: مواليد 66 خارج الخدمة الالزامية
Author: احمد التجانى احمد
Date: 01-20-2012, 05:03 PM
Parent: #33
الحبيب مجتبي والله صحي ، تاني بعد الحليفة دي ما دايره اي مصدر
يا مجتبي ياخ كيكي بعد ما امتهن كتابة الحجبات والبخرات وكمان كان عنده تعاقدات مع بعض فرق الليق والروابط كفكي تكتيف للمباريات المحلية الا انه مسيرته التكتيفية انتهت بعد فشله الذريع في تحقيق نتائج إيجابية للفرق التي تعاقدت معه وحينها قرر مواصلة تعليمه الجامعي بعد ان انقطع عنه لسنوات والبركة في ناس عمار النور الذين أعانوه علي ذلك باعتباره طالب غير نظامي
|
Post: #35
Title: Re: مواليد 66 خارج الخدمة الالزامية
Author: احمد التجانى احمد
Date: 01-20-2012, 05:09 PM
Parent: #34
الابن عمر مجمد ابراهيم
ياخ لجنة استقبال شنو ، انت بتكون مشبه علي
أنتو لما جيتو طلاب جدد أنا كنت عميد الطلاب
|
Post: #36
Title: Re: مواليد 66 خارج الخدمة الالزامية
Author: mohmed khalail
Date: 01-20-2012, 06:28 PM
Parent: #35
فيما يعني هذا انَّّ...
.....
قطركم صفّر.
اللهم لا تخرج السبعينات من الخدمه الوطنية قادر يا كريم..
|
Post: #37
Title: Re: مواليد 66 خارج الخدمة الالزامية
Author: احمد التجانى احمد
Date: 01-20-2012, 08:17 PM
Parent: #36
محمد خليل سلام
يا زول يصفر لو صفر
بس المهم ما نقضي أجازتنا من صف جباية لصف جباية تاني
تحياتي
|
Post: #38
Title: Re: مواليد 66 خارج الخدمة الالزامية
Author: ولياب
Date: 01-21-2012, 05:14 AM
Parent: #37
يا أبو حميد
نحن مواليد ( 99 ) سودان . نت ، أها بيخارجونا سنة كام ؟
|
Post: #39
Title: Re: مواليد 66 خارج الخدمة الالزامية
Author: ALZOLZATOO
Date: 01-21-2012, 05:31 AM
Parent: #38
الف مبروك
بس الرسوم بتاعتكم المعفية مايكون اضافوها لينا نحن لووووووولز
| Quote: نحن مواليد ( 99 ) سودان . نت ، أها بيخارجونا سنة كام ؟ |
ياولياب انت مافي ليك حل الا تقلبها !!
تعملها (66)
تحياتي
زاتوووو
|
Post: #40
Title: Re: مواليد 66 خارج الخدمة الالزامية
Author: khaleel
Date: 01-21-2012, 06:09 AM
Parent: #39
قرار تاخر كثيرا
بعد دفنا كثيرا من 65 الف
|
Post: #41
Title: Re: مواليد 66 خارج الخدمة الالزامية
Author: nazar hussien
Date: 01-21-2012, 06:49 AM
Parent: #40
يا كيكي دي واحده من نكبات مجانية التعليم انها تجمع بينا تحت سقف واحد لفروقات كبيرة
ابرزها اننا بنشوف انه تعليمنا كلفنا (مدارس خاصة ، كورسات صيفية خارجية) بينما أنتو
كلفتوا التعليم وانهكتوا موارده الشحيحة المتوفرة طبعا انت ما بتكون فأرز عمرك الحقيقي
كم (ناس ولادة الحبل) لاستحالة الحصول علي وثائق ثبوتيه في تلك النواحي النايئة فقط بيكون
في واحد من الكبار بيعتبر كذاكرة القرية بيربط ميلادك بحدث مهم يتذكره الكل مثل سنة مات
العمدة فلان او سنة حفروا حفير القرية ... الخ والدليل علي كلامي انك كنت شغال فكي قبل نتقابل
في الجامعة ري خمسة سنه كده حسب رواية عمار النور في بلدتهم
كامل تضامني مع كيكي
|
Post: #42
Title: Re: مواليد 66 خارج الخدمة الالزامية
Author: اساسي
Date: 01-21-2012, 07:00 AM
Parent: #41
والله يا احمود ما عرفت اعلق اقول شنو
غايتو ببارك ليكم وصولكم سن اليأس امينين ^_^
بقي لنا ان نستبشر " نحن " بسن النبؤة بعد كدا
|
Post: #43
Title: Re: مواليد 66 خارج الخدمة الالزامية
Author: محمد عبد الماجد الصايم
Date: 01-21-2012, 07:12 AM
Parent: #40
جدودنا زمان!!
|
Post: #44
Title: Re: مواليد 66 خارج الخدمة الالزامية
Author: احمد التجانى احمد
Date: 01-21-2012, 02:40 PM
Parent: #43
ولياب تحياتي
النجيضه هي الناس ديل قراراتهم اصلا ماخاضعة لمنطق ابتداء يعني شنو يشيلوا مني رسوم مقابل تواجدي بالخارج ، ما كفاية الضرائب والزكاة الببعزقوها في مصرف العاملين عليها وبس والباقي لقنوات التلفزيون الوهمية
|
Post: #45
Title: Re: مواليد 66 خارج الخدمة الالزامية
Author: احمد التجانى احمد
Date: 01-21-2012, 02:43 PM
Parent: #44
يا زاتو
اركز كما ركز الذين من قبلك ومازالوا راكزين
|
Post: #46
Title: Re: مواليد 66 خارج الخدمة الالزامية
Author: احمد التجانى احمد
Date: 01-21-2012, 02:50 PM
Parent: #45
حبيبنا خليل
للأسف لم نحسن الخيارات ، عيب لي اللجوء والاحتماء بالجوار الأجنبي في ربيع العمر ومن ثم قطف الثمار في خريفه
|
Post: #47
Title: Re: مواليد 66 خارج الخدمة الالزامية
Author: احمد التجانى احمد
Date: 01-21-2012, 02:56 PM
Parent: #46
نزار حسين سلام تأني
كيكي ما تخاف عليه ماخد حقه تالت ومتلت
|
Post: #48
Title: Re: مواليد 66 خارج الخدمة الالزامية
Author: احمد التجانى احمد
Date: 01-21-2012, 03:09 PM
Parent: #47
هيع الدباب اساسي
ياخ انت مفروض تشفع لعشرة من البورداب إكراما لتلك السنه الكبيسة
|
Post: #49
Title: Re: مواليد 66 خارج الخدمة الالزامية
Author: احمد التجانى احمد
Date: 01-21-2012, 03:15 PM
Parent: #48
ودالصايم يا منقة
وطن الجدود فرطتوا في حدوده بقت علي الكم الف الاتعفينا منها دي بعد زيتنا طلع
|
Post: #50
Title: Re: مواليد 66 خارج الخدمة الالزامية
Author: احمد التجانى احمد
Date: 01-22-2012, 03:30 AM
Parent: #49
Up
|
Post: #51
Title: Re: مواليد 66 خارج الخدمة الالزامية
Author: ولياب
Date: 01-22-2012, 05:09 AM
Parent: #50
Quote: ياولياب انت مافي ليك حل الا تقلبها !!
تعملها (66) |
يلا 66/66 ، بس ممكن في أي لحظة يرجعوا إبتداء من مواليد 55
تحياتي يا الزول زاتو
Quote: ولياب تحياتي
النجيضه هي الناس ديل قراراتهم اصلا ماخاضعة لمنطق ابتداء يعني شنو يشيلوا مني رسوم مقابل تواجدي بالخارج ، ما كفاية الضرائب والزكاة الببعزقوها في مصرف العاملين عليها وبس والباقي لقنوات التلفزيون الوهمية . |
تحياتي أبوحميد
وبعد ده كلو ، لو عندي ولد ولا بنت ومتفوقين في الدراسة ، لا يسمح لهم الدخول الجامعات إلا ( القبول الخاص) وبقدر الامكان يضيقون على القبول العام .
كاننا نكنز ذهباً أو فضة ، والأدهى أنهم يعلمون أننا أغتربنا لستر الحال .
الله يعين
|
Post: #52
Title: Re: مواليد 66 خارج الخدمة الالزامية
Author: علاء الدين صالح
Date: 01-22-2012, 06:14 AM
Parent: #51
الأستاذ/ أحمد التجاني
الحائز على وسام الخدمة الطويلة الممتازة
والخبير في شئون الخدمة الإلزامية،،
السلام عليكم ورحمة الله،
الموضوع: استفسار عن وضع مواليد كريسماس 67
بالإشارة إلى الموضوع أعلاه، أرجو الإفادة بصورة عاجلة جداً.
فالموضوع موضوع حياة أو موت.
وتفضلوا بقبول أطيب تحياتنا،،
الطفل المعجزة
ع/ مواليد كريسماس 67 (عام النكسة)
|
Post: #53
Title: Re: مواليد 66 خارج الخدمة الالزامية
Author: Abuobeida Ali Abdullah
Date: 01-22-2012, 09:23 AM
Parent: #52
يا هندسة كيفك......
66 دي مكنة ما بتقسم معانا وقولا لي زول ماعندو حديدة..
حكاية تزوير شهادات الميلاد عشان تلعبو في روابط الدباغة مدني مابتحلك يا هندسة...
ما تفرح وتدفق مويتك على الرهاب لأنو في رسوم جديدة اسمها خدمة الزامية معاش ونحنا وناس ابو التومة
بندفع فيها قرابة السنة واعمل حسابك الرسوم دبل لزوم غلاء المعيشة.
مشتاقبن واخبار مرتضى شنو...
كثير من الود...
ابوعبيدة
|
|