Post: #1
Title: صبرك يا قرد..الموز بي يجيبك(توجد صورة)
Author: سجيمان
Date: 01-18-2012, 09:32 PM
Parent: #0
اعلم علم اليقون... وقناة قون... وجريدة فنون... والسودان المديون.... والمناصير المعتصمون...والدنيا ام قدود... والبلد ام سدود... وكدايس الشيوعيون....وكديسة سجيمان ذات اللسان المدود......ان هذا البوستي سوف يتلحس لحسة السواد..... ويذهب سدا كما تسجم الصبرة الجداد.. ...فيلبد اخا المنبر وهو خير لباد.... فيهرش العباد.. ويبشتن البلاد... فتصيح نسوة الحي الجراد الجراد....ويجري اباكديسة ويكسّر شُدر الكداد....الراسخون..الفاسخون...النافخون.. كل له جخنون...يستشري داء اب كباس.....وتسلحب الناس، كل الناس... وترفع اللافتات ( الشعب يريد اسقاط اللباس)... لا لبس ولا التباس..زينة الشباب الككو....و(صبرك يا قرد..... الموز بي يجيبك).......الراحلون على عربيات الكارو...الساكنون تحت كباري الخيران..... يا ايتها النفس الصغيرة ادخلي بيتك دخل فيكي الما ضراكي...وشماشة من نسل عبد شمش....السليسيون السلسيون.... رحلت شلاتيت البنزين...... الحضري يا قواني يا ماسورة... يا بياض...وصه يا كنار وضع بيضك في يدي....النايحات الباكايات المدمسات بالرماد ومتكحلات بالسكن.... و(السكن هاند) يدي انا..... يا ايتها البوابير.. تبوبري ماشاء لك البوبار.. قد غاب عنك ابا علعول...وقدّل الورل...وسكنت السحلية في اضان حمار كلتوم ست اللبن....اللبن اللبن وحبوب( ما زال الشحن جاري)...وجرت الامور كداري..مع توفر المواصلات.... صويحبات البابور جاز....المقلبات المستقلبات المقلبات لخلقة ربهن....قرنن الحواجب فخاطبوهن من وراء حجاب.... والحجاب دايرو سيد البوست..... ويا راحلون الي اريزونا بقيادِ....خذو كديستي كاد ان يشقها الشوق... والشوق شقاي شاقنا والما شقنا شاقانا....
و ختامه كديسة!
* النضم دا مش كلام الطير في الباقير؟..... برضو بكري ح يحذفو.......!!!
تشارطوني؟؟؟؟؟؟
|
Post: #2
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-19-2012, 09:00 AM
Parent: #1
غريبة!!!
الموز ما جاب نتيجة والللا شنو؟
|
Post: #3
Title: Re: صبرك يا قرد..الموز بي يجيبك(توجد صورة)
Author: فتح الرحمن محمد
Date: 01-19-2012, 09:11 AM
Parent: #2
تحياتي يادكتور
|
Post: #4
Title: Re: صبرك يا قرد..الموز بي يجيبك(توجد صورة)
Author: Hassan Makkawi
Date: 01-19-2012, 09:25 AM
Parent: #3
بإختصار .......
_______________
رائع لدرجة ( مانصيح )
تسلم يا د.
|
Post: #5
Title: Re: صبرك يا قرد..الموز بي يجيبك(توجد صورة)
Author: على ميرغني
Date: 01-19-2012, 12:10 PM
Parent: #4
يا دكتور عادل
رفعنا طلب للباش مهندس علشان يمنحك مزيد من الفرص
لكنك حيرتنا ذاتو.. اسع جنس نضميك الكتر دا
مابخلي الباشمهندس يرفض طلبنا وفي رواية تانية يعاقبنا ذاتنا كمان
دائر اسألك.. انت سويت شنو غلط في دنيتك الفانية دي
الله سلط عليك باشمهندس في البورد وباشمهندس في الجريدة
مصيبتك يعزو فيها الشدر
|
Post: #6
Title: Re: صبرك يا قرد..الموز بي يجيبك(توجد صورة)
Author: الزنجي
Date: 01-19-2012, 01:50 PM
Parent: #5
الكلام دا مااااا نجيض يا ود عمي
الكلام اكان دخل الحوش ابرك لينا نتحاش
والتسوي كريت تلقاه فوق كديستها
|
Post: #19
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-21-2012, 02:26 PM
Parent: #6
| Quote: الكلام دا مااااا نجيض يا ود عمي |
ابن عمي الزنجي
نجيض بالحيل.... النجاض اخو الململة....النجّاض(الفعّال) هو الذي يعمل عمل الباعوضة في ليلة صيقفة مافيها هبة نسمة.....
وارى صيف المنبر قد طال...واشتاقت بعض المخلوقات للببات الشتوي.... ورحلة الشتاء والصيف اختذلت في طيارات البوينج!
بين الدبابة والهبابة علائق رحم...لولا تمحور الجينات....وهبوبك يا الله!
اما ما بين كديستي وبين سادن المنبر ما صنع الحداد!
والحداد يصنع منجل الشيوعية..وسيف الوهابية...
ما تهتم من الايام..دا كلام كدايس
|
Post: #15
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-20-2012, 10:01 PM
Parent: #5
Quote: دائر اسألك.. انت سويت شنو غلط في دنيتك الفانية دي
الله سلط عليك باشمهندس في البورد وباشمهندس في الجريدة |
علي ميرغني.... يا صديق
قالت.. العاجباها سماحتا ايمان لندن.... قبال ما تمشي لندن..وتتفلهم..... وشعرها يبقى طويل ... و تقف امام عشيقها العدس وتقول له"نيفا .....نيفا.".... قالت:-
من المسلط .......
ومن العين الشافتو ما صلّت
الليلة ساير
سلطنة عمان..... من ابناء المسلط الكندي....والمسلط الهندي ... يتلقي بهم في جدهم السابع عشر( مشترك)....اصلهم تيمان...المسلط والمصلبط...
المصلبط قيل انه جد الصومالين والمورتانيين.... او لم ترى كيف صلبطتهم....؟.... الصلبطة.... تاتيك مشحونة كارقو بعد ان يصل صاحبها باسبوع....ونحن نزرف الدمع االهتون
وفي اضان العرب :-المسلط قيل هو من اختلطت به سلطة الاسود.... او سلطة الروب... فاصبح مسلط.... وقس على ذلك المصلبط....
ويشهد الله..انني احب كليهما.... مهندس الاسافير ومهندس التيار.... ليس تكسيرا للثلج....ولكنها جمجرة......وجبت حين زنقة....!!!!!!
|
Post: #43
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-30-2012, 06:25 PM
Parent: #5
|
Post: #77
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-05-2012, 10:37 PM
Parent: #5
حذف
|
Post: #88
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-07-2012, 07:42 PM
Parent: #5
كان صفت الدوافع.....العنقريب يشيل كديسة وشافع
|
Post: #11
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-20-2012, 12:26 PM
Parent: #4
تسلم يا حسن مكاوي
النصاح من الله..والنصيح ود جابو الله...من فحول شعراء القرين كارد.....ومن ديوانه (كركارات):-
فلق النصاح .......قول لي
أهو تُورك لاح ........خيلي
هو هذا شذاك ام شذى الكركار
مع تحيات أتحاد كدايس السودان(ألحس).....
|
Post: #33
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-26-2012, 09:05 AM
Parent: #11
الاغاني الماشة في السوق والقاعدة ترقص عليها البلد كلها:-
بعض من الـــــtop ten
(1)
* قالو ليا بتسجر ****** كمان بقيت بتسف
اوعا اوعا من القزازة****** اوعى بكرة تلف
(2)
الخوة في الدنيا هينة...... مغارز الخدم عينة
(3)
بفتح فيك بلاغ عشان يعرفو الحقيقه
ياخاين العشره يا اب عينن شليقه
(4)
زي سماحتك ماشُفت***** ولا في يوم حأشوف
انا غايتو إتكسرت****** وبقولا بالمكشوف
(5)
لا بريدك لا لي بسوقك •• أمشي حصل سوقك
(6)
ترازي في حبي •• تزازي في قلـبي
أجـري وماحتـطولي
وتبقي غلـطانه انتـي
لوفكـرتي في زولــــي
(7)
كلام الناس إشاعــه ياحبيـبي ماتصدق
عشان شافـوك معايا الناس فقدت المنـطق
...... يلا مبورك... خمو.. و ...صرو!!!!!
|
Post: #100
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-12-2012, 07:42 PM
Parent: #11
لك الرحمة والمغفرة دكتور مجدي.................
|
Post: #108
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-15-2012, 08:49 AM
Parent: #11
|
Post: #7
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-19-2012, 11:07 PM
Parent: #3
حبابك يا فتح الرحمن
........سئل رجل من بني حلبة(بني حلبة...غير الحلب الحالبة والحلب المستحلبة..وغير بني هلبة.... فهم قوم مغرمون بحلب....الانعام والدواب.... وكل ذات شطر...فهم قوم حلابون.... ولا يجيدون مهنة غيرها...تصبح الواطا تلقى كل ضكر وانتاية منهم شايلة كوريتو ..ويقبض اي حيوان ويقعد يحلب.... لافرق بين ذات ناب...وذات حافر.... كل ما له مدلدل فهو يحلب......وكانت جدتهم الاولى ... حلابة دواب ابو شفيان....قيل انها في ليلة فتح مكة.....حلبت مئة من النوق.... وسقت من دخلو الي دار ابو سفيان..... حتى ان هند بنت عتبة قد اتهمتها بالمحقة...المهم)
سئل هذا الرجل عن علاقة الكديسة باللبن.... فصمت.. ثم سئل اخرى فسكت.. ثم سئل ثالثة.... فتململ ثم قال(أخير ليكم ما انضم.... ان نضمت بيوقفوني من المنبر)
|
Post: #8
Title: Re: صبرك يا قرد..الموز بي يجيبك(توجد صورة)
Author: khalid Elkhidir
Date: 01-19-2012, 11:34 PM
Parent: #7
و هل من مزيد يا سجيمان, والله دى قويه شديد اليوم. شكله صباحيه ..:)
|
Post: #22
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-21-2012, 10:49 PM
Parent: #8
ياخالد.....قطعا سمعت بالمرحومة غزلية....التي غنى لها سيد خليفة
هي وبنت عمها المرحومة نانا......وبنت خالتها المرحومة زنوبة......
كل النسوان ديل كانن في حوش واحد....
غزلية سحلبت.....أولم تسمع سيد خليفة كان ينبهها(وين الروقة يا الفنية ناري اللليلة؟) لقد كانت خفيفة الله يرحمها..فسحلبت واثناء علاجها بالصدمات الكهربائية ماتت بفشل كلوي
اما نانا.... فقد ماتت بصدمة سكري....وقد نبهها سيد خليفة كذلك من مغبة سف السكر عندما قال(سكرنا كملتي...كملتي سكرنا)..... قيل انها كانت تسف نص شوال في اليوم الواحد....
اما زنوبة....ايضا سحلبت لانها اول مرة تركب قطر... اتخلعت ونططت عويناتا ومن ديك وعيك.... وغنى لها سيد خليفة(ربوها في عز وبطر
ما سافرت ما ركبت قطر).......
ولذلك تجدهم يرددون (الخبر..الخبر الكديسة ركبت القطر)......وبعض الكدايس ركوبهن التونسية!!!!!!!
|
Post: #66
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-03-2012, 07:36 PM
Parent: #22
يا سانتوت..انتي بتريديني كدي ..زي ما انا بريدك ؟؟؟؟.....
|
Post: #32
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-25-2012, 04:48 PM
Parent: #8
فوق
|
Post: #112
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-16-2012, 06:59 PM
Parent: #51
كدي نديهو رفيعة في الخميس الزي الزفت الواقع في نص الشهر دا........
يا اخونا مافي طريقة الحكومة تخلي لينا خميس واحد اول الشهر بس؟....والباقي تجليهو......
|
Post: #9
Title: Re: صبرك يا قرد..الموز بي يجيبك(توجد صورة)
Author: khalid Elkhidir
Date: 01-19-2012, 11:34 PM
Parent: #7
تكرار
|
Post: #23
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-22-2012, 08:51 AM
Parent: #9
فاصل اعلاني:-
لي قطة صديقة
سميتها شليقة
استعملو بطاريات ابوكديس......ان ما نفعتكم ما بتضركم
ابو كديس.... عدو الضلومة...والله يكفينا شر الضلومة
|
Post: #30
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-24-2012, 06:05 PM
Parent: #9
الجاتك في مالك سامحتك
الي كل منشول.. او مسروق......او قروشو وقعت......
انه مثل يدعوك ان تفوّض امرك لله
اقول للشعب السوداني الجاتك في مالك سامحتك
كما قال عصمان حسين مالي والهوا.....وهو يقصد ان ماله طار مع الهوا....
كان الشاعر قد صرف الماهية...وهو راكب في حافلة جنب الشباك ويحسب فيها.... تقوم تجي هبوب من وين ما معروفه وتشسل القريشات في راسا وعيك
وهو برضو من ديك و عيك... بقى ماشي ويغني مالي والهوا...... والشعب كلو حسي يردد(مالي..مالي..والهوا).. واكلتو هوا.... يا نقناقين!!!!!!
|
Post: #45
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-31-2012, 08:17 AM
Parent: #9
|
Post: #10
Title: Re: صبرك يا قرد..الموز بي يجيبك(توجد صورة)
Author: محمد قسم الله محمد
Date: 01-19-2012, 11:35 PM
Parent: #7
| Quote: كل ما له مدلدل فهو يحلب |
ها دكتور ها ..
خبارك ..
جنس النضم ده قاطع قلوبنا بالضحك في التيار اللت عصمان ..
عللا الليله جبتو آخر .. كلامك يجيب البوليص راسو عديل.
أعمل ساتر من سيد البكان ده ما يشوفك.
|
Post: #12
Title: Re: صبرك يا قرد..الموز بي يجيبك(توجد صورة)
Author: محمد الطيب يوسف
Date: 01-20-2012, 01:06 PM
Parent: #10
c g man
ده شهر حداثي حلوب
اديني معاك كورة بالله
|
Post: #13
Title: Re: صبرك يا قرد..الموز بي يجيبك(توجد صورة)
Author: Mohamad Shamseldin
Date: 01-20-2012, 01:22 PM
Parent: #12
| Quote: وترفع اللافتات ( الشعب يريد اسقاط اللباس)... لا لبس ولا التباس |
أهل العوض كتبو (الشعب يريد إسقاط السروال) .... أخر مره شفت الرايه دي مرفوعه كان في "مصراته"... نواحي بحر أبيض
|
Post: #14
Title: Re: صبرك يا قرد..الموز بي يجيبك(توجد صورة)
Author: خالد المحرب
Date: 01-20-2012, 01:38 PM
Parent: #13
تسجيل حضور
بوست غير قابل لللحس من البشر ولا الحيوانات
هو توصيل الرسايل دا ساهل ساهى
|
Post: #16
Title: Re: صبرك يا قرد..الموز بي يجيبك(توجد صورة)
Author: أسامة البلال
Date: 01-21-2012, 00:19 AM
Parent: #14
الزول السجيمان نوع الصنف دا بلقاهو وين والدنيا خميس؟!
|
Post: #17
Title: Re: صبرك يا قرد..الموز بي يجيبك(توجد صورة)
Author: قيقراوي
Date: 01-21-2012, 10:31 AM
Parent: #16
Quote:
وسكنت السحلية في اضان حمار كلتوم ست اللبن....اللبن اللبن
|
ارى فيما يرى الصاحي :
طيارة جات بي فوق .. يا حاجة لأ
جات تضرب الخرتوم .. ضربت حمار كلتوم ..
ست اللبن
كبي ليا .. لبن .. لبن كبي لي
---
كخبير كائنات دفع رباعي، وقيل اكتر (ذوات ثدي، و زواحف)..
دي سحلية حلولي .. ول تشابه سحالي سااااي؟
قالوا يخلق من الشبه 44 سحلية
|
Post: #18
Title: Re: صبرك يا قرد..الموز بي يجيبك(توجد صورة)
Author: اسماء الجنيد
Date: 01-21-2012, 10:55 AM
Parent: #17
سجيمان إزيك ياخ ,, يعلم الله الشوق بهيــــل عديــــل
يا حليل الونسة تحت ضل النيم وسماحة النضمي والمقيــــل
من زمنا خدو مشلخ زمن جريدة اضواء الإسفيرية , وحوش دكتور معز
دحين بتطراه ؟ زمان المعز فيه الخير كان بكشحنى بي جنس نضميك ده في الإميل
لكن تاني قط تـــــــــــــب
وبقيت اتاوق مرة مرة القاك بي جاي ولا بي هناك
دحين ما تشتغل بي بكور ده ؟ واصل واطلق البخور , من العين العنية الكافرة النصرانية
ما تختف كلامك ولا البوست ولا الكديسة زاتها الخوفني منها زمان دكتور بلة , يجازيه الله , بالخير لكن
يعلم الله دخل فيني خيفة ورجفيبة
دحين هسه جابتلها قرود ؟ نحن غايتو بنخبر قرود الطلح , والله صحي
|
Post: #20
Title: Re: صبرك يا قرد..الموز بي يجيبك(توجد صورة)
Author: محمد مختار جعفر
Date: 01-21-2012, 04:22 PM
Parent: #18
سجيمان ..كيف حالك أولا اريت حالك طيب
ثانيا متل نضمك ده ، نحن فى مجال التشكيل ، لمن نرسم لوحة بأفق سريالى ورؤية لها مدلولات معينه
يقولون لنا أخرجوا من غياهب الجب بتاعكم ده وفهمونا بالعربى إنتو قاصدين شنو وده معناه شنو
أها عندنا لوحات قريبة من نضميك ده بس الفرق أنو نضميك ده لمن تسرح فيهو كتير بوديك الخور
لكن نحن شغلنا المامفهوم ده زى ما بقولوا عنا بوديك البنك احيانا وساعتها تغبض جيبك شديد لمن
تصل البيت تحسبا من حرامى حاقد أو متعود سلف ..
أها أرقد عافية ..
محمد مختار جعفر
|
Post: #21
Title: Re: صبرك يا قرد..الموز بي يجيبك(توجد صورة)
Author: د.نجاة محمود
Date: 01-21-2012, 05:01 PM
Parent: #20
آود عمي النعلك داير تبقى مناضل؟
نضمك دا نضم ما اااااااااياهو ..النصر نشوف آخرتها
|
Post: #44
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-31-2012, 07:14 AM
Parent: #21
د.نجاة
| Quote: آود عمي النعلك داير تبقى مناضل؟ |
يا بت آعمي,,,,
حتى ان بقيت داير...النضال حسي فايق لي؟
وبعدين بكري مديني مداخلتين في اليوم...... باقي لك ديل بي يناضلن لهن لي زول؟
|
Post: #42
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-30-2012, 10:47 AM
Parent: #20
محمد محتار جعفر
مشروغ لوحة........
ارى علاقة وطيدة بين السريالية...والسروالية.....
السر .... ما كان بيني تلاتة (شخص والانا العليا والانا السفلى حقاتو... )
يا لية(فهي ايضا انكافئية....... يا ليّا... يا ليّك...)
السروالية..السر ما كان شرحه بعاليه.......
والية( فالولي..هو صاحب السر....والولي هو من تولى السر والجهر...او ولية...فاصبح كذلك.... وبين متونه تكمن الانا)
اخلط ما بينها أتني بلوحة....او بزبر الحديد..
|
Post: #91
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-08-2012, 06:56 PM
Parent: #20
يا بكري يااخوي...... عليك الله
المنبر دا طول لو التِكة شوية
البوسطي دا حسي قدر ما ادور اصل اخرو... يقصِّر عليّ!!!!
|
Post: #39
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-29-2012, 12:59 PM
Parent: #18
اسماء بنت الجنيد
بت الارابيب......والراجل الكلس
كنت زمانكتية..شايلاني العافية...وانا شايل راكوبة الهيصة فوق القنقون...
تصبح الواطا ..اقش الدرب بي حنقوق الضحك....
القليب دقاتو اتلخبطت..دقة في الشبكة ودقة أووت....
العضيمات يكركبن لا عرفتها رطوبها ولا عرفتو قاووت
معز ماهو رفيق معروّن....
علاقة الكدايس بالقرود الضنب
وعلاقتي بي بكور علاقة ضهب....
ثقافة الانقاذ ... هبشتو... استعملوهم مناديل ورق
اول ما تقضى منو، اديهو الكُدومبوس....
|
Post: #87
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-07-2012, 08:34 AM
Parent: #39
صراحة انا خايف عليها من العين... وبقيت حارسها...وقدر ما قلت لها دخلي لسانك دا بتطمعي فيكي الشعراء وتخليهم ينضمو فيكي..هي مابية وتكاوي فيني...حتى اني قلت يا ربي خليل فرح دا يكون شافا وين وكتب كدي....:-
ام لسانا لسه معجّن
كلمة كلمة وحروفا ضجّن
تب..مو ساااااااااااعلة:-
مع القرود يا سانتوت؟ مع القرود؟.....مخيّر الله!!!!!
|
Post: #36
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-27-2012, 11:19 PM
Parent: #17
قيقراوي
ايها الصديق الصدوق.... ساعة حظر تآمر علي فيها قوم فنجوط......
اما عن الهالك حمار كلتوم (رعاكم الله)......اختلف المؤرخون في سبب موته....
هل مات بسبب قنابل الطيارة الجات بي فوق؟
ام بسبب دخول السلحية في اضانو وبعبشتها؟
كوّنت لجنة من علماء الاثار والطبيعة.... وطبيب اضنين.... وحفرو ولقو حمار كلتوم ميت بنواحي غرب امدرمان.... ففتوحو الاضان ..ولقو بدل السلحية قندول بنقو....وبجانبه قوم من النمل.. يحاول ترحيل حبيبات البنقو منذ الحرب العالمية التانية الي الان...
قيل انه وفي ذات سطلة يصطف النمل صفين متقابلين صف للضكور وصف للاناتي.....وكلهم في وضعية غز الكوع.....
فتردد الاناتي:-
يا الغرامك لي جسمي ناحل
فترد الضكور:-
يا المضّمر مفدوع وكاحل
وهكذا.....الحال..الي ان يفك الله ما بهم من سطلة.......
وعندما سئل كبيرهم عن حالهم اجابهم بانهم يستعدون للمشاركة في مهرجان البقعة الثقافي
|
Post: #35
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-27-2012, 10:39 AM
Parent: #16
| Quote: الزول السجيمان نوع الصنف دا بلقاهو وين والدنيا خميس؟! |
الدنيا خميس؟؟...... واين جمعة..وسبت وكوكو؟.....نوع النضم دا ياهو البيخلي الناس تتمرد....
وديل حسي يمشو يكونو جبهة تحرير. ويطالبو بتقسيم الدنيا..
و تقعد الحكومة تساسق علي الدوحة....
|
Post: #59
Title: Re: صبرك يا قرد..الموز بي يجيبك(توجد صورة)
Author: المر
Date: 02-02-2012, 05:10 PM
Parent: #16
واحد قال لي " " الكشميرية.. دي بجيبه من وين؟ المسطول أعلاه......................
|
Post: #79
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-06-2012, 08:22 AM
Parent: #59
ابن امي وابي
المر
رغما عن اني جاهل بركوب الفيل..... ولكنني احسد اهل الكشميري... كما تحسد الغنماية كريت غنم كشمير على ما وهبها الله من موهير.. تدثر به...ووهب كريتنا شعر مزعمط يسكنه الجرب والقمل ..وعائلات من القراد المداري....فليت لها موهيرا تتباهى به وتعتلي به شجيرات الضندب وتقضم الحُنبُوق(الحُنُبُوك بلغة اهل البندر)....والحنبكة هي الزعل...والحمبوكة هي البلومة.... وعند ما كنا صغار انا وانت كنا نشتري البلوم فنسأل رابح سيد الدكان ان يدينا حنابيك....فيصححنا انها هنابيب يا عرب... بالرغم من الاصمول "تي" التي ترقد على جُضمو...واذكر ليلتك الليلاء تلك، ليلة الحمبيك الاخير،وانت تصيح وتبكي(داير لي حمبوكة...وااااااااااااع..... داير لي حمبوكة....واااااااااع).... فيوعدوك بها عند شروق الشمس، فتنوم غرير العين مادي قدومك وكأنك تنفخ فيها...والي يومنا هذا لم يسهل الله لك ان تُحمّبك...فدع ريان تُحمبِك كما تريد...... يا شقيقي!
|
Post: #81
Title: Re: صبرك يا قرد..الموز بي يجيبك(توجد صورة)
Author: المر
Date: 02-06-2012, 04:06 PM
Parent: #79
| Quote: فدع ريان تُحمبِك كما تريد...... يا شقيقي! |
ريان حنيكته حنيكت السرور.... كنتاكي... + كتشاب+ على وزن كايشاب+ فى مدينه جم كشمير يستعمله د. ابو
حيث يبلغ سعر الجردل بتاع الكنتاكي ما يعادل 220 الف جنية
|
Post: #89
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-08-2012, 07:50 AM
Parent: #81
المر
دكتور ابو فوق عديلو........ما تقول لي عديلو شنو؟؟؟؟؟
|
Post: #75
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-05-2012, 08:28 AM
Parent: #16
القرد المتشعبط في الاصبع
زي دا فرِد موزة تكفيهو شهر بي حالو
مع ظروف السودان...اسعو زي دا لو دايرين تسعو قرود
|
Post: #31
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-25-2012, 07:40 AM
Parent: #14
خالد المحرب
| Quote: هو توصيل الرسايل دا ساهل ساهى |
خالد.....لا يفقه الغائبون..المغيبون .... فدعهم يفنجطون
ولن يبقى لهم غير هذا الوطن الافتراضي... وذلة الغربة!!!!
|
Post: #68
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-04-2012, 10:10 AM
Parent: #14
|
Post: #28
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-24-2012, 09:12 AM
Parent: #13
محمد شمس الدين
Quote: أهل العوض كتبو (الشعب يريد إسقاط السروال) .... أخر مره شفت الرايه دي مرفوعه كان في "مصراته"... نواحي بحر أبيض
|
عوض ...العوض...عوض الله.....وينو لي عوض الليلة.... كواريك لندى القلعة..... مع تدني الرعاية الصحية كانت الحوامل تدافق...او يموت الطفل ... اسم العوض تضرع الي المولى ان يحفظ الطفل من ان يلحق الرقدو....,ويكون عوضا عن من راحو في حق الله
الانتاية تسمى عوضية...... مع الاحتفاظ بكامل ملابسها....!!!
حنان بلوبلو نادت حمادة..... فكاوتها ندى القلعة بان نادت عوض..... اعتقد ان المعركة محسومة لصالح عوض....لبس العوض السروال والعراقي.... وتمنطق حمادة بالسيستم ضارب....فبنطلون حمادة اقرب الي السقوط من سروال العوض.....سروال العوض مربوط بتكة مشفرة وباس ورد يصعب على الهكر كسرها....بينما سيستم حمادة على الهبشة!! وببليك!
والله اعلم
|
Post: #25
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-23-2012, 09:32 AM
Parent: #12
دكتور محد الطيب يوسف
Quote: ده شهر حداثي حلوب
اديني معاك كورة بالله |
تحايلا على البورة..استحدث اهل الشأن عرس الكورة
فكان العرس الجماعي...... وعرس الشهيد..
وعرس القمرا لابي الدردوق وهو زواج في معظم المذاهب باطل( لانه مشروط بمهر يفوق مهر كريمة موسى هلال)
الكورة ... إناء... له دور كبير في تناسلنا( وكورة أم قعار تحت سريرو جيبيه ختّيه.. بنيتي حسابك)
اما من الشعر الحداثي فلك تُمنّة........ يا صديق
|
Post: #24
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-22-2012, 02:30 PM
Parent: #10
محمد قسم الله
سلامة قلبك...وقلوب كل القراء
| Quote: كلامك يجيب البوليص راسو عديل. |
البوليص..ا مع لبوليص انا ما ماشي .. يا قايد الديش
تمردت نساء الحي علي البوليص.... واستنجدنا بالدياشة في شخص قائدهم....
وانحاز الديش لنساء الحي....فنجحت الانتفاضة.... فكانت ستة ام ريل وذلك لتمرد النساء على البوليص.... واختفى اب ريل... لتقاعص الضكور
|
Post: #26
Title: Re: صبرك يا قرد..الموز بي يجيبك(توجد صورة)
Author: على ميرغني
Date: 01-23-2012, 02:04 PM
Parent: #24
لماذا هؤلاء الضكور؟
الانعدام القروش ام لقلة الباءة
ام لان المعروض ما (أد كدا)
|
Post: #47
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-31-2012, 12:36 PM
Parent: #26
صدييقي
علي ميرغني
Quote: الانعدام القروش ام لقلة الباءة
ام لان المعروض ما (أد كدا) |
أي نعم.....
لانعدام الباءة وكل اخوات الباءة... وخصوصا الزاءة....
ارحمو طير قوم فقش بيضه.........
|
Post: #95
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-10-2012, 08:52 PM
Parent: #7
غايتو يا بكري منبرك يدّخل الزول في ضفورو
قُت لك طول التكة دي شوية
حسي انا من قبيييييييل داير ارد علي ناس والتكة تقصّر معاي.........
اها قلت اجيب رابط صفحتي في الفيسبوك(سُترة وصُلحة):-
http://www.facebook.com/cgman2004
|
Post: #27
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-23-2012, 06:21 PM
Parent: #3
الجاية من السما تحملا الواطا
لو الواطا زاغت.... الجاية من السما تاكل هوا
من اقوال الحكيمة(كديسة طاليس)
|
Post: #29
Title: Re: صبرك يا قرد..الموز بي يجيبك(توجد صورة)
Author: سيف الدولة كامل
Date: 01-24-2012, 10:07 AM
Parent: #27
سجيمان أمشي لي أم النقة تديك الالف دولار ما عافي ليك كان خليتها ليها.
|
Post: #48
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-31-2012, 03:47 PM
Parent: #29
سيف الدولة كامل
ما عندي ليك ولي ام نقة غير نشيد الضعفاء والمساكين واليتامى والارامل:-
الكضب حرام
والقبر قدام
السرير حديد
والكفن جديد
ومدحة وين تمشي:-
سيف وين تمشي
من رب العباد
وين تمشي؟
يا اب نضمّن غُلاد
وين تمشي
وام نقة معاك
وين تمشي؟
ام جضومن غُلاد
وين تمشي؟
(هذا بداية مشروع بوستي)
|
Post: #85
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-06-2012, 10:50 PM
Parent: #3
في عينيك........
تفرهدُ الزهور....
تغردُ الطيور.....
تنطط القرود
ولاجل عينيك
تزرفُ الغمامة
ترفرفُ الحمامة
وأوزع الكرامة
بليلة عيش....
واضبح العتود
الشاعرة/ كديسة بنت المستكفي احمد الله.....ولبنكم طاير عليكم!!!!!
|
Post: #38
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-28-2012, 03:53 PM
Parent: #2
|
Post: #76
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-05-2012, 05:01 PM
Parent: #2
حكمة البوستي:-
(كديس في سروال بيسوي شي..وقوأأدو بردو مو هلو)
|
Post: #34
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-26-2012, 07:42 PM
Parent: #1
|
Post: #37
Title: Re: صبرك يا قرد..الموز بي يجيبك(توجد صورة)
Author: محمد عبد الماجد الصايم
Date: 01-28-2012, 07:59 AM
Parent: #34
| Quote: وصه يا كنار وضع بيضك في يدي |
وإن شاء الله عجبكـ!!
|
Post: #40
Title: Re: صبرك يا قرد..الموز بي يجيبك(توجد صورة)
Author: Magdi Ahmed Elsheikh
Date: 01-29-2012, 01:11 PM
Parent: #37
|
Post: #54
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-01-2012, 05:06 PM
Parent: #40
مجدي احمد الشيخ
بالرغم من الصمت حبابك
وان في الصمت كلاما
حسي بعد مرات انا اكون سااااااكت وخاااااااانس... لكن رويسي فيهو نضم كتييييييير خلاس!
|
Post: #52
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-01-2012, 07:38 AM
Parent: #37
محمد عبد الماجد الصايم
Quote: وإن شاء الله عجبكـ!!
|
صديقي الذي كاد الضحك ان يشرطه.......
بيض الحمائم لا سود الدبايب
في متونهن جلاء الشك والريب
يعاني كنار الجنة .... من طناش السادة( كنار الجنة ....قول للسادة عاشقك جنا)
اتخد من تعريشة راكوبة ام الحسن مسكناً..... فعلم بصير الحي بان به..كوكة....
وتاكدت لي كوكته....فكان اذا اتشنقل انزوت....واذا دنقر تكرضمت..... فخفت على الكنار ..من قطع الخلف....!!!
|
Post: #58
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-02-2012, 02:33 PM
Parent: #52
محمد عبد الماجد الصايم
عذرا.... لقد اصبت بتأنيب ضمير....حقيقة علمية لابد من ذكرها وهي:-
ان كل صاحب كوكة...لو حرّقت جنبو ريش طير..تتلبش الكوكة وتصيح(غوووووووووووووغ).....
وهي طريقة مثلى لكشف الكوّك..... يعني لو عندكم مناسبة وحرقت ريش..فتسمع الغووووووووغ.....
وتستطيع ان تحصر اصحاب الكوّك....وتسلمهم لي ناس الضرائب
(اقصى مسافة لغوووووووغ الكوكة عند حرق الريش هي دائرة قطرها مئة فرسخ)
|
Post: #41
Title: Re: صبرك يا قرد..الموز بي يجيبك(توجد صورة)
Author: سجيمان
Date: 01-29-2012, 08:56 PM
Parent: #1
شيلني..واشيلك..... وخلينا نتشايل
|
Post: #46
Title: Re: صبرك يا قرد..الموز بي يجيبك(توجد صورة)
Author: امير عوض الجمري
Date: 01-31-2012, 09:04 AM
Parent: #41
| Quote: وفي اضان العرب :-المسلط قيل هو من اختلطت به سلطة الاسود.... او سلطة الروب... فاصبح مسلط.... وقس على ذلك المصلبط.... |
حلوة يا سجيمان .. وقسنا وفعلا لقينا آل صومال وموريتان هم سلالة المصلبط (لكن هي والله جنس صلبطة) .. (تقصّر التوب) .
كديستك عينة لكن البتراود القرد عن نفسه دي ...
|
Post: #55
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-02-2012, 06:45 AM
Parent: #46
امير عوض الجمري
سررت جدا... انك وفقت الي القياس....
بعض السودان وقليل من البيضان.... يحاولون ان يثبتو نسبهم الي المسلبط....فكانت ادوات البحث من حقن وحبوب
بعضهم وفق...وبعضهم كانت صلبطتهم شتراء,,, فبدل ان ينتمو الي المصلبط اصبحو ينتمون الي المكرشّم التندلي...والمجضّم المدلدلي..
.والضهر شارع الانقاذ.... مستوي كخط الاستواء... الا من هضيبتين تؤدين الي حفرة النحاس....
سررت بمرورك!!!!
|
Post: #50
Title: Re: صبرك يا قرد..الموز بي يجيبك(توجد صورة)
Author: عبدالفتاح أبوشيمة
Date: 01-31-2012, 08:36 PM
Parent: #1
Quote:
اعلم علم اليقون... وقناة قون... وجريدة فنون... والسودان المديون.... والمناصير المعتصمون...والدنيا ام قدود... والبلد ام سدود... وكدايس الشيوعيون....وكديسة سجيمان ذات اللسان المدود......ان هذا البوستي سوف يتلحس لحسة السواد..... ويذهب سدا كما تسجم الصبرة الجداد.. ...فيلبد اخا المنبر وهو خير لباد.... فيهرش العباد.. ويبشتن البلاد... فتصيح نسوة الحي الجراد الجراد....ويجري اباكديسة ويكسّر شُدر الكداد....الراسخون..الفاسخون...النافخون.. كل له جخنون...يستشري داء اب كباس.....وتسلحب الناس، كل الناس... وترفع اللافتات ( الشعب يريد اسقاط اللباس)... لا لبس ولا التباس..زينة الشباب الككو....و(صبرك يا قرد..... الموز بي يجيبك).......الراحلون على عربيات الكارو...الساكنون تحت كباري الخيران..... يا ايتها النفس الصغيرة ادخلي بيتك دخل فيكي الما ضراكي...وشماشة من نسل عبد شمش....السليسيون السلسيون.... رحلت شلاتيت البنزين...... الحضري يا قواني يا ماسورة... يا بياض...وصه يا كنار وضع بيضك في يدي....النايحات الباكايات المدمسات بالرماد ومتكحلات بالسكن.... و(السكن هاند) يدي انا..... يا ايتها البوابير.. تبوبري ماشاء لك البوبار.. قد غاب عنك ابا علعول...وقدّل الورل...وسكنت السحلية في اضان حمار كلتوم ست اللبن....اللبن اللبن وحبوب( ما زال الشحن جاري)...وجرت الامور كداري..مع توفر المواصلات.... صويحبات البابور جاز....المقلبات المستقلبات المقلبات لخلقة ربهن....قرنن الحواجب فخاطبوهن من وراء حجاب.... والحجاب دايرو سيد البوست..... ويا راحلون الي اريزونا بقيادِ....خذو كديستي كاد ان يشقها الشوق... والشوق شقاي شاقنا والما شقنا شاقانا....
و ختامه كديسة! |
بقينا ناس جاري الشحن
وبقينا فاقدين الرسن
في زمن المحن
يلدن محن
خيل عركسن
والجعجعة بقت لي فن
لخبت شديد سوي العجن
هو المافي شنو؟
على قول قيقراوي
--
سجيمان مالك
خلاص زاد سجمن؟
فهمت حاجة؟
ولا أنا
مرور بس عشان الشوق
والشوق بحر
بس ما قايلك اختساسي
حيوانات للدرجة دي
تحياتي دكتور
وللمشاركين
الرائعين
|
Post: #53
Title: Re: صبرك يا قرد..الموز بي يجيبك(توجد صورة)
Author: محمد ابراهيم قرض
Date: 02-01-2012, 12:52 PM
Parent: #50
يا سجيمان ..
أكتب لينا حاجة مفهومة ياخي ..
أقطع دراعي لو فهمت حاجة ...
بعدين قالوا التيارليكس رفعت
التوزيع بصورة خرافية ..
عشان كده قالوا سعر الكلمة عندك
ارتفع الى 50 دولار .. يعني عمودك
أسع بالشي الفلاني ..
الهم لا حسد !!!
|
Post: #56
Title: Re: صبرك يا قرد..الموز بي يجيبك(توجد صورة)
Author: تبارك شيخ الدين جبريل
Date: 02-02-2012, 07:02 AM
Parent: #53
Quote: اعلم علم اليقون... وقناة قون... وجريدة فنون... والسودان المديون.... والمناصير المعتصمون...والدنيا ام قدود... والبلد ام سدود... وكدايس الشيوعيون....وكديسة سجيمان ذات اللسان المدود......ان هذا البوستي سوف يتلحس لحسة السواد..... ويذهب سدا كما تسجم الصبرة الجداد.. ...فيلبد اخا المنبر وهو خير لباد.... فيهرش العباد.. ويبشتن البلاد... فتصيح نسوة الحي الجراد الجراد....ويجري اباكديسة ويكسّر شُدر الكداد....الراسخون..الفاسخون...النافخون.. كل له جخنون...يستشري داء اب كباس.....وتسلحب الناس، كل الناس... وترفع اللافتات ( الشعب يريد اسقاط اللباس)... لا لبس ولا التباس..زينة الشباب الككو....و(صبرك يا قرد..... الموز بي يجيبك).......الراحلون على عربيات الكارو...الساكنون تحت كباري الخيران..... يا ايتها النفس الصغيرة ادخلي بيتك دخل فيكي الما ضراكي...وشماشة من نسل عبد شمش....السليسيون السلسيون.... رحلت شلاتيت البنزين...... الحضري يا قواني يا ماسورة... يا بياض...وصه يا كنار وضع بيضك في يدي....النايحات الباكايات المدمسات بالرماد ومتكحلات بالسكن.... و(السكن هاند) يدي انا..... يا ايتها البوابير.. تبوبري ماشاء لك البوبار.. قد غاب عنك ابا علعول...وقدّل الورل...وسكنت السحلية في اضان حمار كلتوم ست اللبن....اللبن اللبن وحبوب( ما زال الشحن جاري)...وجرت الامور كداري..مع توفر المواصلات.... صويحبات البابور جاز....المقلبات المستقلبات المقلبات لخلقة ربهن....قرنن الحواجب فخاطبوهن من وراء حجاب.... والحجاب دايرو سيد البوست..... ويا راحلون الي اريزونا بقيادِ....خذو كديستي كاد ان يشقها الشوق... والشوق شقاي شاقنا والما شقنا شاقانا....
و ختامه كديسة! |
الحاضر يكلّم الغايب ... انا برئ من سجيمان براءة الذئب (وقيل الكنار) من الموز ... والخوّاف ربّى عيالو ...
(والله بالجد جد ... بالطريقة دي يوم بتكتل ليك زول!)
... المهم ....
|
Post: #67
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-04-2012, 07:53 AM
Parent: #56
صديقي تبارك
اولا أزف اليك اعجابي باسمك... تبارك
لا شك ان والدكم عليه رحمة الله..كان رجلا حكيما مبدعا.....
كان ممكن يسميك مبارك..... ولو كان كذلك لارتبط اسمك في ذهني ببتاع الخُرد...
مبارك بتاع الخرد .... طواااالي حايم في حلتنا... واعلى سعر عندو تلاتة جنيه ان جنيت ما بيزيدك
تجيب ليهو بوتجاز جديدة من الورقة.... يقول ليك بتلاتة جنيه ويطلع لك فيها مليون عيب......
اما مبارك مصر.... فصدقت فيه السورة التي سميت انت بمطلعها.... ينزع الملك عن من يشاء...ويرقد في العنقريب من يشاء
العنقريب و(ولاد نعش.)... ابناءه الاتنين ووزراءه الاتنين...
اما زوجه سوزان تغسل في هدومها تحتضن طشتا و تندب حالها وتغني(سو يا سو...حبيبي حبسو)
|
Post: #99
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-12-2012, 08:55 AM
Parent: #56
|
Post: #64
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-03-2012, 12:32 PM
Parent: #53
صديقي الدكتور/ محمد ابراهيم قرض
تمعّن... ثم تمعّن.... ثم تمعّن.....(ديل تلاتة تمعّن)....وبعد كدا ح تفهم
وانت سيد الفهم والرأي.......
|
Post: #62
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-02-2012, 11:08 PM
Parent: #50
صديقي ابا شيمة
ورفيق درب الاستاد... ومحطات ستات الفول والتسالي...والشحادين الغبايا الدايرين مننا من غير ما يراجعو لستة اعضاء نقابتهم........
كيفن القليب بي يطيب
ما دام انت ياكا طبيب
سؤال وجهته لجنة اكسجين مستشفى بحري لادارة المستشفى
فاجابت الادارة ... نعلو ما طاب امشو اسعلو الحيكومة
فيشير كبير الادارة الي لافتة كبيرة في خشم باب المستشفى مكتوب عليها(فاذا مرضت فهو يشفين).......
ويسأل اللجنة...نحن هنا مكتوبين ؟...فيجيب احد اللجناء بأن "كو"
فيرد مدير المستشفى وبارتياح(وتيب؟).....ويردف نحن هنا ربنا قاسم لنا لقمة عيش..نجي ناكلها ونمشي اهلنا....
القليب الخليتو يا ابو شيمة..ما زال يضرب لكن اريتو ما ضربك....يركن ،ادي سدري ضربة يرجع يشتغل تاني....
يركن وانا ادق السدر...يركن وانا ادق السدر..... يركن وانا ادق السدر واكورك:-
بريدك يا صباح عمري....
تقول لي:- اسمعني يا صباح الخير
و يا جمل الشيل
بريدي في الهوتميل!!!
|
Post: #102
Title: Re: صبرك يا قرد..الموز بي يجيبك(توجد صورة)
Author: عبدالفتاح أبوشيمة
Date: 02-13-2012, 01:30 AM
Parent: #62
[B
]داقي سدرك مالك
دقّ السدر حطّم آمالك
واللا مالك يا حبيب مالك
قالت ليك ياخينا جد هامّالك
الدق عرفنا لكن شن جابو كوراكك
اركز يا زول الريد بجيب ليك ترحالك
|
Post: #105
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-14-2012, 08:23 AM
Parent: #102
صديقي ابو شيمة....
جبت طاري الريد.....وسيرة الغي
اخوك رااااكز ،حشاهو ما بيقول أحي
علا كان لمت فيهو وِردة مراريا.... ولا تايفويد......
الدغت والسكري اتقاودن.... وسكنن الجتة.....
ومن الوجع ما سلمت مني حتة
|
Post: #57
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-02-2012, 07:42 AM
Parent: #1
الصورة دي جايبها ليكم فنجرة ساكت:-
أها عليكم الله ما فنجري؟
|
Post: #60
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-02-2012, 06:09 PM
Parent: #57
يلدو..... و يطلقو في السهلة........ أمك ام قلبن ميت وينا؟؟؟؟
|
Post: #61
Title: Re: صبرك يا قرد..الموز بي يجيبك(توجد صورة)
Author: ابو جهينة
Date: 02-02-2012, 09:10 PM
Parent: #60
د. عادل
تحياتي لك وللأسرة الكريمة
أضحك الله سنك
والله ليك وحشة
ياخي تعال بي جاي تاني
|
Post: #63
Title: Re: صبرك يا قرد..الموز بي يجيبك(توجد صورة)
Author: قيقراوي
Date: 02-02-2012, 11:41 PM
Parent: #61
Quote:
ففتوحو الاضان ..ولقو بدل السلحية قندول بنقو....وبجانبه قوم من النمل.. يحاول ترحيل حبيبات البنقو منذ الحرب العالمية التانية الي الان...
قيل انه وفي ذات سطلة يصطف النمل صفين متقابلين صف للضكور وصف للاناتي.....وكلهم في وضعية غز الكوع.....
فتردد الاناتي:-
يا الغرامك لي جسمي ناحل
فترد الضكور:-
يا المضّمر مفدوع وكاحل
وهكذا.....الحال..الي ان يفك الله ما بهم من سطلة.......
وعندما سئل كبيرهم عن حالهم اجابهم بانهم يستعدون للمشاركة في مهرجان البقعة الثقافي
|
و العهدة على البياتي :
مملكة النمل كأي مملكة .. مكونة من:
ملكة
جنود
عمال
و مفكرين .. يتساءلون -لمن ما يكونوا مشاركين في المهرجانات الثقافية (اضافة من عند الراوي-قيقا) - يتسالون :
هل ثمة وجود لغيرنا!؟
صراحة بعد حادثة اغتيال المغدور حمار كلتوم .. و مآلاتها كما جآت في اللجنة الفنية المنثقة ..
انتقلوا - حسب الفي راسم - الى التفكير و الافتاء و التقرير في مصير حمار كلتوم .. هل هو هالك زي ما تفضلت .. ام شهيد الغيلة و الغدر الصليبي .. ام فطيس ساي!
---------
باقي ليك اسي ما بكونوا راسم دا مشطوب -لو صحي هن نمل مفكرين - انو بعمايل الحيكومة البتعمل فيو دا (انظر يمينك بالله عليك) ..
اها ما بكونوا مرعوبين من (غرار) الحيكومة باباحة مملكة النمل للشعب السوداني دا
لووووووول
بركة في [المضّمر مفدوع وكاحل] ساي غايتو .. رأفتن و رحمتن بالشعب السوداني الفضل .. المغلوب على امره دا ..
هو فيو حيل .. ولسان حال الحيكومة يردد في ربيع مستعرب يخصها تماماً :
النظام يريد اسقاط الشعب .. من طولو!! 
|
Post: #65
Title: Re: صبرك يا قرد..الموز بي يجيبك(توجد صورة)
Author: قلقو
Date: 02-03-2012, 06:12 PM
Parent: #63
| Quote: استعملو بطاريات ابوكديس......ان ما نفعتكم ما بتضركم |
انت لسه من زمن بطاريات ابوكديس ياسجيمان؟ مازماااااان شلعوها الكعوك, وهسى مدورين جنريترات ساااااى .
بالمناسبة نكرر التهنئة وان شاالله عقبال المية .
|
Post: #82
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-06-2012, 05:40 PM
Parent: #65
قلقو
انا اقصد حجارة البطارية.....وليس البطارية شخصيا.... تلك التي ارى ان لها علاقة بذوات الحافر!!!!
اما عن شعب الكعوك... فهو شعب قد انقرض بسبب الكعك....
عندما قامت شكلة في طابونة وكل زول شايل صينيتو داير ينجض الكعك....
فحاول بعضهم ان يدقس الاخرين ..فكانت حرب المنيّن......والله اعلم
|
Post: #80
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-06-2012, 02:04 PM
Parent: #63
قيقراوي
نعم للنمل مفكرين.... واما النملة التي خاطبتهم يوم ان جاء جيش سليمان فهي حكيمة....
ليست كالبصيرة ام حمد.....
ولكن تفكير النمل المسطول قد يودي في ستين داهية....
واعتقد ان البصيرة ام حمد عالجت موضوع العجل وهي تعاني من سطلة...
لي عودة يا قيقا لمناقشة جدلية النمل واضان حمار كلتوم......
|
Post: #69
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-04-2012, 01:28 PM
Parent: #61
ابا جهينة
صديقي الاديب الاريب
الوحشة ليكم والله
سررت بتواجدك في بوستي .... (محاولة الوفاق ما بين الكدايس والقرود.).وقد وقفنا بحمد الله....
وعقد القران قريبا.......
وسوف يمتلئ المنبر من نسل قرديس....
اكتشفت صدفة يا صديقي ان جدنا ليس العباس... بل هو الكباس...
اطفالنا يمتطون حمار النوم.....
وساستنا يعتليهم اب كباس.....
|
Post: #70
Title: Re: صبرك يا قرد..الموز بي يجيبك(توجد صورة)
Author: قلقو
Date: 02-04-2012, 01:48 PM
Parent: #69
Quote: | Quote: فيرد مدير المستشفى وبارتياح(وتيب؟).....ويردف نحن هنا ربنا قاسم لنا لقمة عيش..نجي ناكلها ونمشي اهلنا.... |
|
معقولة دى ياسجيمان ماعندك خبر ؟
ما الراجل طلع انو كان (بيهظر).
|
Post: #71
Title: Re: صبرك يا قرد..الموز بي يجيبك(توجد صورة)
Author: Hatim Elzubair
Date: 02-04-2012, 02:04 PM
Parent: #70
رجع فاضي الكلام مليان
اعجب جداً لكتاباتك يا عادل
|
Post: #73
Title: Re: صبرك يا قرد..الموز بي يجيبك(توجد صورة)
Author: على ميرغني
Date: 02-04-2012, 06:00 PM
Parent: #71
الظريف سيجيمان
اولا خليتنا نكره السبت.. ياخي تاني ما تغيب
تانياً.. بوستاتك زي أكل السمك البلطي الصغار
متعب لكنو طاعم
ثالثا.. مبروك فك الحظر البوستاتي
|
Post: #78
Title: Re: صبرك يا قرد..الموز بي يجيبك(توجد صورة)
Author: تبارك شيخ الدين جبريل
Date: 02-05-2012, 10:49 PM
Parent: #73
Quote: صديقي تبارك
اولا أزف اليك اعجابي باسمك... تبارك
لا شك ان والدكم عليه رحمة الله..كان رجلا حكيما مبدعا.....
كان ممكن يسميك مبارك..... ولو كان كذلك لارتبط اسمك في ذهني ببتاع الخُرد...
مبارك بتاع الخرد .... طواااالي حايم في حلتنا... واعلى سعر عندو تلاتة جنيه ان جنيت ما بيزيدك
تجيب ليهو بوتجاز جديدة من الورقة.... يقول ليك بتلاتة جنيه ويطلع لك فيها مليون عيب......
اما مبارك مصر.... فصدقت فيه السورة التي سميت انت بمطلعها.... ينزع الملك عن من يشاء...ويرقد في العنقريب من يشاء
العنقريب و(ولاد نعش.)... ابناءه الاتنين ووزراءه الاتنين...
اما زوجه سوزان تغسل في هدومها تحتضن طشتا و تندب حالها وتغني(سو يا سو...حبيبي حبسو) |
بوستيك الخلانا نكوس للفدع والكحلان في الشحاميط دا .... تلاتة جنيه تبيع؟
(بس ما بتحمّل تبعات مسؤولية أي متضرر ... ما داير ليّ بلاغ ازعاج سلطات وفواكه بالليل دا!)
... المهم ....
|
Post: #83
Title: Re: صبرك يا قرد..الموز بي يجيبك(توجد صورة)
Author: حافظ انقابو
Date: 02-06-2012, 07:08 PM
Parent: #78
لكن يا سجيمان حيرتنا عديييييييييييييييييييييل كدا
|
Post: #84
Title: Re: صبرك يا قرد..الموز بي يجيبك(توجد صورة)
Author: أمجد الزين
Date: 02-06-2012, 08:05 PM
Parent: #83
البوست شديد وانا نعسااااااان
اها اتمو هسع ولا اجيك الصباح مصحصح؟
|
Post: #97
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-11-2012, 02:17 PM
Parent: #84
أمجد الزين
اها نمت وجيت واللا لسع؟؟؟؟
|
Post: #94
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-10-2012, 07:23 AM
Parent: #83
| Quote: لكن يا سجيمان حيرتنا عديييييييييييييييييييييل كدا |
ابني
حافظ انقابو
اراك قد احترت في غير موضع حيرة
لا تثريب عليك يا ابن اخي
اما مفردة "كدا" والتي ختمت بها حيرتك..... فهي مفردة جأءت من اضابير التاريخ...واول ما استعملت استعملت في غنية (قليبا...قليبا) وهي من كلمة مقلوب وقلب الشي اي كفاهو على وشيهو
كان صعاليك الالفية الفاتت... في لحظات قعدة.... وعندما يحتسون الكأس الاخير وقبال ما يختو العشاء... يغنونها..... لبس الجلابية بالمقلوب .....او بالقلبا....واتقلب بعاتي.... وقلب الحكومة... وقلب صينية الاكل....
والانقلاب قد يكون للرحم في ساعة تعسر ولادة..... واذا اردت ان تداعي انتاية دعوة ذات بأس قول ليها ( يقلب رحمك)....وارجو ان تستعمل هذه الدعوة الا في ساعة زنقة.....فهي دعوة في عداد الدمار الشامل!!!
|
Post: #101
Title: Re: صبرك يا قرد..الموز بي يجيبك(توجد صورة)
Author: حافظ انقابو
Date: 02-12-2012, 09:35 PM
Parent: #94
صديقي د.عادل
هذه الجملةمفيدةجدا كتر منها ونحنا بنجهز ليك المحلبية
|
Post: #133
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-25-2012, 11:50 AM
Parent: #94
.jpg)
حمار يعفص اسفارا
|
Post: #136
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-27-2012, 05:44 PM
Parent: #94
حداعشر.. شافع..وشافعة..ولدتم مرا وااااااحدة في فرِد دعيمة....... حداعشر حداعشر...قطع شك يكون ابوهم ركب الظلط.....
|
Post: #144
Title: Re: صبرك يا قرد..الموز بي يجيبك(توجد صورة)
Author: سجيمان
Date: 03-15-2012, 07:00 PM
Parent: #83
والله يا انقابو...رفعت البوسطي دا عشان ابارك ليك البدلة
البدلة مبرووووكة
|
Post: #96
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-11-2012, 09:56 AM
Parent: #78
صديقي علي كِبر....تبارك شيخ الدين
ما عندي مانع ان ابيعك هذا البوست بتلاتة جنيهات........بيعا مشروطا.... و(على المتضرر اللجوء الي الترزي) اضيفت هذه الجملة امعانا في خفة الدم ......
الشرط هو ان تشيل البوست لكن تخلي لي كدايسي وقرودي في بكانن دا......ما بيتبعنك لي هنوك!!!
|
Post: #103
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-13-2012, 09:14 AM
Parent: #96
ولدنا حافظ اقنابو....انتو تجهزو المحلبية واتحنن انا؟ مش؟
المحلب الدقاقة.... بسمع حسيسن ناغا.....المحلبية من المحلب..... وقيل انها اخته في الرضاعة....وبعضم ذكر انها زوجته...واخرون ذهبو الي انها ابنته....وما زال الجدل قائم
المحلب الداقنو... تحت السرير خاتنو(سمسم القضارف)..... دا محلب ماخد دقة.... ولما اهلو جو يفتشو ليهو دسوهو منهم تحت السرير....لم يذكر التاريخ دقوهو ليه.... ولكنني اعتقد قضية أمن مجتمع!!!
كلام كدايس ..اخد نصو ادي نصو البحر
|
Post: #93
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-09-2012, 07:37 PM
Parent: #73
الله يبارك فيك يا علي.......
لكن تاني انا والكديسة نتحشر تحت العنقريب ونلبد......
|
Post: #92
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-09-2012, 09:25 AM
Parent: #71
شكرا يا حاتم
وانا سعيد بهذا الاعجاب.....واثلجت صدري
اهل هذه القرية يقولونها اثلاج الصدر من كسيّر التلج...وهو فعلة قد جلب عليها القوم قلما تجد من لا يكسر تلجاً....
اما العجب فهو اسم دلع واختصار للعجب امو....ودائما العجب امو ما يكون وحيد عند والديه....كفرد....
او جاء بعد بنات...فعجب امه وكان تالتن الما بيغالطن..واحيانا يغالطن ويبكي دلعاَ....
وعجبوني الليلة جو ترسو البحر صددو...تغنى هذه الغنية لمقاولين الحكومة ..والذين وقع عليهم العطاء لردم البحر....
والعاجبة وعا########ي... اسم اناتي....وعندما يغني الكابلي زينة وعا########ي ...فهو يغني لامراتين زينة والعاجبة. تمويهاَ.....
وهو يقصد العاجبة تحديدا عندما يؤكد انها تعجب كل شاعر.....
اما( العجب سيدو )فهو الموبايل... تلقاهو سيدو شايلو ويفتح فيهو ويهبش طول اليوم.
.بالرغم مناسم العجب سيدو على مر العصور اسم مذكر زايغ...
|
Post: #119
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-19-2012, 09:50 AM
Parent: #70
قلقو
| Quote: ما الراجل طلع انو كان (بيهظر). |
يعني الهظار والضحك هو القتل الجماعة....ماتو من الضحك؟
|
Post: #86
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-07-2012, 05:11 AM
Parent: #1
عشان اجرب الضحكة دي.
.....ماشاء الله ........ناقصة فاطر دهب!!!
|
Post: #90
Title: Re: صبرك يا قرد..الموز بي يجيبك(توجد صورة)
Author: أيمن الطيب
Date: 02-08-2012, 11:00 AM
Parent: #86
 ........
بالنسبة للقرد وكدا,,,
سلامات يا دكتور,,,
|
Post: #98
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-11-2012, 10:56 PM
Parent: #90
شكرا يا ايمن للمؤازرة... انا والقرود والكديسة
|
Post: #107
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-14-2012, 06:56 PM
Parent: #98
|
Post: #109
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-15-2012, 03:32 PM
Parent: #107
والله الضحكة دي عاجاباني جنس عجب!!!!
|
Post: #110
Title: Re: صبرك يا قرد..الموز بي يجيبك(توجد صورة)
Author: عبدالفتاح أبوشيمة
Date: 02-15-2012, 10:17 PM
Parent: #109
Quote: ما زال يضرب لكن اريتو ما ضربك....يركن ،ادي سدري ضربة يرجع يشتغل تاني....
يركن وانا ادق السدر...يركن وانا ادق السدر..... يركن وانا ادق السدر واكورك:-
بريدك يا صباح عمري....
تقول لي:- اسمعني يا صباح الخير
و يا جمل الشيل |
داقي سدرك مالك
دقّ السدر حطّم آمالك
واللا مالك يا حبيب مالك
قالت ليك ياخينا جد هامّالك
الدق عرفنا لكن شن جابو كوراكك
اركز يا زول الريد بجيب ليك ترحالك
والشال اللحمة منو؟
ووحياة الله ما أنا
قرقرقر
وفي رواية أخرى
قرار
والله ياعادل
إنت لا عندك قلب
ولا حاجة
ياخي داير تقتلنا
حرام عليك
نحن عندنا قلب
وبنحب
تبقوا علينا
الاتنين
يا ناس الطب؟
وقام الرجل كرترب
وذهب
|
Post: #111
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-16-2012, 09:32 AM
Parent: #110
صديقي ابا شيمة
سلامتك وسلامة قلبك.....
يلازمني الاندرال.....
مع افتتاح كهربة سد مروي...تلخبططت كهربة القليب
احلام الصبا تراودني......
الزهايمر يا طرطشة العجايز......
تغني لي كديسة الجحر..
ما بنبلع بطعمو مر .....
السيل بوبا يا الفوتك مو دحين
.... ادفع العليك...... والقشة ما تعتر لك.......!!!!!
|
Post: #114
Title: Re: صبرك يا قرد..الموز بي يجيبك(توجد صورة)
Author: حافظ انقابو
Date: 02-17-2012, 10:54 PM
Parent: #111
يا دكتور مساك الله بالخير
ياخي دايرلي كديسة من كدايسك المولدة
وبحكم الزمالةوالعشرة والعلاقات البيينا ح تديها لي بي كم؟؟
نسيت ياخ
انت كديستك دي بتولد كم مرة في السنة؟
وفي كل ولدة بتجيب كم ضكر؟ وكم انتاية؟
|
Post: #115
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-18-2012, 09:23 AM
Parent: #114
وليدي انقابو
الكديسة كانت قاعدة تلد كل شهرين..... لكن حسي ما بعرفا مالا.....؟؟؟؟
تكون المعايش االبقت قاسية دي هي السبب؟
لكن اول ما تلد بحجز لي واحد...بس انت حدد اللون
|
Post: #116
Title: Re: صبرك يا قرد..الموز بي يجيبك(توجد صورة)
Author: حافظ انقابو
Date: 02-18-2012, 10:43 AM
Parent: #115
Quote: الكديسة كانت قاعدة تلد كل شهرين..... لكن حسي ما بعرفا مالا.....؟؟؟؟
|
وديها البيطري .. شكلها دكترتك فكت ذي كورة حبيب نورة
Quote: لكن اول ما تلد بحجز لي واحد...بس انت حدد اللون
|
دايرا ذي لون امها .. واللسانالطويل دا .. تكون صورة منها بالكربون
|
Post: #120
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-19-2012, 02:01 PM
Parent: #116
حافظ انقابو
| Quote: دايرا ذي لون امها .. واللسانالطويل دا .. تكون صورة منها بالكربون |
خلاص يا انقابو..عندنا محاولة استنساخ ح نطلّع منها عشرين نسخة...بديك اتنين فنجرة مني !!!
|
Post: #118
Title: Re: صبرك يا قرد..الموز بي يجيبك(توجد صورة)
Author: عبدالفتاح أبوشيمة
Date: 02-19-2012, 00:02 AM
Parent: #111
Quote:
الزهايمر يا طرطشة العجايز......
تغني لي كديسة الجحر.. |
قلت لي جاك الزهايمر
أرح نزور بس ناس مخيمر
بس سيب كديستك في الجحاير
وإياك تلف درب القماير
ولا التطاول حق العماير
تقوم تفك السكرة وتروح الزهايمر
كان شفتهم من دون علاج
راح تبقى من ناس الضراير
ما كان أخير ليك الزهايمر
بدل تزاوج بين قرد اتكلمت عنه غابر
وبين كدايس متكفلتا فوق السراير
بعدين تعال شن كمان الاندرال
ما سمعناها تب في غنا الخلال
كل الدول لا بد يوم يفوتها دلال
كيفن يلازمك اندرال
ونحن حالنا بقالنا حال
امرق يا زول امرق تعال
دا هنا الحزن عامل دلال
فوق الجبال
عامل جبال
وسيبها عيشةً لات خبال
نحن برانا فارقنا الهلال
|
Post: #121
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-20-2012, 09:44 AM
Parent: #118
ابا شيمة
بجيك صادي.....
|
Post: #122
Title: Re: صبرك يا قرد..الموز بي يجيبك(توجد صورة)
Author: حافظ انقابو
Date: 02-20-2012, 11:13 AM
Parent: #118
| Quote: خلاص يا انقابو..عندنا محاولة استنساخ ح نطلّع منها عشرين نسخة...بديك اتنين فنجرة مني !!! |
خلاص عليك الله انا حاجز منها واحدة لـ علي ميرغني
واتنين لي
وواحدة لي كمال ادريس
واتنين لموسى حامد
وخمسة للبالي بالك
|
Post: #124
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-21-2012, 08:14 AM
Parent: #122
انقابو....لو البالب بالك دخل المنافسة...... ما ح تلقو ولا كديسة
لا انت لا على ميرغني ولا موسى حامد ولا كمال ادريس لا غيركم
|
Post: #123
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-20-2012, 06:21 PM
Parent: #118
صديقي ابوشيمة
كديستي يا ابشيمة...... بقت تجيها كوابيس
داك الليلة انا نائم في امانة الله....وهي نايمة ..تقوم منو وليهو بسم الله الرحمن الرحيم...وتنجونجو....
.وتلحس كراعي تصيحي..... صحيت لما اطمنت اني صحيت رقدت نامت تاني..تلاتة ايام في الحالة دي
|
Post: #126
Title: Re: صبرك يا قرد..الموز بي يجيبك(توجد صورة)
Author: عبدالفتاح أبوشيمة
Date: 02-22-2012, 03:08 AM
Parent: #123
Quote: كديستي يا ابشيمة...... بقت تجيها كوابيس
|
ما بتنوم ما بتنوم
ما تتوهم
والله خايف كديستك دي
تجيب ليك إنت ذاتك أبو الكباس
ونبقى في:
هوي ياناس
وأها يا ناس
وتخريفات أبو الكباس
جايبة ليك وجع الراس
مالية عيونك كل نعاس
ورغماً إنه في إحساس
بس عيوننا بقى فيها يباس
والباب اللي بجيب الريح
قلنا ليك سدّه واستريح
يا أخي سد سدوده وروح
ولي أسرارك قط لا تبوح
غير إنك تشتري ما تدّي بوح
وكونك تشرّه دا فيه الجنوح
مستحيل يعود بعد ما يروح
ابك نفسك ومعاك كل روح
حبيب اسمعني ماني بس نصوح
وكلامي واضح ما داير له أي شروح
وخليك فوق هناك سيبها ديّ سفوح
كفاك كم جالدت من ألم وجروح
معاناتك مكفّية جروح وقروح
حقه تشرد ويا روح ما بعدك روح
فتش وين تلقى ملايكة وروح
خلي جلسات أبالسة فوقا صروح
ويللا بينا أحسن نفوت ونروح
ما شفت كيفنه الكلام مذبوح
وما تسمع غير كل قول مسنوح
سب وشتم وكل الأدب ممسوح
فهمت حاجة؟ ولا أنا
ياخي إنت بالله بس
خفّف لينا من نصاحتك
اللي كتلتنا بالضحك
وبالله سلم لي على الشباب
كلهم
خصوصاً
كيمو وعبداللطيف وحسن عبدالله الماهو ترا
وكفارة ليكم اليومين ديل
أو أقول ليك إنت ماك فاضي
من كدايسك ديل
خلي إنقابو
يوصل لي السلام عليكم ورحمة الله وبركاته أما بعد
مع تحياتي له
|
Post: #127
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-22-2012, 09:06 AM
Parent: #126
ابشيمة يا صديق
يا رفيق
يا اب بالن طويل .......
حاشاك ماك ابو الدقيق
ابو الدقيق.... عينو في النار ويتلب فيها.....
حليل زمن قداحة النار...وحطب الشِقِل....
ندفأ بيهو...وصوت القنقر يتفقع فوق نارالحطيبات...ونحن نفرك في الايدين راجنو ينجض...
ونشيل القنقرة ونقعد نكُد..... الهامبيرقر يا غلة المسانيح
|
Post: #128
Title: Re: صبرك يا قرد..الموز بي يجيبك(توجد صورة)
Author: عبدالفتاح أبوشيمة
Date: 02-22-2012, 11:37 AM
Parent: #127
Quote: ندفأ بيهو...وصوت القنقر يتفقع فوق نارالحطيبات...ونحن نفرك في الايدين راجنو ينجض...
ونشيل القنقرة ونقعد نكُد..... الهامبيرقر يا غلة المسانيح |
يا شفيف
الدواخل في ناس قايلاك زولاً ساهل
وإنت كيداً ليهم ابقى زولاً ماهل
مهما صار الجسيم ناحل
مهم ياخي
كيفكنك تكون إنت من داخل
بظهر عندها كيف يكون التواضع ماثل
كيفن مشت دنياك وماك متّاكل
حبل المهلة بربط للطريف الكاحل
ناهيك عن بشر
كل يوم عزيزاً راحل
خله ينجض
وينجضنا بس بالماهل
خربانة أم بناياً مطرطش وكاحل
زمنك كان أخير من زمن سريويلاً ناصل
أيوة كُد
أصله الكد فيك كم خايل
والبيرقر شن بجيب غير مرضاً شايل وزائل
خليك زارع الفرح
باكر تجيه صوامل
يعرف ليك إنك قط ما كنت زولاً ساهل
والندم البجيه ما داير له أي دلائل
يا الله الكريم تمرقنا بس بالساهل
-
ياخي ما تجيب لينا صورتك اللات
سنون
وخلي الكديسة دي ترقد تنوم نوما
|
Post: #129
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-23-2012, 03:14 PM
Parent: #128
صديقي اب شيمة
بجيك صادي..ان ربنا ادانا عمر في الدنيا دي..مع الموت البقى يلفح من طرف....
|
Post: #142
Title: Re: صبرك يا قرد..الموز بي يجيبك(توجد صورة)
Author: سجيمان
Date: 03-04-2012, 02:41 AM
Parent: #128
صديقي ابا شيمة
Quote: أيوة كُد
أصله الكد فيك كم خايل |
كدّ يكدُ..فهو كداد... او مكدد.... او كدوود... كدّ الرجل الدومة.... بعضهم يكدها بانيابه وبعضهم بقواطعه...
اهل الشمال يكدونها قوطاع بالقواطع....اما اهل الوسط والشرق فهم من رعاة الناب....
وانا قد جربت كل الطرق.... الشرقية والشمالية.... فكنت حريفا فيها جمعاء....
و(من كدّ وجد).... كنت عندما تودر مني تعريفة واللا قرش...واللا ابخمسة.... اكد دومة واقعد اكوس تفعيلا للمثل(من كدّ وجد).....
وفي ليلة ليلاء ودرت مني تعريفة.... فكديت شوال دوم ولي يومك دا ما لقيتا......فكفرت بكل الامثلة......
وخصوصا مثل(العاجباهو ...... يبلع اللالوب)....انه مثل مدّمر..... تبارت فيه قوم من بني بلعُـقاع....فعدمو نفاخ النار..جراء التواء المصارين....وقفل المجاري..مما ادى الي طرشقة (الصُرة)....
كانو قوما بوبارين يتبوبرو بقيعانهم...وانها حملٌ لكل مبلوع...اها اليضقو تراهو نسلهم اتقطع!!!!!!
|
Post: #125
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-22-2012, 02:09 AM
Parent: #118
ابشيمة
انا راجيك
|
Post: #130
Title: Re: صبرك يا قرد..الموز بي يجيبك(توجد صورة)
Author: حافظ انقابو
Date: 02-23-2012, 10:28 PM
Parent: #125
Quote: نقابو....لو البالب بالك دخل المنافسة...... ما ح تلقو ولا كديسة
لا انت لا على ميرغني ولا موسى حامد ولا كمال ادريس لا غيركم |
يااااااااااااااخ بالله
يعني نحنا مكانتنا واطية للدرجةدي ؟؟
اها بعدكدا ح انا وانت في الهواء سوا
|
Post: #131
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-24-2012, 10:58 AM
Parent: #130
الصحافة بعبون قردية...........
|
Post: #132
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-24-2012, 10:43 PM
Parent: #131
القراءة بعيون....كديسية
|
Post: #134
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-26-2012, 05:50 AM
Parent: #132
الحمار يعفص اسفارا..........
|
Post: #135
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-26-2012, 06:25 PM
Parent: #130
ولدنا انقابو
| Quote: يعني نحنا مكانتنا واطية للدرجةدي ؟؟ |
حشاك يا العالي قدرك عندنا
انت مين زيك
يا المافي اتنين زيك
|
Post: #137
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-28-2012, 05:52 PM
Parent: #135
القراءة بعقلية الخروف............
|
Post: #138
Title: Re: صبرك يا قرد..الموز بي يجيبك(توجد صورة)
Author: سجيمان
Date: 02-29-2012, 05:38 AM
Parent: #137
القراية ام عض.........
|
Post: #140
Title: Re: صبرك يا قرد..الموز بي يجيبك(توجد صورة)
Author: سجيمان
Date: 03-01-2012, 07:53 AM
Parent: #138
فوق سماء بندر
بندر باللغة الهندية يعني قرد
فوق سماء بندر= فوق قنيقين القرد.... دا لو القرد واقف علي حيلو...اما لو كان قرد تغيان وراقد متشنقل علي قفاهو وبالضرورة وجود سروال (سِر بادوق)....فتكون تحت سماء بندر مع نسبية دوران الكرة الارضية!!!!
من ورقة نقدية بعنوان ( تكك السراويل ورد الاقاويل في جائزة الطيب صالح)!!!!!
|
|