السلطات تمنع الامام دخول ساحة المعتصمين بالدامر ...

*

الامام الصادق يلتقى بقياده المعتصمين بدار حزب الامه بعدرفض السلطات مخاطيته للمعتصمين فى الميدان

بواسطة: المنصورى نادر نور


الصور تتبع ...

الله اكبر ولله الحمد

0

هلا يا الاحباب
وناس الامن ديل ما كان يصبرو شوية ممكن يكون الامام ده جاااي زول جودية لووووووول
باقي يا محمد ابو ام سلمي ده اليومين دي مااااااا زولي
وياريت ياااخ يلتقط نبض الشارع ورياح الثورة العارمة ويفكها شووووووووية

Quote: باقي يا محمد ابو ام سلمي ده اليومين دي مااااااا زولي

ترا دير بالك ...انت برضك ياخوى ما الايام دى بس ...من يومك
(مو) زولنا ...

الشرطه طوقت ميدان الاعتصام بالدامر خوفا من دخول الامام الصادق المهدى اليه ومخاطبه المعتصمين

تنويه :

هذه الصورة الاخيرة مع الخبر المرفق منقولة من بوست الاخ اسعد
صلاح البدرى ...له الشكر على المجهود ...

حاجة غريبة بجد !!!

شكرا لحزب الامـــــــــــة القومى



قيادة واعضاء رجال ونساء احباب واميرات

رئيس لجنة المناصير احمد عبدالفتاح

ياااااااااه ما هذا النظام الذي يفتح أبوابه ودوره ودوايينه بكل أريحية لقادة "المعارضة" ليديروا من خلالها أزمة التظاهر والاعتصام ضد النظام نفسه!!

الصورة تجسيد حقيقي لواقع حال حزب الأمة الراهن والدور الذي يلعبه الصادق المهدي لصالح النظام رغم أنف إدعاءات محمد عبد الرحمن

Quote: ياااااااااه ما هذا النظام الذي يفتح أبوابه ودوره ودوايينه بكل أريحية لقادة "المعارضة" ليديروا من خلالها أزمة التظاهر والاعتصام ضد النظام نفسه!!

دا نظام ديمقراطي عندك مانع ؟!!
موش يمكن خاشي بمقعد ابنه ؟!!

مشكللة المناصير مشكلة واضحة وضوح الشمس -- ناس تم خداعهم شالو ارضهم واموالهم وتم تهجيرهم من ارضهم غصبا قالو ليهم بنديكم تعويض الحكومة لهقت التعويض الشالتو من بيوت تمويل سد مروي ودخل علي كروشا --- مافي اي تعويض الان ح يتم دا مافيهو اي شك -- رئيس حزب الامة نفسه محتاج لتعويض اموال حزبه المصادرة حامينها ليهو --- تفتكر ممكن يتم تعويض عن طريق زعيم حزب الامة من الحكومة وناس ابو العفين يخلو الفضل يرجع لرئيس حزب معارض ؟!!!

ياخي نموذج نادر للديمقراطية !!!

Quote: رغم أنف إدعاءات محمد عبد الرحمن

هدهد ياحبيبنا ...والله انت لو جبنا ليك لبن الطير مابنعجبك ...
لذلك رضاك ماغاية مراضنا ..او كما قال ....


عموما حبابك رغم الجفا ...

انت يا محمد خليك من رضاي

وعلى الأقل أعرف انك بتخاطب ناس واعيين هم عضوية هذا المنبر والقراء كذلك..
فأنت جيت يا صاحبي جيت وابتدرت موضوعك بعنوان : ( السلطات تمنع الامام دخول ساحة المعتصمين بالدامر ) وواضح انك من خلال هذا العنوان تريد الترويج لشيء محدد، وهو أن النظام يضايق الصادق المهدي، أو ربما الإيحاء بأن الصادق يمثل موقفاً مغايراً ومعارضاً للنظام من قضية المعتصمين هذه..

ولكن للأسف الشديد صورك التي أحضرتها بنفسك قد خذلت عنوانك وقطعت ليك فكرة البوست في رأسك وهدمتا ليك من الأساس :)

وربما أكتر حاجة مناسبة ممكن أقولها ليك من وحي هذه الصور إنو الصادق ذهب ليلعب دور الجودية أو الوساطة بين النظام والناس المحتجين ديل

أها كده كيف معاك ؟؟

up

شكرا ياعبدالواحد ...وكلنا فى الهم مناصير ...



هدهد يا ...انت عارف انا فاشل جدا فى محاورتك
من زمان مااسى ..لانو لو بديت معاك ...بتدخل
فى مائة موضوع كدا ..وبتضيع فهمى وبوستى وزمنى ..
فبالله ماتسكنى ...

خلاص يا محمد يا زول براحتك..

ممكن أرد على مداخلة صاحبي ود العمدة ده ؟؟

Quote: دا نظام ديمقراطي عندك مانع ؟!! موش يمكن خاشي بمقعد ابنه ؟!! مشكللة المناصير مشكلة واضحة وضوح الشمس -- ناس تم خداعهم شالو ارضهم واموالهم وتم تهجيرهم من ارضهم غصبا قالو ليهم بنديكم تعويض الحكومة لهقت التعويض الشالتو من بيوت تمويل سد مروي ودخل علي كروشا --- مافي اي تعويض الان ح يتم دا مافيهو اي شك -- رئيس حزب الامة نفسه محتاج لتعويض اموال حزبه المصادرة حامينها ليهو --- تفتكر ممكن يتم تعويض عن طريق زعيم حزب الامة من الحكومة وناس ابو العفين يخلو الفضل يرجع لرئيس حزب معارض ؟!!! ياخي نموذج نادر للديمقراطية !!!

ما افتكر يا عمدة انو ممكن يتم تعويض لهؤلاء الناس عن طريق "رئيس" حزب الأمة..
والمسألة كلها عندي لا تخرج عن كون إنو الصادق يحاول تسجيل بعض النقاط باستغلال اعتصام هؤلاء الناس ومطالبهم المشروعة ليرفع من أسهمه التي باتت في أدنى مستوى لها على صعيد ما يمكن أن نسميه "قيادة العمل المعارض" للنظام، وفي نفس الوقت هو لا يريد إغضاب النظام وتخريب مشروع "الأجندة الوطنية"..
وبالنسبة للنظام فلاشك أنهم مدركين لحاجة الإمام في هذا الوقت لبعض الدعاية السياسية خصوصاً بعد تعيين ابنه في القصر، وهو أمر ربما يلتقي مع مصلحة النظام في إبعاد خصومه اللدودين من نشطاء المعارضة وزعمائها الآخرين وكف أيديهم عن استغلال هذا الأمر وإضافته إلى ملفات الصراع مع النظام، خصوصاً والمنطقة برمتها ربما ينظر إليها باعتبارها "الملاذ الآمن" للمؤتمر الوطني وبعض قادته من بين كل مناطق وأقاليم السودان التي تموج بالاضطرابات والحروب في وجههم..
على أنه قد يكون بغض غلاة المؤتمر الوطني من انسداد الأفق لدرجة بحيث لا يستطيعوا حتى رؤية هذه المصلحة، وبالتالي فقد تنتهي "جودية" الصادق المهدي من حيث ابتدت..