قناه ساهور بدل ان يغلقوها ....... زادوها!!!!!!!

حقيقه لا اعرف من هو العبقري الذي يضع السياسه الاعلاميه لهذا البلد وحقيقه لا اعلم من اين تاتي ميزانيه قناه ساهور
اذا كانت اموال لشخص او جهه خاصه فلا دخل لنا بها والعندو مال محيرو يستري حمام ويطيروا اما اذا كانت تاتي من المال العام الشحيح والذي لا يكاد يكفي حق قفه الملاح فتبقي تلك مصيبه .. هذا القناه ساهور والتي لا يشاهدها الا اهلها فقط والتي شوهت المديح وجعلته كالمسخ فلا هو غناء يستمتع به المرء ولا هو مدح للمصطفى يخشع المرء عند سماعه
راينا السكارى يمدحون الرسول ص وراينا المقبوضين في جرائم اخلاقيه وراينا عيون الغناء السوداني تسرق الحانها وتركب على كلمات يقال انها لمدح المصطفى ص
كل ذلك ونحن ننتظر شخص رشيد يوقف هذا العبث حتى جاء الامس وانا احاول ان انزل قناه قوون على القمر عربسات لاجد قنوات جديد لساهور واحده باسم القمر الهاشمي والاخرى باسم ساهور دراما
بالله عليكم ماذا يمكن ان تقدم مثل هذا القنوات سواء للمتلقي از لخدمه قضيه ما.
اما كان الاجدى دعم التلفزيون القومي الذي يشكوا العاملون به من الفقر والفاقه
ونختم بما بداءنا به من يفكر ويضع الاستراتيجيه الاعلاميه لهذا البلد وكيف يخطط والى اين يريد ان يصل ولا حول ولا قوه الا بالله

هل تم جرد حساب ساهور الام ووجد انها حققت ارباح هائله واقصد بالارباح هنا شقيها المادي والاعلامي
مما جعل العباقره يطلقون قناتين اضافيتين
وماهو الهدف اصلا من قناه ساهور الام

يا معلم .. خليكـ جادي شوية!!
ساهور عديل كـدا؟

محمد
والله انا زاتو اتخلعت كدي امشي نزل التردد ده على عرب سات
10810 افقي
ليست واحده بل ثلاث قنوات فتاكه
الناس دي اكيد ما جاده

يا عمكـ .. تردد شنو ياخ!!
القناة دي لما تجي نازلة بالغلط ساي بديها أجدع ديليت!!



يا معلم .. كبّر الـ G .. وروّق الـ D!
وريّح الرسيفر كمان!!

يا فرده
الناس دي لازم زول يقول ليهم عووووووك
متذكر مره الطاهر ساتي كتب عن امين ديوان الزكاه السابق الفادني قال طلع ليهو خمسين الف دولار تبرع لانشاء قناه
ولحدي يومي ويومك ده مافي قناه انشئت
والقروش ما رجعت والموضوع عادي زي الزبادي
اها العبد لله هنا عايز حقو زي هاني رمزي
لو ساهور دي من مالنا
انا فدياس نجم الدين ما عافي حقي وعايز قروشي ترجع
وكان كمان دي من حر مال بعض السذج
فهم احرار في ضياع مالهم
لكن كمان يتاجروا بعيد من خير خلق الله

فدياس سلام

بعيد عن الموضوع ..

مسجنترك..وما رديت..

بخصوص الاسم وكده..



ولا الموضوع صفحة وانطوت..


اقعد عافية

محمد
ما وصلني منك ماسنجر
لكن اقول ليك اعتبره وصل

واقلب الصفحه وخلينا نواصل

الأخ فدياس
السلام عليكم ورحمة الله وبركاته

توقفت عن مشاهدة القناة لفترة تزيد عن العامين حيث كان الأمل أن ينصلح الحال ولكنه خاب في هذه القناة وفي هذا الخيط بعض ما سقناه عن ساهور
عيبوا لي ... ساهور !‏

لكن بيني وبينك الناس ديل بالغوا كونو يعملوا قناة تانية ياخ الأولى مذيعنها مابعرفوا التكتح لا في الإعلام ولا في التعظيم الذي رفعوه شعاراً

ابوعبيده
هؤلاء القوم لا يقرؤا وان قرؤا لا يفقهوا

حسبي الله ونعم الوكيل

فدياس سلامات

بصراحة القناة دي امرها غريب و محير

مودتي

عمر منجي
حكايات تروى ان ساهور يتم تمويلها من بنك امدرمان الوطني
واخبار اخرى تقول ان تمويلها ياتي من سوداتل
وهذه مؤسسات عامه وليست افطاعيه ليتصرف فيها البعض كيفما يشاء
ساهور ..........من يوقف هذا العبث