Post: #1 Title: مسيحية حسن خليفة العطبراوي Author: khalid Elkhidir Date: 01-16-2012, 09:16 PM
مسيحية كلمات محمد علي طه
ياسلوة المحزون ياقيثارة القلب الجريح يادرة فاقت علي الاتراب بالقد المليح يازهرة انفاسها كالعطر عبقت الضريح اهوي جمالك والشعور يزينه القول الصريح قد هزني منك الجمال فجئت بالشعر الفصيح فترفقي ياهذه فالناس من جسد وروح فبحق بطرس يافتاتي من شفا الرجل الكسيح وبمريم العزراء وبالاحباربالراعي الصليح وبماري جرجس والصليب وبالكنيسة والمسيح وبالكاردنال بفرقة البطريق بالرجل الصفوح بالقس بالمطران بالدير المقدس بالسموح بمعابد الرهبان بالجرس المرن علي السفوح بمشاعل الميلاد بالشجر المنور بالصبوح ان ترحمي متعزبا يهواك في حب صحيح ومتي يتم لقائنا في شاطئ النيل الفسيح والموج والصفصاف والقمر المطل علي السطوح وانين ساقية تدور وصوت مزمار يصيح وبدت نجوم الفجر بالاضواءفي الافق تلوح وتجئ شقشقة الطيور كرنة الوتر الزبيح فهناك ينبعث السرور علي النفوس فتستريح
Post: #2 Title: Re: مسيحية حسن خليفة العطبراوي Author: د.يوسف محمد طاهر Date: 01-17-2012, 05:51 AM Parent: #1
عنوانك خطييييييير يا خالد ... أنا إفتكرت حسن خليفة العطبراوي مسيحي ...
Post: #3 Title: Re: مسيحية حسن خليفة العطبراوي Author: khalid Elkhidir Date: 01-17-2012, 04:08 PM Parent: #2
Quote: عنوانك خطييييييير يا خالد ... أنا إفتكرت حسن خليفة العطبراوي مسيحي
سلام عليكم يا دكتور, كيف اوحى لك عنوانى ما إفتكرت ؟
Post: #4 Title: Re: مسيحية حسن خليفة العطبراوي Author: د.يوسف محمد طاهر Date: 01-18-2012, 10:41 AM Parent: #3
Quote: كيف اوحى لك عنوانى ما إفتكرت ؟
لأنك لم تستعمل أي علامة ترقيم فوقع اللبس ... لك التحية يا خالد ... بس القصيدة حلوة ... أما العطبراوي فغني عن التعريف ...
Post: #5 Title: Re: مسيحية حسن خليفة العطبراوي Author: khalid Elkhidir Date: 01-18-2012, 04:25 PM Parent: #4
السلام عليكم ورحمة الله, معليش يا دكتور سامحنا على الخطاء, لم يكن القصد إطلاقا تنصير العطبراوى.
تحياتى.
Post: #6 Title: Re: مسيحية حسن خليفة العطبراوي Author: معاوية المدير Date: 01-18-2012, 04:43 PM Parent: #5
ود الخدر غاب وجآب. والله صحي.
يا زول غاتس وين ؟؟؟
رحم الله العطبراوي، كان يقول في الأسى ضاعت سنيني هي أجمل ما غنيت. صدق. كدي أسمع دي يا خالد، وبجيك لأغنية مسيحية بروآقة كان الكريم هوّن.
مشتاقين...
Post: #7 Title: Re: مسيحية حسن خليفة العطبراوي Author: Balla Musa Date: 01-18-2012, 04:56 PM Parent: #6
سلام ياخالد
أكيد اخترت هذه الأغنية وانت فى مزاج راااااااايق
من الإسم: هل لك علاقة بدكتور أحمد الخضر من نواحى خليوة؟
Post: #9 Title: Re: مسيحية حسن خليفة العطبراوي Author: khalid Elkhidir Date: 01-19-2012, 11:24 PM Parent: #7
سلام عليكم يا دكتور, و الله ما عارف السبب لكن مافى عزر خالص, لغويا انا مخطى. الدكتور احمد الخضر لا يقرب لى, لكن اى سودانى من حلفا لى نمولى و من بورتسودان للجنينه هو جزء لا يتجزء منى :)
Post: #8 Title: Re: مسيحية حسن خليفة العطبراوي Author: khalid Elkhidir Date: 01-19-2012, 11:08 PM Parent: #6
و عليكم السلام ياود المدير, كيف الحال و الاحوال و إن شاء الله بخير يا حبيب. طبعا رامى الرماى ده لى يومين مافى واحد عبرنى غير الدكتور مسكنى لافى غلط و طلعنا بى مخالفه بسيطة. طبعا عارفك حاتكون عارف تفاصيل القصيدة الروعه دى و اثر شاعرها. لك مطلق الحريه فى ان تتحفنا بما تجود به ذاكرتك تجاه هذه التحفة الفنيه الرائعة.
تحياتى
Post: #10 Title: Re: مسيحية حسن خليفة العطبراوي Author: khalid Elkhidir Date: 01-20-2012, 10:36 PM Parent: #6
يا سلام يا معاوية مشتاقين و الله, و دايما خياراتك قمة الرقى. بينا تلفون إن شاء الله.
Post: #11 Title: Re: مسيحية حسن خليفة العطبراوي Author: munswor almophtah Date: 01-20-2012, 10:47 PM Parent: #10
خالد العطبراوى هذا لا يتفوق عليه إلا الكاشف فى مبدع بفطره فنيه بائنه وهو يجيد التطريب ويعايشه كأبوداوود الله يرحم العطبراوى فأتنا بأنا سودانى وأنظر لما فى تلك الأغنيه من سحر وبيان وجمال لافت وموقظ للحس الوطنى فى من لا حس له على الإطلاق.
لك السلام
منصور
Post: #12 Title: Re: مسيحية حسن خليفة العطبراوي Author: khalid Elkhidir Date: 01-25-2012, 08:19 AM Parent: #11
Quote: خالد العطبراوى هذا لا يتفوق عليه إلا الكاشف فى مبدع بفطره فنيه بائنه وهو يجيد التطريب ويعايشه كأبوداوود الله يرحم العطبراوى فأتنا بأنا سودانى وأنظر لما فى تلك الأغنيه من سحر وبيان وجمال لافت وموقظ للحس الوطنى فى من لا حس له على الإطلاق.
االصديق الصدوق منصور كيف الحال و إن شاء الله بخير. العطبراوى مجلد فنى متعدد الاجزاء, كل ما يذكر العطبراوى تذكر مدينة عطبرة حيث العمال و كفاحهم و انا سودانى انا و لن نحيد, رحم الله العطبراوى و افسحه فسيح جناته.
Post: #13 Title: Re: مسيحية حسن خليفة العطبراوي Author: khalid Elkhidir Date: 01-26-2012, 05:53 AM Parent: #12
Post: #14 Title: Re: مسيحية حسن خليفة العطبراوي Author: معاوية المدير Date: 02-03-2012, 01:16 PM Parent: #13
سلآمات يا ود الخدر.
مسيحية تعتبر وآحدة من أُغنيات حسن خليفة محمد الفضل ( حسن خليفة العطبراوي ) القديمة وشاعرها هو الشاعر محمد علي طه.
Post: #15 Title: Re: مسيحية حسن خليفة العطبراوي Author: khalid Elkhidir Date: 02-04-2012, 02:34 AM Parent: #14
Quote: مسيحية تعتبر وآحدة من أُغنيات حسن خليفة محمد الفضل ( حسن خليفة العطبراوي ) القديمة وشاعرها هو الشاعر محمد علي طه.
شكرا يا امير, و منتظرين منك و من اهل عطبره/ادبره اكثر من ذلك عن هذا الصرح العظيم (العطبراوى)
