شوفوا كيف الخرطوم استقبلت قوات العدل والمساواة:

للناس البتعتقد انو الخرطوم مدينة مقدسة ومحرّمة ناسين
انها بسبب العصابة الجاثمة على صدرها اصبحت مدينة معطوبة،
تقبلت وح تقبل كل اشكال الاحتمالات

الحملة المدورة للتباكي على الخرطوم واهلها الايام دي ، عايزين يعملومنها (ناقة عائشة) تتدارى وراها القطط السمان.
الخرطوم بقت سودان مصغر فيها كل الناس ومجموعات كبيرة مسحوقة و منهوبة ليست في مصلحتها استمرار عصابة الخرطوم
عصابة الخرطوم تتحدى في الناس و مواصلة في التعذيب و القتل والاعتقال، باعوا واشتروا رضاء الجيران من الدول ذات التأثير المباشر، اشتروا قادة الاحزاب الكبيرة وضمنوا سكاتهم
الناس تظاهر في الشارع تواجه بعنف غير مسبوق، سنوا اسلحتهم لأبادة يومية في مناطق الهامش،إغتالوا د.خليل غدرا وخسة في غير مواجهة عسكرية، كل المدنيين المعارضيين ووخاصة المؤيدين من ابناء الغرب للجبهة الثورية اصبحوا هدف مباشر للأمن والاعتقال و الاختفاء.
درب واحد البقى وهو انتقال المعركة لموضع اقدامهم وبيوتهم وسلطتهم وقواعدهم العسكرية في قلب العاصمة، وده ما بيتم الا بتحالف كامل بين قوى الاسقاط والتغيير في الداخل والمعارضة المسلحة بالاضافة لغطاء جوي لتدمير قدرة مليشيات البشير الجوية.

Quote: درب واحد البقى وهو انتقال المعركة لموضع اقدامهم وبيوتهم وسلطتهم وقواعدهم العسكرية في قلب العاصمة، وده ما بيتم الا بتحالف كامل بين قوى الاسقاط والتغيير في الداخل والمعارضة المسلحة بالاضافة لغطاء جوي لتدمير قدرة مليشيات البشير الجوية.

بس نتمنى يكون عندكم قنابل ذكية تفرز الكيزان من ضحاياهم

المقدمة حقت كلامك ما بتخفي احلام قتل ناس الشمال واشراكهم قي العذاب..

العنوان مضلل شديد الخرطوم لم تستقبلهم ولن تستقبلهم الا بالطريقة التي حدثت ودا قطع زراعهم الطويلة..

بشروا بالسلام ما بالحرب

Quote: المقدمة حقت كلامك ما بتخفي احلام قتل ناس الشمال واشراكهم قي العذاب..

يا دكتورة بتقصدي شنو ب(ناس الشمال)؟؟ وين مكانهم في الخرطوم

الكلام هنا عن سكان الخرطوم لا (ناس الخرطوم) لان حرب الاطراف غيرت تركيبة سكان الخرطوم اصبحت سودان مصغر نزح ليها معظم(ناس الاطراف) بحثا عن الخدمات والحياة فناس الشمال دي في الخرطوم عايزة ليها تعريف.

تحياتي الأستاذ صلاح أبو زيد

هؤلاء -أمثال الدكتورة- يرون أن الحرب طالما هي دائرة في جبال النوبة أو جنوب النيل الأزرق ما في مشكلة، لكن المشكلة تبدأ عندما تأتي إلى الخرطوم. عموماً يا سيدي وحتى لا يذهب بوستيك عن مراميه أقول لك عملية الذراع الطويلة أنا كنتا موجود في جامعة الأحفاد يعني قريب من السوق الشعبي أم درمان لحظة دخول قوات حركة العدل والمساواة ما اضطرني للمكوث في أم درما يومين على الرغم من إنني كنت في إجازة. لمن طلعنا من أم درمان تالت يوم أنا وصديق قررنا أن نمشي سقو الموردة لو لقينا سمك وبالفعل لقينا سمك بعديو وقفنا أمام كشك موز في نفس سوق الموردة وسألنا صاحبو أها الجماعة ديل - ونعني قوات العدل والمساواة - ما جو بي عندك هنا؟ قال لينا والله جو ووقفوا في محلكم دهـ وقالو لي ياح حاج دايرين موزك دهـ كلو بيكون بي كم؟ وكان بمقدورهم أن يأخذا ما يريدون تحت أمر السلاح، المهم عملك قال ليهم والله أنا كلو ما بقدر أقدر سعروا المهم قالوا ليهو هاك دي 100 دولار لو زادت عن حقك عافين ليك ولو نقصت أعفي لينا وشالوا الموز كلو. هؤلاء يا صلاح ليسوا مليشيات الدبابين المتأسلمين حتى ينهبوا ويسرقوا ويغتصبوا ويحرقوا القرى من واقع ضغائن متوهمة، هؤلاء مقاتلين ولهم فكرة تحرر تمشل كافة أعراق السودان حتى الجلابة الزي الدكتورة دي وبالتالي لهم أخلاق الفرسان وستراهم في قلب الخرطوم كيف يتصرفون.

Quote: هؤلاء -أمثال الدكتورة- يرون أن الحرب طالما هي دائرة في جبال النوبة أو جنوب النيل الأزرق ما في مشكلة، لكن المشكلة تبدأ عندما تأتي إلى الخرطوم. عموماً يا سيدي وحتى لا يذهب بوستيك عن مراميه أقول لك عملية الذراع الطويلة أنا كنتا موجود في جامعة الأحفاد يعني قريب من السوق الشعبي أم درمان لحظة دخول قوات حركة العدل والمساواة ما اضطرني للمكوث في أم درما يومين على الرغم من إنني كنت في إجازة. لمن طلعنا من أم درمان تالت يوم أنا وصديق قررنا أن نمشي سقو الموردة لو لقينا سمك وبالفعل لقينا سمك بعديو وقفنا أمام كشك موز في نفس سوق الموردة وسألنا صاحبو أها الجماعة ديل - ونعني قوات العدل والمساواة - ما جو بي عندك هنا؟ قال لينا والله جو ووقفوا في محلكم دهـ وقالو لي ياح حاج دايرين موزك دهـ كلو بيكون بي كم؟ وكان بمقدورهم أن يأخذا ما يريدون تحت أمر السلاح، المهم عملك قال ليهم والله أنا كلو ما بقدر أقدر سعروا المهم قالوا ليهو هاك دي 100 دولار لو زادت عن حقك عافين ليك ولو نقصت أعفي لينا وشالوا الموز كلو. هؤلاء يا صلاح ليسوا مليشيات الدبابين المتأسلمين حتى ينهبوا ويسرقوا ويغتصبوا ويحرقوا القرى من واقع ضغائن متوهمة، هؤلاء مقاتلين ولهم فكرة تحرر تمشل كافة أعراق السودان حتى الجلابة الزي الدكتورة دي وبالتالي لهم أخلاق الفرسان وستراهم في قلب الخرطوم كيف يتصرفون.

بالجد في كتابات كدا ما تقدر تقراها بدون ما الضحك يشرطك.ز نفهم من كدا انهم ناس طيبين شديد
طيب منو القتل المدنيين الماتو في الذراع الطويلة دي؟

مقاتلين قال يا راجل ما تبالغ كمان..واخلاق فرسان كمان؟


ودي الناس ا المسكنية البتفتكر اي زول يخلصها من الانقاذ كويس وممتاز وبيعفى قروشو

دي حرب يا رجل اعظم الجيوش المنظمة المرتبة موش قطاعين الطرق والعصابات
يمارسون انتهاكات لحقوق الانسان..

الله يهديك وينجضك بعد دا

سلام

صاحب البوست

يا اخي نحن داخلين الخرطوم داخلين الخرطوم الما عاجبو اليقع النيل

ثانيا

نحن همنا سلامة المواطن عندما تحدث زميلنا يدري مايقول

عشان ما تبقي حرب زقاقات لانو اي مكان تقوم منو طلقة بتهي في الحال

خير الكلام ماقل ودل

احترامي لك ولطيوفك

الاخ مرتضى تحياتي
التركيز على الخرطوم وتخويف سكانها بدأ بعد اعلان كاودا طبعا الكيزان عايزين كسب الحرب النفسية باشاعة انو المستهدف الخرطوم (وناسها) و ليس السلطة، شوف زي الخبر التالي:

Quote: الخرطوم - الأهرام اليوم كشفت مصادر شرطية لـ(الأهرام اليوم) عن مخطط يتزعمه أمين عام الحركة الشعبية؛ ياسر عرمان، لتنفيذ اغتيالات لرموز دينية وبعض كتاب الأعمدة الصحفية بالصحف اليومية. وقالت المصادر إن عرمان كون مجموعة من (40) شخصاً وتم تدريبها وتأهيلها خارج السودان وعادت إلى الدمازين حاضرة النيل الأزرق، وأضافت المصادر أن توجيهات صدرت للمجموعة من قبل نائب الأمين العام بالتسلل مع النازحين من النيل الأزرق للإقامة مع ذويهم بولاية الخرطوم لتنفيذ عمليات اغتيال الرموز الدينية وبعض كتاب أعمدة الصحف اليومية تحت ستار السطو الليلي

تاريخو 2011/09/08

التسلل مع النازحين والاقامه مع ذويهم (ناس نيل ازرق) لتنفيذ اغتيالات في الخرطوم؟؟؟ التهمة ابعد من ياسر عرمان مقصود بيها الغبش ديل بتاعين السطو الليلي هم اعداء (الخرطوم المقدسة) مقام الرموز الدينية ؟

بالضبط يا صلاح دي طريقة تفكيرهم الآثمة. ما يؤكد ذلك أنه وعندما قدم السيد ياسر عرمان شهادته أمام الكونغرس قام الطيب مصطفى بفتح بلاغ ضد ياسر بتهمة التحريض على قلب نظام الحكم. لكن يبقى المواطن البسيط بانتظار الخلاص من مجرمي الحرب على يد الجبهة الثورية السودانية وقريباً جداً.

Quote: يا اخي نحن داخلين الخرطوم داخلين الخرطوم الما عاجبو اليقع النيل

الاخ سيف تحياتي
الخرطوم نفسها بتفتش في الخلاص