الحزب الشيوعى الصينى يمنح المؤتمر الوطنى 100 مليون (ما قلتو كفار)

اه يا كيزان ما قلتو الشيوعين كفار.. طيب بتاكلو من عرق جبين الشيوعين كيف ؟

Quote: تعهد حزبا المؤتمر الوطني والشيوعي الصيني الحاكم، بتقوية العلاقات الثنائية بين البلدين والحزبين لتعزيز المصالح الاقتصادية والثقافية والسياسية بينهما ،ووقعا على عدد من الاتفاقيات الاقتصادية من بينها منحة بمبلغ 100 مليون يوان صيني للسودان، وحفر مائة بئر في دارفور بجانب الاتفاق على تعميق التعاون بين وزارة النفط السودانية والشركة الوطنية الصينية للبترول. وأكد نائب رئيس المؤتمر الوطني لشؤون الحزب، الدكتور نافع علي نافع، لدى مخاطبته الجلسة الافتتاحية للحوار بين الحزبين بقاعة الصداقة امس، التزام السودان بالاتفاقيات الاقتصادية المبرمة بين الجانبين، والالتزام بسداد القروض والمتأخرات، واعرب عن امله في وضع خارطة طريق للعلاقات بين البلدين والحزب الشيوعي الصيني والمؤتمر الوطني لتحقيق المصالح والثقة المتبادلة بينهما ،وقال ان الخرطوم « تقدر تماماً تفهم بكين للصعوبات التي يمر بها السودان،» واعتبر زيارة الوفد الشيوعي الصيني مهمة ،مبيناً انها جاءت في وقت تشهد فيه الساحة الاقليمة عدداً من المتغيرات ،وانه لابد من التشاور مع الصين للتعاطي مع هذه المتغيرات ،واضاف ان السودان تواجهه تحديات كبيرة في ظل الحصار المفروض عليه من الدول الغربية الذي قال انه ابطأ من مسيرة التقدم ،لكنه رغم ذلك قدم انجازات غير مسبوقة في تطبيق النظام الفيدرالي، واشراك الاحزاب في الحكومة. واشاد نافع بعلاقات الصين الخارجية ،مؤكدا انها اكسبتها الصدق والاحترام في افريقيا والسودان، وقال نحن نعول على الصين ونتطلع لتطوير العلاقات بين الحزبين لدفع المصالح المشتركة. من جانبه، قال رئيس اللجنة المركزية بالجزب الشيوعي الصيني، لي وان شاو ،ان السودان من اعز اصدقاء الصين في القارة الافريقية، وان العلاقات المتبادلة بين البلدين منذ نصف قرن اصبحت نموذجاً للعلاقات في التعاون، مؤكداً اهتمام بلاده بالسودان في ظل المتغيرات التي طرأت مع عدم التدخل في شؤونه الداخلية. وطالب شاو، بضرورة التعاون بين الشركات والمنظمات الشبابية والنسائية بين البلدين، وقال ان حزبه يسعى لتعزيز العلاقة الاستراتيجية مع المؤتمر الوطني من خلال الحوار الرفيع الذي يجري بين الحزبين. ووقع الجانبان عددا من الاتقاقيات الاقتصادية من بينها منحة 100 مليون يوان صيني للسودان، ووقع من جانب السودان وزير المالية علي محمود ،ومن جانب الصين وزير التجارة الصيني ،بالاضافة الى حفر مائة بئر في دارفور، واتفق الجانبان على تعميق التعاون بين وزارة النفط السودانية والشركة الوطنية الصينية للبترول، ووقع من جانب السودان وزير النفط الدكتور عوض احمد الجاز ومن جانب الصين رئيس الشركة الوطنية الصينية للبترول. الى ذلك، قال رئيس اللجنة المركزية بالحزب الشيوعي الصيني ،ان المؤتمر الوطني حزب له تجارب وخبرات واسعة «ويمكن الاستفادة منها ،ونحن نريد التعلم منه. ووجه شاو، لدى وقوفه على تجربة المؤتمر الوطني ولاية الخرطوم امس، الدعوة للحزب بالولاية لزيارة الصين لتبادل الخبرات والمشاركة في الدورات التدربية والتثقيفية. من جانبه، اشاد نائب رئيس المؤتمر الوطني ولاية الخرطوم، الدكتور محمد مندور المهدي، بمواقف الصين القوية تجاه السودان ودعمها لمواقفه السياسية والاقتصادية، وموقفها ضد المحكمة الجنائية ،وقال ان العلاقة بين البلدين ليست «علاقة حزب وحزب او دولة ودولة « ولكن علاقة شعوب. واكد مندور ان حزبه بالولاية له 1358 شعبة اساس وعضويته تبلغ 1200 عضو، الامر الذي مكن الحزب بالولاية من احراز 83 مقعدا في المجلس التشريعي من جملة 84 مقعدا، بجانب احرازه 60 مقعدا بالبرلمان ،مبيناً ان نسبة المرأة بالحزب تشكل 60%

Quote: فتوى «الرابطة الشرعية للعلماء في السودان» بتكفير «الحزب الشيوعي السوداني

ما هو موقف رابطة علماء فى السودان من اموال الحزب الشيوعى الصينى ؟

يا ناصر ياخى دا اسموا فقه الضرورة عند الكيزان

يعنى ممكن يقتلوا علشان يحققوا مصلحتن

فى طاش ما طاش كان فى حلقة عن البنوك الاسلامية

المهم فى واحد كان بيصلى الصلوات الخمس فى الجامع، بس كان شغال فى بنك ( ربوى حسب التعريف )

الجماعة قالو دايرين تبرعات ، لمن اتبرع قالو ليهو ما عايزين قروشك لانو قروشك مصدرها حرام

لمن الجماعة اتزنقو بعيدن مشو ليهو و قالو ليهو جيب القروش ، لكن ح نستعملها فى الحمامات حقت الجامع !

اهه يمكن ناس الانقاذ عندهم فهم فى الحكاية دى !

Quote: فى طاش ما طاش كان فى حلقة عن البنوك الاسلامية المهم فى واحد كان بيصلى الصلوات الخمس فى الجامع، بس كان شغال فى بنك ( ربوى حسب التعريف ) الجماعة قالو دايرين تبرعات ، لمن اتبرع قالو ليهو ما عايزين قروشك لانو قروشك مصدرها حرام لمن الجماعة اتزنقو بعيدن مشو ليهو و قالو ليهو جيب القروش ، لكن ح نستعملها فى الحمامات حقت الجامع ! اهه يمكن ناس الانقاذ عندهم فهم فى الحكاية دى !

ودالامين اخبارك

تصدق امس جايبين واحد محلل فى القناة الشروق قال الحزب الشيوعى الصينى

ماملحد زى باقى الاحزاب الشيوعية منذ تاسيسهم بيختلفو عن باقى الشيوعين

وانهم دخلو الدين فى الدستور منذ 2007

Quote: يا ناصر ياخى دا اسموا فقه الضرورة عند الكيزان يعنى ممكن يقتلوا علشان يحققوا مصلحتن

وضاحة فعلا ديل علماء السلطان

بيخافو من السلطان اكثر من الله

ماهو راي ناس الولاء والبراء الجبناء

لن نري احد منهم هنا لاسباب التقية

الأخ ناصر المحسي

تحياتي - يا أخي أنت ما تحكها كدا مش أهلنا قالوا المودر بفتح خشم البقرة

والغريق يتعلق بالقشة . إنشاء الله تبقى قشة الحزب الشيوعي الروسي ذاتو !!!

يا زول الزنقة دي زنقة نصاح نان - لكن كمان من الحزب الشيوعي الصيني دا كتيرة شوية

طيب الجماعة ديل ما بكون سألوهم يا أخوانا عندكم حزب شيوعي سوداني ولا كيف!!

وكدي أتوقع الرد كيف يكون علي هذا السؤال !!


* مش مجمد موسى بتاع النكات داك مرة قال عمك الولدو عرس ليه خواجية كافرة وكان محتج ولمن جابها ليهم وعمك رطب في حضورها بعد سفر زوجها ورجع سأل أبوه قال ليه الكافرة كيف معاكم يا أبوي - قال ليه الكافرة أمك دي !!

بحيراوي

صباح الفل يا البحيراوي

Quote: يا زول الزنقة دي زنقة نصاح نان - لكن كمان من الحزب الشيوعي الصيني دا كتيرة شوية طيب الجماعة ديل ما بكون سألوهم يا أخوانا عندكم حزب شيوعي سوداني ولا كيف!!

غايتو فى زول فى الشروق طلع الحزب الصينى ما كفار ممكن يجيبو فتوى عديل

يا ناصر يا محساوى
دى اسمها غنائم تقريبا
كفار وبياكلو لحم الضأن كمان
ولا كيف






قاسم

يا ناصر يا محساوى
دى اسمها غنائم تقريبا
كفار وبياكلو لحم الضأن كمان
ولا كيف






قاسم

Quote: يا ناصر يا محساوى دى اسمها غنائم تقريبا كفار وبياكلو لحم الضأن كمان ولا كيف

يا قاسم غنائم شنو دة اسمها صدقة

.