Post: #2 Title: Re: الداخلية توجه: بتدريب الشرطةعلى الأسلحة الثقيلة !!! Author: دينا خالد Date: 01-15-2012, 09:46 AM Parent: #1
الداخلية توجه بتدريب منسوبيها على الأسلحة الثقيلة!
01-11-2012 08:38 PM وجهت وزارة الداخلية، إداراتها لإعادة تدريب منسوبيها على استخدام الأسلحة الثقيلة لمواجهة تحديات المرحلة المقبلة. وأكد مدير عام قوات الشرطة، الفريق أول هاشم عثمان الحسين، جاهزية قوات الشرطة لمواجهة تحديات المرحلة. وقال هاشم لدى مخاطبته أمس تخريج الدفعة 110 من قوات الاحتياطي المركزي، «وجهنا هيئة التدريب لإعادة البرامج واعداد الخطط وتدريب أفراد الشرطة على أحدث أنواع الأسلحة في الأوقات الحرجة». من جهته، أكد قائد الإحتياطي المركزي، اللواء عصام علي شريف، أن الدفعة المتخرجة نالت تدريباً مكثفاً في العلوم العسكرية والميدانية والأسلحة الخفيفة والثقيلة، موضحا انه سيتم توزيعها على المناطق والقطاعات لتغطية الاحتياجات الصحافة
ـــــــــــــــ تانى فى زول عندو كلام !!!
Post: #3 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد أبوالعزائم أبوالريش Date: 01-15-2012, 09:54 AM Parent: #2
تقيلة كم كيلو كده يعني؟ ..... حددي لينا ياخ.
غايتو على أيام عبدلرحيم محمد حسين سمعنا إنو الشرطة أصبحت تملك طائرات هيلوكوبتر ...... هم أعلنوا الحرب خلاص؟
Quote: تانى فى زول عندو كلام !!!
إنتي عندك كلام؟
Post: #4 Title: Re: الداخلية توجه: بتدريب الشرطةعلى الأسلحة الثقيلة !!! Author: doma Date: 01-15-2012, 10:05 AM Parent: #3
Quote: تانى فى زول عندو كلام !!!
يا دندنه الكلام د اليفسرو لينا بروفسير غندور والجعجعه التي اعلنها في دار حزب الامه من ايمانه بحريه الكلمه وضد القمع والقهر ومع حريه الشعوب وكل الكلام الفارغ الذي جعر به هناك
Post: #5 Title: Re: الداخلية توجه: بتدريب الشرطةعلى الأسلحة الثقيلة !!! Author: نادر Date: 01-15-2012, 10:06 AM Parent: #3
"تحديات المرحلة" والله صحي
Post: #6 Title: Re: الداخلية توجه: بتدريب الشرطةعلى الأسلحة الثقيلة !!! Author: صلاح الدين نزلاوى Date: 01-15-2012, 10:24 AM Parent: #5
Quote: وحسب مدير عام قوات الشرطة، الفريق أول هاشم عثمان الحسين، ان القرار جاء لمواجهة تحديات المرحلة !!!!
ما تخافوا الكلام ده ما مقصود بيهو المظاهرات والاحتجاجات ، ده مقصود بيهو حاجات تانية عشان الشرطة ما تكون ضحية واللبيب بالاشارة يفهم.
Post: #7 Title: Re: الداخلية توجه: بتدريب الشرطةعلى الأسلحة الثقيلة !!! Author: دينا خالد Date: 01-15-2012, 10:35 AM Parent: #5
يادومة (كلمة) شنو ؟ بطلى الخرف ! هم ماشافو الشرطة فى بوست على سرالختم ؟
Post: #13 Title: Re: الداخلية توجه: بتدريب الشرطةعلى الأسلحة الثقيلة !!! Author: صلاح الدين نزلاوى Date: 01-15-2012, 11:47 AM Parent: #10
Quote: الشرطة كدا ولا بلاش !!
بلاش!!!!!!!
Post: #14 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عمر الفكي Date: 01-15-2012, 11:56 AM Parent: #13
الاخت دينا هذا مقتطف من بوست فتحته صباح اليوم
Quote: ان الشراسة التي ظهرت اخيراً على اداء الاجهزة الامنية من اعتقالات واقفال للصحف لهي دليل علم هذه الاجهزة بشئ ما ولكنها لم تمسك بكامل خيوطه بعد.
ما مشينا بعيد يعني
Post: #15 Title: Re: الداخلية توجه: بتدريب الشرطةعلى الأسلحة الثقيلة !!! Author: نادر Date: 01-15-2012, 12:25 PM Parent: #14
http://http://www.sudaneseonline.com/cgi-bin/...405193&func=flatview ما محتاجيت عدة ثقيلة يا دينا، والله صحي، شوفي زولك الفوق ده قال 31 سنة، بعد داك يجبو العدة، بعدين أصلاً للزمن داك الناس ذاااتها بيكون الجوع هد حيلها، يعني بالكف بمشو معهاهم، فمن هسع ماف داعي لعدة ثقيلة ووجع رأس والله صحي :)
Post: #16 Title: Re: الداخلية توجه: بتدريب الشرطةعلى الأسلحة الثقيلة !!! Author: فايزودالقاضي Date: 01-15-2012, 03:20 PM Parent: #15
اوصي اهلي البجا الموجودين في العاصمة بالالتزام بالزي الوطني البيجاوى ... واى زول مابيجاوى يطلع السديري في الخرطوم..
حسب توصيات مؤتمر البجا..
الاخت دينا لاعاصم لك الا السديري - بعد الله -
Post: #17 Title: Re: الداخلية توجه: بتدريب الشرطةعلى الأسلحة الثقيلة !!! Author: دينا خالد Date: 01-15-2012, 05:29 PM Parent: #16
يا ود القاضى نحن قاعدين نجيكم فى كسلا ؟؟ مالكم ياخ ...
Post: #18 Title: Re: الداخلية توجه: بتدريب الشرطةعلى الأسلحة الثقيلة !!! Author: Emad Abdulla Date: 01-15-2012, 08:00 PM Parent: #17
Quote: الداخلية توجه: بتدريب الشرطةعلى الأسلحة الثقيلة
ليه ؟؟ .. نحنا عملنا شنو أصلو ؟؟ .. ماهو بوم و غنم و البمبان و السيطان ممشيننا زي اللوز ؟؟ أو كما قال المغني " الطاعم " لما الزول كفكف قميصو و مرق ليهو العضلات التبش و جاييي عليهو : يا راجل ها .. ليييييييييييه يعني ؟؟ .. أجي !! , هو شكل هو وللا موت ؟؟
.............. الجنرال أبو مقانص السرور الفي الصورة بتاعتك دي .. ما بنلقي منو أخدر ستة و ستين ؟؟ بلد بيض صحي .
Post: #19 Title: Re: الداخلية توجه: بتدريب الشرطةعلى الأسلحة الثقيلة !!! Author: Abureesh Date: 01-15-2012, 08:08 PM Parent: #17
Quote: أن الدفعة المتخرجة نالت تدريباً مكثفاً في العلوم العسكرية والميدانية والأسلحة الخفيفة والثقيلة، موضحا انه سيتم توزيعها على المناطق والقطاعات لتغطية الاحتياجات
هل هـذا تصديق لإعلانات الحركة ان الخرطوم ستكون مسرح العمليات القادمة؟
والجيش وين بالمناسبـة؟
.
Post: #20 Title: Re: الداخلية توجه: بتدريب الشرطةعلى الأسلحة الثقيلة !!! Author: mona altom Date: 01-15-2012, 11:16 PM Parent: #19
Quote: اركزوا بس
الله يجازي محنك يالممسوخه
والله لا حول ولاقوة لنا الا بالله
يارب اعف عنا وانقذنا من دي بلوى
Post: #21 Title: Re: الداخلية توجه: بتدريب الشرطةعلى الأسلحة الثقيلة !!! Author: د.محمد بابكر Date: 01-16-2012, 00:24 AM Parent: #20
زمان سمعت حاجه كده اظنها التقيل بجى ورا... وافتكر لانه الحكايه كلها بفت ورا الجماعه قالو احسن يتدربو على الهنايات ديل لانو الامر مايسلمش وحاجات بالشكل ده..عليك الله يا دينا اسه الفرق بين الخبر المخستك حقك ده والقصيده دى شنو??
قال تقيله قال والله بالغت معانا عديل كده,,,
Post: #22 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عمر الفكي Date: 01-16-2012, 07:41 AM Parent: #21
يا دينا الضابطة الفوق دي حصلت عقيد متين بس؟ دي عمرها ما بوصلها ملازم اول ولا عندها واسطة؟ هسي حاجة في ذمتك هي ما قدر جنابو النقيب عمر عثمان؟ يعني عايزة تقنعيني انه البت دي وجنابو الطيب عثمان يوسف ندايد؟
Post: #24 Title: Re: الداخلية توجه: بتدريب الشرطةعلى الأسلحة الثقيلة !!! Author: صبري طه Date: 01-16-2012, 08:20 AM Parent: #22
يا دينا .. بعد إذنك ... عايز لي تعليقات بلسان الرجل الذي يقف خلف هذه الشرطية ...
أبدأ ليكم أنا:- يا ريت لو تـكــلبـشني وتبهدلني وتسجني في حنانة ذاتو
ـــــــــ وشكلو مُحتار في البنطلون أو القاش لووووووووول
Post: #23 Title: Re: الداخلية توجه: بتدريب الشرطةعلى الأسلحة الثقيلة !!! Author: فايزودالقاضي Date: 01-16-2012, 08:02 AM Parent: #17
Quote: يا ود القاضى نحن قاعدين نجيكم فى كسلا ؟؟ مالكم ياخ ...
تجو كيف في مدينة مافيها مستشفيات حقيقية ؟!! ولا شايفة عندنا جهاز مغتربين مابخلينا نمشي الخرطوم ؟!! ولا قايلة الخدمات كلها بره الخرطوم ؟!!
مكانك محفوظ تحت سفح توتيل او السواقي لو حصلت العكة ..
Post: #25 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عبد الماجد الصايم Date: 01-16-2012, 08:31 AM Parent: #23
إذا كانت الشرطة على وزن الصورة الجابتا دندون دي! فلا بد ّإذن من المواجهة المباشرة .. وكل واحد يستخدم أسلحتو!!
Post: #26 Title: Re: الداخلية توجه: بتدريب الشرطةعلى الأسلحة الثقيلة !!! Author: صبري طه Date: 01-16-2012, 08:40 AM Parent: #25
Quote: إذا كانت الشرطة على وزن الصورة الجابتا دندون دي! فلا بد ّإذن من المواجهة المباشرة .. وكل واحد يستخدم أسلحتو!!
إنّا لله ياخ !
ــــــــ يا ريت يا ريت يا ريت
Post: #27 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عبد الماجد الصايم Date: 01-16-2012, 08:59 AM Parent: #26
تعرف يا صبري .. أخيرا الواحد اكتشف معنى مقولة: خلّي السلاح صاحي!!
Post: #28 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عمر الفكي Date: 01-16-2012, 09:05 AM Parent: #27
يا جماعة انا اسف دي طلعت عميد راسه عديل ، يعني وصلت مرحلة تعمل انقلاب وتسمى ثورة
Post: #29 Title: Re: الداخلية توجه: بتدريب الشرطةعلى الأسلحة الثقيلة !!! Author: فدوى الشريف Date: 01-16-2012, 09:17 AM Parent: #28
Quote: الداخلية توجه بتدريب منسوبيها على الأسلحة الثقيلة!
يادينا بت امى نان كان يدربوهم على شنو .. حمل الزهور مثلاً
Post: #30 Title: Re: الداخلية توجه: بتدريب الشرطةعلى الأسلحة الثقيلة !!! Author: صبري طه Date: 01-16-2012, 09:46 AM Parent: #27
Quote: تعرف يا صبري .. أخيرا الواحد اكتشف معنى مقولة: خلّي السلاح صاحي!!
حبيبنا ود الصايم .. دة كلام شنو يا أبو الوليدات ؟!
Post: #31 Title: Re: الداخلية توجه: بتدريب الشرطة على الأسلحة الثقيلة !!! Author: محمد عبد الماجد الصايم Date: 01-16-2012, 10:06 AM Parent: #30
أيواااا .. نظام بتدردق فيني يا معلم!!!
Post: #32 Title: Re: الداخلية توجه: بتدريب الشرطة على الأسلحة الثقيلة !!! Author: محمد عمر الفكي Date: 01-16-2012, 10:37 AM Parent: #31
Post: #40 Title: Re: الداخلية توجه: بتدريب الشرطة على الأسلحة الثقيلة !!! Author: صبري طه Date: 01-17-2012, 07:29 AM Parent: #31
Quote: أيواااا .. نظام بتدردق فيني يا معلم!!!
القصد نبيل يا معلم .. وهو "إثراء ورفد البوست والمساهمة في الحوار بالرأي السديد" ...
ـــــــ المافي شنو ؟
Post: #33 Title: Re: الداخلية توجه: بتدريب الشرطةعلى الأسلحة الثقيلة !!! Author: Elawad Eltayeb Date: 01-16-2012, 11:17 AM Parent: #26
Quote: وجهت وزارة الداخلية، إداراتها لإعادة تدريب منسوبيها على استخدام الأسلحة الثقيلة لمواجهة تحديات المرحلة المقبلة.
تحية طيبة يا دينا،
معنى الكلام ده إنو حسب توقعات النظام فستكون تحديات المرحلة المقبلة من النوع الثقيل لدرجة استدعتهم لتجييش الشرطة.
وهذا الكلام ممكن نقرأ منه
الأولى إستضعاف النظام للجيش أو الأسوأ من ذلك عدم ثقة النظام في الجيش
والثانية محاولة تحايل النظام على المراقبين الذين يقيسون عنف الأنظمة تجاه المدنيين بدرجة تدخل الجيش في المواقع المدنية فيكون اللباس لبس شرطة والضرب ضرب جيش
وما تستبعدي أن تكون هذه الشرطة نفسها في النهاية دبابين أو قوات أمن النظام الخاص (أو قوات حماية عائلات النظام) في لباس شرطة
لكن السؤال الذي يطرح نفسه، ألاّ يخالف ذلك روح مهام الشرطة ومواثيقها الأخلاقية
وأظن أن السحر في النهاية سينقلب على الساحر والله أعلم
Post: #34 Title: Re: الداخلية توجه: بتدريب الشرطةعلى الأسلحة الثقيلة !!! Author: Hisham Ibrahim Date: 01-16-2012, 12:06 PM Parent: #33
يا أختي
شتتي البوست مره واحده
نحنا خلينا البوست ومعناهو ، بقينا في الضابطه دي ..
البلل ...
Post: #35 Title: Re: الداخلية توجه: بتدريب الشرطةعلى الأسلحة الثقيلة !!! Author: فايزودالقاضي Date: 01-16-2012, 12:37 PM Parent: #34
اسلحة دمار شامل ..
كده الرتب العالية والقوام اللادن ..
هسه دي ضابط وجنابو عمر ضابط ؟!!!!
Post: #36 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عمر الفكي Date: 01-16-2012, 12:45 PM Parent: #35
ود القاضي اختشي قالوا ليك لم رقبتك والا المسدس قاعد
Post: #37 Title: Re: الداخلية توجه: بتدريب الشرطةعلى الأسلحة الثقيلة !!! Author: فايزودالقاضي Date: 01-16-2012, 03:30 PM Parent: #36
فنانا ود امير لمن قال (حتي لالي مسلكي راضي انا حقوها رصاصة ) * شكلو شاف الزولة دي ..
ــــــــــــــــــــ * يعني طلقة واحدة منك راضي بيها..
Post: #38 Title: Re: الداخلية توجه: بتدريب الشرطةعلى الأسلحة الثقيلة !!! Author: Dr. Ahmed Amin Date: 01-16-2012, 05:55 PM Parent: #37
Quote: أخيرا الواحد اكتشف معنى مقولة: خلّي السلاح صاحي!!
إن شاء الله ما ينوم ..
طارق جبريل ويييين ؟؟ آل مغرب آل ...
___________________________________
كده الشعار يكون : الشعب في خدمة الشرطه ..
Post: #39 Title: Re: الداخلية توجه: بتدريب الشرطةعلى الأسلحة الثقيلة !!! Author: mona altom Date: 01-16-2012, 07:30 PM Parent: #38
رجعوا البوست لمساره حفظكم الله
Post: #41 Title: Re: الداخلية توجه: بتدريب الشرطةعلى الأسلحة الثقيلة !!! Author: دينا خالد Date: 01-17-2012, 09:22 AM Parent: #39
عمر الفكى امنع الفوضى حالا .. والقول ما قالت منى التوم اعيدوا البوست لمساره ...
ود الصايم طبعا من الصعب اعادة الجامه بعد ان جفل ف خلوهو ...
ايهاب الطيب كلامك ميه المية بتحولوا لى جيش .. ممكن يكونوا جيشين المشكلة انو ما ح تكون فى شرطة !! وجنح مافى .. كلو كبير كبير ...
يا فدوى والزهور مالها ؟ زهور مع احتفاطهم بتسليحهم القديم يعنى حبكت ؟ ما الشرطة من الله خلقها سلاحها ياهو سلاحها ,,, سنكى ورا والقاش قدام يا قول المغنيات ..
ـــــــــــــ وداعا الشرطة مرحب بالجيش الجديد !
Post: #42 Title: Re: الداخلية توجه: بتدريب الشرطةعلى الأسلحة الثقيلة !!! Author: فايزودالقاضي Date: 01-17-2012, 09:41 AM Parent: #41
Quote: رجعوا البوست لمساره حفظكم الله
ست البوست كإمام براها حولت المسار من الشرطة السودانية للشرطة الهندية والمأموم عليه اتباع الامام ..تركع نركع .. تسجد نسجد ..تسلم نسلم ..
Post: #43 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عبد الماجد الصايم Date: 01-17-2012, 09:57 AM Parent: #42
رمتني بدائها .. وعملت يع!!
Post: #44 Title: Re: الداخلية توجه: بتدريب الشرطةعلى الأسلحة الثقيلة !!! Author: طارق جبريل Date: 01-17-2012, 01:15 PM Parent: #43
اريتني نشال أنا ياخي أضعف الإيمان حرامي ملايات
تليشة: هسي انا لو طالع مظاهرة ضد البشير وجابوا الزولة دي تفك المظاهرة طوالي أنا حا اقول انا علاء الدين يوسف ياخ
Post: #45 Title: Re: الداخلية توجه: بتدريب الشرطةعلى الأسلحة الثقيلة !!! Author: فايزودالقاضي Date: 01-17-2012, 01:28 PM Parent: #44
Quote: تليشة: هسي انا لو طالع مظاهرة ضد البشير وجابوا الزولة دي تفك المظاهرة طوالي أنا حا اقول انا علاء الدين يوسف ياخ
ياناصح لو قلت انك علاء الدين ماحاتمسك فيك لانك حاتكون زولها .. انا غايتو بقول ليهم انا ياسر عرمان عشان تمسكني بقوة ماتفكني كلو كلو ... ولو لزم الامر اقع في الواطة..
استحي ياطارق وماتحرف البوست ..
Post: #46 Title: Re: الداخلية توجه: بتدريب الشرطةعلى الأسلحة الثقيلة !!! Author: Elawad Eltayeb Date: 01-17-2012, 02:17 PM Parent: #43
Quote: ايهاب الطيب كلامك ميه المية بتحولوا لى جيش .. ممكن يكونوا جيشين المشكلة انو ما ح تكون فى شرطة !! وجنح مافى .. كلو كبير كبير ...
شكراً يا دينا
لو قصدك العوض الطيب
Post: #47 Title: Re: الداخلية توجه: بتدريب الشرطةعلى الأسلحة الثقيلة !!! Author: Hololy Date: 01-17-2012, 04:18 PM Parent: #46
...
Quote: رمتني بدائها .. وعملت يع!!
Quote: .... هسي انا لو طالع مظاهرة ضد البشير وجابوا الزولة دي تفك المظاهرة ....طوالي أنا حا اقول انا علاء الدين يوسف ياخ ....
...
Quote: .... ....ياناصح لو قلت انك علاء الدين ماحاتمسك فيك لانك حاتكون زولها .. انا غايتو بقول ليهم انا ياسر عرمان عشان تمسكني بقوة ماتفكني كلو كلو ... ولو لزم الامر اقع في الواطة..
Post: #48 Title: Re: الداخلية توجه: بتدريب الشرطةعلى الأسلحة الثقيلة !!! Author: أسامه الكرور Date: 01-17-2012, 05:06 PM Parent: #47
غايتو جنس غايتو
هسى لو ود الموج سِمِع بالبوست دا .. وجا خاشى
البوست دا فى الخور ما بتلقوهو
Post: #49 Title: Re: الداخلية توجه: بتدريب الشرطةعلى الأسلحة الثقيلة !!! Author: صبري طه Date: 01-17-2012, 05:20 PM Parent: #48
Quote: غايتو جنس غايتو
هسى لو ود الموج سِمِع بالبوست دا .. وجا خاشى
البوست دا فى الخور ما بتلقوهو
غايتو يا جنابو أسامة .. أنا دخلت البوست دة قريتو وكنت عايز أقول رأيي فيهو ... شُفت الصورة الجابتها دينا دي .. العايز أقولو راح لي عديل كدة ...
ــــــــــ المُشكلة كل ما أتذكر رأيي وأقول أدخل أكتبو .. أقوم أشوف الصورة تاني يروح لي
cc للزميل طارق جبريل
Post: #50 Title: Re: الداخلية توجه: بتدريب الشرطةعلى الأسلحة الثقيلة !!! Author: Dr. Ahmed Amin Date: 01-17-2012, 06:15 PM Parent: #49
Quote: استحي ياطارق وماتحرف البوست ..
. . . .
Quote: cc للزميل طارق جبريل
*** غايتو يا دينــا جهجهتي البوست كااااااك ...
كع ...
Post: #51 Title: Re: الداخلية توجه: بتدريب الشرطةعلى الأسلحة الثقيلة !!! Author: Ali Sirelkhatim Date: 01-17-2012, 08:19 PM Parent: #50
دنّووووووش البت الحديقة
ود الصايم شاف صورة جنابو دى بى غادى قال داير يبقى ملازم اول اركانحرب معاش ذاتو..
ياخ ولا اسلحة تقيلة ولا بطيخ ..كتّروا من نوع جنابو ده والامن براااااهو حايستتب هسّة شوفو الزول الواقف وراها ده متنّح ومريّل كيف والله اسمو مايكون متذكّرو هسّة
Post: #52 Title: Re: الداخلية توجه: بتدريب الشرطةعلى الأسلحة الثقيلة !!! Author: دينا خالد Date: 01-17-2012, 09:50 PM Parent: #51
العوض الطيب ايوة انا قاصدة مداخلتك معليش ما بعرف ايهاب دى لفحتها من وين !! لما اتحيرتا .. لك العتبى يا عزيز ,,
بقية الشباب ,, خلاص على ى ى ى جا تم الناقصة ؟ شايفة عمر الفكى شعللها واختفى ..
نرجع لموضوعنا الاساسى ::: عملتو لينا شنو فى السلاح التقيل دا ... كيف السبيل الى الشارع ...
ــــــــــــــ زمان كان التقل ورا بجى مع الجيش هسه القصة دى بقت من قولة تيت ... قتو شنو ؟؟
Post: #53 Title: Re: الداخلية توجه: بتدريب الشرطةعلى الأسلحة الثقيلة !!! Author: هيثم طه Date: 01-18-2012, 03:43 AM Parent: #52
دينا مساء الخير بتوقيت الريس بكري
بالمناسبة مالك زهجانة كدة و شايلة هم الدنيا ! و بتحنثي القلم عشان يكتب ليك
بنجي لموضوع التحديات دي بعدين
حسع المطلوب انك تبقي كويسة !
ابقي عافية
Post: #54 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عبد الماجد الصايم Date: 01-21-2012, 11:04 AM Parent: #53
Quote: زمان كان التقل ورا بجى مع الجيش هسه القصة دى بقت من قولة تيت ...
إنا لله!!
Post: #55 Title: Re: الداخلية توجه: بتدريب الشرطةعلى الأسلحة الثقيلة !!! Author: Elawad Eltayeb Date: 01-21-2012, 02:44 PM Parent: #54
Quote: العوض الطيب ايوة انا قاصدة مداخلتك معليش ما بعرف ايهاب دى لفحتها من وين !! لما اتحيرتا .. لك العتبى يا عزيز ,,
ولا يهمك عزيزتي دينا
المهم أن المداخلة لقت صدى في نفسك
وفعلاً موضوع تجييش الشرطة خطير جداً على المعارضة السلمية للنظام وحيضيق أبواب المقاومة الغير عنيفة للنظام وسيضع سوابق وحيودي البلد في مفترق خطير لمعارضة النظام
وممكن يكون مدخل كبير للموت والإغتيالات في شوارع الخرطوم
صحيح الكيزان لديهم المقدرة في أن يحددوا وسيلة الصراع، لكن عندما يحمي ا########س، فلن يكون هناك خط رجعة.
وإذا اراد الناس أن يتوقفوا أمام أسباب استشراء العنف (غير سلوك الكيزان ومنهجهم الطبيعي)
فعليهم الوقوف أمام تجييش الشرطة
وأن لا يستسهلوا الموضوع
Post: #56 Title: Re: الداخلية توجه: بتدريب الشرطةعلى الأسلحة الثقيلة !!! Author: دينا خالد Date: 03-06-2012, 10:10 PM Parent: #55
وقباااال النفاس .....!! دا حالتو من غير وضو ,,,, فقد فعلوها فقط بالاسلحة الخفيف !
ـــــــــــــ حد يصحححححى مدير عام الشرططططا ..
Post: #57 Title: Re: الداخلية توجه: بتدريب الشرطةعلى الأسلحة الثقيلة !!! Author: دينا خالد Date: 03-07-2012, 08:17 AM Parent: #14
up
Post: #58 Title: Re: الداخلية توجه: بتدريب الشرطةعلى الأسلحة الثقيلة !!! Author: Asim Fageary Date: 03-07-2012, 08:59 AM Parent: #57
غايتو بصراحة دخلت البوست عشان أكتب حاجة مفيدة زي الكتبها العوض الطيب
لكن بعدما قريت مداخلات ود الصايم
وخي السلاح صاحي وهلم جرا
أنا ذاتي حتلت في بئر ليس لها نهاية
_________________
الله يجازي الكان السبب
Post: #59 Title: Re: الداخلية توجه: بتدريب الشرطةعلى الأسلحة الثقيلة !!! Author: محمد عبد الماجد الصايم Date: 03-07-2012, 09:24 AM Parent: #58
دندون .. الزول الجا داشي هنا دا قلتو ليهو دا بص سيرة ولّ شنو؟!
ولّ تكوني بلغتي عنو شرطة الديم؟
Post: #61 Title: Re: الداخلية توجه: بتدريب الشرطةعلى الأسلحة الثقيلة !!! Author: Asim Fageary Date: 03-07-2012, 10:06 AM Parent: #59
والجيوش كمان فيها من نفس الملامح والشبه
Post: #60 Title: Re: الداخلية توجه: بتدريب الشرطةعلى الأسلحة الثقيلة !!! Author: Elawad Eltayeb Date: 03-07-2012, 10:03 AM Parent: #57
Quote: وممكن يكون مدخل كبير للموت والإغتيالات في شوارع الخرطوم
نعم كما تكون المقدمات تأتي النهايات ....
هي قصة موت معلن في شوارع الخرطوم
سبقها زيارة الموت المعلن لأغلب ديار الهامش
لكن سيرتد السحر على الساحر وسيشربوا من نفس الكاس وسيكون الجزاء من جنس العمل
Post: #62 Title: Re: الداخلية توجه: بتدريب الشرطةعلى الأسلحة الثقيلة !!! Author: Asim Fageary Date: 03-07-2012, 10:12 AM Parent: #60
وكمان شرطية تانية هنا
مجدعات ساكت
كان يجيبوهن لينا بدل الإيرانين الجايبنهم ديلك
Post: #63 Title: Re: الداخلية توجه: بتدريب الشرطةعلى الأسلحة الثقيلة !!! Author: نادر الفضلى Date: 03-07-2012, 01:46 PM Parent: #62
Quote: الداخلية توجه: بتدريب الشرطةعلى الأسلحة الثقيلة !!!
دينا تحياتى
حادثة إغتيال الشهيدة عوضية عجبنا وضحت خطورة تزويد الشرطة بأسلحة خفيفة دعك من ثقيلة وبينت أن الشرطة فعلاً تحتاج لتدريب مكثف لأحترام القانون والمواطن معاً، حتى يحترمهم المواطن وأن وظيفتهم حماية وسلامة المواطن ليس إرهابه وتقتيله بإسم القانون
أما عن الشرطية بالصورة فيبدو أنها مدربة جيداً وتستخدم ألأسلحة الموهوبة لها من أجل المواطنين ولذلك يحترمها المواطنين . فالرجلين أمامها وخلفها يغضان الطرف إحتراماً لا إرهاباً فلا ينظران لها فى وجهها أو مؤخرة رأسها .. وأن إختلفت درجة زاوية غض البصر عندهما!
...