ما بين ملاحقة نجلاء وهالة..شوووو جد..

حسب علمي إنو هالة عبد الحليم عضو في سودانيز أون لاين وكانت عضو فاعل جدا كمان وبتكتب بي إسم هنيمة..واتوقع وبعد عمر طةيل إن شاء الله لو ماتت هالة فإنه سيتم تسويد المنبر دلالة على أنها لازالت عضو في منبر سودانيز..
والمعروف برضو نجومية هالة السياسية بل ووضعها مأول إمرأة تتقلد منصب رئاسة حزب..ومن الناحية التصادمية فهي بيان بالعمل أكثر مصداقية في مواجهة النظام الحاكم وتعتبر هي الأكثر عرضة لمشاغبة ومعاكسة أمن النظام..كما إنو دورها الفاعل دور عظيم دون شوشرات وشوو ودون كاميرات وتسجيلات صوتية ووووو...
نجلاء برضو حسب علمي زميلة منبر مواجهتها للنظام لم أسمع بها إلا عبر صفحات هذا المنبر وكلها متمثلة في تصوير وتسجيل مع كتابة عناوين صارخة..ومن وجهة نظري فإن البون واسع في الأدوار التي تلعبها هالة ونجلاء وإن كنت أعلم إنو دور نجلاء-حسب رأي ناس تانيين- هو وسيلة للتعبير..
قبل أيام جات نجلاء وكتبت عنوان صغمبروووتي قالت فيهو ناس الأمن حايميين جمب بيتنا بي عربية وانا أسة جوة عربيتي وخلاص أهو خشيت بيتنا ولسة العربية واقفة جمب بيتنا وح اديكم التفاصيل أول بأول..إنتهى كلام نجلاء..
بعد أقل من ربع ساعة من كتابة الموضوع البوست عمل جغلومية مداخلة من شاكلة أيها البطلة وتبا للننظام وسحقا لل شنو وما بعرفو ليك يا شنو ويا منو..وبعد ساعة كان عمل صفحتين..
بعد يومين لمحت لي عنوان تاني من زميل المنبر واللي هو زوج نجلاء جا متب عنوان ليروي التفاصيل الكاملة لمطاردة الأمن وبرضو البوست عمل جغلومية صفحة ..
من أمبارح شايف لي بوست للزميلة عفراء بتقول فيهو الأمن يطارد هالة عبد الحليم الان..البوست من امبارح لحدي الليلة فيهو تلاتة مداخلات اتوقع كلها لي عفراء.!!!!
سرحت بي خيالي وقلت لو كانت هميمة اللي هي هالة هو من متب الان انا مطاردة من قبل ناس الأمن كيف كان ح يكون الحال..؟؟؟؟
بصراحة بعيد عن السياسة الموضوعين ديل خلوني أفكر في إعادة تقييمي لي المنبر وعلاقات المتبر!!!
ويبدو أني خلصت لي نتيجة للمرة التالتة تؤكد إنو معظم علاقات المنبر علاقات هشة تعتمد على الشوو والشوفونية والدهنسة وكسير التلج...
أنت موجود جمبنا إذن أنت زولنا..
أنت أديتنا ضهرك وزحيت شوية إذن أنت ما بنعرفك!!!
هالة هي من يحتاج للدعم والوقفة بي معايير المواقف وبقول هالة عضو المتبر زميلتمم مش هالة حق ..
والله يا هالة مبسوط منك ياخ..نضال في الخفاء ونتائج محسوسة دون ضوضاء وجلبة..
بس ياريت تكوني عرفتي إنو سودانيز دي ما منها رجا وإن كان بعدك عنها يدل إنك عرفتيها..

سلام يا عمر الفاروق يا اب راسا مدقوس
كل سنة وإنت طيب واريتك طيب وكل العقاب
حا تقول لي كيف عرفتي راسي مدقوس , بقول ليكم من حنس جغليبك ده
إنت اصلا من يوم تتلب في الطملة بترش كل الواقفين برا فرز والله صحي
اولا بالتبادي البتسوي فيه نجلاء ده يمين رجال بي شنباتهم ما سوه خصوصا وهي جوه البلد
يعني مو نضال إسفيري على قول الجماعة
دحين يا خوي ما في كسير تلج هنا ولا في شووووووو على قولك
دي اسرة واطفال والحصل ليهم من ترويع ده ما شيء ساهل
بالعكس إمكن الأخت هالة ما يقدروا يصلوها ولا يهددوها زي نجلاء
التحية للأخوات هالة ونجلاء ربنا يحفظهن ويسترهن بركة جاه النبي
والخزي والعار لشواطين أمن الإنقاذ

يا عمر نجلاء امرأة من غمار الناس
وهالة عبدالحليم شخصية عامة ورئيسة حزب
تضامني وتضامنك ما محتاجه ليه قدر
احتياج نجلاء لمثل هذه الوقفة..

نجلاء لا قدر الله لو اعتقلوها...حا تكون قناة جزيرتها هي هذا المنبر
بينما لو حصل مع هالة...فمن البي بي سي وانت طالع

يا راجل هالة صالحت الترابي والصادق...

وغمار الناس لو لاقوا الترابي او الصادق
في درب الله فاقصي طموحم ان يتصوروا معهم

أسمووز ..
هو من ناحية مدوقس مدوقس وقبببل جغميسي ده..
يا اسموز الأمن والإعتقالات ما فيهو حاجة إسمها ده من الغبش ومواطن عادي وده شخصية عامة..عاملة راسك الما مدوغس ده..

نزار يا حسين..
انا معادلتي بسيييطة وكلامي واضح..لو كانت هالة اللي بتكتب بي إسم هميمة بتكتب مواضيع في سودانيز في الفترة الفاتت ونففففس الهالة جات قالت الأمن الان يطاردني كان والله ووالله ووالله في ربع ساعة البوست وصل خمسة صفحات..مع إنو هي نففففس الهالة الإنت بتقول شخصية عامة والجزيرة والبيبي سي بيجيبو خبرها..
الشغلانة ما عندها علاقة يا عمك..
أسة الموصلي وبشرى فاضل ديل مش مدخلنهم ضمن شخصياتكم العامة؟؟ خلي الموصلي يجي يكتب ناس الأمن ساكني!!!!

Quote: بعد يومين لمحت لي عنوان تاني من زميل المنبر واللي هو زوج نجلاء جا متب عنوان ليروي التفاصيل الكاملة لمطاردة الأمن وبرضو البوست عمل جغلومية صفحة ..

يا عمر معليش أنا ما جيت كتبت عن مطاردة ولا كتبت

عن زوجتي في البوست ، انا كتبت عن مداهمة واحتلال

جهاز الامن لمنزلي ..

اتصلت بي ابنتي سميرة ( الحبشية التي تعمل في رعاية اطفالي )

وقالت لي بابا ارجع تعال ناس الامن دخلوا البيت ..

اسميه احتلال لاني لقيت الضابط مقعد اطفالي كلهم في سرير واحد

ومعاهم سميرة .. ( اطفالي اربعة : ثلاثة بنات وولد ) ..

ثلاثة بزي عسكري ومسلحين في مداخل البيت الصغير ..

خمسة افراد داخل البيت الصغير ..

استجواب لنجلاء ولي امام الاطفال وتقييد لحركتهم ..

مصادرة :-

كاميرا كانون 450 دي فتوغرافي

3 كاميرات فيديو

كمبيوتر المنزل

3 لاب توب

7 فلاشات ..

ما عارف اقول لك شنو ؟

جهاز الأمن في منزلنا .. تفاصيل ما حدث ليلة البارحة 6 يناير 2012

عنوان البوست يكفي .

الأخ بخاري ..تحياتي..
ومعليش حاجة صغيرة برة الموضوع..طالما كتبت سميرة إبنتي فماف داعي للقوسين حقين الحبشية وإنها مربية أو جليسة أطفالم..
نرجع للموضوع..
انا حقيقة ما دخلت البوست حقك عشان كده إتكلمت عن العنوان ةبرضو نقطتي قد تكون ما وصلتك فأنا ما بقصد اتملم عن مجهوداتكم إيجابي كان أم سلبي ..الشوووو المعنون مقصود بيهو أعضاء المنبر وتفاعلهم اللي في نظري عبارة عن دعم شكلي إسمو انا معاكم طالما إنتو بتكتبو لسة في سودانيز..
لكن كدي يا بخاري كان إنت كان نجلاء غيبو عن أضواء العناوين وأقيفو من المتابة زي سنة ةنص وتعالوا في أووووول عودة ليكم أكتبو الأمن يطاردنا..وبعد داك كلامي حيقع ليك..
وربنا يصبر اطفالك على تجاوز هكذا محنة وما تأثر فيهم هكذا مواقف ...كلللو إلا الأكفال..

يا عمر الفابروك


حا تتزرا في البوست دا لما يبين ليك صاحب

والعجب لو جاك اساسي...


هههههههههههههههههههههههههه

يا عمر ما عارف لو قدرت القط فكرتك بشكل سليم ..

لكن خليني ابني على فهمي ليها ..

برضو كلامك لم يخرج عن الميزان المختل لنفس سودانيز الجن دي ..
من وين اتأكدت انو كل الناس شافت البوست البخص هالة عبد الحليم ..
شخصياً لو شفتو كنت سكنت فيو عدييييل .. اها شنو ليك؟
لكن و الله العظيم ثلاثاً يعميني .. و يطرش الجيران
و لحدي اللحظة دي .. لانو كان ممكن تكون ايجابي شوية و تخت الرابط
ليه افترضت اننا بنكيل بمعيارين طوالي؟
البورد دا ليو نفسياتو .. و معاييرو الخاصة
ابتداءاً من مزاجية صاحبو في رفع البعجبو او لاصحابو .. او اي معيار ذاتي ناجرو من صلعو دي ..
انتهاءاً بحاجات موضوعية في غتسة البوستات (ببساطة لانو الغثاء بطفو اعلى دائماً) و دا ناموس وقانون طبيعة نعمل شنو عاد؟

عموماً مسألة الشوفونية .. الشللية واقع لا يمكن انكاره ..
لكن هل هي كل شئ هنا!؟

أتحداك يا نزار لو زول يزرني لأنو الكل عارف كلامي صاح بما فيهم إنت..:-)

يا قيقراوي انا وصفي أدق..الشوفونية ما الشللية ..ودي بتفرق..بجي اشرحا ليك..

دي يا عمر زي العاوز يعمل من الفسيخ شربات أقصد بوست!

أها ياهو ده البوست يا قيقراوي
جهاز الآمن يتابع الاستاذة هالة عبدالحليم ..امنعوا تكرار سيناريو البوشي

شكراً يا عفراء على تش عين الظلام بالضو ..
بدل اللعن البعمل فيو عمر الفاروق دا












--------

بس لسة البوست تنقصو الحيثيات .. المصادر
هسي دي الاستاذة هالة وين ..
و هل لازالت مظاهر الملاحقة موجودة ..
و كتير من الاسئلة ..
كدي ابقي مارقة نفتح ليك سين و جيم بهناك

Quote: أتحداك يا نزار لو زول يزرني لأنو الكل عارف كلامي صاح بمن فيهم إنت..:-)

كدي خلي الصباح دا يصبح...كويس يا عمر

سلامات يا عمر
ملحوظة في محلها حكاية التضامن او عدم التضامن دي
طبعا كلامك ده مسحوب حتي علي بوستات العزاء او الفرح

تحليلك قد يصيب و قد يخيب وقد يوافقك عليه البعض و قد ينتقدوه و يشوفو شوف تاني خالص، و لحدي الان ده طبيعي

الما طبيعي بيبقي لو اي شخص ما اقر بضرورة الوقوف بجانب اي انسان يتعرض لملاحقة او حاجة تهدد امنه و حياته، بغض النظر عن خلفيته، ما فعله او ما سيفعله
انا كنت غايبة عن المنبر و تقريبا الحياة الاونلاين مؤخرا، الا فيما ندر، و لكن كان هالة و اسرتها و اصحابها او نجلاء و اسرتها و اصحابها ارجو ربنا يحفظهن و يتولاهن برعايته و ليهن كل التقدير و الاحترام

Quote: ويبدو أني خلصت لي نتيجة للمرة التالتة تؤكد إنو معظم علاقات المنبر علاقات هشة تعتمد على الشوو والشوفونية والدهنسة وكسير التلج... أنت موجود جمبنا إذن أنت زولنا..

لك تحياتي الاخ عمر

ارجوا أن تضيف الإصطفاف

Quote: ومعليش حاجة صغيرة برة الموضوع..طالما كتبت سميرة إبنتي فماف داعي للقوسين حقين الحبشية وإنها مربية أو جليسة أطفالم..

هههههههههههه يعني دي الحاجة ا لوحيدة الوجعتك بعدين كلمتو بنتو السابقة للحبشية برضو ماشفعت ليهو

ماعارف لكن اتذكرت بي جملتك دي المثل البيقول الغرقان بتعلق بي قشة

تحياتي

زاتوووو

أها يا نذار أصبح الصباح والإستفتاحية كييييية فيك كانت رحبون..وهي والله نعم الإستفتاحيات..

يا رحبون..
حكاية مع وضد صدقيني ما هي الأولوية بالنسبة لي ..وما قاعد افكر كتييير في النسبة ومنو معاي ومنو ضدي بكتب كلامي الشايفو انا وبعد داك أي زول يسيوف مكان بيريحو أو بيوجعو..
كلامك سليم وفي ردك إجابة عن نزار العايز يقول هالة بيجازا وناس الجزيرة كفاها بينما نجلاء مسيكينة..ومحتاجانا..

يا شوقي..ساعدنا بي إكسامبل عشان نضيفو بي فهم..:-)
تسلم يا حبوب..

يا زول..
أيوة دي الحاجة الوحيدة الوجعتني..وباقي كلام بخاري مقنع ويستاهل التضامن وين المشكلة..

بالعكس يا نزار عمر قد يجوز ان يكون كلامه صحيح, الا اني بختلف معاهو في الموقف دا بالذات لوجود بينه اخري تذهب بالتفسيرات الي امر اخر
كاتبة البوست بتاع التضامن مع هالة عبد الحليم هي زميلة المنبر الاخت عفراء سند , وهي للاسف هنا بمثابة سكين في خاصرة موضوعها
يعني يا عمر لو كان كاتب الموضوع اي زول تاني من اعضاء المنبر كان حيكون في تضامن مدهش جدا وتوالي من العضوية زرافات زرافات للتضامن
الا ان كتابة عفراء سند للموضوع كان فيه اول اسباب موته فالاخت الفاضلة عفراء بالاضافة لانها لا تملك ادوات الكتابة المناسبة وتوصيل الفكره بصورة معقولة
هي كاتبة سمجة جدا , وانا برجح انه الناس خافت تدخل البوست تتجلبط بسماجة الكاتبة , وفي حالة اختنا عفراء سند للسماجة مذاق لذج جدا , يعني انا واحد من الناس
بلاوز عديل ادخل بوست للاخت الفاضلة عفراء لانه بعتقد انه حيكون احساسي زي احساس الزول البيسبح في حوض سباحة مغطي بملاح ويكة بايت ليهو كم يوم
مضاف اليه كمية من قشر الموز , لذا كان خيار الجميع اما السباحة في هذا المزيج العجيب من اللزاجة او تكبير اللفة , واعتقد ان الجميع اثر تكبير اللفاة خاصة وانه مافي
زول بيقدر يغالط زول بانه شاف البوست المكتوب لزجا .

يا أساسي عليييك الله زرافات زرافات دي جبتها من وين؟؟
ياخ دي كلمة الإسبوع..:-)

تخريمة:
بالنسبة لي موضوع الويكة تقدر تعفيني..؟أقلاه في المرحلة دي؟ :-)

Quote: يا زول.. أيوة دي الحاجة الوحيدة الوجعتني..وباقي كلام بخاري مقنع ويستاهل التضامن وين المشكلة..

المشكلة في الحبشية طبعا ههههههههه ياخي انت الذ زول


تحياتي

زاتوووو

أهو كده نحن إتنين المقتنعين بي إني لذيذ..شد حيلك معاي واجمع توقيعات الألف بوردابي لي لذة عمر..

Quote: كما إنو دورها الفاعل دور عظيم دون شوشرات وشوو ودون كاميرات وتسجيلات صوتية ووووو

شوشرات لي منو يا عمر؟ وشوو شنو مع الجماعة السمهم فاير ديل؟ غايتو لو قاصد شوشرة للحكومة تكون انت صاح و دا القاصداهو نجلاء غالب الظن "عدوك سهرو ولا منامو". يعني مناصير معتصمين ينزلو هنا، ناس معاشيين ما ادوهم قروشهم و بعاملومهم زي الشحاديين ينزلوا هنا، طالب ماشي جامعتو تنقش تنقش يلمو فيهو الناس الانت ما داير ليهم الشوشرة ديل يعذبوهو ويفكوهو بين الميتة و الحياة ينزل هنا، بوشي وام بوشي ينزلوا هنا، اتحاديين ما دايريين قياداتهم يدخلو جحر الضب وبتظاهروا ويهتفو "...لما حكمنا الناس راضين لا اضارينا ورا دبابة ولا تاجرنا باسم الدين" ينزلو هنا صورة وصوت. دا فيما يخص الشوشرة، أما عن حكاية الناس ما دخلت و اتضامنت مع الاستاذة هالة ليه زي ما عملت مع نجلاء فبطالب معك بالتضامن معها ان كان دا قصدك، أما لو السبب في عدم التضامن دا هو زي ما قال اخونا أساسي فيمكنلو القيام بالموضوع -لو انس في نفسه عدم اللزوجة- عسى ولعل يقدر يجيب متضامنين.

السلام لك اولا واخيرا
والتحية دوما لنجلاء سيد أحمد و الاستاذة هالة عبد الحليم وكامل تضامني معهما.

سلام للضيوف الكرام

ياخ انت مبالغة وعمر التانى داك طلعتونى عيانة شديد مفروض اكون راقدة هسع فى مستشفى التجانى.... مرة جنون عظمة ومرة جنون بقر.


ياخ كدا انا عرفت الشوشرة البعمل فيها حارة عليكم كيف. والعجب بعد الجلسات النفسية الاتبرعت لى بيها دكتورة ناهد من اجل تجويد عملى

ياخ قول لناسك يرجعوا لى ادوات العمل عشان انا عندى حماس شديد بعد ما نفخونى ناس سودانيزاون لاين بكلامهم حق اصحاب اصحاب والله يخليهم لى اصحابى

وكمان السلفونى جهاز اتاوق به على بوستاتكم دى .

امس تم اسبوع وقالوا برجعوا الحاجات الاخدوها وما رجعوها وكمان قول ليهم خلوها

دى وحدى مريضة نفسيا ماتساعدوا فى نفخها علينا وفى ناس محتاجين التضامن او قول لناس الامن يبطلوا ملاحقة النساء رجالة آخر زمن .

التحية لاستاذة هالة وكامل التضامن معها ومع الوطن المنتهك

وعليك اول ماترجع الكاميرا بتاعتى امشى اسجل معاها طوالى

يا نجلاء..
النصييييحة لحدي قبل مداخلتك الأخيرة دي ما كان عندي فكرتك دي..
بس صراحة عجبتني طريقة تفكيرك..
عموما البوست ولحدي قبل مداخلتك كان المقصود بيهو أعضاء المنبر والإزدواجية مع إتنين من عضوات المنبر..
بس يا قول المنو داك..الفي قلبو سمسنق..براهو دانسنق..
وعليك الله نصيحة وانا جادي ..لما تمشي لي هالة خليها تةريك كيف بيكون النضال ضد الحكومات وكيف تتم المواجهات...بل وكيف يتحلى المرء برباطة الجأش حين يحتدم الوغى..فهكذا دروب ما فيها يمة أرحميني..وصدقيني أكثر ما ح نقدموا ليك كأعضاء يومها عبارة عن انا برسل ليك لاب تةب.. ويا نجلاء كاميرتك مقاس كم؟ ويا نجلاء صندوق بريدك كم عشان مرسلا ليك آي باد..
غير كده ما ترجي مننا رجا..
سمح؟

Quote: اتصلت بي ابنتي سميرة ( الحبشية التي تعمل في رعاية اطفالي )

بخاري سلام وتضامني معك
لكن قصة إصرارك على الحبشية التي تعمل في تربية اطفالي دي مزعجاني ماعارف ليه ..؟!!
وتكرارك ليها في أكتر من موضوع وبذات تون الكتابة محيرني كان يكفي أن تقول إنها بتك ...
إلا إن كنت داير تعمل إسترس على حسن معاملتك للشغالات والحبشيات بالذات
أنا مثلاً عندي شغالة وبرضك حبشية (حكمة الله) وبتقول لي بابا ولزوجتي ماما
فلو داهوا ناس الامن بيتي وجبت سيرتها فحاكتفي بالشغالة الحبشية او بتي دونما تزيُّد
معليش كلام كان حارقني وقلته ما تاخد فيه حاجة

كيتا في أساسي تضامنوا مع هالة عبد الحليم ليفهم - إن كان ذلك ممكنا- أن التضامن مع مبادئي وليس مع أو ضد شخوص،،،شكرا علي تنصيبي كاتبة وتنصيب نفسك ناقدا "شفت سماجة أختك الفاضلة عفراء سند دي قدر شنو؟"
موءنة عام من الويكة

هاي أبو عمير

Quote: وأقيفو من المتابة زي سنة ةنص

إشمعني يعني زي سنة ونص ؟
النص دا لشنو يعني ؟؟
غايتو عندك المحن يا أبوعمير ياخ .

Quote: وأقيفو من المتابة زي سنة ةنص

نسيت أوضح أنو الكلمة التحتها خط دي مقصود بيها (الكتابة)
والحرف التحتو خط مقصود بيهو (و) ..
أبو عمير دا بيكتب من الموبايل كما وضح لي شخصيا..
دا بس عشان ما يجىء زول يتلايق عليهو في حاجة هو ما قاصدا.