Post: #1
Title: عصا نائمة وعصا قائمة
Author: نجلاء قرافي
Date: 01-13-2012, 03:23 PM
Parent: #0
ورد اليوم خبرا مفادة ترحيل الدكتورة مريم الصادق (مساعد الأمين العام لحزب الأمة القومي للإتصال السياسي) الي الخرطوم بواسطةالامن وقد كانت في طريقها للدامر للقاء المناصير المعتصمين للمطالبة بحقوقهم .
برغم احترامي الكبير لمواقف الدكتورة مريم وصلابة مواقفها وإنجيازها لكثير من قضايا اصحاب الحقوق .
تظل هي جزء لايتجزأ من حزب الامة المشارك في السلطة واخوها لزم مساعد رئيس الجمهورية وقاعد مع البشير سوا سوا في القصر الجمهوري .
يبقى أي تصرف أو تضامن يادكتورة هو سلوك غير مفهوم لدينا .
المناصير ليهم مظالم مع الانقاذ وهجرتهم في الصقيعة والانقاذ انتو مشاركينها في السلطة .
والله دي غلوتيــة عديييل كدا .
ــــــــــ
مع تضامني الكامل مع الدكتورة مريم وحقها في الحركة والتنقل وحرية الرأي .
|
Post: #2
Title: Re: عصا نائمة وعصا قائمة
Author: نجلاء قرافي
Date: 01-13-2012, 03:40 PM
Parent: #1
الدكتورة مريم لاتمثل نفسها بل تمثل حزب الامة وهي مساعد الامين العام لحزب الامه للاتصال السياسي
كم معركة خاضتها السيدة / مريم كما يحلو للانصار مناداتها وكم وقفت بجسارة في قضايا مهمة والعام المنصرم انكسرت يدها وهي تقاوم السلطة .
كل ذلك قبل
أما بعد المشاركة
فتصبح غلوتية .
|
Post: #3
Title: Re: عصا نائمة وعصا قائمة
Author: Haju Muktar
Date: 01-13-2012, 03:48 PM
الاستاذه نجلاء تحياتي
ده تبادل ادوار والشعب لازم يوعي ويخرج من عباية الساده
انا شخصيا لا اتضامن مع مريم ولا اي شخص عندو علاقه بالساده
|
Post: #4
Title: Re: عصا نائمة وعصا قائمة
Author: محمد عبد الماجد الصايم
Date: 01-14-2012, 09:34 AM
Parent: #3
نجلاء دي بتقول كلام كويس يا جماعة .. والله صحي!!
|
Post: #5
Title: Re: عصا نائمة وعصا قائمة
Author: فايزودالقاضي
Date: 01-14-2012, 01:07 PM
Parent: #4
نجلاء ..سلامات ...
يعني بعد ده الابوه او اخوه بقى في خط الحكومة لاتقبل معارضته ؟!!
هل مريم دي ماليها شخصيتها الاعتبارية ؟!!
|
Post: #6
Title: Re: عصا نائمة وعصا قائمة
Author: نجلاء قرافي
Date: 01-14-2012, 02:11 PM
Parent: #5
فايز سلامات
مريم الصادق المهدي تمثل حزب الامه وهي تمثل خط الحزب
ومشيتها للمناصير لم تكن لوحدها بل ممثلين احزاب منهم الاستاذ / كمال عمر بتاع الشعبي
حزب الامه حزب مشارك في السلطة والمناصير متضررين من السلطة
ويجي الامن يعتقل احدى قيادات الحزب المشاركهم في السلطة
بعدين مريم دي ما أي زول مريم دي بت الامام ومساعد الامين العام .
ماعندها أي صفة غير كده .
|
Post: #7
Title: Re: عصا نائمة وعصا قائمة
Author: Nagat Sid Ahmed Elshiekh
Date: 01-14-2012, 09:50 PM
Parent: #6
Quote: بعدين مريم دي ما أي زول مريم دي بت الامام ومساعد الامين العام .
ماعندها أي صفة غير كده . |
نجول سلام كلام تمام والله ...
اى نعم مريم الصادق عندها مواقف شجاعة ..لكن كمان هى بتمثل حزب الامة المشارك مع الحكومة الان يعنى لو قدمت استقالته من الحزب كان ممكن الناس تضامن معاها ...
|
|