#الانسة تهاني أفندي من شدة الفرحة كسرت فيها بطن .....!

#
أنتو عارفين الانسةتهاني أفندي دي من مواليد سنة 1971 وهي في بداية العقد الرابع من عمراطبعا خالتي قالت تهاني أفندي منحوسه وفقرمن يوم ولادتا طوالي العصر رجع نميري تاني للحكم وأمها جاءها نزيف شديد لكين بعد كدا كانت شافعه مريضدا ومزعجة وجنها مضاربه ومما دخلت المدرسة لحدي الجامعة كانت شاطرة وأصلوا ما بتلعب الا مع الاولاد و هدوما دايما مبهدله وذوقا بلدي بجدالمهم أتخرجت من الجامعة سنة (سبعه وتمانين )بعدهاأشتغلت في وزارة المالية في ديوان المحاسبة التابع لحكومة السودان قعدت في الديوان زي سنة كدا وبعد مشت مصلحة الري الزمان طبعا تهاني أفندي فيها قوام يغني عليهو سروروالله ذات قوام ممشوق لكين الوش بس وش عزالدين أخوها الخالق الناطق المهم هي كانت طموحة جدا وقصة الزواج والارتباط دي ما عندها معها موضوع لا هاجس بالنسبه ليها لانو عارفة المقدرات الجمالية التي منحت لها و قيمة نفسها في سوق الحريم وموضوع ما شغال كدا بالعلاقات العاطفية حتي طارق القصيير دفعتا هرب بعد يوم التخرج الي خارج السودان لاسباب موضوعية أول الاسباب قال أنها خشنة الملمس والتعامل لكين الشيء الجميل فيها عندها بودي ممكن مستر بنز الالماني يبني عليها موديلات سيارات المستقبل بدون ما يحتاج لخيال أو أي نوع من الابداع والشيء الغريب فيها ما حصل ما كانت شايله أكل معها أبدا روحا في الطعام بتحب الاكل موت كان ما عندهاأكل بيكون معهاشوية تمر وفول مدمس غاتو عايشه بطريقة عشوائية جدا لدرجة توب الشغل ممكن تمشي بيهو السوق وبيوت البكايات ,وكان في سماية غدا دي ما يوم المني كل أهتماماتهاالانسة تهاني أفندي كانت أجتماعية وأسرية أكبرمن قصة حب وزواج بيت وكدا وكمان بتحب قراية الروايات ومن المغرمات بكتابات نوال السعدواي يعني البت مثقفه جدا, كانت الفترة بتاعت العشرسنين الاولي من سنوات العمل كلها أكل وعوازيم وأعراس وصناديق حتي يوم الجمعة فطور الجمعة مازال حكاية كدا لما يقولوا فطور تهاني أفندي الكلام أنتهي لكين زهجت من الحياة الممله وبدات تاني تحس بأنوثتها وعايزة ترتبط ودخلت في علاقات مع الوسيلة الرهيب وأكتشفت أنو زير نسوان وزوال كداب وما عايز أعرس بس قصة عندو علاقة بيها والسلام بعد جا كمال من الخليج يعني كانت حسا أنو كمال دا معقول ممكن يتجاوب لكين برضو نظريات وكلام وأحلام لحدي أقتنعت أنو حظها مخستك ودي عشرة تانية راحت ونحن الليلة في سنة 2007 هنا خلاص خافت من البورة الحقيقة وقامت تعرض الأمكانيات بدت أشترت عربية كورية وبعدها قدمت للخطة الاسكانية ومنحت قطعة أرض معها أمها وكسرت الصالون ومعهو البرندا اللي في بداية البيت وعملت دكان وصالون عصري كدا لكين كلوا ما جاب همو والحياة طعم واحد شغل وأجتماعايات وأنشطة رياضية كمان عرفت الجم وسافرت القاهرة لانو عزالدين جاهم في القاهرة من كندا المهم قبل أسبوع كدا رضوان دا جار في الحي ما بعيد منهم مرتو ماتت قبل ست شهور هو عندو عربيه وشغال في الخرطوم شافا مع واحدة من بنات الحوش الجنب بيتو سال عنها قالوا ليهو دي تهاني أفندي ست النظام والقيافه لكين حظها عجيب رضوان طبعا عجبتوا قصة النظام والظارفه والقيافة وهو من جيل الخمسينات طوالي فكر في ست الحسان وقال لنفسو شنو يعني فرق عشرين سنة ولا حاجة كدي أتقدم اللي يحصل يحصل قام قال لحنينه عمتو أنت بتعرفي ناس تهاني أفندي ديل قالت ليهو بالحيل ناس مستوريين وكمان طيبه وأخلاق مالك أنت داير شنو قول طبعا طرح فكرتو حنينه ما صدقت جرت جري لام تهاني أفندي وتهاني كانت في رياضة المساء وهي عبور كبري شمبات كدري
لما رجعت وأمها قالت ليها الليله يا تهاني جاءك عريس وقبل ما تكمل أمها الانسة تهاني أفندي فرحت لحدي أنكسرت فيها بطن ...!!!!! من شدة الفرح ( جاها أسهال عديل ) . وأمها تشيل وتصرخ تهاني بتي من شدةالفرحة كسرت فيها بطن !!!!
عقبال كل البيركس وأنشالله بكسرت يد بس أجي ؟[/B]

دا شنو دا يا زهير

ياخ قصتك دي دايره حبكة ودقه شويه

Quote: مواليد سنة 1971 وهي في بداية العقد الرابع من عمراطبعا خالتي قالت تهاني أفندي منحوسه وفقرمن يوم ولادتا طوالي العصر رجع نميري تاني للحكم

يعني نحنا نحس مواليد 71 اعمل حسابك اغلب البكتبو هنا مواليد 71

Quote: تخرجت من الجامعة سنة (سبعه وتمانين )

مستحيل يعني اتخرجت من الجامعه عمرها ستاشر سنه غايتو اغلب مواليد 71 اتخرجوا سنة 94 و95 و96 ديل الشطار الما ربتو سنه

لسه ما قريت الباقي كدي صلح التواريخ لمن نجي نشوف انت مهبب شنو كمان

Quote: ياخ قصتك دي دايره حبكة ودقه شويه

يا عزو حمدالله علي السلامة ما سمعت بي رجوعك الا اليوم في صلاة الصبح

عموما يا عزو نديك شوية من الكتلوج بتاع قراية نصوص اخونا الغالي زهير

وخاصة البتكون مكتوبة ليلة الخميس او صباح الجمعة

يعني حكاية اتخرجت 87 مقصودة عشان يبعد الشبهات عن مقاصده بعدين تواريخ

زهير دائما لديها ما ورائيات واسقاطاعت يعرفها هو وبتاع الدكان

فالقصة كل المقصود منها انه تهاني النحسه حتعرس و فرحة لمن جاها اسهال

زهير عايز يعرس وتنكسر يده نتيجة فك النحس

ياخ زهير عالم جميل و سرير وثير و قزازة فاضية و انا بحب لله في لله

كبيري الغالي أبورغيم مفتقدك والله وابوظبي تحن ليك ربنا يديك العافية


يازول انا قاعد ما اتزحزحت شبر من قلب الدانه انبض مع نبضها وما بمشي بعيد

Quote: عموما يا عزو نديك شوية من الكتلوج بتاع قراية نصوص اخونا الغالي زهير وخاصة البتكون مكتوبة ليلة الخميس او صباح الجمعة يعني حكاية اتخرجت 87 مقصودة عشان يبعد الشبهات عن مقاصده بعدين تواريخ زهير دائما لديها ما ورائيات واسقاطاعت يعرفها هو وبتاع الدكان فالقصة كل المقصود منها انه تهاني النحسه حتعرس و فرحة لمن جاها اسهال

يعني يا كبير زهير دا بكتب لينا قصص مشفره ولا سرياليه ولا الحاصل شنو ؟

كان كدا الواحد ما يقرى لي زهير دا إلا بعد ما يعمر راسه بس خليه يوريني الصنف اخاف اعمر بي احمر هو يكون معمر بي ابيض يتلخبطن علي الشفرات اقوم امشي بعيد خالص

يعلم الله اقلب في القصه من فوق لي تحت ما فهمت في الحبه

Quote: زهير عايز يعرس وتنكسر يده نتيجة فك النحس ياخ زهير عالم جميل و سرير وثير و قزازة فاضية و انا بحب لله في لله

انا زاتي بحبه رغم انو قبل كدا زريته في بوست مسحوب وكان معاي خالد كودي عمل مجنون وميت وما اعتذر لكن الظاهر كلامو كان صحيح وبما انو البوست انسحب وهو ما وضح فمافي داعي اعتذر ليه

يا كبير انا اتعهد ليك احل ليك مشكلة عرس زهير بي احسن طريقه عارف العزابة وبعض المتزوجين رغبين الدبل في حلتنا اكتشفو ليهم قرى كدا في مكان من السودان ناس كرام وطيبين وجميلين ومتساهلين جداً في حكاية الزواج دا خمسين الف بس بالقديم يسلموك مرتك بنات جميلات ومتربيات بس ما جامعيات انا بكلف واحد يسوق زهير دا يعرس ليه من هناك وبجهز ليه الشيله وباقي اللوازم منها هنا ، وبورداب الخرتوم يسوو الحفله وننهي المشكلة دي ، بعدين قالوا البنات ديل ماشاء الله كلامن ما كتير وبلبسن اي حاجه وما عندهن شغله بالدهب ولا الكمبيوتر ولا الفيس بوك وما بنزعلن كان دبلت عليهن ولا بتحاومن بس في بيوتهن غسيل وطبيخ ومن تمغرب يجيبن دلكتن ودي كمان مع عوالم زهير دي بتكون الشغله اكتملت وزهير دخل الجنه


يازهير يااخي قالو في قريه كدا ترسل ليهم رصيد بي ميه الف تمشي تستلم مرتك من المحطه اقع القرى والبوادي وخليك من بنات الخرطوم الجنهن دهب وتياب ديل ويفتحن ميلك وفيس بوكك

زهير يا عزنا كان ماشي في موضوع العرس بالطريقة الكلاسيكية زيو و زي اي

افرج شاب لكن في لحظة فارقة لا حظ انه العرض اكثر من الطلب فقام اتعزز الليمون

لحدي ما استحمي خالص قام يكابس في الموالص واتهيبن شوية و عمل ليهو كـلبة

واشتري حلة برستو و (كانون) جديد و شوال فحم و صاحب ليهو بوردابي عنده عربية


ومنتظر واحده تجي تجروا لي للماذون او تجيب الماذون و تجيهو

اتاريها القصه كدا يا كبير لمن كان رتينه عمل طاووس لمن بقى فانوس قعد غراب - حكمتك يا ربي نشوفها ونسمعها ونقراها

بالجد خليه يعمل طريقتي دي وهي فكرة ممتازه المره دي مع الكانون الجديد وال######ه البتحرس البيت والمره والصاحب ذوالعربية للمشاوير الطارئه فقط وحلة البريستو تعلق للزينة لانو كنش يكفي وصحي بنجض الاكل في مده طويله لكن المستعجلين ليها شنو

يازهير اسمع كلامي الحق باقي السقط دا والاسبوع الجاي برسل ليك العده والدلكة والخمره هسع بقن جاهزات في سوق سعد قشره ولو قطعت في كمان قدر ظروفك

وافق بس واكتب متتطلباتك من البدله لل k-y ود بالذات حا ارسل ليك منه دسته شهرياً

الاستاذ عثمان رغيم صديقي الحبيب متعك ربي بالعافيه
وتحياتي المهم أنت الوحيد في البورداب اللي قدر يشخص حالتي الانسانية وأنت بها عليم المهم يا شيخنا ربنا يردك لينا بالسلامة أنشالله عشان لسه العزومحقتي معلقه
لك كل الود

أخي العزيز عبد العزيز
تحياتي ياراقي وشكرا علي مشاعرك النبيله نحو سعادتنا المهم طبعاأنا بحب الارتباط عن طريق الحب والرومانسية وكدا لكين قصة الواحد أشتري لوحة جميلة بدون مشاعر دي ما معاي أبدا لكين ح أمشي اشوف الخيرة وأقوليك ح أتصرف كيف بعدا

ربنا يحفظ للعزابة ولكين بالله أي صفقة الا عن طريقي عشان العاملين فيها محترمين أعرف ليك نهاية كل واحد فيهم خصوصا قيقا الرهيب بعد النيو لوك.
لك كل الود

يا ابو الزهور و رغيم الاب ارفعوا ايديكم عن مواليد واحد و سبعين !!

تهاني افندي و قيقا و عزو .. و حسن اولئك رفيقاً














----------

الله يحرجك يا زهير ياخي!
قصتك دي غير عدم تماسك حبكتها الدرامية ..
نهايتا مالا سائلة كدا!؟

تحياتي يا زهير

Quote: تحياتي ياراقي وشكرا علي مشاعرك النبيله نحو سعادتنا المهم طبعاأنا بحب الارتباط عن طريق الحب والرومانسية وكدا لكين قصة الواحد أشتري لوحة جميلة بدون مشاعر دي ما معاي أبدا لكين ح أمشي اشوف الخيرة وأقوليك ح أتصرف كيف بعدا

يا زهير سيبك من أفكار الديناصورات والعصر الحجري دي مشاعر شنو ؟ العاوز ترتبط بيها دا كلام عجايز ساي المشاعر دي بتتزرع بعد العرس يبذروها خلعه كدا ويسقوها خمره (بضم الخاء) وتربتها دلكه وثمارها زهور وزهرات أولاد سندك يشيلو اسمك ويربطو العلاقة البيناتكم اكتر (يازهير أقول ليك ما تزعل الزيك مفروض يعرس عشان يجيب ليه أولاد حب شنو كمان) أنت لسه من زمن الناس تحب وتعرس ياخ دي موضه انتهت زمان وكان باريته وبي جنس وحوحتك دي اسمح لي اقول ما حاتعرس جيب ليك حاجه خام وظبطتها على مزاجك علمها ربيها تستمتع ما سمعت بمقوله الحب بجي بعد الزواج قسماً يا زهير أنا جربتها بحذافيرها حبت وجكست من الثانوي والكلية القبطية وجمال عبدالناصر وأكلت نجيلة جامعة السودان لمن بقيت مدمن نجيله وكاكيت وبيضت اليوم كله محاحاه بين الجنوبي والغربي لي زراعة هناك مشيناها واتخرجت واغتربت تميتها هنا حب دولي كمان لكن لمن جيت اعرس قلت لي اهلي هوي شوفوا لي عروس

يازهير قالو المره بتحب بي قلبها والراجل بحب بي عقله وفي مسائل الزواج دي حكم عقلك واسمع كلامي والله بالجد وأقول قولي هذا وأنا لك من الناصحين وأتمني تقتنع بس


------------------------

قيقراوي يا نديد

شفت زهير دا هجم نديدتنا تهاني كيف أها هي بورتها اتفكت اقنع لي زهير دا انو ما باير بس معاند

Quote: يازهير قالو المره بتحب بي قلبها والراجل بحب بي عقله وفي مسائل الزواج دي حكم عقلك واسمع كلامي والله بالجد وأقول قولي هذا وأنا لك من الناصحين وأتمني تقتنع بس

الراجل برضو بحب بي قلبو يا عزو ..
لكن المقولة الشائعة انو قلب الرجل خصية تالتة











---------

انت من زمن الحب يا ابو الزهور
لوووووووول

هو في تين!؟

الحب بعض من تصورنا .. ان لم نجده، لاخترعناه

شفت الالحاد العاطفي دا كيف!؟

المسألة بقت شراكة ذكية ؤكدا
خليك عصري يا ابو الزهور

ابو الزهور

بقينا زيائن معتمدين عديييييييييل في بوستات الشواكيش دي
انا والأخ قيقا (نموذجن)
تهاني دي بتذكرني كرجاجة بت حلتنا ..... والله صحي

أخي الامين البشاري
تحياتي
المهم يبقي الود بيننا تعرف بنحاول نخلي الحياة ليها طعم بعد كترت الخوازيغ والشوكيش والالم العميق في الجو جوا بس ربك كريم بنا

لك ودي

أخي الامين البشاري
تحياتي
المهم يبقي الود بيننا تعرف بنحاول نخلي الحياة ليها طعم بعد كترت الخوازيغ والشوكيش والالم العميق في الجو جوا بس ربك كريم بنا

لك ودي

الرفيق والملحد العاطفي قيقا الرهيب
تحياتي بالله قصة الالحاالعاطفي فكرة فنانة وطبعا السبب معروف لكين تعال ندعو ليها بهمة كدي ونعمل بوست مشترك نسمي الدعوة للكفر العاطفي فكر ورد علي ...!ضروري جدا

بعدين أنا ما بتاعت شراكة ذكية الا في عالم البهجة والبرامج الليلية ما في أي واحدة تسحق شراكة ذكية غير تربس قلبي ماجي لكين الله غالب قالوا (مزواج وكداب كمان ) بالله تصدق الكلام في أبو الزهراء الوديع جدا الحلة الليلة حاجة كدا أنا علي أعصابي لانو الضأن ما عايز نار شديدة
لكين برضو منتظر نشوف أخرتا شنو بالتاكيد سوف ينتصر الحب يا قيقا

Quote: أجي ؟

Quote: بعدين أنا ما بتاعت شراكة ذكية الا في عالم البهجة والبرامج الليلية ما في أي واحدة تسحق شراكة ذكية غير تربس قلبي ماجي لكين الله غالب قالوا (مزواج وكداب كمان ) بالله تصدق الكلام في أبو الزهراء الوديع جدا الحلة الليلة حاجة كدا أنا علي أعصابي لانو الضأن ما عايز نار شديدة لكين برضو منتظر نشوف أخرتا شنو بالتاكيد سوف ينتصر الحب يا قيقا

الرجاء من الاخت التي تكتب بأسم اخونا زهير, الكف عن ذلك ؟






____
الناس بدت تتكلم ياخ

خدور امبسبمل ياخي!!

بطل شغب









---------

هو ابو الزهراء كان لاقيي ليو (واحدة) تشاركو - شراكة ذكية ول ما ذكية ذاتو - في ي ي ي الباسوورد كمان، كان بكون في بوست زي دا ذاتو!!

امبسبول ياخي!!

Quote: امبسبول ياخي!!

هههههههههههههههههههههههههههههههه

أبو الزهور ، كيفك يا صديقي

ياخي ربنا يلمك في بت الحلال ، والله شايلين همك معاك ,,
غايتو أنا شايف إنو تهاني دي كبيرة عليك شويييييية كده
لكن كان مافي غيرها ، ما في مشكلة اتوكل وأقع طوالي ..




إنت و قيقا ده تقعدوا تباروا في الالحاد العاطفي ده ، لمن قطركم يصفّر..

خدر الفنان أزيك
بسم الله الرحمن الرحيم مالك معي يا حبه لا جكسوية بكتب بأسمي ولا حاجة كمان داير تعملني جنس تالت كتير خيرك وحصل خير
يا خدر أنت ما جاي أجازة قريب عشان نحتفل بيك ياصديقي المهم الود حمور وين قالوا لفي مع الثوار في مصر صحي؟
لك تحياتي

الحبيب صلاح عبدالله
تحياتي
كان مفروض أرد عليك من أمس بس عندنا عرس بت أختي عقبال أولادك وكمان عقبالي أنا المهم يا صديق ما تنسوا أخوكم من صالح الدعاء الدنيا بارده وجد في معاناة في غسيل العدة وطبيخ حلة المسا و والمعاناة الحقيقة والالم الكبير السرير بس تلج اللهم أجعله أكثر دافيء

*أبو غزالتين شاي مضروب نحو فتح الاستراد برقية لوزير التجارة
لك كل الود

Quote: *أبو غزالتين شاي مضروب نحو فتح الاستراد برقية لوزير التجارة

أبشر بالـLipton يا أبو الزهور.
كلامك واضح جداَ..
يلا يا قيقا إنت وأنا وود البشرى، وودالصايم..
الزول ده يا تشوفوا له عروس خواجية ، أو من قطر - الامارات - السعودية
يا كمان تجيبوهو يفتش براو..



أها قصّرنا معاك يا أبو الزهور؟؟

Quote: إنت و قيقا ده تقعدوا تباروا في الالحاد العاطفي ده ، لمن قطركم يصفّر..

قيقا بعد دا بفتش في حسن الخاتمة بس ..
حج ذاتو حجيت .. و دبلتا

الحمد لله ما قصرنا ..
مشيناها خطاً -بالطول و العرض - كتبت علينا..
و من كتبت عليه خطاً .. مشاها












--------

يا ابو الزهراء البرد بعمل رطوبة
ركز مع الشاي .. و ابعد عن الغزلان .. اياً كان العدد .. و لا واحدة ذاتو!
شاي الربيع : خلي مزاجك راااااااااايق

قديماً قيل:

قرداً يونسك .. و لا غزالة تزوزي بيك

الحبيب أبوالزهراء تحياتي وحبي


معك سائرون حتي تتدبس

Quote: تحياتي بالله قصة الالحاالعاطفي فكرة فنانة وطبعا السبب معروف لكين تعال ندعو ليها بهمة كدي ونعمل بوست مشترك نسمي الدعوة للكفر العاطفي فكر ورد علي ...!ضروري جدا

معاكم في الفكرة الفنانه دي وعينوني سكرتير عديييييييل كدا ومقرر اكبر كافر عاطفي ولا يؤمن بوجود الحب

يازهير أكفر بالحب تلقى نفسك عرست بالطريقة الانت عاوزها ... الخوف اظنك لسه بتحلم تجكس وتاكل ايس كريم وتقعد في النجيله وتشتري دب شايل قلب احمر



صلاح عبدالله عليك الله أقرى خارطه الطريق السويتها لي زهير فوق دي ويدك معاي نحل المشكلة دي دردقوه بس

يا قيقراوي يدك معانا ننهي الشغلانه دي كمان ما تزازي لينا بي ابوالزهراء دا ياخ يدك برضه معانا وادعم فكرتي الفوق (المره دي طلع نديدتنا بايركس لمن خلعنا ونحنا غاشين نفسنا هسع انا من اول امس اضرب اخماس في اسداس سجمي انا ما بقيت كبير لمن نديداتي بقن بايركس عتيقات يتمسخر فيهن ابوالزهراء ما معروف المره الجايه يسوي شنو ولاحظ هو مركز على ناس 71 زي التنشين المضبوط)