Post: #1 Title: تف من خشمك يااااخ... والله صحي Author: الامين موسى البشاري Date: 01-12-2012, 10:53 PM Parent: #0
آآآآآآآآآآي تف من خشمك أيها الدجال
Post: #2 Title: Re: تف من خشمك يااااخ... والله صحي Author: الامين موسى البشاري Date: 01-12-2012, 10:54 PM Parent: #1
دجال سوداني يتنبأ بأن يستمر حكم البشير للسودان 31 عاماً
Post: #3 Title: Re: تف من خشمك يااااخ... والله صحي Author: الامين موسى البشاري Date: 01-12-2012, 10:57 PM Parent: #2
Quote: دجال سوداني يدعى بلّه الغايب، يتحدث بكل جرأة عن الغيب، ويتنبأ للرئيس البشير بسنوات جكم تستمر واحد وثلاثون عاماً، قابلة للزيادة عندما ذكر قول الله تعالى: (والله يضاعف لمن يشاء)... ومعلوم أن هذه الجملة وردت في هذه الآية 261 من سورة البقرة (مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِائَةُ حَبَّةٍ وَاللَّهُ يُضَاعِفُ لِمَنْ يَشَاءُ وَاللَّهُ وَاسِعٌ عَلِيمٌ
لو كلامك ده بقى صحي تبقى أم الحسين اتنفخت
Post: #4 Title: Re: تف من خشمك يااااخ... والله صحي Author: الامين موسى البشاري Date: 01-12-2012, 11:00 PM Parent: #3
Post: #5 Title: Re: تف من خشمك يااااخ... والله صحي Author: الامين موسى البشاري Date: 01-12-2012, 11:02 PM Parent: #4
شوف باللاي الزول الكضاب ده طلعنا سلاقين بيض ساااااي ... والله صحي
Post: #7 Title: Re: تف من خشمك يااااخ... والله صحي Author: هشام عباس Date: 01-12-2012, 11:09 PM Parent: #5
غايتو البلد اتملت جنس بلاوى يا جماعة والله العظيم سنتين تلاتة لو الوضع دا استمر نفوز بلقب ارض الاغبياء بجدارة تحياتى الامين
Post: #10 Title: Re: تف من خشمك يااااخ... والله صحي Author: الامين موسى البشاري Date: 01-12-2012, 11:21 PM Parent: #7
Quote: غايتو البلد اتملت جنس بلاوى يا جماعة والله العظيم سنتين تلاتة لو الوضع دا استمر نفوز بلقب ارض الاغبياء بجدارة
هشام عباس
سلامي وتحياتي،،، الزول الفكي ده قفلها في وشنا كلو كلو هسي كلامه ده لو كان ما في صالحهم كان اتهموه بالزندقه والرده ........ والله صحي غايتو الا انادي ليهو صاحبي محمد مصطفى عبد القادر يرشو لينا
Post: #6 Title: Re: تف من خشمك يااااخ... والله صحي Author: محمد حيدر المشرف Date: 01-12-2012, 11:08 PM Parent: #4
قرررربت .. واحتمال عشان الزول ده بالتحديد يطلع كضاب وزى ما هو كضاااب وما عشان أى حاجة تانية ! والكلام ده انا مسؤول عنو الف الالف .. إمام الشعب السودانى .. وإمام المحاكم .. وإمام أى زول ؟!
والله صحى !!
Post: #9 Title: Re: تف من خشمك يااااخ... والله صحي Author: الامين موسى البشاري Date: 01-12-2012, 11:15 PM Parent: #6
Quote: قرررربت .. واحتمال عشان الزول ده بالتحديد يطلع كضاب وزى ما هو كضاااب
محمد حيدر المشرف
غايتو زولنا التحفة ده حطمنا جنس تحطيم لو طلع كلامه صحي ... يبقى موضوعنا استحمه والله صحي
Post: #8 Title: Re: تف من خشمك يااااخ... والله صحي Author: عبداللطيف حسن علي Date: 01-12-2012, 11:13 PM Parent: #3
كان صلعم لايستحي من حضور عمر وابوبكر وهو في حضرة عائشة
وملتف في سترتها لكنه كان يستحي من عثمان بن عفان الغني
الذي نصر الدعوة بامواله !
هذه مناسة نزول السورة ! فهل هناك شبه
Post: #11 Title: Re: تف من خشمك يااااخ... والله صحي Author: محمد على طه الملك Date: 01-12-2012, 11:40 PM Parent: #8
ما دام ناس الانقاذ بقى دا اعلامهم يبقى فعلا قطرهم صفر.. قال واحد وتلاتين سنة؟ يعني عايزهم يقعدوا تاني تسعة سنيين .؟ قطع شك يكونوا اللازنو علينا عندهم مشروع ما اكتمل لسع.
Post: #14 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 00:09 AM Parent: #11
Quote: يعني عايزهم يقعدوا تاني تسعة سنيين .؟
اتخيل بالله؟ لالالالالالالالالالالالالا ويضاعف الله لمن يشاء ديل ناس نافع اظنهم
Post: #12 Title: Re: تف من خشمك يااااخ... والله صحي Author: الامين موسى البشاري Date: 01-12-2012, 11:43 PM Parent: #8
Quote: هذه مناسة نزول السورة ! فهل هناك شبه
يا راااااااجل الشبه ده كلو ماك شايفه قوموا الى بيضكم يرحمكم الله.......... غايتو وقت تراجي كانت بتقول فقرا وشيوخ جابتهم الحكومة كنت ما مصدقها .. لكن بعد كلام الزول الوهم ده الزول ممكن يصدق اي حاجة ..............
Post: #13 Title: Re: تف من خشمك يااااخ... والله صحي Author: عبداللطيف حسن علي Date: 01-12-2012, 11:51 PM Parent: #12
Quote: يا راااااااجل الشبه ده كلو ماك شايفه قوموا الى بيضكم يرحمكم الله.......... غايتو وقت تراجي كانت بتقول فقرا وشيوخ جابتهم الحكومة كنت ما مصدقها .. لكن بعد كلام الزول الوهم ده الزول ممكن يصدق اي حاجة ..............
بالضبط انا قاصد اجدع الباص البيني دا (للمسيكني !)
وكنت متاكد ح يكون هدف في اللانقاذ(المهلهل!)
Post: #15 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 00:14 AM
Quote: بالضبط انا قاصد اجدع الباص البيني دا (للمسيكني !)
وكنت متاكد ح يكون هدف في اللانقاذ(المهلهل!)
يا عبد اللطيف الحمد لله ما قال 80 سنة كان لحقنا ناس الصفر الدولي .. والله صحي
Post: #16 Title: Re: تف من خشمك يااااخ... والله صحي Author: أمير عثمان Date: 01-13-2012, 03:01 AM Parent: #15
وحتسلقوا بيض تسعة سنوات!!! ... خلى بالك الزول شريك فى مزرعة دواجن.... سلام يا الحبيب
Post: #17 Title: Re: تف من خشمك يااااخ... والله صحي Author: د.محمد بابكر Date: 01-13-2012, 03:38 AM Parent: #16
Quote: قال واحد وتلاتين سنة؟
وخمسه وعشرين يوم
الله يجازى محنك ياالبشارى كل يوم ناكت ليك نصيبه تحياتى..
Post: #18 Title: Re: تف من خشمك يااااخ... والله صحي Author: Amani Al Ajab Date: 01-13-2012, 04:18 AM Parent: #17
كان كده أخير لينا الأخ ود الباوقة !!
-----------------------------------
شكراً الأخ الأمين موسى البشاري ولك التحية ..
Post: #29 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 02:56 PM Parent: #18
Quote: كان كده أخير لينا الأخ ود الباوقة !!
ود الباوقة نعمة فوق الزول ده أماني الزول ده متأكد شديد خلاص ومالي يدو تب.......
تحياتي
Post: #19 Title: Re: تف من خشمك يااااخ... والله صحي Author: معاوية المدير Date: 01-13-2012, 04:21 AM Parent: #17
يا فردة عليك الله اسلق ليك بيضتين سريع خلينا نلحق الفرملة بتاعت قطر الوطني قبل تتملي. الزول دا متاكّد من كلآموا بالحيل. والله صحي.
يا حبيب أسلقن، أنا المحمر بيعمل لي حساسية...
Post: #30 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 03:02 PM Parent: #19
Quote: يا فردة عليك الله اسلق ليك بيضتين سريع خلينا نلحق الفرملة بتاعت قطر الوطني قبل تتملي. الزول دا متاكّد من كلآموا بالحيل. والله صحي.
ود المدير ما فاضل الا افتح لي متحف واعرض فيهو ناسي التحف ديل... والله صحي
Post: #20 Title: Re: تف من خشمك يااااخ... والله صحي Author: عادل خياري Date: 01-13-2012, 04:25 AM Parent: #17
اسمك البشاري بشارة الخير كان كدة من دربنا ده نشوف لينا ضل شجرة كبيرة ونقوم نايدها التسعه سنين دي مامعروف ننتظرها ولا ماننتظرها لو العمر فيه مدد والناس تنفض ايدها من المعارضة لمدة 9 سنين وترجع تفكر في الانقلابات يعني بصريح العبارة ماتتعبوا ساي يابشاري بلاي اسال لينا عمك ده البشير زاتو اللي بيحكم 31 سنة ولا الحزب بتاعو لانو البشير اتجرب دايرين نشوف الغيرو يمكن يكون احسن
Post: #21 Title: Re: تف من خشمك يااااخ... والله صحي Author: معاوية المدير Date: 01-13-2012, 04:59 AM Parent: #20
( أفرأيت الذي كفر بآياتنا وقال لأوتين مالا وولدا ( 77 ) أطلع الغيب أم اتخذ عند الرحمن عهدا ( 78 ) كلا سنكتب ما يقول ونمد له من العذاب مدا ( 79 ) ونرثه ما يقول ويأتينا فردا ( 80 ) ) .
سبحان الله!!! عمو بلّة دا قال الحكاية دي شافا عديييييل كده، وربنا أطلعه عليها ؟؟؟!!! يعني نحلف نقول شُفنا زول كُشفت له الحُجب !!!
Post: #22 Title: Re: تف من خشمك يااااخ... والله صحي Author: د.يوسف محمد طاهر Date: 01-13-2012, 05:30 AM Parent: #21
كذب المنجمون ولوصدقوا ... ده نوع من التبيط للمعارضة ولكل ذي همة ينوي التغيير ... سلام يا البشاري
Post: #23 Title: Re: تف من خشمك يااااخ... والله صحي Author: nazar hussien Date: 01-13-2012, 06:36 AM Parent: #22
اعمل حسابك يا الامين بله دا بنفخك....
والله بلصق اصابعيك علي الكيبورد
Post: #24 Title: Re: تف من خشمك يااااخ... والله صحي Author: نادر Date: 01-13-2012, 07:18 AM Parent: #23
يا ود البشاري زولك ده شهادتو مجروحة خاتي صورة عمر البشير وراهو وبتكلم، والله صحي
Post: #25 Title: Re: تف من خشمك يااااخ... والله صحي Author: د.محمد حسن Date: 01-13-2012, 08:46 AM Parent: #24
عارف يا اللمين
الصنف البشربو اخونا البلولة ده يخليه رئيس رابطة اصدقاء نجيب زيادة بجدارة
Post: #35 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 04:51 PM Parent: #24
Quote: يا ود البشاري زولك ده شهادتو مجروحة خاتي صورة عمر البشير وراهو وبتكلم، والله صحي
يا نادر بعد كلامو ده كويس ما طبعها لينا في الشال
Post: #34 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 04:48 PM Parent: #23
Quote: اعمل حسابك يا الامين بله دا بنفخك....
نفخ أكتر من كده يا نزار
Post: #31 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 03:07 PM Parent: #22
Quote: كذب المنجمون ولوصدقوا ... ده نوع من التبيط للمعارضة ولكل ذي همة ينوي التغيير
عارفين يا دكتور لكن عايزين نبين قبحهم
تحياتي وسلامي
Post: #32 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 03:13 PM Parent: #20
Quote: يابشاري بلاي اسال لينا عمك ده البشير زاتو اللي بيحكم 31 سنة ولا الحزب بتاعو
انت ما سمعته بقول ويضاعف لمن يشاء اسعالك ده بالذات بقع في الحته دي
Post: #28 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 02:51 PM Parent: #17
Quote: الله يجازى محنك ياالبشارى كل يوم ناكت ليك نصيبه تحياتى..
الما في شنو يا دكتور؟
Post: #26 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 11:42 AM Parent: #16
Quote: وحتسلقوا بيض تسعة سنوات!!! ... خلى بالك الزول شريك فى مزرعة دواجن.... سلام يا الحبيب
أوووووووووو أمير عثمان
وينك يا حبيب معقولة يااااخ؟ قربنا ننساك ابقى شمس ما تغيب باللاي هو قال ما عنده شق تمره لكن بكون شريك المتعافي في مزارع الدواجن
Post: #27 Title: Re: تف من خشمك يااااخ... والله صحي Author: وضاحة Date: 01-13-2012, 11:57 AM Parent: #26
سلاقين بيض يعنى شنو يا ود البشارى؟؟
Post: #33 Title: Re: تف من خشمك يااااخ... والله صحي Author: Haju Muktar Date: 01-13-2012, 03:31 PM Parent: #27
ودالبشاري اه من ناري تسعه سنه يوم ورا يوم انا جاري بيضه ورا بيضه انا بكاكي بله يابله بله فكه الجله شات الحله شال البيض من السله
انت مش بله ده يوم داك قال بعد الاستفتاء سلفاكير بيكتلو والله قمة الجهل والتخلف واستخدام الدين مطيه الجهل مطيه من ركبها ضل ومن تبعها ذل حكومه بيض ساكت
Post: #37 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 05:06 PM Parent: #33
Quote: انت مش بله ده يوم داك قال بعد الاستفتاء سلفاكير بيكتلو والله قمة الجهل والتخلف واستخدام الدين مطيه الجهل مطيه من ركبها ضل ومن تبعها ذل حكومه بيض ساكت
ياهووووووووو زاتو يا هجو
Post: #36 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 05:03 PM Parent: #27
Quote: سلاقين بيض يعنى شنو يا ود البشارى؟؟
وضاحة ده شنو الاسئلة التعسفية دي المهم انتي افهميها بانهم ناس كرور ساكت ما بعملوا حاجة .. ..
__ تحياتي
Post: #38 Title: Re: تف من خشمك يااااخ... والله صحي Author: الامين موسى البشاري Date: 01-13-2012, 05:11 PM Parent: #36
وين السنوسي بدر يفتينا في أمبتاري ده
Post: #39 Title: Re: تف من خشمك يااااخ... والله صحي Author: د.محمد بابكر Date: 01-14-2012, 00:57 AM Parent: #38
هاكم باقى الحنكـ عشان تدوا ربكم العجب...
Post: #40 Title: Re: تف من خشمك يااااخ... والله صحي Author: الامين موسى البشاري Date: 01-15-2012, 07:10 AM Parent: #39
بله يا بله يا بله ما عذبتنا يااااخ احلنا الحلة بله....... والله صحي
Post: #41 Title: Re: تف من خشمك يااااخ... والله صحي Author: نادر Date: 01-16-2012, 07:44 AM Parent: #40
واللهِ صحِي
Post: #42 Title: Re: تف من خشمك يااااخ... والله صحي Author: الامين موسى البشاري Date: 03-19-2012, 07:43 AM Parent: #41
Post: #43 Title: Re: تف من خشمك يااااخ... والله صحي Author: البحيراوي Date: 03-19-2012, 08:13 AM Parent: #42
الأخ اللمين البشاري
تحياتي - والله يا اللمين وما طالبني حليفة في بداية التسعينات ذهبت مع صديق لأم درمان لشيخ كبير كان يطلبه مبلغ مالي بتاع بيعة عربية وعندما حضرنا وجدنا الشيخ داخل الصالون ومعاه ضيف كبير برضو . ولدو بعد السلام قال لينا أبوي معاة ضيف إتفضلوا أقعدوا في الصالة بره .. وشربنا الشاي وكدا بعد ربع ساعة كدا جانا الشيخ ومعاه ضيفه الكبير وطلعت بعرفو سلمت عليه سلام معرفة بالأحضان وودعناهو ودخلنا مع الشيخ . القصة دي الشيخ ما إرتاح ليها . طوالي قال لي بتعرف الزول دا ؟ قلت نعم بعرفوا شغال في وزارة الطاقة والتعدين !! قال لي الزول قال داير يساعدوه بالكتابة عشان يترقى !! يعني قوانين شئون الخدمة دي كلها ما كفته يبحث عن الترقية عند شيخ !!!
* أما بلة الغايب دا . غايتو بدور ليه زول يمتحنو !!! والغريب كمان فيها تلفزيونات وجرايد يعني الواحد كان لقى ليه فضاية نظييفة كدا وعندو ريكة مليانة كذب ما يضري مالو !!!
