الهمباتي البشير ... يسرق بترول الجنوب جهارا نهارا.. و يبتز دولة الجنوب

في أحدث ظاهرة علي إفلاس حكومة البشير و دلائل علي أن عجزا إقتصاديّا كبيرا سيخيم علي ميزانيتها الجديدة ... إحتجزت الخرطوم سفينيتن تنقلان بترول الجنوب بميناء بورتسودان (بشائر) و منعتها من المغادرة حتي تدفع حكومة الجنوب رسوم نقل البترول. بالطبع ليس هناك إتفاق علي كمية هذه الرسوم و لكنها مفروضة من طرف واحد (حكومة البشير) .. و هذه الرسوم تقارب نصف سعر البرميل لنقل البرميل الواحد.
أيضا الحكومة (البشير) تنشئ أنابيب سرّيّة لتحويل نفط من الاراضي الجنوبية الي مصافي الأبيض و الجيلي ....
البترول قد يشعل الحرب القادمة بين الشمال و الجنوب.

سلام الأخ محمد سليمان , إن شاء الله طيب
البشير مجرم وقاتل , بسرق وببلع في كرشه هو والمعاه بسرق حق الغلابة وعرقهم
الهمباته بهمبتوا من أجل الفقراء البهمبتوه بي جاي بقسموه لي المحتاجين من اهلهم الغبش بي جاي
لكن يا خوي ظلمتهم ظلم الحسن والحسين بي تشبيهم بالبشير
والله صحي
بعدين الهمبتة حقت البطاحين , بهمبتوا الإبل ساااااي وعينك يا تاجر
والبشير ما عنده الشجاعه دي , برسل يسرقوا ليه وهم متضاري ورا العوين
دحين نرجوك نحن معشر البطاحين الهمباتة ان تعتذر لي اهلنا الهمباتة
ولا بنقوم عليك نحن معشر بنو همبتة في حوش بكري
وبنهمبت ليك باسوردك ده . والله صحي
كتااار في حوش بكري
قول واحد ناس اب حريرة و ودالمحرب وإيــــــــــــــــك


التحية لي اهلنا في الجنوب وفي كل الوطن الجريح ربنا ينصرهم بركة جاه النبي

فتك بي عافية

الاخت الفاضلة أسماء الجنيد
لك التحية و الإحترام

أولا أعتذر علي (تدبيل) هذا البوست (لبطء الإستجابة نقرت علي الزر مرتين) ... نفس البوست و فيه التفاصيل هنا:

الهمباتي البشير ... يسرق بترول الجنوب جهارا نهارا.. و يبتز دولة الجنوب

ثانيا: أعتذر لمعشر الهمباتة تاريخيا لتشبيه البشير بهم .....
هذا البشير إنعدمت فيه كل خصال البشر ..
و قبل أن تستغيثي .. وا همباتاه .. ببقية (همباتة المنبر) .. ليهمبتوا باسويردي ... أقول ليكي معليش للخلط و شكرا للإيضاح ...