هكذا كانت تصلى حبوبة فى البلد

ياربى انا سخلايتك وغنمايتك ولمن تمسكنى من اضانى بقول باع هكذا كانت تصلى حبوبة فى البلد باللغه النوبيه وتقراء نشيدها بدل الايات والسور ووسط مغالطات من يصلحوها

نسيت وخروفك

مناهل ازيك
قلنا ننتظر شوية نشوف اتجاه البوست عشان ما نعك

حبوبتك بتقول انها مستسلمة استسلام كامل لارادة الله وقدرته ومؤمنة بالقدر خيره وشره
بالرغم من انها درجة ايمانية عالية، الا انها لا تعفي من حولها بضرورة تعليمها اصول التعبد

اسلام اهلنا الاوائل اسلام سمح بالرغم من الجهل

Quote: ياربى انا سخلايتك وغنمايتك ولمن تمسكنى من اضانى بقول باع هكذا كانت تصلى حبوبة فى البلد باللغه النوبيه وتقراء نشيدها بدل الايات والسور ووسط مغالطات من يصلحوها

اقد انا مل فقر انا مل سوكا قوجكن باااع agud inna mul fugr inna mul sokka gojkun baaaaa

الظاهر حبوبتك دفعة حبوبتي يا مناهل, تقبل الله صلواتهن

مناهل يا درة النوبة
مسكاقمي
اقدنمل فقنمل كجنمل
اكا دوللي
الله اكبر
ويخرون للاذقان سجدا

الاخت مناهل

احييك على العفوية الطيبة
وعلى نفس المساق موضوعك ذكرني قصة

قالوا في واحد من المشايخ عندو احد المريدات تعمل على خدمتو
بعدين مر جنبها الشيخ وهي تكبر للصلاة اكثر من عشر مرات
قام قال ليها:- ها الغبيانة دي التكبيرة مرة واحدة بس

وكان ردها:-

يا شيخنا انا عاد زيكم ( انا كان ما كبرت عشرة مرات ما قاعدة اشوف الكعبة )

اتخلع شيخنا وقال ليها هو انت بتشوفي الكعبة؟ ( كان كدة عفيت منك لله والرسول )

تقبل الله منك ومنها

لك مودتي

مناهل
مسكاقمي
بالاضافة للكلام ده حبوبتي كانت لآمة كل الاديان في حياتها...
كانت بتبني القسيبة ( حاجة كده ذي البرميل يصنع من الطين ويحفظ فيها البلح او القمح او اي نوع من الحبوب)للناس الما عارفين
القوسي... كانت بتني او تصنع القسيبة وفي الاعلي مع الفتحية كانت بتشكل صليب + وكنا بنسالها انتي ليه عملتي زايد فوق
كانت بتقول عشان ربنا يحفظ ويبارك اي حاجة نحفظو هنا.
وكانت بتراقب ظهور الهلال كل شهر وعندها كانت بتشيل ليها موية في اناء وتقيف اكثر من نصف ساعة وهي ترش وتتمتم بكلام بالنوبي
اظنها كانت دعوات وكانها بتعبد القمر وبعد ما تنتهي كانت بتغسل وجها بباقي الموية...
وكانت تقدس النيل بزيارات لظروف مختلفة والحاجات دي كانت عند كل الناس الكبار في مناطقنا وللان الناس محافظين علي جزء منها..

الله يرحم الجميع

بس الهدف شنو من الكلام ده بعيدا عن العواطف ؟

شكرًا لكل الشرفاء على المرور تتخيلوا صلاة حبوباتنا دى مدرسة لحاجات كتيييييييره

يا سلام على ظرافة وتلقائية اهلنا النوبة
النوبة من اجمل واعز اصدقائي في السودان
عن طريقهم دخلت بوابة الحزب
كم احبك وافتقدك حبوبتي زهرة فرح
طبتي حية وميتة ولا زلت اذكرك