Post: #1 Title: التشكيلة النهائية للمُنتخب السوداني المشارك في نهائيات أُمم إفريقيا Author: محمد عبد الماجد الصايم Date: 01-10-2012, 07:47 PM Parent: #0
حراسة المرمى: المعز محجوب بهاء الدين أكرم الهادي
الدفاع مصعب عمر نجم الدين عبد الله أحمد الباشا بلّة جابر معاوية بشير سيف مساوي خليفة أحمد الوسط: البرنس هيثم مصطفى مهند الطاهر علاء الدين يوسف بشة بدر الدين قلق فيصل موسى أمير كمال نزار حامد محمد موسى
الهجوم كاريكا رمضان عجب محمد شيخ الدين عبد الرحمن حسن
_ بالتوفيق لصقور الجديان! والله يشوفنا من مازدا 3!!
Post: #8 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-11-2012, 07:05 AM Parent: #2
Quote: جهز جرابك يا مان
جراب شنو يا عمكـ جهّز حبوب الدغت .. وحقن السكري!!
على ما أعتقد مازدا آخر واحد بزعل لما المنتخب ينهزم!!
Post: #3 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: أمين محمد سليمان Date: 01-10-2012, 08:02 PM Parent: #1
التشكيلة دي ناقصة بلة موسي و البشري و شخصي الثمين !! و لو كمان جابو لينا عمك بكري و خالتك تراجي مدربين يكونو ما قصرو !!
Post: #4 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد البشرى الخضر Date: 01-10-2012, 08:09 PM Parent: #3
والله يا بروف بتبالغ كيف يعني تنسى عمّك وهبة الونج اللفت وابوحسين القشّاش
Quote: التشكيلة النهائية للمُنتخب السوداني المشارك في نهائيات أُمم إفريقي
يمين ديل كان شَكَّلوهم بي فتحة وضمة وكسرة مايجيبوا نتيجة. ديل عاوزين تشكيل بالسكون مينِغ يندمسوا يقعدوا قَبَلُنْ. كدي خلينا من المشٌكَّلين ديل انت جاي امريكا دي متين عذبتنا ـ بقيت زي مازدا. ابقي فالح تعال نيويورك وماتجينا زي ماعمل خدر ودكين فاتونا حٌوفا. بعدين الف افريقيا الـ مفروض يكون في العنوان مشي وين؟ اوعي يكون البوست ده كاتبو ليك المطرطش بالوكالة. ولَّ يكون كاتبو ليك محمد عادل؟
Post: #6 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد المسلمي Date: 01-11-2012, 00:37 AM Parent: #5
ود الصايم الصحة والاخبارومشتاقين كتير
Post: #7 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: ياسر عبدالكريم محمد Date: 01-11-2012, 02:52 AM Parent: #6
من هس هاك ديل تلاتة
ضمان يامان
Post: #9 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: هشام عوض الكريم Date: 01-11-2012, 08:02 AM Parent: #7
أخي محمد وتبقى قلوبنا معهم تشجيعا لهم واشفاقا على اسم السودان وامنياتنا لهم بالعودة منتصرين رافعين اسم السودان عاليا ودمت
Post: #10 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: Hisham Ibrahim Date: 01-11-2012, 08:17 AM Parent: #9
ديل كان لعبوا في ميدان عقرب مع درجه تالتة ما اظنهم يجيبوا نقطه ..
الجزيره ووووب عليها الناقله حدث زي دا فيهو السودان وبره منو مصر ...
خسائر فادحه في الدعاية والإعلان والنقل ..
يعني ناس يقولوا ليهم إشتركوا وحصلوا كأس الأمم الافريقية يسألوا يلقوا السودان
مشارك أكيد أكيد حا يمشوا المحل الجنبو ويشتركوا أبوظبي الرياضية والا الART
بلاوينا يا عمكـ بقت عربية أفريقيه خليجية دوليه ...
Post: #11 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: حمزاوي Date: 01-11-2012, 08:44 AM Parent: #10
وين اسامة التعاون واتير توماس
Post: #12 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: سيف اليزل الماحي Date: 01-11-2012, 10:35 AM Parent: #11
.
أنا شخصيا أشجع ساحل العاج، ارجو ان نستمتع بالاسطورة ديدي دروجبا
ود الصائم....سلام ومحبة ... والله جابوا لينا احباط لمدة سنة واسأل القردابي ودرق والزنجي من الفوضى والجوغى العملوها في الامارات ....ومع فريق تونسي تاني وليس اول
واستنكرت لهتافات الجمهور ضد مازدا ....ما زدا حيجيب كرعين كويسه من وين ؟ديل ميئوسمنهم وما تخسر فلوس حبوب ضغط وكركدي وثوم ومن اسي ارقد نوم ..احسن ليك نصيحة مني ....
Post: #15 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: أمير فتحي Date: 01-11-2012, 01:34 PM Parent: #14
ود الصايم ياقريبي
منتخبك دا ورأفة به حنتعبر ليهو تصفير العداد يبدأ من الرقم تلاته ونحسب علي كدا
مشتاقين ياااخ ...مافي جيه قريبه إنشاء جييتينق فاكيشن
Post: #16 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: الفاضل يسن عثمان Date: 01-11-2012, 08:42 PM Parent: #15
نتمني اليهم التوفيق واسعاد الجماهير الرياضية في ربوع الوطن
تشكر ود الصائم
Post: #17 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: خالد درق Date: 01-12-2012, 06:16 AM Parent: #16
يا عمك سلام
وقل يا لطيف وانس منتخب
مودتى ...
Post: #18 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: دبس Date: 01-12-2012, 06:23 AM Parent: #17
يا ود الصايم سلامات
ياها دى خاماتنا من مدربين وكان لاعبين نحاول نشد من ازرهم ونشجع ونعمل العلينا و كان طرنا واتغلبنا يا هو دا من الله عليكم الله شجعوهم بالكلمة الطيبة عسى ولعل
Quote: والله يا بروف بتبالغ كيف يعني تنسى عمّك وهبة الونج اللفت وابوحسين القشّاش
و الله بتبالغ يا أبو حتوت ياخ
وهبه شنو البلعب معاه أنا ...!!!!!
تصدق و تآمن إنو أنا كنت زي الجوكر ...
Post: #20 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: أمين محمد سليمان Date: 01-12-2012, 03:29 PM Parent: #19
Quote: دا وكتو والبلد تمـر بمنعطف؟
صدقت يا أبا الريش !! ما مكن البلد منعطفة علي شارع المك نمر و الانصرافيين ناس الصايم و البشري و الجوكر ابوحسين يفتحو في بوستات الكورة ... أنا بقترح الصايم يتصل ببكري يسحب البوست ده قبل ما البلد تنعطف ليها عطفة تانيه في إتجاة شارع البلدية !!
Post: #21 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-14-2012, 12:22 PM Parent: #20
لحين ميسرة!!
Post: #22 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: على ميرغني Date: 01-14-2012, 02:17 PM Parent: #21
Quote: لحين ميسرة!!
دا بلعب في فريق وايو خانة
Post: #23 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: هاشم محمد الحسن عبدالله Date: 01-15-2012, 12:16 PM Parent: #22
الحبيب ود الصائم كيفنك ياأخ والله مشتاقين، والله انا محبط بنتائج المباريات التجريبية ، وخاصة مبارة فريق تونس الرديف ومازلت أعانى من ارتفاع السكر والضغط بسببها، وخائف جدا من البطولة الافريقية تكون هزائم بشعة ترجعنا مائة سنة ورا، ياأخى ماهى الحكمة فى ابقاء مازدا مدربا رغم كل هذه النتائج الهزيلة، دا منتخب يهم الوطن كله، ربنا يستر، مودتى .
Post: #24 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 10:50 AM Parent: #23
Quote: التشكيلة دي ناقصة بلة موسي و البشري و شخصي الثمين !! و لو كمان جابو لينا عمك بكري و خالتك تراجي مدربين يكونو ما قصرو !!
وأضيف عمكـ صلاح جاكات! وذلكـ في حال الحوجة لـ جهجهة الباكات!!
Post: #25 Title: Re: التشكيلة النهائية للمُنتخب السوداني لنهائيات أُمم إفريقيا Author: محمد عبد الماجد الصايم Date: 01-16-2012, 10:51 AM Parent: #23
Quote: كيف يعني تنسى عمّك وهبة الونج اللفت
تعرف يا ود البشرى .. كل ما أشوف الفيديو دا أتذكر عمكـ وهبة!!
Post: #26 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 10:53 AM Parent: #23
Quote: كدي خلينا من المشٌكَّلين ديل انت جاي امريكا دي متين عذبتنا ـ بقيت زي مازدا.
فاضلابي يا عمكـ .. بدل ما تسأني أنا أسأل بتاعين اللوتري الجمّبكـ ديل ياخ!!
أما فيما يخص تشكيلة المُنتخب وألف إفريقيا فكلو لاحق بعضو .. والمنتخب ح يضيع زي الألف كـدا!!
Post: #27 Title: Re: التشكيلة النهائية للمُنتخب السوداني لنهائيات أُمم إفريقيا Author: محمد عبد الماجد الصايم Date: 01-16-2012, 10:54 AM Parent: #23
Quote: ود الصايم الصحة والاخبارومشتاقين كتير
أبو السارة يا حبينا .. بالأكتر والله عامل كيف ولسع في بلاد الكُفّار ولّ رجعت؟
Post: #28 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 10:55 AM Parent: #23
Quote: من هس هاك ديل تلاتة
ياسر يا عمكـ .. لقيتكـ متفائل عديل!! مزيداً من التشاؤم لا يضر ياخ!
Post: #29 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 10:56 AM Parent: #23
Quote: وتبقى قلوبنا معهم تشجيعا لهم واشفاقا على اسم السودان وامنياتنا لهم بالعودة منتصرين رافعين اسم السودان عاليا
أووو عمنا هشام أخباركـ ياخ ولينا مدة ما قعدنا لينا في طربيزة وست إسفيرية ياخ!!
والله يا عمكـ كلنا قلوبنا معاهم وكل شيء لكن كمان المنتخب ذات نفسو قلبو ما معاو!!
Post: #30 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 10:57 AM Parent: #23
Quote: بلاوينا يا عمكـ بقت عربية أفريقيه خليجية دوليه
معقولة يا هشام .. دا مُنتخب ولّ صلاح غريبة؟
Post: #31 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 10:59 AM Parent: #23
Quote: وين اسامة التعاون واتير توماس
ناقصين طيران يا عمو حمزاوي؟ وبعدين دا مُنتخب ولّ ديوان الزكاة؟
Post: #32 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 11:51 AM Parent: #23
Quote: أنا شخصيا أشجع ساحل العاج، ارجو ان نستمتع بالاسطورة ديدي دروجبا
دي النجيضة يا سيف
Post: #33 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 11:57 AM Parent: #23
Quote: ولن اكذب على نفسي مافي حتى بصيص امل ........
حبابكـ يا نعمات .. وكلنا مقتنعين بالكلام دا إلا اتحاد الكورة ومازدا!!
ياخ اللاعبين زاتو مفروض يقولوا نحن كفاية علينا كـدا!!
Post: #34 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 11:59 AM Parent: #23
Quote: دا وكتو والبلد تمـر بمنعطف؟
معليش يا عمكـ أبو الريش .. ح نربط حزام الأمان!!!
_ دا طبعا مع افتراض حسن النوايا وإنو تعليقكـ دا خاص بالمنتخب والكورة .. مش البوست دا!!
Post: #35 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 12:00 PM Parent: #23
Quote: منتخبك دا ورأفة به حنتعبر ليهو تصفير العداد يبدأ من الرقم تلاته ونحسب علي كدا
أمير يا فتحي جارنا العزيز! تصفير عداد شنو يا معلم .. نحن ح نخش البطولة بوصفة (تلاتة أقوان كل مباراة) و(قونين إضافيين عند اللزوم)!
Post: #36 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 12:03 PM Parent: #23
Quote: نتمني اليهم التوفيق واسعاد الجماهير الرياضية في ربوع الوطن
شكرا يا الفاضل على التفاؤل ياخ!
Post: #37 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 12:04 PM Parent: #23
Quote: وقل يا لطيف وانس منتخب
صعبة والله يا درق! بنقولا خشم ساي! لكن القصة بتوجع جووووه!!
Post: #38 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 12:06 PM Parent: #23
Quote: ياها دى خاماتنا من مدربين وكان لاعبين نحاول نشد من ازرهم ونشجع ونعمل العلينا و كان طرنا واتغلبنا يا هو دا من الله عليكم الله شجعوهم بالكلمة الطيبة عسى ولعل
دبز يا عمكـ .. نحاول ونشد من أزرهم دي ما فيها شكـ! لكن قصة ديل مدربينا وديل لاعبينا فـ عذرا ياخ!! أصلا المنتخب دا المهتم بيهو منو زاتو عشان يشوف ممكن يدربوا منو ولّ يلعب فيهو منو؟ يوم ما جابو ليهو مدرب أجنبي جابوا واحد ما سمعنا بيهو كمشجع ساي خليكـ من مدرب!!
حوّة ولادة .. والناس البتدق كفر صاح قاااعدة بس ربنا يفكّنا من الرانكرات العاملين المنتخب شركة خاصة!!
Post: #39 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 12:07 PM Parent: #23
Quote: تصدق و تآمن إنو أنا كنت زي الجوكر
أبو حسين .. يو آر ستل جوكر!! لكن مسمّى محل (دو شيريا) ميّت!!
Post: #40 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 12:12 PM Parent: #23
Quote: أنا بقترح الصايم يتصل ببكري يسحب البوست ده قبل ما البلد تنعطف ليها عطفة تانيه في إتجاة شارع البلدية !!
غايتو يا بروف أنا مع حُسن النوايا!!
Post: #41 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 12:36 PM Parent: #23
Quote: دا بلعب في فريق وايو خانة
علي يا ميرغني .. بقت ما فارقة يا سعادتكـ!!
Post: #42 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 01:09 PM Parent: #23
Quote: ياأخى ماهى الحكمة فى ابقاء مازدا مدربا رغم كل هذه النتائج الهزيلة
هاشم الحسن يا عمكـ .. دا السؤال الما لاقين ليهو إجابة من زمن ياخ!! ما الحكمة في سيطرة (العجايز) على المنتخب زاتو؟ وين منتخبات الأولمبي والشباب والناشئين؟
_ يا عمكـ .. صحّتكـ أهم من المنتخب!! والله صحي
Post: #43 Title: Re: التشكيلة النهائية للمُنتخب السوداني المشارك في نهائيات أُمم إفريقي Author: محمد عبد الماجد الصايم Date: 01-16-2012, 01:16 PM Parent: #42
يخوض المنتخب السوداني الاول لكرة القدم في التاسعة من مساء غداً الاثنين بتوقيت السودان تجربته الاخيرة امام نظيره الجابوني بملعب مدينة ترانسفيل وذلك قبل خوضه مباراته الاولى امام منتخب كوت ديفوار ضمن المجموعة الثانية التي تضم كوت ديفوار وانجولا وبوركينا فاسو بجانب المنتخب السوداني في الثاني والعشرين من هذا الشهر في بداية مشواره في نهائيات بطولة كأس الامم الافريقية المقامة مناصفة بين غينيا الاستوائية والجابون .
وكان صقور الجديان قد اختتم تحضيراته الفنية والبدنية مساء اليوم تحت اشراف جهازه الفني الذي يقوده المدرب الوطني محمد عبد الله مازدا الذي ركز على معالجة الاخطاء التي صاحبت اداء اللاعبين في تجربته الاعدادية الثانية والتي خاضها الخميس الماضي امام نظيره السنغالي بداكار والتي خسرها بهدف .
وتعتبر تجربة الغد امام الجابون امتدادا للتجارب الاعدادية التي بدأها بمعسكره التحضيري بالعاصمة القطرية الدوحة وخاض مباراتين امام فريق عمليات القيادة التابع للجيش القطري وكسبها بهدفين مقابل هدف وامام فريق المسيمير احد اندية الدرجة الثانية وتعادل فيها بدون اهداف ثم مباراته امام منتخب تونس بدبي والتي خسرها بثلاثة اهداف دون رد ومباراته الثانية امام السنغال بداكار الخميس الماضي وهي التي خسرها بهدف ,الا ان المدرب مازدا اكد ان التجارب رغم الخسارة فيها الا انه استفاد منها بشكل كبير لانها كشفت العديد من الاخطاء والسلبيات والتي عمل على معالجتها مشيراً إلى ان مباراة الغد امام الجابون هي بمثابة البروفة الاخيرة والتي سيعمل خلالها على اشراك العديد من العناصر بهدف الوصول لتوليفة مثالية
Post: #44 Title: Re: التشكيلة النهائية للمُنتخب السوداني لنهائيات أُمم إفريقيا Author: محمد عبد الماجد الصايم Date: 01-17-2012, 10:10 AM Parent: #43
تغادر اليوم بعثة المنتخب السوداني الاول لكرة القدم متوجهة لمالابو عاصمة غينيا الاستوائية للمشاركة في نهائيات الامم الافريقية التي تستضيفها كل من غينيا الاستوائية و الجابون وتنطلق فعالياتها يوم السبت المقبل، بعد أن تعادل سلبياً مع المنتخب الجابوني في المباراة التي أقيمت على ملعب مدينة تراسفيل.
ويخوض المنتخب السوداني مباراته الاولي امام كوت ديفوار في الثاني والعشرين من هذا الشهر في افتتاح مباريات المجموعة الثانية لبطولة الكان والتي تضم الي جانبهما منتخبات انجولا وبوركينا فاسو.
وتعتبر تجربة الامس الاعدادية امام المنتخب الجابوني اخر تجارب صقور الجديان والتي سيقف من خلالها الاطار الفني للفريق الوطني بقيادة محمد عبد الله مازدا علي جاهزية عناصره بشكل بدني وفني جيد قبل الدخول في مباريات البطولة وتطبيقهم لفكره الفني بالصورة المطلوبة وايضا اختيار التشكيلة المناسبة.
وعقب وصول بعثة المنتخب الوطني العاصمة مالابو لخوض غمار النهائيات سيعمل المدير الفني مازدا خلال التدريبات التي تسبق مباراة الافتتاحية بالمجموعة الثانية امام ساحل العاج علي تصحيح كل الاخطاء والسلبيات بشكل جيد وتجهيز اللاعبين من كافة النواحي النفسية والبدنية والفنية حتي يدخلوا مباراتهم الاولي ويؤدوا بصورة جيدة ويحققوا نتيجة طيبة.
وسيخوض المنتخب مباراته الثانية امام انجولا في السادس والعشرين من الشهر الجاري ومباراته الثالثة امام بوركينا فاسو في الثلاثين منه.
ويذكر ان محمد عبدالله مازدا اختار (23) لاعباً لخوض عراك نهائيات غينيا الاستوائية والجابون بقيادة قائد المنتخب البرنس هيثم مصطفي ، المعز محجوب ، بهاء الدين محمد عبدالله ، أكرم الهادي سليم ، سيف الدين علي ، نجم الدين عبدالله ، بلة جابر ، خليفة أحمد، مصعب عمر ، معاوية بشير ، محمد أحمد بشيربشة ، رمضان عجب، فيصل موسى ، علاء الدين يوسف ، عبدالرحمن إسحق كرنقو ، أمير كمال ، نزار حامد ، مهند الطاهر،محمد شيخ الدين ، مدثر الطيب، محمد موسي وحمزة ادم الذي عوض تخلف اللاعب احمد الباشا عن مرافقة المنتخب في اللحظة الاخيرة.
