Post: #1
Title: (الجنا) عبدالرحمن المهدي مستشارا (بلد من غير وجيع)
Author: Elsanosi Badr
Date: 01-09-2012, 11:51 PM
Parent: #0
سألني احد الاعراب وقال بلهجة موغلة في المحلية: اتا آآزول (الجنا) هيل ناس المهدي دااك صحي بقي (متستسار) للريس !!!
عبدالرحيم ود بادي (لكزو) بطرف عصايتو وصاح قائلا: الجنا ياتو فيهن??
اوما الاعرابي بيدية ومسح بقايا (التنمباك) المتناثر بين (شدوقو) والتفت نحو ود بادي وقال ليهو: اتا آآزول ما عندك (راس) ... الجنا اسمو عبدالرحمن زولا عاتي يشبة مصارعين التيران ...
ضحك الضو بصوت عالي واتدردق في الرملة حقت القوز البارده وصاح قائلا : آآناس اتو الجنا ده صحي لهسي ما متجوز ...
ضحك الحاضرون بصوت عالي ... وصاح منعم ود حسونة: اتو آآناس مو عارفين ناس البندر ديل الواحد فيهن ما بتجوز حتين (يصوفن)
ضحك الضو وهم ببصق (السفة) وقال هسي ياود حسونة فكرك الجنا ده ما بكون (صوفن) ...
|
Post: #2
Title: Re: (الجنا) عبدالرحمن المهدي مستشارا (بلد من غير وجيع)
Author: Elsanosi Badr
Date: 01-10-2012, 00:04 AM
Parent: #1
الاعرابي قال لي هسي (البنجوص) ده عندو (راس) عشان يستشيروه ... قلت ليهو اتا ماك شايف راسو الزي (المدماك) داك ...
صاح ود حسونة: حرم ملان (مخاتة) ساااي
|
Post: #3
Title: Re: (الجنا) عبدالرحمن المهدي مستشارا (بلد من غير وجيع)
Author: Elsanosi Badr
Date: 01-10-2012, 00:21 AM
Parent: #2
جر ود بادي عصايتو ورسم (شخيت) في الرملة والتفت نحو ودحسونة وقال ليهو: اتا يا ود حسونة البلد دي ما عندها وجيع كلو كلو ... هسي في زمتك الكرور القاعد في القصر الجمهوري دا احسن من (الجنا) دا في شنو !!! ما كلهم خريجين ابتدائي وفاقد تربوي ... والجنا ده ياهو شبهينا واتلاقينا ...
نط الضو وفتح (خرطوية) الدريش عشان يعلق للبهائم ...وصاح يا ود بادي الجنا قالوا عندو كمبيوتر ومكنة فاكس في مكتبو ...هسي فكرك الجنا ده بيعرف يشغلن !!!
ود حسونة لكز عثمان اخو ناس جادالله وقال ليهو اتا الضو ده (مطرطش) ولا شنو ?
هو ما عارف الكمبيوترات دي بيلعبوا بيهن الكوشتينة اوقات الدوام ... هس الجنا ده تلاهو معلم في الشغلانية دي
|
Post: #4
Title: Re: (الجنا) عبدالرحمن المهدي مستشارا (بلد من غير وجيع)
Author: Elsanosi Badr
Date: 01-10-2012, 00:40 AM
Parent: #3
شتت الضو الدريش والامباز للبهائم وقال لعبدالروؤف اخو ود المقبول اتا صحي الجنا داك بتاع مضاربات ومشاكل !!... عبدالرؤوف قال ليهو حرم ان بقي روحو محرقاهو خليهو الليدرع قوز السيال حرم (اصبو) ليك لامن (يجرط) في لباسو...
حاج الدخيري قال لي شوفتا عبدالؤوف ود المقبول ده مرة (لقط) ليهو زول من ناس البندر اسمو الزاكي في (عرق) الشيطان ..حرم الدكتور بيهبش فوقو سنة كاملة ما عرف ليهو بصارة وجونا اخواتو يبكن ويقولن الزاكي يا حليلك ..
|
Post: #5
Title: Re: (الجنا) عبدالرحمن المهدي مستشارا (بلد من غير وجيع)
Author: Tragie Mustafa
Date: 01-10-2012, 01:52 AM
Parent: #4
السنوسي بتبالغ
Quote: ضحك الحاضرون بصوت عالي ... وصاح منعم ود حسونة
: اتو آآناس مو عارفين ناس البندر ديل الواحد فيهن ما
بتجوز حتين (يصوفن) |
(ههههههههههههه)!
يا الحبيب...
ديل.....اي حاجه في حياتهم صفقه بيحاولوا يحسبوها صاح!
اها مرات من محاولات انهم يحسبوها صاح لامن قطرهم يقوم وهم يحسبوا فيها!
حسه أمانه في زمتك
ود الامام (المصوفن) ده لو جاك لبنتك وهي صغيره البجبرك تديها
ليه شنو وانت عارف قدرات اي راجل بعد ال 45 سنه بتكون شنو؟!
ملعون ابو الدينا زاتها
الكلها صفقات ######ه زي دي!
قال 45 سنه!!التقول قايلنا الناس عوره ولا دي لها علاقة بآل البيت ولا آل البيطخ!
ما ياها قدرات اي كتاب علوم ######## بيشرحها
خليك من عمنا(قوقول)!
|
Post: #6
Title: Re: (الجنا) عبدالرحمن المهدي مستشارا (بلد من غير وجيع)
Author: Elsanosi Badr
Date: 01-10-2012, 02:03 AM
Parent: #4
التوم ود امحمد اخو ناس خليل الجربوع سأل ياسين اخو عبدالؤوف وقال ليهو إتا الجنا هيل ناس الصادق المهدي ده المسمينوه عبدالرحمن ده ... الواحد ان ادرعو في مكتبو بعنجاوي ما بيجيب راسو .. ياسين قال ليهو آآزول إت ماك نصيح!!! حرم يتقاطرو فيك (النسون) ويشبكنك الجنا لا تدقو البنجوص ولدنا ...والذي منو وتنكسف وتجي راجع ...
حموده اخو عوض الكريم اقترح ان احسن شئ انو البنجوص ده تمرح بيهو في (النقعة) وانت راكب قعود وماسك عنجاوي (كربعوية) وفي راس السوط مركب كبسولة تمشقو لامن اضنينو (يتشققن) ...
|
Post: #7
Title: Re: (الجنا) عبدالرحمن المهدي مستشارا (بلد من غير وجيع)
Author: Elsanosi Badr
Date: 01-10-2012, 02:10 AM
Parent: #6
| Quote: قال 45 سنه!!التقول قايلنا الناس عوره ولا دي لها علاقة بآل البيت ولا آل البيطخ! |
هو (الجنا) ده عمرو كذا واربعين ...ياخي دي (صوفينة) جد جد ...
البنجوص ده هسي المرا البتودها ليهو دي يمين الا كان يعضيها بسنونو ...
|
Post: #9
Title: Re: (الجنا) عبدالرحمن المهدي مستشارا (بلد من غير وجيع)
Author: Elsanosi Badr
Date: 01-10-2012, 10:21 PM
Parent: #8
عوض الله الملقبنو بالقرج قال للضو: اتا (الجنا) ده ابوهو بتلجلج ويزازي كدي مالو زي الفقير الفقد سبحتو...
|
|