حاجة غريبة خلاص !!! محتاجة تفسير !!!

بالتأكيد لدى الكثيرين منا علاقات وصداقات شخصية متعددة مع مختلف الميولات سياسية واجتماعية..
ونجد من ضمن هذه العلاقات صداقات مع افراد من منتسبي المؤتمر الوطني ..
شخصياً اعرف افراد منهم وتجمعني بهم علاقات عادية وطيبة ..
بعض هؤلاء الاشخاص في غاية الادب والاحترام وعلى خلق وتجدهم في الكثير من المواقف الانسانية ويتختو في الجرح يبرا .
ولكن في ذات الوقت ينتمون لنظام ليس له خلق وموغل في الفساد والاجرام.

فصراحة ماقادر اجد تفسير لهذه الانتماءات غير المتسقة ..!!!
هل الناس ديل ماعندهم علم بان حزبهم ده اجرامي ؟!!
ولا هم ماشايفين افعاله دي اجراميه ؟!!
ولا عارفين وعندهم فتوى تجيز الانتماء لاى مجموعة اجرامية بس هم مايكونوا مجرمين ؟!!

ممكن بتاعين علم النفس والمنطق وحتى الاجتماع يفسروا لينا الحاجة دي ؟!!

Quote: فصراحة ماقادر اجد تفسير لهذه الانتماءات غير المتسقة ..!!! هل الناس ديل ماعندهم علم بانه حزبهم ده اجرامي ؟!! ولا هم ماشايفين افعاله دي مااجراميه ؟!!

المصلحة الشخصية عندهم فوق كل شئ

Quote: المصلحة الشخصية عندهم فوق كل شئ

ماكلهم ياناصر ...

Quote: فصراحة ماقادر اجد تفسير لهذه الانتماءات غير المتسقة ..!!! ..... ممكن بتاعين علم النفس والمنطق وحتى الاجتماع يفسروا لينا الحاجة دي ؟!!

انت هسع زول كويس.. ورغم كدة مريخابي!!! (*)

في زول سألك

عجايب!!!

_____________________________________

كل واحد له تقييم يا فايز

القضية في الأساس: قناعات، حتى يثبت العكس

واحد بيعترف بالأخطاء ويقول: هم أفضل الموجودين
واحد مقتنع أنه لا يوجد خطأ من الأساس

يعني انت هسع مقتنع وأصدرت حكم ادانة للنظام
هناك من يراك الآن على خطأ في التقييم


تحياتي






_________________________________
(*) بالمناسبة.. متى سيحين موعد الرهان القادم على "الشنب"

Quote: كل واحد له تقييم يا فايز القضية في الأساس: قناعات، حتى يثبت العكس واحد بيعترف بالأخطاء ويقول: هم أفضل الموجودين واحد مقتنع أنه لا يوجد خطأ من الأساس

يمكن المفاضلة بين الاخطاء واختيار اخفاها حسب المقولة ( اخف الضررين ) ..
ولكن هل كل الممارسات يمكن تسميتها اخطاء ؟!!
هل الجرايم تُصنف اخطاء ؟!!

إنت يا ودالقاضي منتمي لشنو؟ ..

جوابك سيترتب عليه سؤال حاسم ..

انا غايتو يا ود القاضى أفخار عديل بانو لا فى اسرتى الصغيرة و لا الكبيرة و الاسرة الممتدة من ود عم و ود خال لا يوجد اى شخص يناصر هذه العصابة الاجرامية ولا فى دائرة الاصدقاء بالتأكيد. الاهل موزعين بين الانصار و بين ناس عاديين غير مسيسين لكن على درجة جيدة من الوعي بشرور هذه العصابة و يناهضونها باستمرار. لو معارفك الكيزان ديل فى زول فيهو بركة حقيقية ممكن تخارجوا منهم بالنقاش و الحوار المستمر، زماااان كان عندنا ود عم مباريهم و الله سليناهو منهم بالنقاش و النقد المستمر.

Quote: انا غايتو يا ود القاضى أفخار عديل بانو لا فى اسرتى الصغيرة و لا الكبيرة و الاسرة الممتدة من ود عم و ود خال لا يوجد اى شخص يناصر هذه العصابة الاجرامية ولا فى دائرة الاصدقاء بالتأكيد. الاهل موزعين بين الانصار و بين ناس عاديين غير مسيسين لكن على درجة جيدة من الوعي بشرور هذه العصابة و يناهضونها باستمرار. لو معارفك الكيزان ديل فى زول فيهو بركة حقيقية ممكن تخارجوا منهم بالنقاش و الحوار المستمر، زماااان كان عندنا ود عم مباريهم و الله سليناهو منهم بالنقاش و النقد المستمر

يابختك ياابوبكر ضمنت الجنة باقى ليك الدنيا !!!

Quote: إنت يا ودالقاضي منتمي لشنو؟ .. جوابك سيترتب عليه سؤال حاسم ..

اذا تقصد حزب ، فلا انتمى لاى حزب ولم انتمى من قبل ...

ود القاضى دبايو ..
شوف انا حا اقولك وجه نظرى ببساطة الانتماء لمجموعة او لجماعة بتكون بقناعة الشخص بتوجه تلك الجماعة
يعنى اجرموا كذبوا احتالوا فالشخص المنتمى لهم له نفس الصفات بما انه على علم تام بما تفعله جماعته التى ينتمى اليهايعنى يا ود القاضى مما ممكن واحد يمثل دور الجدعنة والشرف وهو ينتمى لعصابة لصوص او ذى ما قال ليك
المحسى الانانية وحب الذات تخلى الواحد يقض الطرف عما تفعله جماعته وفى الحالة دى الواحد بيصبح عديم اخلاق حسب
رؤيتى الشخصية .. والاهم مراعاة الله ورسوله (ص) فى كل ما يفعله المرء .

انا ما قاعد يحيرني الا الزول* البيقول ليك انا انضميت للمؤتمر الوطني عشان مصلحة البلد
وانو الناس ديل احسن يستمرو في السلطة وقاعدين ينجزو بدل يجونا احزاب عمرها ما انجزت ولا قدمت شئ للبلد

تقول ليهو يا زول مصلحة البلد وين ؟ والناس ديل خربو البلد واتدهورت في عهدهم في كل المجالات واي شئ تمسكها بدءاً من المواطن في ذات نفسه وانتهاءاً بخريطة الوطن زاتها اتدهورت واتخلفنا لدرجة اصبحنا لا نقرن الا بدول كالصومال ..
يقول ليك يازول ها اسكت ساي انتا ماعارف شئ والله البشير وجماعته ديل احسن ناس !!!

والاعجب منهم كلهم اليقول ليك انا بؤيد عممر البشير بس وضد المؤتمر الوطني كحزب :)

تحياتي للعمدة حسين

Quote: انت هسع زول كويس.. ورغم كدة مريخابي!!! (*)

غايتو كويس دا ممكن لكن مريخابي دي قلبت فيها الهوبة عديل
ياخ لو في زول واحد في الدنيا دي بكره المريخ وعايز ليهو الكعب والشين فهو الكائن
الإسمو ود القاضي دا .. حركات يجىء ينطط هنا ويعمل ليهو بارتي عشان المريخ فاز
وفي نفس الوقت يساند أخطاء الادارة في قرارات عشوائية تضر المريخ دي حركة جواسيس قديمة
ما فايتا علينا لكن نسبة لأنو سيدا ما عندو تأثير فخليناهو يلعب على راحتو.
............
ودي القاضي العارف أية حاجة في أية حاجة
بقيت رئيس جمهورية واللا مازلت شعب زينا كدا ؟
تحياتي يا زول كويس ..

Quote: ودي القاضي العارف أية حاجة في أية حاجة بقيت رئيس جمهورية واللا مازلت شعب زينا كدا ؟ تحياتي يا زول كويس .

والله يا طلحة عبد الله .. كتبت كلمة زول وختيت قدامها نجمة فوق
وكنت في اخر المداخلة ناوي اكتب ليهو معني كلامك بتحريف لا يخل بالمعني اللقيتو في بوستي بتاع الثائـر الحايبقى فطيسة بهناك

اها انشغلت ليك بي tab تاني فيهو فردتي وعزيزتي الحبيبة طراجي مصطفي
نسيت ليك باقي النجمة من الهجمة :)

فيا فايز تكلمة مداخلتي الفوق ..

ـــــــــــــــ

* زول دي يعني زول زي ود القاضي دا عامل ليك فيها اي حاجة وعارف اي حاجة في اية حاجة وهو كل حاجة
وهو حتة كوز غواصة مغوصاهو طراجي في جبهة الشرق عسي ولعل يبقي رئيس جمهورية ويُسكت طلحة عبد الله من سؤالوا الفرمالة

Quote: غايتو كويس دا ممكن لكن مريخابي دي قلبت فيها الهوبة عديل ياخ لو في زول واحد في الدنيا دي بكره المريخ وعايز ليهو الكعب والشين فهو الكائن الإسمو ود القاضي دا .. حركات يجىء ينطط هنا ويعمل ليهو بارتي عشان المريخ فاز وفي نفس الوقت يساند أخطاء الادارة في قرارات عشوائية تضر المريخ دي حركة جواسيس قديمة ما فايتا علينا لكن نسبة لأنو سيدا ما عندو تأثير فخليناهو يلعب على راحتو.

الحاسد طلحة ..

ده مابغير انك هلالابي وغواصة ..
بعدين انا مالي ومال الادارة ومشاكلها
انا زول كورة وبس
الادارة وتنظيراتها خليناها ليك بحسب كلام حبيبي ودالبشرى


تحياتي ياحبيب

في أول لفة بظهروا على خقيقتهم
يقول المتنبي
إذا أشتبهت دموع في خدود .... تبين من بكى ممن تباكى

الحبيب حيدر الزين
لو عندك أدني شك في إنو كلامي في (الأسطورة) ود القاضي دا ما جادي فبالله عليك
تابع بوستاتو ومداخلاتو في البوستات الما حقتو ..
ياخ دا فتح ليهو بوست مجاور لبوستيهو دا يتحدث فيهو عن التكتيك والخطط العسكرية في
الضربات الجوية ..
كان على السياسة دي يفلفلا ويفتفتا كما أم فتفت
كان على الكورة فهو لا يجاري ولا يباري
كان على الفن فالموصلي ومحمد السني القاعدين معانا هنا دا يتواروا خجلا أمامو
كان على العرقيات والأثنيات والعنصرية والجندر والوعي الذكوري وماعارف شنو
فليهو في المواضيع دي كلام وكلامات .
أمسك أي بوست من طرف وأفتحو ح تلقي ود القاضي متحكر فيهو يفتي وينظر بكل ثقة
وفخر واعزاز وقزاز ..
الزول دا يا حيدر أنا عندي شك كبير أنو عالم نحرير متنكر في شكل ود القاضي ..
.......................
ودالقاضي العارف أية حاجة في أية حاجة
بقيت رئيس جمهورية واللا لسع شعب أغبش زيك زي ود الزين دا وواحد؟

Quote: الحبيب حيدر الزين لو عندك أدني شك في إنو كلامي في (الأسطورة) ود القاضي دا ما جادي فبالله عليك تابع بوستاتو ومداخلاتو في البوستات الما حقتو .. ياخ دا فتح ليهو بوست مجاور لبوستيهو دا يتحدث فيهو عن التكتيك والخطط العسكرية في الضربات الجوية .. كان على السياسة دي يفلفلا ويفتفتا كما أم فتفت كان على الكورة فهو لا يجاري ولا يباري كان على الفن فالموصلي ومحمد السني القاعدين معانا هنا دا يتواروا خجلا أمامو كان على العرقيات والأثنيات والعنصرية والجندر والوعي الذكوري وماعارف شنو فليهو في المواضيع دي كلام وكلامات . أمسك أي بوست من طرف وأفتحو ح تلقي ود القاضي متحكر فيهو يفتي وينظر بكل ثقة وفخر واعزاز وقزاز .. الزول دا يا حيدر أنا عندي شك كبير أنو عالم نحرير متنكر في شكل ود القاضي ..

العزيز حيدر ياخي داير اسالك من فترة ومالقيت زمن ..
الزول الاسمه طلحة ده منو ؟ بتعرفه ولا نسال جادات ؟!!

فايز
سلام

اول حاجة عليك دينك كل ماتغير رقم جوالك رسل لينا رسالة بالماسنجر مجانية
زمان كنت بتغيرو كل شهر هسه بقيت تغير كل اسبوع
او للضمان رسل لينا رقم الكفيل بتاعك

Quote: حاجة غريبة خلاص !!! محتاجة تفسير !!!

اوع ده يكون مقدمة لي انضمامك للناس ديل
قبل كم يوم برضو شايفك فاتح بوست قريب من ده

ما يكون اتعمل ليك غسيل مخ

المهم

مشتاقين

والاهم

رسل رقمك ارقامنا على الشاشة اقصد علي البروفايل

.

Quote: يازول ها اسكت ساي انتا ماعارف شئ والله البشير وجماعته ديل احسن ناس !!!

ود الزين في بوست ود القاضي لكم التحايا والود

ياسيدي الكريم الموقف مره بي قبل سنة هناك جهاتكم في الشرقية في أول يوم يشرفني فيهو السوداني الشغال معاي في نفس البناية في زيارة
والمشكلة ما _ كوز _ ولا حتى مؤتمر وطني ...... الطلعته بي بعد جهد أنو بشجع اللعبة الحلوه وبس ....... حلاوه اللعبة الشائفة شنو !!!
طلع ما شائف حاجة ........ لانو الماشاف البحر بتخلعوا الترعة ...... كلاموا كلو شوارع وكباري وظلط وووووووووووووووووووو
والنتيجة البشير وناسوا أحسن ناس , ولاحتى في الاحلام مافي زيهم ........ وتمامه الكلام والجابو لقاني بتصفح في سودانيز اون لاين
منبر الناس الصعاليك البسبو البشير أعداء الدين والوطن !!!! قلته الحمد لله ما لاحظ للشاشة كويس ولا لقاني بكتب في مداخله ...........
والاغرب من الغريب كلام في السياسة على كلام في المنبر قال لي ليهو كم سنه بحاول يشترك !!!!!!!!! كم سنة عشان يكتب في منبر الاعداء
سالني انت كيف قلت لى انا ما حاولته ولا راسلته قبل كده ........

*ود القاضي في الزيارة النموذجية دي لمعرفتي الله يديهوا العافية في الشرقية ......... عوزك تركز أنو كان فيها كمية من التناقضات
والتناقضات دي يا فايز هي مفتاح الانت بتتكلم فيهوا في البوست ده ............. وبالمناسبة ما حتلقي ليها تفسير لو المنطق في الحكاية
جراى الحصان ولا بعيد السماء .......... وما بتخيل لى الكلام ده حصّريا على السياسة وانتماءاتها وبس ......... في حاجات كتيرة لو
أتأملته في الناس وتصرفاتهم بتظهر التناقضات الزي دي ....... أكيد حتكون سيرة بايخة تناقشة معاهم عشان كده بتعمل رايح منها وتتعامل
مع الناس عادي ..........


وفي كل الاحوال بحترم انتماء الانسان بقناعتوا لشي بغض النظر عن قناعتي الشخصية بالشي ده والمهم بعد ده تكون كل معتقداتو واعمالوا
متسقه ومتفقة مع الشي البيؤمن بيهوا حتى لو غلط ........... وازعل شديد لو الواحد بعلن الانتماء والتبني لحاجات وتلقي بعد كدة كل مواقفوا
واعمالوا بتناقض القناعة دي ............





-------------------------------------
تحياتي لود الزين وود القاضي ,,,

العزيز المحترم عبدالناصر ...
سلامات ياحبيب ..

Quote: عوزك تركز أنو كان فيها كمية من التناقضات والتناقضات دي يا فايز هي مفتاح الانت بتتكلم فيهوا في البوست ده ............. وبالمناسبة ما حتلقي ليها تفسير لو المنطق في الحكاية جراى الحصان ولا بعيد السماء ..

عشان كده انا قلت حاجة غريبة ومحتاجة تفسير !!
اعتقد الحزب ده عشان تنتمى ليهو لايشترط الاتساق مع ممارساته... ومتناقضاته في حد ذاتها تؤكد انه ماعنده مرجعية اخلاقية او حتى فكرية ثابتة يمكن ان تكون معيار لهذا الانتماء ..

Quote: وفي كل الاحوال بحترم انتماء الانسان بقناعتوا لشي بغض النظر عن قناعتي الشخصية بالشي ده والمهم بعد ده تكون كل معتقداتو واعمالوا متسقه ومتفقة مع الشي البيؤمن بيهوا حتى لو غلط ........... وازعل شديد لو الواحد بعلن الانتماء والتبني لحاجات وتلقي بعد كدة كل مواقفوا واعمالوا بتناقض القناعة دي ............

ده موضوع البوست تماماً اخي عبدالناصر ..




تحياتي وودي ،،

Quote: زمان كنت بتغيرو كل شهر هسه بقيت تغير كل اسبوع

يعنى يا خالد العطا معنى كلامك نبل الخمسة ارقام العندنا ونشرب مويتهم ولا كيف

يا ود القاضى باقترح عليك تقوم تلف
وزى بوستك دة بيوقع لينا ليه اساسى ادرجك فى اللستة اياها

Quote: بالتأكيد لدى الكثيرين منا علاقات وصداقات شخصية متعددة مع مختلف الميولات سياسية واجتماعية.. ونجد من ضمن هذه العلاقات صداقات مع افراد من منتسبي المؤتمر الوطني .. شخصياً اعرف افراد منهم وتجمعني بهم علاقات عادية وطيبة .. بعض هؤلاء الاشخاص في غاية الادب والاحترام وعلى خلق وتجدهم في الكثير من المواقف الانسانية ويتختو في الجرح يبرا . ولكن في ذات الوقت ينتمون لنظام ليس له خلق وموغل في الفساد والاجرام. فصراحة ماقادر اجد تفسير لهذه الانتماءات غير المتسقة ..!!! هل الناس ديل ماعندهم علم بانه حزبهم ده اجرامي ؟!! ولا هم ماشايفين افعاله دي اجراميه ؟!! ولا عارفين وعندهم فتوى تجيز الانتماء لاى مجموعة اجرامية بس هم مايكونوا مجرمين ؟!! ممكن بتاعين علم النفس والمنطق وحتى الاجتماع يفسروا لينا الحاجة دي ؟!!

والله بالغت يا ود القاضي ...يا اخوي اظنك الناس ديل ما جربتهم كويس ..ديل لو لقو طريقة فيك بيقيمو عليك الحد ..اتخيل ..حتى لو اتربيت معاهم في بيت واحد ...
راجع علاقاتك دي بهدؤ شديد ...وح تتعجب في النتيجه ..

ود القاضي لديه اسباب يعجز عن ايرادها هنا لتغيير رقم الجوال.

أها تدفع كم؟؟؟

Quote: Re: حاجة غريبة خلاص !!! محتاجة تفسير !!!

هناك كتاب إسمه
التخلف الإجتماعي
مدخل إلى
سيكولوجية الإنسان المقهور
تأليف الدكتور مصطفى حجازي
المركز الثقافي العربي 2005

إذا قرأت هذا الكتاب ستجد فيه تفسيراً علمياً لتساؤلاتك
لولا ظروف العمل لقدمت له شرحا هنا حتى يستفيد الجميع

يمكن أن تجد منه نسخة على النت
أو إذا راسلتني يمكن أن أرسل لك نسخة منه
[email protected]

العوض ...سلامات ...

Quote: هناك كتاب إسمه التخلف الإجتماعي مدخل إلى سيكولوجية الإنسان المقهور تأليف الدكتور مصطفى حجازي المركز الثقافي العربي 2005 إذا قرأت هذا الكتاب ستجد فيه تفسيراً علمياً لتساؤلاتك لولا ظروف العمل لقدمت له شرحا هنا حتى يستفيد الجميع يمكن أن تجد منه نسخة على النت أو إذا راسلتني يمكن أن أرسل لك نسخة منه [email protected]

اولاً شكراً على الكتاب القيم ..فعلاً لقيتو في النت وحملته وان شاء الله بقراه
ويبدو الفصل الثاني فيهو الاجابات البتقصدها ..لكن انتهيت من الجماعة ديل .ههههه

ولمن اراد تحميل الكتاب اليكم الصفحة ..

http://www.4shared.com/file/24733146/234d4e9b...alansan-almakhor.htm


تحياتي ..

المحيرني رغم ظروف (ع،ق) الصعبة الا انه لسه ماعرف درب المؤتمر الوطني ..
اوع توريهو ياكمال !!
خلى مغيب كده وقول ليهو لسه الصادق رئيس وزراء ..

Quote: والله بالغت يا ود القاضي ...يا اخوي اظنك الناس ديل ما جربتهم كويس ..ديل لو لقو طريقة فيك بيقيمو عليك الحد ..اتخيل ..حتى لو اتربيت معاهم في بيت واحد ... راجع علاقاتك دي بهدؤ شديد ...وح تتعجب في النتيجه ..

ياودعتيق غايتو انا تعرفت على افراد منهم ولي علاقة محترمة معهم ومازالت وماشفت حاجة سيئة منهم على المستوى الشخصي لذلك انا مستغرب اذا هم بهذه الاخلاق ليه هم منتمين لحزب متناقض مع هذه الاخلاق فعلاً وممارسة ...جد مستغرب ..

Quote: يا ود القاضى باقترح عليك تقوم تلف وزى بوستك دة بيوقع لينا ليه اساسى ادرجك فى اللستة اياها

اها احمد ده من الكيزان المحترمين ...
قد يكون غلاء المعيشة اجبرته على ذلك ..

Quote: اوع ده يكون مقدمة لي انضمامك للناس ديل قبل كم يوم برضو شايفك فاتح بوست قريب من ده ما يكون اتعمل ليك غسيل مخ

انت حبيب ايلا ماعملوا ليك غسيل معقولة بس !!!


تحياتي ياحبيب ..


ـــــــــــــــ
نفس رقمي 00966568242005

Quote: في أول لفة بظهروا على خقيقتهم يقول المتنبي إذا أشتبهت دموع في خدود .... تبين من بكى ممن تباكى

اها بتاع الدموع ده بالذات انا بشهد ليه بالخلق والاحترام والتهذيب ..
بس انتماءه محيرني !!!!

Quote: انا ما قاعد يحيرني الا الزول* البيقول ليك انا انضميت للمؤتمر الوطني عشان مصلحة البلد وانو الناس ديل احسن يستمرو في السلطة وقاعدين ينجزو بدل يجونا احزاب عمرها ما انجزت ولا قدمت شئ للبلد تقول ليهو يا زول مصلحة البلد وين ؟ والناس ديل خربو البلد واتدهورت في عهدهم في كل المجالات واي شئ تمسكها بدءاً من المواطن في ذات نفسه وانتهاءاً بخريطة الوطن زاتها اتدهورت واتخلفنا لدرجة اصبحنا لا نقرن الا بدول كالصومال .. يقول ليك يازول ها اسكت ساي انتا ماعارف شئ والله البشير وجماعته ديل احسن ناس !!! والاعجب منهم كلهم اليقول ليك انا بؤيد عممر البشير بس وضد المؤتمر الوطني كحزب :)

الغريبة الكلام ده بقينا نسمعه من ناس مامنتمين ليهم !!!! وموجودين في المنبر ده ..

نور الدين ياقريبي دبايوا ...

Quote: ود القاضى دبايو .. شوف انا حا اقولك وجه نظرى ببساطة الانتماء لمجموعة او لجماعة بتكون بقناعة الشخص بتوجه تلك الجماعة يعنى اجرموا كذبوا احتالوا فالشخص المنتمى لهم له نفس الصفات بما انه على علم تام بما تفعله جماعته التى ينتمى اليهايعنى يا ود القاضى مما ممكن واحد يمثل دور الجدعنة والشرف وهو ينتمى لعصابة لصوص او ذى ما قال ليك المحسى الانانية وحب الذات تخلى الواحد يقض الطرف عما تفعله جماعته وفى الحالة دى الواحد بيصبح عديم اخلاق حسب رؤيتى الشخصية .. والاهم مراعاة الله ورسوله (ص) فى كل ما يفعله المرء .

وجهة نظر مقبولة يانورالدين وزي ماقال اخونا عماد كل واحد عنده اسبابه المقنعة بالنسبة ليهو ..
واحدين انتموا ليهو من منطلق ديني حسب تفسيرهم للدين ..
وناس كمان من منطلق جهوى ..
واخرين اجبرتهم ظروف الحياة لهذا الانتماء
واخرين بعتقدوا ان الانقاذ هي سيئة لكنها ليست الاسوأ.
وغيرها من غرائب التبريرات ..

Quote: اولاً شكراً على الكتاب القيم ..فعلاً لقيتو في النت وحملته وان شاء الله بقراه ويبدو الفصل الثاني فيهو الاجابات البتقصدها ..لكن انتهيت من الجماعة ديل .ههههه

هه والله تصدق أنا رأيي في الكيزان أكعب من راي الكتاب
وأسوأ من سوء الظن الفاتوهو بي هناك
لكن قلت أجاملك في بوستك شويه وأديك طرف الخيط بس وتم الباقي بي خيالك

لكن لو عايز تعرف طرف رأيي بالجد - بس - تخيل السودان من غير كيزان

الاخ فائز ود القاضى، تحياتى

من قبل طرحنا مثل هذه التساؤلات

Quote: السؤال الاخلاقي هو لماذا تؤيد بعض الفئات سئ الذكر المؤتمر الوطني رغم تاريخة الحافل بكل ما هو لا أخلاقي. السؤال موجه لكيزان المنبر!! حزب اغتصب كوادره في دارفور عشرات النساء و قلب حياتهم جحيما لا يطاق حزب مارست كوارده الامنية اقسي انواع التعذيب للمعارضين في بيوت الاشباح و ادخل في مؤاخرات بعضهم الزجاج الفارغ و الاشياء الحادة. حزب قتل العشرات من منظمي المسيرات السلمية في كجبار و بورتسودان و غيرها و ادخل الفجيعة لامهات و اباء القتلي. حزب فصل المئات من منسوبي الخدمة العامة بدعوي الصالح العام و دمر مستقلبهم الوظيفي و قطع سبل عيشهم و اورث اهليهم الفقر و الفاقة. حزب سرق منتسبيه مليارات من مال الشعب مما ادي الي تدمير مشاريع التنمية في فيافي و ربوع السودان، و رفع من معدلات الفقر و الموت البطئ!. حزب طوال بقائه في السلطة مارست كوادره تزوير ارادة المواطنين في الجامعات و النقابات و الاتحادات المهنية و الانتخابات الولائية! حزب سحب الدعم من الصحة، و اصبح اي مرض هو الموت بعينه، لارتفاع تكاليف الفحص و الدواء، خاصة للفئات الفقيرة و متوسطة الدخل! حزب قامت كوادره بقتل الالاف من المواطنين بغرب السودان، و حرق قراهم و شرد الاخر و اسكنتهم في الخيام و اخرين بلا ماوئ، يستجدون الطعام و الماء من منظمات خارجية. هذا غيض من فيض من سيئات سئ الذكر المؤتمر الوطني. و السؤال ايضا، هل تعي كوادر المؤتمر الوطني كل هذه الفواجع الماحقة، و لماذا يؤيدون حزبا بهذه المواصفات القياسية في الاجرام و سوء الاخلاق؟؟! اعتقد جازما، ان علي كيزان المنبر مراجعة توزانهم النفسي و العقلي و الاجتماعي و ارجاع البصر كرتين هل من سبب للدفاع عن هذا الحزب الفاسشتي!!

Quote: هل الناس ديل ماعندهم علم بانه حزبهم ده اجرامي ؟!! ولا هم ماشايفين افعاله دي اجراميه ؟!! ولا عارفين وعندهم فتوى تجيز الانتماء لاى مجموعة اجرامية بس هم مايكونوا مجرمين ؟!!

صغار الكيزان دمي تحركها القيادات الكبيرة و أمراء الجماعة فى التنظيم الاجرامى
فهم فى بيعتهم عند انضماهم للتنظيم يقسمون بالله العظيم علي (السمع والطاعة فى المنشط والمكره)
اي انهم عبد المأمور، يفعلون ما يأمرون به، حتي و لو كان مخالفاً للاخلاق او الدين نفسه..
و هم بذلك يلغون عقولهم، و تفكيرهم الحرّ، عند اتخاذ اي قرار يمرّر لهم...

و هذا يذكرنا بالسمع و الطاعة لدي افراد عصابات المافيا العالمية، الذين ينفذون الأوامر، حتي و لو
أدي ذلك الي قتل احد اقربائه الاقربين..

و زي ما قال د. حيدر ابراهيم مافى حاجة اسمها كوز كويس و كوز ما كويس، فاعتقد انهم جميعهم
فى السوء سواء، لانهم ينتمون لنفس المنظومة الاجرامية...

تحياتي سعد مدني ...وشكرا لارفاد البوست بهذه الاضافة القيمة ...

Quote: صغار الكيزان دمي تحركها القيادات الكبيرة و أمراء الجماعة فى التنظيم الاجرامى فهم فى بيعتهم عند انضماهم للتنظيم يقسمون بالله العظيم علي (السمع والطاعة فى المنشط والمكره) اي انهم عبد المأمور، يفعلون ما يأمرون به، حتي و لو كان مخالفاً للاخلاق او الدين نفسه.. و هم بذلك يلغون عقولهم، و تفكيرهم الحرّ، عند اتخاذ اي قرار يمرّر لهم... و هذا يذكرنا بالسمع و الطاعة لدي افراد عصابات المافيا العالمية، الذين ينفذون الأوامر، حتي و لو أدي ذلك الي قتل احد اقربائه الاقربين.. و زي ما قال د. حيدر ابراهيم مافى حاجة اسمها كوز كويس و كوز ما كويس، فاعتقد انهم جميعهم فى السوء سواء، لانهم ينتمون لنفس المنظومة الاجرامية