Post: #2
Title: Re: خط الاستواء على صفحة ( الاخبار) السودانية
Author: سلمى الشيخ سلامة
Date: 01-08-2012, 03:06 PM
Parent: #1
يا مطر عز "الحريق "
شكرا يا عبد الله يا كاتبى المفضل حتى اشعار أخر
عجبتنى "العمامة الملفوفة بكرتين "
والقفلة بالولد
او الشايب
كلها ملعوبة
بتجيبا من وين ال"بتاعة دى ؟"
|
Post: #3
Title: Re: خط الاستواء على صفحة ( الاخبار) السودانية
Author: سلمى الشيخ سلامة
Date: 01-08-2012, 03:09 PM
Parent: #2
الالمام بقصة نضال الامام
قالت الصوفية في وصف تلك اللحظة التاريخية الفارقة : (ظهرت ، وما ظهرت ، وبان خفاؤها بظهورها)..! (المعنى واضح) لمن كان له قلب.. لكن ذلك الظهور الذي يبين بالخفاء هو موضوع (مُشربك) لدى قطاع كبير من أحزاب التحالف التي تعهدت بالعمل على إسقاط النظام من خلال ندواتها في دار حزب الأمة..! وإذا أرادت تلك الأحزاب أن تفكيك الخيوط المشربكة لذلك الظهور والخفاء ، فــ ( ينبغي) عليها تأجيل إسقاط النظام إلى ما بعد (الإلمام بقصة نضال الإمام) ضد الشمولية..! وقصة الإمام مع الشمولية تبدو هكذا .. كان الإمام ، خلال الشهر الماضي يحاول بذل بعض جُهد لنفي المشاركة في الإنقاذ من خلال ابنه ، لكن يبدو انه رأى أن ذلك النفي لا جدوى منه .. ربما ، لأن واقع المشاركة يتعضد بانغماس ابنه الآخر، وبفعالية في الجهاز..ربما ، لهذا أو ذاك، أعلن الإمام أن ابنه العقيد المستشار ، لم يزل عضواً بحزب الأمة القومي..!
يُشكر الإمام على هذه الشفافية ، لأنه حجب جماهير التحالف من متعة التفكير في طرائقه ومهاراته في لعب الكونكان.. و للإمام قدرات خارقة في لعب (الحريق)..! فهو يستطيع في عشرة حريق واحدة أن يجدع الشايب ، ويقفل بالولد ، وينزل بالجوكر، ويسميهو على البنت ..! يستطيع الإمام أثناء الحريق أن يحاضر طلبة جامعة عين شمس ويقنعهم بأن لعب الكوتشينة مضيعة للوقت ، وأن الإسلام دعا إلى تعلم الرماية والسباحة وركوب الخيل، مشيراً إلى عترته..! يستطيع الإمام في ذات العشرة أن يؤكد لمشاهديه (في الواجهة) ، وهو ممسك بورق الحريق، بأنه خروجه في تهتدون ، وعودته في تلفحون قد وقعتا في التاريخ ، دون أن يضطر إلى فرتقة العمامة التي لفها على رأسه بــ (كرتين)..! هذا ما كان من أمر ظهور أو كمون مواقف الإمام في مقاومة النظام ، وهو أمر تم تجريبه كثيراً عند كل حقبة شمولية ، فالإمام سرعان ما يقوم بزيارة خاطفة إلى القصر لتجديد علاقاته بالكراسي..!
و مؤخراً تطورت أساليب الإمام ، بعد أن ( قفل) بالولد..! وكذلك تطورت المعارضة في تجربتها الطويلة معه,, لقد تمثقفت بما فيه الكفاية وعرفت الكثير من فنون الحريق ..! فهي تعلم أنها إذا قلبت له ظهر المجن فان (المهدي سيقع في أحضان قطبي المهدي) وإذا تركته بتلاعب بمصائرها فهو ـــ دون شك ـــ سيحصد الكثير من النبق..! ومن غرائب الصُدف أن لأحزاب المعارضة أيضا مآرب وحسابات..! فهي تعلم فوائد الإمام عندما يسخو ويخرج في كل جمعة أو كل أربعاء بـ (تاءات ثلاث )،، كل تاء تتفرع منها (سبع مخاوف)..! المعارضة تعلم أن هذه ( التأتأة ) مفيدة في الحيز الجماهيري ، لأن فيها تصبير لقطاع عريض (ينبغي) ألا يرى في هذه المرحلة بؤس المعارضة وضعفها..!
المعارضة تعلم أن كل هذا مدفوع الأجر ، وتعلم كذلك أن الإمام ( سيهجم عليها ) بأجندته الوطنية إن عارضت أطروحته في تصحيح النظام..!
الكل هنا يسعى إلى تغذية رصيده الاستراتيجي..! وكل زول شايف شغلو..!
فماذا لو هربت المعارضة إلى الأمام وأعلنت براءتها من تهمة إسقاط النظام إلى ما بعد الأجندة الوطنية..!؟ هل تستطيع أحزاب التحالف بذلك قطع الطريق أمام الإمام..؟
لا اعتقد .. إن للإمام أساليبه المتجددة في لعب الكونكان .. فهو يستطيع أن يقفل على الشايب، حتى لو كان ذلك الشايب هو ( الترابي )..!
و(كلو بي تمنو)..!
|
Post: #4
Title: Re: خط الاستواء على صفحة ( الاخبار) السودانية
Author: عبد الله الشيخ
Date: 01-08-2012, 06:05 PM
Parent: #3
المحن
والمغسة
اللي
نحن
فيها
تسوي
كتير
يا سلمى ..
مغايس سااااكت
مغايس
بس ..
مافى اي حاجة تانية .. لا بى كرت لا بى (كرتيل)..!
|
Post: #5
Title: Re: خط الاستواء على صفحة ( الاخبار) السودانية
Author: abubakr salih
Date: 01-08-2012, 06:31 PM
Parent: #4
| Quote: بتجيبا من وين ال"بتاعة دى ؟" |
أنا غايتو عجبتنى زيارة القصر من فترة لفترة لتجديد علاقته بالكراسي.
شكراً يا عبد الله.
|
Post: #6
Title: Re: خط الاستواء على صفحة ( الاخبار) السودانية
Author: عبد الله الشيخ
Date: 01-08-2012, 06:46 PM
Parent: #5
بكرى صالح
انا والله عجبتنى طلتك علينا فى البوست دا
|
Post: #7
Title: Re: خط الاستواء على صفحة ( الاخبار) السودانية
Author: Mohamed Yassin Khalifa
Date: 01-08-2012, 07:27 PM
Parent: #4
يعني يا عبدالله دي عشرة مطعمة.. وكل زول فيهم طلع بحقو وبقو يلعبو على حق العوار!
والصادي حريف لعب.. وخطير! مشكلتو إنه تبنى مشروع فشل حتى في شرحه للناس
لقد كتبت بعض الملاحظات في بوست الاخت دينا خالد بتاع النبق:
Quote: الصادق بأنفعاله في الندودة دي قال "ناس الشعبي رسلوا لينا عشان نشاركهم في إنقلاب"
وختاها كده دون ذكر للتاريخ.. وإستدرك بعدها خطورة الكلام ده الممكن ياثر في علاقته
مع حـثالة المؤتمر اللاوطني وممكن يدخل بسببها الترابي (نسيبه) السجن!
أها جا التصحيح عشان يبعد الشر ويغنيلو!
وقال الحكاية دي حصلت زمان لمن كنتا بلعب بالتراب
طيب يا سيد الصادق.. الإنقلابيين البتتكلم عنهم حسع ديل منو؟ السنوسي يعني؟
موش إنتا طالبتا بمحاكمتهم.. وقلتا ديل رايح ليهم إعتقال
دي يا الصادق ذي كلامك وتراجعك عن نفس الكلام في عدة مناسبات
مثل جلدنا ما بنجر فيهو الشوك والبقت بقدرة قادر "جلداً ما جلدك جُر فيهو الشوك"
أو عن مرتزقة خليل.. المناضل أو جهاد البدل أو الفيهو بخور بنشم!
وأسوأ من ده كله قضية إسقاط النظام البقت حسع تغيير النظام.
الصادق فعلاً فشل في شرح معنى الجهاد المدني لنظام بيضرب في الشعب السوداني بالطائرات
هو ما عاوز إنقلاب والنظام بيوافقو في كده
هو ما عاوز تدخل اجنبي والنظام بيوافقو في كده
هو ما عاوز إنتفاضة والنظام بيوافقو في كده
هو ما عاوز عصيان مدني والنظام بيوافقو في كده
هو ما عاوز ثورة في دارفور والنظام بيوافقو في كده
هو ما عاوز مظاهرات والنظام بيوافقو في كده
هو ما عاوز تحالف للهامش والنظام بيوافقو في كده
هو ما عاوز معارضة سلمية للنظام والنظام بيوافقو في كده
هو ما عاوز معارضة مسلحة للنظام والنظام بيوافقو في كده
هو ما عاوز الناس تدافع عن روحها والنظام بيوافقو في كده
هو ما عاوز إسقاط النظام والنظام بيوافقو في كده
بعد ده كلو..
هو عاوز جهاد مدني والنظام أكيد بيوافقو في كده |
تعرف يا عبدالله أنا أو مرة أعرف إنك لاعب حريق ماهر قدر ده
فمن خلال مقالتك دي عرفتا إنك خطير في اللعب ذي الصادق
وبما أنني ذيكم حريف في اللعبة دي فسيسهل علي قراءة كلامك
الممتع ده.. وأكيد اللعب معاك ليهو متعة خاصة.
بس ياريت اللعب يكون فيير!
مع مودتي الخالصة...
|
Post: #8
Title: Re: خط الاستواء على صفحة ( الاخبار) السودانية
Author: عبد الله الشيخ
Date: 01-09-2012, 09:10 AM
Parent: #7
قال "ناس الشعبي رسلوا لينا عشان نشاركهم في إنقلاب"
وختاها كده دون ذكر للتاريخ..
ـــــــــــــــ
صديقي محمد يس خليفة
يا ابو حميد مافى زول بيلعب بالبلد دي زي الزول دا ..!
نعم ،، الزول دا عاوز النبق.. لكن نبق باجندة وطنية
نبق ( يتصف بسبع سينات )..!
و
كمل باقى الكلام ..!
|
Post: #9
Title: Re: خط الاستواء على صفحة ( الاخبار) السودانية
Author: MOHAMMED ELSHEIKH
Date: 01-09-2012, 09:30 AM
Parent: #8
أهلا بود الشيخ(التايواني)
في خط اللعب... خط اللولوة
سلام كتير لكم ولي نصر الدين وداحمد الطيب برضو
|
Post: #10
Title: Re: خط الاستواء على صفحة ( الاخبار) السودانية
Author: abubakr salih
Date: 01-09-2012, 01:02 PM
Parent: #9
| Quote: انا والله عجبتنى طلتك علينا فى البوست دا |
شكرا يا ود الشيخ ياخى. و فى الحقيقة انا قدر ما قريت مقالك الفنان دا اطلع بثلاث متع كل متعة تتفرع عنها سبعة مباهج.
سبعة مباهج تعيننا على طوفان المغائس السائدة فى حياتنا السياسية. الله يديم هذا الخيال الخصيب.
|
Post: #11
Title: Re: خط الاستواء على صفحة ( الاخبار) السودانية
Author: عبد الله الشيخ
Date: 01-09-2012, 03:10 PM
Parent: #10
شكرا يا بكرى ,, ها انت تخرج من متابعة نضالات الامام ( بنظام التاءات الثلاث)..!
لكن لو تابعت الامام على طول ح (تتفنقل)..!
هكذا تحدث مؤخراً..!
اعمل حسابك
ـــــــــــــــــ
ود الشيخ ..
كيفك .. يازول تعال نتخارج من القصة دي ونمشى الدهب
نصر الدين ده (عاقد ضهرو وماهو زول خدمي ).. ده يلغلغ فى البنادر زي شغل ناس ود صليليح !
ـــــــــــ
|
Post: #12
Title: Re: خط الاستواء على صفحة ( الاخبار) السودانية
Author: Mohamed Yassin Khalifa
Date: 01-09-2012, 07:01 PM
Parent: #11
| Quote: كمل باقى الكلام ..! |
بالله خلينا من الكلام يا عبدالله.. أسكت، ووزِع!
______
السفير كنة في حريق (حِبِي) سألني بزعل وقال لي: أها الواطي فينا منو؟
|
|