هــذه ســلسلة من اشـــياء لا تنفصــل عن بعــضها البــعض
Post: #7 Title: Re: فـيديــو مبـالـغه ... جـامـعه تـخـرج راستــات , والله صـحـى Author: عادل خياري Date: 01-08-2012, 02:51 AM Parent: #5
سلام اخ خضر نزل الفيديو في يالفيس بوك واتحيرت في خريجيين الطب واتعوضت الله في بعض الدكاترة لان هذا لايمثل كل الخريجين ولو كان ده المستوى لبانة وتهييص زي ده احسن لو جانا المرض وعافانا وعافاكم الله نحجز مصر او الاردن من اسة المشكلة الاخطر انو الشباب صار مقلدا يعني السنة الجاية لو ربنا احياك واحيانا تشوف البلدع وخوفي من انها تصبح عادة وتقليعة جديدة
لا أعتقد أنها دكتوراة؛ غالباً ما يكون تخريج أطباء بشريين، صيادلة .. أو مختبرات!
رُغم أن لي آراء في الفيديو .. إلا أنني أفتكر أن هذا ليس شئ عام كي يطرح في مكان عام لنتناقش فيه!
وأحترام رأي الجميع إن كان غير ذلك :)
Post: #8 Title: Re: فـيديــو مبـالـغه ... جـامـعه تـخـرج راستــات , والله صـحـى Author: محمد سنى دفع الله Date: 01-08-2012, 05:31 AM Parent: #6
دكتور ابن دكتورة وابوه دكتور حفلات التخرج في السودان اصبحت لها شكل مغاير وغير تقليدي والجامعة خرجته دكتور مستواه الاكاديمي تجدونه في الشهادة اما حفل التخريج فمسألة خاصة جدا تخص الشباب المتخرجين واضح الفكرة عمل معادل كوميدي لاغنية بنات مشهورة واللبان والنضارة السودة والازياء جزء من الفيديو كليب الاتصور يعني الدكتور دخل في شخصية تناقض شكل وهيبة الدكاترة الجامدين ومن هنا تظهر المفارقة وكثيرون في الحفل بكونوا ما مصدقين ده الدكتور البعمل كده بعدين معروف انو الدكاترة غير انو ليهم عالمهم السري والخاص هم من اكتر الناس محبة للفنون والموسيقى والتراث واجمل الادباء والكتاب والسينمائيين دكاترة من مصطفى محمود وامير تاج السر ويوسف ادريس ويحي الفخراني الى عزوز عبد الباسط السيد هم حملة جماعة الموسيقى الكلاسيكيةوالاستماع والادب الرصين يعني لو حتوفي يوم اطلعو راستات وفارات ما بفهمو حاجة عجبي يرقص الرئيس نقول ووب يرقص الخفير نتبشتن يرقص الدكتور نقيم الدنيا ولا نقعدها لابعجبكم العجب ولا الصيام في رجب دي حفلة خاصة جدا بتاعة تخرج مايتم فيها يخص ولا يعم يعني الدكتور ده لامن يجي يشتغل حيكون مدور استريو وبلوك في لبانه ولابس نضارة سودة وبكشف على موسيقى الكشف قومو لفو ..
الهوايات الشخصية لا تتعارض مع مهنية واحترافية الشخص ... الا اذا صدرت اخطاء اثناء عملة ... لكن تكوين فكرة مسبقة عن الشخص علي سب مفهومنا للحياة ده بيسموه ظلم
______________________________________ يا خضر انا في بيسنغ استوك الايام دي
.. أنا غايتو الفيديو كيفني .. سيناريو المقدمة بتاع تسليم النضارة شئ بديع .. أنغام الربع رائعة .. الأغنية تمام .. فرحة الأصحاب بصاحبهم جميلة .. الباك قراوند بتاع ال men in black الشغالين هجيج تحت المنصة برضو مبهج .. والبنات زاتم متكيفات ..
Post: #10 Title: Re: فـيديــو مبـالـغه ... جـامـعه تـخـرج راستــات , والله صـحـى Author: Khalid Osman Jaafar Date: 01-08-2012, 05:53 AM Parent: #6
سلام يا جماعة،
الزول طلع قريبي!
بغض النظر عن رأيي الشخصي في طريقة الإحتفال، بس حبيت أنقل كلام والده، د. الفاتح عمر، عن تعليقات الناس علي الموضوع:
"رقصت وانا شاب و لا زلت ارقص فللفرح وقت وللعمل وقت. والفنان دايما طبيب ماهر. . و احترامى لراى الجميع. . قالرقص والفن والادب زادنى الهاما فى الطب
والد عمر. .استشارى عيون"
Post: #13 Title: Re: فـيديــو مبـالـغه ... جـامـعه تـخـرج راستــات , والله صـحـى Author: الحاج حمد الحاج Date: 01-08-2012, 07:19 AM Parent: #10
الدكتور الشاب احتفل بطريقة خاصة و مبتكرة و كل جيل ليهو طريقة و شكل احتفالات التخرج يتغير من وقت لآخر..كل ذلك لا يؤثر على شهادته الاكاديمية التي نالها..تمنياتي له بالتوفيق في حياته العملية.
Post: #15 Title: Re: فـيديــو مبـالـغه ... جـامـعه تـخـرج راستــات , والله صـحـى Author: محمد زكريا Date: 01-08-2012, 07:41 AM Parent: #13
Quote: Quote: phd in what ?
لا أعتقد أنها دكتوراة؛ غالباً ما يكون تخريج أطباء بشريين، صيادلة .. أو مختبرات!
رُغم أن لي آراء في الفيديو .. إلا أنني أفتكر أن هذا ليس شئ عام كي يطرح في مكان عام لنتناقش فيه!
وأحترام رأي الجميع إن كان غير ذلك :)
شكراً عبداللطيف على التوضيح فعلاً اعتقدت انها حفل تخريج جامعى لكن حيرتنى لقب دكتور نحن بنخلط بين الطبيب وحامل الدكتوراة
فيديو لذيذه فكرته وما فيهو حاجه اللهم الا انه معناة نوع اغانى الجبجبه دى اصبحت عااااااااااااااااااااااااااادى ياخ بس خايف انه الذوق العام كله بقى كده على اى حال هذا جيل جديد و مبروك عليهم شهادات التخرج والغناء الجديد
Post: #14 Title: Re: فـيديــو مبـالـغه ... جـامـعه تـخـرج راستــات , والله صـحـى Author: دينا خالد Date: 01-08-2012, 07:32 AM Parent: #10
شاهدت الفيديو دا امس نزل فى بوست هنا .. واكيد ناس الفيس بوك لفحوا من البورد بس عشان نازل من اليوتيوب اى زول بعمل رايح التوقبع عمر
عمر قال انهم بحاكو ظاهرة اسمها الربع راجل بتاع اورغن وانا لانى ما بعرفو شفتو بقلد فى مالكوم اكس بالشكل وبشبهو كمان
Post: #16 Title: Re: فـيديــو مبـالـغه ... جـامـعه تـخـرج راستــات , والله صـحـى Author: Mohd Ibrahim Date: 01-08-2012, 03:22 PM Parent: #14
This has nothing to do with the university ..This is personl party .. He has the right to celebrate the way he want ..If you are unable to enjoy your moments of life do not belame others ..if you are rigid and emotionless then celebrate the way just like every one does..This guy later, after several years he will know how this was so redicouls but at least he will find out him self
معليش يا خضر ياخ .. تعليقي الأولاني كان غاضب شوية لأني ظننتك جبت الفيديو للتريقة .. لكين أعذرني للتسرع بسوء الإنطباع - لأنو إنت ذاتك ياخي مداخلاتك غالباً عدوانية وسالبة .. لذلك ما توقعت إنو البوست يكون إيجابي لكنك خذلتي ..
Post: #19 Title: Re: فـيديــو مبـالـغه ... جـامـعه تـخـرج راستــات , والله صـحـى Author: عبد الملك يوسف الملك Date: 01-08-2012, 09:46 PM Parent: #18
كنت ناوي الشر ياخضر لكن الهوا قلب لان الناس عندما يشاهدوا مثل هذاالفيديو خارجا من سياقه وخارجا من خصوصيته سينتقدون ويهرفون بما لايعرفون خاصة بعض الناس من غزية ان غوت غزية غووا وان رشدت رشدوا يقلدون بعضهم على عمى ولكن الانطباعات كانت ايجابية لذلك حدث تراجع
الحفلة دى حفل تخرج يعنى خصوصيتها بتختلف عن اى حفلة خاصة تانية ,المفروض تعكس مستوى الجامعة وهيئة التدريس وبتحترم الصرح التعليمى مافى عيب فى الرقص بس فى العادة بحصل بعد استلام الشهادات والتفاصيل الاكاديمية وكمان للروب قدسية خاصة ما بتجدع زى فركة العروس ,ومعقول خريجين جامعة محترمة بتكون موسيقى التخرج باغنية تعبانه وغناية بيت طهور ,غايتو بنرجع ونقول لكل جيل محن بتختلف عن محنا .