سبق صحفي لسودانيزأونلاين- تصريح للمبعوث الأمريكي: لن يُرفع إسم النظام

صرح المبعوث الأمريكي في رد علي البريد الألكتروني لمجموعة النشطاء الأمريكان بأن الخرطوم لم تجتاز الشروط المطلوبة لرفع إسمها من قائمة الدول الداعمة للإرهاب ... و عليه قررت إدارة اوباما عدم رفع إسم حكومة السودان من قائمة الدول الداعمة للإرهاب و لن ترفع العقوبات تبعا لذلك.
(بعد دفع كل تلك الدولارات للمحامي بواشنطن).
من الواضح أن الإدارة إستجابت للضغوط القوية من مجموعات الناشطين و أنصارهم في الكونغرس .... لذلك رأت أنه من الأسلم أن لا يراها الناخب الأمريكي كإدارة تقف مع نظام ظالم معتدي يرأسه شخص مطلوب للعدالة الدولية بتهم جرائم حرب و جرائم ضد الإنسانية و جرائم إبادة جماعية.

و ذكر المبعوث الأمريكي برنستون لايمان أنهم (الإدارة ) قد أبلغوا الخرطوم بقرارهم هذا مع تحذير لها بأن ما تفعله في جنوب كردفان و النيل الأزرق من حرمان للأهالي من الإغاثة و نقص في الغذاء قد يتحول الي مجاعة بحلول شهر مارس.
هنا نص البريد الإلكتروني و تصريح المبعوث الأمريكي حرفيّا:

Thanks much. You are right that the Government in Khartoum met none of the conditions relating to Southern Kordofan and Blue Nile. We have informed them that as a result, we are not now proceeding with the process of SST removal. But we remain focused with them on those same issues relating to Southern Kordofan and Blue Nile. In this regard, Valerie Amos (OCHA) is arriving in Khartoum today and we hope there may be some movement on international humanitarian access. We have an assessment from FEWSnet that conditions could reach famine status in the two areas by March. I believe this issue will come to head by the end of January and at the AU summit that occurs then. We are mounting an intense international effort to urge the Khartoum government to agree to humanitarian access in the lead up to the summit, with visits to several African countries. Africa opinion can matter greatly in obtaining Khartoum’s agreement.

هنا كان أصل الموضوع:

الصفقة السرية القذرة بين إدارة اوباما و نظام المجرم البشير

**********

شكراً الأخ العزيز محمد سليمان
وشكرنا الجزيل لصديق الشعوب السودانيه المقهوره ومساندها فى المحافل الدوليه
السيناتور فرانك وولف .
شكراً لمتابعتك , وندعو لك بالتوفيق.

فمك فيه اللبن دائم باذن الله....

تسلم يا الحبيب على البشاره:

Quote: و عليه قررت إدارة اوباما عدم رفع إسم حكومة السودان من قائمة الدول الداعمة للإرهاب و لن ترفع العقوبات تبعا لذلك. (بعد دفع كل تلك الدولارات للمحامي بواشنطن).

قرقرقرقرقرقرقرقرقر.....
انت في دولارات المحامي ولا دولارت (الفقرا)(ههههههههههه)!

الأخت العزيزة تراجي
لك التحية و الإحترام

Quote: قرقرقرقرقرقرقرقرقر..... انت في دولارات المحامي ولا دولارت (الفقرا)(ههههههههههه)!

للأسف ... دي كلها قروش هذا الشعب الطيّب .....

ثلّة من الحرامية إستولوا علي مقدرات هذا الشعب و حولوها لمصلحتهم الشخصية ...
الآن و بعد تناقص الموارد و إنكشاف الحال ... أصبحوا يهرولون و يولولون في كل الإتجاهات ..... و لا مهرب لهم من الأمر الحتمي و سقوطهم عن الحكم.

Quote: سبق صحفي لسودانيزأونلاين- تصريح للمبعوث الأمريكي: لن يُرفع إسم النظام

يا اخوى الأمريكان ديل شغلهم تحت الطاولة والأيام دي بقى فوق الطاولة عديل بانهم لن يقوموا بتغيير نظام البشير بل بتقييفه!
كتلوا ليهو خليل وادوهو شيك علي بياض البقول بغم يدخلوا السجن!
طحين دا فلم هندي
جني

جني:

Quote: يا اخوى الأمريكان ديل شغلهم تحت الطاولة والأيام دي بقى فوق الطاولة عديل بانهم لن يقوموا بتغيير نظام البشير بل بتقييفه! كتلوا ليهو خليل وادوهو شيك علي بياض البقول بغم يدخلوا السجن! طحين دا فلم هندي جني

كالمعتاد .... أنت مثلك و مثل بقية المثقفين العرب .. مهووسون بنظرية المؤامرة ...
نعم ... أمريكا فعلت و تفعل الكثير من الفظائع ... لكن ربما ليست بدرجة نظرية المؤامرة التي أنت مجنون بها.....
تسريبات ويكيليكس كانت خيبة أمل بالنسبة لمثلك ... لأنها كشفت مكاتبات مختوم عليها بالسرية القصوي ... و عادة المؤامرة عند أصحاب نظرية المؤامرة .. تبدأ من السفارة ... و لكن ماذا وجدتم؟ ... كلام أشبه بالنميمة و القطيعة في الزعماء العرب .....
مشكلة أمريكا أن نظامها لا يمكن فيها كتم الأسرار بسهولة ... خاصة إذا كانت تخطيطات تآمرية ....
بل في الغالب الأعم .. هم يصرحون و ينشرون خططهم مباشرة أو خلال تسريبات لصحافة حرّة لديها مصادر في أي جهاز حكومي ..
عندما يصرّح مسؤول بأن علي النظام الفلاني أن يرحل .... تقولون أنتم هذه مؤامرة ... و هناك تعامل تحت الطاولة ببقاء ذلك النظام
و عندما يصرح مسؤول بأنه لا يريدون تغيير النظام الفلاني ... تقولون أنتم هذه مؤامرة .. و قوة عين و تعامل إنتقل من تحت الطاولة الي فوق الطاولة ...
الأمريكان كان كتلو زول و هم قاصدين يقتلوه ... يخرجون للملأ و يقولون: أيوة .. نحن كتلناه ... من زمن جيفارا و الليندي الي أسامة بن لادن...
و عندما يقتلون زول بالخطأ ... يخرجون للملأ ويقولون : أيوة نحن كتلناهو و ما قاصدين ... مثل قتلهم للجنود الباكستانيين و قصفهم لمخبأ العامرية و السفارة الصينية ببلغراد ..
إستشهاد خليل تقاطعت مخاوف جهات .. منها قطر و ربما تشاد و فرنسا .. في الأمر ... و الإنقاذ ظنت أنها مستفيدة ..... لكن كما يتضح من الحال في الميدان .. أن الإنقاذ وحدها ستجني الثمار المرّة لتلك العملية ... و ربما ستبدأ نفوذ قطر في الإنكماش ... و خاصة الآن هناك أصوات بدأت ترفع صوتها بأسئلة محرجة عن الدور القطري في تعيين مجرم الحرب الدابي كمراقب في سوريا ....
هوّن عليك يا جني و أشفق علي رأسك من دوخة نظرية المؤامرة هذه ..
لو كانت تجدي و نافعة و قوية كما تظن .. لنفعت عملاء أمريكا الواضحين مثل مبارك و علي عبدالله صالح ....
هناك عدة طرق لإنتشال نظام الغنقاذ من وهدة الفلس و الإنهيار الإقتصادي .... تري لماذا لا تتآمر أمريكا علي إنقاذ الخرطوم حتي لا تضطر حكومة البشير الي سرقة مليون برميل من آبار بترول الجنوب لتعيش بضع أيام أخر من عمرها؟؟!!!

الأخ العزيز عبدالله عبدالله
لك التحية و الإحترام

Quote: شكراً الأخ العزيز محمد سليمان وشكرنا الجزيل لصديق الشعوب السودانيه المقهوره ومساندها فى المحافل الدوليه السيناتور فرانك وولف . شكراً لمتابعتك , وندعو لك بالتوفيق.

و لا يزال عضو الكونغرس يلاحق الإدارة و ذلك المحامي (فيشر) قانونيا .. بأن عمله نيابة عن حكومة القتلة في الخرطوم هو لوبي و ليس عمل محاماة .. و قد رد الإثنين (المحامي و الإدارة) بأن المحامي لا لعب دور اللوبي بأي حال و لا ينبغي له قانونيا ... لكن عضو الكونغرس حوّل الأمر الي المكتب القانوني للكونغرس لمزيد من التحقيقات و الملاحقة.
يا صديقي عبدالله .... لا يوجد مستحيل .... علينا فقط عمل واجبنا ... and put up a good fight
و لا نهتم لحديث المثبطين ....

شكرا يا طارق الجبلابي

الاخ محمد سلام
لكل مجتهد نصيب مهما طال الزمن
واصلوا في الاتصالات بالناشطين السياسيين ومنظمات المجتمع المدني للضغط باصدار حظر جوي

Quote: علينا فقط عمل واجبنا

الأخ صلاح جادات
لك التحية و الإحترام

Quote: الاخ محمد سلام لكل مجتهد نصيب مهما طال الزمن واصلوا في الاتصالات بالناشطين السياسيين ومنظمات المجتمع المدني للضغط باصدار حظر جوي

نعم ... سنواصل حتي يتم الإطباق علي هذا النظام الدموي اللعين.

أكثر ما يؤذيهم الآن هو الإنهيار المالي لهم و لمؤسساتهم ....
الشعب لا يستفيد مطلقا من أي دخل مالي (سواء إنتاج او ضرائب أو ديون) ....
ثلة اللصوص كانوا يعولون علي رفع العقوبات علي نظامهم ليستمر نهب موارد الشعب.
الحظر الجوي قادم إن شاءالله ..
فتلميح المبعوث بأن هناك ستكون مجاعة بحلول مارس في جنوب كردفان و النيل الأزرق هو تمهيد لفرض عقوبات صارمة و اللجوء الي الحل العسكري لإغاثة المدنيين .
و كل شئ له وقته.

Quote: و لا يزال عضو الكونغرس يلاحق الإدارة و ذلك المحامي (فيشر) قانونيا .. بأن عمله نيابة عن حكومة القتلة في الخرطوم هو لوبي و ليس عمل محاماة .. و قد رد الإثنين (المحامي و الإدارة) بأن المحامي لا لعب دور اللوبي بأي حال و لا ينبغي له قانونيا ... لكن عضو الكونغرس حوّل الأمر الي المكتب القانوني للكونغرس لمزيد من التحقيقات و الملاحقة. يا صديقي عبدالله .... لا يوجد مستحيل .... علينا فقط عمل واجبنا ... and put up a good fight و لا نهتم لحديث المثبطين ....

الأخ محمد سليمان , شكراً لك يا عزيزى
لقد حزَ فى نفسى أننى لم أستطع أن أكون مع فرانك وولف ومع الأبطال أمام مكتب المحامى فيشر
فى واشنطن دى سى فى ذلك اليوم لنظهر له إستنكارنا لموقفه تجاه الشعوب السودانيه المضطهده
وذلك بسبب حادث الحركه الذى قلل من تحركاتى , طلبت من إبنى أن يشارك وتابعت من البعد.
عموما يجب علينا أن نتفاعل مع قضايا وطننا , وبإذن الله لن ندعه للمتسلطين على رقاب العباد.
مرةً أخرى لك تقديرى وإحترامى.

الفاضل عبدالله عبدالله:

Quote: الأخ محمد سليمان , شكراً لك يا عزيزى لقد حزَ فى نفسى أننى لم أستطع أن أكون مع فرانك وولف ومع الأبطال أمام مكتب المحامى فيشر فى واشنطن دى سى فى ذلك اليوم لنظهر له إستنكارنا لموقفه تجاه الشعوب السودانيه المضطهده وذلك بسبب حادث الحركه الذى قلل من تحركاتى , طلبت من إبنى أن يشارك وتابعت من البعد. عموما يجب علينا أن نتفاعل مع قضايا وطننا , وبإذن الله لن ندعه للمتسلطين على رقاب العباد. مرةً أخرى لك تقديرى وإحترامى.

حمدالله علي سلامتك .... و إبنك قد مثّلك خير تمثيل ....
نعم ... علينا و علي الجيل الجديد من السودانيين بأمريكا التفاعل مع قضايا وطننا الأم و لن ندعه للمتسلطين علي رقابنا.
الظلم لن يسود أبدا.
هذا القرار سيكون ضربة قوية لهذا النظام الذي يترنح الآن إقتصاديا و هو علي شفا هاوية السقوط.

الاستاذ محمد سليمان

تحية طيبة

شغل نضيف دا هدف كبير وهنا نجحنا

نتقدم بالشكر الي تحالف اكتفورسودان للمجهود الكبير القامو بيهو الايام الفاتت

ولسا راجينا شغل كتير منها علي سبيل المثال

- وقف اعفاء الحكومة البريطانيا لمديونيات السودان ودا تحدي كبير لكن في ناس ممتازين بيغادي زي البارونة كوكس خاصة هي ما بتدور زول يهبش جبال النوبة والنيل الازرق والايام دي شايف سمها فاير لو لزيناها شوية ممكن تساعد في وقف العملية دي

- اصدار قرار عقوبات فردية علي مسئولين في الحكومة السودانية من دخول الدول الاوربية وامريكا وتجميد ارصدتهم -ودي دايرة شغل شديد وممكن يمشي الايام دي خاصة موعد الانتخابات قرب ودي ممكن يمشو فيها الحمهوريين اكتر من الديمقراط

- اجازة قانون يسمح للمنظمات الامريكية بالدخول الي السودان بشكل غير قانوني لتقديم مساعدات انسانية وللحماية في الاقاليم الفيها الحرب والموضوع ممكن تمشي خاصة انو الحكومة السودانية ركبت راسها وقالت مافي زول يخش الاقاليم دي والناس قاعدين يموتو بالجوع وعدم الدواء ودي اشبه بمعسكرات هتلر وهنا الشباب في ضحايا الهولوكوست والنازية ممكن يلعبو دور كبير

- اجازو قانون في الكونغرس يسمح للحكومة الامريكية بتقديم مساعدات الي المعارضة السودانية و المؤسسات المدنية ودي الامريكان منمكن يعملوها خاصة عندهم تجربة في التجمع الوطني الديمقراطي المهم شغل كبير ولسا الراجي الانقاذ كتير

معا من اجل كنس ال###### المسمي بالانقاذ الي مزبلة التاريخ

عبدالمجيد صالح

الأخ الفاضل عبدالمجيد صالح
لك التحية و الإحترام

Quote: شغل نضيف دا هدف كبير وهنا نجحنا نتقدم بالشكر الي تحالف اكتفورسودان للمجهود الكبير القامو بيهو الايام الفاتت ولسا راجينا شغل كتير

لقد فوجئت الإدارة بكمية المعارضة الشرسة لأي محاولة .. مجرد محاولة لمهادنة العصابة المجرمة بالخرطوم....
ستكون هناك مراحل لخنق هذا النظام حتي الموت :
أولا: فرملة هذا الإتجاه المهادن لإدارة أوباما.
ثانيا: عكس هذا الغتجاه المهادن و البدء في إتخاذ إجراءات عقابية و رادعة ضد نظام الخرطوم.
ثالثا: التمهيد لإزالة هذا النظام.

و لسة راجينا شغل كتير.

Quote: اجازو قانون في الكونغرس يسمح للحكومة الامريكية بتقديم مساعدات الي المعارضة السودانية و المؤسسات المدنية

هوب ايدكم معانا ياشباب نعمل لينا منظمة مدنية قبال المولد ما ينفض

اصلو الانقاذ دى عندها سبعين روح وكلما نقول حلاس اتلحست نلقاها فى حفلة ترقص

وقال فرنسا وقطر وتشاد يعنى ممكن قطر تقوم بى عملية زى دى وماما امريكا مايكون ليها ضلع فى الموضوع

لا أظن ذلك -

وعلاقة الانقاذ بى امريكا عايزا ليها وقفة

Quote: Khartoum met none of the conditions relating to Southern Kordofan and Blue Nile. We have informed them that as a result, we are not now proceeding with the process of SST removal.

How is the SST removal process related to Southern Kordofan and Blue Nile to begine with?x
Is Khartoum sponsering terrorism in Southern Kordofan and Blue Nile?x
then, how come Morroco is not in the SST list for it's actions in Bolisario, or Israel for its actions in Ghaza, or East Timor or Uganda or the Phillipines, or even next door Columbia?x
This must be a list designed for something other than the US stance on State Sponsered Terrorism.x
It must be something that Mohamed Suliman Knows very well what it is!x




... anyway ...

فوق
ومزيدا من الضغط علي امريكا
التي نتوقغ منها الوقوف مع مظالم ومطالب الشعب السوداني
لا التطبيع مع حكومه المؤتمر الوطني والوقف ضد اراده الشعب السوداني

وشكرنا الجزيل لصديق الشعوب السودانيه المقهوره ومساندها فى المحافل الدوليه
السيناتور فرانك وولف .

.............................................................................

شر البلية ما يضحك

اين صديق الشعوب المقهورة هذا من الذي حدث وما زال يحدث للشعب

العراقي جراء الاحتلال الغاشم للقوات الامريكية للعراق

اين هذا المتزمزغ من قتل وسحل الشعب الفلسطيني على يد ابناء عمومته الصهاينة المستكبرين

اين هذا النصير لما يحدث للامريكان السود في بلده نفسها


قال نصير المقهورين

والله ياهو

Quote: فوق ومزيدا من الضغط علي امريكا التي نتوقغ منها الوقوف مع مظالم ومطالب الشعب السوداني لا التطبيع مع حكومه المؤتمر الوطني والوقف ضد اراده الشعب السوداني

يا استاذة زينب قوانين الدول الراعية للإرهاب دي ما معناها "إرادة الشعب السوداني"

معناها "بترول الشعب السوداني" بالنسبة للإدارة الأمريكية ... أو

للوقوف مع مظالم الشعب الأمريكي من ناس زي المرحوم القذافي وحليفو المرحوم خليل المنعوهو يدخل امريكا آخر مرة ...

يعني انتي بى صراحة ... ما محسوبة في الحسابات الأمريكية ... إلاّ تكوني هوجاء ومستعدة تخدمي أجندة لوبيات البترول بدون ما تفكّري أو تجيك حمية على بني جلدتك إما عن غبا أو عن مطامع شخصية ... لاكين امريكي كدا يكون ماشي وجايي باسم الحكومة عشان السودان فيهو مظالم شعب؛ ماااا أظن ... يقولوا ليك But your country is resting over a huge basin of oil!x باستغراب ... يعني ببترولكم دا المتشاكلين ليها شنو؟



... المهم ....

Quote: من الواضح أن الإدارة إستجابت للضغوط القوية من مجموعات الناشطين و أنصارهم في الكونغرس

سئل الدكتور غازي صلاح وفي معرض السؤال قال المحاور بأن أمريكا لها ميزانين
فقال دكتور غازي ..
أمريكا لا تملك ميزانين ومن قال بذلك فقد أخطأ
امريكا لها عدة موازين وفي بعض المرات فد تستشيرك بأي ميزان تريد ( ان يحلقوا لك)
وهذه هي مصالحها وهي حرة فيها
اما شعب السودان
وحكومة السودان
فقد نهضوا وقدموا وعملوا الكثير من النجاحات بدون امريكا
ومن يغالط فلينظر هل مات السودان وشعبه أم أنهم أحياء يرزقون ويسبحون ربهم صبحا ومساء

السؤال الهام الذي غاب في الزحمة
من هم الذي يملكون التأثير الفعلي علي الحكومة الامريكية
هل هم اصحاب النفود واليهود
أم مجموعة من السودانيين الحالمين
افتونا يا من استبشرتم بهكذا قرارات

ترجمة رسالة المبعوث الأمريكي برنستون لايمان للنشطاء الأمريكان:

Thanks much. You are right that the Government in Khartoum met none of the conditions relating to Southern Kordofan and Blue Nile. We have informed them that as a result, we are not now proceeding with the process of SST removal. But we remain focused with them on those same issues relating to Southern Kordofan and Blue Nile. In this regard, Valerie Amos (OCHA) is arriving in Khartoum today and we hope there may be some movement on international humanitarian access. We have an assessment from FEWSnet that conditions could reach famine status in the two areas by March. I believe this issue will come to head by the end of January and at the AU summit that occurs then. We are mounting an intense international effort to urge the Khartoum government to agree to humanitarian access in the lead up to the summit, with visits to several African countries. Africa opinion can matter greatly in obtaining Khartoum’s agreement

الترجمة:

السفير برنستون لايمان:
شكرا كثيرا. أنت علي صواب أن حكومة الخرطوم لم تفِ بأي شرط من الشروط ذات الصلة بجنوب كردفان و النيل الأزرق. نحن أبلغناهم أنه تبعا لذلك أننا سوف لن نمضي قدما في إجراءات رفع (إسم حكومتكم) من قائمة الدول الداعمة للإرهاب SST . لكننا سنظل مركزين معهم في نفس المواضيع ذات الصلة بجنوب كردفان و النيل الأزرق. و بهذا الخصوص ستصل فاليري آموس من الأمم المتحدة (OCHA) الي الخرطوم اليوم و نأمل أن تكون هناك بعض التحركات بشأن السماح للإغاثة الدولية. نحن لدينا تقييم من FEWSnet أن الأحوال قد تصل الي حد المجاعة في المنطقتين المذكورتين آنفاً بحلول شهر مارس. أنا أعتقد أن هذا الأمر سيفرض نفسه مع نهاية يناير و مع إنعقاد قمة الإتحاد الأفريقي الذي يبدأ حينئذ. نحن نقود مجهودا دوليا مركّزاً لحمل الخرطوم علي الإتفاق علي السماح بمرور الإغاثة الإنسانية في الأيام التي تسبق عقد القمة, و ذلك بزيارات لعدة أقطار أفريقية. وجهة النظر الأفريقية مهمّة جدا للحصول علي موافقة الخرطوم.

إنتهت الترجمة

و في خبر ذات صلة لرسالة المبعوث الامريكي ... يتضح أن هناك تنسيقا في المواقف بين الإدارة الأمريكية و بين الأمم المتحدة لزيادة الضغوط علي الخرطوم (الخنق البطئ):

Quote: الخرطوم (رويترز) قالت مسؤولة رفيعة بالامم المتحدة يوم الاربعاء ان المنظمة الدولية تلقت تقارير تبعث على الانزعاج بشأن سوء التغذية في ولايتين حدوديتين سودانيتين حيث يجري قتال بين الجيش ومتمردين. واندلع القتال في يونيو حزيران بين الجيش السوداني ومتمردين من الحركة الشعبية لتحرير السودان قطاع الشمال في ولاية جنوب كردفان وامتد في سبتمبر ايلول الى ولاية النيل الازرق. وتفيد تقديرات الامم المتحدة بأن اعمال العنف أجبرت نحو 417 الف شخص على النزوح عن ديارهم ومن بينهم 80 الفا فروا الى جنوب السودان. وقالت منظمات حقوقية ولاجئون ان السكان تعرضوا لغارات جوية ومعارك برية متفرقة. وقالت فاليري اموس الامين العام المساعد للامم المتحدة للشؤون الانسانية متحدثة الى الصحفيين في الخرطوم "تلقيت تقارير تبعث على الانزعاج فيما يتعلق بسوء التغذية والوضع الغذائي وخصوصا في المناطق التي تسيطر عليها الحركة الشعبية لتحرير السودان قطاع الشمال." وحثت اموس السودان على رفع حظر سفر موظفي الامم المتحدة الدوليين الى الولايتين. ولم تتمكن وكالات الامم المتحدة ومنظمات الاغاثة منذ اندلاع القتال من الاحتفاظ سوى بفرق صغيرة من الموظفين المحليين في المناطق المعنية ومنعت الحكومة زيارة اي من عمال الاغاثة لمناطق القتال. وقالت اموس بعد محادثات مع مسؤولين سودانيين "ينبغي أن نضمن أن تتألف قدرات الامم المتحدة - الموجودة هناك لدعم جهود الحكومة - من خليط من موظفي الامم المتحدة الدوليين والوطنيين كي تكون لدينا المجموعة المناسبة من مهارات الدعم المطلوبة." وقالت وزيرة الرعاية والضمان الاجتماعي السودانية اميرة الفاضل للصحفيين ان الحظر قائم لحماية الموظفين الاجانب وسيظل مطبقا. واضافت "نرحب بتقديم الامم المتحدة المساعدات لمتضررين في الولايتين ولكن قرار الحكومة السودانية هو بان تقدم هذه المساعدات للمتأثرين بايد سودانية." وتابعت ان السودان يأمل في السماح بدخول الولايتين في اقرب وقت ممكن. واعلن جنوب السودان استقلاله في يوليو تموز بموجب بنود اتفاق السلام الشامل الذي وقع عام 2005. وتضم ولايتا النيل الازرق وجنوب كردفان جماعات انحازت للجنوب في الحرب الاهلية وتقول انها ما زالت تتعرض للاضطهاد داخل السودان. والحركة الشعبية لتحرير السودان-قطاع الشمال واحدة من عدة جماعات متمردة في المناطق الحدودية وتقول انها تقاتل من اجل الاطاحة بالرئيس السوداني عمر حسن البشير وانهاء ما تصفه بهيمنة النخبة السياسية في الخرطوم. وما زالت بين السودان وجنوب السودان قضايا معلقة ينبغي الاتفاق عليها من بينها تقاسم عائدات النفط ويتهم كل من الجانبين الجانب الاخر بشكل مستمر بدعم حركات تمرد في أراضيه.

أنا كمواطن عايش هنا في السودان
أطالب بالتطبيع مع أمريكا ورفع اسم السودان من الدول الراعية للإرهاب
في النهاية المتضرر من العقوبات الأمريكية المفروضة على السودان
هو المواطن البسيط المحروم من الأجهزة الطيبة الحديثة أو من قطع غيار الطائرات

بل أطالب بالتطبيع مع اسرائيل بالمرة ..


____________

حزينة منك يالمبعوث الامريكي !!

أتمنى من أي واحد من الزملاء الكرام (العايشين برا السودان) ديل
يجي يبرر لي فرحتو بي استمرار معاقبة الشعب السوداني ..
أوووعا واحد فيكم يكون فاكر العقوبات دي ممكن يتضرر منها منسوبي المؤتمر الوطني وللا الحكومة

هل رفع اسم السودان من الدول الراعية للإرهاب ها يمنع الخروج للشارع مثلا؟؟
هل انفتاح امريكا الاقتصادي على السودان سيطيل عمر الإنقاذ وللا الفهم شنو ؟

طيب ما أهو مصر كانت من يد أمريكا الشمال ليدها اليمين .. هل دا منع الشعب من الثورة على حسني مبارك وحكومتو ؟؟

أيووااا
لأ فهمت .. فهمت
إنتو قصدكم العقوبات تكون مستمرة عشان الشعب ميتينو يطلع من الجوع والمرض .. يقوم يزعل من الحكومة وينزل الشارع موش كدا
خلاص تمام .. تمااااام
معليش يا مناضلين نحنا هنا بنفهم متأخرين شوية

علي الكرار هاشم:

Quote: السؤال الهام الذي غاب في الزحمة من هم الذي يملكون التأثير الفعلي علي الحكومة الامريكية هل هم اصحاب النفود واليهود أم مجموعة من السودانيين الحالمين افتونا يا من استبشرتم بهكذا قرارات

لا يهمنا من هم الذين يملكون التأثير علي الحكومة الأمريكية ...
بل تهمنا النتائج
إن تقاطعت المصالح في خنق هذا النظام ... فليكن ...

عدونا هو الذي يقتل أهلنا البسطاء هناك في دارفور و جبال النوبة و الانقسنا ....
طالما هذا العدو يحرم من أي دولار ... فذلك يعني فرصة لشخص ما في تلك المناطق أن يحيا ليوم جديد ...
تلك هي المعادلة ببساطة ....

صديقتي اللدودة دوما
لك التحية و الإحترام

Quote: فوق ومزيدا من الضغط علي امريكا التي نتوقغ منها الوقوف مع مظالم ومطالب الشعب السوداني لا التطبيع مع حكومه المؤتمر الوطني والوقف ضد اراده الشعب السوداني

لا أعتقد يا دوما أنه سيكون هناك أبدا تطبيع مع حكومة السودان برئاسة البشير و وجود هذه العصابة في السلطة.
ستستمر حكومات الولايات المتحدة بدلدلة التطبيع و رفع الإسم أمام هؤلاء الطماعين الفاسدين ... كحزمة البرسيم المعلقة أمام الحصان فيلهث الحصان ركضا للوصول اليها .. و الحزمة متدلية من عصاة مربوطة في رأسه ... لذلك ... لن يصلها أبدا ....
هذه عصابة مجرمة .. و سلّط الله عليهم من يذيقهم و يسومهم سوء عذاب.

الأخ تبارك
لك التحية و الإحترام

هذه القائمة ... هي وسيلة معاقبة ..... عندما تتعذر المعاقبة خلال مجلس الأمن لوجود أنصار الشر .. مثل الصين و روسيا...
ده المختصر ...


... anyway ...

الترجمة:

المهم

حسن حماد محمد:

Quote: اصلو الانقاذ دى عندها سبعين روح وكلما نقول حلاس اتلحست نلقاها فى حفلة ترقص

حتي و لو عندها سبعين ألف روح .... سنقضي عليها ... واحدة واحدة ....
هناك عرف راسخ في الحرب: من هو في موقع الهجوم .. حتي و لو كان ضعيفا .. سينتصر في النهاية علي من هو في موقع الدفاع .. حتي و لو كان قوياً.
الإنقاذ اليوم في موقع الدفاع .. و في أسوأ حالاته: سياسيا و عسكريا و ماليا و إجتماعيا .....
الخسارة المباشرة للإنقاذ هنا أن كل الذي دفعوه للمحامي .. ذهب أدراج المحامي بلا مقابل.الخسارة الأحري ... أنهم كانوا يعولون علي رفع إسمهم من القائمة .. و مباشرة ترفع بعض العقوبات التي ربما تصل تكلفتها بلايين الدولارات .. و ستفتح أبواب الدعم و القروض (أمريكية و دولية و من بنوك العالم) .. و سيبدا التبادل التجاري مع امريكا و اوروبا و التي لا يستفيد منها غير تماسيح الإنقاذ ... و و و .... نتحدث هنا عن بلايين الدولارات .... و تدفق هذه الاموال يعني شراء مزيد من الأسلحة لتستخدم في قتل اهلنا من دارفور الي الانقسنا .... هذا غير نفخ الروح في نظام دموي قاتل..... ليستمر في القتل و الإبادة.

لذلك .. لابد من القضاء علي الإنقاذ ... هذا النظام التنين ... مهما بلغ عدد أرواحه.

الاخ محمد سليمان ......... سلام
والله انا استغرب انك تكون جايى باللهفة دى وباعتبار انو ده سبق صحفى وفتح عظيم انو الادارة الامريكية مستمرة فى وضع اسم السودان كدولة راعية للارهاب ؟؟؟؟؟
يبقى فى اسئلة مطروح فى حالة استمرار العقوبات دى غيرها وغيرها من الضغوطات : مدى تاثير الضغوطات دى على حكومة الانقاذ اللى مستمرة فى الحكم ليها كم وعشرين سنة ؟؟
وين الشعب السودانى المقهور من الدائرة حقت التناطح دى كلها ؟؟؟؟؟؟
ذنبهم شنو ملايين او اغلب الشعب السودانى اللى قاعد يعانى من العقوبات دى يوميا بشكل او باخر ؟؟؟؟؟
حقيقة والله اللى بيحصل فى السودان حاجة مخجلة .... لاحكومة قادرة تدير البلد بصورة تسمح للناس تعيش بى كرامتها ولا معارضة قادرة انها تتقدم صفوف المسحوقين ديل عشان تعبر عن رايهم

Quote: والله انا استغرب انك تكون جايى باللهفة دى وباعتبار انو ده سبق صحفى وفتح عظيم انو الادارة الامريكية مستمرة فى وضع اسم السودان كدولة راعية للارهاب ؟؟؟؟؟ يبقى فى اسئلة مطروح فى حالة استمرار العقوبات دى غيرها وغيرها من الضغوطات : مدى تاثير الضغوطات دى على حكومة الانقاذ اللى مستمرة فى الحكم ليها كم وعشرين سنة ؟؟ وين الشعب السودانى المقهور من الدائرة حقت التناطح دى كلها ؟؟؟؟؟؟ ذنبهم شنو ملايين او اغلب الشعب السودانى اللى قاعد يعانى من العقوبات دى يوميا بشكل او باخر ؟؟؟؟؟ حقيقة والله اللى بيحصل فى السودان حاجة مخجلة .... لاحكومة قادرة تدير البلد بصورة تسمح للناس تعيش بى كرامتها ولا معارضة قادرة انها تتقدم صفوف المسحوقين ديل عشان تعبر عن رايهم

الشعب السوداني ؟؟!!
الشعب السوداني دا يا خالد تطير عيشتو ..
إنت قايل في زول شغال بالشعب دا ؟؟
والله لا حكومة ولا معارضة ما في زول شغال بيهو
يا خالد الموضوع موضوع كراسي وحكم فقط لا غير

بعدين إنت ما عارف تجويع الشعب دا واحد من أسلحة المعارضة من أجل الإطاحة بالنظام ؟؟
الأسلحة اتطورت يا معلم ..

بعد شوية ها نسمع بمطالبة أمريكا بالتدخل العسكري في السودان .. إمال إيه !!
معارضة والأجر على الله

محمد عمر جبريل و خالد أحمد محمد

أنتم لا تستحقون وطن ... أي وطن ....

الآن هناك من بني وطنكم تحت القصف بالطائرات ....
هل هم مواطنون في بوليفيا أو غينيا بيساو؟؟
ديل معاكم في نفس الوطن .... و كمان تحاضروننا بحجج مريضة : ما هو ذنب الشعب السوداني؟؟!!
أنتم تستحقون ان يحكمكم البشير الي يوم القيامة .....

Quote: جني: Quote: يا اخوى الأمريكان ديل شغلهم تحت الطاولة والأيام دي بقى فوق الطاولة عديل بانهم لن يقوموا بتغيير نظام البشير بل بتقييفه! كتلوا ليهو خليل وادوهو شيك علي بياض البقول بغم يدخلوا السجن! طحين دا فلم هندي جني كالمعتاد .... أنت مثلك و مثل بقية المثقفين العرب .. مهووسون بنظرية المؤامرة ... نعم ... أمريكا فعلت و تفعل الكثير من الفظائع ... لكن ربما ليست بدرجة نظرية المؤامرة التي أنت مجنون بها..... تسريبات ويكيليكس كانت خيبة أمل بالنسبة لمثلك ... لأنها كشفت مكاتبات مختوم عليها بالسرية القصوي ... و عادة المؤامرة عند أصحاب نظرية المؤامرة .. تبدأ من السفارة ... و لكن ماذا وجدتم؟ ... كلام أشبه بالنميمة و القطيعة في الزعماء العرب ..... مشكلة أمريكا أن نظامها لا يمكن فيها كتم الأسرار بسهولة ... خاصة إذا كانت تخطيطات تآمرية .... بل في الغالب الأعم .. هم يصرحون و ينشرون خططهم مباشرة أو خلال تسريبات لصحافة حرّة لديها مصادر في أي جهاز حكومي .. عندما يصرّح مسؤول بأن علي النظام الفلاني أن يرحل .... تقولون أنتم هذه مؤامرة ... و هناك تعامل تحت الطاولة ببقاء ذلك النظام و عندما يصرح مسؤول بأنه لا يريدون تغيير النظام الفلاني ... تقولون أنتم هذه مؤامرة .. و قوة عين و تعامل إنتقل من تحت الطاولة الي فوق الطاولة ... الأمريكان كان كتلو زول و هم قاصدين يقتلوه ... يخرجون للملأ و يقولون: أيوة .. نحن كتلناه ... من زمن جيفارا و الليندي الي أسامة بن لادن... و عندما يقتلون زول بالخطأ ... يخرجون للملأ ويقولون : أيوة نحن كتلناهو و ما قاصدين ... مثل قتلهم للجنود الباكستانيين و قصفهم لمخبأ العامرية و السفارة الصينية ببلغراد .. إستشهاد خليل تقاطعت مخاوف جهات .. منها قطر و ربما تشاد و فرنسا .. في الأمر ... و الإنقاذ ظنت أنها مستفيدة ..... لكن كما يتضح من الحال في الميدان .. أن الإنقاذ وحدها ستجني الثمار المرّة لتلك العملية ... و ربما ستبدأ نفوذ قطر في الإنكماش ... و خاصة الآن هناك أصوات بدأت ترفع صوتها بأسئلة محرجة عن الدور القطري في تعيين مجرم الحرب الدابي كمراقب في سوريا .... هوّن عليك يا جني و أشفق علي رأسك من دوخة نظرية المؤامرة هذه .. لو كانت تجدي و نافعة و قوية كما تظن .. لنفعت عملاء أمريكا الواضحين مثل مبارك و علي عبدالله صالح .... هناك عدة طرق لإنتشال نظام الغنقاذ من وهدة الفلس و الإنهيار الإقتصادي .... تري لماذا لا تتآمر أمريكا علي إنقاذ الخرطوم حتي لا تضطر حكومة البشير الي سرقة مليون برميل من آبار بترول الجنوب لتعيش بضع أيام أخر من عمرها؟؟!!!

المثقفين العرب بي جرة قلم كدة!
خليك ماسك قوي فى ماما امريكا إيجابا ونحن ما سكين فيها سلبا
يا محمد سليمان قانون كشف الأسرار الملزم لأمريكا والغرب بعد تلتين سنة هسة بريطانيا بتنشر ما دار بين السادات وتاتشر. للطير بتاع العالم الثالث!
امريكا لمن تكتل بن لادن بتقول انها كتلته على الملا لانه عدوها والكل يعرف انها استباحت أجواء دولة وضربت بالقانون الدولي عرض الحائط امريكا تقتل وتذهب الى حروب استباقية عشرات الألوف من الكيلومتر وتقتل فى العامرية والأتراس وتقول انه خطا لانه فعلا خطا ولا يمكنها قول غير ذلك ولانها عندما تعترف لا احد يمكن ان يحاسبها ولا تدفع تعويضات ولا تعترف بمحكمة جنائية تسألها او تحاسب جنرالاتها!
امريكا قتلت خليل وقتلت قرنق من اجل مصالحها وستقتل كل من تراه حجرة عثرة فى سبيل مصالحها سل نفسك لما ذا قتلت جيفا آرا واللندي ولما ذا شاركت فى قتل لوممبا ولما ذا كافئت ابراهيم عبود ولماذا اعتقلت أوجلان! ولماذا شاركت فى قتل القذافي وصدام حسين ا
سيطول بك الانتظار اربعة سنوات على رئيس امريكا وتصاب بالإحباط وتنتظر الذى يليه!
الأرشيف موجود وانت تعول على بوش ثم أوباما وترفع مبعوثا وتعود لتهبط به الى اسفل سافلين!
أنا هنا فى هذا المنبر قلت رأى فى بوش واوباما والبلقان والنافع وكل مبعوثى وأمريكا ولم أحبط ولم تكذب الايام ماقلت وقلنا هنا قاموا الإنقاذ الحكم وضايقوها
والمؤشرات تقول بذلك ميزان فى كل العالم العربي وأمريكان يدعمونهم وهاهم الأمريكان يفاوضون طالبان ويقتلون خليل للكيزان
سيطول بكالنتظار ود المهدى ولده فى الحكم وهو بتاع جهاد مدني والمغني ولده فى الحكم وهو قنع لان مصر حيوان وعسكر بقوا اقرب للإنقاذ من الاتحادي والتجانس سيسي كوز الا ربع!
إها خليك بتاع جاهد مدني فى امريكا اصله قضية دارفور بالنسبة امريكا بقيت ديسبوزال قضوا بيها غرضهم فى فصل الجنوب ورموا طوبتها!
يا أيها المثقف الافريقى احترم المثقفون العرب ولا تستهين بهم!
جني
!

Quote: شر البلية ما يضحك اين صديق الشعوب المقهورة هذا من الذي حدث وما زال يحدث للشعب العراقي جراء الاحتلال الغاشم للقوات الامريكية للعراق اين هذا المتزمزغ من قتل وسحل الشعب الفلسطيني على يد ابناء عمومته الصهاينة المستكبرين اين هذا النصير لما يحدث للامريكان السود في بلده نفسها قال نصير المقهورين والله ياهو

الأخ عمر الباوقه , السلام عليكم
يا أخى فى البدايه سلِم , قبل أن تتداخل متهكماًوساخراً , والدين ينهى من السخريه والإستهزاء بالغير !!!
والبليه المضحكه حقيقةً هو خلطك للأُراق هنا
نحن نتحدث فى هذا البوست عن عمل سياسى يجرى هنا فى واشنطن يخص الشأن السودانى وما يجرى على الأرض السودانيه
من حروبات وإقتتال ودمار
بإعتبارى أمريكى من أصل سودانى تهمنى قضايا وطنى الأم , ومن حقى أن أطرح وجهة نظرى فى هذا الشأن لمراكز إتخاذ
القرار فى واشنطن , ولدينا أصدقاء امريكان فى قمة مراكز إتخاذ القرار يقفون معنا ويساندوننا دوما وعلى رأسهم
السناتور فرانك وولف وهوعضو نواب لولاية فرجينيا التى أقطنها.
البوست يتناول الشأن السودانى ورفع العقوبات والمحامى فيشر والذى وجد نفسه فى إشكال قانونى مع الكونقرس
وقانون محاربة الإرهاب.
هذا هو لب موضوع البوست وليس العراق أو فلسطين أو الأمريكان السود.

Quote: أيووااا لأ فهمت .. فهمت إنتو قصدكم العقوبات تكون مستمرة عشان الشعب ميتينو يطلع من الجوع والمرض .. يقوم يزعل من الحكومة وينزل الشارع موش كدا خلاص تمام .. تمااااام معليش يا مناضلين نحنا هنا بنفهم متأخرين شوية

ان تفهم متأخر افضل من ان لا تفهم يا محمد جبريل

وانتو تفتحوا في البوستات وتتساءلوا: لم لم ينتفض الشعب المظلوم الجائع؟

تحياتي لك ولصاحب البوست وجميع المارين


بوست مشتق:
لعنة الله عليكم

Quote: ولدينا أصدقاء امريكان فى قمة مراكز إتخاذ القرار يقفون معنا ويساندوننا دوما

عالم تتخيل، ثم تتوهم، ثم تعيش الوهم كأنه حقيقة
طيب اصدقاءك ديل ما تقول ليهم يرسلوا اربعة طيارات تقصف الحكومة ونرتاح وترتاحوا يا عبد الله عبد الله

Quote: ولدينا أصدقاء امريكان فى قمة مراكز إتخاذ القرار يقفون معنا ويساندوننا دوما

Quote: ولدينا أصدقاء امريكان فى قمة مراكز إتخاذ القرار يقفون معنا ويساندوننا دوما

Quote: ولدينا أصدقاء امريكان فى قمة مراكز إتخاذ القرار يقفون معنا ويساندوننا دوما

Quote: سيطول بكالنتظار ود المهدى ولده فى الحكم وهو بتاع جهاد مدني والمغني ولده فى الحكم وهو قنع لان مصر حيوان وعسكر بقوا اقرب للإنقاذ من الاتحادي والتجانس سيسي كوز الا ربع! إها خليك بتاع جاهد مدني فى امريكا اصله قضية دارفور بالنسبة امريكا بقيت ديسبوزال قضوا بيها غرضهم فى فصل الجنوب ورموا طوبتها! يا أيها المثقف الافريقى احترم المثقفون العرب ولا تستهين بهم! جني !

الأخ حيدر , تحياتى وسلامى
المشكله ليست قضية دارفور لكن المشكله السودانيه تكمن فى كل ما يواجهه المواطن السودانى من مصاعب
جراء ما تمارسه الحكومه من تنكيل وبطش وقهر وجبروت.
وافقت الحكومه على فصل الجنوب ليس حباً وقناعه لكنها كانت تضع نصب عينيها فى رفع إسمها من الدول الراعيه
للإرهاب وبالتالى ترفع العقوبات لتتنفس الحكومه الصعداء.
إدارة الرئيس أوباما مهادنه للنظام ولامانع لديها من أن تكافئه برفع إسمه من تللك القائمه السوداء لكنها تخشى
أى تجاوز قانونى لذلك كليهما لجأا للمحامى فيشر لإيجاد مخرج قانونى ليجد فيشر نفسه فى مطب قانونى أمام الكونقرس
الأخ حيدر
ما نقوم به فى واشنطن كأمريكان من أصل سودانى من التظاهر أمام مكتب المحامى فيشر بالتأكيد جهاد أو بالأحرى كفاح
مدنى سلمى حتى يصل صوتنا الى متخذى القرار.
وبالفعل وصل صوتنا بمساندة السانتور فرانك وولف وأثر فى إصدار القرار.

Quote: ما نقوم به فى واشنطن كأمريكان من أصل سودانى من التظاهر أمام مكتب المحامى فيشر بالتأكيد جهاد أو بالأحرى كفاح مدنى سلمى حتى يصل صوتنا الى متخذى القرار. وبالفعل وصل صوتنا بمساندة السانتور فرانك وولف وأثر فى إصدار القرار.

دي اوهام يا عبد الله
امريكا تحركها مصالحها ومصالحها فقط
واذا رأت ان مصالحها في رفع السودان ستفعل ولن تسمع اصواتكم الخافتة جدا جدا

Quote: وأثر فى إصدار القرار

لم نر او نسمع هذا القرار
واذا كنت تشير لرسالة المبعوث فدي لا ح تودي ولا ح تجيب

Quote: الإنقاذ اليوم في موقع الدفاع .. و في أسوأ حالاته: سياسيا و عسكريا و ماليا و إجتماعيا .....

اسطوانتك دي يا ود سليمان مدورة ليها عشرين سنة
والنظام ده قاعد يترنح ليهو عشرين سنة
و زي ما جني قال ليك انت راهنت على كل رئيس ومبعوث امريكي والارشيف موجود
وكل مرة تسب وتسخط
وستظل تركض وتلهث خلف جميع الرؤساء والمبعوثين ولن تصل لي حزمة البرسيم

الشفيع ورّاق:

Quote: اسطوانتك دي يا ود سليمان مدورة ليها عشرين سنة والنظام ده قاعد يترنح ليهو عشرين سنة و زي ما جني قال ليك انت راهنت على كل رئيس ومبعوث امريكي والارشيف موجود وكل مرة تسب وتسخط وستظل تركض وتلهث خلف جميع الرؤساء والمبعوثين ولن تصل لي حزمة البرسيم

يا زول من ردود فعلك ... نحن بنقيس مدي وجع النظام....
و منو القاليك نحن مدورين الأسطوانة و بس؟ ....
زيما قلت قبل كدة لدكتورة نجاة: نحن ما إشتكينا لزول و قلنا خلاس فترنا و النظام ده قوي و ما بنهزم....
نحن لا نعرف اليأس ....
طالما النظام موجود .. فنحن مثل نقاطة الحنفية ... بطول الزمن حتكسر الأسمنت و الحجر ....
و إنت براااك عارف ... النظام مأزوم لياتو درجة .....
و ليترنح لعشرين سنة القادمة ....
حالة يتمني فيها الموت.
و زي ما إنت شايف .... مجهودنا مع أوباما ... عبّر عنه مبعوثه في هذا البوست ....
دي نتيجة ملمووووسة .... أن النظام حرم من إمتيازات كان يقبضها إن إخترنا الصمت و أثّرت فينا نظريات جنّي (الذي قلبه مع المؤسسة الحاكمة .. و ليس بالضرورة مع النظام الحاكم) ....
دي نتيجة ملموووسة ... يحس بوجعها النظام ....
دي نتيجة ملموووسة .... خلتك تلعن .....

Quote: يا زول من ردود فعلك

رد فعلي ناتج من احباطي من وجود ناس من لحمي ودمي وهم بهذه الدرجة من العمالة والارتزاق
ولو كنت بتفتكر انكم ليكم تاثير ولو مثقال ذرة تكون دقست
امريكا وبريطانيا تحركهم مصالحهم ومصالحهم فقط ولو دارفور كووولها اتحرقت لن تحرك فيهم شعرة
انت ومن هم مثل مثلك بيتم استغلالهم فقط
اكيد عندك خبر زيارة وليام بيرنز إلى الخرطوم نهاية الشهر ده، وشوية ح تشوف الامور اتغيرت
الشركات الامريكية لن تصبر كتير وعندها من الضغوط ما يعادل لوبيهات اليهود
زمان قالوا ليها شوية والحكومة تسقط ونفتح ليكم الطريق
وشوية دي استمرت 22 سنة
الان الحكومة الامريكية قبلت التعامل مع حكومتنا كأمر واقع بعد ان فشلت في زحزحتها (ما ساعدتوهم بي جكة)

Quote: عالم تتخيل، ثم تتوهم، ثم تعيش الوهم كأنه حقيقة طيب اصدقاءك ديل ما تقول ليهم يرسلوا اربعة طيارات تقصف الحكومة ونرتاح وترتاحوا يا عبد الله عبد الله

عشان تفكيرك يا الشفيع وراق
مبنى على الحقد والكراهيه ولإنتقام والتشفى بتفتكر كل الناس بتفكر بنفس منطقك المعوج هذا
ومنو القال ليك أنا ساعى لأقتل ناس الحكومه, وأنه قتلههم بسبب لى راحه؟
واضح بقتلكم للناس بتشعروا بالراحه و وبالطبع هذا نوع من الساديه وأنا لست بسادى.
خلافى مع الحكومه خلاف سياسى ومقاومتى له فى واشنطن عبر الكفاح المدنى السياسى السلمى.
على المستوى الشخصى والإجتماعى رباطاتى بعدد كبير من قيادات الحكومه لم يمنعنى من أن
أعارضهم لكننى لم أفكر قط فى قتلهم ,
ويا الشفيع يبدو أنكم قتله صحيح !!!

Quote: صرح المبعوث الأمريكي في رد علي البريد الألكتروني لمجموعة النشطاء الأمريكان بأن الخرطوم لم تجتاز الشروط المطلوبة لرفع إسمها من قائمة الدول الداعمة للإرهاب ... و عليه قررت إدارة اوباما عدم رفع إسم حكومة السودان من قائمة الدول الداعمة للإرهاب و لن ترفع العقوبات تبعا لذلك. (بعد دفع كل تلك الدولارات للمحامي بواشنطن). من الواضح أن الإدارة إستجابت للضغوط القوية من مجموعات الناشطين و أنصارهم في الكونغرس .... لذلك رأت أنه من الأسلم أن لا يراها الناخب الأمريكي كإدارة تقف مع نظام ظالم معتدي يرأسه شخص مطلوب للعدالة الدولية بتهم جرائم حرب و جرائم ضد الإنسانية و جرائم إبادة جماعية. و ذكر المبعوث الأمريكي برنستون لايمان أنهم (الإدارة ) قد أبلغوا الخرطوم بقرارهم هذا مع تحذير لها بأن ما تفعله في جنوب كردفان و النيل الأزرق من حرمان للأهالي من الإغاثة و نقص في الغذاء قد يتحول الي مجاعة بحلول شهر مارس. هنا نص البريد الإلكتروني و تصريح المبعوث الأمريكي حرفيّا:

ياسلام على البشارة..
لكم جزيل شكراً وإمتنانا الأخوة الأعزاء محمد سليمان وعبدالله أحمد عبد الله
على هذا المجهود المقدر الذي أثمر..
فليستمر النضال من أجل وطن حر يعمه العدل والسلام ..

الأخت الفاضلة أماني العجب
لك التحية و الإحترام

Quote: ياسلام على البشارة.. لكم جزيل شكراً وإمتنانا الأخوة الأعزاء محمد سليمان وعبدالله أحمد عبد الله على هذا المجهود المقدر الذي أثمر.. فليستمر النضال من أجل وطن حر يعمه العدل والسلام ..

يا ما ستتري البشريات و البشارات ... في قادم الأيام إن شاءالله
فالنظام لم يعد له شئ يستند عليه لإطالة بقائه في الحكم غير الإرتزاق ... و الذي يبدو أن مدة صلاحيته قد شارفت علي الإنتهاء.
لو كانت هناك فائدة للنظام لدي أمريكا ... لما ترددت في العض عليه بالنواجذ .. حتي و لو سريّا .... لكن كما نري .... يبدو أن أمريكا قد قررت أن "تفكّهم عكس الهوا".

Quote: دي اوهام يا عبد الله امريكا تحركها مصالحها ومصالحها فقط واذا رأت ان مصالحها في رفع السودان ستفعل ولن تسمع اصواتكم الخافتة جدا جدا Quote: وأثر فى إصدار القرار لم نر او نسمع هذا القرار واذا كنت تشير لرسالة المبعوث فدي لا ح تودي ولا ح تجيب

الشفيع وراق
يا أخى ليه نفسك قايم كدى؟!!!
قبل ما نرد على مداخلتك نلقاك عملت مداخله تانى الحكايه شنو؟

أمريكا فعلاً بتحركها مصالحها ومصالح رعاياها , وبموجب الدستور الأمريكى فنحن أصبحنا
جزء من الرعايا الأمريكان , لذلك أمريكا تتألم لألمنا وتفرح لفرحنا.
وبعدين منو القال ليك أصواتنا خافضه فى واشنطن ؟؟
فعلاً حقيقه زى ما بقول المثل :-
الما بعرفك ما بعِزَك.

Quote: رباطاتى بعدد كبير من قيادات الحكومه

والرباطات دي يا عبد الله ما نقلت ليك الحاصل شنو هناك؟
انا كنت في الخرطوم من يومين وشعرت بمعاناة قطاع كبير من الناس وبالذات الطلاب والباحثين
الانتي فايروس ما اشتغل هناك وجاتني رسالة بتاعة الحظر الامريكي
وده جزء من معاناة يومية للناس الهناك ولعناتهم على من كان السبب وهم يعلمون
واغلبكم قاعد في امريكا وما شاف السودان وما عارف الحاصل
ما لم تكونوا زي ما قال اخونا محمد جبريل بتراهنوا على انه الشعب عينه تطلع ويقوم ينتفض

Quote: وبموجب الدستور الأمريكى فنحن أصبحنا جزء من الرعايا الأمريكان , لذلك أمريكا تتألم لألمنا وتفرح لفرحنا

في ذمتك انت مصدق الكلام البتكتب فيهو ده؟؟؟؟؟؟؟؟؟؟؟؟؟؟؟

Quote: أمريكا تتألم لألمنا وتفرح لفرحنا

Quote: أمريكا تتألم لألمنا وتفرح لفرحنا

Quote: أمريكا تتألم لألمنا وتفرح لفرحنا

وهم
وهم
وهم
اصح يا عبد الله
وما تضحك علينا خلق الله

Quote: والرباطات دي يا عبد الله ما نقلت ليك الحاصل شنو هناك؟ انا كنت في الخرطوم من يومين وشعرت بمعاناة قطاع كبير من الناس وبالذات الطلاب والباحثين الانتي فايروس ما اشتغل هناك وجاتني رسالة بتاعة الحظر الامريكي وده جزء من معاناة يومية للناس الهناك ولعناتهم على من كان السبب وهم يعلمون واغلبكم قاعد في امريكا وما شاف السودان وما عارف الحاصل ما لم تكونوا زي ما قال اخونا محمد جبريل بتراهنوا على انه الشعب عينه تطلع ويقوم ينتفض

وأنت ليه مصر يكون عندك anti virus أمريكي أصلا ؟
ليه ما تكون عندك خيارات اخرى

دينق
انا مقيم خارج السودان ومشيت باللابتوب في اجازة قصيرة
المقيمين هناك ممكن يفكروا في خيارات اخرى

Quote: دينق انا مقيم خارج السودان ومشيت باللابتوب في اجازة قصيرة المقيمين هناك ممكن يفكروا في خيارات اخرى

أنا قاصدك أنت عديل كده.
بما أنك أحد الذين يؤيدون نظام الإنقاذ المجرم وفي نفس الوقت لا تخفي عدائك وكرهك لأمريكا، فلماذا تستخدم منتجاتهم أصلا؟
ولا أنت بقيت متحجج زي جماعتك عندما تسقط أحدا طائراتهم يرمون اللوم على الحظر الأمريكي. حتى على الطائرات الغير مصنوعة في أمريكا ولا تحتاج الى قطع غيار أمريكي أو صيانة أمريكية.

في فرق يا دينق بين انك تكره السياسة الامريكية و تكره امريكا

ما أهو انت بتكره السودان ومتحكر في وسطنا، في زول سألك؟

Quote: أمريكا تتألم لألمنا وتفرح لفرحنا Quote: وهم وهم وهم اصح يا عبد الله وما تضحك علينا خلق الله

الشفيع وراق
خلاص هديت شويه؟
شايفك إنتقلت من مرحلة القتل الى مرحلة الوهم
برضو إنخفاض فى مرحلة الساديه!!!
بخصوص الصحيان من المفترض إنت البتصحى
تفتكر ناس إذا ما بفرحوا لى فرحى وبتألموا لألمى بمنحونى جنسيتهم وبمنحوتى كل
الإمتيازات والمخصصات البستمتعوبيها؟

Quote: دينق انا مقيم خارج السودان

يا الشفيع
هل البلد الإنت مقيم فيها دى مدياك جزء مما منحنى له الأمريكان من حقوق؟
عموما إن شاء الله باسبورتك ما يكون ماسكو الكفيل؟

نعم هديت خلاص، وشكرا على السؤال يا عبد الله

Quote: هل البلد الإنت مقيم فيها دى مدياك جزء مما منحنى له الأمريكان من حقوق؟ عموما إن شاء الله باسبورتك ما يكون ماسكو الكفيل؟

انا قعادي (مؤقت) وراجع لي بلدي حتماً، عشان كده همي انها تتصلح، انال من الحقوق ما يكفل لي ولاسرتي (حياة كريمة)
نعم جوازي معاي، و كفيلي امريكي، للمعلومية

Quote: نعم هديت خلاص، وشكرا على السؤال يا عبد الله Quote: هل البلد الإنت مقيم فيها دى مدياك جزء مما منحنى له الأمريكان من حقوق؟ عموما إن شاء الله باسبورتك ما يكون ماسكو الكفيل؟ انا قعادي (مؤقت) وراجع لي بلدي حتماً، عشان كده همي انها تتصلح، انال من الحقوق ما يكفل لي ولاسرتي (حياة كريمة) نعم جوازي معاي، و كفيلي امريكي، للمعلومية

الأخ الشفيع
الحمد لله على إنطفاء نار الغضب والتى لا مبرر لوجودها أصلاً.
بخصوص حتمية رجوعك لآرض الوطن ,, يا أخى قول إن شاء الله
( ولا تقولنَ لِشأىٍ إنى فاعلٌ ذلك غداً * إلا أن يشاء الله واذكر ربك إذا نسيت
وقل عسى أن يهدينى ربى لأقرب من هذا رشدا. )

وما دام كفيلك فى السعوديه أمريكى , بإذن الله الحبه ما بتجيك بس دا بأكد ليك
أنه الأمريكان ديل إيدهم لاحقه.
خلاص خلينا نرجع لموضوع البوست
وتحياتنا لأخونا محمد سليمان.

اخوي عبد الله صباحك/مساءك خير
وجمعة مباركة طيبة للكل
نار غضبنا لن يطفيها الا ان نرى اخوانا ماشين في الطريق السليم، وندعو الله يهديهم وينور طريقهم
مشكلتكم الكبيرة يا عبد الله عدم التمييز بين معارضة الانقاذ ومعارضة السودان
المفروض تضعوا خطوط حمراء ويكون معيارها كل ما يضر بشعبنا الصابر
الا توافقني ان الحصار الامريكي الجائر اضر بشعبنا اكتر مما اضر بالحكومة؟
وما هي النتيجة؟
هل سقطت الحكومة؟
وهل امريكا اصلاً حالياً تستهدف اسقاط الحكومة؟
امريكا تضغط على الحكومة ليس لمصلحة شعب السودان، بل فقط لمصلحتها هي، وللأسف هي تستغل المعارضة الساذجة لتحقيق ذلك
هل كان سيكون هناك انفصال لو كان صوت المعارضة والحكومة متحد؟
الان الحكومة في طور مفاوضات الوضع النهائي
الوضع الذي لن يتغير ابداً
الوضع الذي سيستفيد منه ابناء السودان لالف سنة قادة
هل ترى الافضل ان نعارض الحكومة ونجعلها تدخل هذه المفاوضات ضعيفة منهكة، ام قوية صلدة؟
الانقاذ والبشير والكيزان حتما الى زوال، طال الزمن ولّ قصر، و سيبقى السودان
عارضنا في وقت سابق ونعلم تماماً اساليب المعارضة العديلة والملتوية
الان بلدنا في مفترق طريق، والناس لازم تتوحد وتخت هدفها السودان و السودان فقط
على الاقل لنتوحد حتى عبور نفق مفاوضات الوضع النهائي، ثم لكل حادث حديث
الان انت تعلم اني زيكم واحد، متغرب لي 22 سنة ووالله لا تربطني اي مصلحة شخصية لا حاليا ولا مستقبليا مع الحكومة
هدفنا انو بلدنا حالها ينصلح، وطالما الناس بتناكف وتحقد على بعض، ده عمره ما ح يحصل

الامريكان ايدهم طويلة ولاحقة دي مافيها شك، وربنا يدينا خيرهم ويكفينا شرهم، كان هنا ولّ هناك

اشكرك للتنبيه، ومشيئة الله غالبة وفوق كل شيء
تحياتي

محمد سليمان سلامات

وأيضاً سلامات كل المتداخلين

وسلام استاذى وأخى عبدالله (مع احترام فوارق الزمن)

Quote: وده جزء من معاناة يومية للناس الهناك ولعناتهم على من كان السبب وهم يعلمون واغلبكم قاعد في امريكا وما شاف السودان وما عارف الحاصل

يالشفيع كلامك صاح والعجب العجاب يلعنوا فينا ومنتظرين الحوالات اولاد الهرمه

والله نقوم نوقف التحويلات كلهم يغتربوا تشاد

والله يالشفيع على الرغم اننا بنشوف السودان مرة كلو كم سنة كده لكن نحن السودانيين الأمريكان اكتر ناس زيتنا طالع من الناس البيلعنوا فينا ديل

دايماً ضاربننا وماكلننا ومستغلين طيبتنا ومسكنتنا خاصة لمن نرجع السودان اسبوعين بس يملصونا هدومنا زاتها

محمد سليمان ماتزعل ياخوى لكن الخبر بتاع المبعوص الأمريكى دا أهم حاجه فيهو حكاية دعم احزاب المعارضة والمؤسسات المدنية

وبينى وبينك أمريكا بقت لحم ميت دحين ياخوى نرجو المساعدة اذا عندك خبره نسويلنا مؤسسة وله منظمة مدنية كيف ؟؟؟؟

الحقنا قبال الجماعة ديلك الانت عارفم ما يسبقونا ويلحسوا المعونة الأمريكية

Quote: طالما النظام موجود .. فنحن مثل نقاطة الحنفية ... بطول الزمن حتكسر الأسمنت و الحجر ....

عييييييك يا ودسليمان ياخوى انتو كان نفسكم طويل نحن روحنا قصيره ، دحين مافى طريقة غير نقاط الحنفية دى

Quote: وبموجب الدستور الأمريكى فنحن أصبحنا جزء من الرعايا الأمريكان , لذلك أمريكا تتألم لألمنا وتفرح لفرحنا.

استاذى عبدالله امريكا دى ما ترقد ليها قفا وماتعول عليها كتير

ودالباوقة اتخارج شوف ليك بوست تانى ، هنا الشفيع كفايه وله اقوليك خلى علاء الدين يدينا طله وله معاوية ان شاءالله !!!!

جننتونا زاتو

Quote: في فرق يا دينق بين انك تكره السياسة الامريكية و تكره امريكا ما أهو انت بتكره السودان ومتحكر في وسطنا، في زول سألك؟

الشفيع.

يا لك من كوز منافق لعين.

أنت الأن تكذب وأمثالك يخافون ولاكنهم لا يختشون أبدا.

نرحب بانضمام اخونا حسن حماد، الذي يبدو انه صوت امريكي سوداني (أكثر اتزاناً)، ومعليش يا ود سليمان احتلينا البوست وكمان بقينا نرحب بالنيابة عنك
واتفق معاك يا حماد في (انتهازية) اهلنا هناك مع تقديرنا لما يمروا بيهو، ويبدو انهم قبلوا عليكم هناك بعد ما ( شفطونا وعصرونا) هنا وفي الاخير اقتنعوا اننا هنا زيهم واااحد
ربنا يعظم الاجر، وان شاء الله كله تلقوهو قدام

Quote: استاذى عبدالله امريكا دى ما ترقد ليها قفا وماتعول عليها كتير

اخونا عبد الله عايش في وهم كبير وبفتكر انه هو ومن معه قوة مؤثرة قد يستمع لها النظام الامريكي
الحكومة الامريكية لا تعبر حتى مواطنيها الامريكيين الاصليين فما بالك بجالية صغيرة لا راحت ولا جات
اللوبيات اليهودية والاقتصادية هي من تحدد سياسات واستراتيجيات الحكومة الامريكية، فصحصح معانا شوية اخوي عبد الله

تحياتي

الشفيع وراق عبدالرحمن:

Quote: الانقاذ والبشير والكيزان حتما الى زوال، طال الزمن ولّ قصر، و سيبقى السودان

يا أخي منتظرين شنو؟؟ ... غوروا الليلة قبّال بكرة!!!
نشّفتوا البلد .... قسّمتوا البلد .....
إستلمتوا البلد مليون ميل مربع ... حدادي مدادي .....
اليوم ... في الشمال حلايب بقت مصرية
الجنوب راح بأنانيتكم
في الغرب تشاد لأول مرّة تهاجم السودان بغارات جويّة .... و سمعّتونا جملة الإنهزامية العربية: سنرد الرد المناسب في الوقت المناسب !!
في الشرق أثيوبيا صادرت الفشقة ... و إرتريا تعمل زي ما هي دايرة....
الحروب تشتعل في الجنوب الجديد ... من دارفور حتي الانقسنا ...
الجنيه إنبطح و إختفي ....
وزير الخارجية أصبح محتكرا للأسمنت في السوق ... و جاب أهلو من حجر الطير و بقية الأحجار و بمحسوبية فاحشة ... إحتلوا مرافق السودان ...
و نافع يكفي أن فضحه أحد الشجعان من فرط أنانيته و عدم خجله يزاحم أبناء هذا الوطن من النجباء و يقصيهم من مقاعد الدراسة تحت (القبول الخاص) لأبنائه لولا أنه نافع .. لما وطئت أقدامهم جامعة الخرطوم ....

مكنكشين فيها كدة لشنو؟؟!!
غوروا الليلة قبّال بكرة !!
غوروا في ستين داهية .....


يا عبدالله عبدالله .... البوست بوستك و نحن متابعين هذا الحوار الذي حشر الشفيع في جحر ضب ....
أسوأ و أقبح عذر يرددونه عندما يطلبون منا ان نفرّق بين الإنقاذ و السودان !!!!
لأننا نفرق بين الإنقاذ و السودان .... نقول لهم : غوروا الليلة قبّال بكرة...
و طالما انتم محتلين للحكم في السودان ..... فلتظل العقوبات حتي تغوروا.

Quote: أنتم لا تستحقون وطن ... أي وطن ....

وأنت لا تستحق عناء الرد يا الـchـلبي !!


___

مواطن من مقدونيا

مرحب ود سليمان
على قول محمد جبريل، لم تأتي بنا يستحق الرد

Quote: غوروا الليلة قبّال بكرة!!!

اقول ليك والله وباختصار، انتم اكبر مكسب للانقاذ
وأؤكد ليك انو ثلاثة ارباع المؤيدين اليوم انتم من دفعهم لذلك
فواصل يا اخوي في عمايلكم العميلة لانكم بتخلوا عملنا في الدفاع عن الانقاذ اسهل واسهل

Quote: فلتظل العقوبات حتي تغوروا

ان كنت تعلم، العقوبات هي الح تقعدنا
تحياتي

Quote: يالشفيع كلامك صاح والعجب العجاب يلعنوا فينا ومنتظرين الحوالات اولاد الهرمهوالله نقوم نوقف التحويلات كلهم يغتربوا تشاد والله يالشفيع على الرغم اننا بنشوف السودان مرة كلو كم سنة كده لكن نحن السودانيين الأمريكان اكتر ناس زيتنا طالع من الناس البيلعنوا فينا ديل دايماً ضاربننا وماكلننا ومستغلين طيبتنا ومسكنتنا خاصة لمن نرجع السودان اسبوعين بس يملصونا هدومنا زاتها

الأخ العزيز حسن حماد, سلامى لك وللعيال
الناس البنحوِل ليهم ديل أهلنا وحبايبنا , وهم البنترك لهم هدومنا وما نحمله لهم بطيب خاطر وبشكرونا
وبيدعوا لنا.
كلام الشفيع دا ما صاح
هو البلعن , لأنه من الناكرى الجميل
شوف بقول لى شنو عن الأمريكان

Quote: عالم تتخيل، ثم تتوهم، ثم تعيش الوهم كأنه حقيقة طيب اصدقاءك ديل ما تقول ليهم يرسلوا اربعة طيارات تقصف الحكومة ونرتاح وترتاحوا يا عبد الله عبد الله

وفى نفس الوقت
بجى بقول ليك كفيلُه فى السعوديه أمريكى , عشان كده مخلى ليهو باسبورته عنده

Quote: نعم جوازي معاي، و كفيلي امريكي،

أليس هذا هو النفاق بعينه!!! يشتم فى أمريكا والأمريكان وفى النهايه يجى ويقول باكل عيشى تحت واحد أمريكانى ؟؟

Quote: استاذى عبدالله امريكا دى ما ترقد ليها قفا وماتعول عليها كتير Quote: اخونا عبد الله عايش في وهم كبير وبفتكر انه هو ومن معه قوة مؤثرة قد يستمع لها النظام الامريكي الحكومة الامريكية لا تعبر حتى مواطنيها الامريكيين الاصليين فما بالك بجالية صغيرة لا راحت ولا جات اللوبيات اليهودية والاقتصادية هي من تحدد سياسات واستراتيجيات الحكومة الامريكية، فصحصح معانا شوية اخوي عبد الله

الأخ حسن
حقيقةً إستغربت لكلامك
أنت أمريكى وتعلم مدى تأثير الإنتخابات على إتخاذ القرارات فى أمريكا.
ومن تناقضات الشفيع
إستخفافه بقلة عدد السودانيين الأمريكان ويقول اليهود هم من يحدد سياسات وإسترايتجيات الحكومه الأمريكيه
وبالطبع أخى حسن أنت كأمريكى وتعيش فى أميركا تعلم أن الجاليه اليهوديه بالرغم من قلتهم ومحدودية عددهم
وسط ال 300 مليون أمريكى , لكنهم إستطاعوا الوصول الى هذه المكانه لمراكز إتخاذ القرار فى أميركا بجهدهم
ومثابرتهم وتفاعلهم مع المجتمع الأمريكى لا بمعاداته ولا بالإ نطواء على الذات.

واضح أن الأخ الشفيع
يبنى حكمه على ما يتخيله عن أمريكا نتيجة آيدوليجياته السياسيه والفكريه.
ألا تراه فى بداية مداخلاته أتانا جاراً عكازه!!!
رغم أكل عيشه تحت واحد أمريكى
زى ما قال؟؟؟!

عبد الله عبد الله
عليك الله صحصح معانا شوية
هسه كتبت الكلام ده:

Quote: يشتم فى أمريكا والأمريكان

وما لقيت ليك اي حاجة تربطها بيهو غير:

Quote: طيب اصدقاءك ديل ما تقول ليهم يرسلوا اربعة طيارات تقصف الحكومة ونرتاح وترتاحوا يا عبد الله عبد الله

طيب
اذا كنت تفتكر قصف الحكومة الامريكية لسودانا شتيمة، فبالله قول الكلام ده لي اخوك وصديقك محمد سليمان
لانه وجماعته فتحو خمسمائة بوست يطالبو بالتدخل العسكري في السودان
وسؤال: هل انت ضد/مع التدخل العسكري الامريكي في السودان؟
وقصف امريكا للسودان ليس بجديد
قبل كده قصفت مصنع الشفاء ظلماً وجوراً وعدواناً، وبرضو بي تحريض من بعض السودانيين العملاء الإنسان رخيصين
ويا صاحبي انا بفرق بين النظام الامريكي المتمثل في حكوماته الطائشة الظالمة المتجبرة التي تقودها اللوبيات اليهودية الصهيونية لاتجاهات ضد مصلحة الشعب الامريكي وخدمة لدولة بني صهيون ونتج عنها مغامرات طائشة مثل غزو العراق وافغانستان

Quote: الجاليه اليهوديه بالرغم من قلتهم ومحدودية عددهم وسط ال 300 مليون أمريكى , لكنهم إستطاعوا الوصول الى هذه المكانه لمراكز إتخاذ القرار فى أميركا

ايوة
كده انت ماشي صاح
اليهود وصلوا المرحلة دي بعد ما اكملوا سيطرتهم التامة على مقاليد الامور الاقتصادية والاعلامية في امريكا، موش اتجمعوا لي عشرة عشرين شخص وحملوا لافتاتهم
للاسف يا عبد الله بيتم استغلالكم اسوأ استغلال، ومن قبل نفس المنظمات اليهودية لتحقيق اغراضهم ثم رميكم متل الشيء الكعب
انا والله بقول ليك الكلام ده لاني اظن بك خيراً
محمد سليمان وجماعته لا يعدو ان يكونوا تجار حرب، راهنوا على ان لا تنطفيء نار دارفور ابداً

تحياتي

Quote: كده انت ماشي صاح اليهود وصلوا المرحلة دي بعد ما اكملوا سيطرتهم التامة على مقاليد الامور الاقتصادية والاعلامية في امريكا، موش اتجمعوا لي عشرة عشرين شخص وحملوا لافتاتهم للاسف يا عبد الله بيتم استغلالكم اسوأ استغلال، ومن قبل نفس المنظمات اليهودية لتحقيق اغراضهم ثم رميكم متل الشيء الكعب انا والله بقول ليك الكلام ده لاني اظن بك خيراً محمد سليمان وجماعته لا يعدو ان يكونوا تجار حرب،

ما كتبته عن أحكامك المسبقه فى مداخلتى السابقه :-

Quote: واضح أن الأخ الشفيع يبنى حكمه على ما يتخيله عن أمريكا نتيجة آيدوليجياته السياسيه والفكريه.

كمان زدت عليها حكمك المبنى على الظن وأن الظن أكذب الحديث.
بعدين يهود شنو البجو يقولوا لينا أمشوا ظاهروا قدام مكتب المحامى فيشر ويجوا يرمونا زى مابتقول؟ !!
واضح أكثر ما أثار غضبك تظاهرة بعض السودانيين الأمريكان ومعهم السيناتور فرانك وولف لفرملة المحامى
فيشر ليجد نفسه فى مشكله مع الكونقرس.
الأخ محمد سليمان ليس بتاجر حرب وإنما يسعى لحماية أهله المدنيين فى دارفور من الذين يعملون على إبادتهم
بالطائرات والآله العسكريه المدمره ومستعينين فى عملهم الإجرامى هذا بقوى أجنبيه أنت تعلمها , وهل حلال عليهم
الإستعانه بالأجنبى وحرام على محمد سليمان؟!
____________________________________
وبمناسبة كرهك وبغضك لليهود الأمريكان , وبمناسبة كفيلك الأمريكى فى السعوديه

Quote: نعم جوازي معاي، و كفيلي امريكي، للمعلومية

هل سألته عن ديانته شنو؟
نتمنى أن يكون يهودى
عشان نشوف بتودى وشك وين؟!!

Quote: وبمناسبة كرهك وبغضك لليهود الأمريكان

ولسه يا عبد الله مصر تقولني كلام انت تفترضه
انا لا اكره اليهود
انا لا اكره الامريكان
انا لا اكره اليهود الامريكان

مشكلتي مع النظام الامريكي الظالم
مشكلتي مع المنظمات اليهودية المتسلطة

ده بس عشان نقلب الصفحة دي

Quote: محمد سليمان وجماعته لا يعدو ان يكونوا تجار حرب، راهنوا على ان لا تنطفيء نار دارفور ابداً

يا الشفيع .... أسأل صاحبك القال:
نحن أخدناها بالبندقية .. و العايزا يجي ياخدا بالبندقية
نحن لا نفاوض إلا من يحمل السلاح
البجيني مشمّر .. بقابلو عريان

أهو .. صاحبك وقف عريان فكر و عقل .... و بعد شويّة يمكن يلقط ورق.

Quote: نحن لا نفاوض

ود سليمان عليك الله فكنا من فرمالتكم دي
في كم منبر تفاوض اتعقد فيما يخص دارفور؟
وكل من يقترب من التصالح تقلبوا عليهو
حتى المرحوم خليل في وقت قلبتوا عليهو ووصفتوهوا بالخيانة

Quote: البجيني مشمّر .. بقابلو عريان

طبيعي يا ود سليمان، يعني تجي شايل دوشكا ويقابلوك بالورود؟

الأخ الشفيع
رجاءاً ما تتعالى علينا

Quote: ده بس عشان نقلب الصفحة دي

منو اللى أدَاك الحق تفتح صفحه فى وشنا زى ما عايز وتقفلها متى ما تريد؟

أها نحن الصفحه دى عايزنها مفتوحه
بعدين ما معقول نرد عليك فى مداخله تخلِى أصل الرد تقوم تتدخل لينا بى حمد وتمرق لينا بى خوجلى

Quote: مشكلتي مع النظام الامريكي الظالم مشكلتي مع المنظمات اليهودية المتسلطة

مادام مشكلتك مع المنظمات اليهوديه الأمريكيه المتسلطه نحن بنسألك عن كفيلك الأمريكى فى السعوديه

Quote: وبمناسبة كفيلك الأمريكى فى السعوديه Quote: نعم جوازي معاي، و كفيلي امريكي، للمعلومية هل سألته عن ديانته شنو؟ نتمنى أن يكون يهودى عشان نشوف بتودى وشك وين؟!!

ونتمنى كمان يكون عضو فى وأحده من هذه المنظات.
يا أخى بس أسأله قول ليهو
يا كفيلى الأمريكى إنت ديانتك شنو ؟!!!!

يا الشفيع ... و إنت لسّة في منصاص الشواء الذي نصبه لك مولانا عبدالله و خلّاك تتقلب من لسع لهيب منطقه ....
أهو .. قلنا نزيد حطب شوية .. و خد حبة الحنضل دي عند النوم (مع تمنياتنا لك و لنظامك بكوابيس مرعبة):

المحامي الذي أوكله النظام في واشنطن.. تلاحقه وزارة العدل الأمريكية

Quote: أها نحن الصفحه دى عايزنها مفتوحه

عبد الله
الصفحة قلبناها (مخارجة) ليك ليس إلا، لانها خارج نطاق البوست
ولو عايزين (نحكها) بنتعبك
خد عندك:

Quote: وبمناسبة كرهك وبغضك لليهود الأمريكان

ممكن تحدد لي انا وين قلت اني بكره اليهود الامريكان؟؟؟؟

Quote: يشتم فى أمريكا والأمريكان

ممكن تحدد لي وين انا شتمت امريكا والامريكان؟؟؟؟

Quote: بعدين ما معقول نرد عليك فى مداخله تخلِى أصل الرد تقوم تتدخل لينا بى حمد وتمرق لينا بى خوجلى

عبد الله
عليك عاين فوق وشوف الهومويرك الخليتو وراك قدر شنو!
وشوف في كم علامة استفهام جليتها!

Quote: كفيلى الأمريكى

يخيل لي حكاية (الكفيل الامريكي) ده عجبتك شديد
عبد الله يا اخوي قوانين العمل في السعودية اتغيرت كتير
بي US$100K ممكن تعمل ليك سجل وتكفل اجعصها زول
والكفيل البشيل الجوازات في جيبه انتهت زماااان

-------
كفيلي شركة وليس فرد، للمعلومية، وللأسف التعاقد معاهم انتهى من اول امس وربما انتقلت لاخر او لملمنا اطرافنا ومشينا السودان

تحياتي

Quote: أنت أمريكى وتعلم مدى تأثير الإنتخابات على إتخاذ القرارات فى أمريكا.

نعم أعلم تأثير الانتخابات على اتخاذ القرارات فى أمريكا

وأيضاً أعلم بأن السودانيين الأمريكان على قلتهم لا يعيرون مسالة الانتخابات الأمريكية أى بال

وليس لهم أى كيان بمعنى الكلمة لكى يشكلوا أى ضغط على الادارة الأمريكية

كل مافى الأمر فيما يخص السودان هناك قلة من المنتفعين بقضاياهم يجدون آذان صاغية من بين أعضاء الكونغرس الأمريكى

وهؤلاء دائماً ماتكون لهم أطماع محددة وتحركهم جهات معينة لاثارة قضايا السودان واستخدامها كأدوات ضغط لتمرير ما يريدون

على حكومتنا المنبطحة أمريكياً من الأساس

وهذا بالطبع لا ينفى وجود القليل من السودانيين من أمثالك أخى عبدالله ممن يسعون للفت الأنظار لقضايا الوطن ويعملون بتجرد ودون غرض

أنا شخصياً صوت لأوباما بحسبان انو ودخالة (ودعم فى حالة اوباما بحسبان امو بيضاء تسر الناظرين) ومن منظور عنصرى بحت

ولا أرى له أى أثر ايجابى على واقع قضايا السودان سوى المزيد من الدمار واعطاء الضو الأخضر أو على الأقل غض الطرف عن ممارسات

النظام اللانسانية

وعليه جاءت مداخلتى بعدم التعويل على ماما أمريكا كثيراً فيما يخص السودان ، حيث يبدو لى بأن النظام الحالى يخدم أهداف أمريكا أكثر من غيره

تخريمة
استاذى الفاضل عبدالله سلامات العيال بخير وحاجة آمنة اليومين دى معانا

Quote: كفيلي شركة وليس فرد، للمعلومية، وللأسف التعاقد معاهم انتهى من اول امس وربما انتقلت لاخر او لملمنا اطرافنا ومشينا السودان

والله يالشفيع لو ماخايفين عليك تقع معانا جوه الحفرة كان رسلناليك دعوة بزيارتنا فى امريكا لكن أحسن ليك السودان على الرغم من الخوف عليك من اللوثة الانقاذية

تحياتى

Quote: عبد الله الصفحة قلبناها (مخارجة) ليك ليس إلا، لانها خارج نطاق البوست ولو عايزين (نحكها) بنتعبك

أخونا الشفيع
كدى المخارجه ألقاها إنت لى رقبتك
والصفحه ما دام خارج نطاق البوست إنت فاتحها من البدايه ليه؟
شخصياً لا أعتقد أنها خارج نطاق البوست.
هل سألت كفيلك الأمريكى عن ديانته؟
وهذا كلامك عن أميركا

Quote: مشكلتي مع النظام الامريكي الظالم مشكلتي مع المنظمات اليهودية المتسلطة

Quote: صحوبية امريكا لا تفيدنا، وعداؤها افضل

ثم بوستك المهبب هذا

Quote: لعنة الله عليكم

ثم بعد كل هذا تأتى لتسألنى عن دليل شتمك وعداوتك لأميركا والأمريكان؟!!

Quote: ممكن تحدد لي وين انا شتمت امريكا والامريكان؟؟؟؟

عشان كدا الصفحه اللى إنت فتحتها دى ما عايزنها تتقفل وعشان نحن أمريكان
من أصول سودانيه عايزين نتأكد هل أنت عدو أم صليح للأمريكان بغض النظر عن
من هم سود بيض ملونين إسبانيش يهود مسيحيين مسلمين بوذيين لا دينيين.

الأخ الشفيع
ألا يوجد تضارب بين هاتين الجملتين فى مداخىتك ؟

Quote: انا قعادي (مؤقت) وراجع لي بلدي حتماً، الان انت تعلم اني زيكم واحد، متغرب لي 22 سنة ووالله لا تربطني اي مصلحة شخصية لا حاليا ولا مستقبليا مع الحكومة

ربنا يرد غرتنا جميعاً لوطنا الأم بعد معافاته بإذن الله.

Quote: عايزين نتأكد هل أنت عدو أم صليح للأمريكان

عبد الله
صفحة كراهية الامريكان انت من ابتدرها
وسبق واوضحت ليك راي بكل وضوح، فليراجع في مكانه

Quote: ربنا يرد غربتنا جميعاً لوطنا الأم بعد معافاته بإذن الله.

آمين
ولن يتعافى الا باخراس ألسنة العملاء الذين يتاجرون بقضايا شعبهم لمصالح شخصية

تحياتي

Quote: كل مافى الأمر فيما يخص السودان هناك قلة من المنتفعين بقضاياهم يجدون آذان صاغية من بين أعضاء الكونغرس الأمريكى وهؤلاء دائماً ماتكون لهم أطماع محددة وتحركهم جهات معينة لاثارة قضايا السودان واستخدامها كأدوات ضغط لتمرير ما يريدون

شكرا كتير حسن حماد وجبت النجيضة

Quote: كان رسلناليك دعوة بزيارتنا فى امريكا

وشاكر ليك تاني على مبادرتك
برنامج امريكا غير مطروح على الاطلاق، فكرنا فيها في التسعينات ثم صرفنا النظر عنها كلياً
ونحمد الله امورنا مرتبة للغاية، وامامي عروض جيدة، ولكن خيار السودان ايضا مطروح، العيال كبرت وبعضهم في الجامعة هناك

تحياتي