غايتو يوم السبت الفات نا س السفارة جو خموا خمتم و فاتوا بالمركز

طبعا اكيد المركز بعد سفر امين الفيدى و سيد احمد اصبح وكر للكيزان يمررون فيه حاجاتهم العايزنها

و من ضمن الحاجات دعوة السفار تحت مسمى تسهيل الخدمات للناس البعيدين عن السفارة وطبعا المساكين.

و طبعا السودايين بسذاجتهم المعتادة يعنى نفس السذاجة القعدت الاتقاذ بالداخل بالضبط هنا

فى الخارج مع انو من اسباب حضورهم لهذه البلد هو اخفاقات حكومة هذا الضابط الذى حضر دون خجل

لسرقة اموال التعابة التى اولى بها اسرهم من هذا الضابط الحرامى النصاب لكن الواحد يقول شنو

الكيزان ديل زى الملح و للاسف الشديد بجندوا نسوانهم لاكل عقول الاسر بحب الوطن فى حين هم اعداء الوطن.

المهم للمرة التانية انا بكتب عن خطورة هذا المركز و الحكاية ماشة زايدة و ما معروف البحصل

بكرة شنو امكن اجتماعات و تخطيط فى غياب الاخرين و امكن يكون مراقب من قبل الحكومة الامريكية.

فى حين الناس تركت السودان كله ليهم بعد دا يطاردون الناس فى امريكا من هنا انبه الامريكان لخطورة

هؤلاء و اللذين يتحركون بحرية كاملة داخل الاراضى الامريكية حيث وجود هؤلاء يهدد اليهود بامريكا.

المهم الكيزان يمارسون نشاطهم عينك يا تاجر حيث هذا المركز مسجل باسم السودانيين و ليس باسم الكيزان

لذا يجب على الناس الزحف على هذا المركز للحد من سيطرة الكيزان التى تهدد الوجود السودانى باريزونا.

صديق السيدين،
دي ماها المره الأولى ولا التانيه ترميلك فيها اتهامات للقائمين بشأن المركز وأعضائه من غير دليل
لكنك المره جليطك شيني بلحيل
مافي زول حابسك تقول رايك ياخ، بس لا تبهت

أظن مرادي ماهو غابيك

سلام على السيدين

مرحب يا حبيب و كل سنة و انت طيب و لى زمن بفتش ليك لا شايفك فى مركز و لا حديقة و لا مسجد

وينك يا درة اريزونا يا راجل يا ظريف ياخ انت ما قولت راجل بتحترم الرأى الاخر و حرية التعبير.

طيب انت قولت انا ببهت الناس سمح تفسير شنو لحضور ضابط الجوازات من السفارة باختامو

و جاء المركز عديل اها منو العزمو و حدد ليهو المواعيد و جمع الناس المساكين و نحن نعى جيدا

دى لا السعودية و لا الامارات دى امريكا يعنى كل الناس لموجودة هنا ضد نظام الكيزان الشرد الناس

من حياة السودان الجحيم التى حولها له نظام هذا الضابط اب اختام المرتشى و من خلفه اللذين دعوه.

انا يا محمد ما بتكلم ساكت قبل كدى كنت حاضر اجتماع داخل هذا المركز و من ضمن الحضور كان ناصر

و فيصل حبيب الله و الاجتماع كان بخصوص تلبية دعوة مؤتمر ايوا و الذى دعانا للاجتماع عضو فى المركز

وقال بالحرف الواحد هذا الاجتماع ليس باسم المركز بل استأذنا من ناس المركز فقال رايكم

شنو فى هذه الدعوة فرد ناصر بالحرف الواحد و قال نحنا ما موفقين على هذه الدعوة بل استرسل

فى الحديث و قال بالحرف الواحد نحنا حقيقة جاتنا الدعوة و رفضناه لان مؤتمر ايوا يتبع لتجمع

احزاب جوبا فطوال العضو صاحب الوضع المهم فى المركز قال لناصر و ليه ما كلمتونى فصمت ناصر.

طبعا انا من هذا الموقف فهمت فى مجموعة فى المواقع الحساسة داخل المركز بتهضم حق الاخرين

يعنى يوجد مؤتمر وطنى داخل المركز هو صاحب القرار و بعد ذلك ادخلت انا و قولت ليهم حقيقة

الناس ما بتجئ المركز لانهم بقولوا المركز دا مسيطرين عليهو الكيزان طوالى فيصل حبيب الله

ادخل فى الكلام و قال يا شيخ جبت الكلام دا من و ين فقولت ليهو دا الكلام السمعتو من الناس.

مع اننى انا بحضر اى مناسبة فى المركز اذا دعيت ليها او سمعت بيها بغض النظر عن المناسبة دى شنو

عشان كدى اسع يوم الاحد ما جيت لانى عرفت الجايين حرامية السفارة و بعد دا تقول لى يا محمد بهت المركز.

عورة و عوارة البورد

و الله ليك حق تقول أي شئ و تنبز و تقل أدبك