الفشخرة،الولولة،الصقرية،القداديم الطايرة،صرة الوش،الفنجطة: كلها بتدينك

بالبلدى ...
انت لو ما مضايق مادي قداديمك كدا مالك ؟
ووشك دا بدون شمس صاريهو مالك
النهار والليل بتفنجط زي الحيوان البالع ليهو شطة
مباري القنوات الفضائية واحدة واحدة
جنس فشخرة وبوبار و تهكم
منتهى السفلقة والصفاقة
بتولول مالك؟؟

تعال بالشعبي نديكــ
المثل الشعبي بقول:
التسوي بايدك يغلب اجاويدك
والمؤتمر الشعبي ادينكــ
الحركة الشعبية فايرة
والانتفاضة بدت

ساويها لي صقرية ورقيص
ضاقت ولما استحكمت حلقاتها
اذدادت ضيقا يا مدان

دينكـ بدينكــ برضو
والعندو دين
ما بسرق البلد العبادو موحدين

بلاش : اللعبة انتهت
والشعب قال كلمتو
الغريق قدااام
.
.

الغريبة كلما تضيق عليهو
ويكون في اضعف حالاتو
يدخل في جسم المعارضة
يلبس منها شوية قوة
ويفرتق منها برضو شلة
ويجي يقعد في القصر مختال
ويتوسوس مع شياطينو ويضحككك
اضحكك تضحكطط السمكككك
الضحكك دا حا يشرطككك
قريييييب !