Quote: أرباب العقائد هو : هو أحمد بن علي بن عون بن عامر أحد أولياء المحس المشهورين يتصل نسبه بالصحابي الجليل أبي بن كعب الخزرجي الأنصاري. ولد بتوتي عام 1009هـ وتوفي بسنار عام 1107هـ في عهد سلطان بادي الأحمر بن اونس. عبر من النهر من توتي عام 1691م وقطع الأشجار وهيأ المكان بالضفة الغربية وشيد مسجداً وخلاوي وعلى نار هذا الوالي بدأ عمران الخرطوم (جامع فاروق سابقاً) . وكان يلقب بارباب توتي. ارباب الخشن بخشونة اطرافه من الوضوء، أرباب سنار، أحمد العونابي ، أحمد المطيع، أرباب العقائد لتفننه في علم العقائد ، كتاب الجواهر .وقد ذكر كتاب الشونه احمد بن الحاج ان الرحال قد شدت لارباب العقائد وان تلاميذه قد بلغوا الفاً ونيف وان طلابه كانوا من دار برنو حتى فاس حقق هذا الكتاب الشاطر البصيلي. أما الخرطوم اليوم فقد كانت تسمى (حلة ارباب العقائد) ومن أشهر تلاميذ الشيخ أرباب العقائد الشيخ خوجلي عبد الرحمن ابو الجاز والشيخ حمد ودام مريوم والشيخ فرح ودتكتوك والشيخ القرشي الصليحابي والشيخ هارون بن حصي والشيخ حمد حنيك وودضيف الله. وكان لمعظمهم الدور الكبير في نشر الدعوة الإسلامية والفقه وتحفيظ القرآن الكريم كما كان لهم الدور المتعاظم في نمء الخرطوم (خوجلي ابو الجاز) (حلة خوجلي) حمد ود ام مريوم (حلة حمد) حمد حنيك (بري) وود ضيف الله (الحلفايا) . والشيخ ارباب العقائد وتلاميذه كانوا قد عاصروا اول دولة إسلامية في السودان (سلطنة الفونج) ويعتبر القرن الحادي عشر الهجري قرن بركة على السودان كله ويعتبر الشيخ ارباب العقائد من اشهر من مر في هذا القرن ولا يخلوا اسمه من اي كتاب تعرض لهذه الفترة من تاريخ السودان . وقد قال الرحالة الشهير (كايو) الفرنسي أنه عند وصوله مقرن النيلين تراءات له حلة على بعد ميلين فسألت عنها فقيل لي حلة ارباب العقائد الخرطوم عاصمة السودان اليوم . أرسل اليه سلطان سنار يطلبه لحاجة دولة الفونج له كما ارسل لغيره من علماء ومشائخ لتقوية الدولة بالعلم والقرآن . تحرك ركب الشيخ أرباب العقائد من الخرطوم (حلة أرباب العقائد تاريخياً) محازياً للنيل الازرق متجهاً نحو سنار ونزل بمنطقة على ابو أشقر زعيم قبيلة الرفاعة (البشاقرة غرب الآن وما جاورها وأكرمه غاية الإكرام وزوجه (وقوما) بنت علي ود اقيرب) وانجب منها الفكي محمد راجل البشاقرة وقد كان للشيخ محمد بن ارباب العقائد الفضل في انشاء اول مسجد بالمنطقة (البشاقرة غرب) وكان لهذا المسجد الدور الكبير في نشر الفقه وتعليم الناس امور دينهم ومازال هذ المسجد المبني من الطين اللين في القرن الحادي عشر الهجري موجوداً حتى الآن. وأما قريته التي اسسها كانت تسمى قديماً (بحلة محمد راجل البشاقرة) ودفن بها وله ضريح يزار. جدده الشيخ محمد مالك القاضي.
وبعد أن رحل الشيخ أرباب العقائد لسنار خلفه بالخرطوم ابنه الشيخ على صالح ابنجيله ثم خلف الشيخ ابنه ارباب الكامل. وعند قدوم الدفتردار الى السودان منتقماً لمقتل إسماعيل باشا نكل باهل النيل عموماً ودخل توتي وخربها اما في الخرطوم فقد هدم جامع الشيخ ارباب العقائد وقتل حفيده أرباب الكامل علي بمدفع . عند دخول المهدي الخرطوم فاتحاً صلى اول جمعة له بالخرطوم بسمجد ارباب العقائد الذي وسعه خورشيد بك باشا وعندما اراد الامام المهدي الرحيل لعاصمته امدرمان هدم ايضاً مسجد ارباب العقائد بالخرطوم ليجد الناس بالرحيل معه الى امدرمان. عند دخول كتشنر السودان فاتحاً بدل المعالم الإسلامية بالمسيحية والكنيسة غرب جامع أرباب العقائد (فاروق سابقاً) كانت محل التقابة. والكنسية شمال الجامع محل السبع. من أشهر خلفاء الشيخ أرباب العقائد بالخرطوم علي صالح ابنجيلة أرباب الكامل علي الفكي عبد الرحمن وكان يلقب بخليفة الخرطوم ومن أشهر خلفاء الشيخ أرباب العقائد بالبشاقرة غرب. الفكي محمد مؤسس الخلافة الفكي إسماعيل بن الفكي محمد كان يحكم أهله ودياره بإسم السلطان عدلان سلطان سنار
وبالمناسبة السعيدة دي وطالما جابت ليها دور طرد ولعامة وكلام من دا فأنا (طلحة عبدالله) واعتبارا من تاريخو ساطالب بحقي في أية حاجة ومصيبة زمان قامت في خرطوم جدي دي .. عايز حقي في أية بقالة وسوبر ماركت وأجزخانة وصينية وكشك سجاير وليمون وإستديو وأستريو ومحلات ملابس جاهزة وغير جاهزة وأقمشة جلاليب وعراريق ومحلات جزم وشباشب وتياب وعطور نسائية ورجالية وغيرا ... عايز حفي في المريخ والهلال العاملين لينا زوبعة ديل ( ناس الأهلي والنيل والتحرير..الخ خليتم ليكم) عايز حقي في أكاديمية الكرة وفي الاتحاد العام والاتحاد المحلي وإستاد الخرطوم وميدان المولد وميدان سبق الخيول وما جاور واتصل وشابه .. عايز حقي في جامعة الخرطوم والجامعات المجاورة والمدارس والمستشفيات والوزارات .. عايز حقي في برندات السوق العربي وشارع الجمهورية وما فيهما من عمارات ومحلات ومكتبات عامة وخاصة ..... عايز حقي في قاعة الصداقة خصوصاأنو دي أكتر حتى مسببة إزعاج لأهلي في توتي وحامياهم المقيل بالنهار والنوم بالليل(شىء مؤتمرات كواريك، وشىء مهرجانات صخب وضجيج، وشىء سينماأفلام هندية وكابويات،وشي وشويات). عايز حقي في السوق الشعبي والسوق المحلي والسوق المركزي وما جاورهم.. عايز حقي في الإذاعة والتلفزيون والجرايد والمجلات والمطابع وما يتصل بهم ومعرض الخرطوم الدولي .. عايز حقي في أية حاجة في الخرطوم حقتنا دي . عشان ساكتين ليكم يعني واللا شنو ؟؟؟؟؟؟؟؟؟؟ يتبع ......
ولمعلومية جماعة كدا ( عارفم أنا) .. وبما اني سيد جلد ورأس كوني من (البشاقرة غرب) وكون أنها تقع (حسب جغرافيةالحناكيش) ضمن خطوط طول وعرض (أهل العوض) فعايز بس أقول ليكم أنو نحن لما نفوت ليكم الخرطوم دي في العطلات الرسمية والاعياد والإجازات فعايزين نمش نرتاح شوية من أزعاجكم وكضبكم وسلبطتكم بتاعت أنا ود خرطوم وأنا ود راحات دي ..(استثنى أهلي في بري المحس وجزيرة توتي) .. الباقين قوموا لفوا بلا الله أداني معاكم. يتبع ...
Post: #16 Title: Re: الخرطوم خرطومنا Author: Dr. Ahmed Amin Date: 01-03-2012, 10:42 PM Parent: #15
طلحة ود عبدالله ...
يا زول أول حاجة كل عام وانت طيب وربنا يحقق الأماني ..
Quote: عايز حقي في أية بقالة وسوبر ماركت وأجزخانة وصينية وكشك سجاير وليمون وإستديو وأستريو ومحلات ملابس جاهزة وغير جاهزة وأقمشة جلاليب وعراريق ومحلات جزم وشباشب وتياب وعطور نسائية ورجالية وغيرا ... عايز حفي في المريخ والهلال العاملين لينا زوبعة ديل ( ناس الأهلي والنيل والتحرير..الخ خليتم ليكم) عايز حقي في أكاديمية الكرة وفي الاتحاد العام والاتحاد المحلي وإستاد الخرطوم وميدان المولد وميدان سبق الخيول وما جاور واتصل وشابه .. عايز حقي في جامعة الخرطوم والجامعات المجاورة والمدارس والمستشفيات والوزارات .. عايز حقي في برندات السوق العربي وشارع الجمهورية وما فيهما من عمارات ومحلات ومكتبات عامة وخاصة ..... عايز حقي في قاعة الصداقة خصوصاأنو دي أكتر حتى مسببة إزعاج لأهلي في توتي وحامياهم المقيل بالنهار والنوم بالليل(شىء مؤتمرات كواريك، وشىء مهرجانات صخب وضجيج، وشىء سينماأفلام هندية وكابويات،وشي وشويات). عايز حقي في السوق الشعبي والسوق المحلي والسوق المركزي وما جاورهم.. عايز حقي في الإذاعة والتلفزيون والجرايد والمجلات والمطابع وما يتصل بهم ومعرض الخرطوم الدولي .. عايز حقي في أية حاجة في الخرطوم حقتنا دي .
الكترااااابه يا زول أنا من هسي ده حااااجز ( مدير أعمالك ) ...
Quote: أحد أولياء المحس المشهورين يتصل نسبه بالصحابي الجليل أبي بن كعب الخزرجي الأنصاري
اخونا في الخرطوم طلحة
غايتو الجملة الفوق دي ابت تزبط معاي كلو كلو محسي من احفاد ابي بن كعب الانصاري ياخي دي وسعتها شوية
انا شخصيا بعتقد انو النوبيون ماعندهم علاقة مع الانصارااوالاتحادي الاصل لوووووووووولز
تحياتي
زاتووووو
Post: #19 Title: Re: الخرطوم خرطومنا Author: عبدالعزيز حسين عبدالرحيم Date: 01-04-2012, 09:29 AM Parent: #18
رغم أنو التهديد بمهاجمة الخرطوم وإخلائه جعجه وكلام فارغ ساي إلا إنه بغيظ والبغيظ اكتر منه كلام الوالي إن صح
غايتو كلام الوالي دا كان صحي مع الأسف الخرطوم إتولى أمرها زول قصير النظر ما يقدر يشوف ابعد من نهاية شارع بيتهم في كسلا وما أظن والي الخرطوم عرف الخرطوم وفهمها وفهم أهلها ولو فضل سادر في غيه دا حا يجي اليوم اليكون زي زين العابدين بن على وأقسم بالله يوم شفت بعيني وسمعت بي أضاني معتمد للخرطوم (الفاتح عابدون) كان بترجى في المواطنين في مظاهرة طلعت ضده وحاصروه في المعتمدية ايام الديمقراطية ، التسلط وقصر النظر ياهو الحاجيب حكومة المؤتمر الوطني دا الواطه والخرطوم دا شالت اكتر من حاكم ورغم أنو الناس بتمد في حبال الصبر وبتتحمل لكن بجي اليوم البحسموا الأمور دي ، الخرطوم بقت زي الحامية العسكرية عساكر متسلطين في اي مكان ، فساد في الأراضي ونهب للميادين والأمكان المخصصة للمرافق جبايات عالية تحصل بطريق مستفزة ومقرفه (موظفين المحليات شالين طبل ما تدفع يقفلوا محلك ومعاهم عسكري تعترض يودوك السجن ما تطلع إلا تدفع) بعد دا كله والي الخرطوم عاوز يطرد الناس منها هو مفتكر الخرطوم زي كسلا ، ودي مشكلة ناس الحكومة الحاكمه هسع كان كيزان ولا مؤتمر وطني ولا شنو ما عارف يدوروا ليهم في ناس معينين من مكان لي مكان ويعني الواحد فيهم لو نجح في مكان ما بالضرورة يكون ناجح في مكان تاني وهم زاتهم أي واحد فيهم عامل فيها رئيس الجمهورية وشغال ويصرح ويقرر وينفذ على مزاجه في نشاز غريب ما أظن في ولاية الخرطوم يكون في قسم للتخطيط ولا في مخططين بس خبط عشواء زي ما بقولوا كل واحد تطلع ليه فكرة في راسه يعملها وكل واحد يشوف ليه حاجه ما تعجبه يمنعها غير المحاباه والفساد البقى واضح بعدين أنتو الوالي دا مش جاي بي الانتخاب وياهم ناس الخرطوم العاوزهم يتخارجو منها دي هم الانتخبوه ولا خلاص واثق من انو حا ينتخبوا ولا حا يخجها
بالنسبة لي ناس الحركات وخصوصا ناس العدل والمساواة ديل هسع عاين البصرح منو محجوب حسين ياأخي دا لسه باقي أهله واسرته في تشاد ناس عاوزين يهاجموا الخرطوم ويحكموها هم ما بعرفوا شوارعها ومعالمها وطشوا المره الفاتت الخرطوم أهلها بحموها لو حسو الحكومة مقصرة وهسع أظن ثقتهم في الحكومه ما ياها فأحسن الحركات تبطل الكلام الفارغ دا لانو بضر ناس مساكين في الخرطوم من أبناء دارفور وهم برضه من أهل الخرطوم وأبناءها – وليكم في احداث قرنق عظه احسن- بعدها ما قامت للجنوبيين في الخرطوم قومه وأصبحوا كالاشباح على ظهورها حتى الأنفصال
بحس بي الزول البهدد الناس في الخرطوم زي البهددني في بيتي بل غرفة نومي كمان
النظام الحاكم حا يمشي كان بي انقلاب ولا انتخاب ولا الموت زاتو لكن تفضل الخرطوم وأبناءها
عبدالعزيز حسين المايكرفون عندك فلا تأخذنك بهم رأفة يا عمدة سلامات والزارعنا غير الله وأجدادنا اللى يجيء يقلعنا جرجير إني أراك من اللايصين والهايصين أطلع منها ياعمران صالح قول للحنكوش دا إتا مجرد ضيف عندنا دكتور أحمد أمين سلامات ومشتاقين ما عندك مشكلة فإتا مننا وفينا وليد المبارك امدرمان وبحري برضو تبع الخرطوم وبالتالي الحاجات الفيهن زاتووووو طيب أها الجملة الواسعة دي جليها باقي الكلام عندك عليهو اعتراض ؟ تحياتي للجميع .. يتبع ......
Post: #21 Title: Re: الخرطوم خرطومنا Author: وليد محمد المبارك Date: 01-04-2012, 10:36 AM Parent: #20
ابدا باقي الكلام ما عندي عليه اي اعتراض بل باصم عليه بالعشرة
Post: #26 Title: Re: الخرطوم خرطومنا Author: محمد حيدر المشرف Date: 01-04-2012, 11:39 AM Parent: #24
Quote: محمد حيدر المشرف متسلبط آخر في خرطوم جدي.
لا حولااااا يا طلحة انت مش جدك استدعوه فى سنار وسافر وفى الطريق اتزوج وجابكم فى البشاقره وواصلتو فيها !! أها أنا جدى ما استدعوه كلو كلو و .. يا قاعدين !
Quote: يا طلحة انت مش جدك استدعوه فى سنار وسافر وفى الطريق اتزوج وجابكم فى البشاقره وواصلتو فيها !! أها أنا جدى ما استدعوه كلو كلو و .. يا قاعدين !
دليل تاني أكبرمن الأولاني على أنك متسلبط .. هسع أنا لو عندي بيت ملك في فجة ما وقمت رحلت منو وجيت إتا سكنت فيهو بالإيجار واللا ملح ساي كهبة مني فهل معني كدا أنو بقي حقك خلاص ..؟؟؟؟؟ وبعدين ياخ اتا جدك منو وكان قاعد وين ذاتو ؟ عشان بس نعرف إن كان عندو معانا طوبة واللا ما عندو؟
Post: #25 Title: Re: الخرطوم خرطومنا Author: عماد حسين Date: 01-04-2012, 11:36 AM Parent: #23
أخونا طلحة
عساك بخير.. قلنا "نناقرك" شوية
تعرف يا طلحة.. أقدم أثر معروف في الخرطوم بيعطي الشلك الحق قبلكم
ويظهر ان منطقة (بحر أبيض) حتى "مدينة الكوة" كان لهم فيها وجود كبير..
والشلك فقدوا هذا الحق لكونهم تقهقروا جنوباً، وامتلكوا دياراً أخرى
بعد داك الحق التاني للجموعية
أكثر ملاك الأراضي في العاصمة هم الجموعية..
وبعض أسماء مناطق العاصمة أصلاً مشتقة من أنساب أفخاذ أو بطون من هذه القبيلة
والحتة دي أنا غير ملاحظ لوجودها في شأن المحس (يعني التسمية باسم الفرع)
خذ على سبيل المثال:
بري الداريسة نسبة إلى: درياس بن حريز بن جموع بن غانم
الفتيحاب: نسبة إلى: إبراهيم (الملقب فتاحة) بن منصور بن جموع بن غانم
وأمسك معاك على وجه المثال: السروراب، والنوفلاب، وغيرها
وهذا بخلاف المناطق غير المسماة بأسمائهم
وما تنسى البطاحين في شرق بحري.. ديل في المرتبة الأولى في بحري
سلامات يا عماد حسين في كتابه تاريخ الخرطوم قال محمد إبراهيم أبو سليم : "وقد ظلت الخرطوم نفسها منطقة غير مأهولة تغطيها الغابات وتأتيها مياه الفيضان فتغرق أجزاء كبيرة منها وكان يأتيها المسافرون ليعبروا عندها النيل ويرتادها صيادو السمك في مواسم الصيد يقضون حاجتهم ثم يعودون أدراجهم بما اصطادوا وفي حوالي عام 1691 ترك الفقيه أرباب العقائد جزيرة توتي التي اشتهر فيها وعبر النهر لينشأ في هذا المكان أول قرية مأهولة وكان من عادة الفقيه الذي يشتهر أمره وينشد الاستقلال أن يبحث له عن مكان جديد يبدأ فيه حياته الدينية ويجد فرص الاستقلال والشهرة المتاحة" وعليه أقدم أثر دا شنو يا عماد وكان سنة كم ؟
Quote: سلامات يا عماد حسين في كتابه تاريخ الخرطوم قال محمد إبراهيم أبو سليم : "وقد ظلت الخرطوم نفسها منطقة غير مأهولة تغطيها الغابات وتأتيها مياه الفيضان فتغرق أجزاء كبيرة منها وكان يأتيها المسافرون ليعبروا عندها النيل ويرتادها صيادو السمك في مواسم الصيد يقضون حاجتهم ثم يعودون أدراجهم بما اصطادوا وفي حوالي عام 1691 ترك الفقيه أرباب العقائد جزيرة توتي التي اشتهر فيها وعبر النهر لينشأ في هذا المكان أول قرية مأهولة وكان من عادة الفقيه الذي يشتهر أمره وينشد الاستقلال أن يبحث له عن مكان جديد يبدأ فيه حياته الدينية ويجد فرص الاستقلال والشهرة المتاحة" وعليه أقدم أثر دا شنو يا عماد وكان سنة كم ؟
يا طلحة..
جدك ده عمل كدة سنة 1691م
جد الجموعية: جموع بن منصور بن غانم تولى الملك سنة 1484م
ياعمدة ما بتكلم عن أقدمية عمر .. جيب لينا فذلكة،رواية تاريخيه، شاهد عصر، مدونات، أية حاجة تثبت أنو جد الجموعية هو مؤسس الخرطوم قبل جدي أرباب العقائد ..
Quote: ياعمدة ما بتكلم عن أقدمية عمر .. جيب لينا فذلكة،رواية تاريخيه، شاهد عصر، مدونات، أية حاجة تثبت أنو جد الجموعية هو مؤسس الخرطوم قبل جدي أرباب العقائد ..
الله يرحم جدك يا طلحة.. قول آمين
فكرة البوست حقتك ليست التأسيس، وإنما الأحقية والتملك والأقدمية
والجموعية كانوا موجودين قبل جميع المحس
توتي كانت محل زراعة ورعي لفرع (الفتيحاب الجموعية)
يعني أنتو جيتو ضيوف عند الجموعية يا طلحة
أول حاجة خلينا نخلص من الحتة المتعلقة بالأقدمية
بعد كدة لن نخالفك في تأسيس البقعة المسماة بالخرطوم
يا عمدة ما جلبته لم يثبت غير حقيقة أن جدي أرباب العقائد يتصل نسبه بالملك جامع وهذا لا يلغي حقيقة أنو أرباب العقائد هو مؤسس الخرطوم سواء كان يتصل نسبه بالجموعية أم لا .
Quote: عشان كده انا قلت ليك يا طلحة امدرمان ما ليكم فيها امدرمان حقت الجموعية والجميعاب
حتى من الناحية دي برضو لينا فيها هاك أها:
Quote: الشيخ أرباب العقائد الخشن المولود بتوتي عام 1609م والمتوفي عام 1695م، واسمه أحمد بن علي بن أرباب بن علي بن عون بن عامر بن صبح بن فلاح بن شرف الدين بن محمد (عجم) بن زايد بن محمد (محس) بن الملك سعد بن الملك جامع
Post: #33 Title: Re: الخرطوم خرطومنا Author: عمران حسن صالح Date: 01-04-2012, 12:26 PM Parent: #15
ستجد فيه معلومات تبين أن الجموعية الجعليين، هم أقدم من سكن في منطقة المقرن
Quote: والمعروف أن الجعليين هم أقدم السكان العرب في منطقة الالتقاء. ومن آثارهم فيها حلة (الفتيحاب) التي قامت على يد الفتيحاب منهم، وحلة (المقرن) التي نشأت منذ القرن السادس جنوب نقطة الالتقاء، على يد (الصواردة و الدرايسة) منهم. و كانت جزيرة (توتى) آهلة أيضا بالجعليين وبخاصة الفتيحاب. والمحس هم شركاء الجعليين في تعمير منطقة الالتقاء، وقد انتقلوا إليها وإلى غيرها من مناطق السودان المختلفة من موطنهم الأصل عند الشلال الثالث بسبب فقر منطقتهم وغارات بدو الصحراء الغربية ومزاحمة بعض القبائل المغربية لهم.
الاقتباس مأخوذ من موضوع جرى طرحه سابقاً بالمنبر... هاك
Quote: اولاد الخرطوم ما ح يقتنعوا انو اسم طلحة اسم خرطومي
يعني بعد اللى أولتو دا كلو وتؤلي اؤلت إيه يا زاتووووو ياخ . هو فيه خرطوم تانية غير خرطومنا دي واللا شنو ؟
Post: #41 Title: Re: الخرطوم خرطومنا Author: نوفل عبد الرحيم حسن Date: 01-04-2012, 04:05 PM Parent: #38
ام درمان قفله حقت الجعليين الجموعيه .. من اراضي الزارعه لحدي اراضي السكن .. دي ما بتغالطوا فيها اتنين اي زول جاء ام درمان بعدهم هم النزلوهو وسكنوهو بالهبه او الشراء بعداك تعال للخرطوم الجموعيه في المقرن .. بري ( الشريف الهندي بنتمني للجموعيه من ناحية الام ) .. الجريف شرق وغرب تاني الخرطوم دي فضل فيها شنو بالله يا طلحه جدك الشيخ ارباب العقائد بقي خرطومي بنسبة للجموعيه هههههها للامانه فأن المحس ايضا من اقدم من سكن الخرطوم
بوست ظريف ... بتقدر تاكل فيهو عايش كان ختيت الجموعيه وما جوك هنا ههههها
يا جماعة البوست عنوانو الخرطوط خرطومنا يبقي حقو تناقشوا الحتة دي عشان ما تطلعوني من الجنة وسقطا يا نوفل إتا بتتكلم غلاط ساي واللا بناء على حقائق تاريخية؟ جدي أرباب العقائد مؤسس الخرطوم ودي حقيقة ثابتة تاريخيا شنو هو البقي خرطومي بنسبة للجموعية؟؟؟ غايتو ناس البورد دا مرات كدا ياكلوا الزول حنك ساي .
Post: #43 Title: Re: الخرطوم خرطومنا Author: نوفل عبد الرحيم حسن Date: 01-04-2012, 06:06 PM Parent: #42
يا طلحه قلنا ليك حنك باقي الناس واختأ الجموعيه الخرطوم دي بعد العصر الحجري الاتوجد في حتة مستشفي الخرطوم كانت غابات ساكت جاء في وصف الخرطوم في حرب النهر .. الخرطوم قرية تقع جنوب الحلفايا دحين يا اخوي الخرطوم دي قريب دا كانت غابات واسود ههههها
عشان كده انا قلت ليك يا طلحة امدرمان ما ليكم فيها امدرمان حقت الجموعية والجميعاب من السروراب لحدي جنوب جبل الاوليا
تسلم يا وليد
هذا هو الصواب... وأهلنا المحس لا أحد ينكر فضلهم البتة، فهم أصحاب ريادة في نشر القرآن الكريم
،،،،،،، الجموعية - كجزء من الجعليين - انتقلوا من منطقة الترعة الخضراء في النيل الأبيض، حيث كانوا يعمرون تلك المنطقة، ويعتبرون من أقدم من سكن منطقة العرشكول أيضاً.. ولا تزال آثارهم باقية هناك..
هناك جبل في تلك المناطق مدفون فيه تلاتة من أجداد الجعليين، وهم
حميدان صبح مسمار
وهم اجداد مباشرين لجد الجموعية (جموع، بن غانم، بن حميدان، بن صبح، بن مسمار)
من يريد معرفة أماكن هذه القبور والشواهد التاريخية فيمكنه استفسار آل الشيخ برير المعروفين في النيل الأبيض
في حقبة معينة تشتت الجعليون عن النيل الابيض، وبعد أن كانت مملكتهم واحدة تقسمت لعدة مملكات... فأنشا الجموعية مملكتهم الخاصة.. وأنشاء الجعليون "وهم الذين تميزوا بهذا الاسم" مملكتهم في شندي
طبعاً مدينة شندي الحالية أسسها: ضواب بن غانم، وهو أخ لـ جموع جد الجموعية، وهو والد "عرمان" جد الجعليين العرمانيين القاطنين بين الجيلي والدامر
ولذلك الجموعية يعتبرون أعماماً للجعليين العرمانيين
بل حتى الحلفايا في تاريخها قبل مجي "العبدلاب" كان اسمها: حلفاية اولاد حميدان، نسبة لــ "الحميدانية" وهم فرع من الجموعية، وهم مؤسسو الحلفايا...
ولا يزال مسجد الحميدانية موجوداً بها حتى اليوم يا وليد.. وأي زول يمشي هناك وداير يستوثق، يمشي يسأل عن "آل عبدالدافع"..
وأمسك معك الخط لتتجه شمالاً: الإزيرقاب، حتى السقاي السروراب...
بل وبعدها قرية "النية" وغيرها.. دي مناطق أصيلة للجموعية
آسف للاطالة.. فعذوبة التاريخ وحكاياته لا تترك لنا فرصة للاختصار
Quote: الشيخ أرباب العقائد الخشن المولود بتوتي عام 1609م والمتوفي عام 1695م، واسمه أحمد بن علي بن أرباب بن علي بن عون بن عامر بن صبح بن فلاح بن شرف الدين بن محمد (عجم) بن زايد بن محمد (محس) بن الملك سعد بن الملك جامع
تسلم يا طلحة
اعتقد أنه اختلط عليه اسمان وهما (جموع/// جامع)
الأول هو جموع بن غانم "جد الجموعية" ينتهي نسبه لـ (إبراهيم جعل) جد الجعليين
أما الثاني فهو الملك (جامع سكر) ويقول المحس ان نسبه إلى الصحابي أبي بن كعب الأنصاري الخزرجي
فالأول: جعلي، وهو جد الجموعية. والثاني: جد المحس.. وهو الذي انحدر "ارباب العقايد" من نسله..
ما علاقة الشريف الهندى ببرى ؟! وهل حينما اقام فيها اقام مع اخواله الجموعية ؟! ما أسماء أخواله فى برى ؟!
الأخ محمد المشرف
اسمح لي بالرد نيابة عن الأخ نوفل
لو صدقت معلومة نوفل فأتوقع أن أخوال الهندي سيكون من الفرع الذي سميت عليه منطقة "بري الدرايسة".. وهولاء فرع من الجموعية، ينحدرون من نسل:
درياس، بن حريز، بن جموع، بن غانم...
مصدر المعلومة: كتب جدنا المؤرخ/ عثمان حمدالله، والد الرائد فاروق عثمان حمدالله (رحمة الله عليه)
وأتوقع أن اخوال الهندي لن يخرجوا عن هؤلاء*
___________________
* يشاء الله تعالى أن مكتبتي تعاني هذه الأيام من فوضى عارمة.. وإلا لاستطعت العثور على المصدر، ولزودتك ببعض الأسماء.. لأنني أذكر أن جدنا المؤرخ/ عثمان حمد الله، كتب المعلومة ومعها نسب من نقلها عنه من اهل بري الدرايسة
مسألة امتداد نسب ارباب العقائد للجموعية هى مسألة جديدة بالنسبة لى .. وإن كان ارتباط الشيخ خوجلى مثلا بالجعليين فى حكم المؤكد عند عون الشريف وان أضاف رواية ضعيفة كما حكم هو عليها برجوع نسبه للبديرية الدهمشية .. كما ولا تربط الشيخ خوجلى بالمحس المشيرفاب الا علاقة النسب والاقامة بينهم فى توتى والمقرن .. وبالاستدلال يمكن أن تنسحب ذات الرواية التاريخية على الشيخ عقائد الارباب لعلاقة القربي التى تجمعهما..
Quote: وإن كان ارتباط الشيخ خوجلى مثلا بالجعليين فى حكم المؤكد عند عون الشريف وان أضاف رواية ضعيفة كما حكم هو عليها برجوع نسبه للبديرية الدهمشية
معلومتي المؤكدة أن الخليفة الحالي للشيخ خوجلي ابو الجاز يقول بالنسب البديري الدهمشي، والمتصل قطعاً بالجعليين، ويقول إن الامر كما ذكرت فيما يخص المحس، فهم أخواله
أما الشيخ "ارباب العقائد" فلا أستبعد أن يكون جموعي من جهة الوالدة.. لكنه بالطبع محسي الوالد.. ولم أجد من زعم أن "ارباب العقائد" على غير هذا النسب..
ولذلك فهو من جملة محس الجنوب (المسيد، الهلالية، كترانج، العيلفون، توتي، البشاقرة،... إلخ) وهم من يرفعون نسبهم إلى الصحابي الجليل: أبــي بن كعب الأنصاري الخزرجي
الخلط قد يأتي للبعض من جهة أن جد الجموعية: جموع، وأما جد محس توتي، فاسمه: جامع
* نوفل يا حبيب للأمانة كدا عذبتنا ياخ .. أقول ليك جدي مؤسس الخرطوم تقول لي وصف الخرطوم أنها قرية صغيرة تقع وين ما عارف .. أها يعني دا بمنع أنو جدي مؤسسا واللا كيف ؟ * جرجير مازلت هايص ولايص .. * العمدة مشكور على أنك لم تنكر فضلنا في نشر القرآن فأرجو أن لا تنكر كذلك فضلنا في تأسيس الخرطوم ..( متابع بشغف فذلكاتك التاريخية المشوقة.. واصل بالله) * ود المشرف أما زلت متسلبطا فينا؟؟ ( واصل بالله مع الحبيب العمدة في حواركما)
Post: #56 Title: Re: الخرطوم خرطومنا Author: محمد أبوالعزائم أبوالريش Date: 01-05-2012, 09:23 AM Parent: #55
Quote: واعتبارا من تاريخو ساطالب بحقي في أية حاجة ومصيبة زمان قامت في خرطوم جدي دي .. عايز حقي في أية بقالة وسوبر ماركت وأجزخانة وصينية وكشك سجاير وليمون وإستديو وأستريو ومحلات ملابس جاهزة وغير جاهزة وأقمشة جلاليب وعراريق ومحلات جزم وشباشب وتياب وعطور نسائية ورجالية وغيرا ...
أبو الريش إتا ياكا البيتكم في محطة أربعة مقابل بقالة عمنا عوض ياسين واللا تشابه أسماء ساي ؟ ثم ياخ بري المحس الأساس والرأس زيها وزي البشاقرة وتوتي .. تحياتي يازول . ..... ود الخليفة السلام عليك ورحمة الله.
ود الخليفة أم درمان بت الخرطوم ولا شك عندي.. من جهة أخري البشاقرة تبعد من الخرطوم مسافة ساعة أو أقل ناس البشاقرة بصلوا الخرطوم قبل ناس الثورات البعيدة وأطراف الكلاكلات .
Post: #62 Title: Re: الخرطوم خرطومنا Author: نوفل عبد الرحيم حسن Date: 01-05-2012, 06:06 PM Parent: #61
Quote: نوفل تحياتى ..
ما علاقة الشريف الهندى ببرى ؟! وهل حينما اقام فيها اقام مع اخواله الجموعية ؟! ما أسماء أخواله فى برى ؟!
هلا ود المشرف لك التحايا والدة الشريف الهندي شموم بت الارباب أحمد ود الزين جموعيه من السروراب يتلقي نسبها بالشيخ أحمد الطيب ود البشير ( راجل امرحي ) بمنطقة الشيخ الطيب جوار السروراب وهو من ادخل الطريقه الطيبيه السمانيه في السودان معلم الامام محمد احمد المهدي وقد درس علي يديه بالشيخ الطيب
وبالمناسبه دي ناخد استراحه في ظلال الادب والشعر عندما يقول التجاني يوسف بشير ( وطريق طيبئ ) كان يقصد الطريقه السمانيه
اخليكم مع مدحة يا ليلي ليلك جن التي قيلت في العارف بالله الشيخ احمد الطيب البشير جد السيده شموم والدة العارف بالله الشرف الهندي
يا ليلى ليلك جنّ ** معشوقك أوّه وأنّ
أم مرحي فوقا جبلنا ** أصلو الإكسير معدنا
السر بالكوب والشنه ** كل الغشاهو تهنّا
مطر الفيوض ما ونى ** ونبعن سروف الجنه
تربالنا سامر وغنى ** علّج رقابو تحنّا
لي خدمتو إتشهلنا ** وخلفن دناقر الطنه
بي همة ما بطلنا ** كالرمشة ما تعطلنا
فرسانو حولو يدورو ** ناس ود علي المنبورو
يعقوب والمصري حبورو ** بله اب حجول والنورو
خدموهو لبسو شرايتو ** وكل زول فرش سرايتو
عدد السبعين مضرايتو ** صبروهو وعلو رايتو
هب وطلق نسّامو ** نبّه للأمة وسامو
وقف البصير قسامو ** والقرشي طابق اسهامو
التوم الفي عزازو ** بي إشارة من عزازو
وصلو وملك ميجازو ** مفتاح الشونة حازو
خلفن دناقر عزي ** يا قوم الطيب هزي
جاب لي البيهم عزي ** بشرى وشيخون الوزي
الطيب سيد من سادو ** كم أصلح الفسادو
الفي سلانج صلحلو فؤادو ** تت والدويحي أولادو
طيبا وسيلتي وكابي ** كدي مهما أقول في صوابي
النادر عودو نابي ** في أولادو الصابونابي
راجل القويز عبد الله ** نفسو وقرينو ذلّ
بي كاس الطيب علّ ** جاب الأسد في الحله
الشيكيتابي الفي غروبو ** والصليحابي المهيوبو
ود مكي والمجذوبو ** أسقاهم صافو كوبو
فيضك نزل هطّالو ** حسيب ود طه ابطالو
من كاسك السطّالو ** شربو بي طولك طالو
الشيخ مصطفي عركينا ** شوف قسمتو وتمكينا
من الرسول سيركينا ** ياتو البجي يحاكينا
الدايرنا والمابينا ** ثابت فضايلو ابينا
ذو قربى عن نبينا ** كفى نفلو الفي المدينه
قام من طبية منارة ** في اخميم دخل بي اشارة
ذكر القلل بي عبارة ** وعشر تالاف سكارا ** والعلما اندهشو حيارى
Post: #65 Title: Re: الخرطوم خرطومنا Author: محمد حيدر المشرف Date: 01-06-2012, 11:40 AM Parent: #63
نوفل وعماد صباح خرطومى جميل ..
يا اخوان الحقونى بى تفاصيل علاقة المحس الخوجلاب والمشيرفاب وعموم محس برى بالعركيين !! وده كلام فوقو كلام كتير آ ناس .. هذا فى حال تجاوز عماد عن سلفيته الوافده
.. طلحه خليك قريب .. بنحاول نشوف ليك مخارجة ونلمك علينا احتمال تتطلع بى بنشر فى ميدان ابوجنزير
Post: #64 Title: Re: الخرطوم خرطومنا Author: محمد حيدر المشرف Date: 01-06-2012, 11:27 AM Parent: #62
ياااا نوفل !!
Post: #66 Title: Re: الخرطوم خرطومنا Author: عماد حسين Date: 01-07-2012, 05:46 AM Parent: #64
Quote: القبوري عماد
you are welcom to this club
لكين يا ود الخليفة.. : "دي بالغتا فوكا"
يا زول ده نادي تاني...
هههههههههههههه
ناسنا ديل ماههم فقرا.. ديل ناس دواس ساي
الظاهر عجبتك قصة (آل الشيخ برير)
طبعاً يا حبوب.. للمعلومية، بريد ود الحسين جعلي نفيعابي
ونفيع جد الشيخ برير، تؤام لـ نافع الذي أنجب د. نافع علي نافع
فتأمل يا قول ملاسي
تحياتي يا حبوب
Post: #67 Title: Re: الخرطوم خرطومنا Author: عماد حسين Date: 01-07-2012, 06:18 AM Parent: #64
Quote: نوفل وعماد صباح خرطومى جميل ..
يا اخوان الحقونى بى تفاصيل علاقة المحس الخوجلاب والمشيرفاب وعموم محس برى بالعركيين !! وده كلام فوقو كلام كتير آ ناس .. هذا فى حال تجاوز عماد عن سلفيته الوافده
.. طلحه خليك قريب .. بنحاول نشوف ليك مخارجة ونلمك علينا احتمال تتطلع بى بنشر فى ميدان ابوجنزير
حبابك يا ود المشرف
غايتو البوست ده فاقد د. محمد قرشي
الراجل خليط من المحس والحلاوين، وهو من أحفاد القرشي ود الزين (إن لم تكن الذاكرة قد خانتني)
بخصوص العركيين يا د. محمد المشرف
العركيون قسمين.. وأنا كتبت عنهم باستفاضة في بوست "مشروع السودان للحمض النووي"
العركيون، ويعرفون تاريخياً بــ" عَـَرَك" وهم بطن من من جهينة.
والعركيون الجهنيون عندنا، هؤلاء من أحفاد حسن المعارك وهناك العركيون الأشراف الحسينيون، وهم من أحفاد الشيخ المقبل القادم من المغرب
والعلاقة بينهما أن مقبل تزوج ابنة حسن المعارك.. فأصبح الجميع يشملهم اسم العركيين
غير أننا نميز بين الجهني والشريف الحسيني فنقول: العركيون أولاد مقبل للحسينيين والعركيون أولاد حسن المعارك للجهنيين
ومن أولاد مقبل/ الشيخ دفع الله بن مقبل العركي، وهو جد لجماعة (أبوحراز)
وأظن أن رابطة التصوف هي الوعاء الجامع لعلاقالت المصاهرة بين من تسأل عنهم
تقريباً.. ما كتبه محمد النور بن ضيف الله الفضلي الجعلي (ود ضيف الله) في الطبقات قد يعطي لمحة عن وجود رابطة، لأنه غالباً يذكر في السيلق التاريخي أن فلان درس على فلان أو أقام عند الشيخ فلان، أو أنه تزوج ابنته مثلاً... وهكذا