|
|
 أخلاء العاصمة مابين دعوة الوالي ودعوة حركة العدل والمساواة
|
قبل فترة وفي تصريحات حملتها الصحف السيارة
نسبت دعوة لوالي الخرطوم مفادها: ما قادر علي
الحياة في الخرطوم يطلع منها .. هذه دعوة لاخلاء
العاصمة بسبب الغلاء ..
وطالعتنا حركة العدل والمساواة ببيان تدعو فيه
سكان العاصمة للاستعداد لاخلاء العاصمة ( حين الطلب )
فهي تعكف الان للتجهيز لحرب ميدانها العاصمة ..
تعالوا نقلب كل دعوة ونشوف القصة دي ..
|
|
 
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
Quote: قيادي في حركة العدل والمساواة: علي سكان العاصمة من المدنيين الإستعداد لإخلاء العاصمة إلي المناطق المجاورة متي ما طلب منهم ذلك
في تطور جديد و هام علي إثر إغتيال زعيم حركة العدل و المساواة السودانية الدكتور خليل إبراهيم من طرف الحكومة السودانية و إعتراف الأخيرة بإرتكاب الجريمة و بتزامن مع السنة الميلادية الجديدة وجه القيادي في حركة العدل و المساواة السودانية الأستاذ/ محجوب حسين نداءً لساكني العاصمة الخرطوم من المدنيين بقوله " بناءً علي مسؤوليتنا و إحترمنا للقانون الدولي و الإنساني و قانون الحرب و الذي نسعي إليه دوما في حركة العدل و المساواة السودانية فضلا عن حماية المدنيين لذلك نوجه نداءا واضحا و جادا إلي سكان العاصمة من المدنيين في كل من مدن بحري و الخرطوم و أم درمان بالإستعداد و الحيطة علي إخلاء العاصمة إلي المناطق المجاورة و القري المحيطة بها و إلي حدود عشرين أو ثلاثين ميلا علي أقل تقدير متي ما طلب منهم ذلك عبر بيان رسمي في اليوم و التاريخ المحددين خلال المرحلة القصيرة القادمة و ذلك تفاديا لوقوع المدنيين في المفاجأة كما تمت إبان عملية الذراع الطويل " موضحا في ذات الوقت " أن هذا يأتي ضمن مسؤوليتنا تجاه المدنيين أكانوا في دارفور أو في الخرطوم وفي كل أرجاء السودان" مضيفا في السياق ذاته " إننا حددنا الخرطوم محلا للصراع و الحسم بشكل معلن و قادرون و جاهزون علي خوض العمليه النهائية و إنهاء اللعبة حتي يغفر لنا روح الشهيد و القائد الإستثنائي الدكتور خليل و أي شيء غير ذلك هو خيانة لروحه " و قطع حسين قوله بأن " الحركة ثابتة و سوف تعلن الإنتصار لا رقصا أو إنتصارا وهميا أو عبر ثقافة المسيرات المخصصة لتصوير و مونتاج التلفزيون الحكومي و إنما عملياً و تحت مرأي الجميع و وقتها سوف ترون أصحاب الأبواق الكلامية و المكتوبة و البذات العسكرية، أصحاب العبارات الجاهزة مثل يا أيها المواطنون !!
إننا نجدد تأكيد الحركة بأن لا مفاوضات و لا إتفاقيات و لا مصالحات مع قتلة خليل ، فقط المواجهة و البقاء للأصلح و الأقوي معا و في الخرطوم و داخلها و لو أدي إلي حرق الأخيرة لبناء جديد و عقد إجتماعي و إنساني يعبر عن ماهية الشعوب السودانية، و علي الشعوب السودانية و قواها الوطنية و الديمقراطية الإستعداد لتحمل مسؤولية الوطن و الشعب و إدارة الدولة و إنهاء فكر و سلطة وأقلام وكتاب المسخرة . |
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
الاخ بخارى
تحية وتقدير
لم اولد فى امدرمان ولكن ام عيالى التى ولدت بامدرمان وعيالى الذين ولدوا جميعهم خارج السودان لن يستطيعوا مهما حدث الخروج وترك
منزلهم ولودخل ناس العدل والمساواة العاصمة لا توجد علامات تميز منتسبى المؤتمر الوطنى ولا العدل والمساواة من بقية خلق اللة فى
ساحة الحرب التى صارت كل العاصمة وكل من لبس جلابية سودانى ( امل ان يتحاربوا بعيدا عن المدنيين وعدم اقحامهم فى مسلسل صراعات
سوف يجعل الدماء تسيل ويقضى على مابقى من السودان).
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
Quote: صباحك خير يا بخاري
المعروف في أي شكلة ونحن صغار الناس بتتساهل على الخلاء
افتكر خلاء ولاية الخرطوم دا كافي للجماعة القاعدين والجايين عشان يتساهلوا عشان زي بخاري دا مايتضرر ولا يكون ضحية لصراع السياسة
اقول قولي هذا وانا عندي حوش كبير في البلد تبعي وانت يا بخاري ومعك نجلاء وصغاركم معزومين عندناSHELTER |
صباحك نور محمد الشيخ
كدي نفرتق دعوة والينا وبعدها نجئ لحركة العدل والمساواة
غايتو أنا رأي للوالي هو براهو وخفيف يقوم يخلي العاصمة
ويخلينا بنلقي لينا زول يقدر يثبت الاسعار ولا كمان اقول
لك ولا يطلع من الخرطوم ولا حاجة يكون قاعد ونحن قاعدين
بس نجيب زول تاني يشوف موضوع الغلاء الحاصل
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
| Quote: نجى لحركة العدل والمساواة |
نعم يابخارى نجى لحركة العدل والمساواة بدعوتها للمواطنين لأخلاء العاصمة عندما يطلب منهم ذلك .
شيئ عجيب !!!! ياخى اذا كان هناك قفص للجداد وبه واحدة مريضة, بيقوم صاحب الجداد بعزل واخراج الدجاجة المريضة عن باقى اخواتا, مش بيخلى الجدادة المريضة فى القفص ويطلع السليمات .
بى نفس الفهم ده يابخارى فليعتبرنا اخوتنا فى العدل والمساواة اننا نحن الشعب الفضل عبارة عن جداد واهن ديك الجدادات المرضانة عناوين مكاتبم معروفة وعناوين بيوت (نساوينهم) معروفة(بحكم انو كل واحد فيهم عندو اكتر من زوجة) وعنوان دار الحزب معروف....لزومو شنو الشعب كلو يطلع من العاصمة ؟
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
Quote: الكلام يا بخارى على ((خلو الرجل) !
من سيدفع اكتر لنخلى له ؟
ــــــــــــــ
الوالى داير يخلى العاصمة طيب ح يحكم منو ؟؟ |
يا دينا .. ( الخلو رجل ) اوع بعدين يكون بالمناطق
عشان ما تجوا تقولوا لينا الديوم الشرقية استحاقاتهم
ما زي ناس الطائف ومدينة النيل ...
بالنسبة لكلام الوالي هو قال الما قادر ما قال السكان كلهم
يعني قاصدنا نحن المفلسين ديل وبعد داك يحكم الناس الفي يدهم قرش
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
Quote: الاخ بخارى
تحية وتقدير
لم اولد فى امدرمان ولكن ام عيالى التى ولدت بامدرمان وعيالى الذين ولدوا جميعهم خارج السودان لن يستطيعوا مهما حدث الخروج وترك
منزلهم ولودخل ناس العدل والمساواة العاصمة لا توجد علامات تميز منتسبى المؤتمر الوطنى ولا العدل والمساواة من بقية خلق اللة فى
ساحة الحرب التى صارت كل العاصمة وكل من لبس جلابية سودانى ( امل ان يتحاربوا بعيدا عن المدنيين وعدم اقحامهم فى مسلسل صراعات
سوف يجعل الدماء تسيل ويقضى على مابقى من السودان).
|
تسلم اخونا محمد سعيد وتسلم اسرتك
ولا للحرب لا للحرب
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
| Quote: بى نفس الفهم ده يابخارى فليعتبرنا اخوتنا فى العدل والمساواة اننا نحن الشعب الفضل عبارة عن جداد واهن ديك الجدادات المرضانة عناوين مكاتبم معروفة وعناوين بيوت (نساوينهم) معروفة(بحكم انو كل واحد فيهم عندو اكتر من زوجة) وعنوان دار الحزب معروف....لزومو شنو الشعب كلو يطلع من العاصمة ؟ |
يا قلقو وأيضا لا للاغتيالات السياسية
فهذا باب ان فتح يصعب سده
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
بخاري كل سنة (وكلكم طيبين)
بشأن دعوة الوالي وكلام الوالي وبصات الوالي وحاجات الوالي (كلها حتة واحدة)
كتب زميل المنبر
الاستاذ الطاهر ساتي
عندما يرعبك واليك ... و يرهقك..!!
** الخرطوم تتأهب لمجابهة ما يعكر صفو أمنها وسلامة أهلها بثلاث مجموعات عسكرية، بقيادة لواء..قالها والي الخرطوم بمنتهى التوجس، وسارت بقوله هذا ركبان صحف الجمعة قبل الفائتة.. والطائرة كانت تحلق بنا صوب البحر الأحمر، وقائل ذاك القول والوفد المرافق له كانوا على مقاعد الدرجة الأولى ذات في الطائرة، وانا وبعض السفر نقلب نحلل قول الوالي في مؤخرة الطائرة، ونتساءل..ماذا يعني الوالي بجاهزية الخرطوم للدفاع عن أمنها وسلامة أهلها؟..ما المناسبة ولمن يرسل رسالة التحذير تلك؟..وما أثر رسالة كهذه في نفوس الأهل والأجانب والسفراء الذين يمارسون الركض والمشي في شارع النيل بلا حراسة؟..بل ما أثر تحذير كهذا في قلوب المستثمرين ؟.. ثم الأ تمنح رسالة كهذه- بكل ما فيها من معلومات - العدو فرصة الإعداد الجيد، هذا إن كان هناك - أصلا - عدوا يرابط على حدود العاصمة متأهبا لغزوها؟.. فالعدو حين يعلم بأن الخرطوم جاهزة بثلاث مجموعات عسكرية قائدها لواء، لن يعجز عن تشكيل ست مجموعات عسكرية بقيادة فريق..أوهكذا يُهدي والي الخرطوم - من حيث لا يحتسب - للعدو معلومة عسكرية تساهم كثيرا في بناء وتجويد خطته الهجومية، علما بأن تسليم العدو أية معلومة عسكرية يسمى بالخيانة العظمي، و يلقب مرتكبها بالطابور الخامس..!!
** على كل حال ..عزيزي والي الخرطوم : بعد التحية، قل خيرا أو أصمت..نعم ليس من الخير أن يتحدث سيادتك عن أمن العاصمة بهذا العبث واللامسؤولية..أنت لاتختلف كثيرا عن وزير الداخلية السابق الذي قال ذات يوم بالبرلمان تحت سمع وبصر اعلام الدنيا والعالمين ( الخرطوم فيها 43 جماعة مسلحة)، ليستدر عطف وزير المالية وليجني المزيد من الميزانية، وهو لايعلم بأن خطابه هذا يساهم في إهدار ميزانية بلد ويشرد الاستثمار ويقلق الأسر المطمئنة..قالها بمنتهى البراءة يومئذ، وليس في الأمر عجب، فالرجل دباب ويشتهي أن تتحول عاصمة البلد الي (صندوق قتالي ) سيادته أميره.. وعليه، يا والي الخرطوم : دع الحديث عن الأمن والدفاع والهجوم لمن درسوه وأتقنوه، قولا وعملا..وأنت لست منهم.. ولم - ولن - تتعلم منهم بحيث تكون حصيفا، رغم أنك ترأست لجنة أمن الولاية منذ عقد ونيف بالشمالية والقضارف وترأسها حاليا بالخرطوم، ولو كنت حصيفا لما قلت - لعدوك الوهمي - وللدنيا والعالمين بمنتهى اللامسؤولية ( نحن جاهزين بتلاتة مجموعات يقودها لواء)، وكأن أفراد تلك المجموعات هم (كل جنود الدنيا)، أو كأن أسلحتهم هي (كل أسلحة الكون).. !!
** المهم.. حدث رعيتك - يا رعاك الله - عن صحتهم ومشافيهم وعجز التأمين الصحي عن استيعاب الفقراء والمساكين، وكذلك حدثهم عن غلاء الدواء وبؤس حال الأطباء..ولاتنسى بأن تحدث سكان ولايتك عن تعليمهم ومدارسهم ونسب تسرب تلاميذها وعجز كتابها المدرسي وقلة أساتذتها، وعن التلاميذ الذين يتخذون الثرى مقاعدا في فصول تظلها الشمس وجدارها أنظار المارة والسيارة..وخبرهم عن طرقهم التى تتآكل قبل تدشينها ومياههم التي تحمل الطمي في الخريف والطحالب في الصيف، هذا إن وجدت في مواسيرهم المياه .. وحدثهم يا رجل عن موارد ولايتهم والتي قومها رسومهم وضرائبهم وجماركهم وأتاواتهم، وتحلى ببعض الشفافية وحدثهم عن أوجه صرف تلك الموارد ومصير تقرير مراجعها العام وغياب المحاسبة وكثرة المختلسين والمفسدين وورداءة الرقابة على كل مال عام..وحدثهم بتوجس عن الخريف ومخاطره ومايجب عليك أن تفعله لدرء تلك المخاطر التي تخلف البرك الآسنة في شوارع العاصمة وأسراب الذباب والناموس في بيوت الناس..وحدثهم بكل شجاعة بأن عاصمتك هي الوحيدة - فى العالم - التي تفتقر الي الصرف الصحي ومصارف المياه..أوهذا هو ( دور الوالي )، أي والي - وليس والي الخرطوم فقط - لو أتقن عمله وأخلص لله ثم لوطنه وأهله..أنت لست بوزير بالداخلية ولست وزيرا بالدفاع ولا تدير جهاز الأمن والمخابرات، ولو كنت تملك مثقال ذرة من الحس الأمني لما أرعبت رعيتك وهي تحتفل برأس السنة، ولما كشفت للعالم و للعدو الإفترضي ( حجم القوة)، بكل هذه الأريحية التي تؤكد بأنك لاتصلح لغير الهتاف والعنتريات التي لم تمنع قوات العدل والمساواة عن غزو عاصمتك في تلك الظهيرة..لوكانت أرواح الناس تحت حمايتكم الهتافية وتأمينكم الهلامي لما وجد هذا الوطن الحبيب وريثا ولما أنجب الأجداد والأباء حفيدا، ولكن عين الله تحرسهم وترعاهم، بيد أنكم تعجزون حتى عن حماية أموالكم بحيث كل عام وأهل عاصمة البلد بخير وعافية وراحة بال، ونسأله جل وعلا شأنه بأن ينعم على الخرطوم بالمزيد من السلام وينعم على واليها بالفطنة والحكمة..وأن يدثر هذا الوطن الحبيب وأهله، بالعدل والوئام والرخاء و..(السلام ) ..!!
..............
نقلا عن السوداني
نشر بتاريخ 01-01-2012
| |
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: أمير فتحي)
|
Quote:
المهم.. حدث رعيتك - يا رعاك الله -
|
لو تحدث كل انقاذي بما يعرف .. فقط!
لساد البلد صمتٌ رهييييييب!!
------
عجبني ليكم يا بخاري ..
عشان تاني ذاتو ما تبقى في فوارق مدنية/حضارية ..
طبقية بس!
الناس العندهم قروش في البندر ..
و انتو تجوا تتكاملونا في الاقاليم ..
و تجربوا مرة تراعوا فروقات التوقيت ..
المافي شنو!؟
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: قيقراوي)
|
Quote:
وطالعتنا حركة العدل والمساواة ببيان تدعو فيه
سكان العاصمة للاستعداد لاخلاء العاصمة ( حين الطلب )
|
إذا وصلت العدل والمساوة هذه المرة إلى الخرطوم فهي تستحق بجدارة ان يخلي لها الحزب الحاكم القصر والبرلمان وكفى الله المؤمنين القتال ، لأن الذي لا يستطيع صدهم في الصحراء المكشوفة خير له ان يبتعد عن الساحة.
وإذا إستطاعت الصواريخ الذكية (وطنية كانت او مؤجرة ) ان تصفي قادة وجيش العدل والمساواة فأرجوا أن يتحملوا تبعات ذلك بصدر رحب .
لا للحرب نعم للسلام ، نعم لدعم القوات المسلحة ضد التمرد أيا كان المتمرد وأيا كان الحزب الحاكم ، ندين تمرد العدل والمساواة على حكومة المؤتمر وندين تمرد المؤتمر على حكومة العدل والساواة يوم ان تصل السلطة بطول الطريقين العسكري والسلمي .
ورحم الله العباد وأراحهم من شر الظلم والتمرد أيا كان الظالم وأيا كان المتمرد .
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: Ahmed Yousif Abu Harira)
|
الأخ/ أبوحريرة
تحياتي لك وللأخ بخاري
Quote: يا بخاري المقصود - كما فهمت - اخلاء العاصمة مكان الوزارات والقيادات والسفارات والقيادات وكده
لو انت بعيد من ده كلو فلا تتجشم عناء الرحيل. زول بجيب خبرك ماف |
تفسيرك للبيان خظأ، الطلقات لا تفرق في ظل الرمي البعيد بين أحد، ربما من أطراف العاصمة تمهيدا للإجتياح،
لذا من أراد ان يتعامل مع الإنذار بجدية فاليفعل، ومن أراد أن يهمله، فيحنما يقع الفأس بالرأس فلا يلومن
إلا نفسه، خاصة وزير الدفاع الهميم يستدرج العدو ليقتله بالمناطق الحيوية( إبان غزوة الموز)، وهو نفسه
الوزير المهندس الذي يفسر قطع الكهرباء ( الهناية طارت، وضربت البتاع...... ).
المقصود إنه كلمتان لا يمكن نسيانهما، كلمة بديك ( بعطيك) وكلمة بقتلك. وطبعا العاصمة المثلثة هي لكل أهل السودان
صحيح أتيناها كبارا، لكن عشنا بها أكثر من قرانا، وسندافع عنها بأشرس ممن ولد بها وحينما غزتها العدل والمساواة
فقد كان من بين الشهداء إبن عمى الطالب بجامعة جوبا، فلم تفرق طلقات المتمردين بينه وبين من ولدوا بالعاصمة، لذا
الدعوة للسلام ضرورية والإستعداد على المستوى العسكري الرسمى والمدني واجب ونقول الله يكضب الشينة.
| |
|
|
|
|
|
|
|
|
 Re: أخلاء العاصمة مابين دعوة الوالي ودعوة حركة العدل والمساواة (Re: Ahmed Yousif Abu Harira)
|
يا ابو حريرة
Quote:
هو بالله قيقراوي ده اسمه فتحي!
مفروض يكون اسمو الكامل: عوج الطندب قيقراوي اللدر
|
ما بوصوا حريصن .. لكن برضو الوصية بالمهلة :
لا تبع رخيصاً
شكلوا في هجرة عكسية في الطريق (من البندر لي الريف)
هو (فتح الرحمن) .. لكن لما جينا الخراتيم فاتحين و مصاهرين ثقفناه لي "فتحي" لزو المدنية ؤ كدي
المافي شنو!؟
-------
لترتيبات اسرية خاصة اخوي قرر يصفي اعمالو في كوستي، و يرحل الكلاكلة(الوحدة)، معاهو الحاجة ..
ضرب لي فرحاااان بخطوتو القايلا ميمونة دي، عاوزني اباركا ليو ..
قلت ليو : عملتو شنو يعني، برضو 3 ساعات من الديم لسة!؟
كويس انو راجع براو قبل ما يطروه!
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
Quote: يا بخاري المقصود - كما فهمت - اخلاء العاصمة مكان الوزارات والقيادات والسفارات والقيادات وكده
لو انت بعيد من ده كلو فلا تتجشم عناء الرحيل. زول بجيب خبرك ماف |
يا أحمد لو افترضنا صحة كلامك عارف طلقة عادية عيار 6 مل
لو اطلقت علي اي وزارة في شارع النيل الطلقة دي ممكن تخترق
الجدار وتصل بيتنا في الديم عادي جدا لان الوزارات والمصالح
الحكومية تقع قريبا جدا من السكن ...
انا يا احمد فهمت البيان بشكل تاني :
مفروض عديل نطلع من الخرطوم وبحري وام درمان خالص
ولمسافة تم تحديدها تقريبا بثلاثين ميل
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
Quote: ياخال
سلام
كل سنة وانت طيب
بطل النقة واطلع بس
اسمع كلام ود اختك |
يا سيف يا ابني تحيات وسلامي لك
والله خالك لا بتاع نقة ولا حاجة
لكن الرأس ازدحم بكمية من الاسئلة
فالسيد الوالي قال الما قادر علي العيشة
في الخرطوم يطلع منها لانه دي الاسعار ويلا
وناس حركة العدل والمساواة بصدد الانتقام
لمقتل زعيمهم صرحوا بان علينا اخلاء العاصمة
لانهم سيجتاحونها بقواتهم ...
أنا عايز اوصل صوتي للوالي ولحركة العدل والمساواة
الخرطوم خرطومنا وما عندنا حتة تانية نمشي عليها
الغلبوا يحكم الناس ويخلي حياتهم ميسورة يطلع هو منها
والعايز ينتقم يعرف انه من المستحيل الاخلاء وبرضو الطلقات
لاتعرف الفروقات السياسية بين المواطنيين فالكل عرضة للتهلكة ..
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: بخاري عثمان الامين)
|
يا بخارى مساءك او صباحك سعيد
انا شايف الدعوتين مكملات لبعض
الغلابة و الما قادرين على الحياة يطلعوا من العاصمة
وبعدين ح يفضلوا القادرين وهم ناس الحيكومة وأتباعهم
وناس العدل يجى يلحقوا الجماعة الفضلوا ديل امات طه
و القادرين كمان لو طلعوا مع الغلابة تبقى البلد خلا وناس العدل يجوا يمسكوها بدون إراقة دما وتبقى ثورة بيضاء
لقيتونى كيف؟؟؟؟
.............
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: Elawad)
|
سلام اخ بخاري اجريت لقاء صحافي مطوّل مع الدكتور جبريل ابراهيم امين العلاقات الخارجية لحركة العدل والمساواة ،لصالح جريدة الجريدة واكد لي ان حركة العدل والمساواة لم تصدر اي بيان تدعو فيه لاخلاء العاصمة من ساكنيها لا من قريب او من بعيد وانها لا تستهدف المدنين الحوار سوف ينشر في جريدة الجريدة لاحقا ان اراد الله.
| |
|
|
|
|
|
|
|
|
|
Re: أخلاء العاصمة مابين دعوة الوالي ودعوة حركة العدل والمساواة (Re: محمود الدقم)
|
| Quote: سلام اخ بخاري اجريت لقاء صحافي مطوّل مع الدكتور جبريل ابراهيم امين العلاقات الخارجية لحركة العدل والمساواة ،لصالح جريدة الجريدة واكد لي ان حركة العدل والمساواة لم تصدر اي بيان تدعو فيه لاخلاء العاصمة من ساكنيها لا من قريب او من بعيد وانها لا تستهدف المدنين الحوار سوف ينشر في جريدة الجريدة لاحقا ان اراد الله. |
شكراً كتير يا محمود وربنا يطمئنك دنيا وآخرة
| |
|
|
|
|
|
|
| |
بخاري عثمان الامين
MOHAMMED ELSHEIKH
دينا خالد
Mohammed Ahmed Saeed
قلقو
omar alhag
أمير فتحي
قيقراوي
saif massad ali
Ahmed Yousif Abu Harira
حماد الطاهر عبدالله
محمد النيل
Elawad
محمود الدقم
فيس بوك
تويتر
انستقرام
يوتيوب
بنتيريست