Post: #1
Title: هابي نيو year من السودان الشغيغ
Author: محمد إبراهيم علي
Date: 01-02-2012, 10:19 AM
كل سنة والبورداب بالف خير
ثم ثانيا زين عالم شين جدا
|
Post: #2
Title: Re: هابي نيو year من السودان الشغيغ
Author: محمد إبراهيم علي
Date: 01-02-2012, 10:23 AM
Parent: #1
بورداب الرياض تحية خاصة وامنيات بعام سعيد
اها البرد كيف ؟
|
Post: #3
Title: Re: هابي نيو year من السودان الشغيغ
Author: محمد عبد الماجد الصايم
Date: 01-02-2012, 10:31 AM
Parent: #2
حمد لله على السلامة يا عمكـ
إن شاء الله الفورد انستر كويس!!
أما بالنسبة للبرد .. فطلع
مدفع دلاقين ساي .. حاليا بقينا في معمعة
تشغل المكيف تبرد تقفلوا تسخّن!!
|
Post: #5
Title: Re: هابي نيو year من السودان الشغيغ
Author: محمد إبراهيم علي
Date: 01-02-2012, 10:44 AM
Parent: #3
الله يسلمك يا عمك
الفورد يقاسي البرد في الرياض :)
بعد ان وردت تقارير بوجود جيش الدفاع الاسرائيلي في شرق السودان (راجع بوست حيدر الزين) :)
ومن سابق خبرتهم في استهداف السيارات راينا ان الاحوط التوجه جوا لوووول
وحتى هذه لم تسلم من شاب (يا بالع يا بالع) كاد ان يعيد رحلتنا الى الرياض 
سلامي للاوس والخزرج جميعا
|
Post: #4
Title: Re: هابي نيو year من السودان الشغيغ
Author: عبدالله ود البوش
Date: 01-02-2012, 10:37 AM
Parent: #2
عليك الله سلم على فداسي الحليماب وفداسي العامراب وكان قدرت روح بوشك
علي العيكورة وود الفادني
وشارع الزلط والناس القاعدين متفرجخين في الواطا في ميدان الكورة
الوراء الحلة والناس البجو من الخلا (شايلين شنو الليام يا ربي)
نعل ما شايلين دنكوج
.
.
تحياتي يا هندسة
ماتنسى تجيب معاك كيس العجوة سمح ؟
--------------------------------------------
بختك تشرب ساهي في شاهي فداسي الكسر الكباية
ولا قلت لي خلا الكسير ؟!!!!
مكسر قديم في شاهي فداسي
|
Post: #6
Title: Re: هابي نيو year من السودان الشغيغ
Author: محمد إبراهيم علي
Date: 01-02-2012, 10:55 AM
Parent: #4
تحية وكباية شاي صاموتي ليك يا عبدالله
قبل شوية بس كنا بنتناقش في السكر الوصل شوالو هنا 190 الف
في رايك شاي متل ده ما بيكسر الضهر قبل الكبابي :(
|
Post: #7
Title: Re: هابي نيو year من السودان الشغيغ
Author: Alshafea Ibrahim
Date: 01-02-2012, 11:24 AM
Parent: #6
تحياتي ياهندسة
وعامك سعيد ومليء بالسعادة والفرح وسط الأهل الطيبين الحلوين ناس الجزيرة ...
تحياتنا لكل الأهل هناك .
ما تنسى تجيب ليك معاك ورقة ساكت أنا ما زي ود البوش البطلب العجوة من هناك وهو قاعد في أرض العجوة ... جيب لي ورقة بأسعار السلع الآتية
الذرة ( طابت ، عكر ، فتريتة)
القمح ( الأحمر والأبيض) وسعر كيلو الدقيق كم
السكر ، المستورد والمحلي ( كيلو ، جوال )
الزيوت بكل أشكالها وأنواعها قالوا زيت البرعي فقط للمستطعين من مرضى وجع الركب
البصل ، البصل
الحليب المجفف والسائل . رطل ، كيلو
الويكة ، ناشفة ، لينة ، شوال ، كيلو .
اللوبيا بكل أنواعها بما فيها ( الكبكبية)
العدس بكل أنواعة .
اللحوم الحمراء والبيضاء منها .
الشاي . بالكيلو.
الحلويات .. ما تيسر منها ..
ما تراه مناسبا لعمل قوت يوما كاملا لأسرة متوسطة ( 4) أشخاص .
عشان نعرف الغلابة عايشين كيف ، ومستعدين كيف لما هو آت .
تحياتي
الشفيع إبراهيم
|
Post: #8
Title: Re: هابي نيو year من السودان الشغيغ
Author: أبو الحسين
Date: 01-02-2012, 11:48 AM
Parent: #7
كل سنة وانت طيب يا صاحب...
ونتمنى لك إجازة سعيدة بين الأهل والأحباب...
وترجع بالسلامة إنشاء الله...
صادق مودتي...
|
Post: #9
Title: Re: هابي نيو year من السودان الشغيغ
Author: saadeldin abdelrahman
Date: 01-02-2012, 12:21 PM
Parent: #8
حمدلله على السلامة و ان شاء الله البلد مرحبة بيك،
اأجمل الامنيات باجازة سعيدة
لو في الخرطوم قول عووك
|
Post: #10
Title: Re: هابي نيو year من السودان الشغيغ
Author: قيقراوي
Date: 01-02-2012, 12:42 PM
Parent: #9
حمد لله على السلامة يا عمك
سلم لينا على البلد .. و كل ناس البلد
و النيل
----
زمان البلد دي كانت الهلال، وردي، و النيل
ما فضل على وفاءه المجيد غير النيل
سلم لينا على جدائلو موجة موجة
|
Post: #11
Title: Re: هابي نيو year من السودان الشغيغ
Author: عبدالله ود البوش
Date: 01-02-2012, 12:49 PM
Parent: #7
الشفيع
سلام يا زول
والله بتبالغ ات قايل قائمة الاسعار الزمن دا زي حقت زمان بتاعة المدرسة
ثمن الرغيف 2 قرش
وثمن الكبريت 5 مليمات
والقائمة نفسها حتى تتخرج وتجي تدرس بيها ذاتها لاتتغير ولا تتبدل
حرم اسع اكتب في قائمتك دي لمن اصل لاخر سلعة سيد الدكان اقول ليهو
غير سعر اللولة دي جاني تلفون اسع قالوا زادت
قال فتريتة قال.
.
------------------------------------------
الشئ مو عجوة لازم تفضحونا يعني
شافع العرب اتكل فوق الشعب لي قولة فلان كعب
قال عجوة قال
ماتنسى الكيس يا هندسة والنوع الممتاز بالله
وسلم على عمك عبدالحق
|
Post: #12
Title: Re: هابي نيو year من السودان الشغيغ
Author: ود الخليفه
Date: 01-02-2012, 07:01 PM
Parent: #11
سلامات يا هندسة
وحمد لله بالسلامة واجازة سعيدة
وسمعنا صوتك ان تعذر اللقاء
|
Post: #13
Title: Re: هابي نيو year من السودان الشغيغ
Author: محمد إبراهيم علي
Date: 01-03-2012, 06:30 AM
Parent: #12
سلام يا شفيع
Quote: الذرة ( طابت ، عكر ، فتريتة)
القمح ( الأحمر والأبيض) وسعر كيلو الدقيق كم
السكر ، المستورد والمحلي ( كيلو ، جوال )
الزيوت بكل أشكالها وأنواعها قالوا زيت البرعي فقط للمستطعين من مرضى وجع الركب
البصل ، البصل
الحليب المجفف والسائل . رطل ، كيلو
الويكة ، ناشفة ، لينة ، شوال ، كيلو .
اللوبيا بكل أنواعها بما فيها ( الكبكبية)
العدس بكل أنواعة .
اللحوم الحمراء والبيضاء منها .
الشاي . بالكيلو.
الحلويات .. ما تيسر منها .. |
العيش (طابت) 150 الف وعكر 145 الفترتيا ارخص شوية
السكر 195 الف (محلي) لكن بيتباع في جمعية المعاشيين التعاونية بـ 177 الف المستورد فرقو 5 الف ارخص
الزيت الجركانة 18 رطل 80-85 الف (البرعي)
زيت صباح الجركانة 9 لتر 40-43 الف
البصل الكيلة 40 الف
اللبن المجفف 2 كليو 85 الف
اللبن الحليب الرطل 1500
الويكة الكيلة 60-80 المفلورة الملوة 20 الف والعادية 15
العدس الكيلو 10 الف
اللحم البقر 20 الف والضان 30 (الجزيرة)
الشاي الرطل 10 الف
الاسعار دي في الجزيرة اسعار الخرطوم ما عارفا لسة لكن واحد من الشباب يفيدنا
الله المستعان بس يا الشفيع الناس الله يكون في عونا
تحياتي لك وللاسرة
|
Post: #14
Title: Re: هابي نيو year من السودان الشغيغ
Author: محمد إبراهيم علي
Date: 01-03-2012, 06:57 AM
Parent: #13
الله يسلملك ابو الحسين وتحياتي لك وللاسرة
وشكرا لك على الدعوات الطيبات
تحياتي سعد الدين وان شاء الله نلتقى في الخرطوم قريب
قيقا بايت
البلد دي باهلها احسن بلد
والنيل لا زال يجري من الجنوب للشمال لوووول
بس النيل الازرق مليان برد (بفتح الباء والراء) وتسبب في فقداننا لاحد شباب القرية ليلة راس السنة له الرحمة
يا ودالبوش
مدني الان تصوت للحزب الجمهوري وبوش بيسلم عليك ويجيك الجمري بتاع بحري
الناس دي ما جربو عجوة عبدالحق سلطان الكيف
عجوة السعودية دي ما بتعدل مزاج ولا بتريح بعد كباية شاهي
ود الخليفة تحياتي
ان شاء الله ستكون احد محطاتي في الخرطوم لنستمع ونستمتع معك بمديحا صافيا يرد الروح
معليش يا شباب زين عالم شين والنت بطئ جدا
عشان كدة اجملت الرد عليكم
|
|