في هذا العام.. حاولوا إيصال أفكاركم ورؤاكم دون السباب وإيذاء الآخرين

فوقع ذلك سيكون أدوى وأقوى...

كونوا مدهشين عميقين متفهمين رائعين شعوريين حساسين مرهفين فنانين جميلين

الأخ أشرف مصطفى
كل عام وأنتم بخير , وعام جديد سعيد بإذن الله .
بالتأكيد هذا هو الهدف الأساسى والذى من أجله أنشأ أخونا بكرى أبوبكر
هذا البورد العظيم.
شكراً لك وشكراً لكل مبدع من إخوتنا وأخواتنا البورداب ممن يتحفوننا دوماً بِكلِ ما
مفيد , هم معروفين لدينا جميعاً بدون ذِكر أسمائهم.
تحياتى لك مرةً أخرى.

مولانا عبد الله سلامات ياخ وتحيات للأهل بالأبيض وبارا

Quote: الأخ أشرف مصطفى كل عام وأنتم بخير , وعام جديد سعيد بإذن الله . بالتأكيد هذا هو الهدف الأساسى والذى من أجله أنشأ أخونا بكرى أبوبكر هذا البورد العظيم. شكراً لك وشكراً لكل مبدع من إخوتنا وأخواتنا البورداب ممن يتحفوننا دوماً بِكلِ ما مفيد , هم معروفين لدينا جميعاً بدون ذِكر أسمائهم. تحياتى لك مرةً أخرى.

كل عام وأنت بألف خير
والله الإنسان لو متمكن في اللغة ممكن يوصل فكرته بأقوى الكلمات
دون إدخال أي نوع من الشتائم والسباب ويمكنه مقارعة الحجة بالحجة
بعدين ياخ الناس مختلفين لا يمكن أن تشتمهم لإختلاف آرائهم معك
والشخص الذكي ينتقد الفكرة وليس الشخص
لا يمكن أن تفرض للجميع بتبني وجهات نظرك لأنهم يرون أنفسهم صوابآ وأنك خاطئ
فأجمل شيئ المعايشة بين الجميع غض النظر عن إختلافاتهم
وإلا يكون فرض رأيك بالقوة ومنع الآخرين من إبدء آرائهم قمة التكبر والإستعلاء والسطحية

فوووووووووووووووووووووووووووووووووووووووووووق

سلامات يا اشرف. ياخى و الله دا كلام جميل. لكن انتا زاتك ما قدرت تلتزم بيهو
فى بوست صبرى الشريف قبل يوم لمن فشلت فى اقناع اى زول بوجهة نظرك قعد تدعو على الناس
المخالفين ليك فى وجهة النظر ... تسأل الله انو يقطع رزقهم و يفقرهم و شغلات من هذا القبيل
الحقيقة انا فوجئت يشهد الله و اندهشت ايما اٍندهاشة لهذا المسلك. يا اشرف انتا الله لو بعامل
الناس بطريقتك كانت منتظرك تجي تقول ليهو افقرهم و فلس بيهم و ما الى ذلك؟

غايتو الله يكون فى العون.

سلامات أخي الفاضل أبوبكر
أنا عارف نفسي أني أحمق إنسان في العالم وفي نفس الوقت اعد نفسي اطيب انسان في العالم
بالنسبة للحماقة اعترف انو دي احدي عيبوبي واسعى لتصحيحها وتذكير نفسي دوما
لذا تجدني اتجنب الدخول في المهاترات وفي مليون بوست اتفتح ما تداخلت فيهم
اخر بوست الشاغل المنبر عن عبد المنعم وفحولته اصلا ما قلت كلمة
رغم انني قرأت كل شيئ ولكن الموضوع اسخف من ان يرد عليه..والعارف عزو مستريح
وبالنسبة للطيبة فتبادرني بالطيبة اكون ممنون لك دائما وابدا
يعني البوستات البفتحها دي بستفيد منها قدر ما اتمنى الناس تستفيد منها
بعدين ياخ انا الكلام الفارغ وراء الكيبوردات ده بعتبره نوع من الجبن
الداير زول يقابله بالدرب والا They should put up or shut up
اها انا ما ملاك وبخطئ واتقبل النصح ولن تجدني اغلط في زول
لكن موضوع الدين ده موضوع حساس جدآ وبخلق عداوات وزعل لن ينمحي بسهولة
انا في البوست المعني لم اسب شخص وبرغم ان الباقر احضر الصورة
التي استفزتني لأبعد حد لم اسبه ولم اشتمه بل حتى لم ادعي عليه
لاني غير متأكد اذا كان هو انزلها ام لا ووضعت في الحسبان انها منقولة من مكان ما
فدعيت الله لمن دبلج الصورة اذا كان قصده اساءة القرآن..هذا كل ما فعلت
فكيف تكون مندهشآ وتوصف الامر بخلاف ما هو مكتوب ام انك اسأت فهم قرائتي؟
انا كمان قررت ان من يشتمني لن اشتمه ولكن سأترك حقي لله ليأخذه لي
ممكن ادعوا من اذاني لكن لن اشتمه رغم انني متمكن جدآ من الشتم
الواحد في المنبر ده بقى ونسة ما قادر يتونسها الناس اتغيرت شديد ياخ
لكن عزاؤنا ان هذا الهراء لا يصل الى الناس البسيطين في السودان
حتى لا يتغيروا كما تغير الكثيرييييييييييييين من اعضاء المنبر

Quote: بعدين ياخ انا الكلام الفارغ وراء الكيبوردات ده بعتبره نوع من الجبن الداير زول يقابله بالدرب والا They should put up or shut up

الاخ اشرف لك التحية والاحترام

ياخ كلامك رائع شديد ومنطقي شديد بارك الله فيك على هذه الدرر

الأخ شوقي
لك التحية والإحترام

قدر ما نحاول نلم الشمل ما نقدر
الناس إتغيرت كتير ياخ والأخلاق زاتها تغيرت
ولأن الشتيمة هنا أضحت مستباحة وكل زول قاعد في بلد ويشتمك بضغطة كيبورد
أصبحت النفوس ######ة وهناك حقد دفين وعدم ارتياح الناس بعضها لبعض
زي ما قال الامام الصادق: كل زول دافنها للتاني
معقول الناس دي يوم من الايام حا تتلمى في بلد واحدة؟؟

Quote: ولأن الشتيمة هنا أضحت مستباحة وكل زول قاعد في بلد ويشتمك بضغطة كيبورد أصبحت النفوس ######ة وهناك حقد دفين وعدم ارتياح الناس بعضها لبعض

تعرف يا اشرف مرارا وتكرارا انا بقول ليهم يا جماعة المنبر دا معمول لتبادل وجهات النظر وقد تختلف من شخص لاخر واحترامها واجب لكن اي زول تختلف معه يشتمك ما يخلي ليك صفحة في واحدة قبل كم يوم شبكتني يا متخلف ووووو الخ وطبعا وراها الكورس والادهي من كدا في واحدة قبل المداخلة سلمت عليها كان ردها لي لم تحياتك دي عليك تخيل ديل قالوا غايزين يغيروا النظام . وذي ما قلت الكلام دا بس بقولوا في البورد لكن على الطبيعة لن يستطيعوا

الاخ شوقي تحياتي ليك ياخ
وعفوآ على الكلمة المرشوشة وهي حـاقد أو حـقود (بعيد عنك)

Quote: تعرف يا اشرف مرارا وتكرارا انا بقول ليهم يا جماعة المنبر دا معمول لتبادل وجهات النظر وقد تختلف من شخص لاخر واحترامها واجب لكن اي زول تختلف معه يشتمك ما يخلي ليك صفحة في واحدة قبل كم يوم شبكتني يا متخلف ووووو الخ وطبعا وراها الكورس والادهي من كدا في واحدة قبل المداخلة سلمت عليها كان ردها لي لم تحياتك دي عليك تخيل ديل قالوا غايزين يغيروا النظام . وذي ما قلت الكلام دا بس بقولوا في البورد لكن على الطبيعة لن يستطيعوا

ودي المشكلة يا شوقي انو لمن تختلف مع زول يشتمك ويسبك
انا شخصيا الحمد لله ما قاعد ادخل في احتكاكات لأني لا اغلط على احد
لكن الحاصل في المنبر لا يبشر ويصيب بالإكتئاب وينفر بين الاخوة
بعدين في اقلام حقانية انطوت بعيدآ عن المنبر كان لها اثر عميق في اصلاح المنبر
هل يوجد امل انو الناس دي ممكن تتصالح وترجع اخوان تاني؟
معقولة البلد كلها بقت ساسة؟؟؟ شيئ عجيب ياخ

Quote: هل يوجد امل انو الناس دي ممكن تتصالح وترجع اخوان تاني؟ معقولة البلد كلها بقت ساسة؟؟؟ شيئ عجيب ياخ

اشك في وجود امل

الافلاس= الشتم والقذف الخ

وما اكثر المفلسين

هل يوجد امل انو الناس دي ممكن تتصالح وترجع اخوان تاني؟





????????????????

Quote: هل يوجد امل انو الناس دي ممكن تتصالح وترجع اخوان تاني؟

الاخت رانيه لك التحايا

اعتقد لو الناس عرفت معنى شرف الخصومة وعرفة حرية الرأي والرأي الآخر -- احتمال

شكرآ يا شباب وسأعود إليكما بإذن الله

شوقي الحبوب تسلم ياخ

Quote: اشك في وجود امل الافلاس= الشتم والقذف الخ وما اكثر المفلسين

بالفعل ما أكثرهم ولكن لا تفقد الأمل لأنه يمكن يحدث تغيير سريع وغير متوقع

إنت ما شافت مقالي الاسمه: هل يمكن ان يتغير العالم كله في عام واحد؟