Post: #1
Title: خليل بطل زمانه كلمات اميرة تبن
Author: الغالى شقيفات
Date: 01-01-2012, 04:53 AM
Parent: #0
خليل مات ما بدقوليه الخمية
خليل بدقوليه نقارة بزغردوا ليه بعزيمة
خليل مات راجل ود رجال
مات مغرور بقوته غلب الرجال
بفكره حير الامم الامم الكاذبه المليئة بالبهتان
خليل ما بتحزن ليه النسوان
خليل برفعو ليهو الف رايه عمران
خليل دكتور المعرفة المعرفة
خلاه ينكر الظلم ويقول يا غابة جاكى زول
خايل ضكران وهو طبيب انسان
فوق الحارة مشى وسط النيران
خليل دكتور قال علاج السودان ما كلوركين ولا بندول
السودانى جواهة اهة جرثومة الامن
السودان مرضه حكومة الكرتى السودانى مناعته سلبتها بندقية قوش
ودمه اضعف بالسجن والسوط
خليل دكتور فى الجزيرة اكتشف مرض الخوف وسبب النزلات المئوية
قال العلاج ما جرى للسعودية وقطر ومغامرات ملاحة بحرية
خليل قال لى وطن وفيه اهل
وحرام ارحل .. انا معاهم فى النار حرم
ولو كانو رجال اولاد رجال مالهم ما كتلوه لما ولع الخرطوم نار
مات مغدور زى قرنق لما ابى الفرقة والانفصال
قالو هبت قواتكم المسلحة هبت قواتكم المستعبدة
يا قتلة يا جهلة مثلتو بالجمالى الناصع اللامع
انتو لو كتلتو خليللكانت فرحة
لان يومه اتجمدو من الحدث
وصارت اجسامكم جثث
وكان ببنينا عليكم تذكار حرية وساحة سمر
خليل راجل ود رجال مات مغدور بصاروخ نظام غدار
العسكرى طاقيتو المعوجة ولسانه المكذوبة
ونظراتو كلها هلع وخوفة
قال كتلنا المتمردمن الكذب
نسى يقول كان الصباح ولا المغرب
مسكين عسكر السودان عشان قرشين باع ضمير انسان
مسكين جيش السودان ما عرف حلاة البطولات فى حماية السكان
لا عرف يرفع عجوز ولا سند مكسور
ماذى الصينى البدوس فى الزلزال دوس
ماذى الامريكى الكله احساس وذوق
يولع انواره ويشرف على الكوارث بحاله
كتلتى قرنق وخليل والزبيد
وابعدتى منى والحلو وعقار
مرحتى فى ربوع السودان وبشرتى يا ########
فى بلاد شعبو ماشى جيعان
وشيوخها ععيان وبناتها عريان
عيب يا حكومة الكيزان اشعلتى النيل الهادى كله نيران
عيب يا عفايت الزمان
الدنبا فانية ما بتدوم الصحة والمال
تقلى خيمة العزاء كمان وتنشرى حشراتك الجرزان
صحى خليل ضكران ود رجال
|
Post: #2
Title: Re: خليل بطل زمانه كلمات اميرة تبن
Author: Tragie Mustafa
Date: 01-02-2012, 08:10 AM
Parent: #1
شكرا الغالي
على نشر كلمات الاخت اميره تبن.
ويا اميره سامحيني لم اتصل عليك بعد
يعلم الله انك فارسه وتعرفي قدر الفرسان.
رحم الله الرجل الفارس د.خليل ابراهيم
وتقبل شهادته وعوضنا خير منه.
|
Post: #3
Title: Re: خليل بطل زمانه كلمات اميرة تبن
Author: الغالى شقيفات
Date: 01-06-2012, 03:32 AM
Parent: #2
شكرا الغالي
على نشر كلمات الاخت اميره تبن.
ويا اميره سامحيني لم اتصل عليك بعد
يعلم الله انك فارسه وتعرفي قدر الفرسان.
رحم الله الرجل الفارس د.خليل ابراهيم
وتقبل شهادته وعوضنا خير منه.
الفاضلة تراجىشكرا للمرور وللقصيدة بقية الرحمة للمغفرة للشهيد
|
Post: #4
Title: Re: خليل بطل زمانه كلمات اميرة تبن
Author: الغالى شقيفات
Date: 01-06-2012, 04:00 AM
Parent: #3
غدرت بيه وانت خايف حيران
عشان مات مارتن لوثر وافكاره لسة ماشة ذكرى واحتفال
على شان بعد خليل مليون طبيب بحمل فكرة الجراح العنيد
طبيب يؤمن بانه لعنة الله عليك يا افريقيا يا غدارة
انت غابة ولا بركان حرارة افريقيا كلك غابة ظلمة اشجارها
حكامك صفاتها صفات القرود (تخريب)
وحكمها حكم ظلم الاسود
القارات خضارها نبات وحمارها بساط افتتحات
سوادها دخان مصانع وعربات
افريقيا اخضرك كاكى وليس عساكر
احمرك دماء اولادك وسوادك قلبك القاسى
تدعى العروبة والاسلام
لا فيك شهامة ولا سلام سلام
العروبة فيها اطواق وجلابيات
والجلباب الابيض رمز الطهر والسلام
افريقيا يا نجسة اطهرى وتوبى
ولركب الحضارة والسلام فوقى
بكرة تكتشفى اللعبة وتضمضدى الامك الجريحة
لاحد يستدعيكى عشان تمضى سلام
ولاحد يمليكى ضد ابنائك كلام
ولاحد ياكل قروشك ويشيلك سلاح
ولا احد يسرق بترولك عشان لقمة وملاح
خرجى اولادك من السجون
احبسى الاسود وازرعى الغابة
ابنى بخشبها بيوت
واكسبى برعاية حيواناتها اجور
طلعى معارضينك من الجبال وابنى بحجارها جسور
خلى اولادك يغنو للحب
على شواطئ الوديان والجسور
ادى الطلبة ركن هادى وتايم
بكرة تزخرى بالف انش تايم
ليه تكونى انتى ماكلة وحقل تجارب
ما تنتجى انتى وتصدرى للخارج
يا نا نحن صدرنا اولادنا
للخارج استثمرنا وانتجنا
راجنك يا افريقيا تستوردينا
وان ابيتنا ياها امريكيا فخورة بينا
راجنك تحنى يوم علينا وتجمعينا
انفضى غبار العصور اللعينة
وانهضى واوصلى ركب العرينة
نعبنا من اكتشافاتك واخبارك الحزينة
خليل يا بطل العدالة ورمز الحرية
نام مرتاح خليت وراك افكار قوية
فكرة العدالة والحرية والمساواة
مابتموت بصواريخ ولا طلقات نارية
USA
|
Post: #5
Title: Re: خليل بطل زمانه كلمات اميرة تبن
Author: Tragie Mustafa
Date: 01-06-2012, 04:39 AM
Parent: #4
Quote:
خليل يا بطل العدالة ورمز الحرية
نام مرتاح خليت وراك افكار قوية
فكرة العدالة والحرية والمساواة
مابتموت بصواريخ ولا طلقات نارية
|
|
Post: #6
Title: Re: خليل بطل زمانه كلمات اميرة تبن
Author: الغالى شقيفات
Date: 01-06-2012, 11:15 PM
Parent: #5
Thank you A MIRA
|
Post: #8
Title: Re: خليل بطل زمانه كلمات اميرة تبن
Author: فقيرى جاويش طه
Date: 01-07-2012, 02:52 AM
Parent: #7
شقيقى الأصغر المناضل شقيفات
تحياتى وسلامى وأنت تنحت فى سجل المقاومه ضد عصابة المؤتمر الوطنى
إن الإجماع الوطنى عقب نبأ الغدر على العزيز الراحل المقيم دليل على رضاء الله عنه فى صدقه ووفائه لأهله ووطنه لذا إختاره لجواره إن حياته
كانت هاجسا مرعبا لعصابة الكيزان ورفعه للفردوس الأعلى تعجيل لرحيل
الطاغيه البشير وعصابته .
|
Post: #9
Title: Re: خليل بطل زمانه كلمات اميرة تبن
Author: الغالى شقيفات
Date: 01-07-2012, 07:59 PM
Parent: #8
Quote: شقيقى الأصغر المناضل شقيفات
تحياتى وسلامى وأنت تنحت فى سجل المقاومه ضد عصابة المؤتمر الوطنى
إن الإجماع الوطنى عقب نبأ الغدر على العزيز الراحل المقيم دليل على رضاء الله عنه فى صدقه ووفائه لأهله ووطنه لذا إختاره لجواره إن حياته
كانت هاجسا مرعبا لعصابة الكيزان ورفعه للفردوس الأعلى تعجيل لرحيل
الطاغيه البشير وعصابته . |
العزيز فقيرى
لك النحية والسلام
شكرا للمرور والمشاركة
وللدكتور خليل الرحمة والمغفرة
|
|