Post: #1 Title: الله يستر على دبي . Author: عمران حسن صالح Date: 12-31-2011, 09:04 PM Parent: #0
من كمية البذخ التي أراها الآن على الشاشة
Post: #2 Title: Re: الله يستر على دبي . Author: عمران حسن صالح Date: 12-31-2011, 09:09 PM Parent: #1
والله العظيم شاعر بخوف حقيقي كمية من البهرجة تعم المدينة بأكملها من أعلى برج وكل الكيلومترات المحيطة بالبرج ألعاب نارية تكفى لبناء ألف مستشفى وألف مئذنة وألف دار أيتام جنة الله في أرضــه بذخ خرافي منظر الكامير وهي تمر مسرعة على وهج الألعاب النارية فقط وتظهر شاشات الجوالات وهي تصور كأنها شمع مرصوص ثم نوافير ترقص وهي كالمشتعلة يا لرب هذا الجمال والجنون
Post: #3 Title: Re: الله يستر على دبي . Author: عمران حسن صالح Date: 12-31-2011, 09:14 PM Parent: #2
فقط أنتظــر اليوتيوب لأن المُشاهــدة تغني عن كل الكلام وبرضو لسه بردِدِ الله يستر على دبي
Post: #4 Title: Re: الله يستر على دبي . Author: الطيب شيقوق Date: 12-31-2011, 09:19 PM Parent: #3
عظمة عظمة عظمة يا عمران اخوي
ربنا يديم النعمة عليهم
رزقهم الله بالنعمة ورزقنا في اثرهم يا الحبيب
Post: #6 Title: Re: الله يستر على دبي . Author: عمران حسن صالح Date: 12-31-2011, 09:30 PM Parent: #4
Quote: رزقهم الله بالنعمة ورزقنا في اثرهم يا الحبيب
ومن يقول لا ؟ إتخيل النيلين وهِن متلاقيات لافيهم النور ده وحولو الجمال منثور والجوالات تصوِر والبطون مليانة بعد أن عم الخير كل البلاد والعباد الغلابى في بلدي .
_________ بس كمان حق دبي ده يخوووووووووف . ! والله يخوِف
Post: #5 Title: Re: الله يستر على دبي . Author: Ahmed al Qurashi Date: 12-31-2011, 09:22 PM Parent: #3
لقد استمتعت كثيرا عزيزي عمران[
بهذه الابداع ،زأظن ان قادة دبي ارادوا بهذا الاحتفال
ان يعيدوا لها بعض بريقها الذي فقدته في الازمة المالية الأخيرة
وان يروحوا لها سياحيا وان يقولوا نخن ما زلنا هنا نقهر المستحيل
ولك كل الود
/B]
Post: #7 Title: Re: الله يستر على دبي . Author: عمران حسن صالح Date: 12-31-2011, 09:34 PM Parent: #5
Quote: وان يقولوا نخن ما زلنا هنا نقهر المستحيل
ما هو قوة " قهر المستحيل " دي المخوفاني أصلاً يصورون لنا أشياء من الخيال في وقت قل فيهو الخيال " إلى هذا المستوى " بعد أن وصلت الدنيا التي لا تسوى عند الله جناح بعوضة إلى هذه الدرجــة !! هذا جنوووووووووون وبكل هذه التكلفة المادية ؟؟
Post: #8 Title: Re: الله يستر على دبي . Author: الطيب شيقوق Date: 12-31-2011, 09:43 PM Parent: #7
Quote: بس كمان حق دبي ده يخوووووووووف . ! والله يخوِف
وكان قامت الدوحة يا عمران اخوي والله حتتحير بس ديل شاغلهم الربيع العربي
انتظر البدع في كاس العالم في الدوحة
Post: #9 Title: Re: الله يستر على دبي . Author: عبد الحميد حسين Date: 12-31-2011, 10:01 PM Parent: #7
هذه صناعة متقنة يا عمران .. فعالية الأحتفال برأس السنة واحدة من عشرات الفعاليات التي تقام طوال العام فى دبي .. والبذخ والابهار مقصود ومحسوب بدقة التجار الشطار .. دبي وبفضل هذه الفعاليات والمهرجانات المستمرة طوال العام استقبلت فى العام 2011 8 مليون زائر من خارجها تركوا فى خزانة حكومتها ومؤسساتها التجارية 7.8 مليار دولار فكل هذه البهرجة والمتعة البصرية اوهام تجارية لبيع بضاعة السياحة .. فحاول قراءة ما داخل ورق اللف .. 10 مليون دولار العاب نارية ملونه بند صغير فى باب الدعاية والاعلان فى ميزانية الترويج ..اصحي لللعب ..
Post: #10 Title: Re: الله يستر على دبي . Author: البحيراوي Date: 12-31-2011, 10:15 PM Parent: #9
تحياتي يا عمران
بالله شوف نصيبنا نحن أهل السودان من خلال الحفل الذي كان هناك ومنقول الآن علي قناة النيل الأزرق
يعني دا نصيبنا ومساهمتنا نحن ما بالك باقي خلق الله
ما شاء الله عيني بااااااااااااااردة
بحيراوي
Post: #12 Title: Re: الله يستر على دبي . Author: jini Date: 12-31-2011, 10:20 PM Parent: #10
تب ما بتجيهم عجوة البلد الوحيد فى العالم العربي ألما فيهو اخوان مسلمين جني
Post: #15 Title: Re: الله يستر على دبي . Author: عمران حسن صالح Date: 12-31-2011, 10:40 PM Parent: #12
Quote: تب ما بتجيهم عجوة البلد الوحيد فى العالم العربي ألما فيهو اخوان مسلمين
أوكي ياجني معاكـ مليون في المية وألف تحية للرأي بس كمان ما فيها مسلمين عديل كده " ياخي دي عمايل موبالغــة " الله يستر والله
Post: #14 Title: Re: الله يستر على دبي . Author: عمران حسن صالح Date: 12-31-2011, 10:36 PM Parent: #10
Quote: بالله شوف نصيبنا نحن أهل السودان من خلال الحفل الذي كان هناك ومنقول الآن علي قناة النيل الأزرق
يعني دا نصيبنا ومساهمتنا نحن ما بالك باقي خلق الله
ما شاء الله عيني بااااااااااااااردة
بحيراوي
والله يا بيحيراوي دي ليلة غريبة جداً انا حسي بشوف في الحكاية دي موبااااااااالغة الله يحفظ دبي ياخي عاصم البنا عرف ليهم
Post: #11 Title: Re: الله يستر على دبي . Author: عمران حسن صالح Date: 12-31-2011, 10:19 PM Parent: #9
Quote: فحاول قراءة ما داخل ورق اللف .. 10 مليون دولار العاب نارية ملونه بند صغير فى باب الدعاية والاعلان فى ميزانية الترويج ..اصحي لللعب ..
يا أخانا القديم في الإسفير عبد الحميد حسين " ما بجيبكـ إلا الشديد القوي " والله قصت الدعاية والقروش والترويج مصدر رزقي اليومي بس بتكلم عن حجم الصرف الكلي لكل البهرجة والبهرجة في حد زااااااااااااتة يا ع الحميد عذاب الله هو ما يخيفني الغذاب بسبب دُعاء ملايين الجوعى والله أحب جداً أن أحتفل بمرور عام جديد وذهاب آخر رغم بعض القناعات الأخرى التي لا تغير كثيراً في آخر الأمر بذخ قدر ده بيغضب الرب .
______________________________________ أهلي الترابلة يعرفون قصة الشايقي الذي إفترى وكان يحضر كـلبــه معه إلى جزارة السوق الصغير ويطعمه كبده طازة يومياً وأهلي الترابلة يعاااااااااااينو !! ويستغفروا . مات جوعـاً ومرضاً " لا أدري ذلكـ ما دار ببالي وأنا أتمتع برؤية البهرجة في شاشة دبي "
Post: #13 Title: Re: الله يستر على دبي . Author: ABDALLAH ABDALLAH Date: 12-31-2011, 10:34 PM Parent: #11
ربنا يزيدهم هم فى رقبتهم ... وما شغَالين بى زول. بنوا مجدهم بحسن سياستهم الرشيده الشيخ زايد الله يرحمه وحدهم بينما قيادتنا السياسيه شتتت بلدنا شكراً عمران.
Post: #16 Title: Re: الله يستر على دبي . Author: طارق جبريل Date: 12-31-2011, 11:00 PM Parent: #13
الله يسترهم وما يظهر ليهم انقاذي زي حقننا
قريبي كل سنة وانت طيب
Post: #17 Title: Re: الله يستر على دبي . Author: عمران حسن صالح Date: 12-31-2011, 11:01 PM Parent: #13
ويزيدنـا من فضلو ونعيمو يا أستاذي .
______________________________________________ ربع ده كفانا ، السماحة العندنا إن إتلمت مع خير قدر ده ربنا بيخسف بينا الواطة " تعال أشرح دي يا صلاح عبد الله قلمكـ أسنَ "
Post: #18 Title: Re: الله يستر على دبي . Author: عبد الحميد حسين Date: 12-31-2011, 11:10 PM Parent: #11
الأخ عمران ..تحياتي وكل سنة وانت وكل أحبابك وجميع أهل هذا المكان بخير..
وما دمت فى سوق الأعلان والترويج فانت سيد العارفين أن صناعة السياحة وجذب السواح المتخمين بالدولارات منافسة عالمية لا يفوز فيها الا من يقدم نفسة بطريقة مختلفة ..أمارة دبي وبكل المقاييس الفعلية لا تستحق كل هذا الصيت العالمي الكبير ..ولا تملك فعلا من معايير السياحة الطبيعية او الجفرافية او التاريخيه الا هذا الصيت الكبير والذي صنعوه بجد واجتهاد من مثل هذة المهرجانات والأنشطة التجاريةالذكيه الأخري .. مثل هذا الأحتفال البارزوالباذخ لم يقام مثيله الا فى مدن محددة فى العالم سيكون اسمها غدا صباحا فى صدارة كل وسائل الاعلام التي سيكون حديثها طبعا عن العام الجديد وماذا فعل الناس لأستقباله ومن فعل !! مثلا أحتفال مدينة سيدني فى أستراليا يتصدر الاخبار وانباء العام الجديد منذ المغرب بتوقيتنا فقط بسبب انه احتفال لافت وكبير وباهر ويستحق ان يكون عنوان .وسيكون أحتفال دبي وأسم دبي ايضا فى مقدمة هذة الاخبار .. الشوربة أخي عمران ..هؤلاء الناس يصارعون للأحتفاظ بنصيبهم من كيكة السياح وأي تراخي او بخل فارض الله واسعة .. أما فيما يخص الأسراف الذي يستدعي (الغضب اللآلهي) على دبي ففيها من الأسباب الآخري ما يستدعي هذا الغضب ليس الأسراف اكبرها ..
Post: #19 Title: Re: الله يستر على دبي . Author: عمران حسن صالح Date: 12-31-2011, 11:24 PM Parent: #18
Quote: أما فيما يخص الأسراف الذي يستدعي (الغضب اللآلهي) على دبي ففيها من الأسباب الآخري ما يستدعي هذا الغضب ليس الأسراف اكبرها ..
كمن يعلقون العلم " الأحمر " على رؤوس كل العمارات بهكذا بهرجة . وذلكـ بيت قصيدي يا صديقي .
_________________ طبعاً بعمل رفرش في يوتيوب متوقع نزول المقطع وفعلاً في ظرف نص ساعة أكثر من 350 زيارة
Post: #20 Title: Re: الله يستر على دبي . Author: عمران حسن صالح Date: 12-31-2011, 11:27 PM Parent: #19
هذا أكثر إبداعاً مع التعليق
مدينة تحترق وتردد المذيعة " أووووووووه ماي قود "
Post: #21 Title: Re: الله يستر على دبي . Author: عمران حسن صالح Date: 12-31-2011, 11:31 PM Parent: #20
Post: #22 Title: Re: الله يستر على دبي . Author: خالد المحرب Date: 12-31-2011, 11:31 PM Parent: #20
ابو محمد كل سنه وانت طيب الشى السمح بعجب فعلا
Post: #23 Title: Re: الله يستر على دبي . Author: عمران حسن صالح Date: 12-31-2011, 11:36 PM Parent: #22
يا أبو أحمد مالكـ ما " ختفت رجلكـ " شاشات الجوالات زي الشموع يا أبو أحمد شوف المنظر كامل في آخر رابط " أعلاه " نفس الصورة النقلت الحدث على قناة دبي بهرجــة أكتر من البهرجة
Post: #24 Title: Re: الله يستر على دبي . Author: خالد المحرب Date: 12-31-2011, 11:41 PM Parent: #23
انا الان فى الدوحه يا ابومحمد اعمل لى مس كول عليك الله التلفون فى بوست مفتوح لانى والله ماحافظو البوست فى الصفحه الاولى
Post: #25 Title: Re: الله يستر على دبي . Author: اسماعيل عبد الله محمد Date: 01-01-2012, 08:14 AM Parent: #24
دبى انموذج يحتذى فى الرفاه الاقتصادى و التسامح الدينى وتلاقى الحضارات والثقافات ..
Post: #26 Title: Re: الله يستر على دبي . Author: عمران حسن صالح Date: 01-01-2012, 08:58 AM Parent: #25
Quote: دبى انموذج يحتذى فى الرفاه الاقتصادى
يُحتذي صعب :) قول شوية كده عشان (البطر) :)
Post: #27 Title: Re: الله يستر على دبي . Author: فايزودالقاضي Date: 01-01-2012, 09:08 AM Parent: #26
حبيبنا ابو محمد ..سلامات وكل سنة وانت واسرتك بخير ..
Quote: الله يستر على دبي .
انا جيت داخل البوست وقلت ادريس دبي ده اكتشفوا ليهو إيد في موضوع خليل ولا شنو !!
غايتو دُبي دي لو حصل ليها حاجة انت وبوستك ده حاتكونوا في بوستات الناس والعالمين ..
تحياتي
Post: #28 Title: Re: الله يستر على دبي . Author: عمران حسن صالح Date: 01-01-2012, 09:25 AM Parent: #27
Quote: غايتو دُبي دي لو حصل ليها حاجة انت وبوستك ده حاتكونوا في بوستات الناس والعالمين ..
عجبتني برضو ( دُبي ) بالأحمر ههههههههههه
Post: #29 Title: Re: الله يستر على دبي . Author: خالد درق Date: 01-01-2012, 03:59 PM Parent: #28
الاخ / عمران .. كل عام وانت بالف خير
Quote: يا لرب هذا الجمال والجنون
هذا جمال من واقع طبيعة البلد فادبى رائعة بروعة شيوخها وشعبها وتستحق ان تكون دايما فى المقدمة ورقم واحد فى كل شي بجد كانت ليلة رائعة وكنت موجود فى قلب الحدث شي فوق الخيال .. وربنا يحفظ دبى ان شاءالله
مودتى ...
Post: #30 Title: Re: الله يستر على دبي . Author: motaz Date: 01-01-2012, 05:00 PM Parent: #29
Post: #31 Title: Re: الله يستر على دبي . Author: osman righeem Date: 01-01-2012, 09:20 PM
امس بالصدفة ود حلال اتصل علي الساعة حداشر
و سألني عن حفل راس السنة فقلت له انا راجع يا دوب
من المكتب .... فقاطهني طبعا خاتي كرسيك في البلكونة وقاعد
طيب ليه البلكونة ....
قال عشان المهرجان هنالك
وطلعت البلكونةالمقابلة لبرج خليفة
وقفت حوالي الساعتين حتي تنملت الارجل
شئ فوق الوصف
Post: #32 Title: Re: الله يستر على دبي . Author: د.محمد بابكر Date: 01-01-2012, 09:28 PM Parent: #19
Quote: تب ما بتجيهم عجوة البلد الوحيد فى العالم العربي ألما فيهو اخوان مسلمين جني
Post: #33 Title: Re: الله يستر على دبي . Author: عمران حسن صالح Date: 01-02-2012, 10:13 AM Parent: #32
الاخوة الأعزاء خالد درق ، وربنا يحفظ دُبي من غضب الطبيعة وحسد " الجيران " :)
motaz ، صورة معبِرة تماماً ، القعاد فوق الرملة " متوسدين الوطة " وتكنلوجيا الألعاب النارية ، ياخي ديل قاعدين في أحسن نوقع للمشاهدة :)
osman righeem " حكاية البلكونة دي ما تكلم بيها أيِ زول :)
د.محمد بابكر ، عاملين ليكـ هلع الجماعة :)
__________________________ أشكر مروركم يا شباب ولولا زنقة الدوام لطال الحديث
