Post: #1
Title: تعالوا انتوا مدرب الهلال الجديد دا حا يدرب منو والله الا يلعب براهو ؟
Author: يوسف الدفينة
Date: 12-30-2011, 06:46 PM
والله مازمبي دا لو رمى رباط الجزمة (بدون مآخذة ) ناس الهلال يجروا وراه ويسجلوه ..
ما الحكاية فيها حكاية ..
والعقدة لا زالت عامله عمايل ..
والخمسة مفعولها لا زال مستمر ..
زمان ما قلنا ليكم حبة اوحبتين بيجيبن نتيجة ..
تمشوا يا ناس الهلال تاخدوا خمسة وفي استادكم ..
اها جبتوها بي يدكم نعمل ليكم شنووو..؟؟
انتوا با ناس الهلال ما قاعدين تقروا ارشادات وزارة الصحة ولا شنووووو ..؟؟
ما تلملموا الزبالة يا هلالاب بالله عليكم ...
|
Post: #2
Title: Re: تعالوا انتوا مدرب الهلال الجديد دا حا يدرب منو والله الا يلعب برا
Author: يوسف الدفينة
Date: 12-30-2011, 06:50 PM
Parent: #1
بعدين النجيكم بي النجيضة وبراحة براحة ..
قالوا مدرب الهلال الجديد حقق ما مازمبي بطولات كثيرة ..
وسمعنا انو الراجل لا بتاع لعب ولا بتاع خمج ..
الراجل قالوا عليهو بتاع بطولات و بس ..
تعالوا ورونا يا هلالاب البطولات الحققها مدرب الهلال الجديد مع مازمبي ..
واوعي تكونوا حاسبين الخمسة التي اخدها الهلال باستادة ضمن بطولات مازمبي ..
غايتو لو سالتوني انا عن خمسة مازمبي في الهلال هل هي بطولة ام لا ..؟؟
بقول هي ام البطولات ...
|
Post: #3
Title: Re: تعالوا انتوا مدرب الهلال الجديد دا حا يدرب منو والله الا يلعب برا
Author: يوسف الدفينة
Date: 12-30-2011, 06:54 PM
Parent: #2
بعدين لو افترضنا فرضاً ان مدرب الهلال دا مدرب ممتاز و ناجح ..
وين اللعيبة الحا يدربهم مدرب الهلال الجديد ..؟؟
طبعاً صدقتوا الحكاية يا هلالاب ..
والله الا يخش الميدان ويلعب براهو ..؟؟؟
|
Post: #4
Title: Re: تعالوا انتوا مدرب الهلال الجديد دا حا يدرب منو والله الا يلعب برا
Author: يوسف الدفينة
Date: 12-30-2011, 07:02 PM
Parent: #3
انتوا كنتوا يا ناس الهلال تسجلوا مدرب مازمبي كلاعب ..
مش تتعاقدوا معاهوا كمدرب ..
بعدين تعالوا النسألكم من الخير ..
يوسف محمد عملتوا معاهو شنووووو..؟؟
قال فرنسي قال ...
|
Post: #5
Title: Re: تعالوا انتوا مدرب الهلال الجديد دا حا يدرب منو والله الا يلعب برا
Author: يوسف الدفينة
Date: 12-31-2011, 12:30 PM
Parent: #4
تسجيلات الهلال السنة دي عامله ذي البت الرقصت في السلم لا الفوق شافوها ولا التحت عرفوها ..
ومع ذلك الهلالاب جالسين مترصدين المريخ وبيبخسوا في انجازاته بي الفيها والما فيها...
|
Post: #6
Title: Re: تعالوا انتوا مدرب الهلال الجديد دا حا يدرب منو والله الا يلعب برا
Author: محمد حيدر المشرف
Date: 12-31-2011, 01:14 PM
Parent: #5
والله ياخ ناس الهلال ديل غريبين جدا ..
ما يوفرو قروش المدرب الاجنبى ده للحكام !!
والدورى ده, المريخ ما يشوفو تانى 5 سنين !!..
يموتو فى المظاهر !؟
|
Post: #7
Title: Re: تعالوا انتوا مدرب الهلال الجديد دا حا يدرب منو والله الا يلعب برا
Author: صبري طه
Date: 01-02-2012, 01:42 PM
Parent: #5
| Quote: تعالوا ورونا يا هلالاب البطولات الحققها مدرب الهلال الجديد مع مازمبي .. |
وسرد غارزيتو سيرته الذاتية من خلال مشواره التدريبي وقال انه قد بدا مشواره التدريبي بفرنسا في مده تجاوزت الخمسة عشر عاماً مؤكدا بانه صعد بكل الاندية التي دربها للاعلي وتقدمت في التصنيف الكروي مشيرا الي انه تولي تدريب منتخب ساحل العاج ومنتخب توغو الاول ونادي مازيمبي الكنغولي في الفترة مابين 2003 - 2004 ومن ثم العودة مرة اخري لدياره في العام 2008 - 2009 محققا معه لقب بطولة دوري ابطال افريقيا وبعدها غادرت الكنغو لتدريب الوداد المغربي بكازبلانكا ومؤخرا اشرفت علي اكاديمية باماكو عاصمة غينيا الاستوائية لفترة شهرين خرجت عدد 44 لاعبا تشبعوا وتسلحوا باساسيات كرة القدم وقال انه متفائل بتحقيق النجاحات في الفترة القادمة مع الهلال بشرط ان يكون العمل الجاد والاخلاص والانضباط والانسجام هو شعار المرحلة القادمة.
المصدر
ـــــــــــ
من السيرة أعلاه يتضح أن غارزيتو حقق بطولة دوري أبطال إفريقيا مع مازيمبي في موسم 2008-2009
المطلوب منك: إثبات أنّ غارزيتو لم يحقق أيّة بطولة مع مازيمبي (عشان ما يكون النقاش جعجعة قهاوي ساكت كدة)
|
|