|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: الطيب شيقوق)
|
شيقا
كل سنة وانت طيب
شوف البراز دا
الجماعة كان يرسلو لي ناس عبد المجيد تانكر العرقي طلع روحهم
البريطانيون يبكون 48 دمعة في الدقيقة الليلة
يتوقع أن ينفق البريطانيون اليوم 1.5 مليار جنيه استرليني على احتفالات رأس السنة الميلادية، وسيستهلكون من المشروبات الروحية ما يكفي لملء 545 حوض سباحة أولمبي الحجم. هذا ما أظهرته دراسة جديدة أشارت الى أن 70 % من البريطانيين سيسهرون حتى الساعة الواحدة من بعد منتصف ليلة رأس السنة الميلادية. ووجدت الدراسة أن الاسكتلنديين هم الأكثر جرأة في السهر، وسيبقى الكثير منهم مستيقظين حتى الساعة الخامسة من صباح اليوم الأول للعام الجديد. وقالت إن 35 % من البريطانيين سيذرفون بهذه المناسبة 48 دمعة في الدقيقة لمدة 4.5 دقائق، وهناك الآلاف سيبكون حزناً على انتهاء علاقاتهم العاطفية، وسيعاني 12 % منهم من انهيار زواجه أو علاقته العاطفية عشية رأس السنة الميلادية. بينما الذين سيبكون فرحاً يقدرون بالآلاف فقط. وهناك أيضا 25 % منهم يرون أن رأس السنة الميلادية هي أفضل ليلة لطلب يد شريكة الحياة، وأقام خلالها 11 % منهم علاقات غرامية جديدة.
¶ الصن ¶
http://www.alqabas.com.kw/Article.aspx?id=759982&date=31122011
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: khaleel)
|
خلي
Quote: الجماعة كان يرسلو لي ناس عبد المجيد تانكر العرقي طلع روحهم |
ياخ ايام الزمن الجميل اخوان فاطنة كان بنزلوا البيرق او الراية ويفتحوا الرحمة للعيال مجانا يقرطعوا اليوم كلو واخر اليوم اى واحد فيهم يطبق عكازو المضبب ويتلهم العنكوليب .
تقول لي نواعم الاوربيين ديل البتنتهي بالاسلو دانسنغ ؟
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: الفاتح ميرغني)
|
توحي
كل سنة وأنت بالف خير.
Quote: مع اطيب الامنيات إنه عام 2012 يكون عام خير وفير وعنكوليب كتير. باشمهندس فيصل ده كان كسب المليون بإلله أديني خبر. كنت عاوز اوريهو إسم السفير لكن شالتني نومة ياخ لحدي ما البرنامج إنتهى. |
يا ميييييييييييييييين وجمعا يا رب
اكيد النومة شالتك عشان توفر للترويسة يا مسنووووووووووووووووح
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: الطيب شيقوق)
|
ود شيقوق
تحياتي الطيبة
انت نصير للمراة ايه الغير الحال ان شاء الله قوي الهوس الديني ما اصابت عقلك بشي
ديل من الاتتساخ بمكان كبير وعداء المراة هو الجند الاول
يا سيدي حضرت لك لمعرفتي انك ليس من انصار فصل الرجال عن النساء
شهيد الفكر الاستاذ محمود محمد طه قال
المجتمع المنعزل رجاله عن نسائه ليس اصلا في الاسلام
عموما تحياتي الطيبة
ردي لك وفقا للعنوان
محبتي لك ولاهلك اينما كانوا صعيد ام سافل
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: Sabri Elshareef)
|
عزيزي صبري ود الشريف
Quote: يا سيدي حضرت لك لمعرفتي انك ليس من انصار فصل الرجال عن النساء
شهيد الفكر الاستاذ محمود محمد طه قال |
لا يا اخي صبري انا نصيرها اينما كانت وأدافع عن حقوقها الاساسية في كل المنابر لا سيما تلك المتعلقة بمساواتها مع الرجل
ولان الترويسة ليلية فانا اخشى عليها من ان يتطاير عليها شرر نيران ناس طارق جبريل وفيصل خليل وكدا
تحياتي الطيبة
وكل عام وانت وعولك كوووووولهم بالف خير
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: الطيب شيقوق)
|
كل سنة وكلنا تامين ولامين بمناسبة الدخول للرجال وبس قال الراوى " فى واحد شابك ليك زوجته يا عسل تعالى يا عسل شكرا يا عسل اى حاجة يا عسل " واحد صاحبه شاف القصة دى ما جايه سال صاحبه ـ انت ليه ما بتنادى زوجتك باسمها ؟ قال ليهو ـ ياخ والله نسيتو متزوج لى 23 سنه نسيت اسمها اعمل شنو ؟ فنورجو ان لاتنسوا اسمنا وكدا يا شيقا يا اجمل صديق ربنا يحفظك ويغتيك ويخلى ليك اولادك واحفادك عارفاك حتقوم تزعل منى لكين كلنا عندنا احفاد "وبيت الامانة كمان " تسلم وكل ضيوفك بالف خير
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: سلمى الشيخ سلامة)
|
سلومة بت ابوي الشيخ
كل سنة وانت طيبة
Quote: بمناسبة الدخول للرجال وبس قال الراوى " فى واحد شابك ليك زوجته يا عسل تعالى يا عسل شكرا يا عسل اى حاجة يا عسل " واحد صاحبه شاف القصة دى ما جايه سال صاحبه ـ انت ليه ما بتنادى زوجتك باسمها ؟ قال ليهو ـ ياخ والله نسيتو متزوج لى 23 سنه نسيت اسمها اعمل شنو ؟ |
هههههههههها بيكون ما ضاق لو عطشة
الازيار جنبو خاتنها سبيل يتناول الكوز المربوط في الدقاقة ويقرطع سااااااااااااى
Quote: ربنا يحفظك ويغتيك ويخلى ليك اولادك واحفادك عارفاك حتقوم تزعل منى لكين كلنا عندنا احفاد "وبيت الامانة كمان " تسلم وكل ضيوفك بالف خير |
جمعا يا رب بس انت صغيرة وقدرك ساى تكونى حبوبة يا ام عزة
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: سلمى الشيخ سلامة)
|
قاااال للرجال فقط قاااااااااال
إش حال لو ما كنت شيقا ... المعودنا على الإنصهار المباشر ...
ووالإنبطاح التام امام( سعادتهن)
مالك يا شيقا .. المكابره فوووق كم ..
بعدين راس السنه بدونهن شن طعمه .. وبوستك المسييييييخ دا عايز يدق الاسافين ..ويخلق جزر جديده ___________________________________ انا بكتب في الرد دا و(المره) قاعده جنبي ...المعنا إنو (معزور ) خلوها تقووم تمش ..وبعدين ...
________________ كل عام والجميع بخيير ... وسنه حلوه على قلوبكم (للنساء ) وعلى (جيوبكم) للرجال .
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: محمد النيل)
|
وانتهز هذه الفرصة لاهدي لام العيال اطيب التمنيات بالعام الجديد وان يمنحها الله تعالي موفور الصحة والعافية و يديم عليها نعمه ويحفظها وعيالها وانها السند وأم الولد .
وبرضو اطيب التمنيات لصاحب البوست و الاخوات المرن من هنا رقم حكاية ممنوع الدخول
وبرضو اطيب التمنيات للباشمهندس صلاح حسين واسرته بمسقط عمان *
و برضو بمناسبة فك اسر وضاحة ربنا يرجعلنا بنات الخليفة و بت الشيخ
واختم قولي بالصلاة معظما اللهم صلي و سلم علي سيدنا محمد وال محمد
وغربل المؤتمر الوطني في رياح الخماسين ... اللهم آميييييييييييييين
____________________________
* صلاح حسين قريب و صديق و جار ود شيقوق كان ما قرأ بوستاتو الطيب بيحاربو
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: osman righeem)
|
Quote: وانتهز هذه الفرصة لاهدي لام العيال اطيب التمنيات بالعام الجديد |
يا عثمان هو قالوا ليك ما فى مر بتدخل هني يعنى كيف تهدى ام العيال التهنئة فى بكانا هى ما بتدخلوا ول من باب اشكروا زوجاتكم فى السر والعلن ههههههها يمناسبة السنة الجديدة اهن رايك شنو فى التعدد كل سنة وانت طيب
...... انا غايتو مما طرحت السؤال دا مافى وحدة جات مرت بى هني اهن طردتهن ليك يا شيقوق انا قلت العنوان ما طردن لكن التعدد بيطردن مو فكرة سمحاااا؟؟؟؟؟!!!!!
يلا إتفسحوا
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: محمد النيل)
|
Quote: يمناسبة السنة الجديدة اهن رايك شنو فى التعدد كل سنة وانت طيب
|
حكاية التعدد دي موضوع طويل من ناحية عندما يكون ضرورة ( وانا شخصيا لم امر علي حالة الضرورة هذه ابدا) او من ناحية مستجدات اجتماعية مثل انضمام الزوج الي المؤتمر الوطني و يريد ان يعلي مكانته بزواج السكرتيرة أو مديرة المكتب أو اخت الوزير البايرة أو المذيعة الحلوة بما انه عين في قطاع الاعلام هذه كلها زيجات انا اعتبرها من باب الخيانة للزوجة الاولي و العيال اما من ناحية الاستمتاع فهذا تمت الاجابة عليها ضمنيا
اما عن موقفي الشخصي كدي بس خليني انضم الي المؤتمر الوطني و يسوني وزير زي ابن عمي علي كرتي طوالي بعرسها وارسلها اليابان عشان يقول علي عرس الياباني
لكن من الناحية العملية مرات كتيره كده بكون قاعد براي واسترجع ملفات حايتي واطلع بي نتيجة هس لو كان ما اتزوجت بت الغوث دي كنت اسوي شنو ؟؟؟ و طوالي ارجع للقاعدة الرئيسية و التي اعتمدها كمنهاج لحياتي الزوجية والعملية و الاجتماعية
ما تعكر مويتك البتشربا
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: محمد النيل)
|
Quote: انا غايتو مما طرحت السؤال دا مافى وحدة جات مرت بى هني اهن طردتهن ليك يا شيقوق انا قلت العنوان ما طردن لكن التعدد بيطردن مو فكرة سمحاااا؟؟؟؟؟!!!!!
|
يا اخونا انت من وين جبت انه الحريم برفضن التعدد
قلو ما وافقت انها تكون الاضافة الثانية التعدد بيحصل كيف
التعدد جريمة نسائية كاملة الدسم
ما سمعت راجل المره حلو حلاة .... (سمعت راجل بيغنيها)
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: osman righeem)
|
ود رغيم - عشاء البايتات ومقنع الكاشفات
Quote: وانتهز هذه الفرصة لاهدي لام العيال اطيب التمنيات بالعام الجديد وان يمنحها الله تعالي موفور الصحة والعافية و يديم عليها نعمه ويحفظها وعيالها وانها السند وأم الولد . |
ربنا يديها الصحة وموفور العافية ويحفظكم واولادتكم من كل شر
Quote: وبرضو اطيب التمنيات لصاحب البوست و الاخوات المرن من هنا رقم حكاية ممنوع الدخول
وبرضو اطيب التمنيات للباشمهندس صلاح حسين واسرته بمسقط عمان *
و برضو بمناسبة فك اسر وضاحة ربنا يرجعلنا بنات الخليفة و بت الشيخ
واختم قولي بالصلاة معظما اللهم صلي و سلم علي سيدنا محمد وال محمد
وغربل المؤتمر الوطني في رياح الخماسين ... اللهم آميييييييييييييين |
آمييييييييييييييييييين يا رب Quote: * صلاح حسين قريب و صديق و جار ود شيقوق كان ما قرأ بوستاتو الطيب بيحاربو |
ود حسين يا عثمان اخوى قارئي جيد لبوستات سودانيز وكل مرة يلاقيني يبدأ بالتعليق عن السناحات .
امبارح أمنا في صلاة المغرب وقرأ لنا في الركعتين الاولتين ايات من سورة البقرة بتلاوته الحلوة
بعد انتهت الصلاة قام واحد مسنوح قال ليهو (لكم تمنينا ان تقرأ لنا في الركعة الثالثة جهرا )
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: الطيب شيقوق)
|
Quote: لمن لهم الرغبة في المداخلة - مش من لهنّ المداخلة - التواصل عبر |
قنعت من حمام المنبر غلبك ؟ بقيت تفتش في حمام الصي ( مابتقدر علي ) قمر الصي والقطا ميراسه أصعب شركك مجلي ألعب غيرها ...... أمش لي ود الصائم أخد دروس عصر أيملك دا قسم وياخد ود ابوالقاسم من وشي كان يرسل ليك فيهو ود المحرب خالد ههههههههههههه هيييييييييع أنا الكاكو الفجخ الطين أنا الضب الوقع في العجين
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: الطيب شيقوق)
|
بسم الله الرحمن الرحيم
اعوذ بالله من الشيطان الرجيم
ادخلو البوست بسلام امنين
دخلت الملائكة ............العارف رحو يطلع الحين
الناس بتكبر بتعقل وناس تانى حالتهم حالة
البنيات طردهم من البوست مالك ..... الله يسلط عليك ام عبد الله توريك المكشن بلا بصلة
حسع جاى ناطى بكلجه عنكوليب وقاعد زى قرد الطرد تنقى فيها تمدغ الله يستر علينا من عمائلك
الحمد لله فى شوفت المسانيح الطلو فى البوست
Quote: لمن لهم الرغبة في المداخلة - مش من لهنّ المداخلة - التواصل عبر
[email protected]
اي رسالة منهن الخور وبس
مهندس بكري طول بالك شوية
البوست فيه الكثير من الرسائل الايجابية |
هو انت ما كفاية عاوز كمان نجيك فى الايميل .......زمن اغبر
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: Yousif A Abusinina)
|
سنو
الف سلامة بطلتك
الليلة ادوك الاذن؟ كتر خيرها بت القبائل
Quote: دخلت الملائكة ............العارف رحو يطلع الحين
الناس بتكبر بتعقل وناس تانى حالتهم حالة
البنيات طردهم من البوست مالك ..... الله يسلط عليك ام عبد الله توريك المكشن بلا بصلة
حسع جاى ناطى بكلجه عنكوليب وقاعد زى قرد الطرد تنقى فيها تمدغ الله يستر علينا من عمائلك
الحمد لله فى شوفت المسانيح الطلو فى البوست |
سمعت بخبر وضاحة جات جيت مارك من جحورك
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: الطيب شيقوق)
|
Quote: الوليد عبد اللطيف
اول حاجة مبروك صورة البروفائل الجديد - ياخ انت زول سمح بالحيل لكن مضيع رقبتك ساى
الصورة دي شيلها اكان ما شلتها بتفطس ليها حمامة في المنبر دا
|
ياشيقا انا ما مضيع نفسي انا مضيعني انتو واصحابك ناس محمد المرتضى حامد تدخلو هنا وتقولو كلام كبار كبار وتشتتو السكر للحمام عشان كدا مافي زول بعاين لينا اها شوف هسه جنس سوات منال التي لاتدخل بوستاتي حتى ولو تحية ههههههههههه ياخي لو تعرف الحكاية برضي بهواك للنهاية وخلي قلبك يكون معايا
ربنا يحقق الاماني ياشيقا
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: وليد عبد اللطيف)
|
الوليد
Quote: ياشيقا انا ما مضيع نفسي انا مضيعني انتو واصحابك ناس محمد المرتضى حامد تدخلو هنا وتقولو كلام كبار كبار وتشتتو السكر للحمام عشان كدا مافي زول بعاين لينا اها شوف هسه جنس سوات منال التي لاتدخل بوستاتي حتى ولو تحية ههههههههههه ياخي لو تعرف الحكاية برضي بهواك للنهاية وخلي قلبك يكون معايا |
ياخ طالما جدعت عمتك وطاقيتك المشنقا زى تاجر زريبة المواشي ودرعت الافرنجي تاني الحمام يحوم في راسك زي النحل .
منال طفرتوها من البوست يا حاسدين
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: الطيب شيقوق)
|
Quote: يمناسبة السنة الجديدة اهن رايك شنو فى التعدد كل سنة وانت طيب
حكاية التعدد دي موضوع طويل من ناحية عندما يكون ضرورة ( وانا شخصيا لم امر علي حالة الضرورة هذه ابدا) او من ناحية مستجدات اجتماعية مثل انضمام الزوج الي المؤتمر الوطني و يريد ان يعلي مكانته بزواج السكرتيرة أو مديرة المكتب أو اخت الوزير البايرة أو المذيعة الحلوة بما انه عين في قطاع الاعلام هذه كلها زيجات انا اعتبرها من باب الخيانة للزوجة الاولي و العيال
اما من ناحية الاستمتاع فهذا تمت الاجابة عليها ضمنيا
اما عن موقفي الشخصي كدي بس خليني انضم الي المؤتمر الوطني و يسوني وزير زي ابن عمي علي كرتي طوالي بعرسها وارسلها اليابان عشان يقول علي عرس الياباني
لكن من الناحية العملية مرات كتيره كده بكون قاعد براي واسترجع ملفات حايتي واطلع بي نتيجة هس لو كان ما اتزوجت بت الغوث دي كنت اسوي شنو ؟؟؟ و طوالي ارجع للقاعدة الرئيسية و التي اعتمدها كمنهاج لحياتي الزوجية والعملية و الاجتماعية
ما تعكر مويتك البتشربا |
ههههههههههههههههها يارغيم إجابتك مترددة تحس فيها كانك بترد فيها على الحكومة وليس السائل
بى طريقتك دى مويتك دى ياخوى حتى لوكان عكرانة أشربها ما تفكر فى العصير هههههههههها
مودتى
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: محمد النيل)
|
الاخ الطيب و ضيوفه الكرام لكم التحايا
جينا داخلين لكن لقينا الحكاية عزابة ساكت براحة اتخارجنا اصلنا علمونا زمن الجامعة و نحن تحت امرة الباشمهندس صلاح حسين او على الاصح صلاح سوق انه ونسة الضكير للضكير النوم اخير و فى المقابل و نسة البنية للبنىه اخير مشى الداخلية
ود حسين يا عثمان اخوى قارئي جيد لبوستات سودانيز وكل مرة يلاقيني يبدأ بالتعليق عن السناحات .
امبارح أمنا في صلاة المغرب وقرأ لنا في الركعتين الاولتين ايات من سورة البقرة بتلاوته الحلوة
بعد انتهت الصلاة قام واحد مسنوح قال ليهو (لكم تمنينا ان تقرأ لنا في الركعة الثالثة جهرا )
التحية العطرة لصديقى العزيز صلاح الدين حسين الحسن و كان لابد و ان يكون صوته شجيآ و هو يتلو القران فقد كنا فى ذلك الزمن الجميل نتوافد على محل اقامته ليطربنا بجميل اغانى الشايقية
| |
|
|
|
|
|
|
Re: رأس السنة هنا للرجال وبس ، من تدخل هنا لا تلمنّ إلا نفسها (Re: حيدر بشير)
|
الاخ حيدر ود بشير
باقي لي البوست اتنقس ( من تنقسي) كلو
Quote: جينا داخلين لكن لقينا الحكاية عزابة ساكت براحة اتخارجنا اصلنا علمونا زمن الجامعة و نحن تحت امرة الباشمهندس صلاح حسين او على الاصح صلاح سوق انه ونسة الضكير للضكير النوم اخير و فى المقابل و نسة البنية للبنىه اخير مشى الداخلية |
ههههههههههههههههههههها اتصلت في صلاح الحين وباقي لي نام ما برد - لكن ليك علي بكرة من الصباح اتلهمو ليك بالاسم دا
Quote: التحية العطرة لصديقى العزيز صلاح الدين حسين الحسن و كان لابد و ان يكون صوته شجيآ و هو يتلو القران فقد كنا فى ذلك الزمن الجميل نتوافد على محل اقامته ليطربنا بجميل اغانى الشايقية |
والله يا حيدر اخوى صلاح الزمان عندكم داك هسع بقى يقلب اللبن موية الراجل هنا صار من الصالحين عديل كدا ربنا يحفظو
| |
|
|
|
|
|
|
|