حين يجتمع الحنين الكردفاني بالشايقي، لا عاصم لليوم طوفان لا هوادة فيه يلتهم كل ما يجده على طريقه يبلعه في جوفه أو يلعب به ثم يقذفه جانبا حيث لا جري ينفع و لا طيران يا الضابط السجن!!
شاعر الاغنيه محمد حامد آدم كان يعمل معلماُ وتم اعتقاله عقب انقلاب يوليو 1971 بالخطأ ضمن المعتقلين الشيوعيين وكتب قصيدته وهو معتقل عندما رفض ضابط السجن السماح لخطيبته بزيارته لتأخرها بالحضور بعد الساعه الثالثه عصراً الوقت المحدد لنهاية الزيارة.
Post: #5 Title: Re: استعطاااااف! Author: Ahmed al Qurashi Date: 12-30-2011, 09:09 AM Parent: #4
الأخ سعد الدين
سلامات
شكرا لهذه الأغنية الرائعة والجميلة
في اجازتي الماضية كنت ألتقي يوميا مع الفنان عبدالرحمن عبدالله ابان تواجده بالأبيض ، ولقد سجلت معه حوارا مطولا عن تاريخه الغنائي أتمنى أن أجد الفرصة لأوثق له في هذا المنبر ولقد ذكر لي إن أغنية ضابط السجن هي من كلمات الشاعر محمد حامد ادم ولقد كان يعمل مدرسا ، ولقد تم القبض عليه ظلما وأودع السجن نتيجة لتشابه الأسماء حيث كان الشخص المطلوب اسمه محمد أحمد حامد وقضى فترة في السجن فألف هذه القصيدة يستجدي ضابط السجن لكي يخرج منه لبرهة ليكحل عيونه بجمال محبوبته ويعود مرة أخرى للسجن ، ولقد كان ذلك في سنة 1968 ،هذه الأغنية لحنها عبدالرحمن عبدالله في عام 1969 ، وفي نظام نميري طُلب منه تغير مطلع الأغنية إلى (أجمل حلم ) حتى يتم تسجيلها للإذاعة ، ولكن ظلت ضابط السجن وضاع المقطع الرسمي الجديد الذي فرض عليه في غياهب النسيان .
عزيزنا د. أحمد هلا بيك و ما اسعدني و القراء بمرورك.. قرأت مداخلتك بالامس و اطربتني فتمهلت لارد عليها بما يناسبها.. اعجبنتني الضراعات و التوسلات التي اطلقها استاذنا محمد حامد في عرضحاله المموسق اعلاه و هي بيان للحكمدار ضابط السجن تحول الى شعار يمكن أن تتم طباعته في تيشيرتات المحبين و كل من تشابهت قرائن احوالهم بمعطيات ازمة الشاعر و ظرفه الحساس تضرعات لو صاغها و تلاها على الحجر الاصم للان و سمع منه أهل الجمال وجيبا، لكن الانسان خُلق جهولا ظلوما فالضابط اتخيله لم ين في تطبيق ما تعلمه من تنفيذ الاوامر و لسان حالهi'm just doing my job فلم يقبل عذرا! و لكي لا نظن آثمين ، فقد يكون هذا الحكمدار قد وهن و لان أو انه لم يسمع القصيدة الا في مناسبة زواج ابنته بعد سنين عددا و طرب و هو يهز عصاه فوق حماه الجديد سودانكم كان جميلا يا دكتور، جميلا بحق
Post: #8 Title: Re: استعطاااااف! Author: محمد المرتضى حامد Date: 12-31-2011, 10:18 AM Parent: #6
Quote: وفي نظام نميري طُلب منه تغير مطلع الأغنية إلى (أجمل حلم ) حتى يتم تسجيلها للإذاعة
الله يطراهو بالخير .. حسين خوجلي .. وتواشيح النهر الخالد الذي تم فيه تحريف وتزييف واحدة من أجمل الأغاني السودانية .. والله يا أحمد سقاة الكأس من عهد الرشيد لي هسه حارقاني.. كفى تزييفا لحقوق الموتى يا حسين خوجلي
- سفيان ، والله استعطافك لبلطي راس السنه مبالغه..
- يا سعد..
رغم حبي المتطرف لأغنيات عبد الرحمن عبدالله (ود بارا) والتي توسدت قلبي أيام إقامتي في النهود إلا أن (شقيش) و ( رويحة الهاوية) لا يعلى عليهما والسبب خليهو ساي ومن البدهي أن المعيار في تذوق كل أغنية بحت ذاتي.. خليها على ربك .. إنت في شنو يا سعد ؟ .. صاج سمك وضابط السجن وراس السنه و..؟
و الله يا مولانا سوالاتك الاخيرة دي منطقية جدن جدن و لابد سعد ياوجب . الشاعر كلامو و اضح ومعروف لي منو صح ؟ اها سعد دا في مكالمه في اضاني الشمال دي قال حيقعد شهر و احد دا كلو !!
ياربي في شنو ؟
ـــــــــــــــــــــــــــــــــ و الله يا مولانا عندي نيه اهديك محجوب عتمان ليه ليه يا النسيت أيامنا ليه . الأيام دى بسمع فيهو بأدمان دا زول عجيب ولا شنو هو ؟
Post: #10 Title: Re: استعطاااااف! Author: Ahmed al Qurashi Date: 12-31-2011, 11:35 AM Parent: #9
Quote: ليه ليه يا النسيت أيامنا ليه
يا سفيان ما تشوف لينا كتير يا روجي مشتاق ليك
أظنها من اجمل أغاني محجوب عثمان وانا من المداومين على سماعها
قبل ايام استمعت اليها في احدى الفضائيات السودانية بصوت علي ابراهيم اللحو
مولانا و نابري،، اجمل الامنيات بمناسبة عيد الاستقلال و السنة الميلادية، انتو يقع في يدكم بشار الأسد ان شاء الله، عشان يضوق سهر الليل و يتنجض بحق شعب الشام.. يا مولانا لاحظت لشيئ كدا ما عارف افرح بيهو لا انزعج منو، لاحظت لاسلوبي في الكتابة بقى يشبه منو؟ طبعا الفرحة معروفة و الانزعاج ايضا معروف اسبابه و انا ما بفسرً و انتو اصلا ما مقصرين :)
Quote: الله يطراهو بالخير .. حسين خوجلي .. وتواشيح النهر الخالد الذي تم فيه تحريف وتزييف واحدة من أجمل الأغاني السودانية .. والله يا أحمد سقاة الكأس من عهد الرشيد لي هسه حارقاني.. (كفى تزييفا لحقوق الموتى يا حسين خوجلي)
الحبيب مولانا الأستاذ محمد المرتضى كان قد فاتني الإنتباه إلى بوست الدكتور احمد القرشي (كفي تزييفا لحقوق الموتى ) في حينه ، ولقد أعادني إليه الرابط الذي أشرت إليه. لقيته بوست ممتع ومفيد جدا..أمتعتني جدا مداخلاتك الظريفة الثرة إضافة إلى بقية المداخلات الأخرى التي أثرت الحوار.. يحفظك الله ويرعاك
تحياتي ومودتي
Post: #12 Title: Re: استعطاااااف! Author: الأمين عثمان صديق محمد Date: 12-31-2011, 12:15 PM Parent: #1
ابو السعووووود مشتاقون ياخي شفت الناس بتطالب بحقوق الانسان من متين الزول دا ما عند أي مشكلة بس يتزود بي نظرة ويرجع يتسجن تاني 00 ابو الزفت ياخ البوست دا كان تسمي حريات 000 لووول
اللمييييييييين لااااا حول و لا حول الا بالله! يحيي اللمين و لو بعد حين! ها يا زول لعلك طيب؟ ياخ الشوق دفر عديل، السلام بقى براهو عايزلو مداخلة! بركة بالطلة!
-------/ صاحبنا مربوط و رهين المحبسين ،قال لي اتزود بي نظرة و ارجع انسجن، اماااانة في ذمتك دي، الضابط ما اتلوم معاهو؟ حريات سقفها السماء و الحرية لنا و لغيرنا ! ------ حقك بره طواالي بس خلي بالك من نابري ده شايفو حايم من قبيل :)
و الله يا ود القرشى أنا لو بعرف ارفع أغاني زي من جنس البتحفظو في الجهاز ديل كنت سمعتكم غناء لما قلتوا الروب . انا بس بعرف ارفع أغاني من اليو تيوب و تاني يخربني خلي و احد يطوع يعلمني و الله عندي تسجيل حفلات و قعدات تجنن جن .
Post: #19 Title: Re: استعطاااااف! Author: سيف اليزل برعي البدوي Date: 01-04-2012, 00:53 AM Parent: #18
it's amazing dear saad,tslam
Post: #20 Title: Re: استعطاااااف! Author: Ahmed al Qurashi Date: 01-04-2012, 08:07 AM Parent: #19
Quote: يا دكتور افيدني في اغنية شيخ ريا
العزيز سفيان نابري هذه بعض المعلومات عن اغنية شيخ ريا
سبق ان كتبتها في بوست الحزن في الأغنية السودانية قبل سنوات .....
أغنية شيخ ريا هي من اغانى العبادى الأولى اى قبل سنة 1920 ولقد اورد الأستاذ معاوية حسن يس في كتابه القيم من تاريخ الغناء والموسيقى في السودان هذا الحديث للعبادى ..( في سنة 1918 أو 1919 أتينا إلى الخرطوم _ أنا وودالرضى وخليل فرح_ لحضور زواج شخص اسمه شيخ ريا ، في مكان قرب السوق العربي فخصص لنا صاحب الفرح مجلسا يجعلنا نشرف على الحفلة من بعيد حتى يتسنى لنا وصفها ولقد أنشأت في وصف هذا الحفل قصيدة شيخ ريا ) انتهى ... ولقد حدثني الدكتور تلب اخصائى العلاج التحفظي بمستشفى الأسنان بالخرطوم بان شيخ ريا كان شيخا للجزارين ولقد قابله وصديقه ضرغام في الخرطوم 3 .. وهي من ألحان سرور وسجلها للإذاعة الفنان الراحل بادي محمد الطيب.
أغنية شيخ ريا تؤرخ لبعض الأشياء في السودان فمثلا يذكر فيها العبادى كرة القدم وهذا يدل انه شاهدها قبل سنة 1920 مما يعنى إنها صارت رياضة شعبية في ذلك الوقت والجدير بالذكر إن كرة القدم ادخلها الانجليز بعد حملة كتشنر.. وكذلك تحدث العبادى عن الكهرباء وماتفعله بالإنسان إذا مسها أو اقترب منها وهذا أيضا يدل على أن الكهرباء كانت معروفة في السودان في ذلك الوقت ...
عملن القلوب كورة قدم ..... يلعبها وهى في العدم كهربنا والصف انهدم .... تلقانا قتلى وما في دم
الرتاين كان يطلق عليها الكهارب في السودان وتسمى الرتينة الكهربه ولكن العبادى استعمل الكهارب للمبات الكهربائية والدليل على ذلك ذكره للسلوك والتي توصل الكهرباء ... فالعبادى يصف الخدود بالأنوار اللامعة والشلوخ بالسلوك ... وأيضا استعمل كلمة ( بتلجن ) مما يدل إن الثلج كان معروفا أيضا ولكنى ليس متأكدا من تاريخ دخول الثلاجات للسودان ...
ما شفتهن حين قالو جن .... زى الكهارب بهرجن اوعى السلوك فوق الوجن ... بالنظره ليك بتلجن
شيخ ريا
الشاعر / إبراهيم العبادى لحن / سرور
شيخ ريا حسبك من فخر .... ليك البدور طائعات تخر ******* اذكر ليالي العاصمه .... المن سوء إلهك عاصمه هي جنة شرطا عاصي ما .... يلمس بنان في معاصمه ****** كانت ليالي مواسما ....أنوار تلالى في السما في قلبي دائما راسمها ..... لكن حروفها مجسمه ******* اذكر ليالي المهرجان .... الجو صفا خالي من الدحان مما رأيت تلك الوجان ..... أنا عقلي فرّ ركبلو جان ******* أيام انس ما اقصرا ..... وراحت وكأن لم نبصرا يا ربى خدر عنصرا .... وانصر جيوش بختنصرا ****** أيام سرور بسراع تمر .... والزول يقنب فوق جمر لو تانى عادت ولى أمر .... اليوم أبدلو بى عمر ******* ما شفتهن حين قالو جن .... زى الكهارب بهرجن اوعى السلوك فوق الوجن ... بالنظره ليك بتلجن ******* خفن الشموس حين قنبن .... وجن شلوخن وعلبن صيد الخلا الما طنبن ....في قلبي نزلن وطنبن ******* لو شفتهن تحت القصر .... حاملات نياشين النصر خلت البدور طلعت عصر ..... أو در تناثر خم وصر ******** يا صاحب اذكر جلستن ..... وألطاف مناظر خلستن مولاي حواك من حبستن .... اجى يبسطنى وابسطن ******** صيح سرور وتلاه الأمين ..... ضلت قلوب العالمين عاقلنا يلزمني اليمين .... ما عرف شمالو من اليمين ******** بادر ظبي وشغل القلوب .....بى لطفو للأنظار جلوب كم بى لحاظو هزم تلوب .... وقتل اسود عاد بالسلوب ******* الله قد تعس الكفر ..... فضح الشمس وقتين سفر ست الشلوخ واقفات قفر .... لفاها غالية النفر ****** النقرابى من بينن طفر ..... قال لينا في عينكم ضفر جار لي وضيبو الانضفر ..... ليل قلنا قال لكن كفر ****** شبه اريلا حاول فزاز .... عينيها والجيد جام قزاز بى عوده يا بت العزاز ..... تلكم ليالينا اللذاذ ******* النطعه خز والقامه زان ...... واللون تقول الخيرزان حين وقعولو النقرزان ..... جلّ الغنى اللى صورتو زان ******* عملن القلوب كورة قدم ..... يلعبها وهى في العدم كهربنا والصف انهدم .... تلقانا قتلى وما في دم ******* لله درك ياعــــــمر ...... سوق الأدب بيك انعمر ضرغام وابهى من القمر ..... وألطف وارق من السمر ***** بعوده يا مولاي تعود .... أيام هنا وطالع سعود نتلاقى في اقرب وعود.... يبقى الحسود فوق عينه عود
Quote: Abd Elbage wrote: "إذنك لحظه واحده ويالها من لحظه في عشق المحبوبه خصوصا عندما تكون كردفانية الهوي والهويه وكان هذا التناول مستحدثا ياصديق ودبوستن من حيث المضمون وقتذاك وبرغم حداثوية الطرح الا أن الأغنيه وجدت رواجا منقطع النظير بحسب والدي عليه الرحمه الأغنيه جد روعه برغم بساطة كلماتها شكرا"
يطول عمرك بالعافية يا بلوم الغرب الطروب بالله شوف الضيوف ديل غلبتهم القعدة كيف؟ والله هنيئا لك بهذه اللقاءات يا خضر الله يبارك فيك و عقبال الفي مرادك شوف جمال بت بلدي الصغيرة و ما بتحن دائما قافلة بابا اموت انا في ايقاع الكردافة وصوت البلوم الممتد تسلم حقيقي
ازيك يا قلب، عاملة شنو مع الجليد؟ و لا زلنا ها هنا قاعدون و امبارح سمكي اكلنوا الكدايس في البيت و اتشاكلوا لينا في نص الحوش حتى تذكرت عماد عبدالله داؤووووووووود و نلفت انتباه سعادتكم أن هذه المداخلة مرسلة من الحوش و الهمبريب 1000 و البعوضة الفين و غاطسين تحت البطانية و حاسي اني ابوالزوز ابوالزوز كدا :)
Post: #33 Title: Re: استعطاااااف! Author: القلب النابض Date: 02-09-2012, 03:20 AM Parent: #32
الجليد السنة دي خفيف ومشى سريع ....
يعني في الحالة دي اقول ياريتني لو كديسة عشان آكل السمك
حاسداك على الهمبريب والبعوض والحوش وحتى الكدايس كمان....