Post: #1
Title: من سمح لابنته بلعب كرة القدم لا يدخل الجنة ورب الكعبة
Author: زهير الزناتي
Date: 12-29-2011, 09:12 PM
Parent: #0
Quote: في خطبة الجمعة لإمام مسجد (جامع الخرطوم الكبير) الشيخ كمال رزق صوب إنتقادات حادة تجاه فريق كرة القدم النسائية وطالب بإيقافه وقال إن من يسمح لابنته بالذهاب إلى ميادين كرة القدم فهو (ديوث) على حد تعبيره.. وقال مولانا رزق في خطبة الجمعة الماضية إن الدول الغربية تحاول تشويه صورة الإسلام بمساعدة ودعم أشباه المسلمين من الرجال كما سماهم في مسعاهم لخدش الحياء وذلك بمؤامرتهم ضد المرأة المسلمة.. مضيفاً أن السودان يحاول مسابقة الأمم في الرياضات النسوية.. وتابع أن كل من يسمح لابنته أن ترتدي ملابس الكرة
ولو كانت ساترة وتبدي حركات لا يجوز أن تؤديها إلا في الفراش ويتفرج عليها أشباه الرجال بنظرات جائعة فهو (ديوث) لا يدخل الجنة (ورب الكعبة) وأشار إلى وجود مؤامرة قبيحة وكريهة تهدف إلى تدمير المجتمع السوداني وشدد على ضرورة وضع المرأة في مكانتها وحمايتها.. يذكر أن صحيفة (الزعيم) فتحت ملف كرة القدم النسائية في أعدادها السابقة وتناولت القضية من جميع الأوجه وأشارت إلى قرار الإتحاد الدولي الفيفا بإلزام الإتحادات الوطنية بما فيها العربية والإسلامية بتكوين منتخبات نسائية لكرة القدم (أ) و(ب) و(ج) مقابل أموال الدعم التي تأتي تحت غطاء (مشروع الهدف).
|
http://www.cover-sd.com/news-action-show-id-18469.htm
|
Post: #2
Title: Re: من سمح لابنته بلعب كرة القدم لا يدخل الجنة ورب الكعبة
Author: صديق الموج
Date: 12-29-2011, 09:19 PM
Parent: #1
اسأل شيخ الغفله ده و كرة السله كيف؟
والله ما اضر الاسلام الا مثل هولاء..
وكمان شيخك هو البوزع الدرجات ويحدد من يدخل الجنة ومن يدخل النار..
حاله حال شيوخ الزمن القديم..
فى حين كان الطاعون يفتك بالملايين كان شيوخ
ذلك الزمن يتجادلون هل الملائكة ذكور ام اناث؟
اللهم لا تؤاخذنا بما فعل السفهاء منا..
|
Post: #3
Title: Re: من سمح لابنته بلعب كرة القدم لا يدخل الجنة ورب الكعبة
Author: ABDELMAGID ABDELMAGID
Date: 12-29-2011, 09:31 PM
Parent: #2
نصّبوا أنفسهم آلهةً يوزعون صكوك الغفران ..
هذا ما آل إليه الحال فى السودان ...
إنتشرفيه الهوس الدينى و المنافقين و الدجالين و المشعوزاتية
و علماء الضلال و آكلى السحت و عبدة السلطان ...
إنها العصور الوسطى المظلمة تعيد نفسها...
|
Post: #5
Title: Re: من سمح لابنته بلعب كرة القدم لا يدخل الجنة ورب الكعبة
Author: ABDALLAH ABDALLAH
Date: 12-29-2011, 10:08 PM
Parent: #3
| Quote: لا يدخل الجنة (ورب الكعبة) |
( من ذا الذى يتألَه علىَ.. )
هؤلاء يدعون مشاركة رب العِزَه فى حكمه وإرادته وقضائه فى خلقه.
|
Post: #4
Title: Re: من سمح لابنته بلعب كرة القدم لا يدخل الجنة ورب الكعبة
Author: سيف النصر محي الدين
Date: 12-29-2011, 09:39 PM
Parent: #2
يا ابو الزهور هو عمك ده خلى لرب الكعبة شنو؟ ما يا هو بيدخل الجنة و يطلع منها زي الما حاصل حاجة.
احتمال يكون منصب نفسو رب الجامع الكبير و بيشترك مع رب الكعبة في اتخاذ القرار.
بعدين ناس الكورة ديل حركات "الفراش" دي شنو القاعدين يعملوها في الميدان؟
تعالوا افتوا لينا يا خليل و وليد عبد اللطيف.
|
Post: #6
Title: Re: من سمح لابنته بلعب كرة القدم لا يدخل الجنة ورب الكعبة
Author: بدر الدين احمد موسى
Date: 12-29-2011, 11:21 PM
Parent: #4
هههههههههه
ياخ الحكاية دي فيها مناقضة, و نسخ لحديث الرسول عديل كدة!
يعني انا هسع ضامن الجنة;"من كانت لديه ثلاث بنات فأدبهن و علمهن دخل الجنة", و بقيت افكر في اني ابني كم طابق لفوق, عشان ابهات الاولاد الماعندهم طريقة في الجنة, يجو يأجروا مني, خاصة عندي خمسة بنات يقوم يجي الامام الدايش دا ينسخ حديث الرسول يقلع مني الجنة بس عشان بناتي بلعبن كورة?
و الله يا امام شوف-طشاش نحن داخلنها الجنة دي داخلنها.
الرياضة مهمة جدا للبنات كما هي مهمة للاولاد.
علموا بناتكم كرة القدم, و الكراتيه, و التاكوندو, و السباحة, و الجري, و الرماية, و ذلك خير ضمان لوقف اضطهاد المرأة!
|
Post: #7
Title: Re: من سمح لابنته بلعب كرة القدم لا يدخل الجنة ورب الكعبة
Author: طارق الجبلابى
Date: 12-29-2011, 11:49 PM
Parent: #6
وأشار إلى وجود مؤامرة قبيحة وكريهة تهدف إلى تدمير المجتمع السوداني
تحياتى زهير
طاف بذهنى هذا القول....
لعن الله امة اضاعت الحق بينها....إإ
مؤامرة...إ
تدمير المجتمع السودانى....إإ
هو ديوث...ويعلم ..
لانه لا يريد وجه الله...
والا فليسمى...الاشياء بمسمياتها..
ربى لك اتبرأ ..من دين هؤلاء...هم ائمته.
|
Post: #8
Title: Re: من سمح لابنته بلعب كرة القدم لا يدخل الجنة ورب الكعبة
Author: طه جعفر
Date: 12-30-2011, 00:19 AM
Parent: #7
شكرا علي فتح البوست المهم
كلام مثل هذا الحمار لا يقدم و لا يؤخر
اذا كانت المجتمع السوداني سيتحطم بلعب النساء لكرة القدم فليتحطم و يزول كمان
الغريب أن هذا الجاهل يخاطب الشعب السوداني كأن له سلطة
و طبعا الدين اليومين ديل سلطة و نوع حقير من السلطة
في كل مرة يطلع علينا عبد الحي يوسف
يوم ما تعرف مين كدا عبد الكريم
و يوم من ايام زمان حاج نور
و قبلهم المخرف السوداني حسن الترابي
يا جماعة جانا مرض عديل كدا من رجال الدين و قصصهم
لدرجة ان الواحد عندو طمام.
شوف فكرة أن الرجل الذي يسمح هو ديوث دي قول لهذا المعتوه ديوث ابوك
اين حرية المرأة من الفكرة
و اين فكرة أنه لا سلطة لاب، ام ،او رب او غيره علي اي مواطن عمره اكثر من 18 عام
الناس سواسية امام القانون
وحتي سلطة الاب و الام في العالم المتمدن علي ابنائهم الان فيها قولان
لانو كمان في موضوع ال abuse
السودان في عهود الظلام
ربنا ينور جنباته بضوء الحرية الباهر
و كلمة أخيرة
مرضتونا الله يمرضكم يا رجال انعل .....كم
طه جعفر
|
Post: #9
Title: Re: من سمح لابنته بلعب كرة القدم لا يدخل الجنة ورب الكعبة
Author: زهير الزناتي
Date: 12-30-2011, 08:21 AM
Parent: #8
يا موج مولانا ده تفتيحة وشايل مفاتيحها ... كما يقولون في شوارع المدينة الخلفية ... لديه مفاتيح الجنة كما يزعم يفتح لمن يريد ويغلقها في وجه من يريد .... بس يتقافز سؤال الي الذهن هل من لديه أبناء ويسمح لهم بلعب كرة القدم سيدخل الجنة .....
|
Post: #10
Title: Re: من سمح لابنته بلعب كرة القدم لا يدخل الجنة ورب الكعبة
Author: MOHAMMED ELSHEIKH
Date: 12-30-2011, 08:24 AM
Parent: #9
انت يازهير
الناس ديل الطلب منهم حليفة منو
ياخي نحن مصدقينهم بدون حليفة
|
Post: #11
Title: Re: من سمح لابنته بلعب كرة القدم لا يدخل الجنة ورب الكعبة
Author: قصي مجدي سليم
Date: 12-30-2011, 08:27 AM
Parent: #9
| Quote: لا يدخل الجنة (ورب الكعبة) |
خلي بالك الزول ده "ود الله" البِكِر.. وطبعا البكر عوير
|
Post: #12
Title: Re: من سمح لابنته بلعب كرة القدم لا يدخل الجنة ورب الكعبة
Author: زهير الزناتي
Date: 12-30-2011, 08:37 AM
Parent: #11
Quote: نصّبوا أنفسهم آلهةً يوزعون صكوك الغفران ..
هذا ما آل إليه الحال فى السودان ...
إنتشرفيه الهوس الدينى و المنافقين و الدجالين و المشعوزاتية
و علماء الضلال و آكلى السحت و عبدة السلطان ...
إنها العصور الوسطى المظلمة تعيد نفسها... |
عبد الماجد سلامات .... في مثل هذه العصور تتمدد سلطات رجال الدين الروحية والدنيوية لتشمل كل شئء ويفتوا في كل شئ ... هي عصور انحطاط الأمم وليس عصور تمددها كما يتوهمون ...
|
Post: #13
Title: Re: من سمح لابنته بلعب كرة القدم لا يدخل الجنة ورب الكعبة
Author: قصي مجدي سليم
Date: 12-30-2011, 09:16 AM
Parent: #12
Quote: هههههههههه
ياخ الحكاية دي فيها مناقضة, و نسخ لحديث الرسول عديل كدة!
يعني انا هسع ضامن الجنة;"من كانت لديه ثلاث بنات فأدبهن و علمهن دخل الجنة", و بقيت افكر في اني ابني كم طابق لفوق, عشان ابهات الاولاد الماعندهم طريقة في الجنة, يجو يأجروا مني, خاصة عندي خمسة بنات يقوم يجي الامام الدايش دا ينسخ حديث الرسول يقلع مني الجنة بس عشان بناتي بلعبن كورة?
و الله يا امام شوف-طشاش نحن داخلنها الجنة دي داخلنها.
الرياضة مهمة جدا للبنات كما هي مهمة للاولاد.
علموا بناتكم كرة القدم, و الكراتيه, و التاكوندو, و السباحة, و الجري, و الرماية, و ذلك خير ضمان لوقف اضطهاد المرأة! |
ههههههههههههههه الزول ده بكلم ليك ابوهو وتلقى نفسك ما لامي لا في الجنة لا في سقطها
|
Post: #14
Title: Re: من سمح لابنته بلعب كرة القدم لا يدخل الجنة ورب الكعبة
Author: Adil Isaac
Date: 12-30-2011, 03:57 PM
Parent: #13
علموا بناتكم كرة القدم, و الكراتيه, و التاكوندو, و السباحة, و الجري, و الرماية, و ذلك خير ضمان لوقف اضطهاد المرأة!| Quote: علموا بناتكم كرة القدم, و الكراتيه, و التاكوندو, و السباحة, و الجري, و الرماية, و ذلك خير ضمان لوقف اضطهاد المرأة! |
نعم الكلام يا بدر.....بس الكتب ذات الطبعة الواحدة نعمل ليها Updating كيف......؟؟
و بعدين ناس الجوامع ديل سيظلوا ينظرون للنساء كنيق يفتحلهن بعير فقط.......شايف المحنة دي !!
|
Post: #15
Title: Re: من سمح لابنته بلعب كرة القدم لا يدخل الجنة ورب الكعبة
Author: زهير الزناتي
Date: 12-30-2011, 04:00 PM
Parent: #13
| Quote: هؤلاء يدعون مشاركة رب العِزَه فى حكمه وإرادته وقضائه فى خلقه. |
بالفعل يا عبد الله هؤلاء يدعون مشاركة رب العزة في حكمه ... ويحاولون فرض رؤيتهم الدينية علي الآخرين ورؤاهم لما يجب أن تكون عليه الحياة ....
|
Post: #16
Title: Re: من سمح لابنته بلعب كرة القدم لا يدخل الجنة ورب الكعبة
Author: عمار عبدالله عبدالرحمن
Date: 12-30-2011, 05:50 PM
Parent: #15
الجمعه الجاية ضمن
مجموعة حطب للنار
وتكون اتخوزقت دنيا وآخرة لفريق ما بشيل بطولة ولا كاس
|
Post: #17
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-30-2011, 06:00 PM
Parent: #16
| Quote: خلي بالك الزول ده "ود الله" البِكِر.. وطبعا البكر عوير |
يا الزناتي
هسع الكلام (التحت) ده رأيك فيها شنو انت وإخوانك المناضلين؟!
وتحت أي بند يندرج... ؟!!!!
|
Post: #18
Title: Re: من سمح لابنته بلعب كرة القدم لا يدخل الجنة ورب الكعبة
Author: زهير الزناتي
Date: 12-30-2011, 06:06 PM
Parent: #17
أكيد يا عماد سخرية غير مقبولة ... وكنت حا ارد عليهو حسب تسلسل الردود ... بس انت كمان ورينا رايك في كلام الإمام ...
|
Post: #19
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-30-2011, 06:09 PM
Parent: #16
كتب أحد المشاركين الحديث هكذا
| Quote: (من ذا الذى يتألَه علىَ.. ) |
وقد جعله من الألوهية.. وهذا غلط، قد يكون تصحيفاً في فهم النص
أو خطأ في الكتابة.. أو غير ذلك.. والله أعلم
فـ نص الحديث هكذا
عن جندب بن عبدالله البجلي: أن رسول الله صلى الله عليه و سلم حدّث: أن رجلا قال: والله
لا يغفر الله لفلان، وإن الله تعالى قال من ذا الذي يتألى علي أن أغفر لفلان فإني قد غفرت
لفلان وأحبطت عملك أو كما قال". أخرجه مسلم
ومعنى يتألى: أي يحلف، والألية اليمين والحلف.
|
Post: #20
Title: Re: من سمح لابنته بلعب كرة القدم لا يدخل الجنة ورب الكعبة
Author: صديق الموج
Date: 12-30-2011, 06:20 PM
Parent: #19
| Quote: لا يدخل الجنة ورب الكعبة |
قطع شك الجنه دى جنب الوادى الاخضر البوزعوا فيها شيوخ الانقاذ ديل..
شيوخ الغفله والعهد الغيهب قاتلهم الله من شخوخ او خشخيشات تنابلة السلطان هولاء،،،
|
Post: #21
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-30-2011, 06:41 PM
Parent: #20
الله يحييك يا زهير
ظاهر كلامك هنا
| Quote: أكيد يا عماد سخرية غير مقبولة ... وكنت حا ارد عليهو حسب تسلسل الردود |
قد يفهم منه القاريء توقفك عند مسألة (العوارة) وهذا باعتبار أن سياق كلامك موهم...
إن كنت لم تفهم قصدي.. فأنا قصدت نقطة أخرى
وانا بالضبط أتكلم عن ما ذكره صاحب الكلام الذي اقتبسته، وهو قولة ود الله
هل هذا التعبير نفسه جائز في حق الله سبحانه وتعالى..
اللفظ في حد زاته ينسب لله (الولد) وهو أمر جعله القرآن في باب الكفر (وبسببه حكم الله تعالى بكفر النصارى)
وهنا.. خلينا نحاكم النص بمعزل عن محاكمة الشخص.. ولتحصر نفسنا في النص فقط
عشان ما يجيني واحد ويشبك لي في رقبتي.. خلينا مع التعبير ده: ود الله استغفر الله
على أقل تقدير: هل يجوز أن نجعل (الله العظيم) في تعابيرنا بهذه الطريقة؟!!!ا
أليس هذا من الحط والازدراء لاسم الله تعالى؟!!!
الحتة دي دين.. وأنت مسلم وأحسبك ممن يربصون اسم الله تعالى ويحفظه
وأظنك لا ترضى هذا التعبير المشين والقبيح
| Quote: ... بس انت كمان ورينا رايك في كلام الإمام ... |
بخصوص كلام الإمام.. أول حاجة حتى نكون عادلين في محاكمة الرجل.. خلينا نقيف شوية مع النص النبوي:
عن عمر بن الخطاب رضي الله عنه قال: قال رسول الله صلى الله عليه وسلم:
ثلاثة لا ينظر الله عز وجل إليهم يوم القيامة:
العاق لوالديه، والمرأة المترجلة، والديوث
وثلاثة لا يدخلون الجنة: العاق لوالديه، والمدمن على الخمر، والمنان بما أعطى".
الحديث أخرجه النسائي بهذا السياق.
وجاء في رواية أحمد تفسير الديوث: "... والديوث؛ الذي يقر في أهله الخبث".
ده النص النبوي.. خلينا نطرح عدة أمور يا زهير عشان نعرف مكمن الاتهام وين؟!!!:
لو أن الإمام قرأ هذا النص ثم قال: والله لا يدخل الجنة ديوث.. هل هناك مشكلة؟!
أم أن مشكلة الإمام أنه جعل لعب الكرة للبنت مع كشف فخذها دياثة، وهذا محل المشكلة؟!
أم ان المشكلة في كونه قام بتعيين فرد باسمه وشخصه؟!
أم المشكلة في كونه حلف على الفتيا؟!
أم أن هناك أكثر من مشكلة كما يتضح من الافتراضات الوارد أعلاه؟!
يعني مفروض نحدد موضع النزاع وين يا زهير،،، عشان نقدر نحاكم الرجل بعدل
وصدقني.. لو غلطان، فالمسألة دين، ويجب أن نقول: غلطان
تحياتي
|
Post: #22
Title: Re: من سمح لابنته بلعب كرة القدم لا يدخل الجنة ورب الكعبة
Author: عبداللطيف حسن علي
Date: 12-30-2011, 06:54 PM
Parent: #21
كل شئ متوقع في دين التمرهندي
|
Post: #23
Title: Re: من سمح لابنته بلعب كرة القدم لا يدخل الجنة ورب الكعبة
Author: حامد بدوي بشير
Date: 12-30-2011, 07:07 PM
Parent: #22
| Quote: من سمح لابنته بلعب كرة القدم لا يدخل الجنة ورب الكعبة |
يا جماعة فهمونا، الزول دا سجلوا الجنة باسمو من متين.
|
Post: #24
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-30-2011, 07:16 PM
Parent: #23
عزيزي زهير
لا زلت بانتظارك
|
Post: #25
Title: Re: من سمح لابنته بلعب كرة القدم لا يدخل الجنة ورب الكعبة
Author: محمد عبدالرحمن محمد
Date: 12-30-2011, 10:49 PM
Parent: #24
Quote: بعدين ناس الكورة ديل حركات "الفراش" دي شنو القاعدين يعملوها في الميدان؟
تعالوا افتوا لينا يا خليل و وليد عبد اللطيف. |
سيف خلّني اللطنبجا قبل ما يجوك ناس خليل ووليد الماهن مطرطشين:
Backward
_
زناتي،
ياخي ما طَقَش عينك عنوان بوست قبل يومين تلاتي، بوست الغريب، يحتفي بتخريج الدفعه السادسه للأكروبات السودانيه من الصين الشقيقه؟
|
Post: #26
Title: Re: من سمح لابنته بلعب كرة القدم لا يدخل الجنة ورب الكعبة
Author: تبارك شيخ الدين جبريل
Date: 12-30-2011, 11:19 PM
Parent: #25
| Quote: بعدين ناس الكورة ديل حركات "الفراش" دي شنو القاعدين يعملوها في الميدان؟ |
الضقّيل ... الباكورض ... الهيد ... الاسكرو ... ون تو ... التمنيات ... الكعب ... وهلم جرا (مع الإعتذار للعزابة في الإمساك عن الشرح!)
_______________________________________
انا جايي بس داير عماد حسين يشرح لينا الحديث بالعامي باعتبار انو "يتألى" يعني "يحلف" ... هو زول قال "والله لا يغفر الله لفلان" والله قال ليهو "فإني غفرت لفلان واحبطت عملك" ... جايي انت تدافع عنو - بعد ما الله احبط عملو - بالحذلقة اللغوية بتاعة "السلف الطالح"؟ لو عندك تأويل وهابي لا يأتيه الباطل بين يديه ولا من خلفه تعال قولو لينا هنا بالدارجية الفصحى ... "ود الله" دا بنناقش موضوعو بعد داك ...
وميري كريسماس وهابي نيواير بجاه الانبيا والاوليا ...
(بعدين اسألني من نكتة: "يا مهدي الله الخلقتني")
... المهم ....
|
Post: #27
Title: Re: من سمح لابنته بلعب كرة القدم لا يدخل الجنة ورب الكعبة
Author: ABDALLAH ABDALLAH
Date: 12-31-2011, 03:09 AM
Parent: #26
Quote:
كتب أحد المشاركين الحديث هكذا
Quote: (من ذا الذى يتألَه علىَ.. )
وقد جعله من الألوهية.. وهذا غلط، قد يكون تصحيفاً في فهم النص
أو خطأ في الكتابة.. أو غير ذلك.. والله أعلم
فـ نص الحديث هكذا
عن جندب بن عبدالله البجلي: أن رسول الله صلى الله عليه و سلم حدّث: أن رجلا قال: والله
لا يغفر الله لفلان، وإن الله تعالى قال من ذا الذي يتألى علي أن أغفر لفلان فإني قد غفرت
لفلان وأحبطت عملك أو كما قال". أخرجه مسلم
ومعنى يتألى: أي يحلف، والألية اليمين والحلف. |
يا عماد حسين الوهابى
عينك فى الفيل تطعن فى ضله
غاض الطرف عن الشخص المشرف على إدخال الناس الجنه وجيت ساكى مداخلتى
والا عايز تورينا انه أخونا بكرى مد ليك الكوته ؟
|
Post: #28
Title: Re: من سمح لابنته بلعب كرة القدم لا يدخل الجنة ورب الكعبة
Author: عابدون محمد عابدون
Date: 12-31-2011, 04:40 AM
Parent: #27
Quote: وقد جعله من الألوهية.. وهذا غلط، قد يكون تصحيفاً في فهم النص
أو خطأ في الكتابة.. أو غير ذلك.. والله أعلم
|
عبد الله اخوى صباح الخير ..
اخونا عماد برضو وضع ليك العذر فى احتمالية الخطأ فى الكتابة وبى كدة كان منطقى ومعقول جدا فى رده عليك وكان الباقى عليك تعتذر عن الخطا بدلا من المكابرة .. ياخى عملت خطأ كبير وكان ممكن واحد يقرأ كلامك ويقتنع بان صياغتك للحديث صحيحة وممكن كان تتنقل على كدة لكن اخونا عماد جزاه الله خيرا صحح هذا الخطا فكان الاوجب ان تعتذر اولا ثم ترد عليه الرد المنطقى اللى يخلينا نحن المتابعين ديل نتعلم منكم حاجة.
|
Post: #29
Title: Re: من سمح لابنته بلعب كرة القدم لا يدخل الجنة ورب الكعبة
Author: ABDALLAH ABDALLAH
Date: 12-31-2011, 06:37 AM
Parent: #28
Quote:
عبد الله اخوى صباح الخير ..
اخونا عماد برضو وضع ليك العذر فى احتمالية الخطأ فى الكتابة وبى كدة كان منطقى ومعقول جدا فى رده عليك وكان الباقى عليك تعتذر عن الخطا بدلا من المكابرة .. ياخى عملت خطأ كبير وكان ممكن واحد يقرأ كلامك ويقتنع بان صياغتك للحديث صحيحة وممكن كان تتنقل على كدة لكن اخونا عماد جزاه الله خيرا صحح هذا الخطا فكان الاوجب ان تعتذر اولا ثم ترد عليه الرد المنطقى اللى يخلينا نحن المتابعين ديل نتعلم منكم حاجة. |
عابدون محمد عابدون
تحيتى لك السلام عليكم
لا أريد أن يخرج هذا البوست عن مساره
تداخلت مبدئ وجهة نظرى وأدعمتها بما معناه من جزء من ذلك الحديث الشريف ولا أعتقد
أنى أرتكبت خطاً فى النص الذى أحفظه.
وما يقوم به عماد حسين ليس تصحيحاً وإنما مواصلة صراع بين الصوفيه والوهابيه.
واحيلك الى تعليق الحبيب تبارك شيخ الدين حول هذه النقطه والذى أعتبره رداً شافياً
على الوهابى عماد حسين
| Quote: انا جايي بس داير عماد حسين يشرح لينا الحديث بالعامي باعتبار انو "يتألى" يعني "يحلف" ... هو زول قال "والله لا يغفر الله لفلان" والله قال ليهو "فإني غفرت لفلان واحبطت عملك" ... جايي انت تدافع عنو - بعد ما الله احبط عملو - بالحذلقة اللغوية بتاعة "السلف الطالح"؟ لو عندك تأويل وهابي لا يأتيه الباطل بين يديه ولا من خلفه تعال قولو لينا هنا بالدارجية الفصحى |
_____________________________________________
شايف عماد حسين
بحاول يوجد مبررات لكلام الإمام.
المعذره لصاحب البوست , مع تحياتنا.
|
Post: #30
Title: Re: من سمح لابنته بلعب كرة القدم لا يدخل الجنة ورب الكعبة
Author: محمد عبد الماجد الصايم
Date: 12-31-2011, 07:41 AM
Parent: #29
غايتو الإمام وقصي بالغوا!!
|
Post: #31
Title: Re: من سمح لابنته بلعب كرة القدم لا يدخل الجنة ورب الكعبة
Author: ismeil abbas
Date: 12-31-2011, 08:23 AM
Parent: #30
أخى زهير لك التحية..
وماذا عن السباحة؟أسأل لينا الشيخ؟
Quote:
Quote: لا يدخل الجنة (ورب الكعبة)
|
إذا كان الشيخ قسم برب الكعبة فلايجوز أن يقسم بمثل هذا القسم وهو أصلآ متجاوز
والجنة ندخلها برحمة الله لا بأعمالنا نسأل الله الستر والعافية.
|
Post: #33
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-31-2011, 11:24 AM
Parent: #31
Quote: عبد الله اخوى صباح الخير ..
اخونا عماد برضو وضع ليك العذر فى احتمالية الخطأ فى الكتابة وبى كدة كان منطقى ومعقول جدا فى رده عليك وكان الباقى عليك تعتذر عن الخطا بدلا من المكابرة .. ياخى عملت خطأ كبير وكان ممكن واحد يقرأ كلامك ويقتنع بان صياغتك للحديث صحيحة وممكن كان تتنقل على كدة لكن اخونا عماد جزاه الله خيرا صحح هذا الخطا فكان الاوجب ان تعتذر اولا ثم ترد عليه الرد المنطقى اللى يخلينا نحن المتابعين ديل نتعلم منكم حاجة. |
الأخ عابدون شكراً لتعقيبك الذي لامس وتر الحقيقة
أكرمك الله في الدارين
|
Post: #32
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-31-2011, 11:22 AM
Parent: #27
Quote: يا عماد حسين الوهابى
عينك فى الفيل تطعن فى ضله
غاض الطرف عن الشخص المشرف على إدخال الناس الجنه وجيت ساكى مداخلتى
والا عايز تورينا انه أخونا بكرى مد ليك الكوته ؟ |
عبدالله
يمكنك أن تختار احدى الاجابتين
شوف البتريحك فيهن ياتو اجابة
|
Post: #34
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-31-2011, 11:30 AM
Parent: #32
لا زلت في لب البوست والموضوع الأساسي
وبانتظار الأخ الفاضل/ زهير الزناتي
وعسى المانع خير
|
Post: #35
Title: Re: من سمح لابنته بلعب كرة القدم لا يدخل الجنة ورب الكعبة
Author: ABDALLAH ABDALLAH
Date: 12-31-2011, 02:21 PM
Parent: #34
Quote: لا زلت في لب البوست والموضوع الأساسي
|
عماد حسين
أنت لست فى لب الموضوع للحوار ولكنك هنا لبث الكراهيه بين المعتقدات , وبث الكراهيه بين المعتقدات الدينيه
تعتبر جريمه بنص القانون هنا فى أميركا والتى يصدر منها هذا البورد.
كذلك أنت تناصر هذا الإمام فى قسَمِهِ بمن يدخل الجنه . ورب العزه يقول :-
( والذين إذا فعلوا فاحشةً أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله
ولم يصروا على ما فعلوا وهم يعلمون.
أولئك جزاؤهم مغفرةٌ من ربهم وجناتٌ تجرى من تحتها الأنهار خالدين فيها ونعم أجر العاملين.)
صدق الله العظيم .
Quote: Quote: يا عماد حسين الوهابى
عينك فى الفيل تطعن فى ضله
غاض الطرف عن الشخص المشرف على إدخال الناس الجنه وجيت ساكى مداخلتى
والا عايز تورينا انه أخونا بكرى مد ليك الكوته ؟
عبدالله
يمكنك أن تختار احدى الاجابتين
شوف البتريحك فيهن ياتو اجابة |
ليس هنالك راحه فى كلا الإجابتين إنما يدلان عن سوء الخلق , وليس بمستغرب أن تصدر ممن يبنون
مسجد الضرار
كونك تغض الطرف فلا تريد قول الحقيقه فى كيف يكون الدخول للجنه
والحقيقه قالها الأخ إسماعيل عباس
Quote:
إذا كان الشيخ قسم برب الكعبة فلايجوز أن يقسم بمثل هذا القسم وهو أصلآ متجاوز
والجنة ندخلها برحمة الله لا بأعمالنا نسأل الله الستر والعافية. |
Quote:
أما بخصوص مد الكوته من الأخ بكرى ما سألت نفسك ليه تقلَصت فى الماضى
وليه ما واضع إحتمال أنه ممكن يشيلوها منك نهائياً ؟
أنت مش عارف البورد دا يعمل وفق القوانين الأمريكيه وأن كل حرف بيكتب فيه
خاضع للفحص والتدقيق؟
وما تكتبه إثاره للكراهيه بين الأديان يعتبر جريمه وفق القوانين الأمركيه؟!
Quote: عبد الله اخوى صباح الخير ..
اخونا عماد برضو وضع ليك العذر فى احتمالية الخطأ فى الكتابة وبى كدة كان منطقى ومعقول جدا فى رده عليك وكان الباقى عليك تعتذر عن الخطا بدلا من المكابرة .. ياخى عملت خطأ كبير وكان ممكن واحد يقرأ كلامك ويقتنع بان صياغتك للحديث صحيحة وممكن كان تتنقل على كدة لكن اخونا عماد جزاه الله خيرا صحح هذا الخطا فكان الاوجب ان تعتذر اولا ثم ترد عليه الرد المنطقى اللى يخلينا نحن المتابعين ديل نتعلم منكم حاجة.
الأخ عابدون شكراً لتعقيبك الذي لامس وتر الحقيقة
|
وتر حقيقه شنو اللآمسها الأخ عابدون
بس عشان ناصرك علىَ فى فكرك الوهابى المتطرف والذى يؤلب على الكراهيه والبغضاء؟
التحيه للأخ زهير
وأعذرنا إحتلالنا لبوستك.
|
Post: #36
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-31-2011, 02:25 PM
Parent: #35
ABDALLAH ABDALLAH
شفتا مداخلتك..
|
Post: #37
Title: Re: من سمح لابنته بلعب كرة القدم لا يدخل الجنة ورب الكعبة
Author: ABDALLAH ABDALLAH
Date: 12-31-2011, 02:48 PM
Parent: #36
Quote:
ABDALLAH ABDALLAH
شفتا مداخلتك.. |
الأخ عماد
وشخصيَاً كتبتها عشان تشوفها
وبقولك الأخ , عشان بطبعى جُبِلت بأن أُخاطب الناس بإحترام
لكنكم دفعتونى دفعاً لأنهج مسلك غير محبب الى نفسى بتاتاً.
_____________________
والتحيه مرةً أُخرى للأخ زهيرز
|
Post: #39
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-31-2011, 03:26 PM
Parent: #37
ولا زلت بانتظار الأخ زهير الزناتي
|
Post: #56
Title: Re: من سمح لابنته بلعب كرة القدم لا يدخل الجنة ورب الكعبة
Author: قصي مجدي سليم
Date: 01-04-2012, 12:36 PM
Parent: #21
طيب وإذا عدلت ليك العبارة شوية ممكن تعدل لينا حكم التكفير شوية.. يعني مثلا
خلي بالك الزول ده (عامل فيها) ود الله البكر..
اها كده كيف.
يامولانا
|
Post: #38
Title: Re: من سمح لابنته بلعب كرة القدم لا يدخل الجنة ورب الكعبة
Author: وائل فاروق
Date: 12-31-2011, 03:22 PM
Parent: #8
الاخ طه جعفر
الرجاء سحب المداخلة عن والد الشيخ فهو رجل يبلغ من العمر ٩٤ عاما و لا دخل له بما قال إبنه
شكرا
|
Post: #40
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-31-2011, 03:56 PM
Parent: #38
Quote: الاخ طه جعفر
الرجاء سحب المداخلة عن والد الشيخ فهو رجل يبلغ من العمر ٩٤ عاما و لا دخل له بما قال إبنه
شكرا |
عادي يا وائل فاروق
... ده ياهو ده حال كتيرين هنا
مش نضال ضد الكيزان.. يسب أبوهو وامو زاتو
أم كوز وأبو كوز.. المشكلة شنو يعني؟!
على قول قيقراوي: المافي شنو؟!
|
Post: #41
Title: Re: من سمح لابنته بلعب كرة القدم لا يدخل الجنة ورب الكعبة
Author: ABDALLAH ABDALLAH
Date: 12-31-2011, 04:23 PM
Parent: #40
أرجو ألاَ ينحرف البوست عن مساره
ومساره هذا القسم : -
| Quote: لا يدخل الجنة (ورب الكعبة) |
وردنا نحن كمعارضين لهذا التوجه بأخذ الحق الإلاهى عبَر عنه الأخ إسماعيل عباس
بالآتى :-
Quote: إذا كان الشيخ قسم برب الكعبة فلايجوز أن يقسم بمثل هذا القسم وهو أصلآ متجاوز
والجنة ندخلها برحمة الله لا بأعمالنا نسأل الله الستر والعافية. |
وعبرث عنه بهذه الآيات الكريمات
Quote: ورب العزه يقول :-
( والذين إذا فعلوا فاحشةً أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله
ولم يصروا على ما فعلوا وهم يعلمون.
أولئك جزاؤهم مغفرةٌ من ربهم وجناتٌ تجرى من تحتها الأنهار خالدين فيها ونعم أجر العاملين.)
صدق الله العظيم .
|
هاتو أنتم برهانكم.
|
Post: #42
Title: Re: من سمح لابنته بلعب كرة القدم لا يدخل الجنة ورب الكعبة
Author: محمد عبدالرحمن محمد
Date: 12-31-2011, 05:48 PM
Parent: #41
Quote: ... ده ياهو ده حال كتيرين هنا
مش نضال ضد الكيزان.. يسب أبوهو وامو زاتو
أم كوز وأبو كوز.. المشكلة شنو يعني؟!
على قول قيقراوي: المافي شنو؟! |
أها يا عماد،
رايك شنو في ده
Quote: ولكن لأنهم ماجاءوا الا للمناكفة استمروا فى صج اذاننا بلغة الشوارع التى رضعوها من اثداء امهاتهم واكيد ان لهم امهات وعليهن ان يعتذرن للشعب عن انجابهن لهم. ’
|
|
Post: #43
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 12-31-2011, 08:22 PM
Parent: #42
Quote: أها يا عماد،
رايك شنو في ده |
الاخ/ محمد عبدالرحمن محمد
لا أدري عمن نقلت كلامك هذا
لكن كموقف مبدئي: أيا كان القائل، فهو سلوك مرفوض البتة
تحياتي
|
Post: #44
Title: Re: من سمح لابنته بلعب كرة القدم لا يدخل الجنة ورب الكعبة
Author: تبارك شيخ الدين جبريل
Date: 01-01-2012, 00:02 AM
Parent: #43
Quote: الاخ/ محمد عبدالرحمن محمد
لا أدري عمن نقلت كلامك هذا
لكن كموقف مبدئي: أيا كان القائل، فهو سلوك مرفوض البتة
تحياتي |
مرفوض شنو ها؟ ... خلّي الطابق مستور ... نرجع لى موضوع البوست .... رايك شنو في الإمام والفسوى بتاعتو؟
(السين خطأ غير مطبعي .... ومزهّجني جداً جداً)
... المهم ....
|
Post: #45
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 01-01-2012, 06:35 AM
Parent: #44
|
Post: #46
Title: Re: من سمح لابنته بلعب كرة القدم لا يدخل الجنة ورب الكعبة
Author: زهير الزناتي
Date: 01-01-2012, 07:12 AM
Parent: #45
يا عماد كل عام وانت بخير
معليش كنت مشغول بميزانية آخر العام ... ولسه مشغول ... لكن جيتك ومرحب بيك ....
|
Post: #47
Title: Re: من سمح لابنته بلعب كرة القدم لا يدخل الجنة ورب الكعبة
Author: عماد حسين
Date: 01-01-2012, 07:21 AM
Parent: #46
Quote: يا عماد كل عام وانت بخير
معليش كنت مشغول بميزانية آخر العام ... ولسه مشغول ... لكن جيتك ومرحب بيك .... |
حبابك يا زهير
ربنا يعينك على "وجع الراس" بتاع الحسابات
وفي غيابك.. أرجو أن تستصحب إقراري الشخصي: في حال وجود أي تجاوز شرعي من هذا
القائل ستجدني معك بلا ريب، فالحق أحب إلينا
وأحسب كذلك أن الحق أحب إليك
غيب وتعال.. وستجدني منتظرك بإذن الله تعالى
بالتوفيق
|
Post: #48
Title: Re: من سمح لابنته بلعب كرة القدم لا يدخل الجنة ورب الكعبة
Author: هاشم نوريت
Date: 01-01-2012, 04:03 PM
Parent: #47
قال تعالى
ولو كنت فظا غليظ القلب لانفضوا من حولك
صدق الله العظيم
الله هونينى
|
Post: #49
Title: Re: من سمح لابنته بلعب كرة القدم لا يدخل الجنة ورب الكعبة
Author: محمد عبدالرحمن محمد
Date: 01-01-2012, 04:33 PM
Parent: #47
| Quote: لا أدري عمن نقلت كلامك هذا |
نقلتو من عضو في المنبر ده
قالوا، الله يكفينا شر قالوا
إنو بروفيسر، شيخ وحجة إسلام
ودا ما المهم في مداخلتي يا عماد ياخي
قصدي مااا أظنو غِباك
| Quote: لكن كموقف مبدئي: أيا كان القائل، فهو سلوك مرفوض البتة |
لا شكر على واجب
وعليكم السلام
|
Post: #50
Title: Re: من سمح لابنته بلعب كرة القدم لا يدخل الجنة ورب الكعبة
Author: Abureesh
Date: 01-01-2012, 06:27 PM
Parent: #49
هذا الرجل اما يكون مريضا ندعو له بالشفاء ليس الا
او يكون غواصة لتشويه الاسلام عمدا
زمان سمعت واحد فقيه يقول لبس البنطلون للمرأة حرام لانه يحك اماكن حساسة فيستثير شهوتها
فتأمل
يعنى الواحدة تلبس بنطلون وتجرى الشارع تفابض الرجال.. لو شركة الفياقرا عرفت خواص البنطلون دى
كان عبوه فى قزاز وباعوه حبوب.
من اين جاء هؤلاء؟
.
|
Post: #51
Title: Re: من سمح لابنته بلعب كرة القدم لا يدخل الجنة ورب الكعبة
Author: عبدالله محمد احمد بلة
Date: 01-01-2012, 07:58 PM
Parent: #50
Quote:
.ذهب رجل يوما الى الامام الحسن البصرى وسأله :
يا امام هل الحجاج الثقفى فى الجنة ام فى النار ؟
فقال الحسن :
لا ادرى يا بنى فإن رحمة الله واسعة
فذهب السائل الى مجاهد فسأله نفس السؤال فرد بنفس الرد
فذهب الى الامام ابن سيرين والذى كان فى مجلسه واحد الجالسين يستفتيه عن حلم رآه وظن انه اثم بسبب رؤيته لذلك الحلم .. وكان الحلم انه دخل بزوجة جاره فى الحلم طبعا فسلم السائل وسأل سؤاله فرد الامام : لمن ذهبت قبلى ؟
فقال : للحسن ومجاهد
فقال : وبما كان ردهم ؟
فقال : ردوا بأن رحمة الله واسعة
فالتفت الامام ابن سيرين لمن امامه وقال له :
اذهب فلو دخل الحجاج الجنة فلن يضرك الدخول بحليلة جارك !
|
|
Post: #52
Title: Re: من سمح لابنته بلعب كرة القدم لا يدخل الجنة ورب الكعبة
Author: تبارك شيخ الدين جبريل
Date: 01-01-2012, 08:39 PM
Parent: #51
عشان كدا "الحجاج" ورهطه ... نقيّم تاريخهم في هذه الدنيا - وبالمعايير الواردة في القرآن - ونفتي (نفتي فعلاً ولا نفرض تشريع أو نقترح تشريع!) بأنهم طاغوت وأنهم كفروا كفراً بائناً بدلالة أفعالهم الموثقة في التاريخ ... وهذه الفتوى بكفرهم ليست "فسوى شرعية بردتهم" ... فقد آن لنا ضبط المصطلحات الدينية والألفاظ اللغوية والتوقف عن تحريف الكلم عن مواضعه ومعانيه ... فالكافر كافر والمؤمن مؤمن والحساب عند المطّلع على مافي الصدور الغفور الرحيم ... فمسألة الرأي هذه مصدرها الحكم على الأحياء والأشياء بما أنزل الله من حكمة وفرقان ... واحتكامهم لـ"شروط وموانع شرعية" في تكفير الناس، وهذه الشروط مفتراة وليست منزلة، انما هو "احتكام شرعي طاغوتي" ليس فيه سوى الكفر وعدم الحكم بما أنزل الله ....
الزوغان من الإجابة الصريحة على السؤال الصريح سيستمر ما داموا في طغيانهم يعمهون .... فالسؤال:
ما رأيكم بهذا الإمام وهذه الفسوى بعدم دخول آباء لاعبات كرة القدم الجنة؟ وما رأيكم بهذا الإمام "يتأله" ويحدد من يدخل الجنة ومن لا يدخل؛ ثم "يتألى" فيقسم على كلامه برب الكعبة ... في رأينا أنه يجب عدم اتباعه وعدم تمكينه من مايكروفونات المساجد ... ونسأل الله أن يعيده لصوابه ويغفر له هذا التجنّى على الله وعلى أمة المسلمين وعلى نفسه وهو لا يشعر ... وليس لدينا عنده حقوق دينية نطلبها أو نطالب بها فهو حرّ فيما يعتقد ... ولكن أيّ محاولة لاستخدام أيّ سلطة من أيّ نوع لفرض خطرفاته هذه على مواطن سوداني؛ سننبري له بالعنف المّادي ونعتدي عليه بمثل ما يعتدي على حقوق المواطن ونقاتله بما نستطيع اعداده من قوة حتى يفيء الى حرية عقائد الناس فلا يبغي عليها مرةً أخرى ... لا بادّعاء أن عنده مفاتيح الجنة ولا بادّعاء انه يوحى إليه وإلى سلفه الطالح وآباءه الأولين ...
... المهم ....
|
Post: #53
Title: Re: من سمح لابنته بلعب كرة القدم لا يدخل الجنة ورب الكعبة
Author: سيف النصر محي الدين
Date: 01-01-2012, 08:57 PM
Parent: #52
Quote: ولكن أيّ محاولة لاستخدام أيّ سلطة من أيّ نوع لفرض خطرفاته هذه على مواطن سوداني؛ سننبري له بالعنف المّادي ونعتدي عليه بمثل ما يعتدي
على حقوق المواطن ونقاتله بما نستطيع اعداده من قوة حتى يفيء الى حرية عقائد الناس فلا يبغي عليها مرةً أخرى ... لا بادّعاء أن عنده مفاتيح الجنة ولا بادّعاء انه يوحى إليه |
Amen,bro
|
Post: #54
Title: Re: من سمح لابنته بلعب كرة القدم لا يدخل الجنة ورب الكعبة
Author: ABDALLAH ABDALLAH
Date: 01-01-2012, 10:02 PM
Parent: #53
Quote:
الزوغان من الإجابة الصريحة على السؤال الصريح سيستمر ما داموا في طغيانهم يعمهون .... فالسؤال:
ما رأيكم بهذا الإمام وهذه الفسوى بعدم دخول آباء لاعبات كرة القدم الجنة؟ وما رأيكم بهذا الإمام "يتأله" ويحدد من يدخل الجنة ومن لا يدخل؛ ثم "يتألى" فيقسم على كلامه برب الكعبة ... في رأينا أنه يجب عدم اتباعه وعدم تمكينه من مايكروفونات المساجد ... ونسأل الله أن يعيده لصوابه ويغفر له هذا التجنّى على الله وعلى أمة المسلمين وعلى نفسه وهو لا يشعر ... وليس لدينا عنده حقوق دينية نطلبها أو نطالب بها فهو حرّ فيما يعتقد ... ولكن أيّ محاولة لاستخدام أيّ سلطة من أيّ نوع لفرض خطرفاته هذه على مواطن سوداني؛ سننبري له بالعنف المّادي ونعتدي عليه بمثل ما يعتدي على حقوق المواطن ونقاتله بما نستطيع اعداده من قوة حتى يفيء الى حرية عقائد الناس فلا يبغي عليها مرةً أخرى ... لا بادّعاء أن عنده مفاتيح الجنة ولا بادّعاء انه يوحى إليه وإلى سلفه الطالح وآباءه الأولين ...
|
شكراً تبارك
لكن ما بال الذين يساندون هذا الإمام فى فكرته؟
أراهم يحاولون إيجاد المبرِرات!!!
|
Post: #55
Title: Re: من سمح لابنته بلعب كرة القدم لا يدخل الجنة ورب الكعبة
Author: قيقراوي
Date: 01-02-2012, 10:20 PM
Parent: #54
كدي يا اخوانا فكونا من جنة الزول دا .. جنا سيدا هو الدايرا منو!؟
خلونا في نارو دي ..
Quote:
بعدين ناس الكورة ديل حركات "الفراش" دي شنو القاعدين يعملوها في الميدان؟
تعالوا افتوا لينا يا خليل و وليد عبد اللطيف.
|
المعنى يعني الرجال البلعبوا الكورة زمنم دا كلو بعملوا حركات بتاعة فراش و هم ما جايبين خبر ولّ كيف!؟
الناس دي قاعد تفكر اول .. ولّ بتشوت كلاما دا برا فهم!؟
|
Post: #57
Title: Re: من سمح لابنته بلعب كرة القدم لا يدخل الجنة ورب الكعبة
Author: زهير الزناتي
Date: 01-05-2012, 06:23 AM
Parent: #55
|
|