Post: #1
Title: يعني ما زمان شديد زمان شوية كدا
Author: اساسي
Date: 12-29-2011, 10:49 AM
Parent: #0
عندما يأتي المراهق او المراهقة او الشاب و الشابة بمجلة " سمر" او رواية "عبير" الي البيت غالبا ما كان يتحرج جدا امام اهل البيت ويحاول يقراها بالدس ويجتهد في اخفائها عن زويه ناس امه وابوه وخيلانه واعمامه ,,الخ هذا كان حتى ثمانينات القرن الفائت منذ التزعينات الامر اختلف جدا واصبح من العادي جدا ان تجد جميع اهل الدار من المراهق الذي يخفي مجلته سمر الي الجد الذي يكثر الحديث عن معاصرته للانجليز وشهوده الاستقلال , مرورا بالاب والام المُخفى عنهم المجلة قبل سنوات قليلة تجدهم جميعا متحلقين حول التلفاز يشاهدون المسلسل المكسيكي بدون تحرج والذي يذخر باكثر مما كان في مجلة سمر او رواية عبير للجيب وامتد الامر الان بعد ظهور المسلسلات التركية والتي كما قال عمر الفاروغ انه عندما يتصل علي ناس بيتهم وقت المسلسل التركي يقوم الجميع ياختصاره حتي والدته التي تكلفته في الكلام بغية اللحاق بالمسلسل شنو الجد علي المخدة !!
|
Post: #2
Title: Re: يعني ما زمان شديد زمان شوية كدا
Author: Ridhaa
Date: 12-29-2011, 11:01 AM
Parent: #1
حبينا نقول سلام ...
|
Post: #3
Title: Re: يعني ما زمان شديد زمان شوية كدا
Author: قلقو
Date: 12-29-2011, 11:25 AM
حبيبنا الأساسى,
انت حدك بس كان (الصبيان) و(ود النمير) الموديك لى (سمر) شنو ؟ لأنو فى الفترة الكانت فيها مجلة (سمر) طالعة فى الكفر , انت كنت مبرم شنباتك وماشى .
(سمر) دى خليها لينا.
|
Post: #4
Title: Re: يعني ما زمان شديد زمان شوية كدا
Author: فيصل محمد خليل
Date: 12-29-2011, 12:20 PM
Parent: #3
دينااااااااااك
دي كانت في زمن ناس ابوي يا قلقو
|
Post: #5
Title: Re: يعني ما زمان شديد زمان شوية كدا
Author: قلقو
Date: 12-29-2011, 12:47 PM
Parent: #4
| Quote: دي كانت في زمن ناس ابوي يا قلقو |
نعم يافيصل , ماأصلو والدك الله يرحمو واساسى الفرق بيناتم كان سنة كان سنتين ما أكتر من كدة .
|
Post: #6
Title: Re: يعني ما زمان شديد زمان شوية كدا
Author: waleed dawash
Date: 12-29-2011, 03:30 PM
Parent: #5
تعرف يا اساسي في الزمن البعيد داك(بابا) جاب لينا (فيديو) ومعاه بعض الافلام وفيها
بعض المشاهد (الكنا بنتضاير منها زمان) وبما اني كنت مسؤل من الفيديو وبعد كم مشاهده
كده للافلام دي حفظت ليك وين محل اللقطات ال غير مغوب فيها في وجود البنات...
بقيت زي العسكري كل مايقرب محل لقطه ماتمام اجر الشريظ لقدام .
|
Post: #7
Title: Re: يعني ما زمان شديد زمان شوية كدا
Author: ABUHUSSEIN
Date: 12-29-2011, 08:08 PM
Parent: #6
| Quote: تعرف يا اساسي في الزمن البعيد داك(بابا) |
إبداع و الله يا إبن عمي....
أخبارك و أخبار المدام و محمد و رُدينة
|
Post: #8
Title: Re: يعني ما زمان شديد زمان شوية كدا
Author: waleed dawash
Date: 12-30-2011, 01:36 AM
Parent: #7
| Quote: إبداع و الله يا إبن عمي.... |
نعمل شنو ؟ قلنا الود اساسي ده نحشش عليه شويه..
ـــــــــــــــــــــــــــــــــــــــــــــــــــــــــــــــــــــــــــــــــــــــــ
الحمد لله كلهم تمام ...لكن ولدك ده هراني بنكت المساطيل..
تحياتنا ليهم جميعا...
|
|