كرسي متحرك ..

بحوزتي كرسي متحرك ..

من فاعل خير .. رسلوا لي واستلمته امس من جمارك مطار الخرطوم ..


أود ان يكون ملك لمريض او معوق ..


يلا منتظراكم .. و التوصيل علي ..


وسنة جديدة وحلوة علي الكل ..




تلفوني :0912884384

العزيزة بت حيمورة

تحياتي وكل سنه وأنت طيبه جعل الله هذا الامر في ميزان حسناتك
لك كل الود

تمام التمام ..

وكان الكرسي من نصيب الاتصال الأول .. وبمعرفة شخصية لزميل في المنبر ...


وجزاكم الله خير لسرعة الاستجابة ..


وحقوا نخلي البوست دا مفتوح للكراسي ..

يعني العندو كرسي بفتش ليه لي زول

والعكس العندو زول عايز ليهو كرسي


وان شاء الله خيرا

--
دي صورة الكرسي (الأول) نقول ..

زهير ..

ازيك ياخ طولنا منك ..

وانت طيب والسنة الجاية ربنا يحقق الاماني وتكون عريس الموسم وقيدومة الحنة على وفي بيتي اها كمان ..


تسلم والله .. وجمعاً

انعام كيفينك

ويختي في ميزان حسناتك.

وما تشوفي شر في حياتك,وربنا يعدله عليك وين ما تقبلي.

ويديك الفي مراضك قولي آمين.

العزيزة تراجي ..

الحمد لله .. وانتي كيفك ..

وفي ميزان حسنات الجميع وخاصة فاعل الخير الذي ارسل الكرسي

دوما بقول انا وسيط بس ..

ربنا يسمع منك ويعدلنا علينا اجمعين يارب

اللهم آمين تسلمي

ما قصرتي يا انعام

تعالي لي بي برة

تسلمي يا شبكة

والله بجي طوالي ما بلقاك انتي الغاتسة وين ياح

ازيك ياخ

اهلا ياخ

ابو صلعة مشتاقين شديد ..

إنعام وهلا بي الانعام ( من المنعّم )
لانو خايف من ناس فسيل خليل وشيقوق العربيهم صفر ديل
يقروها شئ تاني
سدد الله خُطاك وانت تسلكين في طريق عمل الخير ربنا يجعله
في ميزان حسناتك
تحياتي ومودتي مشتاقين
كيف الكركار والكرور والكركبة

ربنا يجزيك كل خير يا إنعام و يمن عليك من كرمه في الدارين أنت و كل فاعل خير.
سلامي و تحياتي لك و للأسرة.

الحمدلله الذي بنعمته تتم الصالحات
جعله الله في ميزان حسناتكم

سعد الدين

الحمد لله كثيرا

وربنا يجعله في ميزان حسنات الجميع يارب

تسلمي يا انعام وفي ميزان حسناتك
تحياتي ومودتي

انعام
مجموعة من شبابنا هنا جاهزين لمثل هذه المبادرات
رحم الله ( دعوة لتبني شي ما ) ، راحت شمار في مرقة مع اقتراحات مثل "توحيد قنوات فِعل الخير "
رهن الإشارة يا انعام ولتذهب دعوات التوحيد إلى حيث تذهب
جاهزين يا انعام وعليكـ الله شغل زي ده ما حقكـ براكـ
قو أهد ،
أكتبي وصاياكـ وستجدين حولكـ من يهتف " أنا آخوكـ يا إنعام ، أبشري "

السلام عليكم ورحمة الله وبركاته

جزاك الله خيرا الاخت انعام حيموره وفاعل الخير وفى ميزان حسناتكم

وياريت تتوسع الفكره بحيث تشمل اجهذه الضغط والسكرى لانها مابتكلف كثير

فى دول اوربا يعنى لو اى واحد/ه جايين فى اجازه وجابو معاهم جهاذ ولا اتنين حتحل مشاكل كثيره

وبارك الله فيكم

وفى امان الله

لا اله الا الله

بنت الاحفاد .. مشتاقين شديد
وحمد لله على السلامة بركة الظهرتي

وانا على استعداد تام لتوسع الفكرة .. بشأن الاجهزة



وشكرا لانك دوما نصيرة الخير

مودتي

عماد حسين

نسلم يارب وفي ميزان حسنات الجميع

اخوي عمران ..

كيفك وكل سنة وانتو طيبيين

حقيقة يا عمران الحمد لله لم اقف لحظة وكل ما سنحت الفرصة لفعل شي اكون من الفاعلين ..

و فعل الخير اكيد ما بقتصر على المنبر دي كلها حاجات مسطرة ومقدرة ..

اعمل تماماً انك رهن الاشارة انت والشباب وتأكد اذا قابلني شي يلزم لفعلت (هههه)

وربنا يبشرك بالخير دوما يارب

تحياتي للشباب المعاك ..

وان شاء الله اذا في اي شي سأتصل بكم

حمزة الكوبي .. بركة بالشوفة ياخ

وفي ميزان حسنات الجميع يارب

تسلم وشكرا ليك

الاخ العوض ..

ويكرمك ويكرم الكل يارب العالمين

الله يسلمك من كلا بلاء يارب

شكرا ليك كتير

خالد يا منسي

كيفك كل عام وانت بخير

اها خلاص رجعت لي بلدك بعد ما اتسللت

ربنا يكتب السلامة

تسلمي يا بنت الكرام

جعله الله في ميزان حسناتك

جزاكى الله خير اختى انعام
واكثر الله من امثالك

الاخت رانية

تسلمي يارب وشكرا ليك

السلام عليكم ورحمة الله وبركاته

هذاالبوست لابد ان يبقى عاليا للمذيد من عمل الخير


وفى امان الله

لا اله الا الله

سلام اخت انعام
جزاك الله خير وفي ميزان حسناتك
وياريت لو كل شخص يقدر يستطيع مساعدة محتاج او عندو مالايحتاجه دعم به محتاجا
بوركتي
تخريمة

Quote: انعام حيمورة تاريخ التسجيل: 29-06-2006 Re: كرسي متحرك .. (Re: saadeldin abdelrahman) سعد الدين الحمد لله كثيرا

انعام وسعد في بوست واحد تذكرونا صاج السمك الاتوسطت ليكم فيه وطلعت انا بي قد القفة
ينفعكم لكن طالبكم واحد تاني

عادل خياري

كيفك ياخ والله ما قصرت معانا وتحياتي لعمار

والله امس كنت في صاج سمك واتذكرتك اها رايك شنو هههههه

ياريت نحقق كل البنتمناهو لكل الناس

تسلم والله

Quote: هذا البوست لابد ان يبقى عاليا للمزيد من عمل الخير

صباح الخير .. بت الاحفاد

انعام يا عسل..ربنا يديك الصحة والعافية ويديمك للمساكين..

البت الحلوة الفي بروفايلك دي منو؟

الاميرة انعام حيمورة

جزاك الله كل خير ،
وكثر من امثالك ،
في فعل الخير ،
ممكن تأخذي الكرسي ،
الي اي مستشفي ،
أو أي مركز طبي ،
ويا حبذا ،
أو الهيئة المسؤلة عن الحج والعمرة ،
حتي تعم الفائدة ،
مع خالص الود ،،،




عزالدين عباس الفحل
ابوظبي

اهلا الاخ عز الدين الفحل

الكرسي الحمد لله مشى لشخص مريض ومحتاج ليهو

المستشفيات والهيئات عندها الناس البدعموها لكن نحن دوما بنستهدف اشخاص ما بكون عندهم المقدرة لتوفر لهم مثل هذه الاشياء

من كرسي واجهزة ضغط وسكري

والبوست فاتح للجانبين للناس الما متوفر ليها حاجة وللناس العندها حاجة وعايزة ليها زول يستعملا ..


وشكرا لدعمك للفكرة .. وياريت نصل مرحلة نقدر نغطي كل المحتاجين .. ونعرج على المستشفيات والهيئات

اووو دكتورتنا الله يخيك ياخ

وكيف الاخ الاخ لاحظي دكتور طارق

والله الحلوة دي (تسنيم عماد الدين حيمورة) بت اخوي معاكم هناك في السعودية ونفس شقاوة عملكم ههههه

موووودتي للعيال

انعام سلامات
ربنا يجزيك كل الخير
وأتمني ان ننطلق من هنا لنشيط تنادينا لنلبي نداء كثيرين يحتاجوننا
من قبل كان احد الزملاء يبحث عن جهاز اوكسجين لوالده لأعتماده علي الاوكسجين بشكل يومي له الرحمة
وكثر هم من يحتاجون الي اشياء قد تكون بين ايدينا ولا نحتاجها وهي قد تكون من فائدة لنا ولكنها بفوائد كثيرة لمن يحتاجونها
عشان كدي يا انعام خلي بوستك ده فاتح زي ديوان شيخ العرب البلقي ليهو حاجة كلو يجي يرميها هنا عشان تمشي للبحتاجها
وياريت بي ده نقدر ندفر تنادينا حبة
لك التحية

اهلا يا دكتور ومرحب بيك كتير .. ونتمنى دعكم المستمر لنا ..

فكرتك كويسة لدعم تنادينا والمهم انو الناس تعمل والعمل ما يقيف ..

اسباب كتيرة ادت الى ركوض العمل في تنادينا من اهمها الاعتماد على شخص واحد(صباحي) لتسيير العمل ..

المهم نتمنى ان تقف تنادينا من تاني على ارجلها لتحقيق اعمال الخير بواسطة المنبر ..

والبوست فااتح لتبني اي عمل فيهو خير للناس ..

تسلم

مكرر

السلام عليكم ورحمة الله وبركاته

تسلمى يانعومه

ولو فى مريض محتاج دواء متوفر فى بريطانيا قولى لى اختك عووك


لو كان فى قدر استطاعتى برسلو ان شاء الله

وفى امان الله

لا اله الا الله

قال رسول الله صلى الله عليه وسلم

من فرج على مسلم كربة من كرب الدنيا فرج الله عنه كربة من كرب يوم القيامه

او كما قال


وفى امان الله

لا اله الا الله

Quote: من فرج على مسلم كربة من كرب الدنيا فرج الله عنه كربة من كرب يوم القيامه

صدق رسول الله

اهلا بت الاحفاد ..

جدا لو في اي زول محتاج لدواء بكلمك طوالي ..

ربنا يجزيك كل خير يانعومة بتى

ويجعله فى ميزان حسناتك

تحياتى

اهلا دكتورة تسلمي يارب

عملت الاتصال اللازم ..

وفي ميزان حسنات الجميع يارب